14, మే 2017, ఆదివారం

సమస్య - 2360 (పోయిన దేదియును దిరిగి...)

కవిమిత్రులారా! 
ఈరోజు పూరించవలసిన సమస్య ఇది....
"పోయిన దేదియును దిరిగి పొందగ వశమే"
(లేదా...)
"పోయిన దేదియున్ దిరిగి పొందగ నెవ్వరికైన సాధ్యమే"

62 వ్యాఖ్యలు:

  1. పోయిన కాలమును మరియు
    పోయిన జీవులు, వయస్సు,పుడమిని యెపుడున్
    పోయిన పరువము జూడగ
    పోయిన దేదియును దిరిగి పొందగ వశమే?

    ప్రత్యుత్తరంతొలగించు
    ప్రత్యుత్తరాలు
    1. శర్మ గారూ,
      మీ పూరణ బాగున్నది. అభినందనలు.
      "పుడమిని నెపుడున్" అనండి.

      తొలగించు
  2. ధ్యేయము భగవన్నుతియని
    సాయించెడు వారికెపుడు సత్వరమందున్
    సాయము,తథ్యము,నమ్ముము!
    పోయినదంతయును తిరిగి పొందగ వశమే!!!
    బొగ్గరం ప్రసాద రావు

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ పూరణ బాగున్నది. అభినందనలు.

      తొలగించు
  3. పోయిన ధనమ్ము దొరకును
    పోయిన సుఖ శాంతులన్ని పొందగ వచ్చున్
    మాయని యశమ్ము మినహా
    పోయిన దేదియును దిరిగి పొందగ వశమే...


    "Who steals my purse steals trash; 'tis something, nothing;
    'Twas mine, 'tis his, and has been slave to thousands;
    But he that filches from me my good name
    Robs me of that which not enriches him,
    And makes me poor indeed."


    ...Shakespeare in Othello

    ప్రత్యుత్తరంతొలగించు
    ప్రత్యుత్తరాలు
    1. శాస్త్రి గారూ,
      మీ పూరణ బాగున్నది. అభినందనలు.

      తొలగించు
  4. పోయిన ప్రాణము గణముల
    నాయకుడు తిరిగి బడసెను నగసుత వేడన్
    కాయ వదనములు వేరై,
    పోయినదేదియును దిరిగి పొందగ వశమే


    ప్రత్యుత్తరంతొలగించు
    ప్రత్యుత్తరాలు
    1. పూసపాటి వారూ,
      మీ పూరణ బాగున్నది. అభినందనలు.

      తొలగించు
  5. కందగణమేల తప్పెన్,
    ఎందుకుతప్పెను యతిగతి, ఎప్పుడు లేదే,
    కందివిరచిత సమశ్యల్
    అందరి మన్ననలు పొంది ఆహ్లాదమిడన్

    పోయెనట బ్యాగు బస్సులో, పుస్త కములు
    పాసు బుక్కులున్న ఎడల భంగ పడక
    పొంద వచ్చు, పాన్ కార్డును పొంద వచ్చు
    మరల,ధనము నగలు యున్న తిరిగి రావు,
    ఐనను వలదు చింతలు, ఆంధ్ర రాష్ట్ర
    కవుల కావ్యపు సంపద గదుల లోన
    తూగుచున్న ఏ దొంగలు దోచ గలరు,
    ఇన్క ముల పైన చేయునా ఎప్పుడైన
    దాడులు అనిశా వారలు, ధరణి పైన
    కంది వారు చింతను మాని కవులు కొరకు
    బ్లాగులోసమస్యల నిమ్ము బాగు గాను

    ప్రత్యుత్తరంతొలగించు
  6. గురువు గారూ నమస్కారములు అన్యధా తలచ వలదు. కొంత స్వాంతనకు మాత్రమే సుమా

    నిన్న పూరించిన సమస్య ఒక్క సారి అవకాశమున్న వీక్షించమ్డి

    పాములును చంపు నెయ్యవి,
    దేముడు కరుణించు నెపుడు,దేవిని కొలువన్
    ఏమిజరుగు మానవులకు
    చీమల, గొల్చిననె,కలుగు శ్రీ భాగ్యమ్ముల్

    ప్రత్యుత్తరంతొలగించు
    ప్రత్యుత్తరాలు
    1. పూసపాటి వారూ,
      క్రమాలంకారంలో మీ పూరణ బాగున్నది. అభినందనలు.

