16, ఏప్రిల్ 2018, సోమవారం

సమస్య - 2653 (పూలను ధరియింప...)

కవిమిత్రులారా,
ఈరోజు పూరించవలసిన సమస్య ఇది...
"పూలను ధరియింపఁ గోరు పొలఁతులు గలరే"
(లేదా...)
"పూల ధరింప నిష్టపడు ముగ్ధలు లోకమునందు నుందురే"

163 కామెంట్‌లు:

  1. వీలుగ జంధ్యాల రచన...
    రాలిన పూవుల వెతలను రమ్యపు శైలిన్
    మాలిమి తోడను చదువగ
    పూలను ధరియింపఁ గోరు పొలఁతులు గలరే!

    రిప్లయితొలగించండి
    రిప్లయిలు
    1. ప్రభాకర శాస్త్రి గారూ,
      కరుణశ్రీ గారి పుష్పవిలాప ఖండకావ్య ప్రస్తావనతో మీ పూరణ ప్రశస్తంగా ఉన్నది. అభినందనలు.

      తొలగించండి
    2. మా తండ్రిగారి పుష్పవిలాప కవితను స్మరించినందుకు
      ధన్యవాదాలు శాస్త్రి గారూ !

      తొలగించండి
    3. ఆర్యా! ఈరోజు కవులూ అవధానులూ అందరూ కరుణశ్రీ గారిని తలచితిరి. పుష్ప విలాపం మాకు 1956 లో స్కూలులో పాఠము గా ఉండినది. ఇప్పటికీ ఆ పద్యాలను మరువలేదు.

      🙏🙏🙏

      తొలగించండి
  2. బాలా! యికపై మానుము
    కాలము మారినదనుచును కాకుల వోలెన్
    గోలను,నేడిల మామిడి
    పూలను ధరియింప గోరు పొలతులు గలరే?

    రిప్లయితొలగించండి
    రిప్లయిలు
    1. విరించి గారూ,
      మామిడి పూలను స్త్రీలు ధరించరంటూ చక్కని పూరణ చెప్పారు. అభినందనలు.

      తొలగించండి
  3. మైలవరపు వారి పూరణ

    మాలల గట్ట గ్రుచ్చెదరు మా హృదయమ్ముల సూదులంచనన్
    జాలిగ నోళ్లువిప్పి సుమజాతి దిగాలున పల్కినట్లుగా
    స్త్రీలు పఠించి , సారము రుచింపగ పాపయశాస్త్రి పద్యముల్ ,
    పూల ధరింప నిష్టపడు ముగ్ధలు లోకమునందు నుందురే ?!

    మైలవరపు మురళీకృష్ణ వెంకటగిరి

    రిప్లయితొలగించండి
    రిప్లయిలు
    1. శ్రీ లలనా మనోహరుని చెంతనె పూసిన పుష్పకోటులన్
      మాలలు గట్టి దాల్పెదము మాధవమంగళకంఠసీమ ., నే
      స్త్రీలును పూలు జుత్తుల ధరింపగరాదన నంజనాద్రిపై ,
      పూల ధరింప నిష్టపడు ముగ్ధలు లోకమునందు నుందురే ?!

      మైలవరపు మురళీకృష్ణ వెంకటగిరి

      తొలగించండి
    2. మైలవరపు వారూ,
      మొదటి పూరణలో కరుణశ్రీ గారి పుష్పవిలాప ఖండకృతిని, రెండవ పూరణలో తిరుమలలో స్త్రీలు పూలు ధరించడంపై నిషేధాన్ని ప్రస్తావించారు. అద్భుతంగా ఉన్నవి. అభినందనలు.

      తొలగించండి
    3. "గుండెలోనుండి సూదులు గ్రుచ్చి కూర్చి " అన్న నాన్నగారి పలుకులు ఉపబలకంగా గ్రహించినందుకు
      మైలవరపువారూ ! సాధువాదాలండీ!

      తొలగించండి
    4. నమస్కారములు
      బాపూజీ గారూ ! మీరు కరుణశ్రీ గారి కుమారులు గావటం మీ అదృష్టం . మీరు మాకు పరిచయం గావటం మా అదృష్టం. ధన్య వాదములు

      తొలగించండి
    5. శ్రీ బాపూజీ గారికి ధన్యవాదాలు.. నమోనమః... మీరు సాక్షాత్ కరుణశ్రీ పాపయ్యశాస్త్రి గారి పుత్రరత్నమని నేడు మీ వ్యాఖ్య తెలిపింది... ఆత్మీయభావం మరింత ఇనుమడించినది.. వైయక్తికముగా నాకు మీ తండ్రి గారి పద్యాలు అమితానందదాయకములు... (బహుశః ఇది అందరి అభిప్రాయం)... నమోనమః 🙏🙏

      ...మైలవరపు మురళీకృష్ణ

      తొలగించండి
  4. హేలగ పరవశ మొందుచు
    లీలగ తలలూపి నంత లేలే తవిరుల్
    రాలను పూసిన చక్కని
    పూలను ధరియింపఁ గోరు పొలతులు గలరే


    రిప్లయితొలగించండి
    రిప్లయిలు
    1. అక్కయ్యా,
      రాతిపూల ప్రస్తావనతో మీ పూరణ బాగున్నది. అభినందనలు.

      తొలగించండి

  5. డియర్ - కేన్ యు హెల్ప్ మి
    ఓహ్ ! ఇయాం వెరీ వెరీ బిజీ :)


    వేలకు వేలు గలరయా
    పూలను ధరియింపఁ గోరు పొలఁతులు, గలరే
    వాలయము, మగండ్లు భువిన్
    చాలుబడిగ కొప్పు నందు చక్కగ జొనుపన్ ?


    జిలేబి

    రిప్లయితొలగించండి
  6. గౌలువెదజల్లు పూలను
    వాలుగ కంటిధరియించు,వలదందురు ప్రో
    యాలులు సుమముల్ ,పన్నా
    పూలను ధరియింప గోరు పొలతులు గలరే

    రిప్లయితొలగించండి
    రిప్లయిలు
    1. కృష్ణ సూర్యకుమార్ గారూ,
      కాగితపు పూల ప్రస్తావనతో మీ పూరణ బాగున్నది. అభినందనలు.

