చం:"మరణము జెందె మంత్రి యయి మన్నన బొందిన నాదు భర్త,యా మరణపు సానుభూతి నను మార్చును నేత్రిగ" నంచు నెన్నికన్ బిరబిర నిల్వ, జాలి పడు వేల జనమ్ములు మూగ, నోడితిన్ కరుణకు నోఁచుకొంటి మఱి కాంక్షలు దీర వదేమి చిత్రమో! (పోయిన భర్త మీద సానుభూతి తో ఈమెని ఎన్నుకుంటా రనుకుంటే జాలి పడి వేలకి వేలు జనాలు మూగారు కానీ ఓట్లు మాత్రం రాలేదు. పోగౌతున్న జన మంతా వోట్లేస్తా రనుకుంటే ఆ ఆశలు కొన్ని సార్లు భంగ మౌతాయి. )
పూర్వజన్మ సంచితపాపమో మరేమొ
రిప్లయితొలగించండిభక్తి మదిలోన నిండార పాదుగొలిపి
దేవదేవుని పూజింప దివ్యమైన
కరుణ లభియించెఁ, దీరవు కాంక్షలయ్యొ
కురుక్షేత్ర సంగ్రామ ముగింపు దశలో రారాజు అంతరంగము:
రిప్లయితొలగించండితేటగీతి
క్రీడి సాదిగ మాత్రమే కృష్ణుఁడున్న
గెల్పు నాకేల దక్కదో? కిటుకదేమొ?
సర్వసైన్యమ్మొసఁగ నాకు చక్రిదైన
కరుణ లభియించెఁ! దీరవు కాంక్షలయ్యొ!
చంపకమాల
నరునకు తేరునన్ మిగిలె నందకిశోరుడు! నైన గెల్పు మా
పరిధిని కానరాదొకొ! విపత్కరమయ్యె రణమ్మదేలనో!
మురహరి సర్వసైన్యమును పోరున సాయమునొంది వారిదౌ
కరుణకు నోఁచుకొంటి మఱి కాంక్షలు దీర వదేమి చిత్రమో!
తే.గీ.
రిప్లయితొలగించండిభక్తియందునఘనుడైన వాడునైన
క్రోధ,కామాది గుణములన్ కూడినపుడు
విభుడు,విష్ణువులిరువురి విహితమైన *కరుణలభియించెఁదీరవుకాంక్షలయ్యొ*
✍️*ఇంద్రకంటి భార్గవ నృసింహ శర్మ*
కరములు మోడ్చి నెమ్మనము కైటభమర్దను పైన నిల్పి నే
రిప్లయితొలగించండిశరణము గోరి శ్రీపతిని సక్తముగా భజియింప భక్తితో
కరుణకు నోఁచుకొంటి, మఱి కాంక్షలు దీర వదేమి చిత్రమో
సరవిని పూర్వజన్మకృత సంచితపాప ఫలమ్ము కానగున్
రిప్లయితొలగించండిపద్మ నాభుడే వడువైన ఫలమదేమి?
సుతుని ముద్దు ముచ్చటలను చూచు భాగ్య
మదియె లేదంచు దేవకి యనియె నిట్లు
కరుణ లభియించెఁ, దీరవు కాంక్షలయ్యొ.
మెరమెర లందు మ్రగ్గితిని మిక్కిలి ప్రేమ నటించు భ్రా తయే
పొరగొనె నందివర్ధనుల, పుత్రునిగా నిల నాదు గర్భమున్
విరజుడు పుట్టనేమి యిట పెంచెడి భాగ్యము దక్క దయ్యెనే
కరుణకు నోఁచుకొంటి మఱి కాంక్షలు దీర వదేమి చిత్రమో.
వేడుక పయనములకేగ పితరునడుగ
రిప్లయితొలగించండికరుణ లభియించెఁ ; దీరవు కాంక్షలయ్యొ !
నేడు వ్యోమయానము లన్ని నిలిపి వేయ
బడుట నా తలరాతగ పరిగణీంతు
రిప్లయితొలగించండిశంకరాభరణం....తేది 08-12-2025
సమస్య - 5328
******************
“కరుణకు నోఁచుకొంటి మఱి కాంక్షలు దీర చిత్రమో”
చంపకమాల
••••••••••••••••
అరుణుడు నీదుఁ దండ్రి మరి యమ్మను నే నిక పాండవుల్ సహో
దరులగుఁ గాన వారలను తంపి వధించకు నంచుఁ బల్కగా...
నరునుని దప్ప తక్కిన సనాభులు చిక్కినఁ గూల్చఁ బో నటం
చు రవిజుడున్ వచింప... పృథ శోకమునన్ బ్రవచించె " కర్ణ స
త్కరుణకు నోఁచుకొంటి మఱి కాంక్షలు దీర వదేమి చిత్రమో”
ఆకుల శాంతి భూషణ్
వనపర్తి
కాసులేన్నొ గావలెనేడు కాంక్షదీర
రిప్లయితొలగించండివేదమును నేర్వనబ్బునే వేతనములు
సుకృత ఫలముననేమొకో శ్రుతులఁ నేర్చు
కరుణ లభియించెఁ దీరవు కాంక్షలయ్యొ
[పాదుకాపట్టాభిషేకమును గాంచిన కైకేయి అంతరంగము]
రిప్లయితొలగించండిరాముని వనవాసంబుకై నీమమునిడి
పట్టు బట్టితిఁ భరతుని పట్టమునకు
సమరమున తగు వరము లొ సగిన ధవుని
కరుణ లభియించెఁ దీరవు కాంక్షలయ్యొ
భరతుని సింహపీఠమున పట్టపు రాజుగ చూడనెంచితిన్
స్ఠిరముగ బంపమంటిగద శ్రీరఘు రామునరణ్య వాసమే
వరములు కోరమంచు తనభర్త వచింపగ కోరియుంటినే
కరుణకు నోఁచుకొంటి మఱి కాంక్షలు దీర వదేమి చిత్రమో
ధరణి సమస్త జీవుల ప్ర
రిప్లయితొలగించండిధాన పథంబు వికాసమే కదా!
