8, మార్చి 2017, బుధవారం

సమస్య - 2302 (హరునిఁ జూచి వేగమ్మున...)

కవిమిత్రులారా,
ఈరోజు పూరించవలసిన సమస్య ఇది....

"హరునిఁ జూచి వేగమ్మున హరుఁడు పారె"
లేదా...
"హరునిఁ గనంగనే కడు భయార్తినిఁ బారె హరుండు వేగమే"
ఈ సమస్యను పంపిన మిట్టపెల్లి సాంబయ్య గారికి ధన్యవాదాలు.

46 కామెంట్‌లు:

  1. రిప్లయిలు
    1. రాజేశ్వరి గారు: నమస్సులు. పూరణలో సమస్య పాదము మారినటులున్నది. చూడవలె.

      తొలగించండి
    2. సుధను పంచెడి తరుణము సొగసు లొలుకు
      హరియె మోహిని గావున యంద మునకు
      పరవ శించిన మైకమ్ము బ్రమసి ముదము
      హరునిఁ జూచి వేగమ్మున హరుఁడు పారె
      ------------------------------------
      ధన్య వాదములు GPS గారు.

      తొలగించండి
    3. అక్కయ్యా,
      కొంత సందిగ్ధత ఉన్నా మీ పూరణ బాగున్నది. అభినందనలు.

      తొలగించండి
  2. తపము జేసి యాయసురుడు తలను తాక
    పగిలి పోవలెనని కోరి వరము పొంది
    తలను జూపించి వెనువెంట తాకె దనన
    హరునిఁ, జూచి వేగమ్మున హరుఁడు పారె

    రిప్లయితొలగించండి
  3. శంకరులకు విన్నపము
    " సలలిత సీతభూమి ధరయాప్రియ సంగమ కాంక్ష సాంబుడు " అన్న ఈ కొప్పరపు వారి
    ఆసువు లాగ , మా మరదలితో చక్కగా అన్నీ చూసి హాయిగా తీరుబడిగా రండి. అక్కడకుడా పద్యాలు సమస్యలు అనకుండా .

    క్షమాపణలతో

    రిప్లయితొలగించండి
    రిప్లయిలు
    1. అక్కయ్యా,
      ధన్యవాదాలు.
      నే నెక్కడున్నా నా ఆలోచనలు 'శంకరాభరణం' పైనే. కాకుంటే ప్రయాణంలో అవకాశం, తీరిక, నెట్‍వర్క్ అందుబాటులో ఉండాలి.

      తొలగించండి
  4. వర మొసంగిన దానవ వత్సలుడయి
    తత్ప్రభావంబు మొదటగా తనకె చూప
    వచ్చుచున్నట్టి దైత్యు నవ్వాని ధర్మ
    హరునిఁ జూచి వేగమ్మున హరుఁడు పారె.
    హ.వేం.స.నా.మూర్తి

    రిప్లయితొలగించండి
    రిప్లయిలు
    1. హరి వేంకట సత్యనారాయణ మూర్తి గారూ,
      ధర్మహరునితో మీ పూరణ బాగున్నది. అభినందనలు.

      తొలగించండి
  5. నా పూరణలు....
    1)
    ఎవరి శిరముపైఁ జెయి వెట్టెనేని బూది
    యగు వరమ్మును గని వచ్చె నా వరప్ర
    భావ మెఱుఁగ భస్మాసురాహ్వయుఁడు, యజ్ఞ
    హరునిఁ జూచి వేగమ్మున హరుఁడు పారె.
    2)
    శిరమునఁ జేయి వెట్టఁగనె చివ్వున బూదిగ మారి చావఁగా
    వరమును బొందినంతనె కపర్ది తలం జెయి వెట్టి చూడఁగాఁ
    దిరముగ వచ్చు బూదిపొలదిండి వివేకవిహీను యజ్ఞసం
    హరునిఁ గనంగనే కడు భయార్తినిఁ బారె హరుండు వేగమే.
    (బూదిపొలదిండి = భస్మాసురుఁడు; యజ్ఞసంహరుఁడు = రాక్షసుఁడు)

    రిప్లయితొలగించండి
    రిప్లయిలు
    1. మీ రెండు పూరణలూ చాలా బాగున్నాయండీ శంకరయ్యగారూ! నేనూ భస్మాసురుని ప్రస్తావనతోనే పూరణ పెడుదామనుకున్నాను. మీరు పెట్టారు. సంతోషం. అభినందనలు!