      తొలగించండి
  7. కందం
    వేళకు నింటికి వచ్చిన
    శ్రీలొలికెడు పతిని గూడి శృంగారమునన్
    దేలఁగఁ జూచుచు వాడినఁ
    బూలను ధరియింపఁ గోరు పొలఁతులు గలరే?

    రిప్లయితొలగించండి
  8. మిత్రులందఱకు నమస్సులు!

    మేలగు జీవితమ్ముఁ గన, మీఱిన భక్తిని దైవపూజలన్
    గాలముఁ బుచ్చఁగాను, ఘన కామనతోఁ జని, మ్రొక్కి, మర్లి, దే
    వాలయమందునం, బితృవనాంతరమందునఁ బూచినట్టివౌ
    పూల ధరింప నిష్టపడు ముగ్ధలు లోకమునందు నుందురే?

    [పితృవనము = శ్మశానము]

    రిప్లయితొలగించండి
    రిప్లయిలు
    1. మధుసూదన్ గారూ,
      గుడిలో, వల్లకాడులో పూసిన పూల ప్రస్తావనతో మీ పూరణ అద్భుతంగా ఉన్నది. అభినందనలు.
      'మర్లి' శబ్ద సాధుత్వంపై సందేహం! 'మరలు' అన్న క్రియాపదానికి 'మర్లు' అన్న రూపాంతరం లేదు. 'మరులు' అన్న విశేష్యానికి 'మర్లు' రూపాంతరం ఉంది (మర్లుతీగ).

      తొలగించండి
    2. పెడమర్లు అన్న ప్రయోగం నా మనస్సున మెదలి, ఆ విధంగా మర్లు అని ప్రయోగించాను.


      తెలుఁగు నిఘంటువులోనూ...
      మర్లు అ.క్రి.
      మళ్లు, వెనుకఁ దిరుగు
      సీ. అవల మాటాడువా రదిరిపాటున మర్లి యొఱపు వీక్షించి నివ్వెఱబడంగ.. కువల. 2.29
      మ. కొలు వౌ డిగ్గున గద్దె డిగ్గు నని కేఁగు న్మర్లు గేహంబులోఁ, దలిరుం బాన్పున మర్లునం బొరలు... దశా. 7.71
      జ:మర్లుఁబాము

      అనియుఁ బ్రయోగములున్నవి గదా. పరిశీలించఁగలరు.

      తొలగించండి
    3. మధుసూదన్ గారూ,
      నేను క్షుణ్ణంగా పరిశీలించకుండా వ్యాఖ్యానించినందుకు మన్నించండి. వివరణకు ధన్యవాదాలు.

      తొలగించండి
    4. మీ సహృదయతకు మనఃపూర్వక అభివాదములు...ధన్యవాదములు!

      తొలగించండి


  9. కాలపు పోకడన్ కనులు కాయలు గాయుచు తోయ జాక్షలున్
    వేలకు వేలు నెక్కొనిరి వేండ్ర జిలేబులు లేమ లెల్లరున్
    పూల ధరింప నిష్టపడు ముగ్ధలు; లోకమునందు నుందురే
    చాలికతో మగండ్లు సయి సన్నిధి జేరుచు కొప్పు లో నిడన్ ?

    జిలేబి

    రిప్లయితొలగించండి
  10. వీలుగ సూదులన్ జొనిపి భేషుగ దండల నల్లగా మమున్
    హేలగ గుండెలం దునను మేలము లాడుచు గొంతుకో యగా
    మాలలు కొప్పులోన నిడిమాలిమి భర్తకటంచు ప్రీతిగన్
    పూల ధరింప నిష్టపడు ముగ్ధలు లోకము నందునుం దురే



    రిప్లయితొలగించండి
  11. కట్టు బొట్టు లవియన చీరకట్టు
    బొట్టు పెట్టుటలే కాదు
    అల్లిన వాల్జడ త్రాచది తాననగ
    అతిశయోక్తి లేదు
    తన జడ మరుల పాశమన పూలు
    ధరింప నిష్టపడు ముగ్దలు
    లోకము నందు నుందురే పూలు పడని
    సుకుమార స్నిగ్దలు

    రిప్లయితొలగించండి


  12. మాలతి చోదకు రాలయె!
    పూలను ధరియింపఁ గోరు పొలఁతులు గలరే!
    వీలే లేదయ ! రయ్యన
    ఓలా కారు నడపవలె నొప్పదు సుమ్మీ !

    జిలేబి

    రిప్లయితొలగించండి
    రిప్లయిలు
    1. జిలేబీ గారూ,
      కొన్ని వృత్తులలో ఉన్న స్త్రీలు పూలు ధరించడం కుదరదు. బాగుంది మీ పూరణ. అభినందనలు.

      తొలగించండి
  13. గురువర్యులు శ్రీ కంది శంకరయ్య గారి శంకరాభరణం
    సమస్యాపూరణ :: నేటి సమస్య సంఖ్య-2653
    సమస్య :: *పూల ధరింప నిష్టపడు ముగ్ధలు లోకమునందు నుందురే ?*
    పూలు పెట్టుకోవాలని ఇష్టపడే అమ్మాయిలు లోకంలో ఉంటారా ? అని అడగడం ఈ సమస్యలో ఉన్న విరుద్ధమైన విషయం.
    సందర్భం :: ‘’కొమ్మ వంచి పూలు కోయాలని నేను అనుకొంటే ఆ పూలు *మా ప్రాణము తీతువా* అంటూ బావురు మన్నాయి జాలిగా ‘’ అని బాధపడుతూ కరుణశ్రీ శ్రీ జంధ్యాల పాపయ్య శాస్త్రి గారు *పుష్పవిలాపం* అనే కావ్యాన్ని వ్రాశారు. ఆ కావ్యంలోని పద్యాలను గాన గంధర్వుడైన ఘంటసాల గారు ఆర్ద్రతతో మనోహరంగా గానంచేశారు. కరుణ రస భరితమైన పుష్పవిలాపం లోని పద్యాలను మనసు పెట్టి వింటే పూలు పెట్టుకొవాలని ఇష్టపడే అమ్మాయిలు లోకంలో ఉంటారా ? అని ప్రశ్నించే సందర్భం.

