ఆస్తిపోగొట్టుకున్నవాడు కోటీశ్వరునిగా పరిగణించబడతాడా?? ధనం చేతనుండి లేదా చెంతనుండి కూడా తిండికి ఇబ్బంది పడ్డాడనికదా సమస్య భావం. మరి ధనం పోగొట్టుకున్న లేదా ధనం చెంతలేని వానిని పూరణకోసం కోటీశ్వరునిగా చెప్పవచ్చునా??. పెద్దలు కాస్త చర్చించండి.
నా పూరణ చూడండి.కోటీశ్వరుడైనా ఒకో సారి దురదృష్టం వలన ఏదో ప్రమాదంలో చిక్కుకొని తాత్కాలికంగా డబ్బు దగ్గర లేక నానా అవస్థలూ పడవచ్చును .ఐనా అతడు కోటీశ్వరుడే కదా .
గోలి హనుమచ్ఛాస్త్రి గారూ, మీ పూరణ బాగుంది. అభినందనలు. ‘పోటు + వచ్చి’ కదా! ‘పోటొచ్చి’ అనడం వ్యావహారికమే. ‘పోటొప్పి/ పోటొనర’ అందామా? * రాజేశ్వరి అక్కయ్యా, చక్కని పూరణలు చెప్పారు. బాగున్నాయి. అభినందనలు. ‘కాటేయని ...’ పూరణలో వెలుచ శబ్దప్రయోగం ప్రశంసనీయం. కాని ఆ పాదంలో గణదోషం. ‘కాటేయని వెలుచం గొ్ని’ అంటే సరి! * లక్కాకుల వెంకట రాజారావు గారూ, మీ మూడు పూరణలూ ప్రశస్తంగా ఉన్నాయి. అభినందనలు. కాకుంటే ‘ఏటికి’ పదప్రయోగమే సందేహాస్పదం. * వసంత కిశోర్ గారూ, మీ ఐదు పూరణలూ ప్రశస్తంగా ఉన్నాయి. అభినందనలు. * శ్రీపతి శాస్త్రి గారూ, చక్కని పూరణ. అభినందనలు. ‘సంపదలు’ అనేది ‘సఒదలు’ అని టైపాటు. ‘చాటెడు’ - చాటడు అయింది. * సంపత్ కుమార్ శాస్త్రి గారూ, మీ పూరణ బాగుంది. అభినందనలు. * వరప్రసాద్ గారూ, సరసమైన పూరణ. అభినందనలు. కోటీశ్వరునికి కృష్ణుడనే పేరెందుకు? ‘కోటీశ్వరుడగు మనుజుడు’ అంటే సరిపోయేది కదా! * గన్నవరపు నరసింహ మూర్తి గారూ, మీ మూడు పూరణలు, గోలి వారి పద్యానికి సవరణ (పేరడీ అంటే బాగుంటుందేమో?) చాలా బాగున్నాయి.. అభినందనలు. * ఆదిభట్ల కామేశ్వర శర్మ గారూ, మీ పూరణ ఉత్తమంగా ఉంది. అభినందనలు. మీ సందేహం సహేతుకమే! * మిస్సన్న గారూ, చమత్కారాన్ని దృష్టిలో పెట్టుకుంటే మీ పూరణ బాగుంది. అభినందనలు. నిజానికి ‘ఇంకోటికి’ నాకు అభ్యంతరకరమే! * ‘కమనీయం’ గారూ, చక్కని పూరణలు చెప్పారు. అభినందనలు. * మందాకిని గారూ, మీ పూరణ బాగుంది. అభినందనలు. * పండిత నేమాని వారూ, లోకకళ్యాణం కోరిన మీ పద్యానికి ధన్యవాదాలు. * ‘శ్యామలీయం’ గారూ, మంచి పూరణ. అభినందనలు. * నిరంజన్ కుమార్ గారూ, పద్యం బాగుంది. అభినందనలు. కాని పూరణయే సందిగ్ధంగ ఉంది.
