3, మే 2017, బుధవారం

సమస్య - 2352 (నడక హానికారకము...)

కవిమిత్రులారా! 
ఈరోజు పూరించవలసిన సమస్య ఇది....
"నడక హానికారకము మానవుల కెపుడు"
(లేదా...)
"నడచుట హానికారక మనాగరకం బగు మానవాళికిన్"
ఈ సమస్యను పంపిన బొగ్గరం ప్రసాద రావు గారికి ధన్యవాదాలు.

93 వ్యాఖ్యలు:

  1. చదివిన చదువు భుక్తికి జాడ తెల్పి
    ఆదుకొనని కారణమున, ఆప్తు లనుచు
    సంఘ విద్రోహులు పిలువ, సంతసముగ
    వారి తోచేరి దేశము వదలి, యువత
    భరత భూమిని సతతము బాధ పెట్టు
    నడక హాని కారకము మానవులకెపుడు

    ప్రత్యుత్తరంతొలగించు
    ప్రత్యుత్తరాలు
    1. పూసపాటి వారూ,
      మీ పూరణ సమకాలీనాంశంతో చక్కగా ఉంది. అభినందనలు.

      తొలగించు
  2. గురువుగారికి నమస్కారములు నిన్నటి ఈ పూరణము ఒక్కసారి సమీక్షిoచి తప్పులు సూచించిన సరిదిద్దుకుంటాను ధన్యవాదములు

    అధికార మిచ్చు నహంకారము, నమస్కా
    రము తోడ నీ ప్రకారము నడచును.
    తిరస్కారము ల్లేక ధిక్కారములకోర్చి
    సహకార మిచ్చును సంతసముగ,
    ఆకారమునకు నలంకారములు చేసి
    ఛీత్కారములు లేక చెలిమి తోడ
    స్వీకారము తెలిపి,ఘీంకారమునుచేయు,
    ప్రాకారమున నీదు పదవి ముగియ

    సాకారములు లేక శ్రీకారమును చుట్టు
    మరణ పుస్తకమున మనసు విరిగి,
    గుణకారములు, నీదు కూడికల్ తప్పగా
    నీ చమత్కారము నీల్గి వికారమై
    అంధకారము కాగ, వ్యధను పొంది మమకా
    రములు తగ్గ నుడికారములు వన్నె
    తగ్గి ఝoకారము తడబడి కుసుమము
    పైన తిరుగు చుండు భ్రమరకము

    వోలె బ్రతుకు నీడ్చ, జాలి పడక,
    ఇంటిలో వెటకారము, ఈర్ష్య పెరుగ,
    ముఖ్యులెల్ల హాహాకారములు సలుపగ,
    నీ ఉనికి నిరాకారమై నెత్తురోడ,

    కోరుము సాక్షాత్కారము
    మారక సమయమున నీవు భగవంతుని, నో
    రారగ పలికెడి ఆ ఓం
    కారమ్మును మించి తీపి కలదే పుడమిన్

    ప్రత్యుత్తరంతొలగించు
    ప్రత్యుత్తరాలు
    1. అయ్యా, నమస్కారము, తిరస్కారము లలో స్కా ముందున్న అక్షరం గురువౌతుంది.
      నిన్నటి పోస్ట్ కి నా సవరణ పెట్టేను.

      తొలగించు
    2. ధన్యవాదములు సోమ్ నేమని గారు తప్పు సరి దిద్దుకుంటాను

      తొలగించు
    3. పూసపాటి వారూ,
      మీ సుదీర్ఘ ప్రస్తావనా పూర్వక పూరణ బాగున్నది. అభినందనలు.
      'నమస్కా..., తిరస్కారము..., వికారమై..., వోలె బ్రతుకు నీడ్చ...' గణదోషాలు. కందం రెండవ పాదంలో యతి తప్పింది.

