5-7-2025 (శనివారం)
కవిమిత్రులారా,
ఈరోజు పూరింపవలసిన సమస్య ఇది...
“కాకర గుడమ్ము వలెఁ బుల్లగా రుచించె”
(లేదా...)
“కాకరకాయఁ దెచ్చి తినఁగా నది బెల్లము వోలెఁ పుల్లనౌ”
తేటగీతివింత యేమున్నదిందున విజ్ఞులార!చేదు తొలగంగ బెల్లముచింతపండుకూర్చి కూర్మినివండిన కూరతినఁగ,కాకర. ,గుడమ్ము వలెఁ, బుల్లగా రుచించె!ఉత్పలమాలశాకములెన్నియో గలవు స్వాస్థ్యము గూర్పగ భోజనమ్మునన్జేకురు గొప్పగన్ రుచులు శ్రేష్టమనంగను చింతపండు తోఁజేకొని బెల్లమున్ తొలఁగ చేదది వండగ కూరరీతిగన్కాకరకాయఁ, దెచ్చి తినఁగా నది బెల్లము వోలెఁ, పుల్లనౌ!
బాలునికి షడృచులదీరు పట్టువడకఏ రుచిని యేమని బలుక నెరుకలేకవస్తువులను దినినగూడ బలికెనిటుల"కాకర గుడమ్ము వలెఁ బుల్లగా రుచించె
మీ పూరణ బాగున్నది. అభినందనలు. "షడ్రుచుల"
🙏
ఉ.ప్రాకట మాధురీ భరిత వాంఛిత మద్యము గ్రోలి రాతిరిం బాకకుఁ జేరెఁ గర్షకుడు, బాతిగ భార్యయె బువ్వఁ బెట్టగం గాకర కూరఁ జూచుచు వికారపు మత్తునఁ బల్కెనిట్లు "నీ కాకర కాయఁ దెచ్చి తినగా నది బెల్లము వోలె పుల్లనౌ !"
మీ పూరణ బాగున్నది. అభినందనలు.
ఇక్షు దేహపు యౌషధ మేది తెలుపుచెక్కరరుచి దేనివలెనో చెప్పు మంటిచింత పండే విధమున రుచించునంటి కాకర , గుడమ్ము వలెఁ , బుల్లగా రుచించె.పోకిరి మిత్రులంగలిసి మూర్ఖుడొకండట మద్యశాలకైచీకటి గొంగ తూర్పుదెస జేరక ముందున నేగుదెంచుచున్ పీకల దాక ద్రావియట వెంగళు డట్లుగ వాగె నిట్టులన్ కాకరకాయఁ దెచ్చి తినఁగా నది బెల్లము వోలెఁ పుల్లనౌ
సీధువును చాటు మాటున చేయువారునల్లబెల్లము వండుట తెల్లముగదనల్ల బెల్లపు పాకాన నానినపుడుకాకర గుడమ్ము వలెఁ బుల్లగా రుచించెచీకటిలో వినాశకర సీధువు సిద్ధముచేయ నెంచుచున్దేకువతోడ వండెదరు తియ్యని పుల్లని తాటిబెల్లమే ప్రాకటమైన భిన్నమగు పాకము నందున నాని యున్నదౌ కాకరకాయఁ దెచ్చి తినఁగా నది బెల్లము వోలెఁ పుల్లనౌ
మీ పూరణలు ప్రశస్తంగా ఉన్నవి. అభినందనలు.
ధన్యవాదాలు గురూజీ 🙏
చింత పండును బెల్లము చే ర్చి వండి నట్టి కాకర దినుచు తా నని యే విభుడు కాకర గుడ మ్ము వలె పుల్ల గా రుచి o చె మరియు కొంచము వడ్డించు మగువ నాకు
మీ పూరణ బాగున్నది. అభినందనలు. "తా ననియె"
రుచుల వైనము దెలియని లోచకుండువిందు భోజనమునకేగి వెర్రివోలెపలికె నిట్టుల హర్షము పాదుకొనఁగకాకర గుడమ్ము వలెఁ బుల్లగా రుచించె
తే.గీ:వేపుడున బెల్ల మెక్కువ వేసినావెదాని రుచియె మారెను తీయ దనము బొందె కాకర గుడమ్ము వలెఁ ,బుల్లగా రుచించె”నిమ్మకాయ,యొల్కించుము నేయి కొంత.(కాకర కాయ వేపుడు లో బెల్లం వేస్తారు.అది ఎక్కువై దాని రుచే మారి పోయింది.నిమ్మకాయ ఊరగాయి బాగుంది కానీ నెయ్యి తగిలితే ఇంకా రుచి.)
