6, నవంబర్ 2016, ఆదివారం

దత్తపది - 102 (సరి-గమ-పద-నిస)

సరి - గమ - పద - నిస
పై పదాలను ఉపయోగిస్తూ
రామాయణార్థంలో
నచ్చిన ఛందస్సులో పద్యాన్ని వ్రాయండి.

88 వ్యాఖ్యలు:

  1. గడుసరియగు దాసి గమనించి కైకమ్మ
    పదము లొత్తుచుండి పలికె నిటుల:
    "బానిసత్వ మౌను భరతునకును నీకు
    రాముడవగ రాజు రాజ్య మునకు!"

    ప్రత్యుత్తరంతొలగించు
    ప్రత్యుత్తరాలు
    1. ఈ వ్యాఖ్యను రచయిత తీసివేశారు.

      తొలగించు
    2. శాస్త్రి గారు మీ పూరణ యద్భుతముగానున్నది.

      తొలగించు
  2. హనుమంతుడు రావణునితో:
    సరిరారెవ్వరు రామచంద్రునకునున్ సంగ్రామమందున్ ధరన్
    శరణమ్మొందగ మంగళంబగును నీ సామ్రాజ్యమందెప్పుడున్
    నిరసింపన్ హరిమాటగా తెలుపగన్ నీవాపదల్ గోరుటౌ
    చరితంబెన్నక సాగినంత చ్యుతి నిస్సందేహమౌ నీకనిన్

    ప్రత్యుత్తరంతొలగించు
    ప్రత్యుత్తరాలు
    1. ఊకదంపుడు గారు మీ పూరణ చాలా బాగుంది. "జరితం.." అంటే బాగుంటుంది.

      తొలగించు
  3. డా.పిట్టా
    సరిరారెవ్వరు నిన్ను బోల్చ గమ కాత్సౌ జన్యశీలంబులన్
    నెరి మూటన్ సిరిగట్టి బంచితివితన్నీమాలు నీ‌సన్నలున్
    నర జన్మం గను వేదమంత్రపు పదాల్ నారాయణుండౌటకే
    వర విద్యార్థములయ్య పుణ్యఫలమున్ వాసిన్గనన్ రాఘవా!

    ప్రత్యుత్తరంతొలగించు
    ప్రత్యుత్తరాలు
    1. డా.పిట్టా వారు మీపూరణ బాగుంది. "పోల్చగమకాత్సౌజన్యశీలంబులన్" అర్థము కాలేదండి.
      తన్నీమాలు: నీమము తెలుగు మాట కదా.

      తొలగించు
  4. రామా! నీసరి రక్షకుల్ గనమిలన్ రమ్యాతిరమ్యంబు నీ
    నామంబే గమనించినాడ పలుకన్ నాకిమ్ము సామర్ధ్య మో
    స్వామీ! నీపదసన్నిధిం నిలుచు సద్భాగ్యమ్ము ప్రాప్తించినన్
    నీమంబూని సదా చరింతు ననియెన్ నిష్ఠంగపీంద్రుడటన్.
    హ.వేం.స.నా.మూర్తి.

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారు మీ పూరణ చాలా బాగుంది. "నిష్ఠంగపీంద్రుండటన్" అనుకుంటా.

      తొలగించు
    2. అవునండీ. సున్నా పడలేదు. ధన్యవాదాలు.

      తొలగించు


  5. సరిలేరెవ్వరు రాముని
    శరవేగపు గమకములకు, చంపెను నొక బా
    ణరవమున వాలిని పరా
    త్పర పదములవి గొని సఖుని తత్వము గనవే !

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబి గారు మీ పూరణ బాగుంది. బాణ రయమున అంటే బాగుంటుందేమో?

      తొలగించు
  6. కొసరి తినిపించె ముచ్చటఁ గొరికి చూచి
    పళ్ల తీపిని గమనించి పడతి శబరి
    పదమునంటెడు భాగ్యమ్ము ముదము నీయ
    నవని సద్గుణ రాముండు నాదరమున

    ప్రత్యుత్తరంతొలగించు
  7. సరి యేడు తాళము లవే
    వరుసగ మరి చూడు మొక్క వాడిశరమునన్
    నరుకుము పద వానిని నీ
    యురవడి గని సంతసింతు నో రఘురామా.