      తొలగించు
  7. పోయెను బ్యాగ్ వాహనమున,
    పోయినది తిరిగి దొరకును పోలీసులకున్
    సాయము కోరిన యెడలన్.
    పోయినదేదియును దిరిగి పొందగ వశమే

    పోలీసుల సాయముతో తిరిగి పోయిన వస్తువు పొందగ వచ్చు నాను ఊహతో

    ప్రత్యుత్తరంతొలగించు
    ప్రత్యుత్తరాలు
    1. పూసపాటి వారూ,
      మీ తాజా పూరణ బాగున్నది. అభినందనలు.

      తొలగించు


  8. మాయా లోకము లోనన్
    పోయిన దేదియును దిరిగి పొందగ వశమే
    గాయము లాయెను జీవన
    సాయం కాలపు సమయము సంకటపాటుల్ !

    జిలేబి

    ప్రత్యుత్తరంతొలగించు


  9. గాయము గాంచెనౌ మదియు కాలపు సాయము బోవగన్నిటన్
    న్యాయము గాదు భారతి వయస్యులు తెక్కలిపాటు లోనవన్
    పోయిన దేదియున్ దిరిగి పొందగ నెవ్వరికైన సాధ్యమే
    చేయన యత్నమున్ గురువు చేర్చును లబ్ధిని సోవసీయముల్

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ రెండు పూరణలు బాగున్నవి. అభినందనలు.

      తొలగించు
  10. డా.పిట్టా
    నా ప్రశ్నా జ్ఞానము కొలది వ్రాస్తున్నాను.
    సాయము గోరి వేదమున సాగిన విద్యన జోష్యమబ్బగా
    పోయిన మీదు వస్తువది పొందుగ చేరునటన్న ఘోషరాన్
    మీయది మీదియే యగును మిన్నిట క్రిందకు వంగినన్ జుమీ!
    పోయిన దేదియున్ దిరిగి పొందగ నెవ్వరికైన సాధ్యమే!!

    ప్రత్యుత్తరంతొలగించు
  11. డా.పిట్టా
    ఖాయము ఆశావాదము
    శ్రేయము, చింతిల్ల ఫలమె చిక్కగ జతనం
    బేయగు శోధన గనుమా
    పోయినదేదియును తిరిగి పొందగ వశమే!!

    ప్రత్యుత్తరంతొలగించు
  12. డా.పిట్టా
    పోయెను అంతర్జాలము
    మాయమయెన్ లెక్కలన్ని మరియొకపరి "కొ
    క్కో"యన, కొల్లలు వెతకన్,
    పోయిన దేదియును తిరిగి పొందగ వశమే!!

    ప్రత్యుత్తరంతొలగించు
  13. డా.పిట్టా
    ఖాయము ద్రవ్యరాశి తన కాయము మార్చునుగాని లుప్తమౌ
    టా?యది యున్నదెచ్చటనొ ఠావును దప్పిన చింత దుర్భరం
    బేయది నీది కాదు యిది బీరమె నాదన గాంచ నొక్కచో
    పోయిన దేదియున్ దిరిగి పొందగ నెవ్వరికైన సాధ్యమే!!

    ప్రత్యుత్తరంతొలగించు
  14. డా.పిట్టా
    సాయము జేయువారలును చక్కని శీలము గల్గువారికిన్
    "పోయిన వస్తువం"చెరుకబూనిన మానరు శోధనాళి నా
    దేయను జాడ యుండవలె దేవునిదౌ కృప తోడ నొక్కచో
    పోయిన దేదియున్ దిరిగి పొందగ నెవ్వరికైన సాధ్యమే!!

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ పూరణలన్నీ బాగున్నవి. అభినందనలు.

