31, ఆగస్టు 2016, బుధవారం

సమస్య - 2131 (అరిషడ్వర్గమ్ము హితము...)

కవిమిత్రులారా,
ఈరోజు పూరించవలసిన సమస్య ఇది...

"అరిషడ్వర్గమ్ము హితము నందించు సదా"
లేదా...
"అరిషడ్వర్గము మానవాళికి హితం బందించు నెల్లప్పుడున్"

30, ఆగస్టు 2016, మంగళవారం

సమస్యా పూరణలో ఒక పద్ధతి

సమస్య : " కుందేటికి కొమ్ములైదు కుక్కకు వలనే."
          కుందేలుకు కొమ్ములుంటాయా? పైగా ఐదా ? అదీ కాక మరో వైపరీత్యం కుక్కకు వలెనే అంట. దీన్నెలా సమర్థించాలి? సాధారణమైన అవధాని ఉక్కిరిబిక్కిరి అవుతాడు. దీన్ని పూరించాలంటే కాసింత చారిత్రక జ్ఞాన మవసరం.
          డబ్బు ప్రసక్తి లేకుండా మానవ జాతి లక్షల సంవత్సరాలు గడిపింది. వస్తు సేవల వినిమయం వస్తు మార్పిడి ద్వారా సేవల మార్పిడి ద్వారా జరుపుకొనేది. ఈ మార్పిడిలో కొన్ని ఇబ్బందులు తలెత్తటంతో ఒక ప్రామణిక వస్తువు వినిమయ మాద్యంగా అవసరం వచ్చింది.
          అప్ప్పుడు ఒక దశలో గవ్వలు, మరోదశలో ఉప్పు, మరొక దశలో నిప్పు, ఇంకో దశలో గుఱ్ఱాలు, గొఱ్ఱెలు, ఆవులు మొదలైన జంతువులు వినిమయ మాద్యంగా ఉపయోగించారు. ఒకప్పుడు ఆల మందలే అసలు సంపద. (మహా భారతంలో ఉత్తర గోగ్రహణం గుర్తుందిగా !)
          అలా ఒకానొక దశలో పసుపు కొమ్ములు కూడా డబ్బుగా ఉపయోగించారు. దీన్ని దృష్టిలో ఉంచుకుని ఒక అవధాని ఒక సందర్భం కల్పన చేసి పూరించాడీ సమస్యని. ఆ సందర్భం:
          ఒకడు ఒక సంత బజారులో తాను వేటాడి తెచ్చిన వివిధ జంతువులను అమ్మకానికి పెట్టాడు. అప్పుడో కొనుగోలు దారుడు బేరమాడి ఐదు పసుపు కొమ్ములిచ్చి ఒక మగ కుక్కను కొన్నాడు. అలాగే ఒక కుందేలును కొనాలని అనుకుంటే ఆ అమ్మకందారుడు ఒప్పుకోలేదు. అప్పుడా కొనుగోలు దారుడు అమ్మకం దారునితో ఇలా అన్నాడు.
కం. ముందిస్తి పసుపు కొమ్ములు
పొందికగా నైదు కుక్క పోతుకు; నటులే
పందెమ్మిడి ఈవేటికి?
కుందేటికి కొమ్ము లైదు కుక్కకు వలెనే.
          
" అయ్యా! ముందు బేరమాడి ఐదు కొమ్ములకు ఒక మగ కుక్క నిచ్చావు కదా! అలాగే ఐదు కొమ్ముల కిప్పుడు కుందేలును ఇవ్వనంటున్నా వెందుకు?"
గుఱ్ఱం జనార్దన రావు

సమస్య - 2130 (తండ్రి యసంగ్రహత్వమును...)

కవిమిత్రులారా,
ఈరోజు పూరించవలసిన సమస్య ఇది...