    ప్రత్యుత్తరంతొలగించు
  8. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  9. కొసరి కొసరి వినదగు గద
    విసుగన్నది లేక ముదము వెస గమకింప
    న్నసమమగు జ్ఞాన సంపద
    నిసర్గముగ రామ కథయె నిరతము మనకున్.

    ప్రత్యుత్తరంతొలగించు
    ప్రత్యుత్తరాలు
    1. జనార్దన రావు గారు మీ పూరణ చాలా బాగుంది.

      తొలగించు
    2. ధన్యవాదాలు కామేశ్వర రావు గారూ !
      మీ పదసంపదలో ఓ పది శాతం మాకివ్వరా ?

      తొలగించు
    3. జనార్దన రావు గారు ధన్యవాదములు. ఆంధ్ర వాఙ్మయము మహా సముద్రము వంటిది. అది యందరికి నందుబాటులోనే యుంటుంది. ఎవరి యిష్టానుసారము వారు తోడు కోవచ్చునండి.

      తొలగించు
  10. కొసరి కొసరి యా పండ్లను కొరికి చూచి
    శబరి యందించగ మధుర శాకమనియె!
    గుహుడు కోరిన పదసేవ బహుమతిచ్చె!
    యట్టి రాముని సన్నిధి నందె నుడుత!

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారు మీ పూరణ బాగుంది. నట్టి రాముని అనండి.

      తొలగించు
  11. జిత ఘన కేసరి గమ నాం
    చిత పద పంకజ నిసర్గ చిత్తానందాం
    కిత సత్య ధర్మ పాలన
    ధృత విక్రమ యాతుధాన ధృతి హర! రామా!

    ప్రత్యుత్తరంతొలగించు
    ప్రత్యుత్తరాలు
    1. వ్యాఖ్యానించే అర్హత లేకున్నా ఆస్వాదించే మనసున్నది కాబట్టి చెబుతున్నాను. అద్భుతం!

      తొలగించు
    2. జనార్దన రావు గారు ధన్యవాదములు. ఎవరి దోషములు వారికి తెలియక పోవచ్చును. నా పూరణను మీరు సమీక్షింప సమర్థులే.

      తొలగించు
  12. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
    ప్రత్యుత్తరాలు
    1. సరి గమ పద నిస లందున
      స్వర మేళనమొంది రమ్య సారస్వతమై
      వరమయె లవకుశుల గళా
      ధ్వరమై రామాయణంబు పరమాద్భుతమై!

      తొలగించు
    2. శర్మ గారు కళాధ్వరమనా లేక గళాధ్వరమానా మీ భావము?

      తొలగించు
    3. గళాధ్వరమని నా అభిప్రాయం .... ఒప్పునా?!(గాత్ర యజ్ఞమని నా ఉద్దేశ్యం)

      తొలగించు
    4. శర్మగారు మీ పూరణ మనోహరముగానున్నది.
      గాత్రమును యజ్ఞమనడము సరికాదేమో? యజ్ఞమొక క్రియ కదా. సంగీతకళను యజ్ఞముగా భావించ వచ్చును. అప్పుడు "లవకుశుల కళా" అనాలి.
      ఆయెను, అయ్యెను లు సాధువులు. అయె వ్యావహారికము. "వరమయ్యె లవకుశ కళా / ధ్వరమై" యన్న నొప్పును.

      తొలగించు
    5. ధన్యవాదములు... కామేశ్వర రావు‌గారూ....మీ సవరణకు కృతజ్ఞతలు ..... పద్యాన్ని సవరిస్తాను..... నమస్సులు.

      తొలగించు
    6. సవరించినది:

      సరి గమ పద నిస లందున
      స్వర మేళనమొంది రమ్య సారస్వతమై
      వరమయ్యె లవకుశ కళా
      ధ్వరమై రామాయణంబు పరమాద్భుతమై!

      తొలగించు
  13. కొసరి రమ్మని పలుమార్లు గోరుచుండి
    రాముని సహోదరు డానాడు రామచంద్రుఁ
    పదములను బట్టె ; గమనించి పాదరక్ష
    లను, గొని మరలె భక్తకి లక్ష్యమనగ

    ప్రత్యుత్తరంతొలగించు
    ప్రత్యుత్తరాలు
    1. కృష్ణా రావు గారు మీ పూరణ బాగుంది. రెండవ పాదములో గణ దోషము. "రామచంద్రు పదము" అన్నప్పుడు "ద్రు" మీద నర్థానుస్వార మక్కర లేదు. రామచంద్రుని యొక్క పదములని కదా మీ భావన.