      తొలగించు
    4. మారక భగవంతుని రెంటికి యతి గలదని వ్రాశాను నాకు సలహా ఇవ్వగలరు
      క్షమించండి తప్పు వ్రాశాను. సరి దిద్తుకుంటాను.

      తొలగించు
  3. వేద మంత్రాల సాక్షిగ మోద మొప్పి
    ముచ్చ టగమూడు ముడులేసి ముదితనంత
    వదలి మోహము ననితర పడతి వెంట
    "నడక హానికారకము మానవుల కెపుడు"

    ప్రత్యుత్తరంతొలగించు
  4. విడువక దుష్టసంగతులు విజ్ఞుల బోధలనన్ని వీడుచున్
    కడు చిలువాయనమ్మయిన కర్మల చేయుచు సజ్జనాళికిన్
    చెడు తలపెట్టి ఘోరమగు శిక్షలకున్ గురిచేసి గట్టిగా
    నడచుట హానికారక మనాగర కంబగు మానవాళికిన్
    (చిలువాయనము = నీచము; గట్టిగాన్ + అడచుట = గట్టిగా నడచుట)

    ప్రత్యుత్తరంతొలగించు
    ప్రత్యుత్తరాలు
    1. నేమాని వారూ,
      విలక్షణమైన విరుపుతో మీ పూరణ బాగున్నది. అభినందనలు.

      తొలగించు
  5. ఆరు అంకెల జీతమ్ము హాయి నొసగ,
    లక్షణముగ జీవించక, లంచములను
    స్వీకరించు ఉద్యోగుల శీల రహిత
    నడక హాని కారకము మానవులకెపుడు

    ప్రత్యుత్తరంతొలగించు
    ప్రత్యుత్తరాలు
    1. మీ పూరణ బాగున్నది. అభినందనలు.
      'ఆరు+అంకెల' అన్నపుడు సంధి నిత్యం. విసంధిగా వ్రాయరాదు. 'శీలరహిత నడక' అని సమాసం చేయరాదు. అక్కడ "శీలము విడు నడక" అనండి.

      తొలగించు
    2. ధన్యవాదములు సరిదిద్దుకుంటాను.

      తొలగించు
  6. వాలి చంప బడెను చెట్టు మూల నుంచి
    కర్ణుడంతరించెను దాన ఘనుడు కాగ
    సత్య మిదియె నాడును నేడు సతము! సబబు
    నడక హానికారకము మానవుల కెపుడు

    నడక = ప్రవర్తన

    ప్రత్యుత్తరంతొలగించు
    ప్రత్యుత్తరాలు
    1. శాస్త్రి గారూ,
      మీ పూరణ బాగున్నది. అభినందనలు.

      తొలగించు
  7. బొజ్జ నిండుగ తినితిని పొట్ట పెంచి
    'నడక హాని కరము మానవుల కెపుడు'
    ననుచు నిష్క్రియా లోలురై యాదమఱచి
    నిద్రలో జారు వారల నిద్ర లేపు.

    బొగ్గరం ప్రసాద రావు

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ పూరణ బాగున్నది. అభినందనలు.

      తొలగించు
  8. స్వాస్థ్యమును గోరుచుండెడి జనులకిలను
    నుభయ వేళల నడచుట యొప్పు నండ్రు
    భోజనము మీద శతపథ మోజ మొసగు
    నడక, హానికారకము మానవుల కెపుడు?

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారూ,
      సమస్యను ప్రశ్నార్థకంగా మార్చిన మీ పూరణ చక్కగా ఉంది. అభినందనలు. '...యొప్పటండ్రు' అనండి.

      తొలగించు


  9. పడతుల మానభంగములు, పాగెములేకజనావళిన్ని పో
    నడచుట హానికారక మనాగరకం బగు మానవాళకిన్
    విడదగునయ్య విప్లవము వీకొనుమా!హజరత్ సలామతౌ !
    జడతల భారతమ్మునకు జాగృత!యుత్తిగ మేలుకోవయా !