"తండ్రి యసంగ్రహత్వమును దాఁ గడు మెచ్చె సుతుండు చూడరే"
ఈ సమస్యను పంపిన పిట్టా సత్యనారాయణ గారికి ధన్యవాదాలు.
లేదా...
"తండ్రి ధనహీనత కతన తనయుఁ డెదిగె"

29, ఆగస్టు 2016, సోమవారం

సమస్య - 2129 (పాల వలన నష్టమే...)

కవిమిత్రులారా,
ఈరోజు పూరించవలసిన సమస్య ఇది...

"పాల వలన నష్టమే లభించు"
లేదా...
"పాలే కారణ మన్ని నష్టములకున్ భద్రమ్ము దుర్యోధనా!"

28, ఆగస్టు 2016, ఆదివారం

సమస్య - 2128 (పెద్దలఁ జూడగా...)

కవిమిత్రులారా,
ఈరోజు పూరించవలసిన సమస్య ఇది...

"పెద్దలఁ జూడగా నెపుడు పిల్లలవోలె‌ వచించుచుందురే!"
లేదా...
"పెద్దలు వచియింతు రెపుడు పిల్లలవోలెన్"
ఈ సమస్యను పంపిన శిష్ట్లా శర్మ గారికి ధన్యవాదాలు.

27, ఆగస్టు 2016, శనివారం

సమస్య - 2127 (నిద్దురపోవువాఁడు ధరణిన్...)

కవిమిత్రులారా,
ఈరోజు పూరించవలసిన సమస్య ఇది...

"నిద్దురపోవువాఁడు ధరణిన్ ఘనకీర్తి గడించి మించెడిన్"
(ఆకాశవాణి వారి సమస్య)
లేదా...
"నిదురించినవాఁడు కీర్తినే గడియించున్"

26, ఆగస్టు 2016, శుక్రవారం

సమస్య - 2126 (కలలం గాంచెడు...)

కవిమిత్రులారా,
ఈరోజు పూరించవలసిన సమస్య ఇది...

"కలలు గనెడి శిలలు పలుకగలవు"
(దూరదర్శన్ వారి సమస్య)
లేదా...
"కలలం గాంచెడు గండశైలములు పల్కంగల్గు స్పష్టమ్ముగన్"

25, ఆగస్టు 2016, గురువారం

దత్తపది - 96 (శివ-హర-భవ-రుద్ర)

కవిమిత్రులారా,
 
శివ - హర - భవ - రుద్ర
పై పదాలను ఉపయోగించి
శ్రీకృష్ణుని స్తుతిస్తూ
మీకు నచ్చిన ఛందంలో పద్యాన్ని వ్రాయండి.

24, ఆగస్టు 2016, బుధవారం

సమస్య - 2125 (నీరు చాలక దీపము...)

కవిమిత్రులారా,
ఈరోజు పూరించవలసిన సమస్య ఇది...

"నీరు చాలక దీపము లారిపోయె"
(ఆకాశవాణి వారి సమస్య)
"నీరము లేక దీపములు నిక్కముగాఁ గొడిగట్టెఁ జూడుమా"

23, ఆగస్టు 2016, మంగళవారం

సమస్య - 2124 (కన్యాదన మొనర్చినన్...)

కవిమిత్రులారా,
ఈరోజు పూరించవలసిన సమస్య ఇది...

"కన్యాదాన మొనర్చినన్ నరకమే కల్గున్ గదా దాతకున్"
లేదా...
"కన్యాదానమ్ము సేయఁ గలుగు నరకమే"

22, ఆగస్టు 2016, సోమవారం

సమస్య - 2123 (భర్తను బైటకున్ దరిమె...)

కవిమిత్రులారా,
ఈరోజు పూరించవలసిన సమస్య ఇది...

"భర్తను బైటకున్ దరిమె భారతనారి కళాప్రపూర్ణయై"
(ఒక అవధానంలో గరికిపాటి వారు పూరించిన సమస్య)
లేదా...
"భర్తను బయటకుఁ దరిమె భరతనారి"

21, ఆగస్టు 2016, ఆదివారం

ఉచిత తెలుగు పుస్తకాలు!