      తొలగించు
  15. మాయము చేయును కాలము
    నాయువు, ప్రాయమును పూర్వ నాత్మ స్థితులన్
    రేయిని, పగలును రయమున
    బోయినదేదియును దిరిగి పొందగ వశమే

    ప్రత్యుత్తరంతొలగించు
    ప్రత్యుత్తరాలు
    1. శ్రీరామ్ గారూ,
      మీ పూరణ బాగున్నది. అభినందనలు.
      'పూర్వ+ఆత్మ' అన్నపుడు నుగాగమం ఎలా వచ్చింది? "ప్రాయము, వెనుకటి యాత్మస్థితులన్" అనండి.

      తొలగించు
  16. న్యాయానువర్తనంబును
    ధ్యేయము చేరంగ సతము దివురుట యుక్తం
    బేయెడ తగ దలసత్వము
    పోయిన దేదియును దిరిగి పొందగ వశమే?.

    న్యాయము ధర్మవర్తనము నవ్యయశంబుల నందగోరు స
    ద్ధ్యేయముతోడ మానవుడు దీప్తచరిత్రను గాంచగా వలెన్
    శ్రేయము లందగోరవలె చెల్వ మశాశ్వత మెంచి చూడగా
    పోయిన దేదియున్ దిరిగి పొందగ నెవ్వరికైన సాధ్యమే?

    హ.వేం.స.నా. మూర్తి.

    ప్రత్యుత్తరంతొలగించు
  17. ధ్యేయము దృఢతర మైనను
    న్యాయంబును నమ్మి యున్న నవయత్నముతో
    నేయెడ చరియించినచో
    పోయిన దేదియును దిరిగి పొందగ వశమే.

    న్యాయము ధర్మవర్తనము నవ్యయశంబుల నందగోరు స
    ద్ధ్యేయముతోడ మానవుడు ధీయుతు డౌచు నిరంతరంబుగా
    నేయెడ సంచరించినను నిమ్మహి సత్ఫల సిద్ధియౌ నికన్
    పోయిన దేదియున్ దిరిగి పొందగ నెవ్వరికైన సాధ్యమే.

    హ.వేం.స.నా.మూర్తి.


    ప్రత్యుత్తరంతొలగించు
    ప్రత్యుత్తరాలు
    1. మూర్తి గారూ,
      మీ పూరణలు బాగున్నవి. అభినందనలు.

      తొలగించు
  18. ప్రాయము నాపగ లేమిక
    సాయము జేసెడి మనసును జతగొన లేమే
    కాయము నిలుపగ లేమిట
    పోయిన దేదియును తిరిగి పొందగ వశమే!

    ప్రత్యుత్తరంతొలగించు
  19. భార్యావియోగి తక్షణ స్పందన:

    ఆయమ షట్కర్మలఁ దా
    నాయికయై మమత పంచి నన్నిల వీడన్
    తీయని స్మృతులవి తక్కన్
    పోయిన దేదియును తిరిగి పొందగ వశమే?

    ప్రత్యుత్తరంతొలగించు
  20. సహదేవుడు గారూ,
    మీ పూరణ బాగున్నది. అభినందనలు.

    ప్రత్యుత్తరంతొలగించు
  21. కాయము, కాలము, ప్రాణము,
    నాయువు, దానముగ నొసఁగినట్టి ధనమ్మున్
    న్యాయము దప్పిన నడతయుఁ
    బోయిన దేదియును దిరిగి పొందగ వశమే

    ప్రత్యుత్తరంతొలగించు
  22. తీయని మమతలపంచుచు
    హాయిగ మిము పెంచుచుండు నమృతమూర్తుల్
    బాయకుడు తల్లిప్రేమను
    పోయినదేదియును తిరిగి పొందగ వశమే
    మాతృదినోత్సవం సందర్భంగా
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.
      రెండవ పాదం చివర గణదోషం. "పెంచుచుండు నమృతపు మూర్తుల్" అనండి. 'నమృత' అన్నపుడు 'న' లఘువే.

