18, జులై 2016, సోమవారం

సమస్య - 2090 (బమ్మెర పోతనార్యుఁ డొక...)

కవిమిత్రులారా, 
ఈరోజు పూరించవలసిన సమస్య ఇది... 
“బమ్మెర పోతనార్యుఁ డొక వ్యాకరణమ్మును వ్రాసెఁ దెల్గునన్”
లేదా...
“బమ్మెర పోతన్న వ్రాసె వ్యాకరణమ్మున్”

70 వ్యాఖ్యలు:

  1. ఇమ్ముగ భాగవ తమ్మును
    బమ్మెర పోతన్న వ్రాసె , వ్యాకర ణమ్మున్
    నెమ్మిని స్కందుని దయగని
    కమ్మగ పాణిని దెలిపెను కాక మటంచున్
    ----------------------------------
    కాకము = తేలిక [సుబ్రమణ్యేశ్వరుని ప్రార్ధించగా తేలికగా 6 నెలల్లోనె పాణినికి నేర్పుతాడు కదా ! అదన్నమాట ." పాణినీయము ]



    ప్రత్యుత్తరంతొలగించు
  2. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
    ప్రత్యుత్తరాలు
    1. కమ్మని భాగవతమ్మును
      బమ్మెర పోతన్న వ్రాసె వ్యాకరణమ్మున్
      సమ్మతమగు శబ్దార్థము
      లిమ్మగు భావనల తీరు లేర్పడ జగతిన్!






      తొలగించు
    2. శర్మ గారూ,
      కొద్దిగా అన్వయలోపం ఉన్నా మీ పూరణ బాగున్నది. అభినందనలు.

      తొలగించు

  3. శుభోదయం

    కమ్మని భాగవతమ్మును
    బమ్మెర పోతన్న వ్రాసె, వ్యాకరణమ్మున్
    నిమ్మది గనేర్వ, పద్యపు
    కమ్మదనంబు నరయంగ కావ్యంబదియే !

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారు,
      బాగుంది పూరణ. అభినందనలు.
      కాని పద్యాల కమ్మదనాన్ని తెలిసికొనడానికి భాగవతం ఉపకరిస్తుంది కాని వ్యాకరణం నేచుకొనడానికి ఉపకరిస్తుంది?

      తొలగించు
  4. కమ్మని భాగవతమ్మును
    బమ్మెర పోతన్న వ్రాసె, వ్యాకరణమ్మున్
    సమ్మతమని యలనాడిట
    నమ్ముని తుల్యుండు నన్నయార్యుడు వ్రాసెన్.
    (హ.వేం.స.నా.మూర్తి)

    ప్రత్యుత్తరంతొలగించు
    ప్రత్యుత్తరాలు
    1. సుకవి మిత్రులు హరి వేంకట సత్యనారాయణ మూర్తి గారికి నమస్సులు! బహుకాల దర్శనము. ఇఁకనుండి ప్రతిదినమును మన బ్లాగును మీ పూరణములతో నలరింపఁజేయఁగలరు.

      తొలగించు
    2. ఆర్యా!
      మధుసూదన్ గారూ! ధన్యవాదములు, నమస్కారములు, చాలా కాలంగా ఇంట్లో ఇంటర్ నెట్ సౌకర్యం లేని కారణంగా బ్లాగుకు దూరంగా ఉండవలసి వచ్చింది. ఇన్నాళ్ళకు మళ్ళా పండిత మిత్రులను కలుసుకునే అదృష్టం కలిగింది.

      తొలగించు
    3. మూర్తి గారూ,
      బహుకాల దర్శనం! మీ పునరాగమనం ఎంతో సంతోషాన్ని కలిగించింది. ముఖ్యంగా ‘పద్యరచన’ శీర్షికలో అందరూ ఒక్కొక్క పద్యాన్ని వ్రాస్తే మీరు ఏకంగా ఖండకృతులను అందించిన సందర్భాలను అప్పుడప్పుడు జ్ఞాపకం చేసుకుంటూ ఉంటాను.
      మీ పూరణ బాగున్నది. అభినందనలు.