    పూలపయిన్ మదిన్ కరుణ పొంగగ, పాపయ శాస్త్రి గారు ‘’జం
    ధ్యాల’’ రచించినారు కడు నార్ద్రత *’’పుష్పవిలాప’’* కావ్యమున్,
    జాలి జనింప పద్యముల చక్కగ బాడెను ఘంటసాల ‘’యే
    పూలను కోయవద్దనుచు , పుష్పము లేడ్చు నటంచు’’ ; విన్నచో
    *పూల ధరింప నిష్టపడు ముగ్ధలు లోకమునందు నుందురే?*
    *కోట రాజశేఖర్ పడుగుపాడు నెల్లూరు.* (16-4-2018)

    రిప్లయితొలగించండి
    రిప్లయిలు
    1. రాజశేఖర్ గారూ,
      కరుణశ్రీ కలం, ఘంటసాల గళం పుష్పవిలాప కావ్యానికి శాశ్వతత్వాన్ని కూర్చాయి. ఆ ప్రస్తావనతో మీ పూరణ అద్భుతంగా ఉన్నది. అభినందనలు.

      తొలగించండి
    2. సంగీత సాహిత్య సరస సమ్మేళనమైన పుష్పవిలాప స్మరణ రమణీయంగా ఉన్నదండీ రాజశేఖర్ గారూ! ధన్యవాదాలు.

      తొలగించండి
    3. శ్రీ కంది శంకరయ్య గురువర్యులకు
      హృదయపూర్వక ప్రణామాలు.

      తొలగించండి
    4. సహృదయులు శ్రీ jjk బాపూజీ గారికి ప్రణామాలు. మీ స్పందన నాకు చాలా చాలా సంతోషాన్ని కలిగించిందండీ.
      శ్రీ జంధ్యాల వారి గ్రంధాల నన్నింటినీ మా ఇంటిలో ఉంచాలని కోరుకొంటున్నానండీ. ఈ విషయాన్ని కొద్దిరోజుల క్రితం మీకు ఈ బ్లాగు లోనే తెలియజేసినానండీ. సలహా చెప్పగలరు.
      మీ కోట రాజశేఖర్

      తొలగించండి
    5. 'కరుణశ్రీ సాహిత్యం'అన్నపేరుతో ఇప్పటికి అయిదు భాగాలు వచ్చాయండి.అన్నీనేనే పరిష్కరించాను.విశాలాంధ్రపబ్లిషింగ్ హౌస్
      వారు ప్రచురించారు.విశాలాంధ్ర బుక్ హౌస్,విజయవాడ నుండి తెప్పించుకోవచ్చు.నేను ఏడాదిగా అమెరికాలో మాఅబ్బాయి
      వద్ద ఉంటున్నాను.ధన్యవాదాలండీ!

      తొలగించండి
    6. శ్రీ jjk బాపూజీ గారూ! ప్రణామాలండీ. మీరు మహాకవి జంధ్యాల వారి కుమారులని శ్రీ కంది శంకరయ్య గురువర్యులు మాటల సందర్భంలో తెలియజేసినారండీ. మీతో ఇలా ఉత్తర ప్రత్యుత్తరాను జరుపగలగడం నా అదృష్టంగా భావిస్తున్నానండీ. రెండు రోజుల్లో విజయవాడ వెళ్తానండీ. అప్పుడు మీ చేత పరిష్కరింపబడిన మీ పితృదేవుల (కరుణశ్రీ) సాహిత్యాన్ని తీసికొనగలనండీ. ధన్యవాదాలండీ. భవదీయుడు కోట రాజశేఖర్ నెల్లూరు.

      తొలగించండి
  14. జిలేబీ గారికి:

    నీలపు జీన్సులాగులను నీటుగ దీటుగ దాల్చుచుండగా
    చీలిన బ్లౌసులన్ మురిసి చెన్నుగ మిన్నగ తీర్చుచుండగా
    వీలుగ బాబ్డుహేరులను వేలల రంగుల మార్చుచుండగా
    పూల ధరింప నిష్టపడు ముగ్ధలు లోకమునందు నుందురే!

    రిప్లయితొలగించండి
    రిప్లయిలు
    1. ప్రభాకర శాస్త్రి గారూ,
      ఆధునిక వేషధారణను ప్రస్తావిస్తూ మీరు చెప్పిన పూరణ ప్రశస్తంగా ఉన్నది. అభినందనలు.

      తొలగించండి

    2. మధ్యలో జిలేబి నెందుకు లాగారండీ జీపీయెస్ వారు :)

      జిలేబి సలక్షణమైన పదహారణాల తమిళనాటి మడిసార మామి :)

      జిలేబి

      తొలగించండి
    3. హమ్మ! కొంత కుతూహలం తీరినది...

      ఉషా ఐయ్యర్?

      తొలగించండి
    4. మడితడి యదిమేనుకె యన
      గడబిడ లేదుగ జిలేబి గడుసరి బామ్మే!
      వడిగొని నూతన రీతుల
      యడడా! గడియించునుగద యనయము ధృతినే!

      ఇంకా అణాలెక్కడ ఉన్నాయండీ! ఇది డాలర్ల కాలం!😊😊😊

      తొలగించండి
  15. శూలముచేతను తొడపై
    మాలిని కూర్చున్నరూపు మనసున మెదలన్
    కాలాత్మునిక ర్పించిన
    పూలను ధరియింప గోరు పొలతులు గలరే

    రిప్లయితొలగించండి
  16. మేలగు తావుల నిడు పూ
    మాలలె సొబగులనొసంగు మగువలకు సదా!
    వాలుజడలోన కృతకపు
    పూలను ధరియింపఁగోరు పొలఁతులు గలరే?

    రిప్లయితొలగించండి
    రిప్లయిలు
    1. విజయకుమార్ గారూ,
      కృత్రిమ పూల ప్రస్తావనతో మీ పూరణ ప్రశస్తంగా ఉన్నది. అభినందనలు.