      తొలగించండి
    2. మాస్టరుగారూ! మీ పూరణలు అమోఘముగానున్నవి.
      మీ తీర్థయాత్ర సుఖముగా...దైవ దర్శనములు సులభముగా జరగాలని కోరుకొనుచున్నాను.

      తొలగించండి


  6. శ్రీ కంది శంకరయ్య దంపతులకు వారి దక్షిణ దేశ యాత్ర శుభప్రదము గా సాగవలెనని ఆశిస్తూ

    రాజేశ్వరి అక్కయ్య గారి సౌజన్యం తో నేటి పూరణ :


    కంది శంకర వర్యులు కాళ హస్తి
    నగర మందున నీశుని నరయ జూసి
    పూరణ యొకటి యిచ్చి జెప్పుమన, విదుర
    హరునిఁ జూచి వేగమ్మున హరుఁడు పారె :)

    జిలేబి

    రిప్లయితొలగించండి
    రిప్లయిలు
    1. మూడవ పాదము suggestion:

      దత్తపది నిచ్చి పూరించు దైవ మనిన

      తొలగించండి
    2. జిలేబీ గారూ,
      బాగుంది. కాని నేను 'విదురహరుణ్ణి' కాను. విదురులను ప్రోత్సహించేవాణ్ణే!

      తొలగించండి


    3. :) ఒక్క కామా కొంప ముంచింది :)

      పూరణ యొకటి యిచ్చి జెప్పుమన, విదుర !
      హరునిఁ జూచి వేగమ్మున హరుఁడు పారె :)

      జిలేబి

      తొలగించండి
  7. డా.పిట్టా సత్యనారాయణ
    హరుని వేషపు సర్దారు(సిక్కు సర్దారు)నందరూర
    హరుడు(దొంగ) పరుగెత్తె బట్టుమనంగ వాని
    వెంటనంటి భ్రమణ కళన్ వీగ జేయ
    హరుని జూచి వేగమ్మున హరుడు పారె!
    దొంగ కంటెను సర్దారు ధుర్యతరుడు(తర,తమప్రయోగం)
    లక్ష్యమెరుగునో శివుడైన లాస్య మమర?!

    రిప్లయితొలగించండి
  8. డా.పిట్టా సత్యనారాయణ
    వరమని తోడుదొంగలొక వాయస జంటగ గూడి యింటిలో
    సరగున దోచుకొన్న యది చాటుగ బొందగ స్వార్థ బుద్ధినిన్
    పరుగులు దీయు వాడురుకు;బట్టగ నింకొకడున్ భ్రమించు; నా
    హరుని కనంగనే కడు భయార్తిని బారె హరుండు వేగమే!

    రిప్లయితొలగించండి
  9. డా.పిట్టా
    పరుగులుదీయు వానినట బట్టగ నింకొకడున్ భ్రమించు గా 3వ పాదంలో సవరణ జేసి స్వీకరించండి

    రిప్లయితొలగించండి
    రిప్లయిలు
    1. డా. పిట్టా సత్యనారాయణ గారూ,
      మీ రెండు పూరణలు (ముఖ్యంగా రెండవది) చాలా బాగున్నవి. అభినందనలు.
      'వాయస జంట' దుష్టసమాసం.

      తొలగించండి
    2. డా.పిట్టానుండి,ఆర్యా,కృతజ్ఞతలు.సిక్కుసర్దారు పరుగులోనిపుణుడు.దొంగను ప్రజల అభీష్టం మేరకు పట్టుకొనడానికఉరక మొదలిడి బాటలో దొంగను జూచి,"వీడు నాకంటే వేగంగా పరుగెత్తుతాడా!"అని వానిని పట్టుకోవడం మరిచి వాణ్ణి ఓడించి వస్తాడు.సర్దార్ల పైన జోకులు పెక్కులు.ఈమధ్య సిక్కులు ఆ జోకులు వాడవద్దని వాదిస్తున్నారు.మన శివుడు లాస్యం లో తన లక్ష్యాన్ని మరువడంలో ఆశ్చర్యం లేదు.