      తొలగించు
  5. నమ్మిన భక్తితోన నొక నార్యుడు భాగవ తంబటంచు తా
    సొమ్ములు కోరకున్నమది సూనృత మందున హాలికుండు నై
    బమ్మెర పోతనార్యుఁ డొక , వ్యాకరణమ్మును వ్రాసెఁ దెల్గునన్
    న్నిమ్ముగ పాణినీ యమును నెమ్మిని స్కందుని భాగ్యమొప్ప గన్

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      ఏదో పద్యం వ్రాసానంటే వ్రాసాను అన్నట్టుంది. అన్వయదోషం స్పష్టం. పాణిని తెలుగులో వ్రాయలేదు కదా! ‘నమ్మిన భక్తితోడ నొక యార్యుడు...’ అనవలసి ఉంటుంది.

      తొలగించు
  6. సొమ్ముల నాస లేక మనసొప్పక రాజుల నాశ్రయింపగా
    నమ్మిన రామచంద్ర చరణాబ్జములన్ మధువాను భృంగరా
    జమ్మయి జేసె భాగవత సత్కథ తీయగ జూడ భక్తికిన్
    బమ్మెర పోతనార్యు డొక వ్యాకరణమ్మును వ్రాసె దెన్గునన్.

    ప్రత్యుత్తరంతొలగించు
    ప్రత్యుత్తరాలు
    1. మిస్సన్న గారూ,
      భక్తికి వ్యాకరణం వంటిది భాగవతం అన్న మీ పూరణ ప్రశస్తంగా ఉంది. అభినందనలు.
      ‘సొమ్ముల యాసలేక...’ అనండి.

      తొలగించు
    2. గురువుగారూ ధన్యవాదములు. సొమ్ములను ఆస అనుకొని వ్రాశాను. మీ సూచనను గమవించాను.

      తొలగించు
  7. ఇమ్ముగ పదములు చిమ్ముచు
    బమ్మెర పోతన్న వ్రాసె! వ్యాకరణమ్మున్
    తమ్ముడు చిన్నయ సూరిల
    సొమ్ములుగా నిడె తెనుగుకు శోభను గూర్చన్!

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారూ,
      మీ పూరణ బాగుంది.
      ఇంతకు చిన్నయసూరి ఎవరికి తమ్ముడు? ‘సూరి+ఇల’ అన్నపుడు యడాగమం వస్తుంది.

      తొలగించు
  8. కమ్మని భాగవతమ్మును
    బమ్మెర పోతన్న వ్రాసె ,వ్యాకరణ మ్ము
    న్ని మ్ము గ చిన్నయ సూరియ
    తెమ్మెర లోనూ గువిధము దీయగ వ్రాసెన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  9. మిత్రులందఱకు నమస్సులు!

    ఇమ్ముగ భాగవతమ్మును
    బమ్మెర పోతన్న వ్రాసె, వ్యాకరణమ్మున్
    సమ్మతిఁ దెలుపఁగఁ, దిరముగ

    నిమ్మహి వెలుఁగొందునట్టి హితము దలిర్పన్!

    ప్రత్యుత్తరంతొలగించు
    ప్రత్యుత్తరాలు
    1. గుండు మధుసూదన్ గారూ,
      మీ పూరణ బాగున్నది. అభినందనలు.
      ఒక విషయం... వ్యాకరణ సమ్మతమైన రచన అన్నారు... భాగవతంలో వ్యాకరణ విరుద్ధ ప్రయోగాలున్నాయని అప్పకవి దానిని స్వీకరించని విషయం మరచినట్టున్నారు.

