సుగమము కాదు నేడిలను సొంతముగా గృహమన్న కోట్లలో న గయము ఖర్చు చేసి భవనమ్మును గట్టుట పేద వారికిన్ గగనము బాడుగిల్లె శరకమ్మని తల్చెడి వాడు చెప్పెనే స్వగృహము లేనివాఁడె కడు భద్రతఁ గాంచును జీవితమ్మునన్.
చం:స్వగృహము గట్ట నేల పలు పాట్లను బొందుచు? బ్యాంకు వారితో తగవు లవేల నా ఋణము దక్కగ, దానిని దీర్చ లేక,బా డుగ కొసగంగ దాని నేవడో ముదనష్టము జేయ నేలయా? స్వగృహము లేనివాఁడె కడు భద్రతఁ గాంచును జీవితమ్మునన్”
(3)కం:వగ దీర్చ బేదలకు, నీ యగనొక స్వగృహమ్ము ప్రభుత పథకము నిడె పం డుగ గా "భద్రత" పేరిట స్వగృహము లేనట్టివాఁడె భద్రతఁ గాంచున్” (భద్రత అనే పేరుతో ప్రభుత్వం ఒక పథకం తెచ్చి పేదలకి స్వంత ఇల్లు ఇస్తోంది.ఐతే ఇంత వరకు స్వంత ఇల్లు లేని వారికే ఇస్తుంది కానీ ఒక ఇల్లు ఉంటే భద్రత పథకాన్ని పొంద లేరు.)
(గృహము లేని వాడు అద్దెకుంటాడు కదండి. అతనికి ఆగృహము గురించిన చింత కూడ ఉండదు అద్దె కట్టి భద్రంగా ఉండగలడు, ధనము లేకుంటే హాయిగా గుడులలో ఉండేవారు, పాతకాలంలో)
కం:తెగ మ్రోగు రైలు కూతలు, సిగ దరగ!రవమ్ము బెంచు సినిమా హాళ్లున్, దగిలెడు బ్రదేశముల లో స్వగృహము లేనట్టివాఁడె భద్రతఁ గాంచున్” (సినిమా హాల్ దగ్గర,రైలు పట్టాల దగ్గర ఇల్లుంటే పెద్ద న్యూసెన్స్. )
చ.
రిప్లయితొలగించండిమొగమున నవ్వులం జిలికి ముచ్చటలాడెడు మంచి వాడు పె
న్నగముగ నిల్చి కష్టముల నల్లుల మాడ్కిని చూచి యోర్పుతో
న్మగనిగ చాన యిష్టములు నందము నిచ్చెడు మేటి, వాడె యా
స్వగృహము లేని వాడె కడు భద్రత గాంచును జీవితమ్మునన్ !
కందం
రిప్లయితొలగించండిస్వగతమ్మశాంతినిండఁగఁ
దగవులు న్యాయసభ సతమతమొనరఁ జేయన్
రగిలించు వ్యాజ్యభరితఁపు
స్వగృహము లేనట్టివాఁడె భద్రతఁ గాంచున్
చంపకమాల
స్వగతమునందునన్ సతమశాంతికి కారణమౌ వివాదముల్
దిగులొనగూర్చ న్యాయసభ తేల్చక నిత్యము సాగదీయగన్
రగులగఁ జేయుచున్ స్థిరతరంబగు భావవ మృగ్యమైనదన్
స్వగృహము లేనివాఁడె కడు భద్రతఁ గాంచును జీవితమ్మునన్
రిప్లయితొలగించండిభగభగ మండుధరలతో
జగతిని స్థలమును కొనక వసతి కై బా
డుగ యింట నుండ మేలగు
స్వగృహము లేనట్టివాఁడె భద్రతఁ గాంచున్.
సుగమము కాదు నేడిలను సొంతముగా గృహమన్న కోట్లలో
న గయము ఖర్చు చేసి భవనమ్మును గట్టుట పేద వారికిన్
గగనము బాడుగిల్లె శరకమ్మని తల్చెడి వాడు చెప్పెనే
స్వగృహము లేనివాఁడె కడు భద్రతఁ గాంచును జీవితమ్మునన్.
