2, జులై 2017, ఆదివారం

సమస్య - 2400 (ఇరువదినాల్గు వందలు...)

కవిమిత్రులారా, 
ఈరోజు పూరించవలసిన సమస్య ఇది...
"తోచె సమస్యల గణన చతుర్వింశతియై"
(లేదా...)
"ఇరువదినాల్గు వందలు గణింపగ నొప్పె సమస్య లియ్యెడన్"
(నేటితో 'శంకరాభరణం'లో సమస్యల సంఖ్య 2400 అయిన సందర్భంగా...)

90 వ్యాఖ్యలు:

  1. దాచిన కవనము లన్నియు
    పూచిన మందారముల వలె పులకించ మదిన్
    జూచిన గురువుల బ్లాగున
    తోచె సమస్యల గణన చతుర్వింశతియై

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      పద్యం బాగుంది. ధన్యవాదాలు.
      రెండవ పాదంలో గణదోషం. "పూచిన మందారములయి పులకించ..." అనండి.

      తొలగించు
    2. దాచిన కవనము లన్నియు
      పూచిన మందారములయి పులకించ మదిన్
      జూచిన గురువుల బ్లాగున
      తోచె సమస్యల గణన చతుర్వింశతియై

      తొలగించు
  2. వాచస్పతి శంకరుడే
    రాచరికము జేసి రాజరాజుని వోలెన్
    మా చేతను పూరించగ
    తోచె సమస్యల గణన చతుర్వింశతియై

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      పద్యం బాగుంది. ధన్యవాదాలు.
      'రాజరాజు' ఉకారాంత శబ్దం కనుక 'ను' వస్తుంది. అక్కడ 'వోలెన్' అని గసడదవాదేశం రాదు. సరళాదేశం రావచ్చు. అందుకని "రాజరాజు సముండై" అనండి.

      తొలగించు
  3. దోచెను పద్య ప్రియులహృది
    వీచెను పద్య సుమగంధ వీచిక లంతన్
    కాచెను పద్య పతన మని
    తోచె సమస్యల గణన చతుర్వింశతియై.

    ప్రత్యుత్తరంతొలగించు
    ప్రత్యుత్తరాలు
    1. బాలసుబ్రహ్మణ్య శర్మ గారూ,
      మీ పద్యం బాగున్నది. అభినందనలు.

      తొలగించు
  4. పూచెన్గవితా పుష్పము
    వేచెన్గవి మధుపములవి వేగిరపడుచున్
    వీచె స్నేహ సుగంధము
    తోచె సమస్యల గణన చతుర్వింశతియై!

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పద్యం బాగున్నది. ధన్యవాదాలు.
      మూడవ పాదంలో గణదోషం. "వీచెన్ స్నేహ..." అనండి. టైపాటు కావచ్చు!

      తొలగించు
    2. గురువు గారికి నమస్సులు! అది టైపాటే!

      తొలగించు
  5. డా.పిట్టా
    సూచిక యుండదు భావాల్
    కాచినవా ఫలములాయె"కంది"వనమునన్
    చూచినవింతగు నిపుడే
    తోచె సమస్యల గణన చతుర్వింశతియై!!
    .....సరస్వతీ దివ్యాశ్శీః ప్రాప్తిరస్తు!

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ గారూ,
      మీ పద్యం బాగున్నది. ధన్యవాదాలు.

      తొలగించు
    2. డా.పిట్టా
      ఆర్యా,ధన్యవాదాలు

      తొలగించు
  6. పరువులు వెట్టుచు న్గిరుల పర్వతపంక్తుల కొండగుట్టల న్చురుకుగ దాటుచు న్హొయలుజూపుచు జీవనదీప్రవాహమై యురికెడు శంకరాభరణ ముత్తమనిర్ఝరి దాని మార్గమం దిరువదినాల్గు వందలు గణింపగ నొప్పె సమస్యలియ్యెడన్.

    ప్రత్యుత్తరంతొలగించు
    ప్రత్యుత్తరాలు
    1. మిస్సన్న గారూ,
      శంకరాభరణం బ్లాగు ఒక భవనమైతే దాని మూలస్తంభాల్లో మీరూ ఒకరు. మీ పద్యం మనోహరంగా ఉంది. ధన్యవాదాలు.

