29, మార్చి 2015, ఆదివారం

పద్య రచన - 863

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

14 కామెంట్‌లు:

  1. shankararya!

    సకల శుభ ములు గలిగించు శంకరుండు
    ఆయు రా రోగ్య సంపద లన్ని యిచ్చి
    కంటికిని రెప్ప యట్లయి కాచు గాత !
    ఎల్ల వేళల మిమ్ముల చల్ల గాను .

    రిప్లయితొలగించండి
  2. మూడు మంగళ సూత్రముల్ ముచ్చట గను
    గట్టె రాముడు సీతకు బిట్టు గాను
    పెళ్లి రోజుకా రణముగా బెద్ద లెదుట
    మంగ ళ మగును మనకది మాన్యు లార

    రిప్లయితొలగించండి
  3. పోచిరాజు సుబ్బారావు గారూ,
    ధన్యవాదాలు.
    మీ పద్యం బాగుంది. అభినందనలు.
    ‘పెద్దల+ఎదుట’ అన్నప్పుడు సంధి లేదు, యడాగమం వస్తుంది. ‘పెద్ద లలర’ అనండి.

    రిప్లయితొలగించండి
  4. మంగళ సత్రముఁ జూపుచు
    నంగన సీతకు రఘువరు నాథుని జేయన్
    మంగళ కరమని దీర్తురు
    సింగారపు యొంటి మిట్ట క్షేత్రము నందున్!
    (మంగళ కరమని జగతికి
    సింగారపు భద్రగిరిన సేవించదరే!)
    (సింగారపు రామ తీర్థ క్షేత్రము నందున్)

    రిప్లయితొలగించండి
  5. గుండా వేంకట సుబ్బ సహదేవుడు గారూ,
    మీ బహుళార్థసాధక పద్యం బాగున్నది. అభినందనలు.

    రిప్లయితొలగించండి
  6. రామునిభక్తిసంపదను రాష్ట్రములా విడగొట్టిపంచినన్
    ప్రేమ,పరోపకారమునుపెంచిరినేడిల సీతరాములే|

    క్షెమమొసంగుపెళ్లియన?సిద్దులు,యోగులుసంతసింపగా
    కోమలి సీతపెళ్లిమనకోరికజేసెను దేవళంబునన్|

    రిప్లయితొలగించండి
  7. చూడగ రామలగ్నమును-సూర్యుడునాతురచేతరాగ?
    నీడగుపెళ్లిపందిరి కనీసపుచూపుకు నోచుకోకనే
    వొడగ?శాస్త్రయుక్తమున|వోర్పునభక్తులె సీతరాములన్
    జోడిగ మార్చుతాళి మనసొప్పగ సీతకుగట్టెరాముడే|

    రిప్లయితొలగించండి
  8. అన్నుల మిన్నగు సీతకు
    మిన్నగు శుభలగ్నమందు మేదిని యందున్
    చెన్నుడు శ్రీరామునితో
    కన్నుల పండువగ జరిగె కల్యాణంబే !!!

    రిప్లయితొలగించండి
  9. కె. ఈశ్వరప్ప గారూ,
    మీ రెండు పద్యాలు బాగున్నవి. అభినందనలు.
    ‘సీతారాములు’ అని సమాసం చేయాలి కదా... అక్కడ ‘పెంచిరి సీతయు రామచంద్రులే’ అనండి.
    రెండవ పద్యం మొదటి పాదం చివర ఒక గురువు తక్కువయింది. ‘వోడగ, వోర్పున’ అన్నారు. వు,వూ,వొ,వో లతో మొదలయ్యే తెలుగు పదాలు లేవు. ఆ పాదాన్ని తగువిధంగా మార్చండి.
    *****
    శైలజ గారూ,
    మీ పద్యం బాగుంది. అభినందనలు.
    ‘మిన్న+అగు’ అన్నప్పుడు యడాగమం వస్తుంది.

    రిప్లయితొలగించండి
  10. రామునకు సీతతోడుత రామ మంది
    రమున జరిగె వివాహము రమణతోడ
    పసిడి మంగళ సూత్రముల్ వరలు చుండ
    ప్రజలు తనిసిరి కాంచి భద్రాద్రిలోన

    రిప్లయితొలగించండి
  11. అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది.అభినందనలు.

    రిప్లయితొలగించండి