11, జులై 2026, శనివారం

సమస్య - 5525

12-7-2026 (ఆదివారం)
ఈరోజు పూరింపవలసిన సమస్య ఇది...
“చలిమలలోఁ జిచ్చు రేగెఁ జల్లార్చుటకే”
(లేదా...)
“చలిమలలోన రేగినవి జ్వాలలు చల్లదనంబుఁ గూర్చఁగన్”

వద్ద

15 కామెంట్‌లు:

  1. గుండా వేంకట సుబ్బ సహదేవుడుశనివారం, జులై 11, 2026 9:42:00 PM

    ఈ కామెంట్‌ను రచయిత తీసివేశారు.

    రిప్లయితొలగించండి
    రిప్లయిలు
    1. గుండా వేంకట సుబ్బ సహదేవుడుఆదివారం, జులై 12, 2026 6:52:00 AM

      కందం
      కలతలు రేపెడు మంటలు
      చలిమల క్రిందఁ జెలరేగ జలమదె పారన్
      దులుచన శంకరు భ్రుకుటిన్
      చలిమలలో చిచ్చురేగెఁ జల్లార్చుటకే!

      చంపకమాల
      కలతలు రేపెడున్ సరళి క్రమ్మగ జ్వాలలు కొండ క్రిందుగన్
      దులుచన నీరు పారుటకు త్రుళ్లిన శంకరు త్ర్యంబకంబునన్
      జ్వలితము మంచునే కరుగ సాయము జేసి హితమ్ము గూర్చఁగన్
      జలిమలలోన రేగినవి జ్వాలలు చల్లదనంబుఁ గూర్చఁగన్

      తొలగించండి
  2. Sitharamayya Solasaశనివారం, జులై 11, 2026 10:00:00 PM

    కులములపై యుత్తరమున
    చలిమలలోఁ జిచ్చు రేగెఁ ; జల్లార్చుటకే
    పొలయు యెనికల సమయమున
    యిలపయి నింక నిటువంటి వేర్పాడ కుండన్

    రిప్లయితొలగించండి
  3. విరించిశనివారం, జులై 11, 2026 11:31:00 PM


    పలువురు సామాన్యు లనట
    ఖలురగు దుండగులు చంప ఖష్పము తోడన్
    సలిపిన భారత చర్యలు
    చలిమలలోఁ జిచ్చు రేగెఁ జల్లార్చుటకే.


    పలువురు భారతీయులను పాశవి కమ్ముగ తీవ్ర వాదులౌ
    ఖలురట గావు పెట్టిరని ఖష్పము భారత ప్రాభ వత్వ మే
    సలిపిన యట్టిచర్య మనజాతి మనస్సుకు శాంతి గూర్చేనే
    చలిమలలోన రేగినవి జ్వాలలు చల్లదనంబుఁ గూర్చఁగన్.

    రిప్లయితొలగించండి
  4. M.B.G.TILAKఆదివారం, జులై 12, 2026 12:39:00 AM

    మలహరుని కంటిమంటల
    చలిమలలోఁ జిచ్చు రేగెఁ జల్లార్చుటకే
    సలిపిన యత్నపు ఫలితము
    చలిమల చూలికి వివహము సామి జననమే

    చలిమలచూలిపై శివుని చల్లని చూపుల లక్ష్యమెంచి పు
    వ్విలుతుడు మాడిపోయె గద వేడిమికన్దొర కంటిమంటలో
    ఫలితము చల్లనైనదగు పార్వతి పెండిలి సామి జన్మమే
    చలిమలలోన రేగినవి జ్వాలలు చల్లదనంబుఁ గూర్చఁగన్

    రిప్లయితొలగించండి
  5. Dhanikonda Ravi Prasadఆదివారం, జులై 12, 2026 7:26:00 AM

    కం:కలహము తేగా చైనా
    చలిమలలోఁ జిచ్చు రేగెఁ, జల్లార్చుట కే
    బలవ ద్దేశము రా వలె ?
    తలపడ మన సేన పొగరు తగ్గి మరలెగా!


    రిప్లయితొలగించండి
  6. Dhanikonda Ravi Prasadఆదివారం, జులై 12, 2026 7:38:00 AM

    చం:పలికెను భర్తృ హీన యయి పత్ని రతీసతి యిట్లు "శంకరా!
    తలపగ నీ వివాహ మది తప్పగునే? తవ నేత్రదృష్టి చే
    జలిమలలోన రేగినవి జ్వాలలు చల్లదనంబుఁ గూర్చఁగన్
    దలచవె నాదు చిత్తమున! దక్కగ జేయవె నాకు నాథునిన్ !"

    రిప్లయితొలగించండి
  7. రామబ్రహ్మం పెనుకొండఆదివారం, జులై 12, 2026 8:04:00 AM

    చం॥ తలఁచి తపమ్ము సాగక త్రిధాముఁడు వీడ్కొను రీతి మారుఁడే
    కలఁచ శరమ్ము వేయచు వికారముఁ గాంచఁగ నీశుఁ డుగ్రుఁడై
    యలుగుచుఁ గాల్చ మన్మథుని నంతము జేయుచు శాంతిఁ బొందఁగన్
    జలిమలలోన రేగినవి జ్వాలలు చల్లదనంబుఁ గూర్చగన్

    (మొదట మన్మథుని మూడవ కంటితో భస్మము చేయుటకు జ్వాలలు తరువాత శివుడు తపము మానుట వలన చల్లదనము కలిగిందని అండి. హిమాలయాలలో భూకంపము రాగలదు మడత పర్వతములుగా రమారమి 20-25 మిలియన్ సంవత్సరాల క్రితము ఏర్పడినందున. మంటలు రాకపోవచ్చు నండి)

    రిప్లయితొలగించండి
  8. కామేశ్వర రావు పోచిరాజుఆదివారం, జులై 12, 2026 10:36:00 AM

    నలుదెసలు రేఁగక మునుపె
    పిలువుమ జన సంచయమ్ము వెదచల్లుమ వే
    సలిలము, మన నిమ్మా బ
    చ్చలి, మలలోఁ జిచ్చు రేఁగెఁ జల్లార్చుటకే


    తెలిపెదఁ ద్రోవ పిమ్మట యతిప్రవరా యిట విశ్రమింపుమా
    వలచిన నీరజాక్షులను భావజు పా లొనరింప న్యాయమే
    చెలువుఁడ యిమ్ము కౌఁగిలినిఁ, జెన్నుగ రేఁగఁగఁ గామ తాపమే
    చలిమల లోన రేఁగినవి జ్వాలలు, చల్లఁదనంబుఁ గూర్పఁగన్

    రిప్లయితొలగించండి
  9. కరణం రాజే శ్వర రావుఆదివారం, జులై 12, 2026 9:17:00 PM

    కలవర బెట్టిన మదనుని
    విలవిల లాడంగ జేయ వెక్క స మగుచున్
    చెల రేగ శివుని కంటిని
    చలి మల లో చిచ్చు రేగె జల్లా ర్చుట కే

    రిప్లయితొలగించండి
  10. పిన్నక నాగేశ్వరరావు.ఆదివారం, జులై 12, 2026 9:56:00 PM


    పిన్నక నాగేశ్వరరావు.
    హైదరాబాద్.

    కలహించగ నా చైనా
    చలిమలలోఁ జిచ్చు రేగెఁ; జల్లార్చుటకే
    బలగమ్ముల పంపించగ
    విలవిలమని శత్రు సేన వెనుకకు మరలెన్.

    రిప్లయితొలగించండి