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ పూరణ బాగున్నది. అభినందనలు.

      తొలగించు
  10. జడియక ధర్మమన్న, ఘన సంస్కృతి నందక, స్వార్ధబుద్ధితో
    నుడువుచు బొంకు లెల్లెడల, నూతన తేజము తోడ కల్మషం
    బొడబడి చేయుటల్ సతత మొప్పని యెంచి ధరాతలంబునన్
    నడచుట హానికారక మనాగరకం బగు మానవాళికిన్.

    హ.వేం.స.నా.మూర్తి.

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారూ,
      మీ పూరణ బాగున్నది. అభినందనలు.

      తొలగించు
  11. డా.పిట్టా
    తెగ ప్రగల్భాల రాయితీల్(తాయిలాల్) తీర్చి దిద్ది
    ఎన్నికల గెల్చి ప్రతినల నెల్ల మరచి
    పాలనను బహు చతికిల బడిన నత్త
    నడక హాని కారకము మానవుల కెపుడు!

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ పూరణ బాగున్నది. అభినందనలు.

      తొలగించు
  12. డా.పిట్టా
    పడిపడి క్రొత్త పుంతలని బారి విదేశపు రీతి నీతులన్
    వడివడి నాశ్రయించగదె వాసిని బాసెను సంప్రదాయమే!
    మిడిసిన హంస కాకి గతి మేల్మి యటంచును వెర్రి చేష్టలన్(చేష్టనున్)
    నడచుట హాని కారక మనాగరకంబగు మానవాళికిన్!!

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ రెండవ పూరణ బాగున్నది. అభినందనలు.

      తొలగించు
    2. డా.పిట్టానుండి,ఆర్యా,నిన్నటి "కాకా"గల నాపూరణకు వివరణను ద.చే సమీక్షించండి.కృతజ్ఞతలు.

      తొలగించు
    3. డా.పిట్టానుండి,ఆర్యా,నిన్నటి "కాకా"గల నాపూరణకు వివరణను ద.చే సమీక్షించండి.కృతజ్ఞతలు.

      తొలగించు
  13. కష్ట సుఖములు కలతలు నిష్టురముల
    వీడ బోవకు తోడును నీడ నెపుడు
    పుడమి నందరి తోడుత పొసగ లేని
    నడక హాని కారకము మానవుల కెపుడు!

    ప్రత్యుత్తరంతొలగించు
    ప్రత్యుత్తరాలు
    1. నిష్ఠురముల...అని చదుగలరు.

      తొలగించు
    2. శిష్ట్లా వారూ,
      మీ పూరణ బాగున్నది. అభినందనలు.

      తొలగించు

  14. నిదుర విడిచిన వెనువెంటనే గభాలున లేవ గూడదని డాక్టర్ల ఉవాచ - కొంత వ్యవధి అవసరమట !
    (అని విన్నా)

    పడకను విడ నిదురయటు పక్క తొలగ
    గడగడ యనుచు వడివడి గనటు నడచు
    నడక హానికారకము మానవుల కెపుడు
    యెడరు విడవలె యించుక యెవ్వరైన !


    జిలేబి

    ప్రత్యుత్తరంతొలగించు
    ప్రత్యుత్తరాలు
    1. యెడరువిడవలెనించుకనెవ్వరైన అనండి

      తొలగించు
    2. జిలేబీ గారూ,
      మీ పూరణ బాగున్నది. అభినందనలు.
      ప్రసాదరావు గారి సూచనను గమనించండి.

      తొలగించు
  15. సత్య మెపుడును గెలువదు సత్వరముగ
    తలచి గెలుపుల నన్నిట ధర్మ మెదుక
    తప్పు జేసిన వారలె ధరణిన, చెడు
    నడక హానికారకము మానవుల కెపుడు

    ప్రత్యుత్తరంతొలగించు
    ప్రత్యుత్తరాలు
    1. వెంకటప్పయ్య గారూ,
      మీ పూరణ బాగున్నది. అభినందనలు.
      'ఎదుక'...?

