పృశ్ని యొకడు విప్రశ్నిక వెంటబడగ బదులు కోరుచు ప్రశ్నించె పంతమూని 'ప్రశ్నలను వేయువారికిఁ బ్రశ్న యెద్ది' ప్రాశ్నికుని డెందమేనని బదులు వచ్చె
పృశ్నియొకండు నాడు తన వెంబడి వచ్చిన వృద్ధురాలు వి ప్రశ్నిక శీఘ్రమే బదులు పల్కగ కోరివచించె నివ్విధిన్ 'ప్రశ్నలు వేయువారలకె ప్రశ్నగ మారినదెద్ది చెప్పుమా' ప్రాశ్నికునంతరంగమని వైళమె తెల్పెను వృద్ధురాలటన్
ప్రశ్నలు వేయువారలకె ప్రశ్నగ మారినదెద్ది చెప్పుమా
రిప్లయితొలగించండిప్రశ్నకు అర్ధమున్ తెలిపి ప్రార్ధన లన్విను దైవమెప్పుడున్
ప్రశ్నయె గాసదా మనకు ప్రాప్త ప్రపంచము నందునంగదా
ప్రశ్నకు కారణం బయడి ప్రజ్ఞకు మూలము పెద్ద ప్రశ్నయే
తేటగీతి
రిప్లయితొలగించండిచెప్పువాడగు లోకువ యెప్పుడైన
నడుగు వాడికి నందుకే హద్దు లేదు
కోడి, గ్రుడ్డుల ముందేది? కూర్చి కాక
ప్రశ్నలను వేయువారికిఁ బ్రశ్న యెద్ది?
ఉత్పలమాల
ప్రశ్నలు వేయు వాని మది భావనఁ జెప్పెడు వాడు లోకువౌ!
ప్రశ్నలువేయు నందులకె వాంఛితమట్లుగ హద్దులేకయే
ప్రశ్నగ, ముందు నేదగును పల్కుము కోడియొ? గ్రుడ్డొ? కాక యా
ప్రశ్నలు వేయువారలకె ప్రశ్నగ మారినదెద్ది చెప్పుమా?
ప్రశ్నలను వేయువారికిఁ బ్రశ్న యెద్ది
రిప్లయితొలగించండియన హితుని గాంచి, సాపాటుకనువగు శ్రమ
నొందకున్న నావలె నీకు నొడలు పెరుగ
గలదు , యిట్టి యశ్రద్ధకు కతనమేమి?
రిప్లయితొలగించండికదులు చున్న విజ్ఞానిగ ఖ్యాతి గొన్న
పండితుని పటిమ తెలుపు ప్రశ్న కొరకు
వెదుకు వేళ ననియె నొక విబుధు డిట్లు
ప్రశ్నలను వేయువారికిఁ బ్రశ్న యెద్ది?
ప్రశ్నలు వేసిపెద్దలను పల్లట పెట్టెడి దుర్విదగ్ధుగున్
ప్రశ్నల తోనె మేటి గుణపాఠము నేర్ప దలంచ నేమిరా
ప్రశ్నలు వేయు బాలకుని పాటవమున్ గురితించ నెంచినన్
ప్రశ్నలు వేయువారలకె ప్రశ్నగ మారినదెద్ది చెప్పుమా
పృశ్ని యొకడు విప్రశ్నిక వెంటబడగ
రిప్లయితొలగించండిబదులు కోరుచు ప్రశ్నించె పంతమూని
'ప్రశ్నలను వేయువారికిఁ బ్రశ్న యెద్ది'
ప్రాశ్నికుని డెందమేనని బదులు వచ్చె
పృశ్నియొకండు నాడు తన వెంబడి వచ్చిన వృద్ధురాలు వి
ప్రశ్నిక శీఘ్రమే బదులు పల్కగ కోరివచించె నివ్విధిన్
'ప్రశ్నలు వేయువారలకె ప్రశ్నగ మారినదెద్ది చెప్పుమా'
ప్రాశ్నికునంతరంగమని వైళమె తెల్పెను వృద్ధురాలటన్
[ పృశ్ని = మరుగుజ్జువాడు; విప్రశ్నిక = సోదెకత్తె ]
బ్రతుకు ప్రశ్నల మయమయి ప్రజలు సతము
రిప్లయితొలగించండిబ్రతుకుచున్నారు వేటికి బదులు రాక
బదులు దొరకని ప్రశ్నలు వరదలైన
ప్రశ్నలను వేయువారికిఁ బ్రశ్న యెద్ది
ప్రశ్నలు వేనవేలు మది పల్లటపెట్టు జవాబు గానకన్
రిప్లయితొలగించండిప్రశ్నకు ప్రశ్న యెట్టుల జవాబగు? గాని, జగాన యెల్లరున్
ప్రశ్నలతోడ జీవితము భారమొనర్తురదేమి చిత్రమో!
