23, నవంబర్ 2016, బుధవారం

సమస్య - 2207 (భువి వీడితి వేల...)


 అమర సంగీత విద్వాంసులు
మంగళంపల్లి బాల మురళీకృష్ణ గారికి
శ్రద్ధాంజలి!
కవిమిత్రులారా!
ఈరోజు పూరించవలసిన సమస్య ఇది...

"భువి వీడితి వేల బాల మురళీకృష్ణా"

86 వ్యాఖ్యలు:



  1. చవులూరెడి సంగీతము
    నవలీలగ నవ్య బాణి, నారద మహతి
    న్నవతా రాగముల సలిపి
    భువి వీడితి వేల బాల మురళీకృష్ణా!

    ప్రత్యుత్తరంతొలగించు
  2. చవి జూపినావు రాగపు
    ఛవీ ఝరుల నింపినావు సంగీతమునన్
    రవి చంద్రుల వలె వెల్గుము,
    భువి వీడితి వేల బాల మురళీ కృష్ణా!

    కవివై వాగ్ఝరి వైతివి
    జవమొప్పెడు కైత నొసగి శారద వరమై!
    నవరాగ చక్రవర్తీ!
    భువి వీడితి వేల బాల మురళీ కృష్ణా!

    కవితా పదముల మధురిమ
    లవగతమగు రీతి నీ స్వరార్ణవ మందున్
    నవరసము లొల్కె గాదే!
    భువి వీడితి వేల బాల మురళీ కృష్ణా!.

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా శర్మ గారూ,
      మీ మూడు పూరణలు బాగున్నవి. అభినందనలు.

      తొలగించు
  3. కం.చెవియొగ్గియు వినుచుంటిమి
    యవిరళముగ నీవు పాడ నమృతపు రవముల్
    దివిలో పాడుట కొరకై
    "భువి వీడితి వేల బాల మురళీకృష్ణా"

    ప్రత్యుత్తరంతొలగించు
    ప్రత్యుత్తరాలు
    1. జనార్దన రావు గారూ,
      మీ పూరణ బాగున్నది. అభినందనలు.

      తొలగించు
  4. దివినుండి దిగిన వరముగ
    నవరస ములొలుకు గాన గంధర్వు డవై
    అవనిని గారడి జేయుచు
    భువి వీడితి వేల బాల మురళీ కృష్ణా !

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      మీ పూరణ బాగున్నది. అభినందనలు.
      రెండవ పాదంలో గణదోషం. 'నవరసముల నొలుకు గాన గంధర్వుడవై...' అనండి.

      తొలగించు
    2. దివినుండి దిగిన వరముగ
      నవరస ములనొలుకు గాన గంధర్వు డవై
      అవనిని గారడి జేయుచు
      భువి వీడితి వేల బాల మురళీ కృష్ణా

      తొలగించు


  5. సుముఖము లవంగి మహతిన్
    సమతా రాగముల సిద్ధి, సర్వశ్రీ ల
    న్నమరిన గణపతి, నోంకా
    రమైన బాలమురళి యజరామర మయ్యెన్ !

    జిలేబి

    ప్రత్యుత్తరంతొలగించు
  6. డా.పిట్టా
    అవిరళ నాదోపాసన
    ప్రవిమల వాగ్గేయ రవళి భావుక నటనన్
    దివిలో జూపగ బిలిచిరొ
    భువి వీడితివేల బాలమురళీ కృష్ణా!
    ఛవి జూపి అన్నమయ్యను
    దివినిన్ గలువంగనేమొ తేనెల పాటల్
    చెవి నేయుచు వైతాళిక
    భువి వీడితివేల బాలమురళీకృష్ణా!

    ప్రత్యుత్తరంతొలగించు
    ప్రత్యుత్తరాలు
    1. పిట్టా వారూ,
      మీ రెండు పూరణలు బాగున్నవి. అభినందనలు.