ఎగువగు తుఫాను తాకిడి
రిప్లయితొలగించండికి గృహపు పటలములు పయికెగిరిపోవంగా
నెగులుండదు తిరిగి నిలుప ,
స్వగృహము లేనట్టివాఁడె భద్రతఁ గాంచున్
రిప్లయితొలగించండిశంకరాభరణం
సమస్య 28/11/2025
“స్వగృహము లేనివాఁడె కడు భద్రతఁ గాంచును జీవితమ్మునన్
చంపకమాల
వగచుట యేల సంసృతినిఁ బాలనఁ జేయుట దుర్లభమ్మనిన్
జగముల నేలు త్ర్యంబకుడు శర్వుడు క్ష్వేళగళుండె యుండగా
నగణిత భక్తి భావమునఁ నర్చనఁ జేయుచుఁ నార్థి వేడుచో
స్వగృహము లేనివాఁడె,కడు భద్రతఁ గాంచును జీవితమ్మునన్
( శివుడు పర్వతాలలో, శ్మశానాలలో నివసిస్తాడు కదా...)
ఆకుల శాంతి భూషణ్
వనపర్తి
వెగటని వీడి కుటుంబము
రిప్లయితొలగించండిజగమున తిరుగాడువారు సన్యాసికుడే
జగదధిపతి రక్షయని
స్వగృహము లేనట్టివాఁడె భద్రతఁ గాంచున్
వెగటుగఁ దోచ జీవితము వీడుచు సంసృతి తాను భిక్షువై
జగమున సంచరించుగద సాధువు చూడగ దైవ శోధనన్
జగతిని గాచువాడె తన సంశ్రయ మంచు తలంచు చుండనా
స్వగృహము లేనివాఁడె కడు భద్రతఁ గాంచును జీవితమ్మునన్
నగరపు బ్రతుకున జీతము
రిప్లయితొలగించండిమిగలక, ప్రత్యహము జనులు మిడుకుచు బ్రతకన్
తగునే దుర్గతిగని యన
స్వగృహము లేనట్టివాఁడె భద్రతఁ గాంచున్
పగలును రేయిని శ్రమపడి
రిప్లయితొలగించండినగలను తాకట్టు పెట్టి నగుబాటులతో
స్వగృహము నొందుటకన్నను
స్వగృహము లేనట్టివాఁడె భద్రతఁ గాంచున్
పగలును రేయి కష్టపడి పైసకు పైసగ కూర్చి యెన్నియో
రిప్లయితొలగించండివగపులు సైచి యప్పులను పంకమునందున క్రుంగి మానవుల్
స్వగృహము కోసమై బ్రతుకు వ్యర్ధమొనర్ప వివేకమెట్లగున్
స్వగృహము లేనివాఁడె కడు భద్రతఁ గాంచును జీవితమ్మునన్
కం:తగవుల యవసర ముండదు,
రిప్లయితొలగించండిపగ లుండవు సుతుల తోడ,భార్యామణి తో
వగపుండదు సన్యాసికి
స్వగృహము లేనట్టివాఁడె భద్రతఁ గాంచున్”
చం:స్వగృహము గట్ట నేల పలు పాట్లను బొందుచు? బ్యాంకు వారితో
రిప్లయితొలగించండితగవు లవేల నా ఋణము దక్కగ, దానిని దీర్చ లేక,బా
డుగ కొసగంగ దాని నేవడో ముదనష్టము జేయ నేలయా?
స్వగృహము లేనివాఁడె కడు భద్రతఁ గాంచును జీవితమ్మునన్”
(3)కం:వగ దీర్చ బేదలకు, నీ
రిప్లయితొలగించండియగనొక స్వగృహమ్ము ప్రభుత పథకము నిడె పం
డుగ గా "భద్రత" పేరిట
స్వగృహము లేనట్టివాఁడె భద్రతఁ గాంచున్”
(భద్రత అనే పేరుతో ప్రభుత్వం ఒక పథకం తెచ్చి పేదలకి స్వంత ఇల్లు ఇస్తోంది.ఐతే ఇంత వరకు స్వంత ఇల్లు లేని వారికే ఇస్తుంది కానీ ఒక ఇల్లు ఉంటే భద్రత పథకాన్ని పొంద లేరు.)
