8, జులై 2017, శనివారం

సమస్య - 2405 (అష్టమి తిథి శుభకరమని...)

కవిమిత్రులారా,
ఈరోజు పూరించవలసిన సమస్య ఇది...
"అష్టమి తిథి శుభకరమని యందురు విజ్ఞుల్"
(లేదా...)
"అష్టమి నాడు సేయఁ దగు నన్ని పనుల్ శుభ మండ్రు విజ్ఞులే" 

72 వ్యాఖ్యలు:

  1. కష్టము లకునిల యమ్మని
    అష్టమి తిధి,శుభకరమని యందురు విజ్ఞు
    ల్లిష్టము గాదని నవమిని
    షష్టిని కలహమ్మనుచు సప్తమి కోరన్

    ప్రత్యుత్తరంతొలగించు
    ప్రత్యుత్తరాలు
    1. క్షమించాలి
      రెండవ పాదం మొదలు " యష్టమి తిధి " అని ఉండాలి

      తొలగించు
    2. అక్కయ్యా,
      మీ పూరణ బాగున్నది. అభినందనలు.
      'విజ్ఞుల్+ఇష్టము' అన్నపుడు విజ్ఞు లిషము.. అవుతుంది. లకారద్విత్వం రాదు.

      తొలగించు
  2. అష్టమి కృష్ణుని జన్మము;
    దుష్టుడు మహిషాసురుడను దుర్గాష్టమినన్
    కష్టముల పాలు జేసిన
    యష్టమి తిథి శుభకరమని యందురు విజ్ఞుల్

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.
      'శంకరాభరణం' సమూహంలో పెట్టిన సూచనను గమనించండి.

      తొలగించు
  3. అష్టమి నాడు శుభుoడు గ
    ద ష్టధుముడు, అమ తిది శోభ తమిళుల కిచ్చున్
    కష్టపడి పనులు చేసిన
    అష్టమి తిథి శుభకరమని యందురు విజ్ఞుల్"

    ష్టధుముడు = చంద్రుడు అమ = అమావాశ్య అష్టమి నాడు పూర్ణ చంద్రుడు శుభుడే అమావాశ్య తమిళులకు మంచిది గదా



    ప్రత్యుత్తరంతొలగించు
    ప్రత్యుత్తరాలు
    1. సూర్యకుమార్ గారూ,
      మీ పూరణ బాగున్నది. అభినందనలు.
      ష్టథుముడు ముందున్న ద గురువు కాదు. దానితో గణదోషం.

      తొలగించు
  4. డా.పిట్టా
    కష్టము "పంచకరహితము"1
    అష్టమినే యొప్పుకొనిన నదియగులే ని
    ర్దిష్టము పెళ్ళికి మాత్రము
    అష్టమి తిథి శుభకరమని యందురు విజ్ఞుల్!
    (తిథి,వార,నక్షత్ర,యోగ,కరణముల తో గణింపు)

    ప్రత్యుత్తరంతొలగించు
  5. డా.పిట్టా
    కష్టము,షష్ట మష్టకము గాంచని లెక్కకు నౌను జంట సు
    స్పష్టము వారమున్ తిథియు పాదుగ తార(నక్షత్రం)యు యోగ, కర్ణ1 ని
    ర్దిష్టము లగ్న నిర్ణయము దివ్యము ముఖ్యముగాను పెళ్ళికిన్
    అష్టమి నాడు సేయదగు నన్నిపనుల్ శుభమండ్రు విజ్ఞులే!
    1(అష్టమి తిథి,"పంచకరహిత"గణనకు యోగించును)

    ప్రత్యుత్తరంతొలగించు
  6. డా.పిట్టా
    (వరుని,వధువుల నామ/జన్మ నక్షత్రముల గణనకు 6,8 రావడం షష్టాష్టకము అంటారు.వీరికి జంట కూడదని శాస్త్రం.ఆర్యా,నేను వివాహ లగ్నముల లిస్టు ఇప్పటి వలె పంచాంగంలోయివ్వబడని నాడు లగ్న పత్రికను రూపొందించినాను1960 దశకంలో.పంచకరహితం చేసి శుభ లగ్న తేదీలు యిస్తున్నారీమధ్య.)

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ పంచాంగ పరిజ్ఞానానికి నమస్సులు. మీ రెండు పూరణలు బాగున్నవి. అభినందనలు.

      తొలగించు
    2. డాపిట్టానుండి
      ఆర్యా, ధన్యవాదాలు

      తొలగించు
  7. నిన్నటిపద్యమోసారి చూడండి అన్నయ్యగారూ

    సకలము దెల్పెను వ్యాసుడు

    నకులుండేవరుసగు నాద్రుపదునకున్

    నకళంక చరితు డెవరన

    శుకయోగికి నల్లుడయ్యె సురనది కొడుకే.

