నిర్వచన భారత గర్భ రామాయణము – 70

రావిపాటి లక్ష్మీనారాయణ

రామాయణము-

ఆ.     (మీఱి పలికె వెండి మిగులశూరుఁడగు సు

యోధనవిభుఁ జూచి యుదుటుతో)డఁ

(బోరు వినవొ నష్టము మఱి యారయఁగనుఁ

బొందు లాభ మంచుఁ బుడమిలో)న. (౮౫)

భారతము-

కం.    మీఱి పలికె వెండి మిగుల

శూరుఁడగు సుయోధనవిభుఁ జూచి యుదుటుతోఁ

బోరు వినవొ నష్టము మఱి

యారయఁగనుఁ బొందు లాభ మంచుఁ బుడమిలో. (౮౫)

టీక- సుయోధనవిభు = (రా) మంచియోధులకు ప్రభున్ (రావణుని), (భా) దుర్యోధనుని.