      తొలగించు
  7. కవివై గాయక మణివై
    యవనిన వెలిగెడు నిను సురులాహ్వానింపన్
    దివిలో గానము సేయగ
    భువి వీడితి వేల బాల మురళీకృష్ణా

    ప్రత్యుత్తరంతొలగించు
  8. ప్రత్యుత్తరాలు
    1. ఆర్యా!
      విరించి గారూ!
      మీ రెండవ పద్యంలో ప్రాస సరిచూసుకోవలసినదిగా ప్రార్థన.

      తొలగించు
    2. చవులూరెడు సంగీతము
      నవనని రవళింపజేసి యలసితి వేమో
      నవయుగ వైతాళికుడా
      భువి వీడితి వేల బాల మురళీకృష్ణా

      తొలగించు
    3. విరించి గారూ,
      మీ రెండు పూరణలు బాగున్నవి. అభినందనలు.
      'అవనిని' అనండి.

      తొలగించు
  9. భవదీయామృతగానం
    బవనీతలమందు జాలు ననెనా విధి? యా
    దివిజూడ దలచినావా?
    భువి వీడితి వేల బాల మురళీకృష్ణా?
    హ.వేం.స.నా.మూర్తి

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ మూర్తి గారూ,
      మీ పూరణ బాగున్నది. అభినందనలు.

      తొలగించు
  10. నవవిధముల సంగీతం
    బవిరళముగ పాడనీవు యవనియె మురియన్
    ధృవతారగ వెలుగొందుచు
    భువి వీడితి వేల బాలమురళీకృష్ణా!!!

    ప్రత్యుత్తరంతొలగించు
    ప్రత్యుత్తరాలు
    1. శైలజ గారూ,
      మీ పూరణ బాగున్నది. అభినందనలు.
      'నీవు+అవనియె' అన్నపుడు సంధి నిత్యం. 'నీవు పాడ నవనియె..' అనండి.

      తొలగించు
  11. అవిరళ రాగ పరంపర
    శివపర మొనరించి మహిని చిర కాలంబున్
    దివిజుల సరసన జేరగ
    భువి వీడితి వేల బాల మురళీకృష్ణా

    ప్రత్యుత్తరంతొలగించు
    ప్రత్యుత్తరాలు
    1. రమ్యమైన మధుర రాగాలు సృజియించి
      స్వరపు సీమ నేలు చక్రవర్తి
      దివిజ గాయకులకు దీటుగా నిలవంగ
      దివికి జనియె నేడు భువిని విడచి

      తొలగించు
    2. శాస్త్రీయ సంగీత సమరాంగణమునందు నాద యుద్ధము జేయు నారదుడవు
      లలితంపు సంగీత లాలిత్యముల తోడ తోమాల గూర్చిన తుంబురుడవు
      శ్రీరాము మెడలోన యారామ దాసుని హారాలు తొడగిన హనుమ నీవు
      పంచరత్నంబుల పావనంబగు రీతి లాలించినత్యాగ రాజువీవు

      తెలుగు గడ్డను వెలసిన ధీరుడీవు
      దైవ మన్నన బొందిన ధన్యుడీవు
      సామగానము జేసిన సార్వభౌమ
      రమ్యమైనట్టి భారత రత్నమీవు

      తొలగించు
    3. ఫణికుమార్ గారూ,
      మీ పూరణ, దాని ననుసరించి వ్రాసిన పద్యాలు మనోహరంగా ఉన్నవి. అభినందనలు.
      'మెడలోన నా రామదాసుని' అనండి. 'లాలించిన త్యాగ..' అన్నచోట గణదోషం. 'లాలించితివి త్యాగరాజు వీవు..' అందామా?

      తొలగించు
    4. గురువుగారూ నమస్సులు, మీ సవరణలకు ధన్యవాదములు. ఒక చిన్న సందేహం. లాలించిన త్యాగరాజు అన్నది ఏక సమాసమే కదా. న గురువు అవ్వదా? దయచేసి వివరింపగలరు.