      తొలగించండి
  17. మాలలు గట్టియు పూలనె
    యేలా తరలింప జూతు వెందులకు సఖా?
    యా లండను నగరములో
    "పూలను ధరియింపఁ గోరు పొలఁతులు గలరే?"

    రిప్లయితొలగించండి
    రిప్లయిలు
    1. జనార్దన రావు గారూ,
      పూమాలలను లండనుకు ఎగుమతి చేయడం వృధా అన్న మీ పూరణ బాగున్నది. అభినందనలు.

      తొలగించండి

  18. కం
    శూలికి కల్లలు జెప్పగ
    గాలనమె యిడెను మొగలికి గౌరీపతియే!
    మేలు విరులు వదిలి మొగలి
    పూలను ధరియింపఁ గోరు పొలతులు గలరే!

    🌿🌿🌿 ఆకుల శాంతి భూషణ్🌷🌷
    ☘ వనపర్తి☘

    రిప్లయితొలగించండి
    రిప్లయిలు
    1. శాంతిభూషణ్ గారూ,
      మొగలిపూల శాపాన్ని ప్రస్తావించిన మీ పూరణ బాగున్నది. అభినందనలు.

      తొలగించండి
  19. కాలము మారిన ద ను చు ను
    మేలము లాడు చు ను నేడు మెరిసె డు యువ తు ల్
    ఫాలము న కుంకుమ యు నే
    పూలను ధరి యింప గోరు పొ లతు లు గల రే!

    రిప్లయితొలగించండి
    రిప్లయిలు
    1. రాజేశ్వర రావు గారూ,
      ఆధునిక యువతుల పోకడను తెలియజేసిన మీ పూరణ బాగున్నది. అభినందనలు.

      తొలగించండి
  20. ఒక ఉద్యోగిని ఆవేదన

    పాలక మండలి రోయుచు
    చాలిక నీ 'ఫైలు'చూడజాలంబనుచున్
    వైళమ విసిరెడు రుసరుస....
    పూలను ధరియింపఁగోరు పొలతులుఁగలరే!

    రిప్లయితొలగించండి
    రిప్లయిలు
    1. ప్రసాద రావు గారూ,
      మీ పూరణ బాగున్నది. అభినందనలు.
      ఆఫీసరు రుసరుసలను పూలుగా భావించారా? బాగుంది.
      "చూడ జాలమటంచున్" అనండి.

      తొలగించండి

  21. పాలన జేసెడు వేళల
    చేలము గట్టగ తగదది చీకాకనుచున్
    తూలెడు కురుచగు కురులను
    పూలను ధరింపగోరు పొలతులు గలరే!

    చేలము = చీర
    తూలెడు = వదలివేయ బడిన( ముడువని)

    రిప్లయితొలగించండి
    రిప్లయిలు
    1. సీతాదేవి గారూ,
      కురుచమైన కురుల (పోనీటెయిల్) పూరణ బాగున్నది. అభినందనలు.

      తొలగించండి
    2. ధన్యవాదములు గురుదేవా! నమస్సులు!🙏🙏🙏🙏

      తొలగించండి


  22. కోలముఖమ్ములు లేవయ
    గోలతనమ్ము కన రాదు గూగుల్ రమణుల్!
    వాలు జడలులేవు! చెవుల
    పూలను ధరియింపఁ గోరు పొలఁతులు గలరే!

    జిలేబి

    రిప్లయితొలగించండి
    రిప్లయిలు
    1. జిలేబీ గారూ,
      చెవిలో పూలు ధరించే పొలతులే కాదు మగవారూ లేరు. పూరణ బాగుంది. అభినందనలు.

      తొలగించండి
  23. మేలగు కృత్రిమ వస్తువు
    లీలోకము లోన జేయ నెంతురు;పూలన్
    బోలిన కృతకపు ప్లాస్టిక్
    "పూలను ధరియింపఁ గోరు పొలఁతులు గలరే?"

    రిప్లయితొలగించండి
    రిప్లయిలు
    1. జనార్దన రావు గారూ,
      ప్లాస్టిక్ పూలతో మీ పూరణ బాగున్నది. అభినందనలు.

      తొలగించండి
  24. హేలగ రమణులు నిడుపగు
    మేలగు కేశములను బరిమితమగు కొలతన్
    వ్రేలాడించెడి నేడిక
    పూలను ధరియింప గోరు పొలతులు గలరే?

    రిప్లయితొలగించండి
    రిప్లయిలు
    1. బాపూజీ గారూ,
      పోనీటెయిల్ గురించిన మీ పూరణ బాగున్నది. అభినందనలు.

      తొలగించండి
  25. "పూలను ధరియింపఁ గోరు పొలఁతులు గలరే"

    కందము*

    చేలన పూచెడు పూవుల
    పోలిక జేయంగ సాటి పోలని ధరలో
    మాలగ మారెడు ప్లాస్టిక్
    పూలను ధరియింపఁ గోరు పొలఁతులు గలరే
    .................✍చక్రి

    రిప్లయితొలగించండి
  26. గోదాదేవి మాలలను ధరించగా జూచిన విష్ణుచిత్తుని ఆంతర్యము

    గాలికి నూయలూగుచును గంతులు వేసెడి నంతరంగమున్
    వేలుపు కంఠమాలికగ వేడ్కను గూరెడి భాగ్యమెంచుచున్
    లాలన తోటమాలి తమ లాలస దీర్చగ వేచిచూచెడిన్
    పూలను ధరింప నిష్టపడు ముగ్ధలు లోకమునందు నుందురే!
    బాలిక దిట్టిదోషమును బాపగ బాధ్యుడు రంగనాధుడే!

    రిప్లయితొలగించండి
    రిప్లయిలు
    1. సీతాదేవి గారూ,
      ఆముక్తమాల్యద ప్రస్తావనతో మీ పూరణ బాగున్నది. అభినందనలు.
      మూడవ పాదంలో కొంత అన్వయదోషం ఉన్నట్టుంది.

