25, ఏప్రిల్ 2017, మంగళవారం

సమస్య - 2347 (కోరి దాగెను విష్ణువు...)

కవిమిత్రులారా! 
ఈరోజు పూరించవలసిన సమస్య ఇది....
"కోరి దాగెను విష్ణువు కోటరమున"
(లేదా...) 
"కోరి జనార్దనుం డపుడు కోటరమందున దాగె భీతుఁడై"

69 వ్యాఖ్యలు:

  1. ఏమి జేసి సీత వరించె రాము నపుడు?...
    ఏమి జేసె వాలిని చంప రాము డపుడు?...
    ఎవడ వతరించె శ్రీరామ నవమి నాడు?...
    ఎచట దాగునులూకము కిచకిచనక?...
    కోరి, దాగెను, విష్ణువు, కోటరమున...

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శస్త్రి గారూ,
      ప్రశ్నోత్తర మాలికగా మీ పూరణ బాగున్నది. అభినందనలు.
      'కిచకిచ+అనక' అన్నపుడు యడాగమం వస్తుంది. అక్కడ 'హితము గోరి' అందామా?

      తొలగించు
  2. క్రూర రాక్షసబాధల బారి బడక
    కోరి విష్ణువు దాగెను కోటరమున
    పద్మ భవుడొదిగెను భీతి వాణి వెనుక
    భూత నాధుడు తా మరుభూమిచేరె

    బొగ్గరం ప్రసాద రావు

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ పూరణ బాగున్నది. అభినందనలు.

      తొలగించు
  3. శిష్ట కోటిని రక్షించి దుష్టకోటి
    నణచ రాముడై భవిపైన నవతరించి
    వరముచే విర్రవీగెడు వాలిఁజంప
    కోరి విష్ణువు దాగెను కోటరమున

    ప్రత్యుత్తరంతొలగించు
    ప్రత్యుత్తరాలు
    1. రాజ్ కుమార్ గారూ,
      మీ పూరణ బాగున్నది. అభినందనలు.
      అయినా రాముడు దాగింది చెట్టు చాటున. చెట్టుతొర్రలో కాదు కదా!

      తొలగించు
  4. భక్త ప్రహ్లాదు రక్షించి పాపి యైన
    తండ్రి బరిమార్చు నెపమున స్తంభమందు
    కోరి దాగెను విష్ణువు, కోటరమున
    భవుడు నక్కె భస్మాసుర భయము చేత

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      విరుపుతో చక్కని పూరణ చెప్పారు. అభినందనలు.
      శివుడు భస్మాసురుని భయంతో కాదు తొర్రలో దాగింది... శనీశ్వరుని భయం వల్ల! అక్కడ "భవుడు నక్కె శనీశ్వరు భయముచేత' అందామా?

      తొలగించు
  5. (1)
    అంతటను వ్యాప్తి చెంది యున్నట్టివాఁడు
    విష్ణు వనుచు వ్యుత్పత్తిని విజ్ఞు లనిరి
    యభవుఁ డా శంకరుఁడు విష్ణు వనఁగ నొప్పు
    శనినిఁ దప్పించుకొన నొక్కసారి తానె
    కోరి దాగెను విష్ణువు కోటరమున
    (2)
    దారుణ దుర్గమాటవినిఁ దప్పక యొంటరియై గమించెఁ గాం
    తారపురాధివాసుఁడు జనార్దన నాముఁడు వర్తకుం డొగిన్
    జోరులు చేర వచ్చుటను జూచి ధనమ్మునుఁ గాచు కోరికన్
    గోరి జనార్దనుం డపుడు కోటరమందున దాగె భీతుఁడై

    ప్రత్యుత్తరంతొలగించు
  6. చేతమలరంగ దాగుడు మూతలచట
    నాడు చున్నట్టి మిత్రుల యాటలోన
    మదను డనువాడు చేరెను పొదల వెనుక
    కోరి దాగెను విష్ణువు కోటరమున.

