25, మే 2017, గురువారం

సమస్య - 2369 (ముని సాంగత్యమున...)

కవిమిత్రులారా!
ఈరోజు పూరించవలసిన సమస్య ఇది...
"ముని సాంగత్యమున నారి పుత్రులఁ గనియెన్"
(లేదా...)
"ముని సహవాసమంది సతి పొందె ముదంబున పుత్రు లిద్దఱన్"
ఈ సమస్యను సూచించిన 'కవితశ్రీ' శ్రీనివాసులు గారికి ధన్యవాదాలు.

65 వ్యాఖ్యలు:

  1. అనయము కార్యాలయమున
    పనిబడియుండెడు పతికిని పడతియె మందుల్
    కొని యివ్వగనంతట కా
    ముని సాంగత్యమున నారి పుత్రులఁ గనియెన్

    ప్రత్యుత్తరంతొలగించు
    ప్రత్యుత్తరాలు
    1. బాలసుబ్రహ్మణ్య శర్మ గారూ,
      మీ పూరణ బాగున్నది. అభినందనలు.

      తొలగించు
  2. అనిలో విజయము నొందగ
    వనిత అయోధ్య పురమునకు వచ్చెన్, తన నా
    ధునితో కూడగ ఆ రా
    ముని సాంగత్యమున నారి పుత్రుల గనియెన్

    ప్రత్యుత్తరంతొలగించు
    ప్రత్యుత్తరాలు
    1. పూసపాటి వారూ,
      మీ పూరణ బాగున్నది. అభినందనలు.

      తొలగించు
  3. తన పతి వాక్యమే తనకు తప్పని ధర్మమటంచు నెంచి చ
    య్యన ముని వాటికన్ గడిపె నయ్యమ సీత కఠోరదీక్షతో
    వినయ వివేకముల్ బడసె విజ్ఞతనందె మహత్వసిద్ధితో
    ముని సహవాసముంది;సతి పొందె ముదంబున పుత్రులిద్దరిన్

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ పూరణ మనోజ్ఞంగా ఉంది. అభినందనలు.

      తొలగించు

  4. మనదేశమునన్ ప్రాచీ
    న, నవ్య కథయౌ ధరణిజ నాగటిచాలున్
    తనుబుట్టెను,పెనిమిటి రా
    ముని సాంగత్యమున నారి పుత్రులఁ గనియెన్!

    జిలేబి

    ప్రత్యుత్తరంతొలగించు


  5. వనమున గాంచెలేమనట వాకలువేయ మనమ్ము పెండ్లి యా
    డెను తను రీతిగా మనుజుడేగ ద! శోభలనొంది చేరగన్
    ముని సహవాసమంది సతి, ముద్దుగ బొందెను పుత్రు లిద్దరన్
    ఘనముగ కొల్వరండిట సగర్వము గాను జిలేబు లై భళా!

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ రెండు పూరణలు బాగున్నవి. అభినందనలు.

      తొలగించు
  6. "స్థితధీర్మునిరుచ్యతే"

    ఒనరగ వలచిన దైవము
    ఘనముగ పదునారు వేల కన్యల పతియై
    మనసును దోచిన యదుకుల
    ముని సాంగత్యమున నారి పుత్రులఁ గనియెన్

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.

      తొలగించు
  7. డా.పిట్టా
    కన ముగ్గురు కూతుళ్ళై
    మనవడు తమ కుండ బట్ట మను నాచింతన్
    బెనగగ కూతుకు కవలలు
    ముని(మొదటి) సాంగత్యమున నారి పుత్రుల గనియెన్

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ పూరణ బాగున్నది. అభినందనలు.

      తొలగించు
  8. తనువు పులకించ నీశుని
    ధనువున్ జేజేల నెత్త తగువాడంచున్
    మనువాడుచు తారక రా
    ముని సాంగత్యమున నారి పుత్రులఁ గనియెన్

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  9. డా.పిట్టా
    కనిగని పెళ్ళి బంధమును ఖాయము జేయగ ముచ్చటించగన్
    జన నట నొక్క వాసమున జారిరి వే మరులుత్పతిల్లగన్
    ఘనుడు విదేశ యానమునుగాంచె; శకుంతల కన్న మిన్నయై
    ముని(మొదటి) సహవాసమందె సతి పొందె ముదంబున పుత్రులిద్దరిన్!

    ప్రత్యుత్తరంతొలగించు
    ప్రత్యుత్తరాలు
    1. పిట్టా వారూ,
      మీ పూరణ బాగున్నది. అభినందనలు.

      తొలగించు
    2. డా.పిట్టా నుండి
      ఆర్యా, ధన్యవాదాలు.

