అష్ట దిక్పాలక స్తుతి - 8 ( ఈశానుడు )
సీ.హిమశైల శిఖరోన్నత మహా వృషభ వాహ
నాధిరోహణుఁడు విశ్వాధినేత
నిరతార్ధగాత్ర సన్నిహిత పర్వతరాజపుత్రీ ద్వితీయానుభూతిరతుడు
కైలాస పర్వతాగ్ర నివాస పరితోషివర వీర గణ వార పరివృతుండు
సర్వ భూతవ్రాత సర్వ విద్యాజాతనిర్ణేత మహిత దృక్కర్ణభూషుఁ
తే.గీ.డిష్ట సఖుఁడు కుబేరుని కిందుధరుఁడు
గగన కేశుఁ డతిస్వచ్ఛ కాంతితనుఁడు
ఈశ్వరుండు మహానటుం డెల్లవేళ
సర్వ సౌఖ్యంబు లిడి మమ్ము సాఁకుఁ గాత.
( ఆజ్ఞాత కవి )
అద్భుతంగా ఉంది మాష్టారూ. "ఈశ్వరుండు మహానటు౦డు" బాగుంది. అజ్ఞాతకవి అంటున్నా, శైలిని బట్టి అష్టదిక్పాలక స్తుతి లోని పద్యాలన్నీ ఒక కవియే వ్రాశారానిపిస్తోంది.
రిప్లయితొలగించండిచంద్రశేఖర్ గారూ,
రిప్లయితొలగించండిమీరన్నది నిజమే. ఆ పద్యాలన్నింటిని వ్రాసిన కవి ఒకడే.