ఉ:రాకయె వంట నా నుదుటి వ్రాతగ దక్కితి వీవు, మందు గాకాకరకాయఁ దెచ్చి తినఁగా నది బెల్లము వోలెఁ , పుల్లనౌనాకని చుక్కకూర గొన నందున నుప్పును జాస్తి వేసి నావీ కరివేప దెచ్చితి మరెట్టుల పచ్చడి జేతువో కదా!(అది బెల్లము వోలె=అది బెల్లం వోలె ఉంది.బెల్లం ఎక్కువై.)
సమస్య:కాకరకాయఁ దెచ్చి తినఁగా నది బెల్లము వోలెఁ పుల్లనౌ.ఉత్పలమాల:ఏ కలికాలమైన సరి యే రుచి మార్చవు కూరగాయలే ఆకలి నాకు యన్న మరి యమ్మయె సేయును తీపి కాకరే నాకును తీపి పుల్లనిది నాణ్యపు కాకర చక్రముల్ గనా కాకరకాయఁ దెచ్చి తినఁగా నది బెల్లము వోలెఁ పుల్లనౌ.నాకును దప్పలేదు పచనంబును సేయగ చేదు కాకరన్ కాకర శాకమే దినుమ కష్టమొ నష్టమొ రోగమొచ్చెనే తేకువ చింతపండు మరి తెల్లము జేసిరి బెల్లమే దినన్ కాకరకాయఁ దెచ్చి తినఁగా నది బెల్లము వోలెఁ పుల్లనౌ.
ఎంత రుచిమంతము లయిన వింతగఁ దన కనుభవింప వలను కాని వగుట నొక్కపురుషుఁ డనె నిట్లు తినరామి పులిసిన, కన కాకర! గుడమ్ము వలెఁ బుల్లగా రుచించె [కనక+ఆకర = కనకాకర, పసిడినిధీ] వీఁక శ్రమించి వేగముగ వెల్వడి నాదగు మందభాగ్యపుంబోకడ నేమి చెప్ప నగుఁ బో యది దైవ మెఱుంగ నౌను నాకాఁకలి వేయఁ గాంచి యట నామ్రము నొక్కటి, ముట్ట కుండ నా కాకరకాయఁ, దెచ్చి తినఁగా నది బెల్లము వోలెఁ బుల్లనౌ [మామిడిని బెల్లము వోలెఁ దినఁగా నది పుల్లనౌ]
కాకుఁదనమ్ము మానుమిక కాకర మేలొనగూర్చునంచునేతేకువఁజూపి యౌషధిగ దెచ్చితి నీమధుమేహ వ్యాధికిన్కాకరకాయ తిక్తమని గానక బల్కెదొ బాలిశుండవైకాకరకాయఁ దెచ్చి తినఁగా నది బెల్లము వోలెఁ పుల్లనౌ
పిన్నక నాగేశ్వరరావు.హైదరాబాద్.చేదు పోవగ బెల్లము,చింతపండువేసి కాకర కూరను పేర్మి వండకాకర గుడమ్ము వలెఁ బుల్లగా రుచించెననుచు చెప్పిరి తిన్నవా రారటముగ.
కాయలందునచేదగు కాయయన్నకాకరే యైనను పులుపు కలిపి జతకుపంచదారను నోటికి వాసిగాను*"కాకర ,గుడమ్ము వలెఁ బుల్లగా రుచించె”*
తేటగీతి
రిప్లయితొలగించండివింత యేమున్నదిందున విజ్ఞులార!