      తొలగించండి
    2. గురువుగారూ! తోటమాలి తమ కోరిక తీరుస్తాడని యెదురు చూసే అన్న భావనతో వ్రాశాను. నప్పలేదా?

      తొలగించండి
  27. బాలా! సందియ మీయది
    పూలను ధరియింపగోరు పొలతులు గలరే
    పూలన నిష్టము కాదా?
    మాలలుగా గ్రుచ్చ శిరపు మండన మౌనున్

    రిప్లయితొలగించండి
    రిప్లయిలు
    1. సుబ్బారావు గారూ,
      మీ పూరణ బాగున్నది. అభినందనలు.
      చివరి పాదం అర్థం కాలేదు. 'ఔనున్' అన్న ప్రయోగం సాధువు కాదు.

      తొలగించండి
  28. డా.పిట్టా సత్యనారాయణ
    లీలగ బోఖెలు, దండల్
    చాలగ సభలందు గొనెడు చానలు తురుమన్
    కాలము చాలదు వికసిత
    పూలను ధరియింప గోరు పొలతులు గలరే

    రిప్లయితొలగించండి
    రిప్లయిలు
    1. డా. పిట్టా వారూ,
      బొకేలను గురించిన మీ పూరణ బాగున్నది. అభినందనలు.

      తొలగించండి
  29. డా.పిట్టాసత్యనారాయణ
    చాలియు చాలనట్టి విడి చాకులు బాకుల వంటి కేశముల్
    ఫాలము నంట సర్దుకొను ఫ్యాషనులుండగ బారులౌ జడల్
    ఏల? నవేమొ పోలికల నెంచగ న్యూనత మాన్యతల్ గనన్
    పూలు ధరింప నిష్టపడు ముగ్ధలు లోకము నందు నుందురే!

    రిప్లయితొలగించండి
    రిప్లయిలు
    1. డా. పిట్టా వారూ,
      మీ తాజా పూరణ బాగున్నది. అభినందనలు.
      'జడల్ ఏల' అని విసంధిగా వ్రాయరాదు కదా!

      తొలగించండి
    2. డా.పిట్టా నుండి
      ఆర్యా,3వపాదమును మార్చినా నిలా:
      చాలునవేమొ పోలికల సాకున న్యూనత మాన్యతల్ గనన్
      ధన్యవాదములు

      తొలగించండి
  30. వాలు జడల్ తొలంగె. జిగి పావడ పైట లదృశ్య మయ్యె, నే
    త్రాలకు కాటుకల్ దొలగె, రమ్య ముఖంబున కుంకుమంబు ని
    ర్మూలిత మయ్యె, నివ్విధి స్వరూపము గోరుచునుండ మిత్రమా !
    పూల ధరింప నిష్టపడు ముగ్ధలు లోకమునందు నుందురే.

    మద్దూరి రామమూర్తి.

    రిప్లయితొలగించండి
    రిప్లయిలు
    1. మద్దూరి వారి పూరణ అద్భుతంగా ఉన్నది. వారికి అభినందనలు.

      తొలగించండి
    2. 'ఇవ్విధిన్'లో ద్రుతం లోపించింది. ఇక్కడ 'విధి' తద్భవమయింది. కనుక దాని తర్వాతి సంయుక్తాక్ష ప్రభావం ఉండదు.

      ...కంది శంకరయ్య

      తొలగించండి
  31. శూలికి న ర్ధదేహ మయి శోభి లు పార్వతి బూజసేయు చు న్
    తాలిమి గల్గు ప త్నులి ల ధార్మిక చింతన గల్గిసంప్రదాయ మౌ
    పూల ధరిoప నిష్ట పడు ముగ్ధ లు ; లోకము నందు నుందు రే
    పూల సువాసన ల్ వదలు పుణ్య వ తు ల్ వి ర హాలము న్గుచు న్

    రిప్లయితొలగించండి
    రిప్లయిలు
    1. రాజేశ్వర రావు గారూ,
      మీ పూరణ బాగున్నది. అభినందనలు.
      రెండవ పాదంలో గణదోషం. సవరించండి.

      తొలగించండి
    2. రెండవ పాదం లో ధార్మిక చింతన గల్గి భక్తి తో అని సవరణ చేయడ మైన ది

      తొలగించండి
  32. రిప్లయిలు
    1. ఉత్పలమాల

      ఆలిని గోరునే పిఱుదు లంటెడు వాల్జెడ లేక యంచనన్
      పేలును చుండ్రు వీడునని వేదన తీరునటంచు వాడి షాం
      పూలని స్నానమాడ, జడ పొట్టిగ మారగ, లేక సౌరమున్
      బూల ధరింప నిష్టపడు ముగ్ధలు లోకమునందు నుందురే?

      తొలగించండి
    2. సహదేవుడు గారూ,
      మీ పూరణ బాగున్నది. అభినందనలు.

      తొలగించండి
  33. వీలుగ నింపుగ నిఁక మఱుఁ
    గే లేని గృహమ్మునందు నిత్తరి నెంచన్
    బేలలయిన చీరలఁ ,దలు
    పూలను, ధరియింపఁ గోరు పొలఁతులు గలరే

    [తలుపు+ఊలను = తలుపూలను; ఊలన్ = పడగా]


    మేలుగ శీర్ష మందున నమేయపు భక్తి ధరింతు రెల్లరుం
    గాలుని పాదయుగ్మమునఁ గన్పడఁ బుష్పము లాశతో భువిన్
    రాలిన వాసనాక్షయ పరాగ యుతమ్ములు వాడ మెండుగం
    బూల ధరింప నిష్టపడు ముగ్ధలు లోకమునందు నుందురే

    రిప్లయితొలగించండి
    రిప్లయిలు
    1. కామేశ్వర రావు గారూ,
      మీ రెండు పూరణలు అద్భుతంగా ఉన్నవి. ముఖ్యంగా మొదటిది వైవిధ్యమైన విరుపుతో ఉత్తమంగా ఉన్నది. అభినందనలు.

      తొలగించండి
    2. పూజ్యులు శంకరయ్య గారికి నమఃపూర్వక ధన్యవాదములు.