      తొలగించు
    2. గురువుగారూ అలాఅనడం మీసౌజన్యత.

      తొలగించు
  7. ఈ చిరు సాహితి వనమున
    పూచిన కమనీయ కవన పుష్పము లేగా
    దోచెను రసజ్ఞుల మదిని
    తోచె సమస్యల గణన చతుర్వింశతియై.

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ పద్యం బాగున్నది. ధన్యవాదాలు.
      'సాహితీవనము' అన్నది సాధు సమాసం. అక్కడ "ఈ చిరు సాహిత్యవనిని" అనండి.

      తొలగించు
  8. డా.పిట్టా
    బరువడి నొక్క పాదుననె బారెను తీగయ దాన మల్లెలే
    చిరు చిరు తెల్ల పాత్రలన చేర్చె సుగంధము విశ్వమెల్లెడన్
    ఇరుముడి వేసికోన్ శబరినీశుని దర్శన భాగ్యమబ్బగా
    గురుకృప గాదె విస్తరణ గొన్నవి ప్రశ్నలు నోళ్ళు విప్పె నే
    డిరువది నాల్గు వందలు గణింపగ నొప్పె సమస్య లియ్యెడన్!!
    విద్యా వితరణ విశేష పుణ్య ఫల ప్రసాద సిద్ధిరస్తు......అభినందనలతో...

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ పద్యం బాగుంది. ధన్యవాదాలు.

      తొలగించు
    2. డాపిట్టానుండి
      ఆర్యా, ధన్యవాదాలు

      తొలగించు
  9. డా.పిట్టా
    ఆర్యా, నా కందపు రెండవ పాదం సవరణ
    కాచినవా ఫలములవియ "కంది"వనమునన్..గా స్వీకరించండి

    ప్రత్యుత్తరంతొలగించు
  10. పుచెను పద్య సుమాలవి
    దోచెను రసహృదయములను ధూపము లగుచున్
    కాచెను కమనీయముగా
    తోచె సమస్యల గణన చతుర్వింశతియై
    2. శంకరాభరణం...
    వరములనీయు కల్పతరువై రసపోషణ సేయు భాండమై
    మురిపెమొసంగు మా హృదయ మోహన ముద్దుల వీణపాణియై
    స్వరముల నెన్నొ గూర్చి రసవాదుల పాలిటి రామనామ మై
    యిరువదినాల్గు వందలు గణింపగ నొప్పె సమస్య లియ్యెడన్

    ప్రత్యుత్తరంతొలగించు
    ప్రత్యుత్తరాలు
    1. శ్రీహర్ష గారూ,
      మీ రెండు పద్యాలు హృద్యంగా ఉన్నవి. అభినందనలు.

      తొలగించు
  11. దాచిన మేధో సంపద
    పూచెను శంకర వనమున బుష్పగడనమై
    దోచగ దూర విదితులన్
    "తోచె సమస్యల గణన చతుర్వింశతియై"

    ప్రత్యుత్తరంతొలగించు
    ప్రత్యుత్తరాలు
    1. సూర్యకుమార్ గారూ,
      మీ పద్యం బాగున్నది. అభినందనలు.

      తొలగించు
  12. నోచని జీవన మందున
    తోచె సమస్యల గణన చతుర్వింశతియై
    బ్రోచెడి శంకరు డుండగ
    నా చిక్కులు సర్వము మరి నాశము గావే?

    ప్రత్యుత్తరంతొలగించు
    ప్రత్యుత్తరాలు
    1. విరిగెను విల్లు కర్ణుడును వెన్నును చూపగ నిహ్నవంబునన్
      విరథుడ నైతి నేనిచట పెక్కురు జేరియు గూల్చినంతయు
      న్నిరువదినాల్గు వందలు గణింపగ నొప్పె సమస్య లియ్యెడన్
      శరములు వీడి యేను రథచక్రము దాల్చియు వీరిజంపెదన్

      తొలగించు
    2. ఫణికుమార్ గారూ,
      మీ రెండు పూరణలు మనోజ్ఞంగా ఉన్నవి. అభినందనలు. ధన్యవాదాలు!

      తొలగించు
    3. గురువుగారూ నమస్సులు. ధన్యవాదములు.

