12, ఏప్రిల్ 2018, గురువారం

సమస్య - 2649 (సరసం బాడుట...)

కవిమిత్రులారా,
ఈరోజు పూరించవలసిన సమస్య ఇది...
"సరసమాడఁగఁ దగవు కృష్ణా! ముకుంద!"
(లేదా...)
"సరసం బాడుట చేతకాదుగద కృష్ణా! గోపికావల్లభా!"
ఈ సమస్యను పంపిన బాబు దేవదాసు గారికి ధన్యవాదాలు.

148 కామెంట్‌లు:

  1. మైలవరపు వారి పూరణ

    వర సత్యాపతి ! వాదులాడగలనా ? , వైదర్భివోలెన్ నినున్
    దురితధ్వంస ! ముదంబునన్ తులసితో దూచంగ నే నేర్తునా ?
    స్మరియింతున్ భవదీయ పాదయుగళిన్ సద్భక్తితో నింతియే !
    సరసం బాడుట చేతకాదుగద కృష్ణా! గోపికావల్లభా!!

    మైలవరపు మురళీకృష్ణ వెంకటగిరి

    రిప్లయితొలగించండి
    రిప్లయిలు
    1. మైలవరపు వారి పూరణ మనోహరంగా ఉన్నది. అభినందనలు.

      తొలగించండి
    2. ఆహాఁ!
      నిజమే గరువుగారు. చాలా మనోహరంగా ఉన్నది.
      అద్భుతం మైలవరపు వారూ!
      అవధానుల సాటి యింకెవరూ!!
      నమోన్నమః!
      🙏🏻💐

      తొలగించండి
    3. కృష్ణార్జునయుద్ధం.... లో అర్జునుడు.....

      వర గాండీవము చేతఁ దాల్చితిని యాపన్నాళి రక్షింపగా !
      నరుడన్ మాయలు చేతకావు , గయుడున్ నమ్మెన్ ననున్ , కేశవా !
      శరణంబే రణమింక , నాకు బలమే సాహాయ్యమౌ ! నీ వలెన్
      సరసం బాడుట చేతకాదుగద కృష్ణా! గోపికావల్లభా!!


      మైలవరపు మురళీకృష్ణ వెంకటగిరి

      తొలగించండి
    4. శ్రీ విట్టుబాబు గారికి... సందేశసంధానకర్త శ్రీ శాస్త్రి గారికి మనఃపూర్వకనమశ్శతములు... నమోనమః 🙏

      ...మైలవరపు మురళీకృష్ణ

      తొలగించండి
    5. నీ మాయలు నాకెరుకలే నల్లనయ్యా !

      మురిపెంబన్ననెరుంగవట్లె మురళిన్ మ్రోగింపగా నేర్వవే..
      పరకాంతన్ దరిజేరబోవు , యమునా ప్రాంతమ్మునందిర్గుచున్
      సరసంబాడుట చేతకాదుగద కృష్ణా ! గోపికావల్లభా !
      యరవిందాక్ష ! యటన్న నమ్మ నెటులయ్యా ! కొంటె గోపాలకా !!

      మైలవరపు మురళీకృష్ణ వెంకటగిరి

      తొలగించండి

    6. స్వామి వారు మీకీ జవాబు పంపించేరండీ మైలవరపు వారు :)



      మురళీ! మైలవ రంపు మిత్రుడ! భళీ మోదావు! నాతోనయా
      తిరకాసుల్? విను నాదు గీత యిదిగో! తీండ్రమ్ముగా చెప్పితిన్
      వరుసల్ గట్టి జిలేబు లెల్ల కనరావా!నల్లనయ్యా యనన్
      పరుగెత్తానయ ! వెంబడించి యనిరే "వంశీధరా!ధర్మమా
      సరసం బాడుట చేతకాదుగద కృష్ణా! గోపికావల్లభా"!


      మెసేజ్ ఫ్రమ్ ది లార్డ్ :)

      జిలేబి

      తొలగించండి
  2. చదువగ భగవద్గీతను చక్కగాను
    తెలియదె పరమాత్మ తెఱగు తేటగాను
    నవ్వులాటలు లేవిట నందగోప!
    సరసమాడఁగఁ దగవు కృష్ణా! ముకుంద!

    రిప్లయితొలగించండి
  3. లోకములనేలు వాడవు శోకములను
    దీర్చెడు భవ బంధములకతీతుడవట
    ధర్మ రక్షకుడవు నీవు ధాతవీవు
    సరస మాడగ దగవు కృష్ణా ముకుంద

    ధాత......రక్షకుడు

    రిప్లయితొలగించండి


  4. వలపు గోర నుద్ధవగీత వరుస బెట్టి
    నైపుణము గనమని పంపి నావు యాద
    వు డొకడిని! నీ సరి మురళి నూద గలడె?
    సరసమాడఁగఁ దగవు కృష్ణా! ముకుంద!


    కృష్ణం వందే జగద్గురు!

    జిలేబి

    రిప్లయితొలగించండి
    రిప్లయిలు
    1. జిలేబీ గారూ,
      మీ పూరణ బాగున్నది. అభినందనలు.
      'కృష్ణం వందే జగద్గురుమ్'

      తొలగించండి
  5. సర్వదుష్టుల సమయించు చక్రధారి!
    విశ్వగీతను బోధించు వినుతచరిత!
    భక్తవరులను కరుణించు భద్రవదన!
    సరసమాడగ దగవు కృష్ణా!ముకుంద!

    రిప్లయితొలగించండి
  6. నొచ్చు నేమోవితా నము గుచ్చు కొనగ
    సత్య దన్నిన డాకాలు చక్క బరచి
    చెలుల ప్రేమను ముదమందు చిలిపి దొంగ
    సరస మాడఁగ దగవు కృష్ణా ముకుంద

    రిప్లయితొలగించండి



  7. విరసం బేలర వెన్న దొంగ యెలమిన్ వృందావ నంబందునన్
    పరిచర్యల్ సయి మేలు వేడబములన్ పాటించినామే సదా
    హరిగోలై నిను నమ్మినాము గదరా !హాసించి భాషించుమా
    సరసం బాడుట చేతకాదుగద కృష్ణా! గోపికావల్లభా!