      తొలగించు
    5. ఫణి కుమార్ గారు "లాలించినత్యాగ రాజు" మిశ్రమ సమాసము. లాలించిన తెనుగు పదము కాబట్టి త్యా వలన పూర్వాక్షరము "న" గురువు కాదు.

      తొలగించు
    6. పూజ్యులు కామేశ్వరరావు గారికి నమస్సులు. మీ వివరణకి ధన్యవాదములు.

      తొలగించు
  12. శ్రవణానందముఁ గూర్చెడు
    నవస్వర విరించి! మాకు నైరాశ్యమునన్
    స్రవియించగ కన్నీరుల్
    భువి వీడితి వేల బాల మురళీకృష్ణా?

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  13. శివమగు సంగీతామృత
    మవిరళముగ బంచుచున్న మా నారదుడా!
    దివిజుల కేలయ యమృతము?
    భువి వీడితి వేల బాల మురళీకృష్ణా!

    ప్రత్యుత్తరంతొలగించు
    ప్రత్యుత్తరాలు
    1. హనుమచ్ఛాస్త్రి గారూ,
      మీ పూరణ బాగున్నది. అభినందనలు.

      తొలగించు


  14. అవనిని బేర్చిన రాగము
    లవలీలగ నారదాదులకు వినిపించ
    న్నవ భావోద్వేగముతో
    భువి వీడితి వోయి బాలమురళీ కృష్ణా !

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ రెండవ పూరణ బాగున్నది. అభినందనలు.

      తొలగించు
  15. చవులూరెడు నీ గానపు
    ప్రవిమల సుధ లాన గోరి పరతెంచరె యా
    దివిజులు తామే ధాత్రికి
    భువి వీడితి వేల బాల మురళీకృష్ణా!

    ప్రత్యుత్తరంతొలగించు
    ప్రత్యుత్తరాలు
    1. మిస్సన్న గారూ,
      మీ పూరణ ఎందుకో తప్పిపోయింది. మన్నించండి.
      అద్భుతంగా ఉంది మీ పూరణ. అభినందనలు.

      తొలగించు
    2. ఫేసుబుక్కులో ఇచ్చిన పద్యాలు మనోహరంగా ఉన్నవి. ఇక్కడ కూడా పోస్ట్ చేస్తే బాగుండేది.

      తొలగించు
    3. గురువుగారూ ఇటువంటి సందర్భాల్లో మీరు గతంలో ప్రత్యేక శీర్షిక పెట్టి ప్రచురించేవారు. ఇప్పుడు పూరణల మధ్యలో పెట్టాల్సి వస్తుందని పోస్ట్ చెయ్యలేదు.

      తొలగించు
  16. మూగబోయిన మురళికి శ్రద్ధాంజలి.


    సీసము:
    పంచరత్నములను పరవశమ్మున బాడి
    త్యారాజును మన తలపు నింపె
    రాముని కీర్తనల్ రమ్యంబుగా పాడి
    అలనాటి గోపన్న యార్తి పంచె
    తిల్లాన జల్లులే తీపిగా కురిపించి
    ప్రేక్షకజనముల ప్రీతి ముంచె
    కర్ణాట సంగీత గానమ్ము తలపగా
    తనదు రూపమెమన తలను నిల్పె

    తేటగీతి:
    పేరునందునబాలుండె పెద్ద పేరు
    వాద్యమున్నది పేరులో వాక్కు తీపి
    గీతజెప్పిన వాడె సంగీతమందు
    మంగళంబగు నాగళ మహిమనెన్న.

    కందము:
    శివమగు సంగీతామృత
    మవిరళముగ బంచుచున్న మా నారదుడా!
    దివిజుల కేలయ యమృతము?
    భువి వీడితి వేల బాల మురళీకృష్ణా!