      తొలగించు
  16. అడుగిడి ధర్మమార్గము, నహర్నిశలున్ హితదృక్పథంబునన్
    నడుచుచు నాడిదప్పక వినమ్రత జూపుచు గౌరవించుచున్
    గడుపుముకోరుచు శుభము,కాదని దుష్ట పథమ్ము వీడకన్
    నడచుట హానికారకమనాగరికంబగు మానవాళికిన్

    ప్రత్యుత్తరంతొలగించు
    ప్రత్యుత్తరాలు
    1. శ్రీరామ్ గారూ,
      మీ పూరణ బాగున్నది. అభినందనలు.
      'కోరుచున్...'

      తొలగించు
  17. ఎసగలోకమునందున నెల్లవారు
    మంచి నడతను వర్తించి మనగవలయు
    చెడ్డత్రోవను పయనించి చెరువుతెచ్చు
    నడక హానికారకము మానవులకెపుడు
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.

      తొలగించు
  18. బడుగుల జీవితమ్ములవి పచ్చగనుండెడిరీతి వారికిన్
    మడులును మాన్యముల్ యొసగి మంచిగవారినిచూడగావలెన్
    ఇడుమలపాలుచేసి చరియింపుచు వారికికీడుచేయుచున్
    నడచుట హానికారకమనాగరికమ్మగు మానవాళికిన్
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.
      'మాన్యముల్+ఒసగి' అన్నపుడు యడాగమం రాదు. 'మాన్య మిచ్చియును..." అందామా?

      తొలగించు
  19. తెల్లవారినది మొదలు కల్లు గిల్లు
    తాగి తందనా లాడుచు తలకు బోసి
    వంకరలు బోవు మాటల వాగి తూలు
    నడక హానికారకము మానవుల కెపుడు

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  20. ఇతరులను బాధబెట్టుచు హితముమరచి
    ధర్మమార్గమ్ము వీడుచు ధరణిలోన
    పాపకర్మలతో నడుపాడు దుడుకు
    నడక హానికారకముమానవుల కెపుడు!!!

    ప్రత్యుత్తరంతొలగించు
  21. ఒంటరిగ జంటగను ముందు వెంట నైన
    ఎడమ వైపు కుడిన తూర్పు పడమ రైన
    పగలు రాత్రి మధ్యాహ్నపు సెగల నైన
    హైదరాబాదు రోడ్లపై హాయి గాను
    నడక హానికారకము మానవుల కెపుడు

    ప్రత్యుత్తరంతొలగించు
    ప్రత్యుత్తరాలు
    1. శ్రీ భట్టారం రాధాకృష్ణయ్య గారి సవరణ:

      * ఎడమ కుడి తూర్పు లందును పడమరైన

      తొలగించు
    2. శాస్త్రి గారూ,
      మీ పూరణ బాగున్నది. అభినందనలు.

      తొలగించు
  22. పొడుపు కొండన వెలుగు పుప్పొడులు మెరియు
    వేళ నడచిన నరులకు మేలుఁగాని
    మాడు పగుల గొట్టెడు మండుటెండ లోన
    నడక హానికారకము మానవుల కెపుడు

    ప్రత్యుత్తరంతొలగించు
    ప్రత్యుత్తరాలు
    1. బడులను బాల్యమందు విను పాఠములందున నేర్వ వచ్చు,నే
      బడికిని పోనిచో తెలియ వచ్చును పెద్దల మాటలందునన్
      చెడి,పిడివాదులై వినక చిత్తపు రీతిన రోడ్డు మధ్యలో
      నడచుట హానికారకమనాగరికమ్మగు మానవాళికిన్

      తొలగించు
    2. రాజ్ కుమార్ గారూ,
      మీ రెండు పూరణలు బాగున్నవి. అభినందనలు.