    అష్టమి నాడే పుట్టెను
    నిష్టముతో కంసు జంప నిలకృష్ణుండున్
    నిష్టతొ పూజలుసలుపుట
    కష్టమి తిథి శుభకరమని యందురు విజ్ఞుల్"

    యష్టభుజములను దాల్చుచు
    నష్టమినాడే దునిమెను నావేశముతో
    కష్టములిడుమహిషుని నా
    యష్టమి తిథి శుభకరమని యందురు విజ్ఞుల్"


    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ మూడు పూరణలు బాగున్నవి. అభినందనలు.
      నా సూచనలను 'సమూహం'లో చూడండి.

      తొలగించు
  8. నిష్ఠగ తలచిన కార్యము
    నిష్టముగా జేయగోర నిలలో జూడన్
    కష్టము లేరావని దు
    ర్గాష్టమి తిథిశుభకరమని యందురు విజ్ఞుల్

    ప్రత్యుత్తరంతొలగించు
  9. కష్టములను దీర్చి సదా
    యష్టైశ్వర్యముల నొసగు నమ్మయె మనకున్
    నిష్ఠగ కొలువగ నాదు
    ర్గాష్టమి తిథి శుభకరమని యందురు విజ్ఞుల్

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ రెండు పూరణలు బాగున్నవి. అభినందనలు.

      తొలగించు
  10. అష్టమి,నవమీ దశమని
    నిష్టూరాలేలనీతిని విడక పనుల
    న్నిష్టగ జేసిన వేళల
    అష్టమి తిథి శుభకరమని యందురు విజ్ఞుల్

    ప్రత్యుత్తరంతొలగించు
    ప్రత్యుత్తరాలు
    1. శ్రీరామ్ గారూ,
      మీ పూరణ బాగున్నది. అభినందనలు.
      'దశమి+అని' అన్నపుడు యడాగమం వస్తుంది. అక్కడ "నవమి దశమి యని" అనండి. నిష్ట/నిష్ఠ...?

      తొలగించు
  11. కష్టము బాపగ జనులకు
    నష్టభుజమ్ముల మహోజ్జ్వలాయుధతతితో
    నిష్టముగ జనించెడి దు
    ర్గాష్టమి తిథి శుభకరమని యందురు విజ్ఞుల్.

    ప్రత్యుత్తరంతొలగించు
  12. భ్రష్టాలోచనఁ బరులకు
    నష్టము గలిగించుఁ బనుల నైపుణి జూపన్
    దుష్టునకు ముహూర్తమ్మన
    నష్టమి తిథి శుభకరమని యందురు విజ్ఞుల్ !!



    ఇష్టము వచ్చినట్లు , తమకే గుణదోష వివేచనమ్ము సం..
    పుష్టిగ నున్నదంచనెడి బుద్ధిని వీడుము , శాస్త్రబద్ధమౌ
    శిష్టజనోపదిష్టమగు శ్రీకర లగ్నసమన్వితమ్మునౌ
    యష్టమి నాడు చేయదగునన్ని పనుల్ శుభమండ్రు విజ్ఞులే !!

    ప్రత్యుత్తరంతొలగించు
    ప్రత్యుత్తరాలు
    1. మురళీకృష్ణ గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించు
  13. అ ష్టమిని బుట్ట కృష్ణుడు
    అష్టమ తిధి శుభకరమని యందురు విజ్ఞుల్
    శి ష్టుల మాటల మృతములె
    యిష్టమె యా తిది య మాకు నేపని కైనన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  14. ఇష్టము తోడ చేయు ప్రజ ఏనుగు మోరపు వేల్పు పూ జలన్
    దుష్ట చతుర్ధమున్ , గుహుని తోరము చేతికి దాల్చు రెల్లరు
    న్షష్టి దినమ్మునన్, నవమి సంబరముల్ నర జాతియంత ఉ
    త్కృష్టము తోడ చేతురట, దృష్టుల నేక రకమ్ములిచ్చ టన్
    అష్టమి నాడు సేయఁ దగు నన్ని పనుల్శుభ మండ్రువి జ్ఞులే"

    వినాయక “”చవితి “” సుబ్రహ్మణ్య “” షష్టి”” శ్రీరామ “”నవమి”” ఇవి అన్నియు దుష్ట తిదులే మరి ఘనముగ పండుగలు చేసుకుంటున్నాము.





