24, జూన్ 2017, శనివారం

సమస్య – 2393 (ముని నుదుటను సీత...)

కవిమిత్రులారా!
ఈరోజు పూరించవలసిన సమస్య ఇది...
"ముని నుదుటను సీత ముద్దు లిడెను"
(లేదా...)
"ముని నుదుటన్ ధరాత్మజయె ముద్దు లిడెన్ గడు సంతసమ్మునన్"
(చింతా రామకృష్ణారావు గారికి ధన్యవాదాలతో...)

83 వ్యాఖ్యలు:

  1. చక్క దనము నందు చంద్రబింబ మనగ
    మమత పెంచు నంట మంచి తనము
    ప్రేమ పొంగి పొరల వేడ్కమీరగ రా
    మునికి నుదుట సీత ముద్దు లిడెను

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      మీ పూరణ బాగున్నది. అభినందనలు.
      మూడవ పాదం చివర గణదోషం. "వేడ్క మీర రఘురా..." అనండి.

      తొలగించు
  2. వెదకి వెదకి వెదకి వేసారి చింతతో
    సేద దీర్చు కొనుచు చెట్టు క్రింద
    కునుకు తీసెడి రఘుకుల తిలకుండు రా
    మునికి నుదుట సీత ముద్దు లిడెను

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.
      నిజానికి 'రామునకు' అనడమే సాధువు. 'రామునికి' అనడం జనసాధారణం కనుకను, ఇది కేవలం సమస్యాపూరణం కనుకను దానిని స్వీకరించవచ్చు. పూర్వకవి ప్రయోగాలు ఏమైనా దొరుకుతాయేమో అని వెదికితే పద్య కవులవి దొరకలేదు కాని అన్నమయ్య కీర్తన దొరికింది. "రామునికి శరణంటే రక్షించి బ్రతుకరో" అని.
      ఎందుకైనా మంచిదని సమస్యను సవరిస్తున్నాను. స్వస్తి!

      తొలగించు
    2. ఈ వ్యాఖ్యను రచయిత తీసివేశారు.

      తొలగించు
    3. డుమంతంబునకు ద్వితీయాద్యేకవచనంబు పరంబగునపుడు నిగాగమంబు సర్వత్ర విభాష నగు.
      రామునిని - రాముని, రామునిచేతను - రాముచేతను, రామునికిని - రామునకును.
      సర్వత్ర యనుట నగాగమ బాధనార్థము.

      పూజ్యులు శంకరయ్య గారికి వందనములు. పై సూత్రము చే “రామునికి” ప్రయోగము సాధువే యగునని నా యభిప్రాయము.

      తొలగించు
  3. రఘుకుల తిలకుడగు రాముని మోమును
    గనుచును జనక సుత కలువ కనుల
    తిలకమును నొసటను దిద్దగ పురుషోత్త
    మునికి నుదుట సీత ముద్దు లిడెను"

    ప్రత్యుత్తరంతొలగించు
    ప్రత్యుత్తరాలు
    1. తోపెల్ల వారూ,
      మీ పూరణ బాగున్నది. అభినందనలు.

      తొలగించు
  4. ఘనమగు నీశచాపమును కౌతుకమొప్పగ నెక్కుఁబెట్టి,నె
    మ్మనమున మౌని కకంజలిడు మాన్యుని రాఘవు,విక్రమోన్నతున్
    వినయముతోడ మాలఁగొని విభ్రమమందుచు మందయాన రా
    ముని నుదుటన్ ధరాత్మజయె ముద్దులిడెన్ కడు సంతసంబుగన్

    ప్రత్యుత్తరంతొలగించు
  5. కైక ముద్దు బిడ్డ లోకమ్ము నేలెడి
    వాడు, కరుణ సాగ రుండు, హనుమ
    పూజితుండు ,పంతి ముఖ మర్ధ నుండు, రా
    మునికి నుదుట సీత ముద్దు లిడెను

    ప్రత్యుత్తరంతొలగించు
    ప్రత్యుత్తరాలు
    1. పూసపాటి వారూ,
      మీ పూరణ బాగున్నది. అభినందనలు.
      రెండవ పాదంలో యతి తప్పింది. "కరుణకు ఘన వార్ధి" అందామా? అలాగే "పంక్తిముఖ.." అనండి.

