1, మార్చి 2014, శనివారం

సమస్యాపూరణం - 1338 (మల్లెతీఁగకు పూచె)

కవిమిత్రులారా,
ఈరోజు పూరించవలసిన సమస్య ఇది...
మల్లెతీఁగకు పూచె చేమంతులెన్నొ.

20 కామెంట్‌లు:

  1. ముద్ద బంతులు చేమంతి పున్నా గముల
    కల్లు కొన్నవి తీగలు యల్ల నల్ల
    వెన్నె లందున గన్పట్టు వేడ్క జూడ
    మల్లె తీగకు పూచె చేమంతు లెన్నొ

    రిప్లయితొలగించండి
  2. మల్లె తీగెను బోలిన మనుమరాలు
    బట్టపై పూల గుత్తుల పగిది జూచి
    తాత పద్యమ్ము నల్లెను ప్రీతి తోడ
    మల్లె తీగెకు బూచె చేమంతు లెన్నొ

    రిప్లయితొలగించండి
  3. ప్రణామములు
    తాతగారి తో పద్యం వ్రాయించు కున్న మనుమరాలు ఎం.....త ....అదృష్ట వంతు రాలో ? చాలా చాలా బాగుంది

    రిప్లయితొలగించండి

  4. అమ్మా! రాజేశ్వరి గారూ! శుభాశీస్సులు.

    మా మనుమరాలు కళల పద్మజుని యాలు
    సిరుల బేర్కొను నెడల శ్రీధరుని యాలు
    వరలు సౌభాగ్యమెన్న శంకరుని యాలు
    ముద్ద బంగార మనదగు ముద్దరాలు

    రిప్లయితొలగించండి
  5. శ్రీ శంకరయ్య గురుదేవులకు,శ్రీ నేమాని గురుదేవులకు వినమ్రవందనములతో.....
    శ్రీ శంకరయ్య గురుదేవులకు,శ్రీ నేమాని గురుదేవులకు ధన్యవాదములతో.
    ==============*=================
    తిమ్మడింట మల్లె తీగకు పూచె చే
    మంతు లెన్నొజూడు మామ,పోయి
    జూచి వచ్చె దమ్ము,కాచి యుంచితి నీరు
    వేగ రమ్ము నీవు వేడుక గన !

    కలువ కంటి యీ తిమ్మడు కాడు,బావ
    తిమ్మడు,గణక యంత్ర స్థితి గతి మార్చ
    చిత్ర మందు చిత్రముగాను చిత్ర మలర
    మల్లె తీగకు పూచె చేమంతు లెన్నొ!

    రిప్లయితొలగించండి
  6. మల్లియల్ పూచె నిండుగా మాదు తోట
    మల్లె తీఁగకు; పూచె చేమంతులెన్నొ;
    యింటి వాకిట చెండు పూలింపు గొల్పె;
    నాదు మనమది నిండె నానందమిండ్రు.

    రిప్లయితొలగించండి
  7. పరిమళమ్ములు వెదజల్లి పలుకరించి
    బొండు మల్లెలు విరబూసె నిండుగాను
    మల్లెతీగకు, పూచె చేమంతు లెన్నో
    అందగించుచు కనులకు విందుజేసె

    రిప్లయితొలగించండి
  8. మానినీమణి యలివేణి మల్లెతీగ!
    కొప్పునన్ పుష్ప మాలికల్ కొల్వుతీరె
    నట్టి పూబోడి మరియింత నందగింప
    మల్లెతీగకు పూచె చేమంతులెన్నొ!

    రిప్లయితొలగించండి
  9. ఈ కామెంట్‌ను రచయిత తీసివేశారు.

    రిప్లయితొలగించండి
  10. లక్ష పద్యార్చనం - 'గ్రంథ ముఖి '( ఫేస్ బుక్ ) మాధ్యమం లో డా . రాళ్ళబండి కవితాప్రసాద్
    http://andhraamrutham.blogspot.in/2014/03/blog-post_1.html#.UxGBMOOSyi4

    రిప్లయితొలగించండి
  11. పూలు విరివిగ బూచెను బొలుపు గాను
    మల్లె తీగకు, పూచె చేమంతు లెన్నొ
    పసుపు వర్ణము తోడన పసిడి వోలె
    మాపె రటిలోన గలయట్టి మడిని యందు

    రిప్లయితొలగించండి
  12. శ్రీ శంకరయ్యగారికి నమస్సులు

    వింత గొలుపుచు వచ్చె వసంత ఋతువు
    ఉల్లముప్పొంగ పూలెన్నొవెల్లి విరిసె
    మల్లెతీగకు; పూచె చేమంతులెన్నొ,
    పడతి పులకించ భర్తయే ముడిచె జడను