      తొలగించు
    2. పోతనగారు వ్రాసిన భాగవతంలో వ్యాకరణ విరుద్ధమైన ప్రయోగాలు లేవు. కొన్ని ప్రత్యేక పరిస్థితుల్లో అది ధ్వంసం కాగా, ఆయన శిష్యులు ధ్వంసమైన భాగాల్ని తిరిగి రాశారు. వాళ్ళు రాసిన భాగాల్లోనే వ్యాకరణ విరుద్ధమైన ప్రయోగాలున్నాయి. అయితే వాళ్ళు ఏయే భాగాలు పునర్లిఖించారో వాటిల్లోనే కాక, మరికొన్ని స్వల్ప భాగాల్లో కూడా పునర్లిఖింపవలసివచ్చింది. అలా ఏయే స్వల్పభాగాలు పునర్లిఖింపబడ్డాయో ఆయన శిష్యులకు మాత్రమే తెలుసు. వాటిలోనే వ్యాకరణవిరుద్ధమైన ప్రయోగాలు దొర్లాయన్నది వాస్తవం. అలా పునరుద్ధరింపబడిన భాగవతాన్ని చూసిన అప్పకవి, వ్యాకరణ విరుద్ధప్రయోగాలున్నాయని స్వీకరించలేదు. పోతన భాగవతంలో వ్యాకరణ విరుద్ధమైన ప్రయోగాలేవీ లేవని కూచిమంచి వేంకటరాయడు నిరూపించాడు కూడా. సహజపండితుడైన [పండితుడంటే... లక్షణం తెలిసిన పండితుడనే కదా అర్థం] పోతన వ్యాకరణవిరుద్ధాలైన ప్రయోగాలు చేయడానికే అవకాశం లేదు కదా! కాబట్టి పోతన భాగవతం వ్యాకరణ సమ్మతమైనదేనని నేను రాశాను.

      తొలగించు
    3. మధుసూదన్ గారూ,
      సమర్థ వివరణ నిచ్చినందుకు ధన్యవాదాలు!

      తొలగించు
    4. ధన్యవాదాలు శంకరయ్యగారూ!

      తొలగించు
  10. ఇమ్మహిలో ఘనంబయి రహించగ శ్రీ హరి చింతనామృత
    మ్మిమ్ముగ వ్రాయ సోయగము లేర్పడె గావ్య రసాల సాలమం
    దమ్మధురంపు భావనల నందిన శబ్ద సుధాస్రవంతిలో
    బమ్మెర పోతనార్యుడొక వ్యాకరణమ్మును వ్రాసె దెల్గునన్!

    ప్రత్యుత్తరంతొలగించు
    ప్రత్యుత్తరాలు
    1. శర్మ గారూ,
      పద్యం బాగుంది. సమస్యాపరిష్కారంలో ఏదో కొరత కనిపిస్తున్నట్టుంది.

      తొలగించు
  11. ఇమ్ముగఁ దా నలంకృతుల నింపుగ నింపి శుభార్థశబ్ద దా
    మమ్ములఁ బోలు సంధులు సమాస విశేషము లందజేయ నా
    సమ్మత దివ్య భాగవత సత్కృత కావ్య మిషప్రవృత్తినిన్
    బమ్మెర పోతనార్యుఁ డొక వ్యాకరణమ్మును వ్రాసెఁ దెల్గునన్


    కమ్మగ భాగవతమ్మును
    బమ్మెర పోతన్న వ్రాసె, వ్యాకరణమ్ము
    న్నిమ్ముగ చిన్నయ సూరియ
    సమ్మోదమ్మున రచించె సంశయ మేలా

    ప్రత్యుత్తరంతొలగించు
    ప్రత్యుత్తరాలు
    1. మా అన్నగారి పద్యము నాపద్యము చూడగా యాదృచ్ఛికము గా మూడు పాదములొక్కటే యయినవి!!!

      తొలగించు

    2. పోచిరాజు వారు


      మీ యిద్దరికి టెలిపతి ఉందండోయ్ !


      జిలేబి

      తొలగించు
    3. జిలేబి గారూ అలాగే అనిపిస్తోందండి.

      తొలగించు
    4. భాగవతము నెపముగా వ్యాకరణమును పోతనామాత్యుడు వ్రాసె ననడము సమాస్యా పూరణ నిమిత్తమైనా సరి గాదనిపించి మార్చిన మూడవ పాదము:

      "సమ్మత దివ్య భాగవత సత్కృత కావ్యము నందు చక్కగన్"

      తొలగించు
    5. కామేశ్వర రావు గారూ,
      మీ రెండు పూరణలు బాగున్నవి. అభినందనలు.
      అప్పుడప్పుడు అలా జరుగుతూ ఉంటుంది. నాకూ అనుభవమే!
      ఇక భాగవతంలో వ్యాకరణ విరుద్ధ ప్రయోగాలున్నాయంటారు కొందరు..