    నాటి గోపికలు నేటి జమానాలో !


    జిలేబి

    రిప్లయితొలగించండి
    రిప్లయిలు
    1. జిలేబీ గారూ,
      మీ పూరణ బాగున్నది. అభినందనలు.
      'బృందావనం బందు నీ। పరిచర్యల్..." అనండి. 'అందు, నన్' సమానార్థకాలైన ప్రత్యయాలు.

      తొలగించండి
  8. మదను బాణము లన్ వైచి మనసుదోచి
    తప్పుకొని తిరుగుట నీకు ధర్మమగున
    తనువు వేడిని చల్లార్చ తత్క్షణమ్ము
    సరసమాడఁగఁ దగవు కృష్ణా! ముకుంద
    తగవు: న్యాయము

    రిప్లయితొలగించండి
    రిప్లయిలు
    1. అన్నపరెడ్డి వారూ,
      'తగవు' శబ్దానికి ఉన్న అర్థభేదంతో వైవిధ్యమైన పూరణ చెప్పారు. బాగున్నది. అభినందనలు.

      తొలగించండి
    2. గురువర్యులకు నమస్సులు. ధన్యవాదములు.

      తొలగించండి
  9. శంకరాభరణం...12/04/2018...గురువారం
    సమస్య:
    సరసమాడగ దగవు కృష్ణా! ముకుంద!
    **** **** ********
    తే.గీ.
    ఒక గోపిక ఉవాచ....

    సరసమాడుటలో నీకు సాటి నీవె!

    చిలిపి చేష్టలకును జగత్ జెట్టి నీవె!

    లీలలెన్నొ జూపితివి చక్రి!తెలుపేల

    సరసమాడగ దగవు కృష్ణా! ముకుంద ?


    🌿🌿🌿 ఆకుల శాంతి భూషణ్🌷🌷
    ☘ వనపర్తి☘

    రిప్లయితొలగించండి
  10. వలువలు దాచి ఒలువగ శరీర ప్రేమ
    జ్ఞానదాతవని శరణనె గొల్ల భామ
    వేణువూది వేదము తెలుప అరవింద
    సరస మాడగ దగవు కృష్ణా ముకుంద

    రిప్లయితొలగించండి
    రిప్లయిలు


    1. వలువలను దాచి ఒలువగ వనిత లెల్ల
      భక్తి మార్గమున శరణు! భామినులకు
      వేణు వూద వేద్యమ్మాయె విశ్వమెల్ల
      సరస మాడగ దగవు కృష్ణా ముకుంద!

      తొలగించండి
    2. జిలేబీ గారూ,
      రమేశ్ గారి భావానికి చక్కని పద్యరూపాన్నిచ్చారు. ధన్యవాదాలు!

      తొలగించండి
  11. గురువర్యులు శ్రీ కంది శంకరయ్య గారి శంకరాభరణం
    సమస్యాపూరణ :: నేటి సమస్య సంఖ్య-2649
    సమస్య :: *సరసం బాడుట చేతకాదు గద కృష్ణా ! గోపికావల్లభా !*
    కృష్ణా ! నీకు సరస మాడటం రాదు అని చెప్పడం ఈ సమస్యలో ఉన్న విరుద్ధమైన అర్థం.
    సందర్భం :: ఓ కృష్ణా ! గోపికావల్లభా ! యశోదానందనా ! నీవు నవ్వుతూ పలుకరిస్తావు. రకరకాల కథలు చెప్పి నమ్మిస్తావు. సుందర రూపంతో దర్శన మిస్తావు. సుమధుర వేణు గానంతో పరవశింప జేస్తావు. అందరి మనసులను గెలుచుకొంటావు. ఇలా గొప్పగా సరసాలాడే నీ ముందు సరసాలాడటం నాకు చేతకాదు అని ఒక గోపిక కృష్ణునితో సరసాలాడే సందర్భం.

    దరహాసమ్మున బల్కరించి, కథలన్ తాదాత్మ్యమున్ గూర్చి, సుం
    దర రూపమ్మును జూపి, వేణు రవళిన్ ధన్యాత్ములన్ జేసి, యం
    దరి చిత్తమ్ముల గెల్చుచుందువు యశోదానందనా ! నీ యెడన్
    *సరసం బాడుట చేతకాదు గద కృష్ణా గోపికావల్లభా !*
    *కోట రాజశేఖర్ పడుగుపాడు నెల్లూరు.* (12-4-2018)

    రిప్లయితొలగించండి
  12. డా.పిట్టా సత్యనారాయణ
    పల్లె లందున వరుసలు పరిఢవిల్లు
    గాన పరిహాసములు లేక గడువ దచట
    నగరమున నెవరికెవ్వరో నగవుకైన
    సరసమాడ దగవు(జగడము)కృష్ణా!ముకుంద!!

    రిప్లయితొలగించండి
  13. మత్తేభవిక్రీడితము

    ధరణిన్ తొమ్మిది భక్తి రీతులను తాదాత్మ్యమ్ము బోధించినన్
    వరదా! యాత్మనివేదనా భరితులౌ భక్తాది సఖ్యమ్ము లే
    క రసాస్వాదన జేయ నెవ్వరికి సౌకర్యమ్మె? మీతో సదా
    సరసం బాడుట చేతకాదుగద కృష్ణా!గోపికావల్లభా!


    రిప్లయితొలగించండి
  14. డా.పిట్టా సత్యనారాయణ
    వరుడే తెల్గును మాధ్యమంబు గొనగా వచ్చెన్ మహా యోగమే
    పరదేశంపు విభాషనున్ గనినదౌ భార్యా మణిన్ జేకొనెన్
    సరిగా నాంగ్లము రాకపోగ గదిలో సల్లాపముల్ నాస్తి గాన్
    సరసంబాడుట చేతకాదు గద, కృష్ణా! గోపికా వల్లభా!!

    రిప్లయితొలగించండి
  15. తేటగీతి
    ధరణి పై నవ విధ భక్తి తత్వమున్న
    సఖ్య మాత్మ నివేదనా సరళిఁ దెలిసి
    దగ్గరైన వారికి తప్ప తదితరులకు
    సరసమాడఁగఁ దగవు కృష్ణా! ముకుంద!