    ప్రత్యుత్తరంతొలగించు
    ప్రత్యుత్తరాలు
    1. హనుమచ్ఛాస్త్రి గారూ మీ సీసం అత్యద్భుతం. నమస్కారములు.

      తొలగించు
    2. శాస్త్రిగారూ చక్కని సీసాన్ని అందించారు. అభినందనలు.

      తొలగించు
    3. గోలి వారూ,
      అద్భుతమైన సీసపద్యంతో మంగళంపల్లి వారికి శ్రద్ధాంజలి ఘటించారు. బాగుంది.

      తొలగించు
    4. మాస్టరుగారికి, కవిమిత్రులు మిస్సన్న గారికి, సహదేవుడు గారికి, ఫణికుమార్ గారికి..ధన్యవాదములు.

      తొలగించు
  17. శ్రీగురుభ్యోనమః

    భవదీయ దివ్యగానం
    బవనిని పులకింపజేసె నార్యా నేడా
    దివిజులు పిలువగ వడిగా
    భువి వీడితి వేల బాల మురళీకృష్ణా

    ప్రత్యుత్తరంతొలగించు
    ప్రత్యుత్తరాలు
    1. శ్రీపతి శాస్త్రి గారూ,
      మీ పూరణ బాగున్నది. అభినందనలు.

      తొలగించు
  18. లేవులేవయ్యయికమాకులేవునీవు
    మంగళంపల్లి! యరిగితె?మమ్మువిడిచి
    తీరనటువంటి లోటుమీమరణమార్య!
    నీదునాత్మకు శాంతిని నీశు డిచ్చు

    ప్రత్యుత్తరంతొలగించు
  19. అవనిని గలుగఁగ జుట్టము
    లవసరమా భువినివీ డ యార్యా మురళీ !
    వివశత నొందగ మేమిట
    భువి వీ డితి వేల బాల మురళీ కృష్ణా !

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పద్యం, పూరణ రెండూ బాగున్నవి. అభినందనలు.

      తొలగించు
  20. రవిలావెలిగితివి పుడమి
    నవిరళ సంగీతలక్ష్మి యనుగు సుతుడవై
    కవిగాయకులు కుమారిల
    భువి వీడితి వేల బాల మురళీకృష్ణా!

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      మీ పూరణ బాగున్నది. అభినందనలు.
      'రవివలె' అనండి.

      తొలగించు
  21. దివిషన్మునితో దలపడి
    భవదీయ గళస్వరాలు పలికించంగా
    స్తవనీయ! వాంఛ గలదా,
    భువి వీడితి వేల బాల మురళీ కృష్ణా!
    హ.వేం.స.నా.మూర్తి.

    ప్రత్యుత్తరంతొలగించు
  22. అవిరళ పంచమ సుస్వర
    వివశాత్ముల జేయ నెంచి వేల్పుల నెల్లన్
    దివి కేగితివా! చెపుమా!
    భువి వీడితి వేల బాల మురళీకృష్ణా!

    ప్రత్యుత్తరంతొలగించు
  23. గు రు మూ ర్తి ఆ చా రి
    ,,,,,,,,,,,,,,,,,,,,,,,,,,,,,

    శాస్త్రీయ స౦గీత స౦గతు లన్నిటి

    . ని౦పారగా వినిపి౦చి తీవు

    స౦గీత విద్యను సర్వము శోధి౦చి

    . క్రొత్త రాగమ్ముల గూర్చి తీవు

    సీమ సీమలలో కచేరీల గావి౦చి

    . స౦గీత మధువును చల్లి తీవు

    స౦గీత దర్శక సామ్రాట్టు వై , యెన్నొ

    . తియ్యని బాణీల దీర్చి తీవు

    నాడు ప్రహ్లాద చిత్రాన నారదునిగ

    నటన జేసి , గానాలాపనమ్ము జేసి ,

    ఘనత గా౦చిన స౦గీత ఘనుడ వీవు

    నేడు దివి కేగి మమ్మెల్ల వీడి నావె !.