పై చిత్రంపై క్లిక్ చేయండి. చిత్రం పెద్దగా కనిపించి పూర్తి వివరాలు తెలుస్తాయి. 
కొన్ని వేల ఆధ్యాత్మిక పుస్తకాలను, వీడియోలను ఉచితంగా డౌన్‍లోడ్ చేసుకోవచ్చు.

సమస్య - 2122 (రామా రమ్మని కేలు సాచి...)

కవిమిత్రులారా,
ఈరోజు పూరించవలసిన సమస్య ఇది...

"రామా రమ్మని కేలు సాచి పిలిచెన్ రమ్యంబుగా రాధయే"
లేదా...
"రామ రమ్మటంచు రాధ పిలిచె"

20, ఆగస్టు 2016, శనివారం

సమస్య - 2121 (దోమల్ గుట్టిన రాత్రి...)

కవిమిత్రులారా,
ఈరోజు పూరించవలసిన సమస్య ఇది...

"దోమల్  గుట్టిన రాత్రి జీవితము నిర్దోషంబు నారోగ్యమున్"
లేదా...
"దోమల్ గుట్టినను రేయి దోషరహితమే"

19, ఆగస్టు 2016, శుక్రవారం

సమస్య - 2120 (గాడిద వచ్చి చొచ్చెనట...)

కవిమిత్రులారా,
ఈరోజు పూరించవలసిన సమస్య ఇది...

"గాడిద వచ్చి చొచ్చెనట కర్ణపుటంబునఁ జోద్య మయ్యెడిన్"
లేదా...
"గాడిద చోద్యముగఁ జొచ్చెఁ గర్ణపుటమునన్"

18, ఆగస్టు 2016, గురువారం

శివ కళ్యాణము - 2



*శివ కళ్యాణము*
రచన : గురుమూర్తి ఆచారి
ద్వితీయ భాగము
(సప్తర్షుల మాటలు వినిన పార్వతి సిగ్గు పడుట. ఈశ్వరునికి కన్యా దాన మొసగుదు నని పర్వతరాజు మునులతో పలుకుట. పార్వతి కారణజన్మురాలని సప్తర్షులు కొనియాడుట. వివాహ ముహూర్తము వారే నిర్ణయి౦చి, మహేశ్వరుని చె౦త కరిగి జరిగిన విషయమును విన్నవి౦చుట. తల్లి మేనక పార్వతికి మ౦గళ స్నానమాచరి౦ప జేయుట. పార్వతిని నెచ్చెలులు సర్వా౦గభూషితగా నొనర్చుట. భస్మా౦గరాగముతో, గజచర్మముతో, భుజ౦గ భూషణముతో,  త్రినేత్రముతో  అలరారు  మహేశ్వరుడు పె౦డ్లికొడు కగుట. మేళతాలములతో ఎదురేగి హిమవ౦తుడు ఈశ్వరుని కాళ్లు కడిగి కన్యా దానము  సలుపుట. ప్రమధులు, సర్వదేవతలు మరియు  బ్రహ్మవిష్ణువులు, లక్ష్మీసరస్వతులు,   అరు౦ధతీ సహిత సప్తర్షులు, అ౦దరు కలిసి శివపార్వతులకు వైభవోపేతముగా  కళ్యాణము జరిపి౦చుట)

ధ్రువ కోకిల
మునులు పల్కిన మాటలన్ విని మోదమొ౦దిన శైలరాట్
తనయ సిగ్గున వ౦చె శీర్షము; డాసి త౦డ్రిని, హస్త మ౦
దెనయు చక్కని య౦గుళ౦బుల నె౦చ సాగెను నవ్వుచున్  ;
జనని మేనక కౌగిలి౦చెను,  జార్చి హర్షపు బాష్పముల్. (10)
{ ఎనయు = ఒప్పు .   అ౦గుళము  = వ్రేలు }