    రిప్లయితొలగించండి
  16. మధురా నగరిలో చల్లలమ్మబోదు!

    మధుర నమ్మగ చల్లల మంచివెన్న
    చెలుల గూడుచు జనుచున్న చిన్నదాన
    చెయ్యి విడువరో చెలికాడ! చిక్కుబెట్టు
    సరసమాడ తగవు, కృష్ణా! ముకుంద!

    తగవు = కయ్యము

    రిప్లయితొలగించండి


  17. పరువంబొల్కుచు పెన్మిటిన్ సయిగలన్ పైటాల బిల్వంగ తా
    హరిమన్నర్థము గాన లేక కవితల్ హాహాయనన్ గూర్చుచుం
    డెర!గోపాల!నెటుల్ ధవున్కొలుచుచున్ డీకొల్పుదున్!యాదవా!
    సరసంబాడుట చేతకాదు గద, కృష్ణా! గోపికా వల్లభా!

    జిలేబి

    రిప్లయితొలగించండి
  18. ధర్మ రక్షణ సేయగా ధరణి వెలసి
    పాండవు ల కండ యై నిల్చి పర గి తీవు
    గీత బోధను జేసిన పూత చరిత
    సరస మా డ గ తగవు కృష్ణా !ముకుంద !

    రిప్లయితొలగించండి
  19. రిప్లయిలు
    1. యమునా తీరమునా...సంధ్యా సమయమునా....
      జయహో జయభేరి! ☺️

      తొలగించండి
    2. రాధను! నిను చూడగనిట రాగమునను
      యెదురు చూచు బేలను నేను; యేర! జాలి
      యె కలుగద యదు నందన! యే వనితల
      కొంగుల గొని యేమిమ్మని కొసరి నావొ!
      యే సఖియతొ కులికితివొ! యేమని మరి
      యింత సేపు యే యింతికి వంత పాడి
      నావొ దాని చెం తకె పోర! నంద గోప!
      "సరసమాడఁగఁ దగవు కృష్ణా! ముకుంద!"

      తొలగించండి
    3. విట్టుబాబు గారూ,
      మీ పూరణ బాగున్నది. అభినందనలు.
      'రాగమునను + ఎదురు = రాగమున నెదురు' అవుతుంది. యడాగమం రాదు. అలాగే 'నేను + ఏర' సంధి నిత్యం.

      తొలగించండి
  20. గు రు మూ ర్తి ఆ ‌చా రి
    ,,,,,,,,,,,,,,,,,,,,,,,,,,,,,, ,,,,,,,,,,,,,,,,,,


    స‌రసం బాడుట ‌ చేత గాదు గద‌‌ కృష్ణా ! ‌‌ గోపికావల్లభా ‌‌ !

    సరసన్ జేరి నిమేష మైనను పరిష్వంగంబు ‌‌నందుంచి ‌‌ మా

    ధురి జూపింపవు | ముద్దు వెట్ట | ‌వెచటో దూరమ్ముగా ‌నక్కుచున్ ,

    విరహాగ్నిన్‌‌‌‌ రగిలింప జేతువు , భవద్వేణు స్వరాలాపనన్ ‌‌‌‌‌ ‌ |

    సరసీజాక్షులు వారికేళి నలరించన్ జుచి కోకల్ ‌‌ హరిం

    చి రివంచును చాటుగా గల మహా సిధ్రమ్ము పైకెక్కు తుం

    టరి వీవే సుమ ! మోహ యుక్త మగు క్రీడన్ స్త్రీల ‌‌‌ దేలింతువే ‌?


    రివంచు = రివ్ + అంచు

    రిప్లయితొలగించండి
    రిప్లయిలు
    1. గురుమూర్తి గారూ,
      మీ పూరణ మనోహరంగా ఉన్నది. అభినందనలు.
      "చి రివంచును.." అన్నచోట గణదోషం. సవరించండి.

      తొలగించండి
    2. గురు మూర్తి ఆచారి గారు నమస్సులు. రివ్ + అంచు= రివ్వంచు సాధువు.


      అనుకరణంబునం దుదిహల్లునకు ద్విర్వచనం బగు.
      కింతత్‌ + అనియె = కింతత్తనియె
      కస్త్వమ్‌ + అనియె = కస్త్వమ్మనియె

      తొలగించండి
    3. దో ష ము తె లి పి నం దు కు ధ న్య వా ద ము లు

      పోచిరాజ కామేశ్వర సత్కవి శేఖరులకు ప్రణామములు

      నేను సవరణగావింప యత్నించెద

      తొలగించండి
    4. “హరిం/ చి రవక్షీణపదద్వయమ్మున మహా...” అన్న బాగుంటుంది. జూచి ముద్రణ దోషము.

      తొలగించండి
    5. గురుమూర్తి ఆ చా రి

      చివరి నుండి రెండవపాదము సవరణ
      ..............................


      చి రయానన్ దరి యందు నుండిన మహా సిధ్రమ్ము పైకెక్కు తుం



      తొలగించండి
  21. భేద బావము లేకయె ప్రేమ బంచి
    కొంటె యనిపేరు కొనితెచ్చు కొంటివీవె
    యెవరి తోడను మఱినీవు నెప్పుడైన
    "సరసమాడఁగఁ దగవు కృష్ణా! ముకుంద?"

    రిప్లయితొలగించండి
  22. వేణు గాన లోల పదము విడువ జాల
    మేరు ధీర గంభీరనీ మేధ చూడ
    తీరు తెన్నులు నీవనే తెల్ల మాయె
    సరసమాడఁగఁ దగవు కృష్ణా! ముకుంద!