      తొలగించు
    6. పూజ్యులు శంకరయ్య గారికి వందనములు. ధన్యవాదములు.

      తొలగించు
  12. ఇమ్ముగ భాగవతమ్మును
    బమ్మెర పోతన్న వ్రాసె, వ్యాకరణమ్మున్
    కమ్మని పద్యమ్ములతో
    నెమ్మిక నప్పకవి వ్రాసె నేరుపుతోడన్

    ప్రత్యుత్తరంతొలగించు
  13. ఇమ్మహి భాగవతమ్మును
    బమ్మెర పోతన్న వ్రాసె,వ్యాకరణమ్మున్
    నెమ్మిని పరవస్తు ఘనుడు
    కమ్మగ నర్పించిమనకు ఖ్యాతినిజెందెన్.

    ప్రత్యుత్తరంతొలగించు
    ప్రత్యుత్తరాలు
    1. సూర్యనారాయణ గారూ,
      మీ పూరణ బాగున్నది. అభినందనలు.

      తొలగించు
  14. ఇమ్మడి భక్తి భావనల నీ ధరణీ తలమందు బెంచగా
    నిమ్మహి బ్రోచువాడి కథలింపుగ జెప్పె మహాకవీంద్రుడా
    బమ్మెర పోతనార్యు, డొక వ్యాకరణమ్మును వ్రాసె దెల్గున
    న్నిమ్ముగ చిన్నయార్యుడిల యిక్షురసమ్మును బోలు గ్రంథమున్


    కమ్మని భాగవతమ్మును
    బమ్మెర పోతన్న వ్రాసె, వ్యాకరణమ్మున్
    ఇమ్ముగ చిన్నయ సూరియె
    యిమ్మహి కందించె భాష హితమున్ గూర్చన్

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ రెండు పూరణలు బాగున్నవి. అభినందనలు.
      ‘...డిల నిక్షురసమ్మును...’ అనండి.

      తొలగించు
  15. నమ్ముచు రఘుకుల సోముని
    బమ్మెర పోతన్న వ్రాసె, వ్యాకరణమ్ము
    న్నిమ్ముగ పాటించి మిగుల
    కమ్మని భాగవతమెల్ల గ్రాంధికమందున్!

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  16. కమ్మని భాగవతమ్మును
    బమ్మెర పోతన్న వ్రాసెవ్యాకరణమ్మున్
    యిమ్ముగ నన్నయ వ్రాసెను
    సమ్మదమున చదువు చుంద్రు సజ్జనులెల్లన్.

    కమ్మగ భాగవతమ్మును
    బమ్మెరపోతన వ్రాసెను వ్యాకరణమ్మున్
    నిమ్మగ చిన్నయ సూరియు
    సమ్మదముగ వ్రాసె గనుడు సరసర మీరున్.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారు,
      మీ రెండు పూరణలు బాగున్నవి. అభినందనలు.
      ‘వ్యాకరణమ్మున్+ఇమ్ముగ’ అన్నపుడు యడాగమం రాదు. ‘వ్యాకరణమ్ము|న్నిమ్ముగ..’ అనండి. అలాగే ‘వ్యాకరణమ్మున్| నిమ్ముగ...’ అనడం కూడా దోషమే.

      తొలగించు
  17. ఇమ్ముక వేదతుల్యముగ నీశుని సత్కథ చాటిచెప్పె నా
    బమ్మరపోతనార్యు,డొక వ్యాకరణమ్మును వ్రాసె దెల్గునన్
    కమ్మగ చిన్నయార్యుడట,కావ్యవినిర్గ,సుశబ్దజాలమున్
    నెమ్మిగ నేర్ప బాలలకు నేర్పున సత్కవితాంతరంగుడై.

    ప్రత్యుత్తరంతొలగించు
  18. ఇమ్ముగ, కు బదులు, ఇమ్ముక అని పడినది.

