27, మే 2017, శనివారం

సమస్య - 2371 (మండుటెండలోఁ గురిసెను...)

కవిమిత్రులారా!
ఈరోజు పూరించవలసిన సమస్య ఇది...
"మండుటెండలోఁ గురిసెను మంచు జల్లు"
(లేదా...)
"మండెడి యెండలందు హిమ మౌక్తికముల్ గన జారె నెల్లెడన్"
ఈ సమస్యను పంపిన శిష్ట్లా శర్మ గారికి ధన్యవాదాలు.

86 వ్యాఖ్యలు:

  1. రోహిణీ కార్తె రాకున్న రోళ్ళు పగిలె
    మండు టెండలో, గురిసెను మంచు జల్లు
    ఎదుట దృశ్యము కనలేక ఎల్ల జనులు
    భాద పడురీతి గాను ఫిబ్రవరి నెలన

    ప్రత్యుత్తరంతొలగించు
    ప్రత్యుత్తరాలు
    1. నాగమణి గారూ,
      మీ పూరణ బాగున్నది. అభినందనలు.

      తొలగించు
  2. ఎండ మావిలో దొరికెను మెండు నీరు;
    కొండ బండల లోనుండె నిండు కొలను;
    మండుటెండలోఁ గురిసెను మంచు జల్లు;...
    ఎండి పోయిన మమతలు పండ లేవు!

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.

      తొలగించు
  3. నిండు వేసవి మెండుగా నుండె వేడి --
    కారుమబ్బులు నింగిలో క్రమ్ముకొనియె
    పిడుగు లురుముల వర్షము పిక్కటిల్లె
    మండుటెండలోఁగురిసెను మంచుజల్లు

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ పూరణ బాగున్నది. అభినందనలు.

      తొలగించు


  4. ఆహా! యెండలు మండి పోతుంటే కవివరుల్ కలయే కల !

    గుండెలు మండియెల్లరట గూటికి జేరిరి గాదె ! ఓ కవీ !
    బండెడు బందె మధ్య పద బంధపు చల్లని గాలి బీల్చుచున్
    మెండుగ చెప్పినావు గద మెల్లన జూచితి వయ్యరో కలన్
    మండెడి యెండలందు హిమ మౌక్తికముల్ గన జారె నెల్లెడన్ ?

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ పూరణ బాగున్నది. అభినందనలు.

      తొలగించు
  5. పేద బ్రతుకుల నాకలి వేదనలును
    పీడితాళియు వెతలను వీడి మురియ
    నండగా నుండి తోడయి యుండగాను
    మండుటెండలో కురిసెను మంచు జల్లు!

    ఎండ వేడిమి తాపము నిండు కొనగ
    నెండమావులు కన్నుల నెగసి పడగ
    మండు టెండలో కురిసెను మంచు జల్లు
    లల్లె చల్లని మేఘాల నల్లి వాన!




    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా వారూ,
      మీ రెండు పూరణలు బాగున్నవి. అభినందనలు.

      తొలగించు
  6. డా.పిట్టా
    ధర్మ మిట నాల్గుపాదాల దనరనేమొ
    కాలమే మమ్ము గాపాడు గరిమ జూపె
    ఋతుపవన పంక్తి మునుముందు రివరివ మన
    మండుటెండలో గురిసెను మంచు జల్లు!

    ప్రత్యుత్తరంతొలగించు
  7. డా.పిట్టా
    కొండలు పిండి జేసినను కూటికి నోచని శ్రామికాళికిన్
    పండిత పామరాళికిని బాయని బాధలు స్వంత రాష్ట్ర స
    న్మండితు కేసియారు గన మా సరి కోర్కెలు దీరె నేటి కా
    మండెడి యెండలందు హిమ మౌక్తికముల్ గన జారె నెల్లెడన్!

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.