    ప్రత్యుత్తరంతొలగించు
    ప్రత్యుత్తరాలు
    1. గురుమూర్తి ఆచారి గారూ,
      మీ పద్యం మనోహరంగా ఉంది. అభినందనలు.

      తొలగించు


  24. గోదావరి బాలమురళి
    భూదేవి యెదను విడిచి నభోమండలము
    న్నా దేవతల సమక్షము
    సాధన జేయ నమరపురి సాగె జిలేబీ !

    జిలేబి

    ప్రత్యుత్తరంతొలగించు
  25. చవులూరెడు గానామృత

    మవిరళముగ నింపినావు మనసుల యందున్

    దివిజుల కమృతము నిడగా

    భువి వీడితివేల బాలమురళీ కృష్ణా?

    ప్రత్యుత్తరంతొలగించు
    ప్రత్యుత్తరాలు
    1. నాగేశ్వర రావు గారూ,
      మీ పూరణ బాగున్నది. అభినందనలు.

      తొలగించు
  26. కవిగా,నటుడిగ,గాంధ
    ర్వవిదుడుగ గాణు డగుచు వసుధ వెలయుచున్ !
    దివిజులు నిను బిలువగనే
    భువి వీడితి వేల బాల మురళీకృష్ణా!

    ప్రత్యుత్తరంతొలగించు
    ప్రత్యుత్తరాలు
    1. తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  27. ఉ. శారదరాత్రు లుజ్జ్వలలసత్తరతారకహారపంక్తులం
    జారుతరంబు లయ్యె వికసన్నవకైరవగంధబంధురో
    దారసమీరసౌరభము తాల్చి సుధాంశువికీర్యమాణ క
    ర్పూరపరాగపాండురుచిపూరము లంబరపూరితంబు లై. భా.ఆర.4. 141

    “అంబర పూరితములు:”
    “కర్పూర పరాగ పాండు రుచిపూరములన్ పర పూరితంబులై”.


    నన్నయ భట్టారకుని యంతిమ పద్యమున నప్రయత్నముగ భారత కథ యిక పర పూరితములగు నన్న ధ్వని గమనార్హము.
    మహానుభావుల వాక్కు లప్రతిహతములు!!!
    .

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మనోజ్ఞమైన పద్యాన్ని గుర్తుకు తెచ్చి, క్రొత్త విషయాన్ని తెలియజేశారు. ధన్యవాదాలు.

      తొలగించు
  28. భవిత నెఱిగిన ధన్య ప్రభవులు వారు. నమోనమః.

    ప్రత్యుత్తరంతొలగించు
  29. ధవళాంగీ వరపుత్రుడ!
    నవరాగములను సృజించు నాదమహర్షీ!
    దివిలో కచేరి జేయగ
    భువివీడితివేల బాలమురళీకృష్ణా!!!


    కవి,సంగీతకళానిధి!
    యవనిని శోకింపజేసి యన్యాయముగన్
    దివిజులు స్వాగత మీయగ
    భువివీడితివేల బాలమురళీకృష్ణా!!!


    ప్రత్యుత్తరంతొలగించు
  30. బిరుదులు సత్కృతు లెన్నో
    మురియుచు నిను జేరె బాలమురళీకృష్ణా!
    గురువుగ నినుగొనియాడుచు
    ధరణియె మరి మోకరిల్లె దండములిడుచున్!!!

    ప్రత్యుత్తరంతొలగించు
    ప్రత్యుత్తరాలు
    1. శైలజ గారూ,
      మీ తాజా మూడు పూరణలు బాగున్నవి. అభినందనలు.

      తొలగించు
  31. అవిరళమగు గానముతో
    దివిజుల నలరింప బూను తెఱగిదియా! నీ
    రవళికి తాళము వేయుచు
    భువి వీడితి వేల బాల మురళీ కృష్ణా!

