అడిగిన వారి కెల్లర కనంతముగా సహకార మీయుచున్ బెడగగు నీతి వర్తనమె వీడక జీవిత కాల మంతయున్ అడరెడి శ్రేష్ఠులందరికి నబ్బెడి ప్రఖ్యయె జూడ నెన్నడున్ చెడనిది, పాంచభౌతిక విశిష్ట శరీరమె సర్వ మంతమౌ!
అడిగిన వారి కెల్లర కనంతముగా సహకార మిచ్చుచున్ బెడగగు నీతి వర్తనమె వీడక జీవిత కాల మంత తా మడరెడి శ్రేష్ఠులందరికి నబ్బెడి ప్రఖ్యయె జూడ నెన్నడున్ చెడనిది, పాంచభౌతిక విశిష్ట శరీరమె సర్వ మంతమౌ!
వడిగొని పిల్ల పాపలను వాసిని పెంచుచు పెద్ద చేయనై తడబడ కుండ కష్టములు, తాను రచించిన వృద్ధి బాటలో నడచిన చాలటంచనిరె నచ్చిన రీతిని, యెంత కోర్చినన్ చెడనిది , పాంచ భౌతిక విశిష్ట శరీరమె సర్వమంతమౌ
కడుసొగసైనదీ తనువు కాలము పూసిన రంగు చాటు నన్ బుడతగ జన్మ మంది పలు బొమ్మలు మార్చుచు వృద్ధయౌచు పో కడ గమనించనట్లు చిరకాలము యుండునె? లోన దైవమే చెడనిది!పాంచభౌతిక విశిష్ట శరీరమె సర్వమంతమౌ!! -కటకం వేంకటరామశర్మ.
విడివడివిషయపువలయము
రిప్లయితొలగించండికడువడిగాపరువులెత్తికాంచగపరమున్
జడమునువదలినయాత్మయ
చెడనిదిమనతనువెచెడునుసర్వముసుమ్మీ
చెడినది, మనతనువెచెడునుసర్వముసుమ్మీ
విడివడివిషయపువలయము
తొలగించండికడువడిగావరువులెత్తికాంచగపరమున్
జడమునువదలినయాత్మయె
చెడదు, తనువుసర్వమున్గనఁజెడుఁదథ్యముగన్
మీ పూరణ బాగున్నది. అభినందనలు.
తొలగించండిధన్యవాదములండిగురువుగారు
తొలగించండిచివరిపాదముపోరపాటునటైపుచేయబడినది
రిప్లయితొలగించండి
రిప్లయితొలగించండిసమస్య :
చెడనిది పాంచభౌతిక వి
శిష్టశరీరమె సర్వమంతమౌ
( ఏదోరకంగా బొంకి కష్టాలనుండి విముక్తి
పొందమన్న నక్షత్రకునితో హరిశ్చంద్రుడు )
ఎడపక మంచిచెడ్డలవి
యెంతయొ నాదగు మేలు గోరి యి
య్యెడ మహనీయ ! మౌనివర !
యీగతి జెప్పితివయ్య ! చూడగా
నిడుముల నెన్ని పొందినను
నెప్పటికైనను సత్యభాషయే
చెడనిది ; పాంచభౌతిక వి
శిష్టశరీరమె సర్వమంతమౌ !
మీ పూరణ ప్రశస్తంగా ఉన్నది. అభినందనలు.
తొలగించండిపుడమిన పేద సాదలకు పొందిక సాయము చేయు పుణ్యమే
రిప్లయితొలగించండిచెడనిది , పాంచభౌతిక విశిష్ట శరీరమె సర్వ మంతమౌ
విడి వడు దేహ సంపదను వీచెడి వాయువు నీరు నిప్పులున్
తడ బడి వీడునంబరము ధాత్రియు కాలము తీరు వేళలన్
...భారతీనాథ్ చెన్నంశెట్టి...
మీ పూరణ బాగున్నది. అభినందనలు.
తొలగించండి"పుడమిని" అనండి.
ధన్యవాదములండీ
తొలగించండిసవరణకు🙏🏻
మిత్రులందఱకు నమస్సులు!