      తొలగించు
  6. శిలనహల్యగ మలచిన రాఘవునకు
    తాటకందునిమిన దాశరథికి
    సత్వగుణములందు సంపన్నుడౌనుత్త
    మునికి నుదుట సీత ముద్ద్దులిడెను

    ప్రత్యుత్తరంతొలగించు
    ప్రత్యుత్తరాలు
    1. హర్షశ్రీ గారూ,
      మీ పూరణ బాగున్నది. అభినందనలు.

      తొలగించు
  7. డా.పిట్టా
    వర్ష హర్ష ధాత్రి వాసిగా నారుద్ర
    పురుగు లెల్లయెడల పొడమ జూచి
    సాగుబాటుకైన సరదాల "నాగలి
    ముని"1కి నుదుట సీత2 ముద్దులిడెను
    (1మానవీకరణమైన నాగలి 2నాగలి చాలు).


    ప్రత్యుత్తరంతొలగించు
  8. డా.పిట్టా
    కన వనమైన కష్టములు గాసిల జేయగనైన మాతయే
    మనునొక తీరుగా, సుతులు మాన్యులునయ్యు వనాంతరంబునన్
    మనవలె నెట్టులోయని యమాంతము విహ్వలమంది, వారికౌ
    ముని నుదుటన్ ధరాత్మజయె ముద్దులిడెన్ గడు సంతసంబునన్

    ప్రత్యుత్తరంతొలగించు
  9. డా.పిట్టా
    ఆర్యా,T.Sలో"సాగుబాటు,అనగా ఏరువాక

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించు
    2. డా.పిట్టానుండి
      ఆర్యా, ధన్యవాదములు.నుదుటిపై ముద్దు పిన్నలకే చెందునని పూరించాను.కృతజ్ఞతలు.

      తొలగించు
  10. మనమును బుద్ధిజూడ వణుమాత్రము కుంలఘు చిత్స్వరూపమం
    దున విలసుండు బ్రహ్మమయ తోరపు తేజవిరాజు డయ్యు రా
    వణముఖ దైత్యులం బొరిగొ నంగను సాకృతు డైన యట్టి రా
    ముని నుదుటన్ ధరాత్మజయె ముద్దు లిడెంగడు సంతసమ్మునన్
    ఐతగోని వేంకటేశ్వర్లు

    ప్రత్యుత్తరంతొలగించు
    ప్రత్యుత్తరాలు
    1. వెంకటేశ్వర్లు గారూ,
      మీ పూరణ బాగున్నది. అభినందనలు.
      'అణుమాత్రము కుంలఘు..' ? మూడవ పాదంలో యతి తప్పింది. సవరించండి.

      తొలగించు
  11. రణమునందున వడి రావణునిన్ ద్రుంచి
    చెఱను తొలగజేయ శీఘ్రముగను
    రమణతోడుత రఘురామునికి కలి భీ
    మునికి నుదుట సీత ముద్దు లిడెను
    కలిః యుద్ధము

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించు
  12. దానవ చెర బాపి మాననీయుండన
    జనులు జయమటంచు స్వాగతించ
    మురిసి ప్రాణనాధు పుణ్యాత్ముఁ బురుషోత్త
    ముని నుదుటను సీత ముద్దు లిడెను

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  13. అంజలించి తనకు నాశ్రయమునిడిన
    మునికి., నుదుట సీత ముద్దు లిడెను
    కుశలవాఖ్యులయిన కొమరుల కిద్దరి
    పోలికలును రామమూర్తివనుచు !!

    ప్రత్యుత్తరంతొలగించు
    ప్రత్యుత్తరాలు
    1. మైలవరపు వారూ,
      వైవిధ్యమైన విరుపుతో చక్కని పూరణ నందించారు. అభినందనలు.

      తొలగించు
  14. ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.
      'తనరుచు'... టైపాటు!