    చేరిరి తోటలోపలికి జిహ్వకు గల్గిన చాపలంబుచే
    కోరిక దీర పండ్లనట కొమ్మల పైనను మెక్కుచుండగా
    వారల గాంచు మాలి గని పారిరి మిత్రులు పర్వలేక తా
    కోరి జనార్దనుం డపుడు కోటర మందున దాగె భీతుడై.
    హ.వేం.స.నా.మూర్తి.

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారూ,
      రెంటికి రెండూ వైవిధ్యంగా చక్కగా ఉన్నవి పూరణలు. అభినందనలు.

      తొలగించు
  7. డా.పిట్టా
    తాకి మ్రొగ్గిన నరునకెదనరు నితరు
    బాధలను గన:భార్యను బాసి రామ
    బాణమున నుపకృతి జేసి బలగము గన
    వాలి గోలన వేయగ వలసి వచ్చె
    లేదు తన కంగబలమను లీల నెరిగి
    ఆర్తుడై తాను విధికొగ్గి యాడ వలసె
    కోరి దాగెను విష్ణువు కోటరమున!

    ప్రత్యుత్తరంతొలగించు
  8. డా.పిట్టా
    పూరణ ద్రవ్య భాగ్యమున బొందె దరిద్రత విజయ మాల్య యే
    పారగ నెందరిన్ బ్రతుకు బాటను గూర్చగ జూచి సంస్థలన్
    బారగ నర్థ గౌరవము బాసె నవారిత మాయె శిక్షలే
    భారముగాగ నా బ్రిటను భాసుర న్యాయపు వృక్ష రంధ్రమున్
    గోరి జనార్దనుండపుడు కోటరమందున దాగె భీతుడై!
    (జనార్దనుడు..హరి..పాము)

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ గారూ,
      మీ రెండు పూరణలు బాగున్నవి. అభినందనలు.

      తొలగించు
  9. భక్త ప్రహ్లాదు రక్షించి పాపి యైన
    తండ్రి బరిమార్చు నెపమున స్తంభమందు
    కోరి దాగెను విష్ణువు, కోటరమున
    భవుడు నక్కె శనీశ్వర భయము చేత

    ప్రత్యుత్తరంతొలగించు


  10. వారిజ నేత్రి పద్యముల వాలుగకంటి జిలేబి వేగమై
    సారము గాంచి నాననుచు సన్నిధి గాన సువర్ణ బిందువౌ
    వారిశు డచ్చటన్ వణికి వాతలు తప్ప విమందనమ్మనన్
    కోరి, జనార్దనుం డపుడు కోటరమందున దాగె భీతుఁడై!

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ పూరణ బాగున్నది. అభినందనలు.
      'వారిశుడు... విమందనమ్ము'...?

      తొలగించు

    2. కంది వారు నెనరులు

      వారిశుడు - విష్ణువు

      విమందనము -వేగము తగ్గించు

      విష్ణువు భయపడి వేగాన్ని తగ్గించ మని కోరి

      సరియంటారా ?

      జిలేబి

      తొలగించు
  11. నేరిచి యొక్కనాడు మన నేదురుమిల్లి జనార్దనుండు తా
    నూరికి బోవుచుండ గని యొక్కట నాపగ తీవ్రవాదులున్
    కోరి జనార్దనుం డపుడు కోటరమందున దాగె భీతుఁడై
    యేరికి నైన తప్పదు ధనేశునకైనను
    ముప్పు గల్గుచో !!


    నగముపై దాగె శివుడు , పన్నగముపైన
    కోరి దాగెను విష్ణువు , కోటరమున
    కోతి దాగెను , నల్లులు కుట్టుననుచు !
    చచ్చినట్టులు మనకు మంచమ్మె దిక్కు !!