      తొలగించు
  13. *పూచిన సాహిత్య కుసుమము*
    *వీచినపూరణలగంధ వీడెము కవులన్*
    *దోచెనురస పూరితమై*
    *దోచె సమస్యల గణన చకుర్వింశతియై*

    ప్రత్యుత్తరంతొలగించు
    ప్రత్యుత్తరాలు
    1. శ్రీరామ్ గారూ,
      మీ పద్యం బాగున్నది. అభినందనలు.
      మొదటి పాదంలో గణదోషం. "సాహిత్యసుమము" అనండి. 'గంధవీడెము' అంటే దుష్టసమాసం. "గంధవీడ్యము" అనండి.

      తొలగించు
  14. దాచని పూల సుగంధము
    వీచగ పద్యాల శోభ విచ్చెడి వనిలో
    దోచెడి పూరణ లందున
    తోచె సమస్యల గణన చతుర్వింశతియై!

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా శర్మ గారూ,
      మీ పద్యం బాగున్నది. అభినందనలు.

      తొలగించు


  15. వాచవికందువలగుచున్

    తోచె సమస్యల గణన చతుర్వింశతియై"

    మాచే వ్రాయించితిరిగ

    నీచక్కని పద్యములను నిలశంకరులున్

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ పద్యం బాగున్నది. అభినందనలు.

      తొలగించు

  16. పిన్నక నాగేశ్వరరావు.

    మీచే నిడగ సమస్యలు

    మాచే పూరించబడుచు మధురోహలతో

    పూచెను పద్య సుమమ్ములు

    తోచె సమస్యల గణన చతుర్వింశతియై.

    ****************************

    ప్రత్యుత్తరంతొలగించు
    ప్రత్యుత్తరాలు
    1. నాగేశ్వర రావు గారూ,
      మీ పద్యం చక్కగా ఉంది. అభినందనలు, ధన్యవాదాలు!

      తొలగించు
  17. సారస్వతారాధకులు
    శంకరాభరణం నిర్వాహకులు
    శ్రీ కంది శంకరయ్య గారికి అభినందనలు... వందనములు
    💐💐💐💐🙏🙏🙏🙏🙏

    శ్రీ చంపకోత్పలాదులు
    పూచిన యుపజాతి జాజి పూవుల సొబగుల్
    మీచే శత గుణితంబై
    తోచె సమస్యల గణన చతుర్వింశతియై"


    ఇరువదినాల్గు వందలు గణింపగ నొప్పె సమస్య లియ్యెడన్"
    భరమని యెంచబోక తన బాధ్యత గా దలపోసి శంకరా....
    భరణసమూహమున్ నడిపి పద్యమరందము బంచు దిట్టకున్
    కరములు మోడ్చి మ్రొక్కెదము కంది వరాన్వయ శంకరయ్యకున్ !!

    ప్రత్యుత్తరంతొలగించు
    ప్రత్యుత్తరాలు
    1. మురళీకృష్ణ గారూ,
      మీ పద్యాలు మనోహరంగా ఉన్నవి. ధన్యవాదాలు.

      తొలగించు

  18. పూచెను పద్యపు సుమములు
    దోచెను కవివర్యుల మది, తోడుగ నిలవన్
    వాచస్పతి వరములిడుచు
    తోచె సమస్యల గణన చతుర్వింశతియై"

    వాచస్పతి= శ్రీ కంది శంకరయ్య గారు

    ప్రత్యుత్తరంతొలగించు
    ప్రత్యుత్తరాలు
    1. వరప్రసాద్ గారూ,
      మీ పద్యం బాగున్నది. ధన్యవాదాలు.

      తొలగించు
  19. మీచేపట్టిన బ్లాగున
    పూచె కవిత లతిక లందు పూవుల బెళుకుల్
    వీచెను పరీమళమ్ములు
    తోచె సమస్యల గణన చతుర్వింశతి యై

    ప్రత్యుత్తరంతొలగించు
    ప్రత్యుత్తరాలు
    1. తిమ్మాజీ రావు గారూ,
      మనోహరమైన పద్యాన్ని చెప్పారు. ధన్యవాదాలు.