      తొలగించు
  14. రాముని పదసేవను జేయు బ్రేమ గలిగి
    నాతని సమీప మునజేరి యాశతో డ
    కొసరి కొసరియారా మునకు శబ రియట
    యంది యీయగమధురమైన ట్టి పండ్ల
    నార గించెను బ్రియమున నాత డపుడు

    ప్రత్యుత్తరంతొలగించు
    ప్రత్యుత్తరాలు
    1. అన్నయ్య నీ పూరణ చాలా బాగుంది. "యట / నంది యీయగ" అనాలి కద. అచ్చట యను నర్థమున ద్రుతాంతము.

      తొలగించు
  15. రావణునకు విభీషణుడు హితవాక్కులు చెబుతున్నట్టుగా నూహించి

    గమనింపుము రాముని తో
    సమరము సరికాదని, సతి సద్గుణ వతియౌ
    ప్రమదను రాఘవు జేర్చి ప
    దముల శరణువేడినంత దయజూపుగదే

    ప్రత్యుత్తరంతొలగించు
  16. సరిలేని శస్త్రాస్త్ర చాపయుద్ధోద్ధతిన్
    .......... ఋషియజ్ఞమును గాచె రిపులజంపి
    కఠినశాపమున నిర్గమనయైన యహల్య
    .......... కును నిజరూపంబు కోరి యిచ్చె
    శివధనుర్భంగ విశేష కార్యము సల్పి
    .......... జానకీప్రేమకాస్పదము జూపె
    తండ్రియాజ్ఞానిబద్ధతజేత వనవాస
    .......... మున ముని సన్నిభ మూర్తి యయ్యె

    కపులుతో గూడి రాక్షస రిపుల జంపె
    నిగమ వందిత భూజాత వగపు దీర్చె
    పరమపదమైన భక్తిభావమ్ము నిచ్చె
    మదిని సతతమ్ము నెలకొని ముదము గూర్చె.

    ప్రత్యుత్తరంతొలగించు
    ప్రత్యుత్తరాలు
    1. సంపత్ కుమార్ శాస్త్రి గారు మీ సీసపద్య వర్ణన మనోహరము. పూరణముత్తమము.
      పిచ్చుక మీద బ్రహ్మాస్త్రము వేసినట్లు యీ చిన్ని నాలుగు మాటలకు నంత పెద్ద పద్యము!
      దత్త పదముల నెంత చిన్న పద్యము లో కూర్చితే యంత ప్రజ్ఞ!
      రాక్షసరిపు లంటే సుర లనుకొనే ప్రమాదము కూడ నున్నది.


      తొలగించు
    2. గురువులు శ్రీ పోచిరాజు కామేశ్వర రావు గారికి వందనములు. మీ సూచన శిరోధార్యము.
      ధన్యోస్మి.

      తొలగించు
  17. సమర కేసరి వాలిని సంహరించె
    సచ్ఛరాసన నిర్గమ శరము తోడ
    నల రుమా పతి యాపద తొలగి పోవ
    ధరణిజా పతి, వాని సదా స్మరింతు

    ప్రత్యుత్తరంతొలగించు
    ప్రత్యుత్తరాలు
    1. ఈ వ్యాఖ్యను రచయిత తీసివేశారు.

      తొలగించు
    2. విజయ కుమార్ గారు మీ పూరణ చాలా బాగుంది. ధరణిజపతి సాధువు.ధరణిజేశుడు అంటే బాగుంటుంది.

      తొలగించు
    3. ధన్యవాదాలు కామేశ్వర రావు గారూ!

      తొలగించు
  18. గడుసరి యగు నగ్రజుతో
    తడబడక విభీషణుండు తద్యత్నంబున్
    విడువగ మన్ననలందుచు
    నొడయని సత్పదము లోన నుండగ బలికెన్.