కోటీశ్వరుడౌ కోటయ
రిప్లయితొలగించండిఏటికి పోటొచ్చి పొంగ నెక్కెను మేడన్
అటు వచ్చు వారు లేకను
కోటికి పడగెత్తికూడ కూటికి వగచెన్.
కోటీశ్వ రుడను నేనని
రిప్లయితొలగించండితాటించ గజగతి నంత దాచిన ధనమున్ !
వాటము గవరద మునిగిన
కోటికి పడగెత్తి కూడ కూటికి వగచెన్ !
ఏటికిరా వ్యామోహము ?
రిప్లయితొలగించండికాటికి వెళ్లక కుదురున? కర్మ వశమునన్
మేటి హరిశ్చంద్ర నృపుడు
కోటికి పడగెత్తి కూడ కూటికి వగచెన్
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
01)
____________________________
పోటీ పడి లూటీలే
గాటముగా జేసినట్టి - గాలి జనార్ధన్
వాటముగా చెఱనే బడి
కోటికి పడగెత్తికూడ - కూటికి వగచెన్ !
____________________________
శ్రీగురుభ్యోనమ:
రిప్లయితొలగించండికాటకమేర్పడినప్పుడు
మూటల సఒపదలు మూల మూల్గిన నేమౌ
చాటడు బియ్యము దొరకక
కోటికి పడగెత్తికూడ కూటికి వగచెన్
హరిశ్చంద్రుడు :
రిప్లయితొలగించండి02)
____________________________
కోటీరము మునికిచ్చెను
మాటను తా నిలుపు కొనగ - మాన ధనుండే !
కాటికి కాపరి యౌటను
కోటికి పడగెత్తికూడ - కూటికి వగచెన్ !
____________________________
పోటెత్తినట్టి రీతిన
రిప్లయితొలగించండిధాటిగ వచ్చెను సునామి, ధైర్యము సడలెన్,
వేటున పోయెను సంపద
కోటికి పడగెత్తి కూడ కూటికి వగచెన్.
ఈ కామెంట్‌ను రచయిత తీసివేశారు.
రిప్లయితొలగించండిపిసినారి ముసలి :
రిప్లయితొలగించండి03)
____________________________
కోటిని తా మార్చెనుగా
హాటకముగ , ముద్ద నంత - హలనే దాచెన్ !
పాటచ్చరుడే దొంగిల
కోటికి పడగెత్తికూడ - కూటికి వగచెన్ !
____________________________
హల = భూమి
పాటచ్చరుడు = దొంగ
గురువు గారికి, శ్రీ పండిత నేమాని గారికి, కవులందరికి ధన్యవాదములు,
రిప్లయితొలగించండియతిస్థానము తెలియక ప్రాసనియమము తప్పినది క్షమించగలరు.
------
కోటీశ్వరుడగు కృష్ణుడు
కాటుక కనులవెలయాలి కవ్వింపులకున్
దీటుగ నోటుల విసరగ
కోటికి పడగెత్తికూడ కూటికి వగచెన్ |
గురువు గారికి, శ్రీ పండిత నేమాని గారికి, కవులందరికి ధన్యవాదములు,
రిప్లయితొలగించండియతిస్థానము తెలియక ప్రాసనియమము తప్పినది క్షమించగలరు.
------
కోటీశ్వరుడగు కృష్ణుడు
కాటుక కనులవెలయాలి కవ్వింపులకున్
దీటుగ నోటుల విసరగ
కోటికి పడగెత్తికూడ కూటికి వగచెన్ |
గూటికి కూడుకి నోచిన
రిప్లయితొలగించండివాటముగా పొలము దున్ను వాడే నయమౌ
ఓటమి పాలై రాజా
కోటికి పడగెత్తి కూడ కూటికి వగచెన్ !