      తొలగించు
  10. ఇనకుల భూషణుండు కడు హేలగ నెక్కిడ చాపమంతటన్
    స్వనమున భర్గచాపమది బ్రంగెను దిక్కులు పెక్కుటిల్లగన్
    జనకుడు సంతసించి తన జానకి నిచ్చియు బెండ్లి జేయ రా
    ముని సహవాసమంది సతి పొందె ముదంబున పుత్రు లిద్దరన్

    ప్రత్యుత్తరంతొలగించు
    ప్రత్యుత్తరాలు
    1. ఫణికుమార్ గారూ,
      మీ పూరణ బాగున్నది. అభినందనలు.

      తొలగించు
  11. మనమున నిండిన బాధతొ
    వనమున కేగధరణిజను వాల్మీకి కనుం
    గొనిపరి చర్యలు జేయగ
    ముని సాంగత్యమున నారి పుత్రుల గనియెన్

    ప్రత్యుత్తరంతొలగించు
  12. _వనమునకు జనిన జంటకు_
    _మనమున శృంగార కేళి మాధురి సంధిం_
    _చిన పూవిలుకాడగుకా_
    _ముని సాంగత్యమున నారి పుత్రుల గనియెన్_

    ప్రత్యుత్తరంతొలగించు
    ప్రత్యుత్తరాలు
    1. శ్రీరామ్ గారూ,
      మీ రెండు పూరణలు బాగున్నవి. అభినందనలు.
      'బాధతొ' అని తో ప్రత్యయాన్ని హ్రస్వంగా ప్రయోగించరాదు. "బాధను" అనవచ్చు.

      తొలగించు
  13. వినయము గలిగిన నొకసతి
    యనయముదాసే వ జేయ హర్షముతోడన్
    ముని కాముకుడగుటననా
    మునిసాంగత్యమున నారిపుత్రులగనియెన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  14. తనువున మనసున వలపుల
    ననురాగ సుధాస్రవంతి‌ యలరగ వరమై
    మనువాడిన సద్గుణ ధా
    ముని సాంగత్యమున నారి పుత్రుల గనియెన్!

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా వారూ,
      మీ పూరణ బాగున్నది. అభినందనలు.

      తొలగించు
  15. నిన్నటి సమస్యకు మరో పూరణ:

    భర్తపై భార్య మౌనవ్రతం:

    ధనము తగలేయ నన్నింటిఁ గొనెద వనఁగ
    తగవులాడుచు నాపైన తప్పులుంచి
    పలుకులాడక మౌనంపు టలకతోడ
    నేరమగుఁ జేయఁ గాత్యాయనీ! వ్రతమ్ము!!


    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      నిన్నటి సమస్యకు మీ పూరణ బాగున్నది. అభినందనలు.

      తొలగించు
  16. మనసిడి రవి మరి సుత్రా
    ముని సాంగత్యమున నారి పుత్రులఁ గనియెన్
    మునుకొని రాజ్యముకొరకై
    పెనగిరి వారలు పగతుల పేరడగించన్

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించు
  17. ఘన పాండురాజు తల్లికి
    జనియించిన వైనమేది?జానకి వాల్మీ
    కుని వాటిక నేమిబడసె?
    ముని సాంగత్యమున, నారి పుత్రుల గనియెన్

    ప్రత్యుత్తరంతొలగించు
    ప్రత్యుత్తరాలు
    1. పూసపాటి వారూ,
      క్రమాలంకారంలో మీ పూరణ వైవిధ్యంగా ఉంది. అభినందనలు.

      తొలగించు
  18. తన చిన యత్త కారణము ధాత్రిసుపుత్రియునేగి భర్తతో
    వనమున సంచరించి పలు బాధలనొంది దురాత్ముడైన రా
    వణు చెరఁ జిక్కి యుద్ధమున వాడుగతించ కరమ్ము ప్రీతి రా
    ముని సహవాసమంది సతి పొందె ముదంబున పుత్రులిద్దరిన్

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      మీ పూరణ బాగున్నది. అభినందనలు.

      తొలగించు
  19. అనుమతి నంది నిజ పతిది
    యనిమిష పతి వాయుదేవు డట మరియున్నా
    యిన సూనుండు ఘనుడు ధ
    ర్ముని సాంగత్యమున నారి పుత్రులఁ గనియెన్


    ఘన విరహాంబుధిన్ మునిగి కానలఁ బద్మదళాయతాక్షియే
    మనమున రామ పాదములు మన్నన తోడ స్మరించి నిత్యమున్
    వనమునఁ బుట్టపుట్టువు నపార కృపం గని, రాఘవేంద్రు రా
    ముని సహవాసమంది, సతి పొందె ముదంబున పుత్రు లిద్దఱన్

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారు,
      మీ రెండు పూరణలు అద్భుతంగా ఉన్నవి. అభినందనలు.