    సరియగు సీతను బంపుట
    సురవైరీ!మోక్షపదము సుగమము చేయున్
    గురుముని సమ్మత మిది నీ
    కరయంగా రామచంద్రు డతి హర్షమునన్.
    హ.వేం.స.నా.మూర్తి

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారు మీ రెండు పూరణలు చాలా బాగున్నాయి. దడబడక అంటే బాగుంటుంది. ద్రుతసంధి నిత్యము.

      తొలగించు
  19. సరి యెవరు జగ మందలి జనపదముల
    గజగమన ధరణిజకు చక్కదనమందు
    రాఘవుని సహధర్మిణి కడు రమణకెక్కె
    కష్టములఁగొని పతితోడ కానలందు

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారు మీ పూరణ బాగుంది. "కడు" తీసేయండి. ఉంచితే గణములకు కడు కీడు.

      తొలగించు
  20. క్రొవ్విడి వెంకట రాజారావు:

    హరియె రాము డనెడి సరిసత్తు గమనించి
    రామ పదముల దరి గోము గలిగి
    భక్తి దోడ రామ బానిస యౌచును
    భక్తులందు హనుమ భవ్యు డయ్యె.


    ప్రత్యుత్తరంతొలగించు
    ప్రత్యుత్తరాలు
    1. రాజారావు గారు మీ పూరణ బాగుంది.
      రామ బానిస సమాసము సరి కాదు. కేవల సంస్కృత శబ్దము వికృతి శబ్దముతోడ సమసింపదు. రాముబానిస అనవచ్చు.

      తొలగించు
    2. పూజ్యులు కామేశ్వరరావు గారికి నమస్కారములు. మీసూచనను తప్పక పాటిస్తాను. కృతజ్ఞతలు.

      తొలగించు
  21. రావణవధానంతరం విభీషణుడు తోడ్కొని వచ్చిన సీతను చూడుమని హనుమంతుడు రాముని వేడుకుంటున్నాను.

    త్రిదివౌకస రిపు మర్దన!
    మదనాగ మణి ప్రకాశ మకుట ధరా! యా
    పద గడచి వచ్చె సీతమ
    సదయా! మునిసన్నుత పద! సరగునఁ గనుమా!

    ప్రత్యుత్తరంతొలగించు
    ప్రత్యుత్తరాలు
    1. పూజ్యులు శంకరయ్య గారికి వందనములు. అద్భుతమైన పూరణ. శ్రీరామచంద్రుని దయ వలన మీ కష్టములు శ్రీఘ్రమె కడతేరాలని మా యాకాంక్ష.

      తొలగించు
  22. కవిమిత్రులారా!
    మా అబ్బాయికి రేపు కాని ఎల్లుండి కాని శస్త్రచికిత్స జరుగుతుంది. ఇంటికీ హాస్పిటల్‍కు తిరగడం తోనే సరిపోతున్నది. మీ పూరణలను చదువుతున్నాను కాని, స్పందించలేకపోతున్నాను. మన్నించండి.
    మరొక మూడు రోజుల సమస్యలను షెడ్యూల్ చేశాను.
    ********
    పోచిరాజు కామేశ్వర రావు గారూ,
    నా పరిస్థితిని సానుభూతితో అర్థం చేసికొని మిత్రుల పూరణలపై స్పందిస్తున్నందుకు ధన్యవాదాలు! మీ సహకారం ఇలాగే కోనసాగించవలసిందిగా సవినయంగా మనవి చేస్తున్నాను.

    ప్రత్యుత్తరంతొలగించు
    ప్రత్యుత్తరాలు
    1. పూజ్యులు శంకరయ్య గారికి వందనములు. మీ యభీష్టము మేర నా శక్తి కొలది ప్రయత్నిస్తాను.

      తొలగించు
    2. మాన్యులు శ్రీ శంకరయ్య గారికి
      నమస్కారములతో,

      ఇప్పుడే శ్రీ వూలపల్లి సాంబశివరావు గారి ద్వారా వార్త తెలిసి ఈ మీ సందేశాన్ని చూశాను. ఈశ్వరానుగ్రహం వల్ల సర్వం సానుకూలమై బాబు సత్వరం కోలుకోవాలని, మీకు చిత్తస్థైర్యం చేకూరాలని ఆకాంక్షిస్తున్నాము.

      శం భవతు.

