29, డిసెంబర్ 2014, సోమవారం

పద్యరచన - 780

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

23 వ్యాఖ్యలు:

  1. మధువును గ్రోలుచు ముదముగ
    మధుపం బదిమైక మందు మౌనము తోడన్
    అధరములు కంది పోవగ
    పధమం దునసుమము విరిసె భాగ్య మటంచున్

    ప్రత్యుత్తరంతొలగించు
  2. మధువుఁ గ్రోలుచుండ మధుపంబు తుష్టితో
    సుమము సిగ్గు తోడ సొక్కు చుండె
    కనుల విందుఁజేసె కమనీయ దృశ్యము
    చెప్ప తరమె దాని గొప్ప తనము

    ప్రత్యుత్తరంతొలగించు
  3. రాజేశ్వరి అక్కయ్యా,
    మీ పద్యం బాగున్నది. అభినందనలు.
    ****
    అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  4. పూల తేనెలు గ్రోలుచు పుప్పొడిలను
    చేరవేయు సీతాకోక చిలుక మెదల
    చిత్రకారుని రంజించు చిత్ర మవగ
    కవుల హృదయము కాంక్షించు కవిత వ్రాయ

    ప్రత్యుత్తరంతొలగించు
  5. భళ్ళముడి శ్రీరామ శంకర ప్రసాద్ గారూ,
    మీ పద్యం బాగున్నది. అభినందనలు.
    ‘అవగ’ అనడం సాధువు కాదు. ‘చిత్ర మగుట’ అనండి.

    ప్రత్యుత్తరంతొలగించు
  6. మీ సూచనలకు ధన్యవాదములు గురువర్యా!

    ప్రత్యుత్తరంతొలగించు
  7. పూవుల రెక్కల వంటివి
    నీ వంటికి నుండె చిలుక నిను జూడగనే
    పూవులు తేనియ చిలుకగ
    త్రావుచు తాకెదవు రెక్క తనివిని దీర్చన్.

    ప్రత్యుత్తరంతొలగించు
  8. గోలి హనుమచ్ఛాస్త్రి గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  9. గోలి హనుమచ్ఛాస్త్రి గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  10. తుమ్మెద వాలెను పూవున
    కమ్మని తేనియలవిందు గైకొని బోవన్
    కొమ్మల విరులిది గనుచున్
    రెమ్మల జొంపముల దాగి రెపరెప లాడెన్!!!

    ప్రత్యుత్తరంతొలగించు
  11. శైలజ గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  12. సీతాకోకచిలుకయే
    పూతేనియ దోచుకొనగ పూవున వ్రాలెన్
    ప్రీతగు రంగుల రెక్కల
    వాతములో నెగురు నిదియె వయ్యారముగన్!!!

    ప్రత్యుత్తరంతొలగించు
  13. సీతగాదుచూడచిత్రముగానుండు
    కొకగట్టుకొనెడికోర్కెలేదు
    చిలుకయనుటతప్పె-పలుకులురావాయె|
    పువ్వునవ్వుచెంతపులకరింత
    2నవ్వెడిపువ్వుచెంతనయనంబులునాట్యముజేయుచిత్రమై|
    రువ్వెడిహావభావములరూపసిగానటసీతకోకలా
    యవ్వనమందుజుఱ్ఱుకొనునాశగవెళ్లేనుకీటకంబు|యే
    మువ్వలులేనినాట్యమునముచ్చటగాగనుపించెదృశ్యమై|

    ప్రత్యుత్తరంతొలగించు
  14. మకరందమ్మునుగ్రోలవచ్చెగదసామ్రాజ్యంబురారాజుగా
    వికటాట్టాసములేకనేమధువుసర్వేశుండుజేకూర్చగా
    నకటాపువ్వులరంగులోనిలిచివిన్యాసాలసంతోషతన్
    నికరంబంతయుసీతకోకజిలుకేనేర్పందుగన్పట్టెగా|

    ప్రత్యుత్తరంతొలగించు
  15. గతంలో వెలువడిన నూతన ఛందం
    'సహకారము' అనే వృత్తములో:
    చెలువము నీదె! సుకుమారమైన చెంపల దానా!
    నిలువఁగ లేక నినుచేర రాగ నిక్కెద వేలా?
    వలపుఁ గొనంగ , సరసాలఁదేల వాలగ నీపై!
    కలగొనె రోహితము నీదు మోముఁ!గాంచతరమ్మే?

    ప్రత్యుత్తరంతొలగించు
  16. శైలజ గారూ,
    మీ తాజా పద్యం బాగున్నది. అభినందనలు.
    ****
    కె. ఈశ్వరప్ప గారూ,
    మీ మూడు పద్యాలు బాగున్నవి. అభినందనలు.
    రెండవ పద్యంలో ‘కీటకంబు + ఏ’ అన్నప్పుడు యడాగమం రాదు. ‘కీటకంబె యే’ అనండి.
    మూడవ పద్యంలో ‘వికటాట్టహాసము’ను ‘వికటాట్టాసము’ అనడం దోషమే. ‘వికటంబౌ నవు..’ అనండి.
    ****
    గుండా వేంకట సుబ్బ సహదేవుడు గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  17. రంగులకీటకరాజుగ
    పొంగినభావాలమధువుపొలుపుగ-గ్రోలన్
    చెంగుననెగిరేచిలుకగ
    హంగులుగమనించెపువ్వునాప్యాయతతో|

    ప్రత్యుత్తరంతొలగించు
  18. కె యెస్ గురుమూర్తి ఆచారి గారి పూరణ
    భక్తీ పుస్తకమనెడు పుష్పమ్ముమీద
    భావమను మరందము గ్రోల వ్రాలియుండ
    విమల భక్తుడన తనరె భ్రమరమౌర
    గరుప నెంచుచు మనకు సత్కార్య దీక్ష

    ప్రత్యుత్తరంతొలగించు
  19. ప్రతిఘటించగ లేనిపుష్పమ్ముపైన
    బడిమధువుగ్రోల పాడియా?భ్రమర రాజ!
    మరలివత్తు వ౦చును యాస మాయ మవగ
    పూవు కృశియించి నశియించి పోవునకట

    ప్రత్యుత్తరంతొలగించు
  20. కె. ఈశ్వరప్ప గారూ,
    మీ పద్యం బాగున్నది. అభినందనలు.
    ****
    కె.యస్. గురుమూర్తి ఆచారి గారూ,
    మీ పద్యం బాగుంది. అభినందనలు.
    ****
    కెంబాయి తిమ్మాజీ రావు గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  21. పచ్చని యాకుల నడుమన
    మెచ్చదగిన యెఱుపురంగు మిలమిలతో పూ
    విచ్చినదని చూడదలచి
    వచ్చెనె పలురంగులుగల ప్రాణియు నిదియున్.

    ప్రత్యుత్తరంతొలగించు
  22. లక్ష్మీదేవి గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు