సముద్రము మధ్యలో బ్రతికిన వారికి ఇది అనుభవమేనండి. రాత్రి చంద్రుడుండకూడదు. ఆకాశము నిర్మలంగా ఉండాలి. అలలు సముద్రము మధ్యలో తక్కువగా ఉంటాయండి. మరీ నిర్మలంగా కూడ ఉంటుంది. అప్పుడు మనకీ అనుభవమౌతుందండి. పౌర్ణిమ రోజున వెన్నెల తివాచీ పరచినట్టుంటుంది
తే.గీ:నింగి విడి సంద్ర మందున మున్ గి నట్టి యొక్క రాకెట్టు కనుగొన నుద్యమించ నుదధి గర్భమ్ముననుఁ దోచె నుడుగణంబు నందు వింతల నరసెడు యంత్ర మొకటి. (రాకెట్ ఏదో లోపం తో సముద్రం లో పడిపోయింది.దాన్ని సముద్రం లో వెతుకుతుండగా నక్షత్రాల వింతలు కనుగొనే యంత్రం ఒకటి సముద్రం లో కనిపించింది.)
శాంతగంభీరమయ్యుండె సంద్రమటుల
రిప్లయితొలగించండిరాజసైన్యంబుకురుభూమి రంజితముగ
మెఱసిరాయోధులందరు మేలిరుచుల
ఉదధిగర్భమ్ముననుఁదోచెనుడుగణంబు
తేటగీతి
రిప్లయితొలగించండిపుడమిఁ జుట్టి సాగరమందు ముంచ, హరియె
దంష్ట్రల వరాహరూపుఁడై ధరణిఁ గాచి
యల హిరణ్యాక్షుఁ గ్రోధియై యలమినంత
నుదధి గర్భమ్ముననుఁ దోచె నుడుగణంబు!
ఉత్పలమాల
ధారుణిఁ జుట్టి చాపవలె దైత్యుడు సాగరమందు ముంచఁగన్
జేరెను నీరజాక్షుడట శ్వేతవరాహమనంగ గావఁగన్
బోరున దుష్టనిన్ గదిమి మోదుచు దంష్ట్రల గ్రుచ్చి త్రొక్కగన్
వారిధి గర్భమందు కనుపట్టెను తారక లద్భుతంబుగన్!
Sahadevidu garu !Nice sir@
తొలగించండివేరొకసంద్రమాయనగ వేనకువేలుగ వీరులాయెడన్
రిప్లయితొలగించండికోరికగెల్పునందునిడి కూడియునిల్చిరియుద్ధభూమిలో
ధీరులుకౌరవాదులును దిట్టలుపాండవులద్భుతంబుగా
వారిది గర్భమందు కను పట్టెను తారకలద్భుతంబుగన్
ఈ కామెంట్‌ను రచయిత తీసివేశారు.
రిప్లయితొలగించండిమీనముల పట్టుట కొరకై మిత్తతోడ
రిప్లయితొలగించండివెన్నెల రెయిన పడవపై వెడలుచుండ
కడలి యేమాత్ర మైనను కదలకుండె
ఉదధి గర్భమ్ముననుఁ దోచె నుడుగణంబు”
అరుణకిరణాలు జలధియం దలలపైన
రిప్లయితొలగించండివిస్తృతమ్ముగ వ్యాపించి వెలుగు నింపి
మినుకుమనుచు తారలవలె మెరయుచుండ
నుదధి గర్భమ్ముననుఁ దోచె నుడుగణంబు
రిప్లయితొలగించండిసంద్రతీరమందు చరించు సమయమందు
కాంచితిన్ బ్రతి బింబమా క్షణిణి నేను
చదలు లో కాంతు లీనెడు చందు తోడ
నుదధి గర్భమ్ముననుఁ దోచె నుడుగణంబు
దారను వెంట దీసుకుని ధ్వాంతపు వేళ ప్రతుష్టి కోసమై
చేరితి సంద్రతీరము బచేరము జేయగ నెంచి జ్యోత్స్నినిన్
కైరవి కాంతులే విరియు కాలము నందున తుంగి తోడుగన్
వారిధి గర్భమందు కనుపట్టెను తారక లద్భుతంబుగన్.