      తొలగించు
    2. గురుదేవులకు ధన్యవాదములు టైపాటు సవరణతో

      చంపకమాల

      రణమున గూల్చ రావణుని, రాజ్యము మెచ్చుచు ధర్మమూర్తినిన్
      మునిగణ వందితున్ జనులు మోదము మీరఁగ స్వాగతించగన్
      తనియుచు ప్రాణనాధుఁబరితాపము వీడుచుఁజెంతఁజేరి రా
      ముని నుదుటన్ ధరాత్మజయె ముద్దు లిడెన్ గడు సంతసమ్మునన్

      తొలగించు
    3. గురుదేవులకు ధన్యవాదములు టైపాటు సవరణతో

      చంపకమాల

      రణమున గూల్చ రావణుని, రాజ్యము మెచ్చుచు ధర్మమూర్తినిన్
      మునిగణ వందితున్ జనులు మోదము మీరఁగ స్వాగతించగన్
      తనియుచు ప్రాణనాధుఁబరితాపము వీడుచుఁజెంతఁజేరి రా
      ముని నుదుటన్ ధరాత్మజయె ముద్దు లిడెన్ గడు సంతసమ్మునన్

      తొలగించు
  15. ఏసు పటము, గనుల మూసిన యొక మౌని
    పటము దెచ్చె తండ్రి భక్తి తోడ
    ఏసు పటము జించి ఇదియె నచ్చినదని
    మునికి నుదుట సీత ముద్దు లిడెను
    (ఈమె రామాయణం లో సీత కాదు లెండి. మా యింటి పక్కనున్న మరొక సీత.)

    ప్రత్యుత్తరంతొలగించు
    ప్రత్యుత్తరాలు
    1. ధనికొండ వారూ,
      మీ పూరణ బాగున్నది. అభినందనలు.

      తొలగించు
  16. తండ్రి మాట కొఱకు దనదు సౌఖ్యము వీడి
    ధర్మమార్గ మెంచి మర్మమెరిగి
    కాననమ్ము వెడల గామించు నారాజ
    మునికి నుదుట సీత ముద్దు లిడెను

    ప్రత్యుత్తరంతొలగించు
    ప్రత్యుత్తరాలు
    1. "మునిరాజ వేషియై "యని త్యాగరాజ స్వామి " యెవరికై యవతార మెత్తితివో " యనే కీర్తనలో రాముని సంబోధించారు!

      తొలగించు
    2. సీతాదేవి గారూ,
      మీ పూరణ బాగున్నది. అభినందనలు.

      తొలగించు
  17. సనక సనందనాది ముని సన్నుత సర్వ జగత్తు పూజితా
    ఇనకుల వంశ చంద్రముడ, ఈప్సిత సిద్ది ప్రదాత మారుతీ
    ఘన కపిసేవితా యనుచు కానన లోపవళించి నట్టి రా
    ముని నుదుటన్ ధరాత్మజయె ముద్దులిడెన్ గడు సంతసమ్మునన్"

    ప్రత్యుత్తరంతొలగించు
    ప్రత్యుత్తరాలు
    1. పూసపాటి వారూ,
      మీ పూరణ బాగున్నది. అభినందనలు.
      'జగద్విపూజితా' అనండి.

      తొలగించు
  18. కనులకు విందు గొల్పుచును కాంచనదేహము కాంతులీనగన్
    మనమున భీతిచెందుచును మాయమృగమ్మదిసంచరింప మా
    నిని వెసగోరె దెమ్మనుచు నేర్పుగ పట్టగపైనమైన రా
    ముని నుదుటన్ ధరాత్మజయె ముద్దులిడెన్ గడుసంతసమ్మునన్
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.

      తొలగించు
  19. దినకర వంశజుండు ఋత దీక్షిత బద్ధుడు తండ్రి యొక్క శా
    సనమున తత్క్షణాన సమజంబుల కేగగ నిశ్చయించియున్
    జనుటకు ధర్మపత్నికిని సమ్మతి నీయగ మోదమంది రా
    ముని నుదుటన్ ధరాత్మజయె ముద్దు లిడెన్ గడు సంతసమ్మునన్

    ప్రత్యుత్తరంతొలగించు
    ప్రత్యుత్తరాలు
    1. ఫణికుమార్ గారూ,
      మీ పూరణ బాగున్నది. అభినందనలు.
      'దీక్షితు డార్యుడు' అంటే బాగుంటుందేమో?