    ప్రత్యుత్తరంతొలగించు
    ప్రత్యుత్తరాలు
    1. మైలవరపు వారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించు
  12. కోరి దాగెను విష్ణువు కోటరమునఁ
    గొండల గృహముల నదులఁ గోవెలల వ
    నముల సకల చరాచర విమల జీవ
    రాశు లందెం దడుగు నింక రక్కసుఁ డని


    చారు కృపారసుం డడుగ శంభునిఁ గానక యెందుఁ జూడగం
    గోరి జనార్దనుం, డపుడు కోటరమందున దాగె భీతుఁడై
    పారి శనీశ్వ రాపకృతి భంగము నెంచి మనో వికారుఁ డై
    చోరుని రీతి యంచనె వచోవివశాత్మ భవాని వేదనన్

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      విష్ణువు యొక్క సర్వాంతర్యామిత్వాన్ని, శనిశంకరుల సంవాదాన్ని విషయాలుగా గ్రహించి ఉత్తమమైన పూరణ లందించారు. అభినందనలు.

      తొలగించు
    2. పూజ్యులు శంకరయ్య గారికి నమఃపూర్వక ధన్యవాదములు.

      తొలగించు
  13. గజము నానాడు కాపాడె కంబుపాణి,
    భక్త ప్రహ్లాదున్ గాచెను బాణజిత్తు,
    అంబరీషుని బ్రోచెను అచ్యుతుండు,
    రామ దాసును రక్షించె రాఘవుండు,
    అన్నమయ్యను సాకెను అక్షధరుడు,
    మనసు మందిరమవ్వగా మాధవుండు
    భక్త సాంబ్రాజ్య మునుకాచ ముక్తి అస్త్ర
    శస్త్రములతోడ భక్తుల సంతసమును
    కోరి దాగెను విష్ణువు కోటరమున

    ప్రత్యుత్తరంతొలగించు
    ప్రత్యుత్తరాలు
    1. నాగమణి గారూ,
      మీ పూరణ బాగున్నది. అభినందనలు.
      'ప్రహ్లాదు గాచెను... బ్రోచినా డచ్యుతుండు... సాకినా డక్షధరుడు భక్త సామ్రాజ్య...' అనండి.

      తొలగించు
    2. ధన్యవాదములు తప్పులు సవరిమ్చుకుంటాను

      తొలగించు
  14. పోరి లక్ష్మియె వీడఁగ, పుట్టఁ జేరి
    కోరి దాగెను విష్ణువు, కోరటమున
    నుండి గోపాలకుడు గాంచి మండి పోయి
    తనదు గోక్షీరమును ద్రాగ దాడి జేసె

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  15. ధారుణి భారమై చెఱగు దానవ కోటిని సంహరింపగన్
    దా రఘు రాముడై మరియు దాండవ కృష్ణుడుగాను పుట్టెనే
    కోరి జనార్దనుండపుడు, కోటరమందున దాగె భీతితో
    నా రవి పుత్రుడౌ శని యమాగ్రజుమాటలకే భవుండటన్

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ రెండవ పూరణ బాగున్నది. అభినందనలు.

      తొలగించు
  16. 9493846984 Dr.B.Umadevi

    కనకకశిపుసుతుని కావ కంబమందు
    కోరి దాగెను విష్ణువు,కోటరమున
    దాగెను పవనసుతుడుగాంచ దాశరథిని
    దైవలీలల నెంచంగ తరమె భువిని.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ పూరణ బాగున్నది. అభినందనలు.
      'దాగె ననిలాత్మజుడు గాంచ...' అనండి. లేకుంటే గణదోషం.

      తొలగించు
  17. వీరుడు పాండునందనుడు వెన్నుని చెంతకు రాకపూర్వమే
    కౌరవ జ్యేష్ఠుడంకమున కార్యము సిద్ధిల సాయమందగన్
    ద్వారక జేరవచ్చెనని వార్తవినంగనె పాండవాగ్ర్యమున్
    కోరి జనార్దనుం డపుడు కోటరమందున దాగె భీతుఁడై

    ప్రత్యుత్తరంతొలగించు
    ప్రత్యుత్తరాలు
    1. ఫణికుమార్ గారూ,
      మీ పూరణ బాగున్నది. అభినందనలు.

      తొలగించు
    2. గురువుగారూ నమస్సులు. ధన్యవాదములు.

      తొలగించు
  18. వాలి భయము సుగ్రీవుడు పారి పోయి
    వ్యాప్తమగుటచే నతనికి బాగ పేరు
    గువ్వలొదిగెడి చోటది గుహ్యముగను
    కోరి దాగెను, విష్ణువు, కోటరమున.