(మరొకటి)
నేరక వచ్చితిన్ వలదు నెయ్యపు కాడ రణంబంచు నీ
మారణ హోమమేల యిక మానెద నన్న నరుండు గాంచె కం
సారి సమగ్రరూపమును, చక్రి, మురద్విషుడైన యా దయా
వారిధి గర్భమందు కనుపట్టెను తారక లద్భుతంబుగన్.
నీరమె యండ మీనులకు నిల్వవు నీరము లేక ప్రాణముల్
రిప్లయితొలగించండివారినివాసులే బ్రతుకు భారము తీర్చును బెస్తవారికిన్
వారిరథమ్ములెక్కి పెను పాశముఁ దాల్చి ప్రయాణమైననా
వారిధి గర్భమందు కనుపట్టెను తారక లద్భుతంబుగన్!!
వారినివాసులు = చేపలు
వారి రథములు = పడవలు
తారకలు = పడవలు
సంద్రము కడలి జలనిధి సాగరమ్మె
రిప్లయితొలగించండిఅంబుధి శరధి దానికే యన్ని పేర్లు
సుంతయైనను లేదిందు వింతఁ జూడ
నుదధి గర్భమ్ముననుఁ దోచె నుడుగణంబు!!
ఉడుగణంబు = జల సమూహము
దేవ దానవు లేకమై చేవగలిగి
రిప్లయితొలగించండిక్షీర సాగర మథనము చేసినారు
ప్రాణభాస్వంతమునఁ బుట్టిరప్సరసలు
ఉదధి గర్భమ్ము ననుఁ దోచె నుడుగ ణంబు
కోరుచు మృత్యునాశనము కొండను కవ్వముజేసి చిల్కగా
తోరపు వాసుకే యచట తోడుగ నిల్చెను మంథరజ్జవై
వారధిఁ బుట్టిరప్సరలు బంగరు రంగుల తళ్కులీనుచున్
వారిధి గర్భమందు కనుపట్టెను తారక లద్భుతంబుగన్
నీరజ మచ్చరీని కమనీయఁపు చంద్రిక విస్తృతమ్ముగన్
రిప్లయితొలగించండివారిధిలో తరంగములపై బడ వాయువు చాలనమ్మునన్
నీరమునందు దోచినవి నేత్రయుగమ్ముకు మిన్కు తారలై
వారిధి గర్భమందు కనుపట్టెను తారక లద్భుతంబుగన్
(మచ్చరీడు=శత్రువు)
క్షీర సాగర మధనమ్ము సేయు నపుడు
రిప్లయితొలగించండిగిరిని ధరి యించె కూర్మ మై కే శ వుండు
నాడు వింత గ నతనికి వేడుకలర
యుధ ది గ ర్భమ్ము నను దో చె నుడు గ ణ o బు
తే॥ జలధి మధ్యవాసముఁ గాంచు సమయమందు
రిప్లయితొలగించండిరాత్రి వెన్నెలకారున రమ్యముగను
జూడఁ బర్వణి దినమున శోభలలర
నుదధి గర్భమ్ముననుఁ దోచె నడుగణంబు
ఉ॥ వారిధి మధ్య వాసమును భవ్యపు రీతిగ నొప్పుచుండఁగన్
బేరిమి మీర కాంచఁగను వెన్నెలకారున రాత్రియందునన్
గోరుచు సేదతీరుటను గొంతగ నిర్మలమైన పర్వణిన్
వారిధి గర్భమందు కనుపట్టెను తారక లద్భుతంబుగన్
వెన్నెలకారు శరత్కాలము పర్వణి అమావాస్య నిఘంటువు సహాయమండి
సముద్రము మధ్యలో బ్రతికిన వారికి ఇది అనుభవమేనండి. రాత్రి చంద్రుడుండకూడదు. ఆకాశము నిర్మలంగా ఉండాలి. అలలు సముద్రము మధ్యలో తక్కువగా ఉంటాయండి. మరీ నిర్మలంగా కూడ ఉంటుంది. అప్పుడు మనకీ అనుభవమౌతుందండి. పౌర్ణిమ రోజున వెన్నెల తివాచీ పరచినట్టుంటుంది
నుడుగణంబు టైపాటండి
తొలగించండితే.గీ:నింగి విడి సంద్ర మందున మున్ గి నట్టి
రిప్లయితొలగించండియొక్క రాకెట్టు కనుగొన నుద్యమించ
నుదధి గర్భమ్ముననుఁ దోచె నుడుగణంబు
నందు వింతల నరసెడు యంత్ర మొకటి.