ధన్యుడ ఋషులార ! హరుడు,
మాన్యుడు జామాత యగుట మా సుకృత౦బౌ!
కన్యాదాన మొనర్చెద;
నన్యము నే తలప ననుచు నచలే౦ద్రు డనెన్. (11)

ఆ ఋషి వర్యు లాడిరి ప్రహర్షము తోడ గిరీ౦ద్రు గా౦చుచు
" న్నారయ సర్వవిశ్వముల కా శివుడే జనకు౦డు  కాగ  ,  నీ
గౌరి యికన్ జగజ్జనని కాగల ;  దాహ ! తదుద్భవమ్ముచే
ధారుణి పావన౦ బయె గదా"  యను చె౦తయు సన్నుతి౦చుచున్,
గారణ జన్మురాలయిన  గౌరి  వివాహ ముహూర్త కాలమున్
వారలె నిర్ణయి౦చి , కడు నర్మిలి తోడుత శైవ సన్నిధిన్
జేరి సమస్తమున్ తెలియ జేసిరి కౌతుక పూర్ణ చిత్తులై. (12)
{  నర్మలి = అర్మలి = ప్రేమ  }

గౌరిని చ౦ద్రకా౦త ఫలకమ్మున కూర్చొన బెట్టి - గ౦ధపున్
సారము న౦గలేపనము స౦పెగ నూనె నల౦ది,    పూసి 
స్తూరిని, హేమ కు౦భములతో జలమార్చుచు, ధూప ధూమ వి
స్ఫారిత దీర్ఘకేశముల  జక్కగ  వేనలి వేసి ర౦గనల్. (13)
{ జలమార్చు = స్నానమాడి౦చు . విస్ఫారిత = ప్రకాశి౦చు నట్టి,     వేనలి = జ డ  }

అభ్య౦జన స్నాన మాచరి౦పగనె  
ర్వా౦గ స౦స్కార కార్యముల జేసి
అ౦గరాగమ్ముల, న౦జనా  లేపముల్
సొ౦పారగా స౦తరి౦ప జేసి
తళుకుల గుల్కు పీత వసనమ్ముల  మేన
ని౦పొదవ౦గ ధరి౦ప జేసి
మాణిక్య ఖచిత హేమక భూషణముల ను
న్నత  రీతిగా నల౦కృతము జేసి
సర్వ భువన జన నయనోత్సవ కరముగ
గౌరిని౦ దీర్చి దిద్దిరి  కా౦త లెల్ల;
జనని మేనకా దేవి రచన మొనర్చె
మలయజ కలిత కళ్యాణ తిలక రేఖ;
జనకు డగు హిమక్ష్మాధర చక్రవర్తి
లలన కిడె లలాటమున  ' లలామక౦బు ' (14)
{  లలామకము =  బాసికము  }

భసితము మారె, కస్తూరి భరితా౦గ రాగస౦పదగ
పసిమి యేనిక తోలు మారె పసిడియ౦చుల  పచ్చడముగ
బుసకొట్టు భుజగము మారె భూషి౦చు తార హారముగ
నొసటి నేత్రము మారె నాహ !  నూత్న దీప్త లలామకముగ. (15)

జూట మది శిరో వస్త్రమై శోభ నొసగె
బాల శశియె చూడామణిత్వమును పొ౦దె
పె౦డ్లి పల్లకిగా మారె వృషభు డపుడు
పె౦డ్లికొడు కయ్యె శ౦భుడు వేడ్క  మీర. (16)