      తొలగించు
  23. సమయము నెపుడు వ్యర్థంబు సలుప రాదు
    ఆలసించు వారలవృద్ధి సన్నగిల్లు
    సజ్జు తోడ కార్య మొనరించవలె, పిల్లి
    నడక హానికారకము మానవుల కెపుడు

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారూ,
      మీ పూరణ బాగున్నది. అభినందనలు.

      తొలగించు
  24. విడచి యహింస న్యాయమును వీడియు సజ్జన సంగతిన్ సదా
    విడచియు సద్గుణంబులను వీడియు నిర్మల ప్రేమ భావముల్
    నడచుట హానికారక మనాగరకం బగు మానవాళికిన్
    నడచిన ధర్మ మార్గమున నాక సుఖంబులు దక్కు మానవా!

    ప్రత్యుత్తరంతొలగించు
    ప్రత్యుత్తరాలు
    1. లక్ష్మినారాయణ గారూ,
      మీ పూరణ బాగున్నది. అభినందనలు.

      తొలగించు
  25. నడక హానికారకము మానవుల కెపుడు
    కాదు ,నడక కలుగ జేయు గాయమునకు
    మంచి యారోగ్య మటులనె నంచిత మగు
    బుధ్ది కుశలత యేర్పడు బుణ్య పురుష !

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  26. అడుగులు వేయు నేడు తన కంతయు నాతడటంచు నమ్ముచున్
    తడబడనీదు జీవితపథానను తోడయి దాసి మంత్రియై
    విడువని తల్లియై, సతిని వేదన బెట్టుచు నింటి నుండి పో
    నడచుట హానికారక మనాగరకం బగు మానవాళికిన్.

    ప్రత్యుత్తరంతొలగించు
    ప్రత్యుత్తరాలు
    1. మిస్సన్న గారూ,
      మీ పూరణ బాగున్నది. అభినందనలు.

      తొలగించు
  27. నడత వోలె నగత్యమె నడక కూడ!
    నడక వీడని మనుజుడె నాగరికుడు
    నడకకు మితి గలదు! యోజనములు సాగు
    నడక హానికరకము మానవుల కెపుడు!

    గురువు గారికి వందనములు. నిన్నటి నా పూరణను పరిశీలించ గోరుతాను. ధన్యవాదములు.
    కూరిమి జూపుచు పెద్దలు
    తీరుగ ప్రేమికుల నరసి దీవన లిడగన్
    వారలు దెలిపిన యంగీ
    కారమ్మును మించి తీపి కలదే పుడమిన్!

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారూ,
      మీ రెండు పూరణలు బాగున్నవి. అభినందనలు.

      తొలగించు
  28. ఆర్యులు శంకరయ్య గారికి ఆరోగ్యము ఎటులుoడెనో ఏ పద్యము సమీక్షించ లేదు.

    ప్రత్యుత్తరంతొలగించు
    ప్రత్యుత్తరాలు
    1. పూసవాటి వారూ,
      ఆరోగ్యం బాగానే ఉంది. నిన్న హైదరాబాదు వెళ్ళి ఈరోజు తిరిగి వచ్చాను. ప్రయాణంలో ఉండి మీ పూరణలను సమీక్షించడం ఆలస్యమయింది.