      తొలగించు
    2. గురుకృప. కృతఙ్ఞతలు


      తొలగించు
  20. మెరుపుల వోలె కాంతినిడు మిస్సన పద్యము లీ వనమ్మునన్
    ఉరుముల వోలె కోవిదపు యుర్విన కాముని పద్య మెప్పుడున్
    ఘరణము చేయు, శాస్త్రి యొసగంగ మ్రుదాకరమైన పద్యముల్
    వెరపున ద్రోసె నెప్పుడు కవీశుల, సుబ్బుని శైలి శోభతో
    జరజర సాగు చుండునుగ సర్పపు చేష్టల వోలె, నెప్పుడున్
    మురళి రవమ్ము నిచ్చునట మోహన కృష్ణుని పద్య భావముల్
    సరస విరించి పుంగవుడు సంభ్రమ రీతిగ వ్రాయు, శంకరా
    భరణ వనమ్ము లోన ఘన భాగవతుల్ల సుమమ్ము కృష్ణుడై
    విరియగ భాస్కరమ్మయును వీచెను పద్యపు చందనంబులున్
    మరుల జిలేబి నూతనపు మాటలు వాడి ఛలోక్తు లివ్వగా,
    మురియుచు నెందరో కవులు మోదము తోడను చల్లె బీజముల్,
    పెరుగుచు శంకరయ్య వని పేరును గాంచె స్వదేశ మంతయున్
    తరువులు శాఖలవ్వుచు ప్రతాపము తోడ విదేశ మంతవి
    స్తరణము నొంది కావ్య వని స్తన్నితము ల్నిడుచుండ దీప్తితో
    ఇరువదినాల్గు వందలు గణింపగనొప్పె సమస్య లియ్యెడన్"



    శంకరాభరణము బ్లాగులో కావ్య విత్తనములు చల్లి
    సేద్యము చేయుచున్న కవి వరులకు
    నమస్కారములతో
    తప్పులున్న క్షమించ వలెను.

    ప్రత్యుత్తరంతొలగించు
    ప్రత్యుత్తరాలు
    1. సూర్యకుమార్ గారూ,
      కవిమిత్రులను పేర్కొంటూ చక్కని చంపకమాలికను అందించారు. ధన్యవాదాలు.
      కొన్ని టైపాట్లున్నవి.

      తొలగించు
    2. కృష్ణ సూర్య కుమార్ గారు. నమస్సులు.
      దైవ దత్తములైన మీ భావనా పటిమ, వ్యక్తీకరణ నైపుణ్యము, నుత్ప్రేక్ష ణాతిశయము, క్రమబద్దీకరణ చాతుర్యము, రచనోత్సాహము లమోఘములు నిస్సందేహముగా. ఈ గుణ గణాలకు తోడు మీరు వ్యాకరణమున దృష్టి బెట్టిన సుమధుర గళమునకు సంగీతము తోడైన గలుగు మహోన్నతి తో మీ పద్య రచనా ప్రాభవము దశ దిశల వ్యాపించుననుట లో నతిశయోక్తి యీషణ్మాత్రము లేదు. బాలవ్యాకరణము నంతర్జాలము నుండి గ్రహించి యవగాహన చేసుకున్న సత్ఫలిత ముంటుంది. ఆత్మన్యూనతా భావమును దరికి రానీకండి.

      తొలగించు
    3. ఛందోబద్ధమై యలరారు తోంది మీ పూరణ. ఈ వ్యాకరణ సవరణలను గమనించండి.

      వనమ్మునన్నురుముల; కోవిదపు టుర్వినఁ గాముని; “ఘరణము” అంటే యర్థము కాలేదు; ముదాకరమైన (సంతోషమునకు గని); సర్పపుఁ జేష్టల; నర పుంగవుడు, కవి పుంగవుఁడు (నరులలో/కవులలో శ్రేష్ఠుఁడు) అనవచ్చు. “విరించి సత్కవియ” అంటే సరి.; భాగవతంపు సుమమ్ము; తోడను జల్ల (చల్లె- ఏకవచనపు క్రియా రూపము కవులు బహు వచనము.); స్వదేశ మంతయుం / దరువులు; శాఖ లౌచును బ్రతాపము; “స్తన్నితము ల్నిడుచుండ” అంటే యర్థము కాలేదు, ”సన్నుతమైవెలుగొంద” అంటే బాగుంటుం దనుకుంటాను; దీప్తితో/ నిరువది.