అమర గణమ్ము లెల్లయు శివా యనుచున్ జయపెట్టు చు౦డగా,
యమునయు  గ౦గయున్ గలిసి  యల్లన చామర  వీచుచు౦డగా,
రమయు నరు౦ధతీ సతియు బ్రాహ్మియు హారతు లిచ్చు చు౦డ, 
ప్త మునులు దివ్య వేద విదితమ్ముగ కార్యము నాచరి౦పగా,
ప్రమదము తోడ నిల్వ నిరు పార్శ్వము ల౦దున  బ్రహ్మ విష్ణువుల్ ,
రమణుడు శ౦కరు౦ డిక విరాజిలె చక్కని పె౦డ్లి బిడ్డ డై ! ! (17)

ఉత్సాహము
ప్రకట మ౦గళకర మధుర  వాద్య నిస్వనములతో
సకల బ౦ధు హితులు  రాగ,  శ౦భు నెదురు  కొనియె  -  మే
నక;  మరియు తుషారశైలనాధు డతని యమల   పా
ద కమలముల  నెలమి కడిగి  దాన మొసగె కన్యకన్. (18)

ప్రమధులు మ౦గళ వాద్యముల్ మొరయి౦ప,
దిక్పతుల్ పుష్ప వేదిక నమర్చ,
నలుగిడె నా యరు౦ధతి  వధూ వరులకు;
కమలాతపత్రమ్ము కమల పట్టె;
ఆ కేశ వా౦భోరహాసను లిరువైపు
నిలిచిరి శ౦భుని నికట మ౦దు;
గీర్పతి మ౦త్రమ్ము లేర్పడ పఠియి౦ప,
గీర్వాణి కళ్యాణ గీతి బాడె;
గిరిజయు శివుడున్ తమ యొక్క  శిరములపయి
ముత్యముల తల౦బ్రాలను పోసుకొనిరి;
సేస లు౦చెను దేవతా సిధ్ధగణము;
శ్రీకరము మనోహరము నై  త్రిజగములకు
పరగె వారి శుభ౦కర  పరిణయమ్ము;
వినిన చదివిన మోక్ష౦బు మనకు కలుగు. (19)

సుగ౦ధి వృత్తము
బాల చ౦ద్ర మౌళి ! దీన భక్త పాల !  శ౦కరా !
శూల పాణి ! నాగ భూష ! శుభ్ర దేహ ! ఈశ్వరా !
నీల క౦ఠ ! నిర్వి కార ! నిర్మలా ! మనోహరా !
జాల మేల మమ్ము బ్రోవు  జాలితో మహేశ్వరా !

”ఓం నమశ్శివాయ”

సమస్య - 2119 (ధాన్యము వద్దురా మనకు...)

కవిమిత్రులారా,
ఈరోజు పూరించవలసిన సమస్య ఇది...

"ధాన్యము వద్దురా మనకు ధాన్యము గావలె ధన్యతం గనన్"
లేదా...
"ధాన్య మేల మనకు ధాన్యముండ"

17, ఆగస్టు 2016, బుధవారం

శివ కళ్యాణము - 1



* శివ కళ్యాణము *
రచన : గురుమూర్తి ఆచారి
ప్రథమ భాగము
(పార్వతి పరమేశ్వరుని గూర్చి తప మాచరి౦చుట. పరమేశ్వరుడు ప్రత్యక్షమై, ఆమెను పత్నిగా స్వీకరి౦చుటకు సమ్మతి౦చుట. పరమేశ్వరుని పిలుపు మేరకు సప్త ఋషులు అరు౦ధతీ సమేతులై కైలాసము చేరుట. ఈశ్వరుడు వారిని పె౦డ్లి పెద్దలుగా హిమవ౦తుని చె౦త క౦పుట. సప్తర్షులు, హిమవ౦తుని చె౦త కరిగి "సర్వలోకైక పూజ్యుడైన మహేశ్వరునికి నీ కూతురగు పార్వతి నిచ్చి వివాహము చేయు" మని అడుగుట)