(రాకెట్ ఏదో లోపం తో సముద్రం లో పడిపోయింది.దాన్ని సముద్రం లో వెతుకుతుండగా నక్షత్రాల వింతలు కనుగొనే యంత్రం ఒకటి సముద్రం లో కనిపించింది.)
ఉ:వారిథి లోని కేగి కను పట్టెడు వింతల జూచుచుండు న
రిప్లయితొలగించండివ్వారిన చేప లిష్ట మగు వానికి గన్ పడ తార మత్స్యముల్
మీరిన సంతసాన నది మెచ్చుచు నిట్లు వచించె "కొల్లగా
వారిధి గర్భమందు కనుపట్టెను తారక లద్భుతంబుగన్”
(తారమత్స్యములు=స్టార్ ఫిష్.సముద్రం లో వింతలు చూడటానికి బయలు దేరగా వారిలో చేపలు బాగా ఇష్ట మైన వాడికి స్టాప్ ఫిషెస్ కనిపించి సంతోషం పట్ట లేక అరిచాడు.)
రంగు రంగుల మేనుల దొంగిలింప
రిప్లయితొలగించండిమర్త్య మానసమ్ముల నెల్ల మత్స్య సంచ
యమ్ము లందందుఁ దిరుగాడి యలల తోడ
నుదధి గర్భమ్ముననుఁ దోఁచె నుడుగణంబు
వారిజ లోచనాననలు భారకు చాప్త కృశావలగ్నలుం
దారక సన్నిభజ్వలిత తారక యుగ్మలు మర్త్యసంచ యా
క్షీ రమణీయ తచ్చలన చిత్ర వరిష్ఠ తరంగిణీ మిల
ద్వారిధి గర్భ మందుఁ గనుపట్టెను దారక లద్భుతంబుగన్
ఈ కామెంట్‌ను రచయిత తీసివేశారు.
రిప్లయితొలగించండిసంధ్య వేళలు సక్కని సమయ మగుట
రిప్లయితొలగించండియుదధి తీరాన నిలబడి యుదక మరయ
యుదధి గర్భమ్ముననుఁ దోచె నుడుగణంబు
తళుకు లీనుచు కెరటాల ధగల తోడ
పౌర్ణమీదినమందున వరుసగాను
రిప్లయితొలగించండికాని పించుచునుండగ గగనమందు
చందమామయు తానట జతకుచేర
*నుదధి గర్భమ్ముననుదోచె నుడు గణంబు*
డా బల్లూరి ఉమాదేవి
కోరుచుమన్నుతింటివట కూరిమి తోడను పాలువెన్నలన్
కోరిన యంతయిచ్చదనుకుక్షికినిండుగనీపనేలరా
నోరునుతీసిచూపుమననోటనుగాంచుచునెల్లలోకముల్
*“వారిధి గర్భమందు కనుపట్టెను తారక లద్భుతంబుగన్