11, ఫిబ్రవరి 2017, శనివారం

దత్తపది - 106 (నిధనము-శవము-పాడె-చితి)

నిధనము - శవము - పాడె - చితి
పై పదాలను అన్యార్థంలో ఉపయోగిస్తూ
పెండ్లి వేడుకలను వర్ణిస్తూ
నచ్చిన ఛందస్సులో పద్యాన్ని వ్రాయండి.

63 వ్యాఖ్యలు:


  1. వా"ని ధనము"తో పెండ్లికి పూని పిలువ
    నా"శ వమ్ము" జేయక నప్పు డచటి కేగి
    యతివ లందరు హారతు లద్ది "పాడె"
    పిదప దీవిం"చి తి"నిరట విందొసంగ!

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా శర్మ గారూ,
      మీ పూరణ బాగున్నది. అభినందనలు.
      'అతివలు.. పాడె' క్రియాపదం ఏకవచనంలో ఉంది. "ఇంతి యొక్కతి హారతి నిచ్చి పాడె" అంటే ఎలా ఉంటుంది?

      తొలగించు
    2. సవరణతో.....
      వా"ని ధనము"తో పెండ్లికి పూని పిలువ
      నా"శ వమ్ము" జేయక నప్పు డచటి కేగి
      యతివ గణమును హారతు లద్ది "పాడె"
      పిదప దీవిం"చి తి"నిరట విందొసంగ!




      తొలగించు
  2. కన్యాదానము:

    ఎవని ధనము నీసతి? శై
    శవమున బాల్యమున నుండి చక్కగ నాదౌ
    యువతిని కాపాడెదవో!
    యువకుని కిచ్చితిని పరిణయమ్మున నేడే...

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.
      "యువకున కిచ్చితిని..." అనండి.

      తొలగించు
  3. చూచితిని ధనము కొఱకని
    వేచితి శైశవము నుండి వేడుక మీరన్
    వేచిరి హితముగ పెండ్లికి
    తోచిన పాటలను పాడె తోయజాక్షు లనంగా


    ప్రత్యుత్తరంతొలగించు
    ప్రత్యుత్తరాలు
    1. రాజేశ్వరి సోదరి గారికి నమస్సులు. పద్యము అద్భుతముగ నున్నది. నాల్గవ పాదమున గణములు సరిపడినవా?

      తొలగించు
    2. అక్కయ్యా,
      మీ పూరణ బాగున్నది. అభినందనలు.
      నాల్గవ పాదాన్ని "తోచిన పాటలను పాడెఁ దొయ్యలి యచటన్" అనండి.

      తొలగించు
  4. నాకునూ సందియముగ నున్నది మరి తోచుటలేదు ఏమిచేయవలె సోదరా ?

    ప్రత్యుత్తరంతొలగించు


  5. నీలాంబరి ! తెరిచితివి మ
    నో లావణ్యముల, పాడెనొక కోయిలటన్,
    మాలిని, ధనమిక పతియే !
    కాలపు శైశవవము విడు కాత్యాయినివౌ !


    జిలేబి

    ప్రత్యుత్తరంతొలగించు
    ప్రత్యుత్తరాలు

    1. *కాలపు శైశవము విడుము కాత్యాయినివౌ

      నెనర్లు
      బిలేజి

      తొలగించు
    2. జిలేబీ గారు: నిధనము కు ముందే చితి, పాడె తయ్యార్ :)

      తొలగించు


    3. జీ పీ ఎస్ గారు,

      అంతే కదుటండీ !

      పుట్టినప్పుడే నిధనం ఎప్పుడో బ్రహ్మ రాత !

      ఆ పాటి రాసిన వాడికి ,ఆఫ్టరాల్ చితి పాడె తయారు చేసి ఉంచ డంటారా :)

      అట్లా వచ్చేస్తుందండి బ్రహ్మరహస్యాలు వాటి కంతటి కవే !

      మనం నిమిత్ర మాత్రులము సుమా :)

      జేకే !
      చీర్స్
      జిలేబి
      గుడ్ ఫైండింగ్ :)

      తొలగించు
    4. జిలేబీ గారూ,
      మీ (సవరించిన) పూరణ బాగున్నది. అభినందనలు.
      *****
      శాస్త్రి గారూ,
      దత్తపదాలను ఇచ్చిన వరుసలోనే ప్రయోగించాలన్న నియమాన్ని ఇవ్వలేదు కనుక వరుస తప్పవచ్చు.

