21, జనవరి 2017, శనివారం

సమస్య - 2259 (రాముఁడే నా హితుండనె...)

కవిమిత్రులారా!
ఈరోజు పూరించవలసిన సమస్య ఇది...

"రాముఁడే నా హితుండనె రావణుండు"
లేదా...
"రాముఁడె నా హితుండనుచు రావణుఁ డంగదుతోడఁ జెప్పఁడే"
ఈ సమస్యను పంపిన మిట్టపల్లి సాంబయ్య గారికి ధన్యవాదాలు.

51 కామెంట్‌లు:

  1. తమ్ముడా విభీషణుడా గతమ్ము గాంచు!
    శూర్పణఖక కెవరు దేహశుధ్ధి జేసె?
    మామ మారీచుడ నెవరు మంట గలిపె?
    రాముఁడేనా? హితుండనె! రావణుండు

    రిప్లయితొలగించండి
    రిప్లయిలు
    1. ప్రభాకర శాస్త్రి గారూ,
      బాగుంది మీ పూరణ. కాని చివరిపాదంలో కొంత అన్వయలోపం ఉన్నట్టుంది.

      తొలగించండి
    2. శాస్త్రి గారూ,
      'అట్టి రాముడేనా హితుడు?" అని రావణుడు ప్రశ్నించినట్లుగా అర్థం తీసుకుంటే అన్వయలోపం తొలగిపోయింది. బాగుంది.

      తొలగించండి
    3. గురువర్యులకు నమస్సులు.

      నా పూరణలో నున్న మూడు ??? రాముని పరంగా, రెండు !! విభీషణుని పరంగా ఎంచితిని. హితుండు + అనె = హితుండనె. "విభీషణుడా! నా హితుండనుచుంటివి!" అని నా కల్పన...

      తొలగించండి

  2. రాముడు మంచివాడు, నన్ను విడిచి యతని శరణు పొందు, అని చెప్పిన సీతమ్మ తో రావణుని పలుకులు



    వాలిని హతమొనర్చిన వాడు మాటు
    న నిలబడి, విభీషణునికి, నమ్మ దగని
    వాడికి శరణు నిచ్చె, యవనిజ, వాడు
    రాముడేనా హితుండనె రావణుండు !

    జిలేబి

    రిప్లయితొలగించండి
  3. రిప్లయిలు
    1. సీత తనను మరచిపొమ్మని నిందించి నపుడు రావణుని మాటలు
      -------------------------------
      నార చీరలు ధరియించి యడవు లందు
      రాజ యోగము లేకను తేజ మేది
      భోగ భాగ్యము లేనట్టి పురుషు డతడు
      రాముడేనా ? హితుండనె రావ ణుండు

      తొలగించండి
    2. అక్కయ్యా,
      మీ పూరణ బాగున్నది. అభినందనలు.

      తొలగించండి
  4. డా.పిట్టా
    పందికొక్కుల బగబూని పాతిపెట్ట
    చకచకా త్రవ్వు కలుగుల సారమెరుగు
    క్రొత్త నోటుల నిధులను గూర్చి మనరె
    మోది చర్యలు ధనికుల "మోదకములు"
    మాయ సీత ధనమ్మను మనన జెలగ
    రాముడే నా హితుండనె రావణుండు!
    బాముల వెట్ట నా ధనిక బాబుల నోట్లను బట్టివేయగా
    సామము మాని మోది బలు సాకుల రావణ బ్రహ్మలో యనన్
    నీమము దప్పి మార్చిరట నేర్పున ప్రాతను గ్రొత్తజేసి "మా
    కామితమౌ భలే నిధుల గాంచగ యెంతయొ మేలు జేసె సు
    త్రాములు వాహనాల్ నడుపుదార్ఢ్యపు చోదకులార!"యంచనన్
    రాముడు నా హితుండనుచు రావణుడంగదు తోడ జెప్పడే!?☺

    రిప్లయితొలగించండి
  5. డా.పిట్టా
    సామము మానె..గా చదువ ప్రార్థన..ఆర్యా,

    రిప్లయితొలగించండి
    రిప్లయిలు
    1. పిట్టా సత్యనారాయణ గారూ,
      సమకాలీనమైన అంశంతో మీ పూరణలు బాగున్నవి. అభినందనలు.