తరుణమునందు దోడ్కొనుచు
దాను జరించెడి మార్గమందునన్
సరియగు చిత్తదార్ఢ్యత వి
చక్షణలన్విడి కొందరిట్లనున్
"కరుణకు నోఁచుకొంటి మఱి
కాంక్షలు దీర వదేమి చిత్రమో!"
తే.గీ: పేద యువతి కట్నము లేక వృద్ధవరుని
రిప్లయితొలగించండిబెండ్లి యాడగ వృద్ధుని ప్రేమ ,ధనము
గరుణ లభియించెఁ, దీరవు కాంక్షలయ్యొ
ప్రకృతి ధర్మమ్ము బలము గా పట్టి కుదిపె
చం:"మరణము జెందె మంత్రి యయి మన్నన బొందిన నాదు భర్త,యా
రిప్లయితొలగించండిమరణపు సానుభూతి నను మార్చును నేత్రిగ" నంచు నెన్నికన్
బిరబిర నిల్వ, జాలి పడు వేల జనమ్ములు మూగ, నోడితిన్
కరుణకు నోఁచుకొంటి మఱి కాంక్షలు దీర వదేమి చిత్రమో!
(పోయిన భర్త మీద సానుభూతి తో ఈమెని ఎన్నుకుంటా రనుకుంటే జాలి పడి వేలకి వేలు జనాలు మూగారు కానీ ఓట్లు మాత్రం రాలేదు. పోగౌతున్న జన మంతా వోట్లేస్తా రనుకుంటే ఆ ఆశలు కొన్ని సార్లు భంగ మౌతాయి. )
(మనిషికి తృప్తి ముఖ్యమండి)
రిప్లయితొలగించండితే॥ తృప్తిఁ బొందఁగ సుఖమబ్బు పృథివి యందు
నాశ కంతముఁ బడయక నాశమొందుఁ
బరితపించఁ దృష్ణ విడక బలుకు నిటులఁ
గరుణ లభియించెఁ దీరవు కాంక్షలయ్యొ
చం॥ నరులకుఁ దృప్తి ముఖ్యమగు నాకము ధాత్రిని దక్కునప్పుడే
విరియఁగ మోహ సంచయము వీడును సౌఖ్యము మానవాళికిన్
వరలఁగ భాగ్య సంపదలపారముగన్ విలపించు నిట్టులన్
గరుణకు నోఁచుకొంటి మఱి కాంక్షలు దీర వదేమి చిత్రమో
మరొక పూరణ నేడు జరుగుతున్నది రేలంగి గారు నుడివినది.
చం॥ ధర నిరు పేదనై మిగుల దైన్యము నొందితి బాల్యమందునన్
బరఁగుచు నిత్య సాధనను భాగ్యముఁ బొందితి మిక్కుటమ్ముగన్
దరుగఁగ స్వాస్థ్యమీపగిదిఁ ద్రచ్చెడు వేదన వీడ కుండెనే
కరుణకు నోఁచుకొంటి మఱి కాంక్షలు దీరవదేమి చిత్రమో
కఱవు వచ్చిన వారక వఱద లరుగు
రిప్లయితొలగించండిదెంచినను గలఁతలు వలదంచుఁ దప్ప
కాదుకొందు మెల్లర నంచు హాలికులకుఁ
గరుణ లభియించెఁ దీరవు కాంక్ష లయ్యొ
తరుణము మోక్ష మందఁగను దారస మయ్యెను మంద బుద్ధి నా
వరమును గోర వక్కట యపార దయానిధి భక్తవర్య! నీ
వరసెడు నట్టి యైహికము లన్ని యనర్థము లబ్జనాభు స
త్కరుణకు నోఁచుకొంటి మఱి కాంక్షలు దీర వదేమి చిత్రమో
మాత పితరుల సేవించు మంచి తనము
రిప్లయితొలగించండిపెద్ద లందరి పూజించు పెద్ద మనసు
కలిగి యున్నట్టి నాకిల వలసి నంత
కరుణ లభింయించె దీరవు కాంక్ష ల య్యొ
సమస్య:
రిప్లయితొలగించండి“కరుణకు నోఁచుకొంటి మఱి కాంక్షలు దీర వదేమి చిత్రమో”
చం.మా:
కొరవడె చిత్తశాంతి మరి కోరిక దీర్చెడు విష్ణు నమ్మితిన్
మరువని నామకీర్తనల మాధవు గెల్చితి నేమి లాభమో
“కరుణకు నోఁచుకొంటి మఱి కాంక్షలు దీర వదేమి చిత్రమో”
వరమది వేడగా దగును వామపు నర్ధము గౌరిశంకరుఁన్
రిప్లయితొలగించండిపిన్నక నాగేశ్వరరావు.
హైదరాబాద్.
భక్తితో పూజ చేయుచు ప్రతి దినంబు
దేవళంబున రాముని దీక్ష తోడ
భజన చేయుచు నున్నను ఫలిత మేది?
కరుణ లభియించెఁ దీరవు కాంక్షలయ్యొ.