    ప్రత్యుత్తరంతొలగించు
  19. "తం దుర్దర్శం గూఢమనుప్రవిష్టం
    గుహాహితం గహ్వరేష్ఠం పురాణమ్"

    కోరి దాగెను విష్ణువు కోటరమున
    సకల జీవుల హృదిలోన సంబరముగ
    వెదకి చూచుట గుడిలోన వెతలు గాదె
    వెదకి చూడగ మనలోన వెలసె నతడు

    ప్రత్యుత్తరంతొలగించు
    ప్రత్యుత్తరాలు
    1. శాస్త్రి గారూ,
      మీ తాజా పూరణ బాగున్నది. అభినందనలు.

      తొలగించు
  20. శనికి భయపడి గుహలోన శంభు డార్య!
    కోరి దాగెను ,విష్ణువు కోటరమున
    వెలసె నండ్రుగ రికపాటి వేంక టేశు
    బొలము దగ్గర గలయట్టి భూజమునకు

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  21. బాలు ప్రహ్లాదు బ్రోవగలీలజూపి
    కంబమందున కనిపించ సంబరముగ
    కోరిదాగెను విష్ణువు, కోరటమున
    శనికి భయపడి మఱుపడె శంకరుండు!!!

    ప్రత్యుత్తరంతొలగించు
  22. *శ్రీమతి జి సందిత బెంగుళూరు*
    *"కోరి జనార్దనుం డపుడు కోటరమందున దాగె భీతుఁడై*

    *మారిహిరణ్యకశ్యపకుమారునిమానసదైవమట్లుసం*
    *హారముజేయరాక్షసుఁమహాబలశాలినినారసింహుడై*
    *పారెనువాడు బట్టుకొన పంతముతోన్ పరుగాడెపట్టగా*
    *కోరి జనార్దనుం డపుడు కోటరమందున దాగె భీతుఁడై"*

    *శ్రీమతి జి సందిత బెంగుళూరు*

    ప్రహ్లాదునికై హరి నారసింహావతారమెత్తి పట్టుకొనగోరి పరుగాడగా మహాబలశాలి యైన రాక్షసుడు పారిపోయి కోటరమందు దూరినా
    తాను దూరి వేటాడి అసురసంధ్యవేళ వధించిన సందర్భంలో

    ప్రత్యుత్తరంతొలగించు
  23. దారి జనియెడి జనులను దారుణముగ
    దోచుకొనియెడి దొంగల ధూర్తమణచ
    మారువేషమున నడవి మాటువేసి
    కోరిదాగెను విష్ణువు కోటరమున!

    విష్ణువు = రాజు ( రక్షకుడు)
    నా విష్ణుః పృధివీ పతిః

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ బాగున్నది. అభినందనలు.

      తొలగించు
  24. కోరిదాగెను విష్ణువు కోటరమున
    గాదు|”శివ శనిపంద్యాన కలతలంద?
    విలువ లుడుగగ గనలేనివింతలబ్బు|
    కర్మ గాలిన శనిబట్టు?మర్మ మదియె|
    2.ఔర| యహోభిలేశుడట సంతస మందున చెంచు లక్ష్మితో
    దారియు మార్చుచున్ తిరిగి దాగుడు మూతలనాటపాటలో
    కోర? జనార్ధనుండపుడు కోటర మందునదాగె|”భీతుడై
    చేరెను నడ్డదారిగను చింతను బాపగ లక్ష్మి చెంతకున్” {చెంచు లక్ష్మి గనుపించనందున}

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.
      'పంద్యాన'...?