      తొలగించండి
  6. కామము తోడ రావణుడు కామునిఁ దల్లిని వెంటదెచ్చినన్
    క్షేమము జెప్ప నెంచి దరిజేరిన దూతను గారవించకన్
    రాముడు పత్నినిన్ మరచి లంకను వీడిన నిశ్చయంబుగన్
    రాముఁడె నా హితుండనుచు రావణుఁ డంగదుతోడఁ జెప్పఁడే

    రిప్లయితొలగించండి
  7. …………………………………………
    గురుమూర్తి ఆచారి
    ,,,,,,,,,,,,,,,,,,,,,,,,,,

    రాయబారి యగు న౦గదుని తో రావణుడు పలికిన మాటలు :--
    ________________________________


    క౦టి రెప్ప విధ౦బున న౦టి యు౦డి

    నన్ను గాచు నట్టి " సులోచనా మనోభి

    రాముడే " నా హితు౦ డనె రావణు౦డు |

    రాము డేమి చేయు ననుచు ప్రశ్న వేసె


    { సులోచనామనోభిరాముడు = ఇ౦ద్రజిత్తు

    హితుడు = హితము గోరు వాడు }

    రిప్లయితొలగించండి
  8. "బ్రహ్మ వంశంబు పేరును బడయు నటుల
    సర్వ జగముల గెలిచితి శౌర్య మలర
    నేడు దేహంబు చాలించ నిలిచి తీను
    రాముఁడే నా హితుండ" నె రావణుండు.
    (రావణునికి అవతారం చాలించవలసిన సమయం ఆసన్నమయినదని
    తెలిసి సంగ్రామానికి వెళ్తున్నప్పుడు ఇంద్రజిత్తు తో పలికిన పలుకులు)

    రిప్లయితొలగించండి
    రిప్లయిలు
    1. టేకుమళ్ళ వెంకటప్పయ్య గారూ,
      బహుకాల దర్శనం... సంతోషం!
      మీ పూరణ బాగున్నది. అభినందనలు.
      'నిలిచి తీను'...?

      తొలగించండి
  9. కోరిన వరముల నొసంగి కూర్మితోడ
    కాచి సతతము కాపాడు కాటి రేడు
    శిఖరవాసిని,నగజాత శివ మనోభి
    రాముడే నా హితుండనె రావణుండు

    రిప్లయితొలగించండి
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించండి
    2. ఈ కామెంట్‌ను రచయిత తీసివేశారు.

      తొలగించండి
  10. రిప్లయిలు
    1. విభీషణునితో రావణుండు:

      తనదు తమ్ముడు తోడుండ మనెడు వాడు
      వాలి సుగ్రీవ వైరమ్ము వాడి నేడు
      మనల విడదీయ వచ్చిన మానవుండు
      రాముడేనా హితుండనె? రావణుండు

      తొలగించండి
    2. గుండా వేంకట సుబ్బ సహదేవుడు గారూ,
      మీ పూరణ బాగున్నది. అభినందనలు.

      తొలగించండి
  11. రాముడొకవేళ విష్ణ్వంశ ప్రభవుడనగ
    నతని గెల్చిన సత్కీర్తి,అంతమవగ
    ముక్తి గల్గును,గాన నో ముదిత వినుము
    రాముడే నా హితుండనె రావణుండు

    రిప్లయితొలగించండి
    రిప్లయిలు
    1. కెంబాయి తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించండి
  12. ఆమునులిచ్చినట్టి యగడంది జనించితి రక్కసుండనై
    నామనసెప్పుడున్నజుని నామమునే జపియించు చుండెడిన్
    భూమి జనించె నచ్యుతుడుబ్రోవననున్ నరజన్మమందు నా
    రాముఁడె నా హితుండనుచు రావణుఁ డంగదుతోడఁ జెప్పఁడే?

    రిప్లయితొలగించండి
  13. మూడులోకాల ప్రభువునై ముదిత! వలచి
    నీదుహితమును గోరెడి నేనువలదె?
    కానలంబడి తిరిగెడి దీనుడైన
    రాముడేనా హితుం? డనె రావణుండు.

    రిప్లయితొలగించండి
  14. రాజ్యకాంక్షను వీడిన రాము డిప్పు
    డవని జాతను కోరడ య్యదియు నిజము,
    రాజ్యమును రమణిని పొంద రణమునకు వి
    రాముఁడే నా హితుండనె రావణుండు

    రిప్లయితొలగించండి
  15. రాము పంపున రాయబారమును జేయ
    వ్రాల లంకాధిపతి మ్రోల వాలి పుత్రు
    నంగదుం గని పల్కె వనేంగ! నీకు
    రాముఁడేనా? హితుం డనె రావణుండు

    [వనేంగము = వనచరము, కోతి]


    భీమ పరాక్రమద్యుతిని వెల్గెడి వీరుడు కుంభకర్ణుఁ డు
    ద్దామ బలాన్వి తాసుర వితానము నాకు బలంబ యిద్ధరన్
    కాముడె యా విభీషణుడు గల్లరి రావణి పీడ్యమాన సు
    త్రాముఁడె నా హితుండనుచు రావణుఁ డంగదుతోడఁ జెప్పఁడే

    రిప్లయితొలగించండి
    రిప్లయిలు
    1. శ్రీ కామేశ్వర రావుగారికి వందనములు. చిన్నప్పుడు మా ఇంగ్లీషు పుస్తుకంలో రాజగోపాలాచారి గారి రామాయణం నుంచీ తీసికొన బడిన పాఠం ఒకటి ఉండేది:

      "Rama learns statecraft from Ravana"

      http://www.mindauthor.com/philosophy/ravana-the-politician/

      ఇది వాల్మీకి రామాయణంలో ఉన్నదా లేదా అని నా సందేహం. దయజేసి తెలుపగోరెదను. నమస్సులు.