      తొలగించండి
  34. శాలము చీరను కోఱక
    కాలికి మట్టెలు ధరించకన్ కాంతలు మో
    కాలి వరకె గౌనులునుచ
    పూలను ధరియింపఁ గోరు పొలఁతులు గలరే !

    రిప్లయితొలగించండి
    రిప్లయిలు
    1. కృష్ణారావు గారూ,
      మీ పూరణ బాగున్నది. అభినందనలు.
      'ధరించక' అన్నది కళ. కనుక "ధరించకయె' అనండి.

      తొలగించండి
  35. నాలుగు రోజుల బ్రతుకున
    చూలులు భర్తయు పదవులు చూడగ తానే
    తాలిమి తలనే దువ్వరు
    పూలను ధరియింపఁ గోరు పొలఁతులు గలరే

    Dr Varalakshmi
    Bangalore

    రిప్లయితొలగించండి
  36. కాలము మారెనంచు నిల కాంతలు మార్చిరి వేషభాషలున్
    చేలములందు మార్పులు,చేతికి గాజులు భారమయ్యె గా
    పాలము బోసిగుంచెదరు వాలుజడన్నది లేనివేళలో
    పూల ధరింప నిష్టపడు ముగ్ధలు లోకమునందు నుందురే.

    రిప్లయితొలగించండి

  37. మాలిమి మగడే తెచ్చిన
    పూలను ధరియింపగోరు పొలతులు; గలరే
    మేలగు మల్లెల , జాజుల
    మాలలు చేదను ముదితలు మంకుతనంబున్?

    రిప్లయితొలగించండి
    రిప్లయిలు
    1. సీతాదేవి గారూ,
      మీ పూరణ బాగున్నది. అభినందనలు.
      "మంకుతనమునన్" అనండి.

      తొలగించండి

    2. మాలిమి మగడే తెచ్చిన
      పూలను ధరియింపగోరు పొలతులు; గలరే
      మేలగు మల్లెల , జాజుల
      మాలలు చేదను ముదితలు మంకుతనమునన్!
      🙏🙏🙏🙏

      తొలగించండి
  38. మేలగు జాతుల పువ్వులు
    కాలమ్మేదయిన నిప్డు కనఁబడుచుండన్
    పేలన యగు కాగితపున్
    పూలను ధరియింపఁ గోరు పొలఁతులు గలరే

    రిప్లయితొలగించండి
  39. క్రొవ్విడి వెంకట రాజారావు:

    గురువు గారికి నమస్కారములు. దయతో క్రింది పూరణలను పరిశీలించండి. శ్రమ కల్పిస్తున్నందులకు క్షమించండి.
    1. శనివారం సమస్యకు పూరణ:

    వనితా! మేనక! గాధిజు
    మునికిన్ నేర్పంగనొప్పు మోహపు బుద్ధుల్
    ననియెడి యింద్రుని పలుకుల నథ్యక్షించన్
    వనికా యప్సరస జేరె వన్నెలొలుకుచున్

    2. ఆదివారము నాటి సమస్యకు పూరణ:
    చెంతను గల కోవెలలో
    పంతము గూడుచు ననువగు పద్ధతి తోడన్
    పంతుగ శివసతి గిరిజా
    కాంతకు మ్రొక్కంగ గలుగు గామిత ఫలముల్

    రిప్లయితొలగించండి
    రిప్లయిలు
    1. రాజారావు గారూ,
      మీ రెండు పూరణలు బాగున్నవి. అభినందనలు.
      'బుద్ధుల్ + అనియెడి = బుద్ధు లనియెడి' అవుతుంది. నుగాగమం రాదు. మొదటి పూరణ మూడవ పాదంలో గణదోషం. "బుద్ధుల్। చనుమనె నింద్రుం డప్పుడె" అందామా?

      తొలగించండి
    2. గురువుగారికి ధన్యవాదములు

      తొలగించండి
  40. క్రొవ్విడి వెంకట రాజారావు:

    మేలుగ బరువది లేకను
    వాలకమగు నరుణమ్మున వయ్యారముతో
    క్రాలుకొనునట్టి మోదుగ
    పూలను ధరియింపగోరు పొలతులు గలరే?


    రిప్లయితొలగించండి
  41. మేలగు మల్లెలు నవ్వగ?
    పూలను ధరియింప గోరు పొలతులు|”గలరే
    గాలమె కాముక చేష్టకు
    మూలము గుర్తించువనిత మురిపము కొరకే|”
    2.కాలపు కౌగిలింతలకు గాలమె పువ్వులనవ్వులౌను|లో
    కాలకు మేలుజేయ గల కాలము బంచెడి వెంకటేశుడే
    మాలలు వేయుచుండ?”మనమానవు లెంచుట తప్పు గాదనిన్
    పూలు ధరింపనిష్టపడు ముగ్ధలు” లోకమునందు నుందురే? {నుందురు}

    రిప్లయితొలగించండి
    రిప్లయిలు
    1. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.
      కాని రెండింటిలోను కొంత అన్వయదోషం ఉన్నది.
      మొదటి పూరణలో పొలతులు - గలరే అన్న విరుపు సముచితంగా లేదు.
      రెండవ పూరణలో ప్రశ్నార్థకం నిశ్చయార్థకం ఎలా అవుతుంది?

      తొలగించండి

  42. .. .సమస్య
    *"పూలను ధరియింపఁ గోరు పొలఁతులు*
    *గలరే"*

    సందర్భము: "ఈనాటి యువతులు సంప్రదాయాన్ని వదలివేసినారు. ఆధునిక యుగంలో గాజులు పూలు కుంకుమ అనాగరికము లైపోయినవి. ఇడిసిన స్యాతలు
    (విచ్చలవిడి చేష్టలు లేదా బరితెగించిన పనులు) మితి మీరినవి. ఇవి మేలైనవా! ఇలాంటి పొలతులు గలరే!.. అంటే లేరు కదా!.."
    అని ఒకానొక సంప్రదాయాభిమాని వాపోతున్నాడు.
    ~ ~ ~ ~ ~ ~ ~ ~ ~~ ~ ~ ~ ~ ~ ~ ~
    "ఏలా! యిడిసిన స్యాతలు
    మేలా!" యన సంప్రదాయమే పట్ట దయో!
    మే లగు గాజులు కుంకుమ
    పూలను ధరియింపఁ గోరు పొలఁతులు గలరే!