      తొలగించు
    4. గురుతుల్యులు కామేశ్వర రావు గారికి ప్రణామములు. మీరు సెలవు యిచ్చినట్లుగా వ్యాకరణము నేర్చు కుంటాను. తేటగీతి ,కందము నల్లుట కొద్దిగా అలవాటు పడినాను. వృత్తములు ఈ మధ్యనే
      గురువు గారి ప్రోత్సాహముతో వ్రాయుట మొదలు పెట్టినాను. తెలుగులో నేనేమి చదువుకోలేదు. వృత్తి రీత్యా మెటీరియల్ మేనేజరుగా 44 వత్సరములు చేసి 63 వ సంవత్సరములో రిటైరు అయ్యాను. చిన్న నాటి పునాదితో ఈ ప్రయత్నము మొదలు పెట్టాను. అవకాశమున్న మీ మెయిలు ఐ డి ఇచ్చిన మీతో విషయాలు పంచుకుంటాను. ధన్యవాదములతో పూసపాటి

      తొలగించు
    5. ఘురణము = ధ్వని
      మృదాకరము = పిడుగు అని ఉండాలి టైపాటు
      స్తనితము = గర్జించు అన్న అర్ధము తీసుకున్నాను. అంటే పదము స్తరణము తో మొదలైనది కాబట్టి యతీ కుడా స్త తో మొదలు అవ్వాలేమోనని స్తనితము అనవలసి వచ్చింది

      తొలగించు
    6. కృష్ణకుమార్ గారూ మీసహృదయతకు నమస్సులు.

      తొలగించు
  21. అరుదగురీతి శంకరులయధ్భుతసృష్టికి నంజలించపంచున్
    సరసత పూరణల్ సలిపె సంఖ్యకు మిక్కీలికాగ సత్కవుల్
    చరణములాన నేనునొక చాతక పక్షినియై చకోరినై
    మరి మరి వేచిచూచితిని మాన్యత పూరణసేయు కోరికన్
    ఇరువదినాల్గువందలు గణింపగ నొప్పె సమస్యలియ్యెడన్
    వీటూరి భాస్కరమ్మ

    ప్రత్యుత్తరంతొలగించు
  22. పూచె సమస్యల కలువలు
    వేచెడి కవిచంద్రులకును వేడుక కలుగన్
    యీ చిత్రమెట్లు పొగడెద
    తోచెసమస్యల గణన చతుర్వింశతియై
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ రెండు పద్యాలు చక్కగా ఉన్నవి. అభినందనలు.
      వృత్తం మొదటి పాదం చివర '..నంజలించుచున్' అన్నచోట టైపాటు. కందంలో 'కలుగన్+ఈ చిత్ర' మన్నచోట యడాగమం రాదు. "కలుగ। న్నీచిత్ర" మనవచ్చు.

      తొలగించు
  23. ప్రోచఁగ హరియే శంకరు
    సాచివ్యం బది చిరముగఁ జన నోములనే
    నోఁచ శతసహశ్రోత్తర,
    తోఁచె సమస్యల గణన, చతుర్వింశతియై


    అరయఁగఁ జిన్న నాఁడు వల దన్నను గల్గును విద్దె యాతనల్
    పరువము నందుఁ జూడగను బట్టుఁ గుటుంబ విచార భారముల్
    తరుణమె చూడ వార్ధక సుధారణ నమ్రుల కీయ పూరణల్
    ఇరువదినాల్గు వందలు గణింపగ నొప్పె సమస్య లియ్యెడన్

    ప్రత్యుత్తరంతొలగించు
    ప్రత్యుత్తరాలు
    1. చతుర్వింశత్సహస్రాణి శ్లోకానాముక్తవానృషి:.
      తథా సర్గశతాన్పఞ్చ షట్కాణ్డాని తథోత్తరమ్ ৷৷1.4.2৷৷

      కృత్వాపి తన్మహాప్రాజ్ఞస్సభవిష్యం సహోత్తరమ్.
      చిన్తయామాస కోన్వేతత్ప్రయుఞ్జీయాదితి ప్రభు:৷৷1.4.3৷৷

      తొలగించు
    2. కామేశ్వర రావు గారూ,
      అద్భుతంగా ఉన్నవి మీ పద్యాలు. ధన్యవాదాలు!