      తొలగించు
  6. డా.పిట్టా సత్యనారాయణ
    ఎవ్వని ధనమున కనువగు
    సవ్వడి శైశవము మొదలు సాగెను; పెళ్ళిన్
    పువ్వుల మనసులు బాడెడు
    గువ్వల జూచితిమి కలిసి గొనగా శుభముల్!

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా సత్యనారాయణ గారూ,
      మీ పూరణ బాగున్నది. అభినందనలు.

      తొలగించు
  7. GP Sastry garu,
    చిదిమిన పాల్గారు...పద్యం నేను గూగుల్ చేసి విన్నాను. నా పరిజ్ఞానం మేరకు ఛందస్సు ఏ వృత్తానికి గానీ, సీసానికి గానీ సరిపోవటం లేదు. అందువల్ల సినిమాకోసం లైనులు తొలగించారేమో అనుకొన్నాను. మీకు తెలిస్తే చెప్పగలరు. ధన్యవాదాలతో...

    ప్రత్యుత్తరంతొలగించు
  8. తరుణి వరునకుఁ దరగని ధనము గాదె
    శైశవమునఁ గన్న కలలు సాకృతిఁ గనె
    నప్పగింత పాటను పాడె నతివ యొకతె
    హితులు దీవించి తిని మోద మెంతొ కనిరి.

    ప్రత్యుత్తరంతొలగించు
  9. డా.పిట్టానుండి
    ఆర్యా, నిన్నటి పూరణ సవరింపు:
    పితృపతి గాంచడు బంధము
    పితృవనమున కంపు నతని భేదమె లేదా
    భర్త్తృదారక భవముంగను
    పితృ వాక్పాలనమె సుతుని వృషలుం జేయున్!
    పితృపతి..యముడు..పితృవనము..శ్మశానము..భర్తృదారకుడు..యువరాజు.శ.ర(నాట్య పరిభాష యందు).భవము..సత్త.ప్రాప్తి.

    ప్రత్యుత్తరంతొలగించు
    ప్రత్యుత్తరాలు
    1. పిట్టా వారూ,
      సవరించిన మీ పూరణ బాగున్నది. అభినందనలు.

      తొలగించు
  10. శాస్త్రిగారూ, ఇది సీసపద్యమే (తే.గీ.ముగింపు)! అక్కడక్కడ కొన్ని అక్షరాలు రాగంకోసం విడగొట్టటం, కలపటం జరిగింది. అంతే! సందేహం పటాపంచల్ :-)

    ప్రత్యుత్తరంతొలగించు
  11. మన తెలుగు వారు,

    ఆ పద్య లిరిక్స్ ఇక్కడ పొందు పరిస్తే బాగుంటుందండీ చదవడానికి వీలుగా

    జిలేబి

    ప్రత్యుత్తరంతొలగించు
  12. దశరథుడు కైకతో కోపగృహంలో అంటున్న మాటలు:
    సీ.
    చిదిమినపాల్గారు చెక్కుటద్దములపై
    జిలిబిలి చిరునవ్వులొలయువాడు
    కాళ్ళ గజ్జలు ఘల్లు ఘల్లుమనంగ నం
    దరి కనుల్ చల్లగా తిరుగువాడు
    బుడిబుడినుడువుల పూర్వ భూపాల గా
    ధల నేను నుడువుచో పలుకువాడు
    రాఘవా! ముద్దీయ రా! యన్న ఎగిరి గం
    తిడుచు హాయిగ కౌగెలించు వాడు
    అట్టి పదునాలుగేడుల బొట్టెనెట్టు
    లసురభీకర వనసీమ కంపువాడ
    ననుచు ఏడ్చితి నెపుడో యపుడు, మరల
    నిపుడునీ మూలమున నట్టు లేడ్చుచుంటి!

    ప్రత్యుత్తరంతొలగించు
  13. మేని ధనముగ కాంతి చిమ్మెడు లతాంగి!
    ఆశ వమ్మును చేయకు మతివ నీవు
    ప్రణయ గీతిని పాడెద వగలరాణి
    వేచితిని తాళిఁగట్టగా పెండ్లివేళ!!

    ప్రత్యుత్తరంతొలగించు
    ప్రత్యుత్తరాలు

    1. అదురహో ప్రసాద రావు గారు !

      చీర్స్
      జిలేబి

      తొలగించు
    2. ప్రసాద రావు గారూ,
      ఇద్దరు సోదరీమణుల ప్రశంసలందుకున్న మీ పూరణ మనోహరంగా ఉంది. అభినందనలు.

      తొలగించు
  14. అందరికీ వందనములు !
    అందరి పూరణలూ అలరించు చున్నవి !