రిప్లయితొలగించండిచెడనిది కీర్తి కాయమగు శ్రేష్ఠత నందఁగఁజేయునట్టిదై!
చెడనివి రేవగళ్ళు గనఁ జేతన మిచ్చును జీవకోటికిన్!
జెడనిది కాలమే, సతముఁ జేరి, లయింపక యుండుఁ! గావునం,
జెడ, నిది పాంచభౌతిక విశిష్ట శరీరమె! సర్వ మంతమౌ!
(చెడన్+ఇది>చెడన్=చెడిపోవడానికి, ఇది=ఈ శరీరము)
మీ పూరణ అద్భుతంగా ఉన్నది. అభినందనలు.
తొలగించండిధన్యవాదాలండీ శంకరయ్యగారూ!
తొలగించండినడవడి కి మూల మగుచును
రిప్లయితొలగించండికడవరకును తాను మనుచు కాంక్షల దీర్చున్
జడమది గాదన నాత్మయె
చెడనిది : మన తనువె చెడును సర్వము సుమ్మీ !
మీ పూరణ బాగున్నది. అభినందనలు.
తొలగించండి
రిప్లయితొలగించండిఉడిగెడు దేహము కొరకై
ముడుపుల సాధింప పాపపు పథము విడుమా
పుడమిన కీర్తి గడించిన
చెడదు,తనువు సర్వముఁ గన జెడుఁ దథ్యముగన్.
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండికందం
తొలగించండిఅడిగెడు వారలు లేరని
పెడసరి దోపిడి గడింపఁ బృథ్విని స్థిరమే?
బడుగులఁ గాచెడు కీర్తియె
చెడదు! తనువు సర్వముఁ గనఁ జెడుఁ దథ్యముగన్! !
చంపకమాల
అడిగెడు వారులేరనుచు నందినదెల్లను దోచనెంచుచున్
బెడసరి పోకడన్ బ్రతుకు వేడుక నెంచితె శాశ్వతమ్మొకో?
తొడరిన సంపదన్ బరుల తుష్టికి నెంచినఁ గల్గు కీర్తియే
చెడనిది, పాంచభౌతిక విశిష్ట శరీరమె సర్వ మంతమౌ!
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా🙏
తొలగించండిక్రొవ్విడి వెంకట రాజారావు:
రిప్లయితొలగించండివడలక నాశనమవ్వక
అడగారకుండక నిరతము నచలము నగుచున్
అడరుచు నుండెడి నాత్మయె
చెడదు, తనువు సర్వముగన జెడు దథ్యముగన్.
మీ పూరణ బాగున్నది. అభినందనలు.
తొలగించండిరెండవ పాదంలో గణభంగం. సవరించండి.
వడలక నాశనమవ్వక
తొలగించండిఅడగుచు నుండక నిరతము నచలము నగుచున్
అడరుచు నుండెడి నాత్మయె
చెడదు, తనువు సర్వముగన జెడు దథ్యముగన్.
గురువుగారికి నమస్సులు.
కడుగుట మానకు కరములు
రిప్లయితొలగించండిచెడదు తనువు ; సర్వముఁ గనఁ జెడుఁ దథ్యముగన్
తడబడక కరోనాలవి
పుడమిన పలు పలు తెరగుల పొందిక చేరన్
...భారతీనాథ్ చెన్నంశెట్టి...
మీ పూరణ బాగున్నది. అభినందనలు.
తొలగించండి"పుడమిని" అనండి.
ధన్యవాదములండీ
తొలగించండిసవరణకు🙏🏻
రిప్లయితొలగించండిముడుపుల బొంది నీచమగు భోగము లందుట మెందుకంటిరా?
విడువక ధర్మమార్గమును పేదలనాథల గారవించుచున్
బుడమిని ధర్మమూర్తివని పూజ్యుడ వంచును బొందు కీర్తియే
చెడనిది, పాంచభౌతిక విశిష్ట శరీరమె సర్వమంతమౌ.
మీ పూరణ బాగున్నది. అభినందనలు.
తొలగించండి"...లందుట యెందుకంటిరా" అనండి.