      తొలగించండి
  10. వరమడుగంగ వల్లెయని వాని కొసంగెను హస్త మెచ్చటేన్
    శిరమున నుంచ భస్మమగు సిద్ధ మటంచును, దాని నంది నే
    డరయుదు దీని సత్త్వ మిపు డాగుము నీవను దైత్యు సంస్కృతీ
    హరుని కనంగనే కడు భయార్తిని బారె హరుండు వేగమే.
    హ.వేం.స.నా.మూర్తి.

    రిప్లయితొలగించండి
  11. హరుని జూచి వేగమ్మున హరుడు పారె
    హరియు హరుడును నొక్కరే యార్య! వినుము
    పారు టనునది జరుగదు భవులు వారు
    వారి గూరిచి మనమట్లు పలుక వలదు
    వంద నంబులు సేయంగ వలయు సుమ్ము

    రిప్లయితొలగించండి
  12. ఈ కామెంట్‌ను రచయిత తీసివేశారు.

    రిప్లయితొలగించండి
  13. "Yoga becomes popular in China"...News Report


    యోగమును జేయ పులితోలు యోగ్యమనగ
    లక్ష కోట్లగ ధరలు కైలాస మంట
    వ్యాకులత తోడ నొకనాడు వ్యాఘ్ర చర్మ
    హరునిఁ జూచి వేగమ్మున హరుఁడు పారె

    రిప్లయితొలగించండి
  14. విష్ణు మాయ లవి తలుప వింతలె సుమి
    దాట తరమె యేరికి నైన ధరణి మోహి
    నీ సురూపధారి హరిని నిజ మనోప
    హరునిఁ జూచి వేగమ్మున హరుఁడు పాఱె

    [మనః + అపహరు = మనోపహరు; పాఱె : కలుసుకోవడానికి పరుగు పెట్టెను]


    కర మరుదైన గాథ నిలఁ గంటిమి కాదె మనోహరమ్ముగన్
    గురు విష సర్ప రాజులను గోరి పయస్సునఁ బెంచ వచ్చునే
    వర పరిశీలనార్థి హరభక్తుఁడు భస్మపలాశి జీవ నా
    హరునిఁ గనంగనే కడు భయార్తినిఁ బారె హరుండు వేగమే

    [జీవన + ఆహరు =జీవనాహరు: జీవనముల నపహరరించు వాఁడు]

    రిప్లయితొలగించండి
    రిప్లయిలు
    1. మనోపహరుడు, జీవనాహరుడు - బాగున్నాయండి.అభివాదములు.

      తొలగించండి
    2. అత్యుత్తమమైన పూరణలతో నిత్యము అలరిస్తున్న కామేశ్వర రావు గారికి వినయపూర్వక అభినందనలు.

      తొలగించండి
    3. సత్యనారాయణ రెడ్డి గారు నమస్సులు ధన్యవాదములు.

      తొలగించండి
  15. కిరి పరుగుదీసె యడవిలో నరుని, విజిత
    హరునిఁ, జూచి వేగమ్మున, హరుఁడు పారె
    కరము వేగముగనట సూకరముఁ బట్ట
    నరుని తోడ సమరమయ్యె హరునికచట

    రిప్లయితొలగించండి
  16. …………………………………………………
    గు రు మూ ర్తి ఆ చా రి
    ,,,,,,,,,,,,,,,,,,,,,,,,,,,,,,


    { సురభి నాటకములో మోహిని పాత్రధారి

    శివునకు ముద్దిడెను . వాని ( హరి ) నోటి

    దుర్వాసన కు హడలి ఈశ్వరపాత్రధారి

    పరుగుతీసెను . }



    " హరి హర పుత్ర స౦భవ " మటన్న

    …… యొకా నొక నాటక౦బు నా ,

    సురభి నటీనటులు చూపిరి | మోహిని

    ………… పాత్ర ధారి యా

    హరునకు ము ద్దిడన్ దగిలె న౦త

    …………… నసహ్యపు క౦పు | శ్రీ మనో

    హరుని గన౦గనే కడు భయార్తిని బారె

    ……………… హరు౦డు వేగమే ! !........

    రిప్లయితొలగించండి
  17. ఇదో ప్రయత్నం. మిత్రులేమంటారో మరి.

    కరము నుతించుచుండెను మృకండుని పుత్రుడు వీడు గౌరి ! స
    త్వరమె, యమాయుధమ్మునకు తాళునొ తూలునొ, పోదు, తూర్పునన్
    సరగున బ్రాక తేరునదె సర్దె ననూరు, డటంచు నా తమో
    హరునిఁ గనంగనే కడు భయార్తినిఁ బారె హరుండువేగమే.