      తొలగించు
  24. సరస మనస్వి, సత్కవి, యుషఃస్మరణీయుడు, "కంది" -శంకరా
    భరణపు బ్లాగు నందు కవి పండిత హృష్టిగ నెన్ని యెన్నియో
    నిరుపమ సత్సమస్యలిడె నేర్పుగ సత్కవులార! నేటికి
    న్నిరువదినాల్గు వందలు గణింపగ నొప్పె సమస్య లియ్యెడన్

    ప్రత్యుత్తరంతొలగించు
    ప్రత్యుత్తరాలు
    1. విజయకుమార్ గారూ,
      మీ పద్యం మనోహరంగా ఉంది. అభినందనలు.

      తొలగించు
  25. కరముగ శంకరాభరణ కర్త మనోజ్ఞడు శంకరాఖ్యుడున్
    తరచుగ బెంచ జ్ఞానమును దర్కవితర్క సమస్యలిచ్చిన
    న్నరమర లేక పూరణములన్నికవీంద్రులు జేసిరిప్పుడా
    యిరువదినాల్గు వందలు గణింపగ నొప్పె సమస్య లియ్యెడన్"

    ప్రత్యుత్తరంతొలగించు
    ప్రత్యుత్తరాలు
    1. లక్ష్మినారాయణ గారూ,
      మీ పద్యం హృద్యంగా ఉంది. ధన్యవాదాలు.

      తొలగించు
  26. ఎరుగను పద్యలక్షణము నేనరువై తరియించు నాటికి
    న్నిరువదినాల్గు వందలు గణింపగ నొప్పె సమస్యలియ్యెడన్
    గరువము కల్గుచున్నది సుఖమ్ముగ చేయుచు పూరణమ్ములన్
    కరమగు తృప్తి తోడుతను కాంచుచునుంటిమి దేవలోకమున్

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      చక్కని పద్యాన్ని చెప్పారు. ధన్యవాదాలు.
      సమూహంలో సూచించిన సవరణ గమనించండి.

      తొలగించు
  27. మాచేత నిరత మిచ్చట
    సూచనలన్ జేసి పద్య సుమధుర గంధాల్
    వీచగ జేసెడి క్రమమున
    దోచె సమస్యల గణన చతుర్వింశతియై.

    నిరుపమ దీక్ష బూని యనునిత్యమవశ్యము గాగ నెంచుచున్
    సురుచిర భావముల్ పలుకు సుందరమైన సుపద్య పంక్తులన్
    గురువరులైన శంకరులు కూర్మిని జూపు క్రమంబు నందు నే
    డిరువది నాల్గు వందలు గణింపగ నొప్పె సమస్య లియ్యెడన్.

    హ.వేం.స.నా.మూర్తి

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ మూర్తి గారూ,
      మీ పద్యాలు మనోజ్ఞంగా ఉన్నవి. ధన్యవాదాలు.

      తొలగించు
  28. నాచే మాచే పూచే
    వీచే సాచే కవనము విచ్చెడి జిలుగున్
    మీచే మెచ్చే వీచిన్
    తోచె సమస్యల గణన చతుర్వింశతియై!

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా వారూ,
      బాగుంది మీ పద్యం. ధన్యవాదాలు.
      "పూచెడి వీచెడి సాచెడి మెచ్చెడి.." అనండి.

      తొలగించు
  29. పూచె సుగంధ కుసుమములు
    వీచె మలయ మారుతమన వేల సమస్యల్
    నే చవి గొన జూడ మదికి
    తోచె సమస్యల గణన చతుర్వింశతియై

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ పద్యం మనోహరంగా ఉంది. ధన్యవాదాలు.

      తొలగించు
  30. ఒరులకసాధ్యమైనదిది! యోపికతోడ సమస్యలిచ్చుచున్

    గురువర! మీరు పూరణలు క్రొత్తగ వ్రాసెడి వారికోసమై

    వరముగ శంకరాభరణ బ్లాగును నిత్యము నిర్వహించ నే

    డిరువదినాల్గు వందలు గణింపగ నొప్పె సమస్య లియ్యెడన్

    ప్రత్యుత్తరంతొలగించు
    ప్రత్యుత్తరాలు
    1. సూర్యనారాయణ గారూ,
      మంచి పద్యాన్ని అందించారు. ధన్యవాదాలు.