పిడికెడుమట్టితోడగనపెంపునబమ్మయజేయుబొమ్మరా
రిప్లయితొలగించండితడయకదానిధర్మముగతానొకనాట్యముజేసిపోవురా
వడిగనుమాయదేహమిదివంగకసాధననాత్మయొక్కటే
చెడనిది,పాచ భౌతికవిశిష్టశరీరమెసర్వమంతమౌ
మీ పూరణ ప్రశస్తంగా ఉన్నది. అభినందనలు.
తొలగించండి~~~~~~~~~~~~~~~~~~~
రిప్లయితొలగించండివిడువక ధర్మ మార్గము వివే
కముతోడను సత్య సంధులై
నడచిన వారి కీర్తి యిల నశ్వ
ర మొందక నిల్చు నద్దియే
చెడనిది, పంచభౌతిక విశిష్ట
శరీరమె సర్వమంతమౌ
పుడమిని జీవితాంతమును
బూజలు నోముల నెన్నినోచిన్.
~~~~~~~~~~~~~~~~~~~~
మీ పూరణ ప్రశస్తంగా ఉన్నది. అభినందనలు.
తొలగించండిక్రొవ్విడి వెంకట రాజారావు:
రిప్లయితొలగించండిఅడిగిన వారి కెల్లర కనంతముగా సహకార మీయుచున్
బెడగగు నీతి వర్తనమె వీడక జీవిత కాల మంతయున్
అడరెడి శ్రేష్ఠులందరికి నబ్బెడి ప్రఖ్యయె జూడ నెన్నడున్
చెడనిది, పాంచభౌతిక విశిష్ట శరీరమె సర్వ మంతమౌ!
అడిగిన వారి కెల్లర కనంతముగా సహకార మిచ్చుచున్
తొలగించండిబెడగగు నీతి వర్తనమె వీడక జీవిత కాల మంత తా
మడరెడి శ్రేష్ఠులందరికి నబ్బెడి ప్రఖ్యయె జూడ నెన్నడున్
చెడనిది, పాంచభౌతిక విశిష్ట శరీరమె సర్వ మంతమౌ!
మీ పూరణ బాగున్నది. అభినందనలు.
తొలగించండికె.వి.యస్. లక్ష్మి:
రిప్లయితొలగించండిపడిపడి మెరుగులు దిద్దగ
వడివడిగా పెరిగిన తనువంతయు చనినన్
అడగారకుండు నాత్మయె
చెడదు, తనువు సర్వముగన జెడు దథ్యముగన్.
మీ పూరణ బాగున్నది. అభినందనలు.
తొలగించండిపడుచుదనము శాశ్వతమని
రిప్లయితొలగించండిమిడిసిపడక యెరుగుము వడిమించక మునుపే
తడయక జేసిన పుణ్యము
చెడదు; తనువు సర్వముగన జెడుతథ్యముగన్
శరీరమాధ్యమ్ ఖలు ధర్మసాధనమ్
తడయక నెల్లవేళలను తత్పరుడై యొనరించు ధర్మమే
చెడనిది; పాంచభౌతిక విశిష్ట శరీరమె సర్వమంతమౌ
విడువక సత్యశౌచముల వెన్నుని గొల్చుచు నాత్మజ్ఞానమున్
కడమను దైవధామమను గమ్యము జేరగ సాధనమ్మునై
మీ రెండు పూరణలు బాగున్నవి. అభినందనలు.
తొలగించండి"తడయక యెల్లవేళలను..." అనండి.
'ఆత్మజ్ఞాన' మన్నపుడు 'త్మ' గురువై గణభంగం. సవరించండి.
ధన్యవాదములు గురుదేవా! సవరిస్తాను!🙏🙏🙏
తొలగించండిసవరణతో
తొలగించండిశరీరమాధ్యమ్ ఖలు ధర్మసాధనమ్
తడయక యెల్లవేళలను తత్పరుడై యొనరించు ధర్మమే
చెడనిది; పాంచభౌతిక విశిష్ట శరీరమె సర్వమంతమౌ
విడువక సత్యశౌచముల వెన్నుని గొల్చుచు భక్తిమార్గమున్
కడమను దైవధామమను గమ్యము జేరగ సాధనమ్మునై
బుడిబుడియడుగుల మొదలిడి
రిప్లయితొలగించండివడివడిపయనమ్ము సలుపు పథమేదైనన్
పుడమిని పొందిన కీర్తియె
చెడదు, తనువు సర్వముఁ గనఁ జెడుఁ దథ్యముగన్
చక్కని పూరణ. అభినందనలు.
