చమత్కార పద్యాలు - 179

                                    ప్రహేళిక

హనుమంతుడు సీతతో అంటున్నాడు ...

సువర్ణస్య సువర్ణస్య
సువర్ణస్య చ జానకి |
ప్రేషితా తవ రామేణ
సువర్ణస్య చ ముద్రికా ||

జానకి = ఓ సీతా!
సువర్ణస్య = చక్కని నామాక్షరములు గలది (చక్కని అక్షరాలు చెక్కబడినది)
సువర్ణస్య = ఎనభై రక్తి గలిగిన పరిమాణం కలది
సువర్ణస్య = మంచి వన్నెగలది (అయిన)
సువర్ణస్య ముద్రికా = బంగారపు ఉంగరము
తవ = నీకు
రామేణ = రాముని చేత
ప్రేషితా = పంపబడ్డది.

(శ్రీ శ్రీభాష్యం విజయసారథి గారు సేకరించిన ‘ప్రహేళికలు’ గ్రంథం నుండి)