      తొలగించు
    2. పూజ్యులు శంకరయ్య గారికి నమఃపూర్వక ధన్యవాదములు.

      తొలగించు
  20. అనయము సేవజేయగ నుహర్షముదోడనదానుమౌనికిన్
    మునియునుదుష్టబుధ్ధిని దపోనియమంబును దామరల్చగా
    మునిసహవాసమంది సతిపొందె ముదంబున పుత్రులిధ్ధరన్
    మునియనునాతడెప్పుడుతమోగుణమొప్పగ దాచరించుగదా

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.
      చివరి పాదం చివర గణదోషం. సవరించండి.

      తొలగించు
  21. ఘనముగ ప్రేమను బంచుచు
    తనమనమును దోచుకొనిన తన నాథుండౌ
    వినయుం డను నా శుభ నా
    ముని సాంగత్యమున నారి పుత్రులఁ గనియెన్.

    హ.వేం.స.నా.మూర్తి.

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ మూర్తి గారూ,
      మీ పూరణ బాగున్నది. అభినందనలు.

      తొలగించు

  22. తన సుతులెల్లరన్ చిదిమి తాపము బెంచగ నింద్రునిన్ జయిం
    చు నతి బలాఢ్యునంద దితి శుశ్రుష లందగ జేసి మెచ్చగన్
    వినతిని దెల్ప మ్రాన్పడుచుఁ బెట్టిన నిష్టల కశ్యపాఖ్యుడన్
    ముని సహవాసమంది సతి పొందె ముదంబున పుత్రు లిద్దఱన్
    ( హిరణ్యకశిపుడు మరియు హిరణ్యాక్షుడు )

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  23. క్రొవ్విడి వెంకట రాజారావు:

    ఘనబలిమిని శివధనువు
    న్ననువుగ నెత్తిన రఘుపతి ననురాగముతో
    మనువాడిన సీతయె రా
    ముని సాంగత్యమున నారి పుత్రుల గనియెన్

    ఘనమగు వాడి విక్రమము గల్గి యుమాపతిదైన చాపము
    న్ననువుగ నెత్తి వెల్లిగొనినా రఘురాముని పేర్మితోడ గై
    కొని సొబగైన సందడిని గూడిన జానకి చక్కనైన రా
    ముని సహవాసమంది పొందె ముదంబున పుత్రు లిద్దరిన్

    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ రెండు పూరణలు బాగున్నవి. అభినందనలు.

      తొలగించు
  24. అనయము తోడుండెదనని
    ప్రణయముగా బాస జేసి పరిణయమాడెన్
    తనువు లొకటైన వేళ ర
    ముని సాంగత్యమున నారి పుత్రులఁ గనియెన్

    ప్రత్యుత్తరంతొలగించు
    ప్రత్యుత్తరాలు
    1. రఘురామ్ గారూ,
      మీ పూరణ బాగున్నది. అభినందనలు.

      తొలగించు
  25. మిణుగురు లనుకొని,కనులను
    చునకను గ్రుచ్చంగ,మౌని చూపు నశించన్
    మనువాడెను.చ్యవనమహా
    ముని సాంగత్యమున, నారి,పుత్రుల గనియెన్

    ప్రత్యుత్తరంతొలగించు
    ప్రత్యుత్తరాలు
    1. తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  26. తన పతి యడుగులు విడువక
    మనమున వానినె తలచుచు మార్పది లేకన్
    కనుచును వానినె నిజపతి
    ముని సాంగత్యమున నారి పుత్రుల గనియెన్

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారూ,
      మీ పూరణ బాగున్నది. అభినందనలు.

      తొలగించు

  27. తన సుతులెల్లరన్ చిదిమి తాపము బెంచగ నింద్రునిన్ జయిం
    చు నతి బలాఢ్యునంద దితి శుశ్రుష లందగ జేసి మెచ్చగన్
    వినతిని దెల్ప మ్రాన్పడుచుఁ బెట్టిన నిష్టల కశ్యపాఖ్యుడన్
    ముని సహవాసమంది సతి పొందె ముదంబున పుత్రు లిద్దఱన్
    ( హిరణ్యకశిపుడు మరియు హిరణ్యాక్షుడు )

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  28. జనకుని పుత్రికి జానకి
    మనువాడెను శూర వీర మాన్యుల యెదుటన్
    జనులు ముదమొంద రఘు రా
    ముని సాంగత్యమున నారి పుత్రులఁ గనియెన్.