    రిప్లయితొలగించండి
  18. శత్రువుల భస్మమొనరించు శక్తి గోరి
    ఘోరతపమాచరించిన కుత్సితుండు
    తనని బూదిజేయందలచిన నిశావి
    హరుని జూచి వేగమ్మున హరుడు పాఱె.


    కరుణను జూపి బ్రోచు శితికంఠుని గూర్చితపమ్ము జేసి యా
    పురహరి మెప్పుతో పరుఁల బూదిని జేసెడమోఘ శక్తినే
    వరముగ నొందికుత్సిత ప్రవాహికుడంతట హీనబుద్దితో
    వరఫలితమ్ముగాంచగను పాపహరుండను జేరు యఙ్ఞసం
    హరునిఁ గనంగనే కడు భయార్తినిఁ బారె హరుండు వేగమే

    రిప్లయితొలగించండి
  19. వరము పొందె శివునిచే యసురుడొకండు
    తలను తనచేయి పెట్ట దగ్ధమ్మవంగ
    అరయ శివుని వెంబడి పడు నరుల ప్రాణ
    హరుని జూచి వేగమ్మున హరుడు పారె

    రిప్లయితొలగించండి
  20. కరముల మోడ్చి వేడ, కఱకంఠుడు భక్తుని బ్రోవనెంచియున్
    కరమది తాకినంత ప్రతికర్తల భస్మము జేయగల్గినన్
    వరమది యిచ్చినంత వృషపర్వుని జంపగ వెంటవచ్చు సం
    హరునిఁ గనంగనే కడు భయార్తినిఁ బారె హరుండు వేగమే

    రిప్లయితొలగించండి
  21. ఈ కామెంట్‌ను రచయిత తీసివేశారు.

    రిప్లయితొలగించండి
  22. డా.పిట్టానుండి ఆర్యా ,జంటకు బదులు "వాయస యుగ్మము వోలె"అని సరిజేసుకుంటాను."వాయస దంపతుల్ తగునివాసముగానొక..."అనే చిన్ననాటి పద్య పాదం గుర్తురాగా "జంట"ను వాడితిని.

    రిప్లయితొలగించండి
  23. ఉబ్బు లింగడు వరమీయ నిబ్బరముగ
    వరము పొందిన యసురుడు పడగ వెంట
    తనదు , తలతాక వచ్చెడు తనదు ప్రాణ
    హరునిఁ జూచి వేగమ్మున హరుఁడు పారె

    రిప్లయితొలగించండి
  24. తపముజేయుచు పార్వతితలపునందు
    హరునిజూచి వేగమ్మున”|”హరుడుపారె
    యనుచుయూహలు నడయాడ తనువుకదిలె|
    శివునియాజ్ఞలు శక్తికి భవిత నిలిపె|
    2.వరములు నివ్వగా శివుడు |వైనముగానె పరీక్షజేయ నా
    కరమును నుంతు నీతలన గావున నిల్వుమటన్నరాక్షసుం
    డురుకుచు రాగ-శ్రీహరియు యుహలె మోహినియయ్యు శత్రుసం
    హరుని కనంగనే కడు భయార్తినిబారె “హరుండు వేగమే|





    రిప్లయితొలగించండి
  25. చేరి పీడింతు ననిదెల్ప జేష్ఠ హృదయ
    హరుని జూచి వేగమ్మున హరుఁడు పాఱె
    చెట్టు తొర్రలో దాక్కొన గట్టు వీడి
    తక్షణ శని ప్రభావిత తలఁపు మరచి

    రిప్లయితొలగించండి
  26. తరుణి రూపుతోడ దర్శించి శ్రీహరిని
    మూడు కనుల సామి మోహమంది
    మరల చూడగోరె మదిని రాధా మనో
    హరుని జూచి వేగమ్మున హరుడు పాఱె.

    రిప్లయితొలగించండి
  27. అరయగ నద్దమందునను హాయిని జూడగ వెండికొండలో
    మురియుచు మూడు కన్నులును ముచ్చట మీరగ నాగుపామునున్
    కురియుచు గంగ నెత్తినను కూడగ గొంతున హాలహల్మునున్
    హరునిఁ గనంగనే కడు భయార్తినిఁ బారె హరుండు వేగమే

    రిప్లయితొలగించండి