వాటముగఁ బెరిగె రక్తపు
రిప్లయితొలగించండిపోటు, నిషేధమ్ము భక్ష్యములు, మధుమేహం
బాటంకము గల్గించఁగ
కోటిగి పడగెత్తికూడ కూటకి వగచెన్.
పరీక్షిత మహారాజు కి కావలసిన మంచి నీళ్ళు కూడా దొరక లేదు.
రిప్లయితొలగించండిహాటక మొక బూటకమే
నోటికి దిగ బోదు దాని నొసటను గొట్టా !
వేటకు జని నరపాలుడు
కోటికి పడగెత్తి కూడ కూటికి వగచెన్ !
గోలి హనుమచ్ఛాస్త్రి అన్నారు...
రిప్లయితొలగించండికోటీశ్వరుడౌ కోటయ
ఏటికి పోటొచ్చి పొంగ నెక్కెను మేడన్
లేటయిన లంచి రాదే
కోటికి పడగెత్తికూడ కూటికి వగచెన్.
హనుమఛ్ఛాస్త్రి గారికి అన్య దేశ్యములపై మరీ ఛాదస్తము లేదు గాబట్టి యిలా సవరించాను. ఆయన పాపము పనికి వెళ్ళి ఉంటారీ పాటికి.
కవిమిత్రులకు నమస్కారం
రిప్లయితొలగించండినేటి సమస్య నిజంగానే నాకు సమస్య అయి కూర్చుంది.
ఆస్తిపోగొట్టుకున్నవాడు కోటీశ్వరునిగా పరిగణించబడతాడా??
ధనం చేతనుండి లేదా చెంతనుండి కూడా తిండికి ఇబ్బంది పడ్డాడనికదా సమస్య భావం. మరి ధనం పోగొట్టుకున్న లేదా ధనం చెంతలేని వానిని పూరణకోసం కోటీశ్వరునిగా చెప్పవచ్చునా??. పెద్దలు కాస్త చర్చించండి.
పోటెక్కె నెత్తురని మితి
దాటెను మధుమేహమంచు ధరణీశుకు ము
ప్పూటలు పత్యము పెట్టగ
కోటికి పడగెత్తికూడ కూటికి వగచెన్
శంకరార్యులకు కలిగిన ఆలోచనే నాకుకూడా కలగడం గమ్మత్తుగా ఉంది.
రిప్లయితొలగించండినోటం బట్టెను కప్పను
రిప్లయితొలగించండివాటముగా మ్రింగె దాని పట్టగ జారెన్
సూటిగ మరొకటి పామిం-
కోటికి పడగెత్తికూడ కూటికి వగచెన్.
(పెద్దలు ' ఇంకోటికి' ఒప్పుకోరేమో అని సందేహం)
పోటెత్తిన నదిని మునిగి
రిప్లయితొలగించండిపాటులు పడి యొడ్డు చేరె ప్రాణమ్ములతో
చేటయిన వేళ ధనికుడు
కోటికి పడగెత్తి కూడ కూటికి వగచెన్.
నా పూరణ చూడండి.కోటీశ్వరుడైనా ఒకో సారి దురదృష్టం వలన ఏదో ప్రమాదంలో చిక్కుకొని తాత్కాలికంగా డబ్బు దగ్గర లేక నానా అవస్థలూ పడవచ్చును .ఐనా అతడు కోటీశ్వరుడే కదా .
రిప్లయితొలగించండినాటకమాడుచు నొక్కడు
రిప్లయితొలగించండిపూటకు గతిలేనివాని పుత్రుని వోలెన్
మూటలు మోయుచు నయ్యెడ
కోటికి పడగెత్తి కూడ కూటికి వగచెన్.
సినిమాలు, నాటకాల్లో కోట్లు సంపాదించి కూడా బీదవాని పాత్ర ధరించి, నాటకంలో భాగంగా కూటికి వగచుట.