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారూ,
      మీ పూరణ బాగున్నది. అభినందనలు.

      తొలగించు
  32. కవివా?సంగీతంబును
    భవితకు సమకూర్చునట్టి భాగ్యపు నిధివా?
    శ్రవణానందము బంచక
    భువి వీడితి వేల?బాలమురళీకృష్ణా |
    2.సవరణ సంగీతపు నిధి
    భువి వీడితివేల?బాలమురళీకృష్ణా|
    దివికందించగ నెంచియు
    అవిరళ కృషిబంచ నెంచి నరుగుట జరిగెన్|

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.

      తొలగించు
  33. 1.నవరసముల నలవోకగ
    చెవులకునింపొదవునటుల చేసితివయ్యా
    దివిలో పాడగ నెఐచుచు
    భువి వీడితివేలబాలమురళీకృష్ణా.

    2.దివినుండి భువికి వచ్చిన
    కవిపండితుడా!సుమధుర కంఠస్వరమున్
    దివిజుల కెరిగింప దలచి
    భువిని వీడితివేల బాలమురళీకృష్ణా.

    3దివిజుల మెప్పింప దలచి
    భువి వీడితి వేల బాలమురళీకృష్ణా
    వివిధజతులతో పాడుచు
    శ్రవణానందమొనరింప సరుగున రావా!

    4.అవిరళముగ పాటలనున
    నవరతమును పాడుచుండి నానందంబున్
    జవమున జనముల కొసగక
    భువి వీడితి వేల బాలమురళీకృష్ణా!

    5.దివిజులెదురు జూతురనుచు
    భువిని జనుల విడిచి చనుట మురిపెంబౌనా
    నవరాగంబులు దెల్పక
    భువివీడితివేల బాలమురళీకృష్ణా!

    ప్రత్యుత్తరంతొలగించు
    ప్రత్యుత్తరాలు
    1. కె. నందకిశోర్ గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ ఐదు పూరణలు బాగున్నవి. అభినందనలు.
      నాల్గవ పూరణలో 'పాడుచుండి యానందంబున్' అనండి.

      తొలగించు
  34. అన్నయ్యగారూనమస్తే.నేనండి డా.బల్లూరి ఉమాదేవిని.నాఫోన్ చెన్నైలో 12 వతేది పోవడంవల్ల.బ్లాగుకు దూరమైనాను.మాఅబ్బాయి నందకిశోర్ ఫోనుద్వారా పంపుతున్నాను.

    ప్రత్యుత్తరంతొలగించు
    ప్రత్యుత్తరాలు
    1. అలాగా! నేను బ్లాగుకు ఒక మిత్రుడు దొరికాడని సంబరపడ్డాను సుమా! పద్యాల చివర మీ పేరును టైప్ చేయండి.

      తొలగించు
  35. గురువుగారు నన్ను మిస్ అయారు. గోలి శాస్త్రిగారి సీసంలో కరిగి పోయాను.

    ప్రత్యుత్తరంతొలగించు
  36. దివి నుండి భువికి వచ్చిన
    భువి లో సంగీత పద్మభూషణు గా పే
    రువిబుధులు మెచ్చగ మరల
    భువి వీడితి వేల బాల మురళీకృష్ణా

    ప్రత్యుత్తరంతొలగించు
    ప్రత్యుత్తరాలు
    1. రామకృష్ణ గారూ,
      మీ పూరణ బాగున్నది. అభినందనలు.

      తొలగించు
  37. అవనీ తలమున దిరిగిన
    నవయుగ నాదర్షి వనుచు నమ్మితి మయ్యా
    దివిఁరాగమయిన్జేయగ
    భువి వీడితివేల బాలమురళీకృష్ణా

    ప్రత్యుత్తరంతొలగించు