    Dr Varalakshmi
    Bangalore

    రిప్లయితొలగించండి
  23. కన్నె పిల్లల తోడన గలను నైన
    సరస మాడగ తగవు కృష్ణా! ముకుందా!
    వారి గాపాడు దుష్టుల బారి నుండి
    యార్త రక్షకు డవుగాన నడుగు చుంటి

    రిప్లయితొలగించండి
  24. పాలు బట్ట్టగ వచ్చిన పడతి నడచి
    నావు,బండి చక్రమ్మును నట్ట నడుమ
    త్రుంచి రక్కసు ప్రాణముల్ త్రోఛి నావు,
    రోలు నడుముకు జుట్ట తరువుల జతను
    గూల్చినావు, గోవర్ధనమ్ కొండ నెత్తి
    జనతకు ముదము నిడినావు, సరస గతిని
    పాము పడగ నె క్కి నటితి పఱచి నావు ,
    యిళ్ళ లోదూరి వెన్నను కొల్ల గొట్టి
    నావు, తరచి చూడ నిలలో నీవు యిట్టి
    పనులనే జేసితివి గదా, పడతి తోడ
    "సరసమాడఁగఁ దగవు కృష్ణా! ముకుంద

    రిప్లయితొలగించండి
    రిప్లయిలు
    1. కృష్ణసూర్యకుమార్ గారూ,
      మీ పూరణ బాగున్నది. అభినందనలు.
      'గోవర్ధనమ్' అని హలంతంగా వ్రాయరాదు. "...గూల్చి గోవర్ధనమ్మను కొండ నెత్తి"... అనండి. 'పరచినావు + ఇళ్ళలో' అన్నపుడు సంధి నిత్యం. యడాగమం రాదు. "పఱచినాడ । విళ్ళలో దూరి..." అనండి.

      తొలగించండి
  25. సరసీజాక్షుడ !నీకు సాటి యెవరో చర్చింప మృగ్యమ్మగున్
    మురిపెమ్ముల్ గురిపించినావు గదరా ! మోహమ్మె బుట్టించుచున్
    తరుణుల్ వేలుగ నిన్నుజేరుదురుగా ! తర్కింప నింకేరికిన్
    "సరసం బాడుట చేతకాదుగద కృష్ణా! గోపికావల్లభా!"



    రిప్లయితొలగించండి
  26. సరసం బాడుట చేత కాదు గద కృష్ణా? గోపికావల్లభా?
    సరసం బాడగ నాది సద్గురువువై సాధించితే కీర్తి, నా
    సరసత్వంబుల నాడ గోపసఖినే!, సాన్నిధ్యమేపారగన్
    గరమర్థించెద నీదు భక్తికొరకై, కాపాడుమో!శ్రీహరీ!.

    రిప్లయితొలగించండి
  27. కర మౌ చల్లని చూపుల న్ బరపుచు న్ కం జా క్షులౌ గోపికా
    వి ర హం బు ల్ వదలిoచి వేణు సడి తో విశ్వాన్ని మో హాం బు ధి న్
    త రి యింపం గ నొ న ర్చు యో గ్యపరుడౌ దామోదరా నీ యె డ న్
    సరస oబాడు ట చేత కాదు గద కృష్ణా !గోపికా వల్ల భా !

    రిప్లయితొలగించండి
  28. ఝరిగా చంద్రుడు వెన్నెలన్ విడుచు శారదా నిషల్లోన గో
    ప్పరివరాంగనలందరూ మురళి దివ్య గాన యాసక్తులై
    హరితో రాధిక పాట బాడు తరి నాయ్యో! గోప బాలుడిట్లనెన్
    "సరసంబాడుట చేత కాదు కద కృష్ణా గోపికా వల్లభా!"

    సరసన + పాడుట గా తీసుకోవడం జరిగింది

    గోప బాలుడు రాధిక కు కూడా కృష్ణుని వేణు గాననికి అనుకూలము గా పాడలేకున్నది అని ఆమెను ఆట పట్టిస్తున్నాడు
    తప్పులు ఉంటే సరిదిద్దగలరు

    రిప్లయితొలగించండి
    రిప్లయిలు
    1. శ్రీకర్ గారూ,
      మీ పూరణ బాగున్నది. అభినందనలు.
      మొదటి, రెండవ పాదాలలో గణదోషం. మూడవపాదంలో యతి తప్పింది. సవరించండి.

      తొలగించండి
  29. (కృష్ణుని చేష్టలు భరించలేని గోపిక తలపులు)
    వేణువూదుచు మము జేసె వివశు లంచు
    పరమ ప్రీతిచే నిను జేర పడెద వేల
    సరసమాడఁగఁ దగవు? కృష్ణా! ముకుంద!
    ప్రేమరాహిత్యము తగునా వెన్న దొంగ?

    రిప్లయితొలగించండి
  30. శ్రవణమ్మున్ స్మరణమ్ముఁ గీర్తనములన్ సంసేవనార్చాదులన్
    చరణాబ్జద్వయి మ్రొక్కి సల్పెదను, దాస్యత్వమ్ము సఖ్యమ్ములన్
    హరి! నీ కై యెనరింతునయ్య,తుది నా యాత్మార్పణం జేతు,నీ
    సరసంబాడుట చేత కాదు గద కృష్ణా!గోపికావల్లభా!.

    రిప్లయితొలగించండి
    రిప్లయిలు
    1. రామాచార్య గారూ,
      మీ పూరణ ప్రశస్తంగా ఉన్నది. అభినందనలు.
      'ఆత్మార్పణం' అనడం వ్యావహారికం. "నా యాత్మార్పణం బిత్తు" అందామా?

      తొలగించండి
    2. నమస్కారములు.
      అలాగే "యాత్మార్పణం బిత్తు",మరియు
      మొదటి పాదంలో
      "శ్రవణమ్మున్ స్మరణమ్ము"కు బదలుగా
      స్మరణమ్మున్ శ్రవణమ్ము"గా చదువగలరు.

      తొలగించండి
  31. భాగ్యవంతునకీయవు బహుళసుతులు
    పేదవానికి యిత్తువు పెక్కుసంతు
    చదువు యిచ్చినయెడ లచ్చిలేదు! ఇట్టి
    సరసమాడఁగఁ దగవు కృష్ణా! ముకుంద!

    భాగ్యవంతునకీయవు బహుళసుతులు
    పేదవానికి యిత్తువు పెక్కుసంతు
    చదువు యిచ్చినయెడల లచ్చినొసగవుగ
    సరసమాడఁగఁ దగవు కృష్ణా! ముకుంద!

    - శ్రీకాంత్ గడ్డిపాటి

    రిప్లయితొలగించండి
    రిప్లయిలు
    1. శ్రీకాంత్ గారూ,
      మీ పూరణ బాగున్నది. అభినందనలు.
      'పేదవానికి నిత్తువు... చదువు నిచ్చిన...' అనండి. మూడవ పాదంలో యతి తప్పింది. సవరించండి.

