9, మార్చి 2017, గురువారం

సమస్య - 2303 (పడమటం బొంచె రవి...)

కవిమిత్రులారా,
ఈరోజు పూరించవలసిన సమస్య ఇది....

"పడమటం బొంచె రవి సుప్రభాతమందు"
లేదా...
"పడమటఁ బొంచి చూచెనఁట భానుఁ డుషోదయకాంతు లీనుచున్"
(విజయవాడ శతావధానంలో గరికిపాటి వారు పూరించిన సమస్య. కొర్నెపాటి విద్యాసాగర్ గారికి ధన్యవాదాలతో...)

42 వ్యాఖ్యలు:

  1. పుష్య పూర్ణిమ వేకువ పుణ్య తిథిన
    ప్రియ సఖిని గూడి పొర్లగ ప్రేమ తోడ
    పూర్ణ చంద్రుడు పొర్లి యుప్పొంగి క్రుంగె
    పడమటం; బొంచె రవి సుప్రభాతమందు

    ప్రత్యుత్తరంతొలగించు
    ప్రత్యుత్తరాలు
    1. శ్రీమాన్ శంకరయ్య గారు ఉవాచ:

      "సాంబమూర్తి గారూ, సుప్రభాతం! 'పొర్లు' శబ్దం సాధువే. శబ్దరత్నాకరంలో ఉంది."

      తొలగించు
    2. "బొజ్జగణపా! నీకు పొర్లుదండాలు"

      తొలగించు


    3. పొర్లుదండము గుజ్జువేలుపు బొజ్జదేవ వినాయకా !
      యర్లమర్లన చేరినానిట యయ్యవార్ల సమూహమున్
      సర్లిగానగ గావుమమ్ముల చక్కగానగ పద్యముల్
      యిర్లగొంగడి కంటెముందర యిచ్చగానగ వత్తు నే :)

      జిలేబి

      తొలగించు
    4. మత్తకోకిల మత్తకోకిల మత్తకోకిల ముద్దుగా

      తొలగించు
  2. దశమి వెన్నెల విరిసిన తరుణ మనగ
    పడమ టంబొంచె రవిసుప్ర భాత మందు
    చెలియ కౌగిలి వీడని చలువ ఱేడు
    అలిగి విరహాన సడలెను చిలిపి వలపు

    ప్రత్యుత్తరంతొలగించు
  3. డా.పిట్టా సత్యనారాయణ
    పక్షపూర్ణతగని విష్ణు ప్రజల జూడ
    రెండు కన్నులు విప్పెనా నిండు కృపను?!
    పౌర్ణమిని శశి భాసించె భానుపగిది;
    పండు ఖరకర స్వర్ణపు ప్రభల నిచ్చి
    పడమటంబొంచె రవి సుప్రభాతమందు!

    ప్రత్యుత్తరంతొలగించు
  4. డా.పిట్టా
    "గడనను బూర్ణుడాయె శశి గాంచగ ముచ్చట యాయె, నా ప్రభన్
    యెడనెడ నిచ్చితిన్ గనను యిప్పుడె పూర్ణిమనాడె సాధ్యమం"
    చడుగిడె పశ్చిమాద్రిని నసాధరణంబగు హేమ మిచ్చుచున్
    పడిపడి చూచిరా కవులు భానునిగా శశినెంచి యూహలన్
    బడమట బొంచి చూచెనట భానుడుషోదయ కాంతులీనుచున్!!

    ప్రత్యుత్తరంతొలగించు
  5. డా.పిట్టానుండి వివరణ
    ,1.ఇన శశి నయనుడు విష్ణువు.పౌర్ణమితో శుక్ల పక్షం పూర్తి ఔతుంది.చంద్రుని ఆధారంగా గణన చాంద్ర మానము.విష్ణువు ప్రజలనొకపరి చూద్దామనుకున్నాడు.చంద్రుడు ‌సూర్యునియంత బింబంగా తూర్పున ఉదయించినాడు.ఆనాటి మలి సంధ్యకుబంగారు రంగు వచ్చింది.ఇది సహజం.ఇది సూర్యుని నుండి వచ్చినదే.అది సుప్రభాత వేళ యని అనుకున్నారు, భావుకులు. సూర్యుడు పడమరనే దాగినాడు.అది మలి సంధ్యయే.

    ప్రత్యుత్తరంతొలగించు
  6. నా పూరణలు....

    1)
    రవి సుజాతలు ప్రేమికుల్, రమ్యమైన
    జంట, పెద్దలు కాదన్న నింటినుండి
    లేచిపోవఁగ నెంచి పల్లియ వెలుపల
    పడమటం బొంచె రవి సుప్రభాతమందు.