      తొలగించు
  25. ఆరవి యస్తమించుతరి యాయమ దూతలు రాగనప్పుడున్
    గోరిజనార్దనుండపుడు కోటర మందున దాగె భీతుడై
    యారయ నేర్వరా యతని నాకృతి జూచిన వారలప్పుడున్
    మారునుమాటలాడక నమాంతముబ్రాణముదీతురేకదా

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  26. వారిజాక్షులు గోపికల్ పనమునందు
    నల్లనయ్యను వెదకుచు తల్లడిల్ల
    వారిగనినంత భయమొంది వణకినట్లు
    కోరి దాగెను విష్ణువు కోటరమున
    వీటూరి భాస్కరమ్మ


    ప్రత్యుత్తరంతొలగించు
  27. వారిజాక్షులు గోపికల్ పనమునందు
    నల్లనయ్యను వెదకుచు తల్లడిల్ల
    వారిగనినంత భయమొంది వణకినట్లు
    కోరి దాగెను విష్ణువు కోటరమున
    వీటూరి భాస్కరమ్మ


    ప్రత్యుత్తరంతొలగించు
  28. సారెకు థేనుకాసురుడు చక్కని గోవుగ మారి పల్లెలో
    చేరియు నాలమందలలొ చేరగ వానిని చూచిచూడన
    ట్లారయనొక్కచో నొదిగి ఆ వికటాసురు సంహరింపగన్
    కోరి జనార్దనుండపుడు కోటరమందున దాగె భీతుడై
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ రెండు పూరణలు బాగున్నవి. అభినందనలు.
      'ఆలమందలలొ' అని లో ప్రత్యయాన్ని హ్రస్వంగా ప్రయోగించరాదు. "మందలను జేరగ..." అనండి.

      తొలగించు
  29. అశని పాతము కన్నను నధికము శని
    బాధననుచు బొరియనందు పార్వతిపతి
    కోరిదాగెను,విష్ణువు కోటరమున
    జూచి పలికెను విధిరాత చెడ్డ దనుచు

    ప్రత్యుత్తరంతొలగించు
    ప్రత్యుత్తరాలు
    1. శీరామ్ గారూ,
      మీ పూరణ బాగున్నది. అభినందనలు.
      'బాధ యనుచు బొరియయందు...' అనండి.

      తొలగించు

  30. పిన్నక నాగేశ్వరరావు.

    హరిని స్తంభమందున చూపుమన
    హిరణ్య
    కశిపు; ప్రహ్లాదు మొరవిని కంబమందు

    కోరి దాగెను విష్ణువు; కోటరమున

    భవుడు దాగె భస్మాసుర భయము
    వలన.
    ****************************

    ప్రత్యుత్తరంతొలగించు
    ప్రత్యుత్తరాలు
    1. నాగేశ్వర రావు గారూ,
      మీ పూరణ బాగున్నది. అభినందనలు.
      'హిరణ్య కశిపు' అన్నచోట అన్వయం కుదరనట్టు అనుమానం!

      తొలగించు
  31. ఏగ సంధికి బందిగా నెటులయె హరి
    కొలను నందేమి జేసెను కురుకులపతి
    నారసింహుని గా జన్మ నందె నెవడు
    శనికి దొరకక నెటు నుండె శంకరుండు
    కోరి దాగెను విష్ణువ కోటరమున

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      క్రమాలంకారంలో మీ పూరణ బాగున్నది. అభినందనలు.
      '...నెట నుండె'... టైపాటు!

      తొలగించు
  32. శౌరిని వీడి తా వెడల సాగర కన్యక, పుట్టఁ దాగె నే
    కోరి జనార్దనుం,డపుడు కోటరమందున దాగె భీతుఁడై
    క్షీరము నష్టమయ్యెనని , గిర్రున గొడ్డలి త్రిప్పివేయగన్
    చీరెను చక్రినిన్ నుదుట చేరిన గోవును దారి మార్చగన్

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  33. కన్నఱపడె నింతి మెతుకు
    లన్నవి లేకింట, భక్తి హద్దులు దాటన్
    వెన్నుని భక్తుల మెప్పిం
    చన్నమె లేని నరుడు పరమాన్నము పంచెన్.

    ప్రత్యుత్తరంతొలగించు
    ప్రత్యుత్తరాలు
    1. హనుమంత రావు గారూ,
      శంకరాభరణం బ్లాగు మీకు స్వాగతం పలుకుతున్నది. అభినందనలు.

      తొలగించు