చేదు తొలగంగ బెల్లముచింతపండు
కూర్చి కూర్మినివండిన కూరతినఁగ,
కాకర. ,గుడమ్ము వలెఁ, బుల్లగా రుచించె!
ఉత్పలమాల
శాకములెన్నియో గలవు స్వాస్థ్యము గూర్పగ భోజనమ్మునన్
జేకురు గొప్పగన్ రుచులు శ్రేష్టమనంగను చింతపండు తోఁ
జేకొని బెల్లమున్ తొలఁగ చేదది వండగ కూరరీతిగన్
కాకరకాయఁ, దెచ్చి తినఁగా నది బెల్లము వోలెఁ, పుల్లనౌ!
బాలునికి షడృచులదీరు పట్టువడక
రిప్లయితొలగించండిఏ రుచిని యేమని బలుక నెరుకలేక
వస్తువులను దినినగూడ బలికెనిటుల
"కాకర గుడమ్ము వలెఁ బుల్లగా రుచించె
మీ పూరణ బాగున్నది. అభినందనలు.
తొలగించండి"షడ్రుచుల"
🙏
తొలగించండిఉ.
రిప్లయితొలగించండిప్రాకట మాధురీ భరిత వాంఛిత మద్యము గ్రోలి రాతిరిం
బాకకుఁ జేరెఁ గర్షకుడు, బాతిగ భార్యయె బువ్వఁ బెట్టగం
గాకర కూరఁ జూచుచు వికారపు మత్తునఁ బల్కెనిట్లు "నీ
కాకర కాయఁ దెచ్చి తినగా నది బెల్లము వోలె పుల్లనౌ !"
మీ పూరణ బాగున్నది. అభినందనలు.
తొలగించండి
రిప్లయితొలగించండిఇక్షు దేహపు యౌషధ మేది తెలుపు
చెక్కరరుచి దేనివలెనో చెప్పు మంటి
చింత పండే విధమున రుచించునంటి
కాకర , గుడమ్ము వలెఁ , బుల్లగా రుచించె.
పోకిరి మిత్రులంగలిసి మూర్ఖుడొకండట మద్యశాలకై
చీకటి గొంగ తూర్పుదెస జేరక ముందున నేగుదెంచుచున్
పీకల దాక ద్రావియట వెంగళు డట్లుగ వాగె నిట్టులన్
కాకరకాయఁ దెచ్చి తినఁగా నది బెల్లము వోలెఁ పుల్లనౌ
సీధువును చాటు మాటున చేయువారు
రిప్లయితొలగించండినల్లబెల్లము వండుట తెల్లముగద
నల్ల బెల్లపు పాకాన నానినపుడు
కాకర గుడమ్ము వలెఁ బుల్లగా రుచించె
చీకటిలో వినాశకర సీధువు సిద్ధముచేయ నెంచుచున్
దేకువతోడ వండెదరు తియ్యని పుల్లని తాటిబెల్లమే
ప్రాకటమైన భిన్నమగు పాకము నందున నాని యున్నదౌ
కాకరకాయఁ దెచ్చి తినఁగా నది బెల్లము వోలెఁ పుల్లనౌ
మీ పూరణలు ప్రశస్తంగా ఉన్నవి. అభినందనలు.
తొలగించండిధన్యవాదాలు గురూజీ 🙏
తొలగించండిచింత పండును బెల్లము చే ర్చి వండి
రిప్లయితొలగించండినట్టి కాకర దినుచు తా నని యే విభుడు
కాకర గుడ మ్ము వలె పుల్ల గా రుచి o చె
మరియు కొంచము వడ్డించు మగువ నాకు
మీ పూరణ బాగున్నది. అభినందనలు.
రిప్లయితొలగించండి"తా ననియె"
రుచుల వైనము దెలియని లోచకుండు
రిప్లయితొలగించండివిందు భోజనమునకేగి వెర్రివోలె
పలికె నిట్టుల హర్షము పాదుకొనఁగ
కాకర గుడమ్ము వలెఁ బుల్లగా రుచించె
తే.గీ:వేపుడున బెల్ల మెక్కువ వేసినావె
రిప్లయితొలగించండిదాని రుచియె మారెను తీయ దనము బొందె
కాకర గుడమ్ము వలెఁ ,బుల్లగా రుచించె”
నిమ్మకాయ,యొల్కించుము నేయి కొంత.