    ప్రత్యుత్తరంతొలగించు
  19. ఇమ్ముక వేదతుల్యముగ నీశుని సత్కథ చాటిచెప్పె నా
    బమ్మరపోతనార్యు,డొక వ్యాకరణమ్మును వ్రాసె దెల్గునన్
    కమ్మగ చిన్నయార్యుడట,కావ్యవినిర్గ,సుశబ్దజాలమున్
    నెమ్మిగ నేర్ప బాలలకు నేర్పున సత్కవితాంతరంగుడై.

    ప్రత్యుత్తరంతొలగించు
    ప్రత్యుత్తరాలు
    1. సూర్యనారాయణ గారూ,
      మీ పూరణ బాగున్నది. అభినందనలు.

      తొలగించు
  20. కమ్మగ వ్రాసె భాగవత గాధను నందఱు హాయనంగనా
    బమ్మెర పోతనార్యు డొ ,క వ్యాకరణ మ్మును వ్రాసె దెల్గున
    న్నమ్ముడు మీరలందఱును నాణ్యత యైనది యీభు విన్సదా
    యమ్మరొ చూడగా నతడునా మన చిన్నయసూరియే గదా

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.
      ‘హాయి నందగా’... టైపాటు వల్ల ‘హాయి నంగగా’ అయింది.

      తొలగించు
  21. అమ్మక భాగవతమ్మును
    బమ్మెర పోతన్న వ్రాసె|”వ్యాకరణమ్మున్
    నమ్మియు పద్యము గూర్చగ
    నెమ్మదిగా గుదురుచుండు నేర్పుల కూర్పై|
    2.”సమ్మతి గూర్చుభక్తి మనసారగ రాముని గోరుయుక్తి వే
    దమ్ముల సార సంపద పదమ్ములు భాగవతాన నుంచగా
    బమ్మెర పోతనార్యు”|”డొకవ్యాకరణమ్మును వ్రాసె దెల్గునన్
    నమ్మక మైన చందమున నాణ్యతగా రచియించె సూరియే”.

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.

      తొలగించు
  22. ఇమ్మహి నాంధ్ర భాగవత మిచ్చెను రామున కంకితమ్ముగన్
    అమ్మల గన్న యమ్మ కృప, నశ్రులు నొత్తుచు శారదాంబకున్
    బమ్మెర పోతనార్యు,డొక వ్యాకరణమ్మును వ్రాసె దెల్గునన్
    సమ్మతి మెచ్చ పండితులు చక్కగ చిన్నయసూరియే గనన్

    ప్రత్యుత్తరంతొలగించు
  23. కమ్మగ భాగవతమ్మును
    బమ్మెర పోతన్న వ్రాసె,”వ్యాకరణమ్మున్
    సమ్మతి తెనుంగు బాసకు
    ఇమ్మహి చిన్నయ్యసూరి నిచ్చెను గరపన్

    ప్రత్యుత్తరంతొలగించు
    ప్రత్యుత్తరాలు
    1. తిమ్మాజీ రావు గారూ,
      మీ రెండు పూరణలు బాగున్నవి. అభినందనలు.
      ‘సూరి యిచ్చెను..’ అనండి.

      తొలగించు
  24. కమ్మని భాగవతమ్మును

    బమ్మెర పోతన్న వ్రాసె; వ్యాకరణమ్మున్

    ఇమ్ముగ చిన్నయ సూరియె

    సుమ్మీ! రచియించినాడు శోభిల తెనుగున్.

    ప్రత్యుత్తరంతొలగించు
  25. కమ్మని భాగవతమ్మును

    బమ్మెర పోతన్న వ్రాసె; వ్యాకరణమ్మున్

    ఇమ్ముగ చిన్నయ సూరియె

    సుమ్మీ! రచియించినాడు శోభిల తెనుగున్.

    ప్రత్యుత్తరంతొలగించు
    ప్రత్యుత్తరాలు
    1. నాగేశ్వర రావు గారూ,
      మీ పూరణ బాగున్నది. అభినందనలు.