    ఒక మిత్రుని సోదరి వివాహమునకు సహాయం చేస్తే :

    01)
    _______________________________

    ఇచ్చెద నని ధనము నిడిన
    నచ్చిన శైశవము నాటి - నందంతునకే !
    మెచ్చితి నంచును పాడెను
    విచ్చగ ముఖమదె, సకుక్షి - వివహము నందున్ !
    _______________________________

    ప్రత్యుత్తరంతొలగించు
    ప్రత్యుత్తరాలు
    1. వసంత కిశోర్ గారూ,
      బహుకాల దర్శనం... సంతోషం!
      మీ పూరణ బాగున్నది. అభినందనలు.

      తొలగించు
  15. శైశవముదాటిపెండ్లీడుశర్మ!వచ్చె
    వేచియుండుటపాడెయే?విమలచరిత!
    దాచితినిధనమునుమరిదానికొరకు
    చూచుకొనుమురచక్కనిచుక్కనికను

    ప్రత్యుత్తరంతొలగించు
    ప్రత్యుత్తరాలు
    1. పోచిరాజు సుబ్బారావు గారూ,
      మీ పూరణ బాగున్నది.
      'పాడియే' అనవలసింది పూరణకోసం 'పాడెయే' అన్నారు.

      తొలగించు
  16. అవని ధనమున్న నింక క
    లవె యధిపా డెప్పరపుఁ గరణ చయములు శై
    శవ ముద భరితమ్ము లనగ
    వివాహపుఁ బనులఁ దలచితివి కదా మదినిన్

    ప్రత్యుత్తరంతొలగించు
    ప్రత్యుత్తరాలు
    1. పోచిరాజు కామేశ్వర రావు గారూ,
      మీ పూరణ బాగున్నది. 'డెప్పరము' శబ్ద ప్రయోగం ప్రశంసార్హం. అభినందనలు.

      తొలగించు
    2. పూజ్యులు శంకరయ్య గారికి వందనములు. ధన్యవాదములు.

      తొలగించు
  17. ………………………………………....

    గు రు మూ ర్తి ఆ చా రి

    ,,,,,,,,,,,,,,,,,,,,,,,,,,,,,


    " కాని ధనము నైనను నేను కట్న మడుగ |

    పరచితిని నాదు హృత్పీఠి , వలచి నిన్నె |

    యాశ వమ్మును చేయుట న్యాయ మగునె ,

    రావె " యని వల పాడె మరదలి నతడు |
    ి
    ప్రేమ న౦గీకరి౦పగ పెద్ద లెల్ల ,

    వైభవమ్ముగ జరిగె వివాహ మపుడు |

    ప్రత్యుత్తరంతొలగించు
    ప్రత్యుత్తరాలు
    1. గురుమూర్తి ఆచారి గారూ,
      మీ పూరణ బాగున్నది. అభినందనలు.

      తొలగించు
  18. వలచితి ననిచెప్పె బావనా కన్నెయే
    . . . వంతపాడెను తల్లి సంతసించి
    వేడ్కతో జరిపిరి పెండ్లినా జంటకున్
    . . . మేలతాళాలతో మిన్నగాను
    పాదరక్షలుదాచి బావమరుదులైన
    . . . కేశవ మురళులు కేలు జాపి
    వరుని ధనము గోరి పరిహాస మాడగన్
    . . .వరసైన వారెల్ల సరసమాడ

    అందమైన సఖుల మందహాసాలతో
    వెన్నెలలె విరిసెను పెండ్లియింట
    సరసమాడు చుండ వరసైన బావలు
    సంబరాలు దాకె నంబరమ్ము

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మనోజ్ఞమైన పూరణ. అభినందనలు.

      తొలగించు
    2. విరించి గారూ! "హమ్ ఆప్ కె హై కోన్"!
      చక్కటి పూరణ! పెండ్లి వేడుకలను చక్కగా చిత్రీకరించారు!

      తొలగించు
  19. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
    ప్రత్యుత్తరాలు
    1. శైశవము నాడె వలచితి శంకలేక
      రంగనాధుడె నావాడు సింగరింప
      నేనగుదు నతనిధనము నింపు గాను
      మోదమున బాడెదనుగాక మోక్షమంద
      గోద కల్యాణము హితము గూర్చు నిలను!

      తొలగించు
    2. గుఱ్ఱం సీతాదేవి గారూ,
      మీ గోదా కళ్యాణ పూరణ బాగున్నది. అభినందనలు.
      'సింగారించు'ను 'సింగరించు' అనడం దోషమే.