(కాకర కాయ వేపుడు లో బెల్లం వేస్తారు.అది ఎక్కువై దాని రుచే మారి పోయింది.నిమ్మకాయ ఊరగాయి బాగుంది కానీ నెయ్యి తగిలితే ఇంకా రుచి.)
ఉ:రాకయె వంట నా నుదుటి వ్రాతగ దక్కితి వీవు, మందు గా
రిప్లయితొలగించండికాకరకాయఁ దెచ్చి తినఁగా నది బెల్లము వోలెఁ , పుల్లనౌ
నాకని చుక్కకూర గొన నందున నుప్పును జాస్తి వేసి నా
వీ కరివేప దెచ్చితి మరెట్టుల పచ్చడి జేతువో కదా!
(అది బెల్లము వోలె=అది బెల్లం వోలె ఉంది.బెల్లం ఎక్కువై.)
సమస్య:
రిప్లయితొలగించండికాకరకాయఁ దెచ్చి తినఁగా నది బెల్లము వోలెఁ పుల్లనౌ.
ఉత్పలమాల:
ఏ కలికాలమైన సరి యే రుచి మార్చవు కూరగాయలే
ఆకలి నాకు యన్న మరి యమ్మయె సేయును తీపి కాకరే
నాకును తీపి పుల్లనిది నాణ్యపు కాకర చక్రముల్ గనా
కాకరకాయఁ దెచ్చి తినఁగా నది బెల్లము వోలెఁ పుల్లనౌ.
నాకును దప్పలేదు పచనంబును సేయగ చేదు కాకరన్
కాకర శాకమే దినుమ కష్టమొ నష్టమొ రోగమొచ్చెనే
తేకువ చింతపండు మరి తెల్లము జేసిరి బెల్లమే దినన్
కాకరకాయఁ దెచ్చి తినఁగా నది బెల్లము వోలెఁ పుల్లనౌ.
ఎంత రుచిమంతము లయిన వింతగఁ దన
రిప్లయితొలగించండికనుభవింప వలను కాని వగుట నొక్క
పురుషుఁ డనె నిట్లు తినరామి పులిసిన, కన
కాకర! గుడమ్ము వలెఁ బుల్లగా రుచించె
[కనక+ఆకర = కనకాకర, పసిడినిధీ]
వీఁక శ్రమించి వేగముగ వెల్వడి నాదగు మందభాగ్యపుం
బోకడ నేమి చెప్ప నగుఁ బో యది దైవ మెఱుంగ నౌను నా
కాఁకలి వేయఁ గాంచి యట నామ్రము నొక్కటి, ముట్ట కుండ నా
కాకరకాయఁ, దెచ్చి తినఁగా నది బెల్లము వోలెఁ బుల్లనౌ
[మామిడిని బెల్లము వోలెఁ దినఁగా నది పుల్లనౌ]
కాకుఁదనమ్ము మానుమిక కాకర మేలొనగూర్చునంచునే
రిప్లయితొలగించండితేకువఁజూపి యౌషధిగ దెచ్చితి నీమధుమేహ వ్యాధికిన్
కాకరకాయ తిక్తమని గానక బల్కెదొ బాలిశుండవై
కాకరకాయఁ దెచ్చి తినఁగా నది బెల్లము వోలెఁ పుల్లనౌ
రిప్లయితొలగించండిపిన్నక నాగేశ్వరరావు.
హైదరాబాద్.
చేదు పోవగ బెల్లము,చింతపండు
వేసి కాకర కూరను పేర్మి వండ
కాకర గుడమ్ము వలెఁ బుల్లగా రుచించె
ననుచు చెప్పిరి తిన్నవా రారటముగ.
కాయలందునచేదగు కాయయన్న
రిప్లయితొలగించండికాకరే యైనను పులుపు కలిపి జతకు
పంచదారను నోటికి వాసిగాను
*"కాకర ,గుడమ్ము వలెఁ బుల్లగా రుచించె”*