      తొలగించు
  23. కందము:సొగసరి రఘుకులతిలకుదు,
    నిగమముల కెరుకపడవతని పదకమలముల్
    తగులగ శిల మగువగునని
    సగుణుని బొగడగ దొరకును శమము నెలమినిన్

    ప్రత్యుత్తరంతొలగించు
    ప్రత్యుత్తరాలు
    1. తిమ్మాజీ రావు గారు మీ లఘుతమ కంద పూరణ మత్యంత మనోహరముగా నున్నది.

      తొలగించు
    2. శ్రీ కామేశ్వరరావు గారికి ధన్యవాదములు

      తొలగించు
  24. భక్తుడైనను సరి గాని రక్తి గోరి
    నిగమ రూపుని చేతిలో నిహతు డయ్యె
    దశముఖుడు, పౌరుల నాపదలు తొలగగ
    రమ్యరీతిని సత్కీర్తి రామ విభుడు

    ప్రత్యుత్తరంతొలగించు
    ప్రత్యుత్తరాలు
    1. శ్రీరామా రావు గారు మీ పూరణ బాగుంది. మూడవ పాదములో యతిగణ దోషములు.
      "దశముఖుండు,ముని గణాపదలను తీర్చె" అన్న సరి పోవును.

      తొలగించు
  25. శ్రీగురుభ్యోనమః

    కేసరినందనుండు జయగీతము బాడుచు నార్ద్రనేత్రుడై
    కోసల రాజనందనుని కోమలమున్ గమనించి మ్రొక్కుచున్
    బాసల జేసి రామపదపద్మములన్ మదినిల్పి ధీరతన్
    భూసుత జాడ గన్ గొనగ పూని సముద్రము దాటె నత్తరిన్

    ప్రత్యుత్తరంతొలగించు
    ప్రత్యుత్తరాలు
    1. శ్రీపతి శాస్త్రి గారు మీ పూరణ ప్రశస్తముగానున్నది.

      తొలగించు
    2. గురువర్యులు శ్రీ కామేశ్వరరావు గారికి నమస్సులు, ధన్యవాదములు.

      తొలగించు
  26. రామ పదమంటి ప్రణమిల్లి రయము తోడ
    నాతని సతి జాడ నెఱంగ నలసటనక
    గడసరి పవన సుతుడంత కడలి దాట
    కదలె వాయువేగ మనోవే గాన కపియు

    ప్రత్యుత్తరంతొలగించు
    ప్రత్యుత్తరాలు
    1. విరించి గారు మీ పూరణ బాగుంది. నాల్గవ పాదములో గణ దోషము. గడుసరి సాధువు.

      తొలగించు
  27. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారు దత్త పదములన్ని చక్కగా కుదిరినవి.
      పద్యము మధ్యలో నచ్చులను బ్రయోగించ దగదు. నాగమ, నాపద అనిన సాధువు.
      ఆపదల నుపదల (కానుకలు) సేయు పదప్రయోగము సముచితముగా లేదనిపించు చున్నది.

      తొలగించు
  28. మిత్రులందఱకు నమస్సులు!

    [అశోకవనంలో హనుమంతునితో సీత పలికిన సందర్భము]

    "కేసరి సుత! శ్రీరామున
    కీ సంగతి సుగమముగను నెఱుకపఱచియున్,
    వాసిగఁ బతిపదయుగళిని
    నీ సీతయె నమ్మె ననుమ నెమ్మిని సదయన్!"

    స్వస్తి

    ప్రత్యుత్తరంతొలగించు
    ప్రత్యుత్తరాలు
    1. తే.గీ.

      [2]
      కేసరి సుతుండు సని జానకిఁ గని యంగు
      ళీయక మ్మిడ, గమనించి, "యోయి హనుమ!
      వేగ నా యాపదను మాన్ప వేడెద! నిఁక,
      రావణుని సమయింపఁగ రమ్మను"మనె!

      తొలగించు
    2. కవి పుంగవులు మధుసూదన్ గారు మీ రెండు పూరణలందు నిస్పక్షపాతముగా నాలుగు పదములను నాల్గు పాదములలో కూర్చినారు.