      తొలగించు
  26. ఇమ్ముగ భక్తి నింపుటకు నీతని బోలెడు వారు లేరనన్
    అమ్మల గన్న యమ్మ కృప నందగ, భాగవతమ్ము నేరికి
    న్నమ్మక, భావ చిత్రముల కందమగు ధ్వని కూర్చు రీతులన్
    బమ్మెర పోతనార్యుడొక వ్యాకరణమ్మును వ్రాసె దెల్గునన్!

    ప్రత్యుత్తరంతొలగించు
  27. మొదటి పాదంలో 'బోలెడు ' బదులుగా 'బోలిన '

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారూ,
      సమస్య పరిష్కరింపబడినట్టు లేదు. ‘అగు ధ్వని’ అన్నచోట గు గురువు కాదు. దానితో గణదోషం.

      తొలగించు
  28. కమ్మని ప్రాసల న్ బొ దిగి కారణ జన్ముడుప్రీతి వ్రాసె తా
    సొమ్ములగూర్చి తల్చకను సొంపుగ భా గవతమ్ము తెల్గునన్
    బమ్మెర పోత నార్యు డొక వ్యాకరణమ్మును వ్రా సె దెల్గున
    న్ని మ్మగు భా ష నప్పకవి ఎం ద రొ మెచ్చగ పద్యరూపమున్

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      మీ పూరణ బాగున్నది. అభినందనలు.

      తొలగించు
  29. అమ్మను కూటి కమ్మనని యశ్రువు లన్నిడి బల్కి భక్తి మై
    కమ్మని కావ్య మల్లె కడి కానకయున్నను ముక్తి నొందగా
    బమ్మెర పోతనార్యుఁ ; డొక వ్యాకరణమ్మును వ్రాసెఁ దెల్గునన్
    సమ్మెట రీతి , శబ్దముల శాస్త్రము నో కవి , భాష వెల్గగన్

    కమ్మని భాగవతమ్మును
    బమ్మెర పోతన్న వ్రాసె ; వ్యాకరణమ్మున్
    సమ్మెట ధాతువు కుంబలె
    నిమ్మహి భాష కవసరమనియె నొక కవియే

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ పూరణలు బాగున్నవి. అభినందనలు.
      ‘ఒక’ను ఓ అన్నారు మొదటి పద్యంలో..

      తొలగించు
  30. కమ్మని తేనె యందు దన గంటము ముంచుచు వ్రాసె నేమొ బ
    ల్కమ్మని మాధురీ మహిత గ్రంథము భాగవ తంబు నిమ్మహిన్
    సమ్ముద మెందగా కవులు సక్రమ పద్దతి శుద్ధ వాణితో
    బమ్మెర పోతనార్యుఁ డొక వ్యాకరణమ్మును వ్రాసెఁ దెల్గునన్.


    ప్రత్యుత్తరంతొలగించు
    ప్రత్యుత్తరాలు
    1. లక్ష్మినారాయణ గారూ,
      మీ పూరణ బాగున్నది. అభినందనలు.
      కాని పోతనను వ్యాకర్తగా చేశారు.

      తొలగించు
  31. ఇమ్మహి కలముము హలమును
    కమ్మగ నడిపించినట్టి కవివరుడెవరో?
    అమ్మి!యెదివ్రాసె చిన్నయ
    బమ్మెర పోతన్న, వ్రాసె వ్యాకరణమ్మున్.

    ప్రత్యుత్తరంతొలగించు
    ప్రత్యుత్తరాలు
    1. హనుమచ్ఛాస్త్రి గారూ,
      పద్యం బాగున్నా పూరణలో కొంత గందరగోళం ఉన్నట్టుంది.

      తొలగించు
    2. మాస్టరుగారూ! ధన్యవాదములు ...చిన్న సవరణ చేశాను.


      ఇమ్మహి కలమును హలమును
      కమ్మగ నడిపించినట్టి కవియెవరో? చె
      ప్పమ్మ!యెదివ్రాసె చిన్నయ?
      బమ్మెర పోతన్న, వ్రాసె వ్యాకరణమ్మున్.

      తొలగించు