    ప్రత్యుత్తరంతొలగించు
    ప్రత్యుత్తరాలు
    1. సూర్యకుమార్ గారూ,
      చక్కని సమర్థతో మంచి పూరణ. అభినందనలు.

      తొలగించు
    2. ఈ వ్యాఖ్యను రచయిత తీసివేశారు.

      తొలగించు
    3. “దాల్తురెల్లరున్” అనండి. “చేయుదురు”సాధువు. ( నర జాతియంత) చేయునట అనండి.
      చవితి ని నాల్గవ దుష్ట తిథి గా చెప్పి మొదటి రెండవ దుష్ట తిథులు (షష్టి, నవములు) ప్రస్తావించి మూడవ దుష్ట తిథి (అష్టమి) చెప్పక పోవడము సమర్థన భంగమే యవుతుంది.
      చతుర్థము = నాలుగవది. చతుష్కము = నాలుగు.

      తొలగించు
  15. అష్టకములు మంగళమౌ
    నష్టైశ్వర్యము లొసంగు నమ్మను గొలువన్
    దుష్టుల శిక్షింపగదగు
    నష్టమితిధి శుభకరమని యందురు విజ్ఞల్!

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ బాగున్నది. అభినందనలు.

      తొలగించు
  16. అష్టమి నాడు జేయఁదగు నన్ని పనుల్ శుభ మండ్రు విజ్ఞులే
    యష్టమి మంచిదే యనుట నయ్యది విజ్ఞుల మాటగా వున
    న్నిష్టము గల్గి మామదికి నేపని నైనను జేతు మప్పుడు న్
    శిష్టుల మాటలే మనకు శీఘ్రము మంచిని జేయు నెప్పుడున్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  17. శ్రీమతి జి సందిత బెంగుళూరు

    అష్టమికష్టమిచ్చుతిథియందురనేకులదెట్టులుండినన్ !
    స్పష్టముసుమ్ము జ్యోతిషవిశారదులాడినమాటలెల్ల !సు
    స్పష్టమదిద్దిచూడగప్రశస్తముపర్వదినంబుకృష్టజ
    న్మాష్టమి నాడుచేయదగు నన్నిపనుల్ శుభమండ్రువిఙ్ఞులే

    శ్రీమతి జి సందిత బెంగుళూరు .

    ప్రత్యుత్తరంతొలగించు
  18. దుష్టపుఁ జింతలు వీడి స
    మిష్టిగ నుండిన జనులు సమీప్సిత దినమై
    కష్టములఁ దీర్చు నేకో
    నాష్టమి తిథి శుభకరమని యందురు విజ్ఞుల్

    [ఏకోనాష్టమి = సప్తమి]


    అష్టమి నాడు సేయుదురు హ్లాదముగా జను లాయు ధార్చనల్
    కష్టము దీర్ప నష్టమినిఁ గల్గెను గృష్ణుడు ద్వాపరమ్మున
    న్నష్టమి యన్న నేల నిల నందరి కింత భయంబు దెల్పవే
    యష్టమి నాడు సేయఁ దగు నన్ని పనుల్ శుభ మండ్రు విజ్ఞులే

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మీ రెండు పూరణలు ఉత్తమంగా ఉన్నవి. సప్తనిని ఏకోనాష్టమి అనడం ప్రశంసనీయం. అభినందనలు.

      తొలగించు
    2. పూజ్యులు శంకరయ్య గారికి ప్రణామోత్తర ధన్యవాదములు.

      తొలగించు
  19. శ్రీమతి జి సందిత బెంగుళూరు

    8, జులై 2017, శనివారం

    స్పష్టముమొదలిడకర్జము
    కష్టములేయష్టమితిథికలిగించుధరన్
    శిష్టజనరక్షకునిజ
    న్మాష్టమి తిథి శుభకరమని యందురు విజ్ఞుల్

    శ్రీమతి జి సందిత బెంగుళూరు

    ప్రత్యుత్తరంతొలగించు
    ప్రత్యుత్తరాలు
    1. సందిత గారూ,
      మీ రెండవ పూరణ బాగున్నది. అభినందనలు.

      తొలగించు
  20. దుష్టుడగు మహిషుడు తా
    కష్టములొనరించి ప్రజల కాఱియపెట్టన్
    శిష్టుల శివ రక్షించిన
    యష్టమి తిథి శుభకరమని యందురు విజ్ఞుల్

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      మీ పూరణ బాగున్నది. అభినందనలు.
      'దుష్టుండగు...' అనండి.

      తొలగించు
    2. గురువర్యుల సవరణకు ధన్యవాదములు.