      తొలగించు
    2. ధన్యోస్మి గురువుగారు

      తొలగించు
  29. మంచివాసన మల్లెలు బంచినట్లు
    చదువు సంస్కారమందగ సంఘసేవ
    జేయగలిగిన మనసున్న?చేయలేని
    నడక హానికారకము మానవుల కెపుడు|
    2.మందు,సిగరెట్టు,విందు పసందుగూర్చ
    దొంగతనమబ్బ?వ్యభిచారదోషమందు
    జూద మోదాన నిష్టూర వాదమిడెడి
    నడక హానికారకముమానవులకెపుడు.
    3.తడబడు మానసంబునకు తత్తరపాటున మూఢనమ్మకాల్
    విడువని సమ్మతంబు”కడువిద్యవివేకుల మంచిమార్గముల్
    గడిపెడిసూత్రముల్ దెలుప?గర్వమునందున లెక్కజేయకన్
    నడచుట హానికారక మనాగరకంబగు మానవాళికిన్.
    4.బడి,గుడి బాధ్యతాయుతపు భావన భక్తియు మానసంబుకున్
    తడబడ నట్టి యూహల వితండములేకను మంచి మార్గమౌ|
    “చెడుగుడు లాడుమాయ మనచెంతన చింతను జూపగానె?తా
    నడచుట హానికారక మనాగరకంబగుమానవాళికిన్”.

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ నాలుగు పూరణలు చాలా బాగున్నవి. అభినందనలు.

      తొలగించు
  30. వీడుచు ధర్మము నీతియు భీతి మరియు
    మానమభిమాన మమతలు మానుషంబు
    ధనమదొక్కటె చాలను ధాష్టికయుత
    నడక హానికారకము మానవుల కెపుడు

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారూ,
      మీ పూరణ బాగున్నది. అభినందనలు.
      'వీడుచు' అంటే గణదోషం. 'విడుచు' అనండి. 'ధాష్టికయుత నడక' అంటే దుష్టసమాసం. "ధాష్టికమగు నడక' అనండి.

      తొలగించు
    2. వీడి ధర్మము నీతియు భీతి మరియు
      మానమభిమాన మమతలు మానుషంబు
      ధనమదొక్కటె చాలను ధాష్టికమగు
      నడక హానికారకము మానవుల కెపుడు

      తొలగించు
  31. అడకువతోడ దేవునకు నర్చన చేయుచు సర్వకాలమున్
    చెడు పథమందు పైనమును చేయక పేదలనిచ్చఁ బ్రోచుచున్
    కడువడి విష్ణులోకమునుఁ గాంచుడు మూఢత చెడ్డమార్గమున్
    నడచుట హాని కారక మనాగరకంబగు మానవాళికిన్

    ప్రత్యుత్తరంతొలగించు
  32. సంఘపున్ కట్లుబాట్ల యాచరణమెప్డు
    మంచియొనరించునిలలోన నెంచిచూడ
    చపలచిత్తముతోడుత సలిపెడి చెడు
    నడక హాని కారకము మానవుల కెపుడు

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి గారూ,
      మీ రెండు పూరణలు బాగున్నవి. అభినందనలు.

      తొలగించు
  33. సత్యము గెలుచు నన్నిట నిత్యము నిలఁ
    గపటము గెలుచు టెల్ల తాత్కాలికంబ
    నిష్ఠురంబని యెంచి పనిగొని నిజము
    నడక హానికారకము మానవుల కెపుడు

    [నిజమును+అడక = నిజము నడక; అడకు = దాఁచు]


    పడయరె పుణ్య ధామములు భాగవతోత్తము లెల్ల కొల్చిన
    న్నడరి మనంబు నందుఁ బరమాత్ముని నిల్పి నిరంతరం బిలం
    దడయక మూఢ భక్తి నికఁ దంత్రము సేకొని గుండ మందుఁ దా
    నడచుట హానికారక మనాగరికం బగు మానవాళికిన్

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మీ రెండు పూరణలు ఉత్తమంగా ఉన్నవి. అభినందనలు.

      తొలగించు
  34. *శ్రీమతి జి సందిత బెంగుళూరు*
    👉తేదిః 03-05-2017
    👉సమస్య
    నడక హానికారకము మానవుల కెపుడు


    వాస్తుశాస్త్రరీత్యవచింతువాస్తవంబు
    వక్రగమనమె వాకిళ్ళువరుసఁదప్ప
    చెడునుశీలమందురుసరిచేయకున్న

    నడక హానికారకము మానవుల కెపుడు

    *శ్రీమతి జి సందిత బెంగుళూరు*

    ప్రత్యుత్తరంతొలగించు
    ప్రత్యుత్తరాలు
    1. సందిత గారూ,
      మీ పూరణ బాగున్నది. అభినందనలు.