తొలగించండి🙏
తొలగించండిఒక తండ్రి ఆవేదనగా నా ప్రయత్నము:
రిప్లయితొలగించండిచం:
వడిగొని పిల్ల పాపలను వాసిని పెంచుచు పెద్ద చేయనై
తడబడ కుండ కష్టములు, తాను రచించిన వృద్ధి బాటలో
నడచిన చాలటంచనిరె నచ్చిన రీతిని, యెంత కోర్చినన్
చెడనిది , పాంచ భౌతిక విశిష్ట శరీరమె సర్వమంతమౌ
వై. చంద్రశేఖర్
మీ పూరణ బాగున్నది. అభినందనలు.
తొలగించండి'రీతిని నెంత...' అనండి.
ధన్యవాదములు
తొలగించండివిడువకు ధర్మం బెప్పుడు
రిప్లయితొలగించండికడవరకున్ వెంటవచ్చు కర్మఫలంబుల్
గడియించిన కీర్తి యిలను
చెడదు; తనువు సర్వముఁ గనఁ జెడుఁ దథ్యముగన్.
పడిపడి కూడబెట్టగ నపార ధనంబది వెంటవచ్చునే?
కడకిక భార్య బిడ్డలును కట్టెగ మారగ నింట నుంతురే?
విడువక ధర్మమార్గమును విస్తృత రీతిగడించ కీర్తియే
చెడనిది; పాంచభౌతిక విశిష్ట శరీరమె సర్వ మంతమౌ.
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏🙏
తొలగించండికడుపులు గొట్టి పేదలకు,గారడి మాటల చేత దోచుచున్
రిప్లయితొలగించండివిడువక కూడబెట్ట సిరి వెంటయు రాదులె;పేదకోసమై
కుడిచెడు దానిలోననిడ కొంచెము కల్గును ముక్తి;కాదులే
చెడనిది పాంచభౌతిక విశిష్ట శరీరమె; సర్వ మంతమౌ.
అడిగిన వెంటనె డేగకు
వడిగా తొడకండ నిచ్చె పావురమునకై
బడసిని శిబి యశము గదా!
చెడదు; తనువు సర్వముఁ గనఁ జెడుఁ దథ్యముగన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిగురువు గారికి ధన్యవాదములు! 🙏🙏
తొలగించండిసడి చేయకనె వడి వడిగ
రిప్లయితొలగించండిజడివాన కురియ , తలపయి ఛత్రము నిండా
తడిసినను లేశ మైనను
చెడదు ; తనువు సర్వముఁ గనఁ జెడుఁ దథ్యముగన్
మీ పూరణ బాగున్నది. అభినందనలు.
తొలగించండి"చేయకయె" అనండి. 'నిండా' అనడం వ్యావహారికం.
🙏🏽
తొలగించండిగడబిడ కరోన కాలము
రిప్లయితొలగించండినడిగిన తడవునె సహాయమందించంగా
వడిగా పొందిన కీర్తియె
చెడదు; తనువు సర్వముఁ గనఁ జెడుఁ దథ్యముగన్
మీ పూరణ బాగున్నది. అభినందనలు.
తొలగించండిచెడనివి దీవెనల్ యశము చేసిన పుణ్యము యాత్మయే కదా,
రిప్లయితొలగించండిచెడదది తల్లి ప్రేమ, తగు శిష్టపు జ్ఞాన వదాన్య తెప్పుడున్
చెడనిది, పాంచభౌతిక విశిష్ట శరీరమె సర్వ మంతమౌ
కడకది బూడిదౌ తుదకు క్రయ్యును నిక్కము పంచభూతముల్౹౹
మీ పూరణ బాగున్నది. అభినందనలు.