      తొలగించు
  31. గురువగు కంది శంకరుడు గూడుగ మార్చె జనాళి నే సదా
    కరుణ రసాన్వితాలయమకాముగమార్చెను బ్లాగునేగదా
    ఇరువదినాల్గు వందలు గణింపగ నొప్పె సమస్య లియ్యెడన్
    తరుణముమీరవందలుగతాన్ని గణాంకము మారు మెచ్చగా

    ప్రత్యుత్తరంతొలగించు
    ప్రత్యుత్తరాలు
    1. రామకృష్ణ గారూ,
      మీ పద్యం బాగున్నది. ధన్యవాదాలు.
      'ఆలయ మకాముగ'...?

      తొలగించు
  32. మరులను గొల్పు శంకరుని మానస పుత్రి ప్రసిద్ధి నొందుచున్
    విరిసెను సాహితీ విరులు విజ్ఞుల మన్నన వొంది నేటికిన్
    ఇరువది నాల్గు వందలు గణింపగ నొప్పె సమస్యలియ్యెడ
    న్నరయగ నెంత భాగ్యమది యద్భుత మౌ యనుభూతి గల్గెనే.

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ పద్య పుష్పం మనోజ్ఞంగా ఉంది. ధన్యవాదాలు.
      "విరిసెను పద్య పుష్పములు" అనండి.

      తొలగించు
  33. శ్రీచరణాంచిత సుమమై
    ప్రాచుర్యమునంద' శంకరాభరణ' మ్మై
    సాచివ్యంబై కవులకుఁ
    దోచె సమస్యల గణన చతుర్వింశతియై!

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పద్యం చక్కగా ఉంది. ధన్యవాదాలు.

      తొలగించు
  34. పూచెలతాంతములిచ్చట
    వీచెను పలు సౌరభములు విందుగ నెపుడు
    న్నాచిత్తంబలరారగ
    తోచె సమస్యల గణన చతుర్వింశతియై!!!

    ప్రత్యుత్తరంతొలగించు
  35. మరువనిమంచిపద్యముల మాలనుబేర్చిన శంకరార్య|యే
    మెరుగనివారికైన తనమేధకు బంచెడియూహలెన్నియో
    అరుదుగగానుపించుగద|యద్భుత పూరణలెన్నియోగనన్
    ఇరువది నాల్గు వందలు గణింపగ నొప్పెసమస్యలియ్యెడన్

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ పద్యం మనోజ్ఞంగా ఉంది. ధన్యవాదాలు.

      తొలగించు
  36. తరతమ భావమెన్నడు వితానమునందున జూపకుండినన్
    మెరిసిన పద్యరత్నముల మేటిగ నొప్పుచుఁ బ్రోత్సహించగన్
    దొరలుచు 'శంకరాభరణ' తోరణమందు కవిత్వమొప్పుచున్
    ఇరువదినాల్గు వందలు గణింపగ నొప్పె సమస్య లియ్యెడన్

    ప్రత్యుత్తరంతొలగించు
  37. పరుగిడుకాలవాహినిదిప్రాజ్ఞులువిజ్ఞులుశాస్త్రకోవిదుల్
    చెరగనిముద్రవేసిరిల,శ్రేయముగూర్చగనేర్పుతోడుతన్
    స్థిరమతిశంకరార్యునివిశిష్టతపుణ్యతబ్లాగునేటితో
    ఇరువదినాల్గువందలుగణింపగనొప్పెసమస్యలియ్యెడన్!!!

    ప్రత్యుత్తరంతొలగించు
  38. మీచాతుర్యము తోడను
    మాచేవ్రాయించినారు మధుర కవితలన్
    మాచేతము లుల్లసిలగ
    తోచె సమస్యల గణన చతుర్వింశతియై

    ప్రత్యుత్తరంతొలగించు


  39. పరుగులు దీయుచున్ చనెను బద్యము వాహిని యట్లుగా నిటన్


    సరగున రండు  పూరణలు సక్రమ రీతిన చేసి చూపగన్


    గురువులొసంగిరయ్య మనకుత్సుకతన్  కల్గశంకరార్యులీ


    ఇరువదినాల్గు వందలు గణింపగ నొప్పె సమస్య లియ్యెడన్"

    ప్రత్యుత్తరంతొలగించు