      తొలగించండి
    2. అలాగేనండీ.. _()_

      భాగ్యవంతునకీయవు బహుళసుతులు
      పేదవానికి నిత్తువు పెక్కుసంతు
      చదువునిచ్చిన చోటుల చాల లేమి
      సరసమాడఁగఁ దగవు కృష్ణా! ముకుంద!

      తొలగించండి
  32. అక్షయ పాత్రలో నొక్క మెతుకైన నున్న నిమ్మనిన కృష్ణునితో ద్రౌపది మాటలు:

    ముని వరుండు దుర్వాసుఁడు సనెను నదికి
    భోజనార్థి యన నడుగ భాజనమ్మె
    కడుగ నక్షయ పాత్రను గలదె మెతుకు
    సరసమాడఁగఁ దగవు కృష్ణా! ముకుంద!


    వర పుష్పాదులు తేఁడు ముచ్చటగ నే వాచ్యంబులం బల్కఁడే
    నిరతం బా ధన సంచయ వ్యసన సాన్నిధ్యుండు మూర్ఖుండు దా
    నొరులం జూచియు నేర్వ నొల్లఁ డితఁ డయ్యో రామ! నా భర్తకుం
    సరసం బాడుట చేత కాదు గద కృష్ణా! గోపికా వల్లభా!

    రిప్లయితొలగించండి
    రిప్లయిలు
    1. కామేశ్వర రావు గారూ,
      మీ రెండు పూరణలు అద్భుతంగా ఉన్నవి. అభినందనలు.
      రెండవ పూరణ తృతీయపాదాంతంలో 'భర్తకున్' అని ఉండాలి కదా? దాని తర్వాత సరళాదేశం లేదు కనుక అక్కడ బిందువు రాదు.

      తొలగించండి
    2. పూజ్యులు శంకరయ్య గారికి నమఃపూర్వక ధన్యవాదములు. అవునండి పొరపాటైనది. గమనించ లేదు. ధన్యవాదములు.

      తొలగించండి
    3. వర పుష్పాదులు తేఁడు ముచ్చటగ నే వాచ్యంబులం బల్కఁడే
      నిరతం బా ధన సంచయ వ్యసన సాన్నిధ్యుండు మూర్ఖుండు దా
      నొరులం జూచియు నేర్వ నొల్లఁ డితఁ డయ్యో రామ! నా భర్తకున్
      సరసం బాడుట చేత కాదు గద కృష్ణా! గోపికా వల్లభా!

      తొలగించండి
  33. అద్భుతమైన పూరణలార్యా!! నమస్సులు!!🙏🙏🙏🙏

    రిప్లయితొలగించండి
    రిప్లయిలు
    1. డా. సీతా దేవి గారు నా పూరణములకా మీ ప్రశంస! ధన్యవాదములు (అన్య పూరణముల కైనను).

      తొలగించండి
    2. మీకే నార్యా! మీ అనుమతి లేకయే ఈ రోజు వాట్సప్ గ్రూపులో మీ పూరణ నుంచితిని!!
      🙏🙏🙏🙏

      తొలగించండి
    3. 👌👌👌👌
      ప్రసాద్ ఆత్రేయగారి స్పందన

      తొలగించండి
    4. శారదా నిల యాభిధాన శంక రాభర ణాంకిత పూరణముల కేల యనుమతి? మీకును మఱియు ప్రసాద్ ఆత్రేయ గారికి ధన్యవాదములు.

      తొలగించండి
  34. శంకరాభరణ కవి వరులారా నమస్సులు. మీ యందఱి శుభాకాంక్షలతో గురు దేవులు పెద్దల యాశీర్వచన బలముతో నా “శ్రీమదాంధ్ర సుందర కాండ” 23/3/2018 న సమాప్త మయినది. ఇప్పుడు విశేష పరిశీలనలో నున్నది. 68 సర్గములు, 2451 పద్యములు.

    రిప్లయితొలగించండి
    రిప్లయిలు
    1. కామేశ్వర రావు గారూ,
      మహదానందం! శుభాకాంక్షలు!

      తొలగించండి
    2. చాలా సంతోషం కామేశ్వరార్యా!
      👌🏻👏🏻🙏🏻💐

      తొలగించండి
    3. చాలా సంతోషదాయకమైన విషయం. మీకు హృదయపూర్వక అభివందనములు

      తొలగించండి
    4. గురుమూర్తి ఆచారి

      మహదానందము మహద్భాగ్యము పోచిరాజ సత్కవి శేఖరా !

      తొలగించండి
  35. అభినందన సుమాంజలి కవిశేఖరా! త్వరలో పుస్తక రూపంలో రావలెనని ఆకాంక్ష!!💐💐💐🙏🙏🙏

    రిప్లయితొలగించండి
  36. "కుప్పించి యెగసిన..." కు
    ముందు రోజు అర్జునుడు:

    శరముల్ జొచ్చగ కంచుకమ్మునను నాశమ్మాయె నా క్షాంతియున్
    కరముల్ భీతిలి సంచలించగను సంకల్పమ్ము కోల్పోవగా
    తరుణమ్మా యిది నీవిటుల్ నగుచు నిందల్ మోపగన్ ; నీవలెన్
    సరసం బాడుట చేతకాదుగద కృష్ణా! గోపికావల్లభా!

    రిప్లయితొలగించండి
  37. పురిగొల్పంగక నేపనించలుప నామోదించవన్చున్ తలం
    తురుగా! గోపికలందరుంగలిసి నీతోముచ్చటల్చేయగన్
    సరసుంజేరగ విడ్చువస్త్రముల నేసాకుండి దాచుంచెనో
    సరసంబాడుటచేత కాదుగదా ! కృష్ణా !గోపికావల్లభా!

    రిప్లయితొలగించండి
    రిప్లయిలు
    1. సీతారామయ్య గారూ,
      మీ పూరణ బాగున్నది. అభినందనలు.
      'పురిగొల్పంగను నేపనిం జలుప నామోదింపవచ్చున్... ముచ్చటల్సేయగన్...' అనండి. 'దాచి + ఉంచెదో' అన్నపుడు సంధి లేదు. యడాగమం వస్తుంది.