      తొలగించండి
    2. శాస్త్రి గారు మీరు చెప్పిన యీ యంశము వాల్మీకి రామాయణములో లేదు. యుద్ధ కాండ 111 వ సర్గ లో రావణ వథ మాతలి వచనానుసారము బ్రహ్మాస్త్రమును ప్రయోగించగా జరుగుతుంది. బ్రహ్మాస్త్రము తిరిగి రామ తూణీరము చేరుకుంటుంది.

      తొలగించండి
    3. పోచిరాజు కామేశ్వర రావు గారూ,
      మీ రెండు పూరణలు అద్భుతంగా ఉన్నవి. అభినందనలు.

      తొలగించండి
    4. పూజ్యులు శంకరయ్య గారికి వందనములు. ధన్యవాదములు.

      తొలగించండి
  16. క్రొవ్విడి వెంకట రాజారావు:

    సూరి శౌరులొక్కటి యను సూక్ష్మ మదియ
    నిజమగుచు దోచె, నాకింక నేమి వలయు?
    పోరులో గూల్చి శివమిడు పురహరి శివ
    రాముడే నాహితుండనె రావణుండు

    సీత విషయమై నన తోడ చిరమరబడి
    తమ్ముడా విభీషుణుడట దైవ సముడు
    రాముడే నాహితుండనె; రావణుండు
    కనలి నాతని సభనుండి కడవబెట్టె

    రిప్లయితొలగించండి
    రిప్లయిలు
    1. క్రొవ్విడి వేంకట రాజారావు గారూ,
      మీ రెండు పూరణలు బాగున్నవి. అభినందనలు.
      'చిరమరబడి'...?

      తొలగించండి
  17. తమ్ములను, తనయుల, తాత తండ్రి గోలు
    పోయి మరుభూమి బోలగ పురములెల్ల
    బంధుజనులు లేని బ్రదుకు బరువు గాదె!
    యమరపురిని నావారి చేయందు కొనగ
    రాముడే నా హితుండనె రావణుండు

    రిప్లయితొలగించండి
  18. రామునితోడ వైరమును రావణ మంచిదిగాదు నీకు నీ
    క్షేమము గూర్చి చెప్చితిని సీతను రాముని చెంత జేర్చు మా
    రాముడు నీ హితుండువిను రాక్షస నాధుడ చెప్పిపంపెనన్
    "రాముఁడె నా? హితుండనుచు రావణుఁ డంగదుతోడఁ జెప్పఁడే"

    రిప్లయితొలగించండి
    రిప్లయిలు
    1. గండూరి లక్ష్మినారాయణ గారూ,
      మీ పూరణ బాగున్నది. అభినందనలు.

      తొలగించండి
  19. వరముగ స్వయం వరము సీతెరుగమగడు
    రాముడే|”నాహితుండనె రావణుండు
    కుంభ కర్ణని రాముని కుమ్మగలడు|
    అన్నదమ్ములనెడురించటంతసులువ?
    2.క్రమాలంకారము
    ప్రేమను పెంపు జేయగల పేర్మికి మూలము సీతనెంచగా?
    క్షేమమ నింపుచున్ సతము కీర్తికి మూలము నాంజనేయుడే|
    కామము నాశనంబుకని గర్వమువీడుటమంచి మార్గమా?
    1.రాముడే2.నాహితుండనుచు3.రావణుడంగద తోడ జెప్పడే?

    రిప్లయితొలగించండి
    రిప్లయిలు
    1. కె. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.
      'సీత+ఎరుగు' అన్నపుడు సంధి లేదు, యడాగమం వస్తుంది.

      తొలగించండి
  20. జలమున నగ్నిపుట్టెనని.................
    విలసిత పాండునందనులు విజ్ఞతతో చరియించిి ధర్మమున్
    నిలుపగ-యోధులయ్యు-అవనిన్ కడు శాంతినిఁజూప పూనరే
    తెలిసి దోసమంచు-రణధీరులుగా చెలరేగు పట్టునన్
    జలమున నగ్నిపుట్టటెనని సంతసమందెను మీనజాలముల్.

    రిప్లయితొలగించండి
    రిప్లయిలు
    1. ప్రసాద రావు గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ పూరణ బాగున్నది. అభినందనలు.
      'తెలిసియు'లో యు టైపు కాలేదు.

      తొలగించండి