    2)
    విడువఁగ రాని బంధమునఁ బ్రేమికు లెల్లరు మోదమందఁగా
    నుడుపతి చంద్రికల్ గురిసియున్ మెలమెల్లన నస్తమించఁగాఁ
    బడమటఁ; బొంచి చూచెనఁట భానుఁ డుషోదయకాంతు లీనుచున్
    బొడుపుమలన్, బ్రభాతమయెఁ బోనడుపంగ వలెన్ జడత్వమున్.

    ప్రత్యుత్తరంతొలగించు
  7. అద్భుతమైన పూరణలను చేసిన గురువర్యులకు అభినందనపూర్వక వందనములు.

    ప్రత్యుత్తరంతొలగించు
  8. నమస్కారములు
    గురువుల పద్యములు అద్భుతములు ఆశీర్వదించి అక్క

    ప్రత్యుత్తరంతొలగించు
  9. మాస్టరుగారూ! కడుచక్కని పూరణలు చేసినారు.

    ప్రత్యుత్తరంతొలగించు
  10. తూర్పు దేశపు రవివర్మ తోడ భామ
    ప్రేమ నందెను తనదేమొ పశ్చిమమ్ము
    కనగ "నాన్ లైను వీడియో కాలు " లోన
    పడమటం బొంచె రవి సుప్రభాతమందు.

    ప్రత్యుత్తరంతొలగించు


  11. కేరళ పడమటే గదండి :)


    వెడలగ శంకరుండతని వెంటన దక్షిణభారతమ్మునన్
    బడబడ లాడి పద్యములు పారుచు నాడుచు బోవగన్ , భళీ
    చెడుగుడు పూరణమ్ములను చెంగని చూడన, వేకువన్ గనన్
    పడమటఁ బొంచి చూచెనఁట భానుఁడుషోదయకాంతు లీనుచున్ !

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. Oh, East is East and West is West,
      and never the twain shall meet,
      Till Earth and Sky stand presently at God's great Judgment Seat;

      But there is neither East nor West, Border, nor Breed, nor Birth,
      When two strong men stand face to face,
      though they come from the ends of the earth!

      ...Rudyard Kipling

      తొలగించు
  12. గురువుగారికి ప్రణామాలు! మీ దక్షిణదేశ యాత్ర సంపూర్ణ సాఫల్యత నొందాలని ఆ పరమేశ్వరుని ప్రార్ధిస్తూ , శుభాకాంక్షలతో
    సీతాదేవి

    ప్రత్యుత్తరంతొలగించు
  13. తడవు సేయక రమ్ము,సేదను వహింప
    పడమటంబొందె రవి, సుప్రభాతమందు
    మొదలుఁబెట్టిన 'నోము' నాపుటయు వలదు
    రాత్రి రాకుండ రావలె రమణులార!

    ప్రత్యుత్తరంతొలగించు
  14. కడలిసుతుడు వేగమ్ముగ కనుమరుగయె
    పడమటం, బొంచె రవి సుప్రభాతమందు
    నుదయమొందగ తాను ప్రత్యూష ప్రభల
    తోడ ప్రజ కనుగొని కడు వేడుకపడ

    ప్రత్యుత్తరంతొలగించు
  15. దొంగ తన మది యాతని దొడ్డ వృత్తి
    యన్య మెఱుఁగఁడు చిఱుత ప్రాయమ్ము నుండి
    దూఱి కలవారి యింటను దొంగిలించఁ
    బడమటం బొంచె రవి సుప్రభాతమందు

    [పడము+అటన్ = పడమటన్; పడము = రత్న కంబళము; సుప్రభాతము = తెల్లవారు ఝాము]


    అడరిన విష్ణు లీలలు గ్రహాంతర సంచలనాత్మకమ్ములం
    బడయగ శక్య మేరికిని బ్రహ్మమహాండపు టద్భుతమ్ములున్
    బడలిక లేక యింపుగను బశ్చిమ దేశము, భారతమ్మునం
    బడమటఁ బొంచి, చూచెనఁట భానుఁ డుషోదయకాంతు లీనుచున్

    ప్రత్యుత్తరంతొలగించు
  16. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  17. దినము పూర్తిగ బయనించి తీక్ష్ణముగను
    పడమ టంబొంచె రవిసుప్ర భాత మందు
    రక్త వర్ణపు వెలుగున రక్తి క
    లుగ
    నుదయమొందునుసూర్యుడు ముదము కలుగ

    ప్రత్యుత్తరంతొలగించు
    ప్రత్యుత్తరాలు
    1. కడలి తనయుడు తాచనె కాంత తోడ
      పడమటం రవి సుప్రభాతమందు
      వికసనము నొందజనులెల్ల విశ్వమందు
      సంతసమున పనులు చేయసాగుచుండ్రి.