      తొలగించండి
    2. 🙏🏽 ధన్యవాదములు శంకరయ్యగారూ.
      సవరణలు గ్రహించాను
      తొలిసారిగా మత్తేభాన్ని ఎదుర్కొనే స్పూర్తి నిచ్చినందుకు మీకూ శంకరాభరణానికీ ధన్యవాదములు

      ఏకారణం వల్లనైనా ప్రేరేపింప బడకుండా ఏ పని చేయనొప్పవు
      గోపికల వలువలు దాచడం
      సరసములాడుట చేత(వలన) కాదుకదా!

      అనే భావంతో వ్రాయ యత్నంచాను

      తొలగించండి
  38. డా.ఎన్.వి.ఎన్.చారి 9866610429
    కరచేవానికి చేతకాదుగద సంస్కారం బు శోభిల్లగన్
    సరసంబాడుట; చేతకాదుగద "కృష్ణా'గోపికావల్లభా"
    వరుసన్నిట్లని బిల్వ కంస శిశుపాలుం డున్ పరంధామ నిన్
    సరగున్ బిల్చిరే ?సదయ!సంప్రాప్తించె సన్ముక్తియున్

    రిప్లయితొలగించండి
    రిప్లయిలు
    1. చారి గారూ,
      మీ పూరణ బాగున్నది. అభినందనలు.
      'కరచే' అన్నది వ్యావహారికం. 'కంస శిశుపాలురు' అని కదా ఉండాలి. 'సరగున' అనడానికి 'సరగున్' అన్నారు.

      తొలగించండి
  39. ధరణింబ్రోవగ ధర్మమున్ నవనిలో స్థాపించు యత్నమ్మునన్
    గురుసేనన్ గని బంధుజాలమని సంకోచించెడిన్ వేళలో
    కరుణం గీతను జెప్పినావనిని సత్కారుణ్యమున్ జూపుచున్
    సరసంబాడుట చేతకాదుగద కృష్ణా గోపికా వల్లభా.

    రిప్లయితొలగించండి
    రిప్లయిలు
    1. విరించి గారూ,
      మీ పూరణ బాగున్నది. అభినందనలు.
      'ధర్మమున్ + అవనిలో = ధర్మము నవనిలో' అవుతుంది. "ధర్మమున్ వసుధపై" అనండి. అలాగే "సంకోచించు నవ్వేళలో.... జెప్పినావుగద..." అనండి.

      తొలగించండి
  40. బాలగోపాలమురిపాల జోలయందు
    చేతులన్నవి గాలిలో చిందులేయ
    కాలగమనాన్ని కాళ్లచే గదుముచుండ
    సరసమాడగ దగవుక్రష్ణా!ముకుంద!

    రిప్లయితొలగించండి
    రిప్లయిలు
    1. ఈశ్వరప్ప గారూ,
      మీ పూరణ బాగున్నది. అభినందనలు.
      'గమనాన్ని' అన్నది వ్యావహారికం. "గమనమున్" అనండి.

      తొలగించండి
  41. విరులున్ నవ్వగ రంగులుంచుచును నిర్వీర్యంబు గానీయకన్
    తరులున్,జీవులరక్షగూర్చగల సంధానమ్ము జేకూర్చుచున్
    మరువన్ జాలని భక్తవర్యులను సౌమ్యంబందు గాపాడు నీ
    సరసం బాడగ చేత గాదుగద కృష్ణా|గోపికావల్లభా|

    రిప్లయితొలగించండి
  42. వేడ వలువలిచ్చితి వీవువిజయు సతికి
    విప్రవనితలొసంగిన విందు కుడిచి
    ముదము చేకూర్చిన ఘనుడవో మురారి
    సరసమాడగ దగవు కృష్ణా ముకుంద.


    నామొర పెడచెవి నిడుచు .
    నన్ను వీడి
    చనిన నీదుమాటలికనే సమ్మతింప
    సరసమాడగ దగవు కృష్ణా ముకుంద
    వేయిమాట లాడగనేల వెడలు మింక

    విరహమున నను ముంచిన వేణుగోప
    బాల వేచిన నను వీడి పరుల తోడ
    సరస మాడcగc దగవు,కృష్ణా!ముకుంద
    వాసుదేవ వడిగ రార వలపు పంచ.

    చేరితి యమునా తీరము శీఘ్రముగను
    నీకొరకిట నేనుండగ నీరజాక్ష
    పరపడతులతో కులుకుచు మరల మరల
    సరసమాడఁగఁ దగవు కృష్ణా! ముకుంద

    రిప్లయితొలగించండి
  43. తరులన్ వైచియు చీరలవ్విధముగన్, తానేమెరుంగన్, మనో
    హర! నీవీ గతి రచ్చజేసినయెడన్ హాయౌనె? తాత్పర్యమున్
    అరయన్ గోపిక లాగలేరుకద, అయ్యో! నీటుగా ప్రేమగా
    సరసంబాడుట చేత కాదు కద కృష్ణా! గోపికా వల్లభా!

    (చీరలావిధముగ చెట్లపై వేసి ఏమెరుగక ఉంటివి కదా మనోహరా (మనస్సులను హరించు వాడా)
    నువ్విలా రచ్చ చేస్తే ఎవరికి హాయిగా ఉంటుంది? అలా ఎందుకు చేశావో (కాత్యాయనీ వ్రత నియమాలు) అర్ధమైన పిదప గోపికలు ఆగలేరు కద. కృష్ణా! చక్కగా సరసమాడుట చేతకాదా?)
    శ్రీకాంత్ గడ్డిపాటి.
    (నా మొదటి మత్తేభ విక్రీడితము అండీ)

    రిప్లయితొలగించండి
    రిప్లయిలు
    1. శ్రీకాంత్ గారూ,
      మొదటి మత్తేభమైనా చాలావరకు బాగున్నది. 'తానేమెరుంగన్' అన్వయదోషం. "తాత్పర్యమున్ అరయన్' అని విసంధిగా వ్రాయరాదు. "తాత్పర్యమే యరయన్" అనవచ్చు. 'లాగ' అన్నది సాధువు కాదు.
      పద్య రచనా వ్యాసంగం కొనసాగించండి. తొందరలోనే మీరు నిర్దోషంగా చక్కని పద్యాలు వ్రాస్తారు. స్వస్తి!

