మన్నించాలి. ఆ పద్యము పోతన రచించినది. భాగవతాన్ని రాజులకు అంకితమివ్వకుండా శ్రీరామునికి అంకితమిస్తానని చెప్పే సందర్భములోనిది. పద్యములో కూడా చిన్నమార్పులు........
అయితే పోతన భాగవతం ప్రథమ స్కంధములో ఇమ్మనుజేశ్వరాధములకిచ్చి...... అనే పద్యం కృతిపతి నిర్ణయంలో ఉన్నది. షష్ఠ్యంతములలో కూడా హారికి..... శీలికి.... క్షంతకు.... న్యాయికి ..... అనే పద్యాలు ఉన్నాయి.కానీ బాల రసాల .....పద్యం లేదు. పెద్దలు తెలుపగలరు.
కవిమిత్రులారా, నమస్కృతులు. పూరణలు పంపిన అందరికీ అభినందనలు, ధన్యవాదాలు. సమయాభావం వల్ల ఇప్పుడు మీ పూరణలను పరామర్శించలేక పోతున్నాను. కాసేపట్లో పవర్ కట్! తరువాత సమీక్షిస్తాను. ఆలస్యానికి మన్నించండి
24 వ్యాఖ్యలు:
అల్లసాని పెద్దనార్య మహాకవి
మనుచరిత్ర వ్రాసె మంచన కద (మంచి + అన కద)
కాంచెనది ప్రశస్తి కావ్యరత్నంబుగా
ఘన యశంబు గాంచె కవివరుండు
పూర్వ కాల మందు పుణ్య లోకంబున
జరిగిన కథలు శుభ చరిత గాదె
అట్టి వాటి లోన నా బసవ పురాణ
మనుచరిత్ర కర్త మంచన గద!
బాలరసాలపుష్ప నవపల్లవ కోమల కావ్య కన్యకన్
కూళలకిచ్చి యప్పడుపుకూడు భుజించుటకంటె సత్కవుల్
హాలికులైననేమి మరి యంతకు నాయతి లేనినాడు కౌ
ద్దాలికులైననేమి నిజదార సుతోదర పోషణార్థమై.
ఇది మంచన గారి పద్యము.కేయూర బాహుని చరిత్రమందలిది అని ఒక చోట చదివాను.
కావ్యకన్యనిచ్చి కాన్కలందుకొనగ
నిచ్చగించకుండ నింపుగాను
వ్రాసె ఘనత తోడ రాజుల చారిత్ర
మను చరిత్ర కర్త మంచన గద!
మూడవ పాదం సరిగ్గా లేదు. మన్నించండి.
పునర్దర్శనం వచ్చేవారం.
respected nemani varu! please check 2nd line of the poem
శ్రీ మందాకిని గారూ,
మన్నించాలి. ఆ పద్యము పోతన రచించినది. భాగవతాన్ని రాజులకు అంకితమివ్వకుండా శ్రీరామునికి అంకితమిస్తానని చెప్పే సందర్భములోనిది. పద్యములో కూడా చిన్నమార్పులు........
బాలరసాలసాల నవపల్లవ ..........
హాలికులైననేమి గహనాంతరసీమలకందమూలకౌ.......
అని ఉండాలనుకుంటాను.
అల్లసాని పెద్ద నార్యుండు గద నిల
మనుచరిత్ర కర్త , మంచన గద !
బసవు చరిత వ్రాసి బహుళ ప్ర శ స్థలు
నొందె ధరను మంచి యొజ్జ గాను
అల్లసానివార లద్భుత మైనట్టి
మనుచరిత్ర కర్త, మంచన గద
సరళమైవెలుంగు చక్కని కేయూర
బాహుచరిత కింక భవ్యముగను.
ప్రౌఢకవిపెద్దనార్యుడు, పండితుండు,
మహిత లఖణగ్రంధంబు మనుచరిత్ర
కర్త, మంచనగదఘన కావ్యమైన
బసవ చారిత్రమును వ్రాసి వాసి కెక్కె.
బాలరసాలసాలనవపల్లవ కోమల కావ్యకన్యకం
గూళలకిచ్చి యప్పడుఁపు గూడు భుజించుటకంటె సత్కవుల్
హాలికులైననేమి గహనాంతరసీమలఁ గందమూల కౌ
ద్దాలికులైననేమి నిజ దార సుతోదర పోషణార్థమై.
ఈ పద్యము పోతన వ్రాసినట్లుగా నేనూ విన్నాను.
అయితే పోతన భాగవతం ప్రథమ స్కంధములో
ఇమ్మనుజేశ్వరాధములకిచ్చి...... అనే పద్యం కృతిపతి నిర్ణయంలో ఉన్నది.
షష్ఠ్యంతములలో కూడా
హారికి.....