ప్రశ్నలు వేయువారలకె ప్రశ్నగ మారినదెద్ది చెప్పుమా
తే॥ప్రశ్నలను వేయు వారికిఁ బ్రశ్న యెద్ది
రిప్లయితొలగించండిశ్ననిడి ప్రాసగఁ బద్యము నలుగురు విను
నటులఁ దెలుపు మనఁగఁ దెల్లనయ్యె మొగము
ప్రశ్నలను వేయు వారికె ప్రశ్న యిద్ది
ఉ॥ ప్రశ్నలు వేయు వారలకె ప్రశ్నగ మారిన దెద్ది చెప్పుమా
ఈశ్నను ప్రాసగా నిడితి యెన్నుచు వ్రాయమనంగఁ బద్యముల్
విశ్నము వీడె మోమటుల భీతినిఁ గాంచఁగ నుత్తలమ్మునన్
బ్రశ్నలు వేయు వారలకె ప్రశ్నగ మారఁగ మూగవోయిరే!
విశ్నము కాంతి ఉత్తలము కలత
జీవితమ్మున ప్రతివారు సేమ మరయ
రిప్లయితొలగించండినడుగు చుందురు ప్రశ్నల నాదరము గ
తప్పు కాదద దె ప్పు డూ చెప్పు కొ న గ
ప్రశ్నలను వేయు వారికి ప్రశ్న యె ద్ధి?
ఎద్దియన నుడివెద నాలకింపు మయ్య
రిప్లయితొలగించండిపరఁగె నుత్తర మింపుగఁ బ్రశ్న లోన
నేల ప్రశ్నింతు రీ నరు లిట్లనునది
ప్రశ్నలను వేయువారికిఁ బ్రశ్న యెద్ది
విశ్న విహీన కాయుఁడు వివేక విహీనుఁడు సంతతోగ్ర మ
ర్త్యాశ్న గణాధిపుండు సుమహాద్భుత దేహుఁడు కక్ష వూని యా
పృశ్ని కుమార పుంగవుని వీర్యము నెట్లు హరించె నన్నదే
ప్రశ్నలు వేయు వారలకె ప్రశ్నగ మారిన దెద్ది చెప్పుమా
[విశ్నము = కాంతి; అశ్నుఁడు = తినువాఁడు; పృశ్ని = దేవకీ దేవి]
తే.గీ:ప్రతిదినము నవధానముల్ బ్రబలు చుండె
రిప్లయితొలగించండిప్రాశ్నికులు ప్రతి దినమును పలు రకముల
బ్రశ్న లడిగి, రీ నాడును బ్రశ్న లడుగ
ప్రశ్నలను వేయువారికిఁ బ్రశ్న యెద్ది”
(ప్రతి రోజూ అవధానా లంటుంటే పృచ్ఛకుల దగ్గర సమస్య లేమి మిగులుతాయి? ఇది మనం చూస్తున్న విషయమే. )
ప్రశ్నోత్తరి
రిప్లయితొలగించండిఉ: ప్రశ్నలు వేయువారలకె ప్రశ్నగ మారినదెద్ది చెప్పుమా”
ప్రాశ్నికు డొక్క క్లిష్తమగు ప్రాసను వేసి సమస్య యీయ నా
ప్రశ్నకు నా వధాని రుచిరమ్మగు పూరణ జేయ గల్గునో?
ప్రాశ్నికు డెంతొ తేలికగ పాదము నిచ్చిన జూచి నవ్వునో?
ప్రాశ్నికవర్యు లందరకు ప్రశ్నగ దోచున దిద్దియే సుమా!
(అవధాని స్థాయి ఏమిటి? క్లిష్ట మైన సమస్య ఇస్తే అసలే చెయ్య లేడేమో? తేలికగా ఇస్తే ఇదేమి సమస్య అని నవ్వుతా డేమో అనేది. )
రిప్లయితొలగించండిపిన్నక నాగేశ్వరరావు.
హైదరాబాద్.
ఎప్పుడైనను లోకువ చెప్పు వాడు
ప్రశ్నలను వేయు వారికిఁ; బ్రశ్న యెద్ది
యైనను జవాబు చెప్పు వధానమందు
తగిన రీతి నాశువుగ వధాని యెపుడు.
ప్రశ్న వధానమందున వి
రిప్లయితొలగించండిరాజిలునంచు దలంచికొంచు నో
ప్రశ్ననువేయ పృచ్ఛకుడు,
భాసిలు పూరణజేసి వాని కా
ప్రశ్నకు పూరణమ్మడుగు
లక్షణమెంచి తలంచ నప్పు డా
ప్రశ్నలు వేయువారలకె
ప్రశ్నగ మారినదెద్ది చెప్పుమా?!