      తొలగించు
    2. డా.పిట్టానుండి
      ఆర్యా,ధన్యవాదాలు

      తొలగించు


  8. మెండుగ జిలేబి వేడగ మెచ్చె కపుడు
    మండు టెండలో కురిసెను మంచు జల్లు
    యండగొట్టక చల్లని గాలి వచ్చె
    చండ రుక్కటు దాగెను జలధరమున !

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ పూరణ బాగున్నది. అభినందనలు.
      మూడవ పాదంలో యతి తప్పింది. సవరించండి.

      తొలగించు
  9. మిగుల దారిద్ర్యమున జక్కి మిడుకు వేళ
    నున్నతోద్యోగమున జేర కన్న కొడుకు
    తల్లి దండ్రుల యరుసంబు తలప దరమె
    మండుటెండలోఁ గురిసెను మంచు జల్లు.

    హ.వేం.స.నా.మూర్తి.

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ మూర్తి గారూ,
      మీ పూరణ ప్రశస్తంగా ఉంది. అభినందనలు.

      తొలగించు
  10. ముగ్గు ముదుసలి యెండలోమ్రగ్గు చుండ
    నింటి లోనికి తెచ్చి నీరింత యిచ్చి
    విసన కఱ్ఱతో నొక కుఱ్ఱ వీచునపుడు
    మండుటెండలో గురిసెను మంచు జల్లు

    ప్రత్యుత్తరంతొలగించు
    ప్రత్యుత్తరాలు
    1. విజయ కుమార్ గారూ,
      మీ పూరణ బాగున్నది. అభినందనలు.

      తొలగించు
  11. ఉద్యమించగ కొలువుకై నోర్మిదోడ
    ఎండ వానల బెదరక నిష్ట పడుచు
    పడ్డకష్టమునకు సరి ఫలము నంద
    మండుటెండలో గురిసెను మంచు జల్లు

    ప్రత్యుత్తరంతొలగించు
    ప్రత్యుత్తరాలు
    1. శ్రీరామ్ గారూ,
      మీ పూరణ బాగున్నది. అభినందనలు.
      'కొలువుకై యోర్మితోడ' అనండి.

      తొలగించు

  12. [5/27, 8:29 AM] DrNVNChary: డా.ఎని.వి.ఎన్.చారి 9866610429
    1.పిట్ట లన్నియు నెండకు వేగ లేక
    తిరుగు చున్నవి దాహార్థి తీర్చు కొనగ
    మంటి కుండలో నీరుండె నింటిముందు
    మండుటెండలో గురిసెను మంచు జల్లు
    2.బహు కుటుంబపు బాధ్యతల్ బాధలెన్నొ
    అష్ట కష్టాలు నిరుపాధి, అర్థలేమి.
    లాటరీ యందు నరకోటి లభ్యమయ్యె
    మండుటెండలో గురిసెను మంచు జల్లు

    ప్రత్యుత్తరంతొలగించు
    ప్రత్యుత్తరాలు
    1. డా. ఎస్వీయెన్ చారి గారూ,
      మీ రెండు పూరణలు బాగున్నవి. అభినందనలు.

      తొలగించు
  13. గుండెలు నిండనార్తి,శుభ గోచర మౌనని వేచియుంటినో
    పండగ స్వప్నముల్,వడిగ పాపవిదూరుని దర్శనమ్ముకై
    కొండల శ్రీనివాసు కనుగొంటిని కన్నుల పండుగాయెనో
    మండెడి యెండలందు హిమ మౌక్తికముల్ గన జారెనెల్లెజన్

    ప్రత్యుత్తరంతొలగించు
    ప్రత్యుత్తరాలు
    1. శ్రీరామ్ గారూ,
      మీ పూరణ బాగున్నది. అభినందనలు.