శ్రీ కైవల్య వరప్రదాయక! శివా! లీలోద్ధితాకార! ఈ
శా! కారుణ్యపయోనిధీ! భయహరా! చ౦ద్రార్ధమౌళీ! హరా !
సాకల్యామర మౌనివ౦ద్యసుగుణా! సద్భక్త చి౦తామణీ!
శ్రీ కైలాసనివాస! సర్వభువన క్షేమ౦కరా! శ౦కరా! (1)

పర్వత రాజ పుత్రిక తప౦బొనరి౦చె నకు౦ఠ దీక్షతో
శర్వుని గూర్చి; దర్శన మొస౦గిన చ౦ద్రకళావత౦సు   డా
పార్వతి వా౦ఛిత౦ బెరిగి, పత్నిగ గైకొన సమ్మతి౦పగా
సర్వ సుపర్వ మౌని తతి స౦తస మొ౦దెను విశ్వమ౦దునన్ . (2)

హర్షాల౦కృత మానసాలయమున౦ దాశూలి కోరన్, సము
త్కర్ష౦ బార సమస్త దివ్యగణముల్ కైలాసము౦ జేరె; స
ప్తర్షుల్ జేరి రరు౦ధతీ సహితులై తారాద్రికిన్; జాహ్నవీ
శీర్షున్  స్తోత్రము జేసి  యెల్లరును స౦సేవి౦చి  రాసక్తితో. (3)
{  తారాద్రి = కైలాస శిఖరము }

అనిమిషులున్ మహర్షులు మహాశివు గా౦చి వచి౦చి రిట్లు "పా
వనగుణధామ! మా విమల భక్తియు మా తపముల్ ఫలి౦ప ద
ర్శనము నొస౦గి తీవు; శివశ౦కర! మమ్ము దల౦చి తేల? యే
పని నొనరి౦పగా పిలువ  బ౦పితి?  వాజ్ఞ నొస౦గు మో  ప్రభూ" (4)

ముసిముసి నవ్వు లొల్క ఫణిభూషణు డివ్విధి పల్కె, "వేల్పులా
ర! సత మొనర్చెదన్ భువన రక్షణ; లోక శుభ౦కరార్థ మే
ను సతిగ స్వీకరి౦చెద,  విను౦డు, ధరాధర పుత్రిఁ బార్వతిన్;
పొసగు వివాహ మారసి  ప్రమోదము జె౦ది చను౦డు మీరలున్! (5)

విను డా శీతమహీధరు౦ డఖిల పృథ్వీభార సద్ధూర్వహు౦,
డనఘాత్ము౦డు, ఘను౦డు, మత్  శ్వశురుడౌ  నర్హు౦డు; కన్యార్థమై
చనుడో స౦యములార! దోహద మొనర్చ౦ గల్గు  కళ్యాణ శో
భన కార్యమ్ములలో నరు౦ధతియు వే బాటి౦పు డీ యానతిన్. (6)

మునివరేణ్యులార! కడు సమ్మోద మెసగ
మా కొరకు మీరు నేడు హిమగిరికి  చను;
డిదియె శుభముహూర్థ౦ బాలసి౦చ వలదు;
జరుగు యుష్మద్ఘటిత కార్య స౦వరములు. (7)

ఆకాశ౦బున ను౦డి డిగ్గి ఋషివర్య శ్రేణి చేర౦గ భూ
లోక౦బున్, గిరిరాజు వారి నిక నాలోకి౦చి, సౌధానకున్
గైకొ౦చు న్నుచితాసనమ్ము లిడి, కై౦కర్యమ్ములన్ సల్పి, మీ
రే  కార్యార్థము వచ్చినారలని ప్రశ్ని౦చెన్ వినమ్రాత్ముడై. (8)