      అలసి సొలసిన రవి తాను నబ్ధి యందు
      క్రుంగ శీతాంశుడల్లదె కువలయాన
      పడమటం బొంచె రవి సుప్రభాతమందు
      వెలుగులు విరజిమ్మ శశియు వెన్నలొసగు.

      తొలగించు
  18. అలసి సొలసిన భాస్కరుం డస్తమింప
    నమృత కిరణముల గొనుచు యడుగిడు శశి
    పడమటం బొంచె! రవి సుప్రభాతమందు
    వెలుగు లీనగ చంద్రయ్య వెన్ను జూపె!

    ప్రత్యుత్తరంతొలగించు
  19. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  20. ఉడుగగ నంధకారమిల నుత్పలబాంధవుడాకసమ్ముపై
    బడమటఁ బొంచి చూచెనఁట, భానుఁ డుషోదయకాంతు లీనుచున్
    దడదడ నేగుదెంచె కన తద్దయు ప్రీతి సహస్రపత్రముల్
    బడలిక వీడి సాగిరిక పైరులఁ గాంచగ రైతుసోదరుల్

    ప్రత్యుత్తరంతొలగించు
  21. అలసిపోయి, సాయంకాలమస్తమించ
    పడమటంబొంచె రవి, సుప్రభాతమందు
    ప్రాగ్దిశన యుదయించును రమ్య వర్ణ
    మిశ్రుతుండయి శోభిల్లు మిక్కుటముగ

    విడువక యగ్నిధారలను వృష్టిగ రాల్చుచు నీరసించి తా
    సడలిన శక్తితో కదలసాగెను వృద్ధుడె యస్తమించగన్
    పడమట బొంచి చూచెనట భానుడు,షోదయ కాంతులీనుచున్
    వడివడి జేరవచ్చుగద ప్రాగ్దిశ యందున వింతకాంతితో

    ప్రత్యుత్తరంతొలగించు
  22. వడలె నంబుజములు నిట వన్నె తగ్గ
    పూచె కల్హారములు దాము పూర్ణ శోభ
    తిమిర ముదయింప తూరుపు దేశ మందు
    పడమటం బొంచె రవి సుప్రభాతమందు!

    ప్రత్యుత్తరంతొలగించు
  23. వెళ్ళగ విమానమందు నాకళ్ళముందు
    దేశమున్ వీడి పడమటి దేశ మేగ?
    పడమటం బొంచెరవి|సుప్ర భాతమందు
    చేరుకొంటిమి యమరికా చీక టొదల|
    2.తడబడ కెప్పుడున్ దిరుగు ధారుణి ధర్మము|”వెల్గు చీకటుల్
    నిడుటయె నిత్యసత్యముగ నేర్పున కాంతిని సూర్యు డుంచినా?
    పడమటి,తూర్పు దేశముల పట్టిక భాగములందు జూడగా
    పడమట బొంచి చూచెనట భానుడుషోదయ కాంతులీనుచున్|” {మనకుసూర్యుడుహస్తమించగాపడమటి దేశములకుసూర్యోదయము}



    ప్రత్యుత్తరంతొలగించు
  24. నిన్నటి పూరణ:

    వరము లీయగ వాడెపో వాసిగాను
    శిరసు దాకగ భస్మంబు సేయగాను
    తనదు పైననె జూపగ తపఃఫలము
    వెక్కిరించిన విధివ్రాత వెంట యజ్ఞ
    హరుని జూచి వేగమ్మున హరుడు బారె!

    ప్రత్యుత్తరంతొలగించు
  25. సూర్య కాంతిని నెలరాజు చూడనెంచి
    పడమటం బొంచె;రవి సుప్రభాతమందు
    దివ్య కిరణములు సకల దిశల బంప
    కాన తళతళలాడెను కనకమువలె

    ప్రత్యుత్తరంతొలగించు


  26. కడలి తనయుడు తాచనె కాంత తోడ
    పడమటం రవి సుప్రభాతమందు
    వికసనము నొందజనులెల్ల విశ్వమందు
    సంతసమున పనులు చేయసాగుచుండ్రి.