    🖋~డా.వెలుదండ సత్యనారాయణ

    రిప్లయితొలగించండి
    రిప్లయిలు
    1. డా. వెలుదండ వారూ,
      నైష్టిక కుటుంబాలలో వ్యవహరించే భాషతో మీ పూరణ బాగున్నది. అభినందనలు.

      తొలగించండి
  43. పూలధరింప నిష్టపడు ముగ్ధలులోకమునందు నుండురే
    మాలలుగ్రుచ్చియున్మగువ మాడున నందుననలంకరించుగా
    బూలను జాలమందిలను బ్రోగుగ జేసియు నమ్ముకొందురే
    పూలల బంధమున్నరయ పూర్వసు భాషిణు లాకళింతురే

    రిప్లయితొలగించండి
    రిప్లయిలు
    1. సుబ్బారావు గారూ,
      మీ పూరణ బాగున్నది. అభినందనలు.
      'ఉందురే'ను 'ఉండురే' అని టైపు చేశారు. 'మాడున' అంటేనే 'మాడునందు' అని అర్థం. 'మాడున నందున' అనడం సాధువు కాదు. 'మంది + ఇలను' అన్నపుడు యడాగమం వస్తుంది. 'బంధమున్ + అరయ = బంధము నరయ' అవుతుంది. ద్విత్వనకార ప్రయోగాన్ని వర్జించండి. 'పూర్వసుభాషిణులు' అంటే? 'పూర్వ సువాసినులు' పదమైతే విన్నాం.

      తొలగించండి
  44. నేటి శంకరాభరణం వారి సమస్య
    "పూల ధరింప నిష్టపడు ముగ్ధలు లోకము నందు నుందురే"----
    "ఏలొకొ సంపదల్ ?పదవు లిబ్బడిముబ్బడి గౌరవమ్ములున్
    జాలిక సంతులేక మనజాల" నటంచును సంతు కోసమై
    వేలుపుఁ గూర్చి నోచు తరి విశ్రతమౌ దృఢదీక్ష నుండగన్,
    బూల? ధరింప నిష్టపడుముగ్ధలు లోకము నందు నుందురే?.

    రిప్లయితొలగించండి
    రిప్లయిలు
    1. రామాచార్య గారూ,
      మీ పూరణ బాగున్నది. అభినందనలు.
      'పూల' తరువాత ప్రశ్నార్థక మెందుకు?

      తొలగించండి
    2. అవునండి.టైపులో జరిగిన పొరపాటు
      కృతజ్ఞతలు.

      తొలగించండి
  45. మేలుగ మల్లెలు దొరుకగ
    వీలుగ మాలికలు చేసి, వెన్నలి నిండన్
    దాలిచి, అక్కజమొందన్
    పూలను ధరియింపఁ గోరు పొలతులు గలరే

    రిప్లయితొలగించండి
    రిప్లయిలు
    1. శ్రీకాంత్ గారూ,
      పద్యం బాగుంది. కాని సమస్య సమర్థంగా పరిష్కరించినట్టు లేదు.

      తొలగించండి
    2. పైన (ఈ కాలమున) అని రాయడం మరచానండి.. కృతజ్ఞతలు _()_

      తొలగించండి
    3. ఈ కామెంట్‌ను రచయిత తీసివేశారు.

      తొలగించండి
    4. మేలుగ మల్లెలు దొరుకగ
      వీలుగ మాలికలుచేసి, వెన్నలినిండన్
      దాలిచియుండెడు పొలుపున
      పూలను ధరియింపఁ గోరు పొలతులు గలరే

      తొలగించండి
  46. ఆలిని జేరనెంచి సుమ హారము గైకొనె ప్రేమమీరగన్
    వేళయె మించ భాస్కరుని వేడికి తాళగ లేక నట్టిపూ
    మాలయె వాడిపోవగను మానిని త్రోసెను వాడబాఱినన్
    బూల ధరింప నిష్టపడు ముగ్ధలు లోకము నందు నుందురే.

    రిప్లయితొలగించండి
  47. అమెరికా.

    కొలంబసు కనిపెట్టిన
    సోలోగా భూమి తిప్ప చూడు భూశ
    క్తీ లీలగా !మరి నక్కడ
    పూలను ధరయింప గోరు పొలతులు గలరే?

    రిప్లయితొలగించండి
    రిప్లయిలు
    1. శ్రీకర్ గారూ,
      మీ పూరణ బాగున్నది. అభినందనలు.
      రెండవ పాదంలో గణదోషం. 'శక్తీ' అని దీర్ఘాంతంగా వ్రాయరాదు. 'మరి యక్కడ' అనడం సాధువు.

      తొలగించండి
  48. పొడవగు జడలో తురిమెడు పూవులవియె
    జాజి మల్లెలు చేమంతి చంపకములు
    కుసుమ పూలను ధరియింప గోరు పొలతు
    లు గలరే యిల యరవింద లోచనాంగి.

    రిప్లయితొలగించండి
  49. సరదాకి:

    పాలను వేటితో కలిపి పండుగ పూటను త్రాగినంతనే
    బేలల వ్రేకటిన్ వెలయు పిల్లలు తెల్లగ తీరురందురో...
    వేలల లక్షలందు ధర వింతగ జేసెడి కుంకుమమ్ములౌ
    పూల ధరింప నిష్టపడు ముగ్ధలు లోకమునందు నుందురే?


    https://te.m.wikipedia.org/wiki/కుంకుమ_పువ్వు

    రిప్లయితొలగించండి
  50. డా.బల్లూరి ఉమాదేవి.

    1.కాలము మారెను గనుమా
    వాలుగ జడవేసుకొనెడి వారలు భువిలో
    గాలించకొందరె గలరు
    పూలను ధరియింపఁ గోరు పొలఁతులు గలరే.

    2.ఈ లోకమునన్ కృత్రిమ
    పూలను ధరియింపఁ గోరు పొలఁతులు గలరే
    మాలగ గుచ్చిన జడలో
    వ్రేలాడు చునుండ మురియు వెలదుల గనుమా.