తొలగించండి'పుణ్యము+ఆత్మయే' అన్నపుడు యడాగమం రాదు.
తడబడకుండ నిత్యమును ధర్మము దప్పుచు స్వార్థబుద్ధితో
రిప్లయితొలగించండిజడునిగతిన్ మహాఘములు సంతసమంది యొనర్చుచుందు వే
యెడలను దైవచింతన మొకింతయు చేయవు మానవా! యిలన్
జెడనిది పాంచభౌతిక విశిష్ట శరీరమె? సర్వ మంతమౌ.
మీ పూరణ ప్రశస్తంగా ఉన్నది. అభినందనలు.
తొలగించండితడయగ నేల పార్థ! పగదారుల మార్కొనఁ, జావు సాజమే
రిప్లయితొలగించండిపుడమిని బుట్టు జీవులకుఁ, బూర్ణచిదాత్మకుఁ జావె లేదులే,
తడవిదె, బంధువెవ్వడిలఁ? దల్చకు మట్లు
జయాప్తకీర్తియే
చెడనిది, పాంచభౌతిక విశిష్ట శరీరమె సర్వ మంతమౌ.
కంజర్ల రామాచార్యులు
వనస్థలిపురం.
మీ పూరణ మనోహరంగా ఉన్నది. అభినందనలు.
తొలగించండివిడచిన వస్త్రమువోలెను
రిప్లయితొలగించండివిడచునుదేహములనాత్మ వీక్షింపంగన్
పుడమిని నెన్నడునాత్మయె
చెడదు, తనువు సర్వముఁ గనఁ జెడుఁ దథ్యముగన్
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిపుడమిని పుట్టినన్ కలసిపోవుట తథ్యము కాలగర్భమున్
రిప్లయితొలగించండిబడుగుల సేవనమ్ములను బాధ్యతగా గొని నిర్వహించుచున్
నడవడి తోడుతన్ కమలనాభుని ప్రీతిని గొన్న పుణ్యమే
చెడనది, పాంచభౌతిక విశిష్ట శరీరమె సర్వమంతమౌ
జాబాలి శ్రీరాముల సంవాదము
రిప్లయితొలగించండి"విడువుము ధర్మసంకటము వీరుడ! రాజ్యము వీరభోజ్యమే!
ఇడుముల నేలగోరెదవు? యేలికవై గొను భోగభాగ్యముల్"
"విడువను సత్యమార్గమును, పేర్మిని జేసిన ధర్మమొక్కటే
చెడనిది, పాంచభౌతిక విశిష్ట శరీరమె సర్వమంతమౌ"
అర్జున విలాపము
తొలగించండిజడియక పద్మమొగ్గరము సర్రున జొచ్చెను విక్రమించుచున్
నడుమను సైంధవుండు పగనడ్డగ పెద్దల నొంటరైయనిన్
మడిసెను బాలకుండకట! మాన్యతనొందగ కీర్తికాయమే
చెడనిది! పాంచభౌతిక విశిష్ట శరీరమె సర్వమంతమౌ
మొదటి పాదమున తమ్మిమొగ్గరముగా చదువ ప్రార్ధన!