    అలసి సొలసిన రవి తాను నబ్ధి యందు
    క్రుంగ శీతాంశుడల్లదె కువలయాన
    పడమటం బొంచె రవి సుప్రభాతమందు
    వెలుగులు విరజిమ్మ శశియు వెన్నలొసగు.


    ప్రత్యుత్తరంతొలగించు
  27. ఎరుపు కుంకుమ పెద్దమ్మ ఎండబోసె
    పడమటం,బొంచె రవి సుప్రభాత మందు
    పసుపు మజ్జనమాడిన ప్రకృతికాంత
    పరవశించుచు పాడిన స్వాగతమ్ము

    ప్రత్యుత్తరంతొలగించు
  28. తడయక పాడె నా కనక దాసుడు కృష్ణుని భక్తి కీర్తనల్
    విడువగబోరు దర్శనము వేడగ ఛా౦దసు లైన యర్చకుల్
    యుడిపిని,కృష్ణ విగ్రహము యొద్దిక పశ్చిమదిక్కు మోమిడన్
    బడమటఁ బొంచి, చూచెనఁట భానుఁ డుషోదయకాంతు లీనుచున్

    ప్రత్యుత్తరంతొలగించు
  29. పడుచుదనంపు జంటలును వార్నిది తీరపు సైకతంబులో
    బుడిబుడి యడ్గులేయుచును బోవుచునుండగ చంద్రవంకయున్
    పడమటఁ బొంచి చూచెనఁట, భానుఁ డుషోదయకాంతు లీనుచున్
    పొడవగ ధాత్రి తోషమున పొంగెను గాంచియు జీవజాతులున్

    ప్రత్యుత్తరంతొలగించు

  30. పిన్నక నాగేశ్వరరావు.

    చిమ్ముచున్ హిమకాంతి నిశీధి వేళ

    నలసి సొలసిన చందురుడంత, క్రుంగె

    పడమటం; బొంచె రవి సుప్రభాతమందు

    జగతి వెల్గును బంచ నిస్వార్ధముగను.

    **********************************

    ప్రత్యుత్తరంతొలగించు

  31. పిన్నక నాగేశ్వరరావు.

    చిమ్ముచున్ హిమకాంతి నిశీధి వేళ

    నలసి సొలసిన చందురుడంత, క్రుంగె

    పడమటం; బొంచె రవి సుప్రభాతమందు

    జగతి వెల్గును బంచ నిస్వార్ధముగను.

    **********************************

    ప్రత్యుత్తరంతొలగించు

  32. పిన్నక నాగేశ్వరరావు.

    చిమ్ముచున్ హిమకాంతి నిశీధి వేళ

    నలసి సొలసిన చందురుడంత, క్రుంగె

    పడమటం; బొంచె రవి సుప్రభాతమందు

    జగతి వెల్గును బంచ నిస్వార్ధముగను.

    **********************************

    ప్రత్యుత్తరంతొలగించు
  33. డా.పిట్టానుండి వివరణ
    ,1.ఇన శశి నయనుడు విష్ణువు.పౌర్ణమితో శుక్ల పక్షం పూర్తి ఔతుంది.చంద్రుని ఆధారంగా గణన చాంద్ర మానము.విష్ణువు ప్రజలనొకపరి చూద్దామనుకున్నాడు.చంద్రుడు ‌సూర్యునియంత బింబంగా తూర్పున ఉదయించినాడు.ఆనాటి మలి సంధ్యకుబంగారు రంగు వచ్చింది.ఇది సహజం.ఇది సూర్యుని నుండి వచ్చినదే.అది సుప్రభాత వేళ యని అనుకున్నారు, భావుకులు. సూర్యుడు పడమరనే దాగినాడు.అది మలి సంధ్యయే.

    ప్రత్యుత్తరంతొలగించు
  34. కవిమిత్రులు గుండు మధుసూదన్ గారు..కామేశ్వరరావుగారూ...దయచేసి అందరుకవుల పద్యాలను మీరిబ్బందిగా భావించక మీకు వీలైనన్ని పరిశీలింప మనవి....గురువుగారు వచ్చేవరకు .......అన్యధా భావించరని విశ్వసిస్తూ.....,
    🙏🙏🙏🙏🙏🙏..విరించి

    ప్రత్యుత్తరంతొలగించు
  35. తరణి తనలోని వెలుగౌచుఁ దాక కలువ
    పులకరింపులన్ గన్నట్టి పూర్ణమసుడు
    పడమటఁ బొంచె, రవి సుప్రభాతమందు
    కమల నే రీతి వలచునో గాంచనెంచి

    ప్రత్యుత్తరంతొలగించు