      తొలగించు
  29. గు రు మూ ర్తి ఆ చా రి
    ,,,,,,,,,,,,,,,,,,,,,,,,,,,,,

    { శూర్పనఖ రామునితో అన్న మాటలు }


    సరి లేరెవ్వరు నీకు | వేగమ పరిష్వ౦గమ్ము

    ………… లోనన్ ననున్

    గరగి౦పన్ వడి రమ్ము | శూర్పనఖ

    ……… యాగ౦ జాల | దో రామ ! నీ

    పురుషత్వ౦బున కేను బానిస | నికన్

    ………… బోనాడు మా జానకిన్ |

    దరికిన్ జేరుమ , జా గదేల | పద ! --

    …………… దివిద్వారాన నిన్ జేర్చెదన్ |

    ప్రత్యుత్తరంతొలగించు
    ప్రత్యుత్తరాలు
    1. గురుమూర్తి ఆచారి గారు మీ పూరణ చాలా బాగుంది.
      శూర్పణఖ మీద కోపమును చేటనఖను (శూర్పనఖ) చేసి తీర్చుకున్నారా!
      నాల్గవ పాదములో గణ దోషము.

      తొలగించు
    2. ...జా గదేల పద స్వర్ద్వారాన...అంటే సరి!

      తొలగించు
  30. ఇలను కే'సరి'సుతు 'సరి' యెవ్వరనుచు
    నా 'గమ'ని'గమ' నిపుణుడు నాతడనుచు
    నా'పద'లఁ బా'ప ద'గునీత డాఢ్యు డనుచు
    రాముడిత'ని స'ఖుడ'ని స'రసన జేర్చె
    కామేశ్వరరావుగారూ, ఔనండీ, మీరన్న తరువాత నాకునూ ఔచిత్యంగా లేదనిపించింది.మార్చి వ్రాశాను. చిత్తగించండి

    ప్రత్యుత్తరంతొలగించు

  31. కొసరి కొసరి పెట్టె కోమలి శబరి తా
    నిగమవేద్యుడైన నీరజాక్షు
    పదకమలము నంటి భక్తితో ఫలములు
    తనిసతండు మెచ్చె ధరణి యందు.


    కేసరి తనయుడప్పుడా సముద్రము దాటి
    నిగమములకు దొరకు నేత దలచి
    ధరణిజ పద ములకు తలవంచు మ్రొక్కుచు
    గాంచె నవనినిసరిగాను కపుడు.

    ప్రత్యుత్తరంతొలగించు
    ప్రత్యుత్తరాలు
    1. డా. ఉమా దేవి గారు మీ మొదటి పద్యములో తనిసి_అతండు= తనిసియతండు అవుతుంది. యడాగమము. క్త్వార్థంబైన యిత్తునకు సంధి లేదు.అప్పుడు నిస పదము మరుగవుతుంది.

      రెండవ పద్యము మొదటి పాదములో "తనయుడపుడా" అనండి లేకున్నగణదోషము. అవనిని గాంచుట: భావము కూడా సంతృప్తికరముగా నున్నట్లు లేదు.

      తొలగించు
  32. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  33. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  34. ముక్త సరిగమ హిజబల్కె మూర్ఖుఁజూచి
    "నీ పదనిస ర్గముదెలిసె, నీకు మృత్యు
    దర్శన సమయము మిగుల దగ్గరయ్యె
    శఠము వీడి రామచరణ శరణు గొనుమ

    ప్రత్యుత్తరంతొలగించు
  35. మూర్తి గారు మీ పూరణ బాగుంది. మహీజ సాధువు.

    ప్రత్యుత్తరంతొలగించు
  36. నీ సరి సాటి లేరు మహి నిక్కము జూడగ మర్త్యసింహమా
    బాసను సేయుచుంటి నిక భక్తిగ మ్రొక్కుచు నీ పదంబులన్
    వేసట లేకనేనిచట వేడుక నుండెద నీదురాకకై
    వాసిగ నంది గ్రామమున బానిస రీతిగ వేచియుండెదన్

    ప్రత్యుత్తరంతొలగించు
  37. గురువర్యులు శ్రీ కంది శంకరయ్య గారి చరణారవిందములకు నమస్సులు. ఆర్యా మీ కుమారునకు శ్రీపరమేశ్వరుని అనుగ్రహమున శస్త్ర చికిత్స విజయవంతమై ఆయురారోగ్యములు కలుగవలెనని పరమేశ్వరుని ప్రాథించుచున్నాను.

    ప్రత్యుత్తరంతొలగించు