      తొలగించు
  14. తెలుగు రాష్ట్రాల దాహము దీర్చు కొరకు
    మండుటెండలోగురిసెను మంచుజల్లు
    లవలెవర్షము వడగండ్ల రవము తోడ
    హాయి నొందిరి జనముల య్యవసరమున

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  15. ప్రొద్దునెప్పుడో వ్రాసి తి పూరణమ్ము
    గురు సమీక్ష మధ్యాహ్నమ్ము తెరచి చూడ
    పలు ప్రశంసలఁ మెరుపులు పలుకరించ
    మండుటెండలోఁ గురిసెను మంచు జల్లు!

    ప్రత్యుత్తరంతొలగించు
    ప్రత్యుత్తరాలు
    1. కరక్టు గా చెప్పారు సార్.అన్వయం సరిగ్గా కుదిరింది

      తొలగించు
    2. ధన్యవాదములు శ్రీరామారావు గారూ!

      తొలగించు
    3. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  16. ఎన్ని కడగండ్లు కష్టము లెదురయినను
    పత్ని పరివార మెల్లర పరమయినను
    తల్లి యుండి సాంత్వన మిచ్చు చల్లగాను
    మండుటెండలోఁ గురిసెను మంచు జల్లు

    ప్రత్యుత్తరంతొలగించు
    ప్రత్యుత్తరాలు
    1. రఘురామ్ గారూ,
      మీ పూరణ బాగున్నది. అభినందనలు.

      తొలగించు
  17. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  18. గురు కృపాంజన మరయక దొరకు రీతి
    హరి కటాక్ష వీక్షణములు బరగు వోలె
    అమృత ధార పిపాశువు నరయు నటుల
    మండుటెండలో గురిసెను మంచు జల్లు

    ప్రత్యుత్తరంతొలగించు
    ప్రత్యుత్తరాలు
    1. తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  19. ప్రత్యుత్తరాలు
    1. గురుదేవులకు ధన్యవాదములతో సవరించిన పూరణ :

      గుండెల దైవనామమదె కొల్వుగ నుండ సమస్యలెన్నగన్
      నిండి
      వసించు పూరణల నేర్పుగ, పంచగ మాధ్యమమ్ములన్
      పండితులాదిగన్ గురులు బాగని మెచ్చు తటిత్తులేర్పడన్
      మండెడి యెండలందు హిమ మౌక్తికముల్ గన జారె నెల్లెడన్

      ... గుండా వేంకట సుబ్బ సహదేవుడు

      తొలగించు
    2. గురుదేవులకు ధన్యవాదములతో సవరించిన పూరణ :

      గుండెల దైవనామమదె కొల్వుగ నుండ సమస్యలెన్నగన్
      నిండి
      వసించు పూరణల నేర్పుగ, పంచగ మాధ్యమమ్ములన్
      పండితులాదిగన్ గురులు బాగని మెచ్చు తటిత్తులేర్పడన్
      మండెడి యెండలందు హిమ మౌక్తికముల్ గన జారె నెల్లెడన్

      ... గుండా వేంకట సుబ్బ సహదేవుడు

      తొలగించు
  20. పశ్చిమంపు దేశమ్ముల భానునిఁ గన
    దుష్కరము కొన్నిట నచట దుర్దినముల
    పార మొకచోట, నట గల వా రెఱుగరు
    మండు టెండలోఁ, గురిసెను మంచు జల్లు

    [మండుట + ఎండలో = మండుటెండలో
    “అగుటరుదె” ఆది పర్వము, భారతమున ప్రయోగము చూచి మండుట+ఎండలో అన్న భావములో పూరణ.]


    గండర గండు లెల్లరను గల్గిన క్రూరపు భీమ చౌర్య దు
    ష్షండము కొల్ల గొట్ట నిజ సంపద నంతయు క్షుత్పిపాసఁ దా
    నుండగ దుఃఖ తాపమున నుత్తమ మిత్రుడు సేద దీర్చగన్
    మండెడి యెండలందు హిమ మౌక్తికముల్ గన జారె నెల్లెడన్

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మీ రెండు పూరణలు ఉత్తమంగా ఉన్నవి. అభినందనలు.