      తొలగించండి
    2. అలాగేనండి. చాలా కృతజ్ఞతలు.. _()_

      తొలగించండి
  44. సురరాట్గొల్చెడి పాదయుగ్మము శశీసూర్యాక్షులున్ నిత్యమౌ
    వరశీర్షంబును బర్హిపింఛమును శ్రీవత్సాంకమున్ మోవిపై
    మురళీ వాద్యము కౌస్తుభాంగమును నెమ్మోమున్ మదిన్దల్చగా
    గిరిధారీ! వనమాలికాభరణ! సిగ్గెంచన్ కుచేలుండనే!
    సరసంబాడుట చేతగాదు గద కృష్ణా ! గోపికావల్లభా!

    రిప్లయితొలగించండి
    రిప్లయిలు
    1. సీతాదేవి గారూ,
      మీ పూరణ బాగున్నది. అభినందనలు.
      'సురరాట్' అని సమాసంలో కాకుండా విడిగా ప్రయోగించరాదు. అక్కడ "సురరాడ్వందిత పాదయుగ్మము..." అనండి. 'శశిసూర్యాక్షముల్' అనాలి. కాని అలా అంటే గణదోషం అవుతుంది. మిగతా పద్యమంతా అద్భుతంగా ఉన్నది.

      తొలగించండి
    2. ధన్యవాదములు గురుదేవా! సవరించడానికి ప్రయత్నిస్తాను!🙏🙏🙏

      తొలగించండి
    3. సురరాడ్వందిత పాదపద్మముల శ్రీ సోమార్కనేత్రంబులన్
      వరశీర్షంబును బర్హిపింఛమును శ్రీవత్సాంకమున్ మోవిపై
      మురళీ వాద్యము కౌస్తుభాంగమును నెమ్మోమున్ మదిన్దల్చగా
      గిరిధారీ! వనమాలికాభరణ! సిగ్గెంచన్ కుచేలుండనే!
      సరసంబాడుట చేతగాదు గద కృష్ణా ! గోపికావల్లభా!

      శ్రీ = శ్రేష్ఠమైన

      తొలగించండి
  45. మాయాబజారులో ఘటోత్కచుడు:

    పరిహాసమ్మని పూనితిన్ ముసలి యౌబాపణ్ణి లేపించగా
    విరసమ్మాయెను నాదు దార్ఢ్యమిక నీవే నా గతిన్ దెల్పవే
    కరముల్ మోడ్చుచు వందనమ్మిడుదు నీ కారుణ్యమున్ జూపుమా!
    సరసం బాడుట చేతకాదుగద కృష్ణా! గోపికావల్లభా!

    రిప్లయితొలగించండి
    రిప్లయిలు
    1. ప్రభాకర శాస్త్రి గారూ,
      ఎక్కడినుంచి వస్తాయండీ ఈ విలక్షణమైన ఆలోచనలు? చక్కని పూరణ. అభినందనలు.
      'బాపణ్ణి' అనడం వ్యావహారికం. "ముసలియౌ పాఱున్ దగన్ లేపగన్" అనండి.

      తొలగించండి
    2. మైలవరపు మురళీకృష్ణ గారు ఉవాచ:

      శ్రీ శాస్త్రి గారూ.. సందర్భశుద్ధి... ధారాశుద్ధి గల పద్యం... చిన్న సవరణ అవసరం.. ఇలా 👇
      ✅✅✅✅

      మాయాబజారులో ఘటోత్కచుడు:

      పరిహాసమ్మని పూనితిన్ ముసలి విప్రశ్రేష్ఠునిన్ లేపగా ,
      విరసమ్మాయెను నాదు దార్ఢ్యమిక నీవే నా గతిన్ దెల్పవే
      కరముల్ మోడ్చుచు వందనమ్మిడుదు నీ కారుణ్యమున్ జూపుమా!
      సరసం బాడుట చేతకాదుగద కృష్ణా! గోపికావల్లభా!

      🙏🙏🙏

      తొలగించండి

  46. తే.గీ.
    పారిజాతపుష్పము సత్యభామకిడక
    సరసమును రాధతో నీవు సల్పుచుండ
    సతుల తగవు దీర్చగ స్వర్గ సమరమేన!
    సరసమాడగ తగవు కృష్ణా! ముకుందా!

    రిప్లయితొలగించండి
    రిప్లయిలు
    1. మల్లేశ్వర్ గారూ,
      మీ పూరణ బాగున్నది. అభినందనలు.
      'కదా' అనే అర్థంలో 'న' ప్రయోగం సాధువు కాదు. "సమరమైన" అందామా?

      తొలగించండి
  47. కట్ట లేనయ్య నినురోట కంబుధరుడ
    సత్య వలెనిన్ను సాధించ శక్యమగునె
    మదిని దలచుచు నీకొర కెదురు జూతు
    సరసమాడగఁ దగవు, కృష్ణా !ముకుంద !!!

    రిప్లయితొలగించండి
  48. అరయం జాలక నిన్ను నా మనములో నచ్చోట నిచ్చోటలన్
    మరుగై యుంటి వటంచు వెర్రిని గదా మాల్మిన్ సదా జూతు నా
    తరమా బేలను బాల గోపికనురా తప్పెన్నుటల్ న్యాయమా
    సరసం బాడుట చేతకాదుగద కృష్ణా! గోపికావల్లభా!

    రిప్లయితొలగించండి
  49. మనోహరమైన పూరణ మిస్సన్నగారూ! అభినందనలు!🙏🙏🙏🙏

    రిప్లయితొలగించండి
  50. వ్రతము చేయగ నెంచగ వలువ లెల్ల
    దాచి తరువుపై నుంచుట ధర్మ మౌనె
    సరస మాడగ తగవు కృష్ణాముకుంద
    వలువ లొసగి పొమ్మిటనుండి వాసుదేవ.