పాటించి తినడు,పెట్టడు
రిప్లయితొలగించండిబోటికి బిడ్డలకు,బెట్టబోడితరుల కిం
కేటికి లోభికి సంపద
కోటికి పడగెత్తి కూడ కూటికి వగచున్
తోటలు, పొలముల నెన్నో
రిప్లయితొలగించండికోటలు గట్టెద ననుచును గొప్పగ దానీ
మాటలు చెప్పుచు నూహల
కోటికి పడగెత్తి కూడ కూటికి వగచెన్.
ఈనాటి సమస్య ఒక మోస్తరుగా నున్నది. వచ్చిన పూరణలు బాగుగానే యున్నవి. అందరకి అభినందనలు. సర్వే జనాస్సుఖినో భవంతు.
రిప్లయితొలగించండికోటీశ్వరులై మనవలె
కూటికి లోపమ్ము లేక గూళ్ళందున ము
మ్మాటికి తృప్తిని గనుచును
సూటిగ జనులెల్ల శాంతి సుఖములు గనుచున్
స్వస్తి.
నా పద్యము చివరలో "శాంతి సుఖముల తోడన్" అంటే సరిపోతుంది. పునరుక్తి దోషము పోతుంది.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండికాటేయని వెలుచ గైకొని
రిప్లయితొలగించండివాటేసితి ముని గళమున ప్రారబ్ధమునన్ !
కాటేసె విధి బలీయము
కోటికి పడగెత్తి కూడా కూటికి వగచేన్ !
----------------------------------------------
కాటుక కన్నుల చిన్నది
వేటాడెను వరుని కొఱకు వేడుక మీరన్ !
మాటల మోసము దెలియక
కోటికి పడగెత్తి కూడా కూటికి వగచెన్ !
లోటెరుగని లోగిలిలో
రిప్లయితొలగించండిపూటకు పూటకును రుచులు పోటెత్తుచు బో
నేటికి మధుమేహముతో
కోటికి పడగెత్తి కూడ కూటికి వగచెన్
దీటైన ప్రతిభ గల్గిన
రిప్లయితొలగించండిమేటి కళాకారు డయ్యు మెచ్చక జనముల్
మాటున బడి మహిత కళా
కోటికి పడగెత్తి కూడ కూటికి వగచెన్
మాటయు మంతీ రాగా
రిప్లయితొలగించండిధాటిగ పాఠమును జెప్ప దారయు పూనెన్
నేటికి రోటీ లనగా
కోటికి పడగెత్తి కూడ కూటికి వగచెన్ !
ఇక్కడ పాఠమంటే గుణపాఠ మని గ్రహింప వలెను.
శంకరార్యుల స్ఫూర్తితో
రిప్లయితొలగించండిమధుమేహబాధితుడు :
04)
____________________________
పోటును ,మేహము పెరిగెను
వంటలలో ఘాటు, తీపి - వలదన వైద్యుల్
లోటే యెరుగని , నేటికి
కోటికి పడగెత్తి కూడ - కూటికి వగచెన్ !
____________________________
మేహము = మధుమేహము
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిమూర్తిగారి స్ఫూర్తితో :
రిప్లయితొలగించండిపరీక్షిత్తు :
05)
____________________________
కోటను విడి యటవికి జని
వేటాడుచు బాట తప్పి - వేసట యగుటన్ !
మాటాడని ముని వాకిట
కోటికి పడగెత్తి కూడ - కూటికి వగచెన్ !
____________________________
చీటికి మాటికి మాటిం
రిప్లయితొలగించండికేటికి నా మాటవినుము కిచిడీ బెట్టన్
నోటుకు చిల్లర తెమ్మన
కోటికి పడగెత్తికూడ కూటికి వగచెన్
గోలి హనుమచ్ఛాస్త్రి గారూ,
రిప్లయితొలగించండిమీ పూరణ బాగుంది. అభినందనలు.