      తొలగించు
  20. శైశవమునుండి ప్రేమతో సమ్ముదమున
    పెంచితిమి నిన్ను నేడునీ పెండ్లి చేసి
    పంపుచుంటిని ధనమును పసిడినిచ్చి
    మెట్టి నింటిని కాపాడె దిట్ట వీవె.

    ప్రత్యుత్తరంతొలగించు
    ప్రత్యుత్తరాలు
    1. గండూరి లక్ష్మినారాయణ గారూ,
      మీ పూరణ బాగున్నది. అభినందనలు.
      'కాపాడు'ను 'కాపాడె' అన్నారు.

      తొలగించు
  21. కూర్చుకొని ధనము వరుని కోర్కెలన్ని
    తీర్చ, పందిరి వేయించి తిరముగాను
    ఆదికేశవమూరితి యాలయమున
    పాడె వధువు తల్లి కరము భక్తితోడ
    శుభములొసగుచు మురహరి యభయమివ్వ

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి సత్యనారాయణ రెడ్డి గారూ,
      మీ పూరణ బాగున్నది.
      'శవమూ' అని 'కేశవ మూరితి' అన్నారు. మూరితి వైకృతం కనుక దుష్ట సమాసం అవుతుంది.

      తొలగించు
    2. గురువర్యులకు నమస్సులు. "ఆదికేశవమూర్తి దేవాలయమున" - అంటే సరిపోతుందా? తెలియజేయ ప్రార్థన.

      తొలగించు
  22. రాని ధనమును రప్పించి రక్తి గదుర
    శైశవమున యానామున జరుప పెండ్లి
    జూచితిని కండ్ల వేడుక ; శుభమటంచు
    పాడెనచ్చట సంగీత పండితుండు

    ప్రత్యుత్తరంతొలగించు
  23. గురువుగారికి నమస్కారములు! సవరించిన నా పూరణ చిత్తగించండి!


    శైశవమునాడె వలచితి శంక లేక
    రంగనాధుడె నావాడు రమణి యింక
    నేనగుదు నతని ధనము నింపుగాను
    మోదమున బాడెదనుగాక మోక్షమంద
    గోద కల్యాణము హితము గూర్చు నిలను!

    ప్రత్యుత్తరంతొలగించు
  24. క్రొవ్విడి వెంకట రాజారావు:

    ఔచితిని ధనమును గూడి నడరు నట్టి
    కేశవ గుణమ్ము లెరుగుచు కీర్తినిచ్చి
    వేంకటేశుని గుడినందు విధము నెంచి
    పెండ్లి జరిపించి గాపాడె ప్రేమమీఱ
    సవతి బారినుండి సుతను సాంబశివుడు

    ప్రత్యుత్తరంతొలగించు
  25. .శైశవదశలో బొమ్మలసంబరమ్ము
    ఆశనిధనము గన సొంపు| లాడపెళ్లి
    యాట చూచితి నుత్సాహ చోటునందు
    మనసు సొంపాడె| మమతలమానవతలు.
    నాటి నవరాత్రిశోభలోచాటుపెళ్లి|

    ప్రత్యుత్తరంతొలగించు
  26. శుభదంతిని ధనములతో
    విభావరిగ,గాంచితి వధువేషమునందున్
    శుభముగ,గాణుడు పాడెను
    విభవమ్ముగ శైశవమున వినిన పదములన్

    ప్రత్యుత్తరంతొలగించు
  27. తమరు కినుక మాని ధనమును గోరక
    కేశవ!ముదమందు డాశ తగునె?
    బావమరదితోడ పాడెడి యాటలో
    లేచి తిరుగు డనియె లీల యపుడు.
    హ.వేం.స.నా.మూర్తి.

    ప్రత్యుత్తరంతొలగించు
  28. వలచితినా మరదలునే
    అలశైశవమునను కలసి యాడిన దానిన్
    వలదని ధనమున్ కట్నము
    చెలువుగ పెండ్లాడ పాడె చెంగున మనసే.

    ప్రత్యుత్తరంతొలగించు
  29. పెద్దలకు నమస్కారములు మీ ఆశీస్సులే నాకు కొండంత బలం,ప్రోత్సాహం.కృతజ్ఞతలు

    ప్రత్యుత్తరంతొలగించు
  30. డా.పిట్టా సత్యనారాయణ
    ఎవ్వని ధనమున కనువగు
    సవ్వడి శైశవము మొదలు సాగెను; పెళ్ళిన్
    పువ్వుల మనసులు బాడెడు
    గువ్వల జూచితిమి కలిసి గొనగా శుభముల్!

    ప్రత్యుత్తరంతొలగించు