      తొలగించు
    2. పూజ్యులు శంకరయ్య గారికి నమఃపూర్వక ధన్యవాదములు.

      తొలగించు
  21. పండరి పెండ్లి సందడిని పండెను శోభలు రంగురంగు పూ
    దండలు, హాయి గూర్చు విరి తావులు, చిత్రపు దీప మాలికల్,
    మెండుగ శీతశీకరసమీరములన్ విరజిమ్ము యంత్రముల్
    మండెడి యెండలందు హిమ మౌక్తికముల్ గన జారెనెల్లెడన్.

    ప్రత్యుత్తరంతొలగించు
    ప్రత్యుత్తరాలు
    1. మిస్సన్న గారూ,
      ఆహా! అద్బుతమైన పూరణ. అభినందనలు.

      తొలగించు
  22. నిండుగ కావ్యగాన రస
    నిర్ఝరమందు స్ఫురించు భావముల్
    మెండుగ సన్నజాజి మది
    మెచ్చెడి మల్లియ చల్లగాలులన్
    దండిగ పొందు నా మనసు
    తన్మయరాగ సుహాస గీతిలో
    మండెడి యెండలందు హిమ
    మౌక్తికముల్ గన జారె నెల్లడన్!

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా శర్మ గారూ,
      మీ పూరణ మనోహరంగా ఉంది. అభినందనలు.

      తొలగించు
  23. కాల్చె కృత్తిక రోహిణి రాల్చ నగ్ని ,
    తగిలి వడదెబ్బ పాంధుడు దారి గూల
    శీత జలమును గుప్పించ శిరము నందు
    మండుటెండలోఁ గురిసెను మంచు జల్లు

    నిన్నటి సమస్యకు నా పూరణ

    యతులును ప్రాసలు గణములె
    ప్రతిదిన మాహార మనెడి పండితుడనియెన్
    మతి చెడి పొరపడితిని , భా
    రతిపతి మన్మథుఁడు గాఁడు బ్రహ్మయె తలఁపన్

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ రెండు పూరణలు బాగున్నవి. అభినందనలు.

      తొలగించు
  24. మిత్రులందఱకు నమస్సులు!

    దండిగఁ బట్నముం గనఁగ దబ్బున నేఁగఁగ నాకు దాహమే
    మెండుగఁ గల్గ నప్పుడును మెల్లఁగ నా సఖుఁ డొక్కరుండు తా
    నుండెడి యింటినిం గనఁగ నొక్కట నన్నునుఁ గొంచుఁబోవ నా
    మండెడి యెండలందు హిమ మౌక్తికముల్ గన జారె నెల్లెడన్!

    ప్రత్యుత్తరంతొలగించు
    ప్రత్యుత్తరాలు
    1. మధుసూదన్ గారూ,
      మీ పూరణ మనోజ్ఞంగా ఉంది. అభినందనలు.

      తొలగించు
  25. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
    ప్రత్యుత్తరాలు
    1. ఎండెను వాగు వంకలు కడెండల చేతను చెర్వులన్నయున్
      మెండగు తాప బాధలకు మేదిని ప్రాణుల కెల్ల నేసవిన్
      గుండెలు యెండె, నా యివపు కొండలు గర్గుచునుండె నిత్యమున్
      మండెడి యెండలందు హిమ మౌక్తికముల్ గన జారె నెల్లెడన్

      తొలగించు
    2. లక్ష్మినారాయణ గారూ,
      మీ పూరణ బాగున్నది. అభినందనలు.
      'చెర్వులన్నియున్'...టైపాటు. 'గుండెలు+ఎండె' అన్నపుడు సంధి నిత్యం. యడాగమం రాదు. "గుండెలు మండె" అందామా?

      తొలగించు
    3. “కడెండ” అనడము సాధువు కాదు. కడు+ఎండ = “కట్టెండ” అవుతుందండి.