‘పోటు + వచ్చి’ కదా! ‘పోటొచ్చి’ అనడం వ్యావహారికమే. ‘పోటొప్పి/ పోటొనర’ అందామా?
*
రాజేశ్వరి అక్కయ్యా,
చక్కని పూరణలు చెప్పారు. బాగున్నాయి. అభినందనలు.
‘కాటేయని ...’ పూరణలో వెలుచ శబ్దప్రయోగం ప్రశంసనీయం. కాని ఆ పాదంలో గణదోషం. ‘కాటేయని వెలుచం గొ్ని’ అంటే సరి!
*
లక్కాకుల వెంకట రాజారావు గారూ,
మీ మూడు పూరణలూ ప్రశస్తంగా ఉన్నాయి. అభినందనలు.
కాకుంటే ‘ఏటికి’ పదప్రయోగమే సందేహాస్పదం.
*
వసంత కిశోర్ గారూ,
మీ ఐదు పూరణలూ ప్రశస్తంగా ఉన్నాయి. అభినందనలు.
*
శ్రీపతి శాస్త్రి గారూ,
చక్కని పూరణ. అభినందనలు.
‘సంపదలు’ అనేది ‘సఒదలు’ అని టైపాటు. ‘చాటెడు’ - చాటడు అయింది.
*
సంపత్ కుమార్ శాస్త్రి గారూ,
మీ పూరణ బాగుంది. అభినందనలు.
*
వరప్రసాద్ గారూ,
సరసమైన పూరణ. అభినందనలు.
కోటీశ్వరునికి కృష్ణుడనే పేరెందుకు? ‘కోటీశ్వరుడగు మనుజుడు’ అంటే సరిపోయేది కదా!
*
గన్నవరపు నరసింహ మూర్తి గారూ,
మీ మూడు పూరణలు, గోలి వారి పద్యానికి సవరణ (పేరడీ అంటే బాగుంటుందేమో?) చాలా బాగున్నాయి.. అభినందనలు.
*
ఆదిభట్ల కామేశ్వర శర్మ గారూ,
మీ పూరణ ఉత్తమంగా ఉంది. అభినందనలు.
మీ సందేహం సహేతుకమే!
*
మిస్సన్న గారూ,
చమత్కారాన్ని దృష్టిలో పెట్టుకుంటే మీ పూరణ బాగుంది. అభినందనలు.
నిజానికి ‘ఇంకోటికి’ నాకు అభ్యంతరకరమే!
*
‘కమనీయం’ గారూ,
చక్కని పూరణలు చెప్పారు. అభినందనలు.
*
మందాకిని గారూ,
మీ పూరణ బాగుంది. అభినందనలు.
*
పండిత నేమాని వారూ,
లోకకళ్యాణం కోరిన మీ పద్యానికి ధన్యవాదాలు.
*
‘శ్యామలీయం’ గారూ,
మంచి పూరణ. అభినందనలు.
*
నిరంజన్ కుమార్ గారూ,
పద్యం బాగుంది. అభినందనలు.
కాని పూరణయే సందిగ్ధంగ ఉంది.
కోటికి పరుగెత్త దలచి
రిప్లయితొలగించండిపూటకు గతిలేనివారి భూముల కెల్లన్
చేటునుతలపెట్టినొకడు
కోటికి పడగెత్తికూడ కూటికి వగచెన్!!!
నోటులు పాతవి మూటలు
రిప్లయితొలగించండికోటీశ్వర రావు దాచి గూడున నుంచన్
గూటము కొట్టగ మోడీ
కోటికి పడగెత్తికూడ కూటికి వగచెన్
నోటుల మెండుగ నిడుచున్
రిప్లయితొలగించండితోటలు భవనములు కొనుచు తొంబలు తొంబల్
నోటికి కాన్సరు రాగా
కోటికి పడగెత్తికూడ కూటికి వగచెన్