తొలగించండివిడచిన వస్త్రముంబగిది వీడుచునుండెడునాత్మ దేహమున్
రిప్లయితొలగించండివిడచిన దేహమున్వదలి వేరొక దేహమునాశ్రయించుచున్
ఎడతెగకన్ చరించునెపుడివ్విధి యాత్మ తలంచి చూడగా
చెడనిది, పాంచభౌతిక విశిష్ట శరీరమె సర్వ మంతమౌ
జడియకుమీ యెన్నండు ప
రిప్లయితొలగించండిసిడి వెలకై చిత్తమందుఁ జెన్నుఁగ నెంచం
దొడవు కడు స్థూల మయినం
జెడదు తనువు సర్వముఁ గనఁ జెడుఁ దథ్యముగన్
[తనువు సర్వము = సన్నము సర్వము]
తడియదు నీట మండదు సుదారుణ వహ్నిని నింత యేనియుం
గడవదు శస్త్ర రాజములఁ గానఁగ రాక వసించు చుండుఁ దా
నడరుచు నిత్య మాత్మ సుకృ తాఘ చ యార్జిత దేహరాశిలోఁ
జెడనిది పాంచభౌతిక విశిష్ట శరీరమె? సర్వ మంతమౌ
చెడుప దలంచ నంతటను శిక్షలు మంచికి సత్కృతుల్ గొనన్
రిప్లయితొలగించండివడివడి పాప పుణ్యముల పట్టిక మేరకు భూతలమ్మునన్
గడుపగ నెన్ని జన్మములు కానియు ప్రాణికి యాత్మ యొక్కటే
చెడనిది, పాంచ భౌతిక విశిష్ట శరీరమె సర్వమంతమౌ
విడువక మొండి పట్టుదల పెద్దల మాటలు ద్రోసి పుచ్చుచున్
రిప్లయితొలగించండిచెడు గతి బోవు వానికిక జెప్పిన నేమి ఫలమ్ము వీడడే
దుడుకుతనంబు మూర్ఖముగ దోచినదే నిజమంచు బల్కునే
"చెడనిది పాంచభౌతిక విశిష్ట శరీరమె సర్వ మంతమౌ"
ఎడదను శివునిం దలచుచు
రిప్లయితొలగించండినడలిన దగు భక్తితోడ నారాధించన్
నిడుములు గలిగిన నెపుడును
చెడదుతనువు సర్వముగన జెడుతధ్యముగన్
చం:
రిప్లయితొలగించండిపొడవడు నన్నియున్నిలను పొందిక నస్థిర మంచు గాంచనై
కడవర కేగు దెంచునది కంటికి కానని దైవ మార్గమే
విడివడ కుండు నంచు మది వీడని స్తిబ్ధిని గాంచ నిత్యమై
చెడనిది, పాంచ భౌతిక విశిష్ట శరీరమె సర్వ మంతమౌ
పొడవడు=కనిపించు
స్తిబ్ధి =స్థిరము
వై. చంద్రశేఖర్
ఎడపక విష్ణునామమును నెల్లపుడంచితమౌవిధంబుగా
రిప్లయితొలగించండినడరిన భక్తి గల్గుచును హర్షము నొందెడుఫక్కి బల్కునా
తడుధర బుణ్యవంతమును ధార్మికులందున గారవంబునున్
చెడనిది,పాంచభౌతిక విశిష్ట శరీరమె సర్వ మంతమౌ
శ్రీ గురుభ్యోనమః
రిప్లయితొలగించండిచం.
అడిగిన యంతనే పలికి అక్కర తీర్చగ సాధుసంతతుల్
బుడమి నశాశ్వతం బయిన మొల్లము నెల్లను ఖర్చు చేయగన్
యిడుముల బాపుచున్ ప్రజల కింపుగ మేలును గూర్చు కీర్తియే
చెడనిది; పాంచభౌతిక విశిష్ట శరీరమె సర్వ మంతమౌ!
కడుసొగసైనదీ తనువు కాలము పూసిన రంగు చాటు నన్
రిప్లయితొలగించండిబుడతగ జన్మ మంది పలు బొమ్మలు మార్చుచు వృద్ధయౌచు పో
కడ గమనించనట్లు చిరకాలము యుండునె? లోన దైవమే
చెడనిది!పాంచభౌతిక విశిష్ట శరీరమె సర్వమంతమౌ!!
-కటకం వేంకటరామశర్మ.
|"
రిప్లయితొలగించండితడయక పాపకార్యములుధారుణియందున చేయుచుండగన్
విడువక వెంట వచ్చుచును వేగమె త్రోయగ పాప కూపమున్
చెడునవియెల్లసంపదలు, చేయగ దానము మంచి బుద్ధితో
చెడనిదిపాంచభౌతికవిశిష్టశరీరమె సర్వమంతమౌ
మరొక పూరణ
పుడమిని చేసిన త్యాగము
చెడదు;తనువు సర్వముగన చెడు తథ్యముగ
న్నెడదకుఘాతము కలుగగ
కడకట బూడిదయెమిగులు కట్టెయు కాలన్