      తొలగించు
    4. పోచిరాజు వారూ,
      ధన్యవాదాలు.
      "వంకలవి యెండలచేతను..." అంటే ఎలా ఉంటుంది?

      తొలగించు
    5. శ్రీ శంకరయ్యగురువర్యులకు కామేశ్వర్ రావుగారికి ధన్యవాదము
      నిజమే పొరపాటు జరిగింది. సవరించిన పద్యమును సమీక్షించండి.

      ఎండెను చెర్వులన్నిమరి యెండెను వాగులు వంకలన్నియున్
      మెండగు తాప బాధలకు మేదిని ప్రాణుల కెల్ల నేసవిన్
      గుండెలు మండె ,నా యివపు కొండలు గర్గుచునుండె నిత్యమున్
      మండెడి యెండలందు హిమ మౌక్తికముల్ గన జారె నెల్లెడన్

      తొలగించు
    6. పూజ్యులు శంకరయ్య గారికి వందనములు. మీ దృష్టికి రాలేదని నేను వ్రాసితిని.మీ సవరణ చక్కగ నున్నది.
      లక్ష్మీనారాయణ గారు సవరించిన మీ పూరణ చాలా బాగుంది. “ ప్రాణుల కెల్ల వేసవిన్” అనా మీ భావము.

      తొలగించు
  26. ముద్దులొలికెడు ప్రియురలు ముదముతోడ
    రైలుదిగి యిక్కకేతెంచి రయముగాను
    మిట్టమధ్యాహ్నమందున తట్టతలుపు
    మండు టెండలో కురిసెను మంచు జల్లు

    ప్రత్యుత్తరంతొలగించు
  27. చండకరుండు తద్దయు ప్రచండపు వేడిని పంపుచుండగా
    బండలు బ్రద్దలై జనులు బాధలనొందుచు నుండ్రి భూమిపై
    గుండములేర్పడన్ గడలి గుప్పున మేఘుపు కుంభవృష్టితో
    మండెడి యెండలందు హిమ మౌక్తికముల్ గన జారె నెల్లెడన్

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ రెండు పూరణలు బాగున్నవి. అభినందనలు.

      తొలగించు

  28. నిప్పులు గురిసెను గనుము నింగిన రవి
    మండు టెండలో ,కురిసెను మంచు జల్లు
    పుష్య మాసము నందున పుడమి యందు
    మురిసిరెల్లరిట తడిసి ముద్దయగుచు.

    ప్రత్యుత్తరంతొలగించు
    ప్రత్యుత్తరాలు
    1. డా. ఉమాదేవి గారూ,
      మీ పూరణ బాగున్నది. అభినందనలు.

      తొలగించు
  29. మధుర దరహాసమొలికించి మా వసంత
    మాటమాటన తేనియలూటలూర
    పలుకరించెను నామది పులకరించ
    మండుటెండలో కురిసెను మంచుజల్లు

    ప్రత్యుత్తరంతొలగించు
    ప్రత్యుత్తరాలు
    1. రాజశేఖర శర్మ గారూ,
      మీ పూరణ బాగున్నది. అభినందనలు.

      తొలగించు
  30. కష్టముల కోర్చి చదివెను కాలమంత
    కొలువు రాలేదనుచునంత కోపగించె
    కలిమి తోడను కొలువది కలసి రాగ
    మండుటెండలోఁ గురిసెను మంచు జల్లు

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారూ,
      మీ పూరణ బాగున్నది. అభినందనలు.