    రిప్లయితొలగించండి
  13. రాజేశ్వరి అక్కయ్యా,
    మీ పూరణ బాగున్నది. అభినందనలు.
    మొదటిపాదంలో ‘పున్నాగముల’ అన్నప్పుడు గణదోషం. ఆ పాదాన్ని ‘ముద్దబంతులు చేమంతి పొన్న జాజి’ అనండి.
    *
    పండిత నేమాని వారూ,
    ‘మల్లెపూవువంటి మనుమరాలి ఒంటినిండ చేమంతులు...’ మనోహరమైన భావం. చక్కని పూరణ. అభినందనలు.
    మనుమరాలిని ముగ్గురమ్మల బోలు పుత్తడిబొమ్మగా వర్ణించిన పద్యం చాలా బాగుంది.
    *
    నాగరాజు రవీందర్ గారూ,
    మీ పద్యవనంలో రకరకాల పూలు వికసించాయి. బాగుంది. అభినందనలు.
    *
    కందుల వరప్రసాద్ గారూ,
    మీ రెండు పూరణలూ వైవిద్యంగా అలరిస్తున్నవి. అభినందనలు.
    ‘వచ్చెదము’ ... వచ్చెదమ్ము... అయింది. దానికి ‘వచ్చెద మిక’ అందామా?
    *
    లక్ష్మీదేవి గారూ,
    మదినిండా ఆనందాన్ని నింపగల పూరణ చెప్పారు. చాలా బాగుంది. అభినందనలు.
    *
    శైలజ గారూ,
    విరుపుతో అందమైన పూరణ చెప్పారు. అభినందనలు.
    *
    "అష్టావధాని" రాంభట్ల పార్వతీశ్వర శర్మ గారూ,
    ముగ్ధమనోహరమైన భావంతో పూరణ చెప్పి ఆనందాన్ని కలిగించారు. అభినందనలు.
    *
    సుబ్బారావు గారూ,
    విరుపుతో మంచి పూరణ చెప్పారు. అభినందనలు.
    ‘మడిని యందు’ అన్నదానిని ‘మడినిఁ బెంచ’ అనండి.
    *
    భాగవతుల కృష్ణారావు గారూ,
    ఉల్లమును పులకింపజేసే పూరణ చెప్పారు. అభినందనలు.
    ‘ఋతువు ఉల్లము’ అనకుండా ‘వసంతకాల/ ముల్లముప్పొంగ...’ అనండి.

    రిప్లయితొలగించండి
  14. సవరణలకు శ్రీ శంకరయ్య గురుదేవులకు ధన్యవాదములతో.
    ===========*==============
    తిమ్మడింట మల్లె తీగకు పూచె చే
    మంతు లెన్నొజూడు మామ,పోయి
    జూచి వచ్చె దమిక,కాచి యుంచితి నీరు
    వేగ రమ్ము నీవు వేడుక గన !





    రిప్లయితొలగించండి
  15. చేర వచ్చు రాముని గని యోర కంట
    మల్లె తీగ సీతామాలక్ష్మి మఱచె శ్వాస
    విల్లు విఱచిన వెంటనె యుల్లమలర
    మల్లె తీగకు పూచె చేమంతులెన్నొ!

    రిప్లయితొలగించండి
  16. సహదేవుడు గారూ,
    మీ పూరణ బాగుంది. అభినందనలు.
    ‘సీతామాలక్ష్మి’ అన్నచోట గణదోషం. ‘సీతాదేవి’ అంటే సరి!

    రిప్లయితొలగించండి
  17. గురుదేవుల సవరణకు ధన్యవాదాలు. తమరి సూచిసూచిక సవరణతో:
    చేర వచ్చు రాముని గని యోర కంట
    మల్లె తీగ సీతాదేవి మఱచె శ్వాస
    విల్లు విఱచిన వెంటనె యుల్లమలర
    మల్లె తీగకు పూచె చేమంతులెన్నొ!



    రిప్లయితొలగించండి
  18. మల్లె పువ్వును బోలెడు మచ్చ కంటి
    సిగను చామంతులు ముడిచి చెంగలించ
    అనియె పెనిమిటి భార్యతో నంబుజాక్షి!
    మల్లె తీగకుపూచె చేమంతులెన్నొ

    రిప్లయితొలగించండి
  19. పూజ్యులు గురుదేవులు శంకరయ్య గారికి వందనములు
    అరయ సిరిని నర్చింపoగ విరులు బూసె
    మల్లెతీగెకు .పూచె చేమంతులెన్నొ
    శివుని సతుల పూజలకు నీ శిశిర మందు
    ధన్యమాయెను పువు జీవితమ్ము నేడు

    రిప్లయితొలగించండి
  20. మల్లె తీగయు చేమంతి మనసు బడుఛు
    నాటినాడను కుండిలో నాడు, నేడు
    చూడ బట్టెను హతవిధీ చీడ లచట
    మల్లెతీగెకు, .పూచె చేమంతులెన్నొ

    రిప్లయితొలగించండి