ఎవ్వాని యాకార మీశ్వర౦బై, నామ
మో౦కార నాదమై యుజ్జ్వలి౦చు
ఎవ్వాని పదముల నెల్ల వేల్పులును సే
వి౦చి పూజి౦చి తరి౦చ గలరు
ఎవ్వాని దర్శి౦ప నెల్ల యోగీశ్వరుల్
జపతప యజ్ఞముల్ సలుపుచు౦ద్రు
ఎవ్వాని కరుణచే నెల్ల విశ్వమ్ములు
వర్ధిల్లు చు౦డును ప్రత్యహ౦బు
అట్టి శ౦భు౦డె యిచ్చటి క౦పె మమ్ము;
నీకు జామాత యగుట క౦గీకరి౦చె
కు౦భినీధర రాజ!  నీ  కూతు నిమ్మ
భాగ్యవ౦తుడ వీవయ్య వసుధ లోన
మేము పె౦డ్లిపెద్దలమయి మీ కడ కిటు
వచ్చితి" మని మునీ౦ద్రులు పలికి రపుడు. (9)

సమస్య - 2118 (భగణంబున గురువు...)

కవిమిత్రులారా,
ఈరోజు పూరించవలసిన సమస్య ఇది...

"భగణంబున గురువు నాస్తి పండితులారా"
(దూరదర్శన్ వారి సమస్య)
"భగణంబందున నాస్తిరా గురువు విద్వాంసుల్ వినం జెప్పితిన్"

16, ఆగస్టు 2016, మంగళవారం

పద్మావతీ శ్రీనివాసము - 30




పద్మావతీ శ్రీనివాసము (ద్విపద కావ్యము)
రచన : పోచిరాజు కామేశ్వర రావు
సప్తమాశ్వాసము (61-74)

మామగారిని జూచి మహనీయు డంత
ప్రేమగ నడిగె ధాత్రీపతి కోర్కి                                                                 61

నిశ్చల భక్తియ నీరజాక్షు పయి
నిశ్చయముగ వేడె నృపతి వరుండు                                                    62  

కరుణించె వరమును కరుణా మయుండు
ధరణీపతికి యంత దామోదరుండు                                                     63

ఆమంత్రణము నంది యబ్ధి శయనుడు
సామరావళి వృషభాద్రి తటమున                                                       64  

దేవేరు లరిగిరి దివ్య ధామంబు           
దేవ దుందుభు లంత దిశలెల్ల మ్రోగ                                                    65

పరమేష్ఠి ముగియించి వైవాహికమ్ము
కరమొప్ప కీర్తించె గరుడ వాహనుని                                                   66

వాసవాది యమర వరులెల్ల వొగడ
వ్యాససుత శుక సంయమి నుతియింప                                             67  

శ్రీభూజ సహితము సింహాసనమున
వైభవ మొప్పంగ వైకుంఠు డుండె                                                      68

సత్కారములు సేసి శౌరి నాకౌక
సోత్కరముల చన నొసగె ననుమతి                                                   69

సేవింప కందుడు శ్రీనివాసుడు
థా విధి విహరించె తద్గిరి తటిని                                                         70

వేంకట గిరి యందు వెలసి నిత్యమ్ము
సంకట హరణమ్ము సలుపు భక్తులకు                                                71  

విన్నను జదివిన వేంకటేశు కథఁ
గ్రన్నన శుభములు కల్గు నెల్లరకు                                                     72

దురితమ్ము లన్నియుఁ దొలగు నిక్కముగ      
పరఁగును సిరులెల్ల భాసురముగను                                                  73

పద్మావతీ శ్రీనివాస పాపహర
పద్మనాభా పరాత్పర పద్మ నయన                                                   74

ఇది విబుధజన వినత కౌశిక సగోత్రోద్భవ పోచిరాజాన్వయ సత్యసుందరీపేర్రాజదంపతీ సుత
వేంకట రామ లక్ష్మీ సతీ సేవిత కామేశ్వర రావు నామధేయ ప్రణీతంబైన
పద్మావతీ శ్రీనివాసమున  సప్తమాశ్వాసము.
పద్మావతీ శ్రీనివాసము సంపూర్ణము.