      తొలగించు
  23. మాయలమారి లోకమున మత్తును కొందరక్కటా
    తీయగ మాటలాడుచును తేనెల పూసిన కత్తులై సదా
    హేయముగా జనావళిని వింతయు ముంచగ వారికుట్రలో
    పొయినదేదియున్ తిరిగి పొందగ నెవ్వరికైన సాధ్యమే
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.
      మొదటి పాదంలో గణదోషం. "మత్తున నుండియు కొంద రక్కటా" అందామా?

      తొలగించు
  24. బోయని వేట గాగ నటు మోక్షము బొందెను బావురమ్ము ,ఎడన్
    బాయఁగ జంట బావురము భాష్ప పు ధారలు గుర్య జేయ రా
    మాయణ దివ్యవాణి ఘన మంత్రపు వాణి గ బొంది నాడనన్
    బోయి న దేదియున్ దిరిగి పొందగ నెవ్వరి కైన సాధ్యమే !
    కొరుప్రోలు రాధాకృష్ణారావు

    ప్రత్యుత్తరంతొలగించు
    ప్రత్యుత్తరాలు
    1. రాధాకృష్ణారావు గారూ,
      మీ పూరణ బాగున్నది. అభినందనలు.
      '...బావురమ్ము+ఎడన్' అని విసంధిగా వ్రాశారెందుకు? '..బావుర మ్మెడన్' అంటే సరి!

      తొలగించు
  25. క్రొవ్విడి వెంకట రాజారావు:

    హాయిగ తిరుగాడుటలో
    కాయము నలవడ పరచెడి కట్టడ నుండన్
    పీయువు తోడను బ్రదుకున
    పోయిన దేదియును దిరిగి పొందగ వశమే?

    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ పూరణ బాగున్నది. అభినందనలు.

      తొలగించు
  26. కాయము నార్జనమ్ము కలకాలము నిల్వవు భూతలమ్మునన్
    పోయిన దేదియున్ దిరిగి పొందగ నెవ్వరికైన సాధ్యమే
    మాయను జిక్కి వర్తిలు యమానుష వ్యక్తులు తారసిల్లగన్
    పోయిన పత్రపున్ నకలు పొందెడు మార్గము చూడ మేలగున్

    ప్రత్యుత్తరంతొలగించు
  27. భూయానమునందుఁ దొలగి
    పోయిన దేదియును దిరిగి పొందగ వశమే?
    మాయామయమౌ జగమున
    ఖాయము గాచేతిలోనఁ గలదే మనదౌ

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ రెండు పూరణలు బాగున్నవి. అభినందనలు.
      'నకలు' అన్యదేశ్యం కదా! అక్కడ "పత్రపున్ ప్రతిని పొందెడు..." అనండి.

      తొలగించు
    2. గురువర్యులకు నమస్సులు. సవరణకు ధన్యవాదములు.

      తొలగించు
    3. గురువర్యులకు నమస్సులు. సవరణకు ధన్యవాదములు.

      తొలగించు
  28. మాయా మయ మీ విశ్వము
    ప్రాయమ్ములు బుద్బుదంపు ప్రాయములు సుమీ
    కాయమ్ము లనిత్యమ్ములు
    వోయిన దేదియును దిరిగి పొందగ వశమే


    తోయపు వారి కీయ పరితోషము వొందగఁ బుస్తకమ్ములుం
    బాయక దృష్టి విత్త సముపార్జనపై సతి నుంచ నొక్కెడన్
    మాయపు మాట లెల్ల విని మన్నన నిచ్చిన విత్త రాశులుం
    బోయిన దేదియుం దిరిగి పొందగ నెవ్వరికైన సాధ్యమే

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      అనిత్యములతో మొదటి పూరణ, 'పుస్తకం వనితా విత్తం...' శ్లోకాన్ని గుర్తుకు తెచ్చిన రెండవ పూరణ ఉత్తమంగా ఉన్నవి. అభినందనలు.

      తొలగించు
  29. పోయెడి కాలమున్, గడచి
    పోయెడి జీవన యాత్రలో నిటన్
    మాయని యాత్మ బంధములు, మానసమందనుభూతి రాగముల్
    తీయని గుర్తులై మిగిలి
    తీరును చెంతననంత గీతమై,
    పోయిన దేదియున్ దిరిగి
    పొందగ నెవ్వరికైన సాధ్యమే!