      తొలగించు
    2. గురువుగారూ నమస్సులు. మీ సవరణకి ధన్యవాదములు.

      తొలగించు
  20. కననీశ్వరు కార్ముకమును
    వినుతమ్ముగ నెక్కుపెట్టు వీరుడె నీకున్
    పెనిమిటి యౌనని బల్కిన
    ముని నుదుటను సీత వెస ముద్దు లిడెన్
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.

      తొలగించు
  21. శివుని విల్లు ద్రుంచి చీనపు మెడలోన
    మూడు ముళ్ళు వేసి ముదము తోడ
    తనదు కరము పట్టి మనసు గెలిచిన రా
    మునికి నుదుట సీత ముద్దు లిడెను

    ప్రత్యుత్తరంతొలగించు
    ప్రత్యుత్తరాలు
    1. పూసపాటి వారూ,
      మీ పూరణ బాగున్నది. అభినందనలు.

      తొలగించు
  22. *శ్రీమతి జి సందిత బెంగుళూరు*
    24, జూన్ 2017, శనివారం

    *లవుడు నేర్చెవిద్యలాఘవమొప్పగన్*
    *నిలిచెనాశ్రమమున*

    *తెలిపి తల్లి పాదములకుమ్రొక్కముదమందుచున్*
    ప్రథ
    *"ముని నుదుటను సీత ముద్దు లిడెను"*

    *శ్రీమతి జి సందిత బెంగుళూరు*

    ప్రత్యుత్తరంతొలగించు
  23. సీత కౌగిలించె శ్రీరామచంద్రుని
    సీత ముద్దు పెట్టె భూతలమును
    వింత నభము వీడి వేగ శివుని, వేడ
    ముని, నుదుటను సీత ముద్దు లిడెను

    [సీత = సీతా దేవి; నాఁగటిచాలు; ఆకాశగంగ]


    మనమున నున్నకోరికలు మానుగఁ దీరఁగఁ దృప్తిఁ జెంది కా
    నన ఘన దర్శనైషణ వనభ్రమణాశ ఫలింప సత్యమై
    వనమున నుండి మైథిలి యపార పరాక్రమ విక్రముండు రా
    ముని నుదుటన్ ధరాత్మజయె ముద్దు లిడెన్ గడు సంతసమ్మునన్

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మీ రెండు పూరణలు మనోహరంగా (ముఖ్యంగా రెండవది అద్భుతంగా) ఉన్నవి. అభినందనలు.

      తొలగించు
    2. పూజ్యులు శంకరయ్య గారికి నమః పూర్వక ధన్యవాదములు.

      తొలగించు
    3. కామేశ్వరరావుగారూ ఎప్పటిలాగనే అద్భుతమైనపూరణల నిచ్చారు.నాదొకచిన్నసందేహము రెండవపూరణలో మైథిలి,ధరాత్మజ అర్థపునరుక్తికాలేదా అని.ఆసక్తితప్ప విమర్శకాదు దయచేసి గమనించండి.

      తొలగించు
    4. మిస్సన్న గారు నమస్సులు. మైథిలి (మిథిలా నగర రాజకుమారి) ధరాత్మజకు విశేషణముగా దలచిన పునరుక్తి కాదని నా యభిప్రాయము.

      తొలగించు
    5. మకర కుండల సద్భూషు మంజు భాషు
      నిరుపమాకారు దుగ్ధసాగర విహారు
      భూరి గుణ సాంద్రు యదు కులాంభోధి చంద్రు
      విష్ణు రోచిష్ణు జిష్ణు సహిష్ణు కృష్ణు. భాగ. 10.ఉత్తర. 979

      తొలగించు
    6. నమస్సులు కామేశ్వరరావుగారూ.