      తొలగించు
  35. గురు మూర్తి ఆచారి

    వచ్చి తగులు "నాపద" లను వాహనములు
    "జీవితం" బను దారిలో | నీవు, మిగుల
    జాగరూకతన్ మెల్లగా జనుము| దుడుకు*
    నడక హానికారకము మానవుల కెపుడు*

    ప్రత్యుత్తరంతొలగించు
    ప్రత్యుత్తరాలు
    1. గురుమూర్తి ఆచారి గారూ,
      మీ పూరణ బాగున్నది. అభినందనలు.

      తొలగించు
  36. కంటకములు నిండిన ఘోర కానలందు
    ఖగుడు నిప్పులు గురిపించు కాల మందు
    పాదరక్షలు మరియాతపత్రము విడి
    నడక హానికారకము మానవుల కెపుడు



    నడతను గాంచి క్షుణ్ణముగ నాతని సద్గుణమున్నెఱంగి నా
    తడి వెనుదన్నుగా నిలువ ధారుణి యందున కీర్తిమూలమౌ
    గడసరి వాడు స్వార్థుడును కాముకుడైన ఖలుండి జంటగా
    నడచుట హానికారక మనాగరకం బగు మానవాళికిన్

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ రెండు పూరణలు బాగున్నవి. అభినందనలు.

      తొలగించు
  37. క్రూర మృగములు చరియించు దారులందు
    కంటకావృత విపినమ్ము,కాళరాత్రి,
    వెలుగుదివ్వెలు,పాద రక్షలును లేని
    నడక హాని కారకము మానవుల కెపుడు

    ప్రత్యుత్తరంతొలగించు
    ప్రత్యుత్తరాలు
    1. తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  38. 9493846984 Dr.B.Umadevi

    తే.గీ:పరుల కెప్పుడు దురితము బంచునటుల
    నాచరించుచునుండగ ననవరతము
    నేను నాదని యహముతో నిలను నడచు
    నడక హానికారకము మానవులకెపుడు.

    తే.గీ:మేలు చేకూర్చు సతతము మేదినందు
    నడక,హానికారకము మానవుల కెపుడు
    కాదు గనుడు దాన తనువు గట్టిపడును
    కాన నడువవలె జనులు కాళ్ళతోడ.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ రెండు పూరణలు బాగున్నవి. అభినందనలు.
      'మేదిని+అందు' అన్నపుడు సంధి లేదు. యడాగమం వస్తుంది.

      తొలగించు
  39. నడక మానవాళికిమేలు నడచుటఇల
    నడక దారి మంచిగయున్న నడక ఎపుడు
    నడక పాదరక్ష లు లేక నడచినమరి
    నడక హానికారకము మానవుల కెపుడు

    ప్రత్యుత్తరంతొలగించు
    ప్రత్యుత్తరాలు
    1. రామకృష్ణ గారూ,
      మీ పూరణ బాగున్నది. అభినందనలు.
      'మంచిన నున్న' అనండి. అక్కడ యడాగమం రాదు.
      పద్యం మధ్యలో అచ్ఫ్హులు రాకుండా చూడండి. అవసరమైన యడాగమ, నుగాగమాలతో వ్రాయడానికి ప్రయత్నించండి.

      తొలగించు
    2. మీ సవరణకు ధన్యవాదాలు గురువుగారూ

      తొలగించు
  40. ప్రాణకోటికి నష్టము బరుగు నటుల
    స్వార్థ చింతనమే పరమార్థ మనుచు
    మృగము రీతిన జీవించు తెగువజూపు
    నడక హానికారకము మానవులకెపుడు

    అరాశ

    ప్రత్యుత్తరంతొలగించు