    ప్రత్యుత్తరంతొలగించు
  30. చల్లుచు మరిచా మన్నించండి
    వీటూరి భాస్కరమ్మ

    ప్రత్యుత్తరంతొలగించు
  31. బోయని వేట గాగ నటు మోక్షము బొందెను బావురమ్మెడన్
    బాయఁగ జంట బావురము భాష్ప పు ధారలు గుర్య జేయ రా
    మాయణ దివ్యవాణి ఘన మంత్రపు వాణి గ బొంది నాడనన్
    బోయి న దేదియున్ దిరిగి పొందగ నెవ్వరి కైన సాధ్యమే !
    కొరుప్రోలు రాధాకృష్ణారావు

    ప్రత్యుత్తరంతొలగించు
    ప్రత్యుత్తరాలు
    1. రాధాకృష్ణారావు గారూ,
      మీ పూరణ బాగున్నది. అభినందనలు.

      తొలగించు
  32. మాయామయ జగమున వా
    పోయిన దేదియును,తిరిగి పొందగవశమే
    పోయినదిక పోల్లనుకొని
    హాయిగ నిదురించు నతడు యన్నిట సుఖుడౌ

    ప్రత్యుత్తరంతొలగించు
    ప్రత్యుత్తరాలు
    1. మాయామేయజగత్తిది
      ప్రాయము కాలము యశమును ప్రాణము మరియున్
      కాయములనుయైదింటిని
      పోయిన దేదియును దిరిగి పొందగ వశమే?

      పోయిననేమి సంపదలు పొందిన బొందగ వచ్చునేమొ యీ
      మాయజగత్తునందు గన మానము మాటయు కీర్తిచంద్రికల్
      ప్రాయము కాలమున్ మరియు ప్రాణములన్నవాటిలో
      పోయిన దేదియున్ దిరిగి పొందగ నెవ్వరికైన సాధ్యమే.

      తొలగించు
    2. తిమ్మాజీ రావు గారూ,
      మీ పూరణ బాగున్నది. అభినందనలు.
      *****
      విరించి గారూ,
      మీ రెండు పూరణలు బాగున్నవి. అభినందనలు.
      మూడవ పాదంలో గణదోషం. "ప్రాణములంచు గణించువానిలో..." అనండి.

      తొలగించు
  33. పోయిన ప్రాణము పరువులు
    పోయిన మన ధనము రూపు పుత్తడిమరియున్
    పోయిన వన్నియు రావిక
    పోయిన దేదియును దిరిగి పొందగ వశమే

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  34. పోయెను జూదమ్ముకు- పడి
    పోయెను పెన్నూబిలోన- పోయెను సొత్తుల్
    పోయెను మానము- తనకట
    పోయిన దేదియును దిరిగి బొందగ వశమే

    ప్రత్యుత్తరంతొలగించు


  35. కాయమె యైనను మరియును
    ప్రాయము గాయములె యైన వసుధను జూడన్
    నాయువె యైనను ఘనముగ
    పోయిన దేదియును దిరిగి పొందగ వశమే?

    ప్రత్యుత్తరంతొలగించు
  36. *శ్రీమతి జి సందిత బెంగుళూరు*

    పోయెన్ వత్సరశతములు
    పోయెన్ రాజరికరాజ్యభోగములెల్లన్
    ఖాయముకాలగతిఁకలిసి
    పోయిన దేదియును తిరిగి పొందగ వశమే?.


    *శ్రీమతి జి సందిత బెంగుళూరు*

    🌹🙏🌹

    ప్రత్యుత్తరంతొలగించు

  37. పిన్నక నాగేశ్వరరావు.

    పోయిన మానము,మాటయు

    ప్రాయము,గడిచిన సమయము,
    బాల్యము, యశమున్
    కాయమును వీడు ప్రాణము

    పోయిన దేదియును దిరిగి పొందగ
    వశమే ?

    ****************************

    ప్రత్యుత్తరంతొలగించు