      తొలగించు
  24. *శ్రీమతి జి సందిత బెంగుళూరు*
    24, జూన్ 2017, శనివారం

    *లవుడు నేర్చెవిద్యలన్ నిల్చె ప్రథముడై*
    *యాశ్రమమున వచ్చెనమ్మకడకు*
    *తెలిపి పాదమంటె దీవించి యా ప్రథ*
    *"ముని నుదుటను సీత ముద్దు లిడెను"*

    *శ్రీమతి జి సందిత బెంగుళూరు*

    ప్రత్యుత్తరంతొలగించు
  25. [24/06, 11:53 AM] సందిత బెంగుళూరు: *శ్రీమతి జి సందిత బెంగుళూరు*
    24, జూన్ 2017, శనివారం

    *"ముని నుదుటన్ ధరాత్మజయె ముద్దు లిడెన్ గడు సంతసమ్మునన్"*

    *వనమున పర్ణశాలనటు వచ్చెనుదిద్దలలాటనామమున్*
    *వనజదళాక్షుడౌవిభుడువారితటంబుననుండసిద్ధుడై*
    *గొనియటుసింధురంబుకొనగోటనుగంధముదిద్దుకొంచు తాఁ*
    *గనిసరిదిద్దెనట్టులతికమ్రతరంబగుటన్ మనోభిరా*
    *"ముని నుదుటన్ ధరాత్మజయె ముద్దు లిడెన్ గడు సంతసమ్మునన్*

    *శ్రీమతి జి సందిత బెంగుళూరు*
    [24/06, 11:58 AM] సందిత బెంగుళూరు: భార్య భర్తకు నుదుట ముద్దిచ్చుట శాస్త్రసమ్మతంకాదు సంప్రదాయవిరుద్ధము అయిననూ ఆ సందర్భము ఉచితమే! అక్కడప్రాధాన్యము నామశోభితమైన ప్రదేశానికే కళాత్మకము కావున🙏🌹🙏

    ప్రత్యుత్తరంతొలగించు
    ప్రత్యుత్తరాలు
    1. సందిత గారూ,
      మీ పూరణలన్నీ ప్రశస్తంగా ఉన్నవి. అభినందనలు.

      తొలగించు




  26. హరుని ధనువు విరువ హరుషంబున జనులు

    గాంచుచుండ మురిసి కంఠమందు

    మల్లె మాల వేసి మందహాసమున రా

    ముని నుదుటను సీత ముద్దు లిడియె.



    వనము నందు గనుచు పసిడి జింకను తాను

    కోరగానె పతియు కూర్మితోడ

    తరలి వెళ్ళు చుండ దాశరథియగు రా

    ముని నుదుటను సీత ముద్దులిడియె.



    జనకునింట తాను చాపము నెత్తుచు

    విరువసంతసాన భేషటంచు

    జనులు మురియుచు జయజయ నాదములిడ రా

    ముని నుదుటను సీత ముద్దు లిడియె.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ మూడు పూరణలు బాగున్నవి. అభినందనలు.

      తొలగించు
  27. పనిగొనకౌశికుండు ముని పంపును మన్ననజేసి నమ్రుడై
    ఘనమగు ప్రజ్ఞతోడుతను కాచెవితానము, తున్మిదైత్యులన్
    వినయముతోడుతన్ శివుని విల్లును త్రుంచగ, తండ్రి మెచ్చ రా
    ముని నుదుటన్ ధరాత్మజయె ముద్దు లిడెన్ గడు సంతసమ్మునన్

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ పూరణ మనోహరంగా ఉన్నది. అభినందనలు.

      తొలగించు
    2. గురువర్యులకు నమస్సులు. ధన్యవాదములు.

      తొలగించు
  28. అశ్వముఁ గని బట్ట నాటలాడు నటుల
    కవల జూచినంత కనికరమున
    కోరి తల్లి కడకు కొడుకుల జేర్చ రా
    ముని,నుదుటను సీత ముద్దు లిడెను

    నిన్నటి సమస్యకు నా పూరణ

    అనలమున జరుపు హోమము,
    మునివరుల కఠోర దీక్ష, ముప్పున బడగా
    పెనుభూతములసురుల నా
    వనిఁ,తల ఖండించువాఁడె బల్లిదుఁ డగురా

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ రెండు పూరణలు బాగున్నవి. అభినందనలు.

