సాయి మంత్రం
షిరిడీపురమే చిన్మయధామం
సాయి నామమే శుభమంత్రం
సాయి నామమే శుభమంత్రం ... శ్రీ
సాయి నామమే శుభమంత్రం || షిరిడీ ||
ఆర్తు లందరికి అభయము నిచ్చి
ఆదరించు సద్గురు మంత్రం ..................... || షిరిడీ ||
భవరోగమ్ముల భరతం పట్టే
వైద్యశిఖామణి ఘనమంత్రం
సాయి నామమే శుభమంత్రం ... శ్రీ
సాయి నామమే శుభమంత్రం || భవ ||
గురువుల గురువై అజ్ఞానమ్మును
తరిమికొట్టు సద్గురుమంత్రం .................... || షిరిడీ ||
అరిషడ్వర్గము లంతముచేసి
ఆదుకొనే తారకమంత్రం
సాయినామమే శుభమంత్రం ... శ్రీ
సాయి నామమే శుభమంత్రం || అరి ||
పాపాలను విచ్ఛిన్నం చేసి
పాలించే పావనమంత్రం .......................... || షిరిడీ ||
సర్వదేవతా స్వరూపుడైన
సాయిని చూపే సన్మంత్రం
సాయి నామమే శుభమంత్రం ... శ్రీ
సాయి నామమే శుభమంత్రం || సర్వ ||
చిత్తశాంతి చేకూర్చి జన్మమును
తరింపజేసే చిన్మంత్రం ........................... || షిరిడీ ||
శ్రీ షిరిడి సాయి గీతాంజలి
రచన - కంది శంకరయ్య
సంగీతం - డా. సంజయ్ కింగి.
గానం - సుభాష్, స్వాతి, బృందం.
ఈ పాటను క్రింది url ద్వారా esnips లో వినండి.
http://www.esnips.com/doc/2dde5bd0-7840-4a24-8ccc-4c0281fd5a34/Sai---Shiridi-purame
శ్రీ శంకరయ్యగారూ
రిప్లయితొలగించండినమస్తే
మీ పాటలను ప్రతిరోజూ వింటునాను
సంగీత సాహిత్యాలు రెండూ మధురంగా ఉన్నాయి.
శ్రీఆదిభట్ల కామేశ్వర శర్మ
నమస్కారములు
రిప్లయితొలగించండిపాటలు చాలా బాగున్నాయి .ఎన్ని సార్లు విన్నా వినాలనే అనిపిస్తోంది .
కామేశ్వర శర్మ గారూ,
రిప్లయితొలగించండిరాజేశ్వరి అక్కయ్యా,
................. ధన్యవాదాలు.