      తొలగించు
  31. పండరి నాధుని న్గృహము పచ్చనిమామిడి తోరణాలతో
    మెండుగ శీతలం బిడుచు మీరని హాయిని గొల్పు వానితో
    దండిగబూలవాసనలు దామరపించుచు నెల్లవారికిన్
    మండెడి యెండలందు హిమమౌక్తికముల్ గన జారెనెల్లెడన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  32. ఉ. నిండగు చైత్ర మాసమున నింగిని బందిరి జేసినారు ,బూ
    దండలు వాసనల్ గొలుప ధార్మికుఁ లందరి వేద మంత్ర ము
    ల్నిం డెను నేలపైన యన నీమము దప్పక రామచంద్రుకున్
    మండెడి యెండ లందు హిమ మౌక్తికముల్ జారె నెల్లెడన్
    కొరుప్రోలు రాధాకృష్ణారావు

    ప్రత్యుత్తరంతొలగించు
    ప్రత్యుత్తరాలు
    1. రాధాకృష్ణారావు గారూ,
      మీ పూరణ బాగున్నది. అభినందనలు.
      నేలపైన 'యన'...?

      తొలగించు
  33. ఆరు నెలల జీతమ్మునా కందలేదు
    "కాసులునులేక నెట్టుల కడుపునిండు"
    నంచు దు:ఖించు చుండగా నందె డబ్బు
    మండుటెండలోఁ గురిసెను మంచు జల్లు.

    ప్రత్యుత్తరంతొలగించు

  34. పిన్నక నాగేశ్వరరావు.

    అదర గొట్ట నెండలు నపరాహ్న వేళ

    పిల్లలు,ముసలి వారును తల్లడిలెడు

    నంతలో కరి మబ్బులున్నావరించి

    గాలితో గూడియున్ వడగళ్ళు పడుచు

    మండుటెండలో గురిసెను మంచు జల్లు.

    *****************************

    ప్రత్యుత్తరంతొలగించు

  35. మండుటెండలో కురిసెను మంచు జల్లు
    లనెడి మాటలతిశయోక్తు లవనియందు
    మంచు కురిసెడి యాకాలమందు రాని
    జల్లు వేసవి నందెట్లు జాలు వారు.?

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      సమస్యను ప్రశ్నార్థకంగా చేసిన మీ పూరణ బాగున్నది. అభినందనలు.

      తొలగించు
  36. రామ ! శుభనామ ! సుగుణాభిరామ ! యనుచు
    హనుమ కీర్తింప , సీత చిత్తాంబుజమ్ము
    విరిసి మోదమ్మునంది భావించెనిట్లు
    మండుటెండలో కురిసెను మంచుజల్లు!!


    మండిత పాదలేపనుడు మంచుగిరిన్ నడయాడ, మధ్యమా...
    ర్తాండుని వేడిఁ బూతయు గఱంగె, నతండును దారి కోరగా
    నండజయానకున్ తనువునందున దోచగ స్వేదబిందువుల్ !
    మండెడి యెండలందు *హిమ , మౌక్తికముల్*గన జారె నెల్లెడన్!!

    ప్రత్యుత్తరంతొలగించు
    ప్రత్యుత్తరాలు
    1. మురళీకృష్ణ గారూ,
      మీ రెండు పూరణలు బాగున్నవి. అభినందనలు.
      రెండవ పూరణ రెండవ పాదంలోని గణదోషానికి మీరేదో సవరణ సూచించారు వాట్సప్‍లో. ఇక్కడ గుర్తుకు రావడం లేదు.

      తొలగించు

  37. మండుటెండలో కురిసెను మంచు జల్లు
    లనెడి మాటలతిశయోక్తు లవనియందు
    మంచు కురిసెడి యాకాలమందు రాని
    జల్లు వేసవి నందెట్లు జాలు వారు.

    ప్రత్యుత్తరంతొలగించు
  38. మండు టెండలు జనులను మాడ్చు చుండ;

    జనుల కానంద మావిరై చచ్చి బతుక;

    హిమగిరి తనయ నరులపై ప్రేమ గురియ;

    మండు టెండలో గురిసెను మంచు జల్లు.

    విద్వాన్,డాక్టర్,మూలె.రామమునిరెడ్డి.విశ్రాంత తెలుగు పండితులు.ప్రొద్దుటూరు.కడప జిల్లా.7396564549

    ప్రత్యుత్తరంతొలగించు