      తొలగించు
  29. కంటిరెప్పవోలె కన్నవారిని గాచు
    అనుజులనిల జూచు ననునయముగ
    రాముడనుచు సుతుని ప్రజలు నుతించ సో
    ముని నుదుటను సీత ముద్దులిడెను!!!


    నీలమేఘ ఛాయ మేలు దేహమువాని
    కంజములను బోలు కనులవాని
    చిత్తరముగ జూచి చిత్రపటమున రా
    ముని నుదుటను సీత ముద్దులిడెను!!!

    ప్రత్యుత్తరంతొలగించు
    ప్రత్యుత్తరాలు
    1. శైలజ గారూ,
      మీ రెండు పూరణలు బాగున్నవి. అభినందనలు.
      మొదటి పూరణలో 'సోముడు'?
      'మేఘ+ఛాయ = మేఘచ్ఛాయ (తుగాగమ సంధి)' అవుతుంది. అక్కడ "నీలమేఘము వలె మేలు..." అనండి.

      తొలగించు
  30. క్రొవ్విడి వెంకట రాజారావు:

    అనిని రావణాసురుని మదమడగించి
    పూనికొంది తనను పొందు జేసి
    యాదుకొనిన సొబగుడా ప్రభువు తన రా
    ముని నుదుటన సీత ముద్దులిడెను



    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ పూరణ బాగున్నది. అభినందనలు.

      తొలగించు
  31. సోమధార నుండి జూటమ్మునన్ జిక్కి
    యభ్భగీరధుండు నార్తివేడ
    పాయగా భువి దిగ పరవశమంది సో
    ముని నుదుటను సీత ముద్దు లిడెను

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      గంగ శివుని జటాజూటం నుండి బయలుదేరుతూ అక్కడే ఉన్న నెలవంకను ముద్దు పెట్టుకున్నదన్నమాట! బాగుంది. ముందు అవగాహన చేసికొనలేక పోయాను. బాగుంది పూరణ. అభినందనలు.

      తొలగించు
    2. గురుదేవులకు ధన్యవాదములు. చంద్రుని కాదు శివుని నుదుట ముద్దులిడెను అన్నభావంతో వ్రాశాను సర్.

      తొలగించు
  32. ప్రసవమాయె పుడమిపట్టి యశ్రమమున
    కవల బిడ్డలను సకాలమందు
    నీలి మేఘఛాయ బోలిన యాబాల
    ముని నుదుటను సీత ముద్దు లిడెను

    ప్రత్యుత్తరంతొలగించు
    ప్రత్యుత్తరాలు
    1. తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  33. తన పతి ధర్మబద్ధముగ ధాత్రినినేలుచు శ్రాంతుడౌట , వీ...
    వన గొని వీచి , స్వేదకణవారిని తా తుడువంగ నెంచె రా...
    ముని నుదుటన్ ధరాత్మజయె ., ముద్దు లిడెన్ గడు సంతసమ్మునన్
    గని హనుమంతుడున్ మురిసి గాలిని దేలగ గెంతి వాలమున్ !!

    మైలవరపు మురళీకృష్ణ వెంకటగిరి

    ప్రత్యుత్తరంతొలగించు
    ప్రత్యుత్తరాలు
    1. మైలవరపు వారూ,
      మీ పూరణ ప్రశస్తంగా ఉంది. అభినందనలు.

      తొలగించు
  34. ధనువు విరిచి తనదు ధవుడయ్యినాడని
    మనము నందు కమియు మధుర హేల
    లలర కేలు బట్టి హ్లాదమందుచును రా
    ముని నుదుటను సీత ముద్దు లిడెను!

    కమియు=కవియు

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా వారూ,
      మీ పూరణ బాగున్నది. అభినందనలు.

      తొలగించు