    రిప్లయితొలగించండి
  51. శ్రీకృష్ణ రాయబారమున సయోధనుడు పరమాత్మతో:

    మత్తేభవిక్రీడితము

    మరియాదా? హరి రాయబారమున సంభాషించగా నిట్టులన్!
    పరశౌర్యమ్ముల భీతిఁ గౌరవుల నే బారంగ నాశింతువో?
    మురిపాలందున తేలియాటలనుచున్పోరెంచి మాకెన్నడున్
    సరసం బాడుట చేతకాదుగద కృష్ణా!గోపికావల్లభా!!

    రిప్లయితొలగించండి
  52. బావ ! యాదవా ! యని నిన్ను పలు విధముల
    సరస మాడిన నా కనుల్ తెరచు కొనెను
    నీదు విశ్వరూపము గాంచ నిజము తెలిసె
    "సరసమాడఁగఁ దగవు కృష్ణా! ముకుంద!"
    (భగవద్గీత లో విశ్వరూపసందర్శన యోగం లో అర్జునుడు ఇలా భక్తిపూర్వకంగా తన పశ్చాత్తాపాన్ని వెల్లడించాడు)

    రిప్లయితొలగించండి
  53. పరగ పదియారు వేలుగ పడతులందు
    సరసముల దేలు నీవు దేవరవు కాదె !
    ఒక్క కాంతనే బ్రేమించి యోడి పోతి
    సరస మాడంగ , తగవు- కృష్ణా ముకుంద

    రిప్లయితొలగించండి
  54. 12-4-18
    .. .. .. ..సమస్య
    సరసం బాడుట చేతకాదు గద
    కృష్ణా! గోపికావల్లభా!

    సందర్భము: ఒక గోపిక అంటున్నది కృష్ణునితో...
    ఈసు నసూయలు జీవులకు సహజములు. వారి ప్రేమలో.. నా ప్రియుడు నాకే దక్కా లనే స్వార్థం పా లెక్కువ.
    అట్లే కష్ట సుఖా లనే ఆటుపోట్లతో జీవితాంతం కొట్టుమి ట్టాడుతూనే వుంటారు. ఇక నీవా! నిరంతరం ఆనంద స్వరూపుడవే! దేవుడవే! నీ కిదంతా ఒక క్రీడ. కాని మాకు కాదు సుమా!
    మా కేమో పిల్లికి చెలగాటం ఎలుకకు ప్రాణ సంకటం లాంటిది. ఇక నే నంటావా అలవికాని మోహంచేత ఆక్రమించబడిన దానను. మా మనసే అలాంటిది.
    కాబట్టి నిజం చెప్పా లంటే నీతో సరసా లాడడానికి నాకు చేతకాదు సుమా!
    ~ ~ ~ ~ ~ ~ ~ ~ ~~ ~ ~ ~ ~ ~ ~ ~
    ధరలో నీసు నసూయలున్ మరియు స్వా
    ర్థ ప్రేమలున్ జీవు లం
    దరికిన్ సాజము లాటు పోట్లును, చి దా
    నంద స్వరూపుండ వీ
    వరయన్ దేవుడ, వాట నీ కిదియ, మో
    హాక్రాంతనే! నీ యెడన్
    సరసం బాడుట చేతకాదు గద కృ
    ష్ణా! గోపికావల్లభా!

    2 వ పూరణము:--

    సందర్భము: ప్రాణేశ్వరుడైన కృష్ణునితో రాస క్రీడలో పాలుగొన్న ఒక గోపిక ఇలా భావించుకుంటున్నది...
    "నారీ నారీ నడుమ మురారి హరికీ హరికీ నడుమ వయారీ" అనే భావన సుప్రసిద్ధమైనదే! అది కృష్ణ పరమాత్ముడు గోపికలతో అద్భుతమైన రాసలీలను నెఱపిన ఘట్టం. ఆతనిది దివ్యమైన ప్రేమ యనే యమృతం రూపు దాల్చగా దిగివచ్చిన జగన్మోహనాకారం.
    ఆమె ఇంకా ఇలా అంటున్నది...
    "మాధవా! ఆ సందర్భంలో వెలిగిపోయే నిన్ను స్మరించుకుంటున్నాను. అది చాలు నాకు.. రావా!
    నిజం చెప్పా లంటే నీతో సరసా లాడడానికి నాకు చేతకాదు సుమా!"
    ~ ~ ~ ~ ~ ~ ~ ~ ~~ ~ ~ ~ ~ ~ ~ ~
    తరుణీ రత్నము లిద్ద రొక్కొక దెసన్
    దన్మధ్యమందున్ దగన్
    వర ప్రేమైక సుధార సాకృతివినై
    భాసిల్లగా నీవు భా
    స్వర రాసోత్సవ మొప్పె; నిన్ దలతు, రా
    వా! నాకు నీతోడ నే
    సరసం బాడుట చేతకాదు గద కృ
    ష్ణా! గోపికావల్లభా!

    3 వ పూరణము...

    సందర్భము: ఆనంద బాష్పాలతోనే సతమతమైపోతూ ప్రాణేశ్వరుడైన కృష్ణుని దర్శించడానికే విఫల ప్రయత్నం చేస్తున్న తనకు సరసములాడే తీరిక యెక్కడి దని ఒక గోపిక ఇలా వాపోతున్నది.
    ~ ~ ~ ~ ~ ~ ~ ~ ~~ ~ ~ ~ ~ ~ ~ ~
    కురియున్ బాష్పము లొక్కతీరుగ నినున్
    గోపాల! భావించి, నే
    మురియన్.. బాష్పములందు చూపులను నే
    పోనిచ్చి, నీదౌ మనో
    హర రూపంబును చూడగా విఫలమౌ
    యత్నంబె కావింతునే!
    సరసం బాడుట చేతకాదు గద కృ
    ష్ణా! గోపికావల్లభా!

    🖋~డా.వెలుదండ సత్యనారాయణ

    రిప్లయితొలగించండి
  55. పరువుల్ బెట్టెను గుండె నాదిటను నా బంధుల్ని జూడంగ నా
    గురువుల్ మామలు భీష్మ తాతనిట నే గుడ్లుర్మి కాంచంగహా!
    దరహాసమ్మిక మానుమా యదుకులా! దండంబురా! నాకిటన్
    సరసం బాడుట చేతకాదుగద కృష్ణా! గోపికావల్లభా!

    రిప్లయితొలగించండి