      తొలగించు
  21. కష్టము లందుంటివి గద
    నిష్టగ గార్యమ్ము దశమి నేకాదశులన్
    దృష్టి నిడి చేయ, వీడుచు
    అష్టమి తిథి, శుభకరమని యందురు విజ్ఞుల్

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.
      నిష్ట/ నిష్ఠ...?

      తొలగించు
    2. గురుదేవులకు ధన్యవాదములు. సవరించిన పూరణ పరిశీలించ ప్రార్థన :

      కష్టము లందుంటివి గద
      యిష్టఁపు గార్యమ్ము దశమి నేకాదశులన్
      దృష్టి నిడి చేయ, వీడుచు
      అష్టమి తిథి, శుభకరమని యందురు విజ్ఞుల్

      తొలగించు
  22. శిష్టుల బాధలన్ నిలుపి శీఘ్రము గా సరిచేయ భూస్థితిన్
    దుష్ట పలాశిమూకలనుఁ దున్మి, మురారి జనించె సుమ్ము తా
    నష్టమి నాడు, సేయఁ దగు నన్ని పనుల్ శుభ మండ్రు విజ్ఞులే
    యిష్టఫలమ్మునొంద హరి కింపుగ పూజల సల్పి భక్తితో

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించు
  23. , తిష్టలు వేసిన ప్రేమకు
    అష్టమియేమడ్డుగాదు యాలోచించన్
    నష్టమె ననుమానించగ|
    అష్టమితిథి శుభకరమని యందురు విజ్ఞుల్
    2.పుష్టిగ నున్నవాడిపరి పూర్ణత యోగముకాలయాపనే
    నిష్టయు లేకనేబ్రతుకు|నిందలు వందలు వచ్చిజేరినన్
    అష్టమి నాడుసేయదగు నన్నిపనుల్ శుభమండ్రు విజ్ఞులే|
    కష్టము లున్నచో?తిథియు గాంచదగున్ ననుమానమందునే

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.
      'కాదు+ఆలోచింపన్ = కాదాలోచింపన్' అవుతుంది. యడాగమం రాదు. 'నష్టమె యనుమానించగ' అనండి.

      తొలగించు
  24. అష్టమి వర్జనీయమని యార్యులు చెప్పిరి, యాదినంబునన్
    కష్టము నష్టముల్ గలిగి కార్యపు విఘ్నత జెందునంచునే
    స్పష్టము జేసినారనుచు సత్క్రియ లెల్లను మాననేమి దు
    ర్గాష్టమి నాడు సేయదగు నన్ని పనుల్ శుభమండ్రు విజ్ఞులే.

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ, మీ పూరణ బాగున్నది. అభినందనలు.

      తొలగించు
  25. శిష్టులు పలికెద రనిశము
    నష్టమి తిథి పెండ్లి కెపుడు నద్భుత మనుచున్
    దుష్టము షష్ట్యాష్టమి లని
    యష్టమి తిథి శుభకరమని , యందురు విజ్ఞుల్

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ పూరణ బాగున్నది. అభినందనలు.
      "పలికెద రనిశ। మ్మష్టమి... షష్ఠ్యాష్టములని" అనండి.

      తొలగించు
  26. కవిమిత్రులకు నమస్కృతులు. నిన్న మధ్యాహ్నం స్కూటర్‍పై బయలుదేరిన నేను దారిలో రాత్రి ఒక మిత్రుని ఇంట్లో పడుకొని ఉదయం బయలుదేరి ఈ మధ్యాహ్నం హైదరాబాదు సమీపంలోని వృద్ధాశ్రమం చేరుకున్నాను. ప్రయాణపు బడలిక ఎక్కువగా ఉంది. ఇప్పుడు విశ్రాంతి తీసుకొని సాయంత్రం మీ పూరణలను పరిశీలిస్తాను. ఆలస్యానికి మన్నించండి.

    ప్రత్యుత్తరంతొలగించు
  27. స్పష్టము చేసెదన్ వినుము ఛాందస భావనలన్ని వీడి ని
    ర్దిష్ట విధమ్మునన్ గొలువు దిద్దిన మేలగు స్ఫూర్తితోడుత
    న్నిష్టము జూపుచున్ మిగుల నిత్యము వృత్తి పరంబువైనయు
    న్నష్టమి నాడు సేయఁ దగు నన్ని పనుల్ శుభ మండ్రు విజ్ఞులే

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  28. స్కూటరు మీదన పయనము
    మాటల?యోసామి!మీకు మంచిదియేనా?
    మాటలుకాదది కష్టము
    చోటది మరి చెప్పుడార్య!చూడగవత్తున్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      ఎక్కడా ఏ ఇబ్బంది లేకుండా చేరుకున్నాను. ధన్యవాదాలు!