    ప్రత్యుత్తరంతొలగించు
    ప్రత్యుత్తరాలు
    1. లక్ష్మినారాయణ గారూ,
      మీ పూరణ బాగున్నది. అభినందనలు.

      తొలగించు
  29. కం. ఘనుడా రాముని యాజ్ఞను
    ఘనముగ బాటించి బంపె కారడవులకున్ ,
    వనమున "వాల్మీకి" యనెడు
    ముని సాంగత్యము ననారి పుత్రుల గనియెన్
    కొరుప్రోలు రాధా కృష్ణారావు

    ప్రత్యుత్తరంతొలగించు
    ప్రత్యుత్తరాలు
    1. రాధాకృష్ణారావు గారూ,
      మీ పూరణ బాగున్నది. అభినందనలు.

      తొలగించు
  30. ఘన రాజధర్మ నియతికి
    తన పత్నిని గర్భవతిని దాశరథియు బం..
    పెను నడవికి , ప్రాచేతస
    ముని సాంగత్యమున నారి పుత్రుల గనియెన్ !!


    జనకజ గా జనించెనట సారసవాసిని , విష్ణుతేజమే
    యినకుల దీపమై నిలిచె, నిద్దరునొక్కటిగా చరింప , రా...
    ముని సహవాసమంది సతి పొందె ముదంబున పుత్రులిర్వురన్!
    ఘనరఘువంశపూతగుణగానపరాయణచిత్తులన్ వనిన్!!

    ప్రత్యుత్తరంతొలగించు
    ప్రత్యుత్తరాలు
    1. మురళీకృష్ణ గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించు
  31. కవిమిత్రులకు మనవి...
    రేపు నేను హైదరాబాదుకు పోతున్నాను. ప్రయాణంలో ఉండి మీ పూరణలను సమీక్షించలేకపోవచ్చు. దయచేసి పరస్పర గుణదోష విచారణ చేసికొన వలసిందిగా మనవి.

    ప్రత్యుత్తరంతొలగించు
  32. 9493846984  డా.బల్లూరి ఉమాదేవి.  25/5/17

    జనకుని సుతయౌజానకి
    వనిలో పతితో చరించె పదునాల్గేళ్ళున్
    ననయము గొలుచుచు నా రా
    ముని సాంగత్యమున నారి పుత్రుల గనియెన్.

    ఘనుడగు శౌరిని మనమున
    ననవరతము తల్చిపెండ్లి యాడిన తరుణీ
    మణియును ముదమున నా శ్యా
    ముని సాంగత్యమున నారి పుత్రుల గనియెన్.

    అనయము కొలుచుచు శ్రీరా
    ముని సాంగత్యమున నారి పుత్రుల గనియెన్
    వనమున పుట్టిన లవకుశు
    లినవంశతిలకుని గాంచ నేగిరి వడిగాన్.

    ప్రత్యుత్తరంతొలగించు
    ప్రత్యుత్తరాలు
    1. డా. ఉమాదేవి గారూ,
      మీ మూడు పూరణలు బాగున్నవి. అభినందనలు.

      తొలగించు
  33. 9493846984  డా.బల్లూరి ఉమాదేవి.  25/5/17

    జనకుని సుతయౌజానకి
    వనిలో పతితో చరించె పదునాల్గేళ్ళున్
    ననయము గొలుచుచు నా రా
    ముని సాంగత్యమున నారి పుత్రుల గనియెన్.

    ఘనుడగు శౌరిని మనమున
    ననవరతము తల్చిపెండ్లి యాడిన తరుణీ
    మణియును ముదమున నా శ్యా
    ముని సాంగత్యమున నారి పుత్రుల గనియెన్.

    అనయము కొలుచుచు శ్రీరా
    ముని సాంగత్యమున నారి పుత్రుల గనియెన్
    వనమున పుట్టిన లవకుశు
    లినవంశతిలకుని గాంచ నేగిరి వడిగాన్.

    మనమున నెంచక ముదుసలి
    యనియాశర్యాతిపుత్రి యారాధించెన్
    వినయముజూపనట చ్యవన
    మునిసాంగత్యమున నారి పుత్రుల గనియెన్.

    ప్రత్యుత్తరంతొలగించు
  34. డా ఎన్.వి.ఎన్.చారి 9866610429
    వినుమొక విషయము సఖియా
    కనిగిరిలో నీదు చెల్లె కనిపించెను నా
    కును పిల్లలతో " నా త
    మ్ముని సాంగత్యమున నారి పుత్రుల గనియెన్"

    ప్రత్యుత్తరంతొలగించు