    3.పూలివి వాసనజల్లుచు
    నీలాల కురులనుచేరి నెమ్మిని చూపన్
    గాలికి రాలిన వాడిన
    పూలను ధరియింపఁ గోరు పొలఁతులు గలరే.


    4.పూల ధరింప నిష్టపడు ముగ్ధలు లోకమునందు నుందురే వాలుగ గట్టుచున్ సతము వారిజ నాభుని సన్నిధానమున్
    పూలవి నిత్యమున్ యిలను పూజల నందగ కోరుచుండగా
    నాలయమందునన్ గనుచు నర్చకు డిచ్చిన వద్దనందురే.

    రిప్లయితొలగించండి
    రిప్లయిలు
    1. ఉమాదేవి గారూ,
      మీ నాల్గు పూరణలు బాగున్నవి. అభినందనలు.
      నాల్గవ పూరణలో 'నిత్యమున్ + ఇలను' అన్నపుడు యడాగమం రాదు. 'అని + అందురే' అన్నపుడు సంధి లేదు, యడాగమం వస్తుంది.

      తొలగించండి
  51. నేటి సమస్యకు మరో పూరణ
    చేలముఁ దెమ్మటంచు తన చేడియ కోరగ, భర్త యిత్తరిన్
    వీలగు నెట్లు వచ్చు నెలవేతనమందునఁ గొందమంచనన్,
    వాలుజడన్ సరుల్ గిరటువైచెను; గోపము నందు నల్గి యా
    పూలు ధరింప నిష్టపడు ముగ్ధలు లోకము నందు నుందరే?.

    రిప్లయితొలగించండి
  52. రిప్లయిలు
    1. అయ్యో పాపం!

      పూలను వాడుట తగదని
      గాలికి పుప్పొడి దగిలిన గాఢపు తుమ్ముల్
      పేలును మగనికి యనవిని
      పూవులు ధరియింపగోరు పొలతులు గలరే?

      తొలగించండి
    2. గురువుగారి సవరణతో;
      అయ్యో పాపం!

      పూలను వాడుట తగదని
      గాలికి పుప్పొడి దగిలిన గాఢపు తుమ్ముల్
      పేలును మగనికి ననివిని
      పూవులు ధరియింపగోరు పొలతులు గలరే?

      తొలగించండి
    3. సీతాదేవి గారూ,
      మీ పూరణ బాగున్నది. అభినందనలు.

      తొలగించండి
    4. పూలను ధరియింపఁ గోరు పొలఁతులు గలరే

      తొలగించండి


  53. కోలాటపుగమ్మలతో
    పూలను ధరియింపఁ గోరు పొలఁతులు గలరే
    మాలావుగ పూబోడుల్
    బేలలు నెలతుకలు సాఫ్టువేరులయిరయా!

    జిలేబి

    రిప్లయితొలగించండి
  54. చాలము మీరగా తలను చానలు బెట్టగ మల్లెలే కదా
    బేలలు మోదమున్ మదిని బేర్చిన మాలలు కాంతుకీయరే
    చేలము మారెలే నరయ చేష్టలు చూడగ జుట్టునేగనం,
    పూల ధరింప నిష్టపడు ముగ్ధలు లోకమునందు నుందురే


    Dr H Varalakshmi
    Bangalore

    రిప్లయితొలగించండి
    రిప్లయిలు
    1. వరలక్ష్మి గారూ,
      మీ పూరణ బాగున్నది. అభినందనలు.
      'గనన్ బూల ధరింప...' అనండి.

      తొలగించండి
  55. కాలము మారిపోయె కలి కాలములో, నొనరించు పూజ దే
    వాలయమందునైన తమ భర్తలు భక్తిని వీనులందునన్
    పూల ధరింప నిష్టపడు ముగ్ధలు లోకమునందు నుందురే?
    బేలలు చేలముల్ గొనుచు పెన్మిటికై కడు శ్రద్ధ చూపెడిన్

    రిప్లయితొలగించండి
  56. కవిత సంఖ్య :-- 1185. 16--4--2018.
    పిన్నక నాగేశ్వరరావు. స.క.స.1043.
    శీర్షిక :-- సమస్యా పూరణము.
    శంకరాభరణం వారు ఇచ్చిన సమస్య :--
    పూలను ధరియింప గోరు పొలతులు
    గలరే.
    పూరణము :-- కందపద్యము.

    మేలగు స్వచ్ఛ సుమమ్ముల

    నే లలనలు ముడుచుకొంద్రు నిత్యము
    తలలో
    గాలికి నెండకు వాడిన

    పూలను ధరియింప గోరు పొలతులు
    గలరే?
    ****************************

    రిప్లయితొలగించండి

  57. .. .. సమస్య
    *"పూల ధరింప నిష్టపడు ముగ్ధలు*
    *లోకమునందు నుందురే"*

    సందర్భము: సులభము.

    ~ ~ ~ ~ ~ ~ ~ ~ ~~ ~ ~ ~ ~ ~ ~ ~
    పూల మనస్సు లే కవియు
    పూర్వము తెల్పడు పాప యాఖ్య స
    చ్ఛీలుడె తెల్పె, వాని పరి
    శీలన చేసిన చాలదొక్కొ!.. ఆ
    పూలను గోసి దేవునికి
    పూజ లొనర్చెడు భక్తు లుందురే!
    పూల ధరింప నిష్టపడు
    ముగ్ధలు లోకమునందు నుందురే!

    🖋~డా.వెలుదండ సత్యనారాయణ

    రిప్లయితొలగించండి
  58. జలపుష్పము = మీనము

    వీలుగ గంగలో నొదవి విచ్చుచు త్రుళ్ళుచు వేడ్కలందునన్
    జాలరి జాలమందమరి చక్కగ చేరుచు వంటయింటిలో
    మేలగు వంగదేశమున మెచ్చుచు వండగ భోజనమ్ములౌ
    పూల ధరింప నిష్టపడు ముగ్ధలు లోకమునందు నుందురే?

    రిప్లయితొలగించండి