      తొలగించు
    2. గురుదేవులకు ప్రణామములు.ఈ వయసులో స్కూటరు మీద అంత దూరము ప్రయాణించటము చాలా ప్రయాస.దేవుని దయవలన క్షేమముగా చేరుకెునుట సంతోషము కలిగించింది‌.

      తొలగించు
  29. సృష్టికి మోదమున్ గొలుప సొంపుగ దేవకి గర్భమందునన్
    అష్టమి రోజునన్ పొడమె నా యదునందనుడైన కృష్ణు డా
    దుష్టుడు కంసునిన్ దునుమ తొల్లి ధరాతలమందు జూడగా
    నష్టమి నాడే జేయదగునన్ని పనుల్ శుభమంద్రు విజ్ఞులే
    వీటూరి భాస్కరమ్మ

    ప్రత్యుత్తరంతొలగించు
  30. సృష్టిని గలిగిన తిధులవి
    శిష్టులు వచియింప శ్రేయమ్మొసగున్
    షష్టియు చవితిని బోల్చగ
    నష్టమి తిధి శుభకరమని యందురు విజ్ఞుల్
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ రెండు పూరణలు బాగున్నవి. అభినందనలు.
      మొదటి పూరణలో 'గర్భమందు తా। నష్టమి...' అనండి.
      రెండవ పూరణ రెండవ పాదంలో గణదోషం. "వచియింప మనము శ్రేయ..." అనండి.

      తొలగించు
  31. ఇష్టముతో నొనరించిన
    నష్టమి తిథి శుభకరమని యందురు విజ్ఞుల్
    స్పష్టము, తిథులన్నియు నే
    కష్టములొనగూర్చుబోవు కర్మేష్టులకున్.

    ప్రత్యుత్తరంతొలగించు
    ప్రత్యుత్తరాలు
    1. లక్ష్మినారాయణ గారూ,
      మీ పూరణ బాగున్నది. అభినందనలు.
      '...గూర్చబోవు'

      తొలగించు
  32. డ్యూటీకి తగదు డుమ్మా,
    లేటుగ పరిశీలనమ్ము లేల తెలుపుమా,
    స్వీటు సవరణల నిమ్మా
    రొటీను ఎక్స్యూజ్ లు మాకు రుట్టు నిడునమ్మా

    మలి సంధ్యలో స్కూటరు పైన ప్రయాణము వలదనుచు గురువు గారికి క్షమాపణములతో సరదాగా వ్రాసిన పద్యము అన్యధా భావించ వలదు

    ప్రత్యుత్తరంతొలగించు
    ప్రత్యుత్తరాలు
    1. సూర్యకుమార్ గారూ,
      ధన్యవాదాలు. మలిసంధ్యలో ప్రయాణం చేయలేదు. ఒక మిత్రుని ఇంట్లో ఉండి ఉదయం బయలుదేరాను.

      తొలగించు
  33. కష్టం బిదియని యెంచక
    యిష్టంబుగ దీక్ష బూని యేపని నైనన్
    తుష్టిం బొందుచు జేసిన
    నష్టమి తిథి శుభకరమని యందురు విజ్ఞుల్

    కష్టముగా దలంచకను కార్యమునందున శ్రద్ధబూనుచున్
    దుష్టిని గూర్చునందలపుతో చరియించుచు నుండి దానినే
    యిష్టము గాగ నెంచినను యెల్లెడ సందియ మింత లేదుబో
    యష్టమి నాడు సేయఁ దగు నన్ని పనుల్ శుభ మండ్రు విజ్ఞులే.
    హ.వేం.స.నా.మూర్తి.

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ మూర్తి గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించు
  34. కష్టము లిడదట పనులకు
    నష్టమి తిథి! శుభకరమని యందురు విఙ్ఞుల్
    నష్టము లాభము లెంచక
    నిష్టము తోడుత మొదలిడ నే దినమైనన్!

    ప్రత్యుత్తరంతొలగించు

  35. పిన్నక నాగేశ్వరరావు.

    కష్టములు కలుగునంచును

    నష్టమి రోజెట్టి పనియు గైకొనరెవరున్

    నష్టము లేనట్టిది దు

    ర్గాష్టమి తిథి శుభకరమని యందురు
    విజ్ఞుల్.
    ***************************

    ప్రత్యుత్తరంతొలగించు
  36. కష్టము లని భావింతురు
    అష్టమితిధులే గలవు శుభా తిధులు రెండు
    అష్ట ములు దుర్గ కృష్ణా
    అష్టమి తిథి శుభకరమని యందురు విజ్ఞుల్

    ప్రత్యుత్తరంతొలగించు