శీలికి....
క్షంతకు....
న్యాయికి .....
అనే పద్యాలు ఉన్నాయి.కానీ
బాల రసాల .....పద్యం లేదు.
పెద్దలు తెలుపగలరు.
పోతన శ్రీనాథుల సంవాదములో ప్రస్తావింపబడిన పద్యము: "బాల రసాల సాల ....." ఇది కేవలము చాటువు. ఎక్కడా కావ్యములో కనుపింపదు.
Sree subbaaraavu gaaroo!
2nd line is perfect in my view. please indicate the mistake if any found by you,
sir, namaste .kshaminchaali .samasya manucharitra karta ku badulu manu charitra vraase ani type ayyindi
శ్రీ శంకరయ్య గారికి, శ్రీ పండిత నేమానివారికి గురువర్యులందరికి వరప్రసాదు నమస్కారములతో
ఈ మధ్య కుటుంబ, మరియు పిల్లల స్కూలు విషయములతో బ్లాగు చూచుటకు కుదరలేదండి.
ముందుగా నూతన వధూవరులకు శుభాసీస్సులు. శుభాకాంక్షలు తెలుపుతూ,
-----------
తీర్చి దిద్దె తెనుగు దివిపైన పెద్దన్న
మనుచరిత్ర కర్త, మంచన గద
శివకవి యుగమందు స్థిరముగా నిలచెను,
జాను తెనుగుదెచ్చె జాతికపుడు.
విద్య లేని వాని వివరంబు తెలియుము
స్వంత తెలివి తోడ వింతగుండు
"మ""మ"లు కలిసెఁగాన మంద బుద్దికిఁజూడ
మనుచరిత్ర కర్త మంచన గద!!
తొలుత బలికె నొకడు తొందరపాటులో
మను చరిత్ర కర్త మంచన గద
యనుచు గాని పిదప అల్లసాని యటంచు
తప్పు దిద్దుకొనుచు మెప్పులొందె
గురువుగారిప్రశ్న
గురిఁజూచిశిష్యుడు
అల్లసానివ్రాసెననుచుఁజెప్పె
గరిమఁదెలియ ఉరమ కంగారునిట్లనె
మనుచరిత్రకర్త మంచన?కద!?
అసమానధీశాలి యలసాని పెద్దన్న
కవిరాజు రచియించు గ్రంథమేది?
కావ్యసృష్టిని జేయు కవివరుం డేమౌను
రచన పట్లను తాను రమ్యముగను?
కీర్తినందించిన కేయూరబాహ్వాఖ్య(బాహుని)
చరితంబు పలికిన జాణ(డె)యెవరు?
హనుమంతునకు జూడ నాయుధం బదియేమి
భాగ్యశాలికి రామభక్తునకును?
పైన చూపబడిన ప్రశ్నలన్నింటికి
వరుస మారకుండు సరణినిట్లు
ఉత్తరంబులగును చిత్తంబులలరించు
మనుచరిత్ర, కర్త, మంచన, గద.
శ్రీ మూర్తిగారూ,
చాలా మంచిపద్యము చెప్పారండీ.
ధన్యవాదాలండీ, శాస్త్రిగారూ.
మనుచరిత్ర కర్త మంచనగద యందు
ప్రవరు శీల వైభవమును బొగడె
నటులె మోహనాంగి యగు వరూధిని నన్య
పాత్రలను సముచిత భంగి గూర్చె
హరికుల శశి మూర్తీజీ!
పరువెత్తును మీ కలమ్ము భావము వెనుకే
విరబూయు పద్య సుమములు
మురిపించును పద్యప్రియుల ముచ్చటలగుచున్
గురుతుల్యులు శ్రీ నేమాని వారికి
ఆర్యా!
మీ వాత్సల్యానికి ధన్యవాదములు
శుభములు గూర్చుచు నుండెడి
యభినందనలిచ్చుచుందు రస్మద్గురుస
న్నిభులౌ పండితవర్యా!
అభివాదశతంబు జేతు నయ్యా మీకున్.
అల్ల సాని వారి యల్లిక సొగసులు
పరమ రమ్య మైన ప్రణయ గాధ
మను చరిత్ర కర్త మంచన గదయనుట
చిత్ర మేమొ దెలుప మంత్ర మహిమ ?
కవిమిత్రులారా,
నమస్కృతులు.
పూరణలు పంపిన అందరికీ అభినందనలు, ధన్యవాదాలు. సమయాభావం వల్ల ఇప్పుడు మీ పూరణలను పరామర్శించలేక పోతున్నాను. కాసేపట్లో పవర్ కట్! తరువాత సమీక్షిస్తాను. ఆలస్యానికి మన్నించండి
వ్యాఖ్యను పోస్ట్ చెయ్యండి