(గృహము లేని వాడు అద్దెకుంటాడు కదండి. అతనికి ఆగృహము గురించిన చింత కూడ ఉండదు అద్దె కట్టి భద్రంగా ఉండగలడు, ధనము లేకుంటే హాయిగా గుడులలో ఉండేవారు, పాతకాలంలో)
రిప్లయితొలగించండికం॥ అగృహుఁడు వసించఁగ గుడుల
స్వగృహము లేనియెడల తగు సమ్మతిఁ గని వే
రు గృహము రూకలకు పడయ
స్వగృహము లేనట్టి వాఁడె భద్రతఁ గాంచున్
చం॥ అగృహుఁడు దేవళమ్ముఁగని యందు నివాసము నొందఁ జక్కగా
స్వగృహము లేకనున్న ధన సంపదలుండఁగ క్షేమ మొంది వే
రు గృహము నద్దియన్ గొనుచు రూకలఁ జల్లి వసించ లెస్సగా
స్వగృహము లేని వాఁడె కడు భద్రతఁ గాంచును జీవితమ్మునన్
మరొక పూరణ అండి
(ఇల్లు అద్దెకిచ్చిన వారి స్వానుభవమండి)
ఉ॥ అగణిత లాభముండుఁ గద హాయిగ నద్దియకున్న వృద్ధుఁడై
సుగమముఁ బొందు జీవనము సూక్ష్మము నెంచఁగన్ బాధ్యతాదులున్
దగులక నుండి సౌఖ్యముగఁ దాల్మిని వాసము నొంద నొప్పెడున్
స్వగృహము లేనివాఁడె కడు భద్రతఁ గాంచును జీవితమ్నునన్
కం:తెగ మ్రోగు రైలు కూతలు,
రిప్లయితొలగించండిసిగ దరగ!రవమ్ము బెంచు సినిమా హాళ్లున్,
దగిలెడు బ్రదేశముల లో
స్వగృహము లేనట్టివాఁడె భద్రతఁ గాంచున్”
(సినిమా హాల్ దగ్గర,రైలు పట్టాల దగ్గర ఇల్లుంటే పెద్ద న్యూసెన్స్. )
మిగలని జీతము తోడుత
రిప్లయితొలగించండిదిగులు గ సంసార యాత్ర తెరువరి యగుచు న్
క్రుంగి న జీవుo డే గతి
స్వగృహము లేనట్టి వాడె భద్ర త గాంచు న్?
తగవులు పెక్కు చెలంగును
రిప్లయితొలగించండివిగతం బగు నెడఁద శాంతి విజ్ఞుల కైనం
దగునే పలుకఁగ నిట్లున్
స్వగృహము లేనట్టి వాఁడె? భద్రతఁ గాంచున్
పగతుఱ కైన నిప్పగిది వాసము దైవ మొసంగకుండెడిం
దగదిది యెల్లవారలకు దైన్యము నూని వశింప శక్యమే
యగణిత వాసరమ్ము లకటా తల వంపులు గా సదా పర
స్వగృహము లేని వాఁడె కడు భద్రతఁ గాంచును జీవితమ్మునన్
కం॥
రిప్లయితొలగించండిఅగణిత లంచపు వరదన్
గగనము చూచెడి భవనపు కట్టెడి ఖర్చున్
పొగులెడు దీనుని కన్నన్
స్వగృహము లేనట్టివాడె భద్రత గాంచున్!
రిప్లయితొలగించండిపిన్నక నాగేశ్వరరావు.
హైదరాబాద్.
గగనమును చేరగ ధరలు
స్వగృహమును ఖరీదు చేయ సాధ్యంబగునా
సుగమమది బాడుగ గృహము
స్వగృహము లేనట్టి వాడె భద్రతఁ గాంచున్.