24, డిసెంబర్ 2012, సోమవారం

పద్య రచన - 200

కవిమిత్రులారా,
పై చిత్రమును పరిశీలించి తగిన పద్యము(ల)ను వ్రాయండి.

15 వ్యాఖ్యలు:

  1. బెండ కాయ జూడ కండ బాగున్నది
    తొడిమ ద్రుంచ బూన తునుగొ? లేదొ?
    లేత గున్న నవియె 'లేడీసు ఫింగర్లు'
    బాగ ముదుర పెద్ద ''బ్యాచిలర్లు'

    ప్రత్యుత్తరంతొలగించు
  2. శాస్త్రి గారూ ! " బ్రహ్మ చారి , లెడీస్ ఫింగరు " అసలైన పదాలు కొట్టే సారు . [ బాగుంది మీ పద్యం

    ప్రత్యుత్తరంతొలగించు
  3. వంగ వండవచ్చు వంద విధాలుగ
    బెండకాయ వేయి విధములట్లు
    చూడ శుచియు రుచియు సొంపులు నింపులు
    బెండకాయ సాటి యుండు నొక్కొ?

    ప్రత్యుత్తరంతొలగించు
  4. రాజేశ్వరి అక్కయ్య గారూ ! ధన్యవాదములు. నిజమే..బెండకాయ తో అనుబంధమున్న ఆ రెండు పదాలూ కలప గలిగినందులకు నాకూ సంతోషంగా నున్నది.

    ప్రత్యుత్తరంతొలగించు

  5. భిండ, భిండీతక మ్మని పేర్లు సంస్కృ
    తమున బెండకాయకును; వాతమ్ముఁ బెంచు
    బలము గల్గించు; వేపుడు, పులుసు లెవ్వి
    యైన రుచికరమ్ముగ నుండు ననుట నిజము!

    ప్రత్యుత్తరంతొలగించు
  6. తమ్ముడూ ! బెండ కాయ గింజలు అదే పచ్చివి తింటే తెలివి తేటలు పెరుగు తాయంటారు .అదికుడా రాస్తె బాగుండేది

    ప్రత్యుత్తరంతొలగించు
  7. శాస్త్రి గారూ నిజమే అసలైన పదాలు ఒకోసారి ఎవరైన రాసేస్తే మళ్ళీ వెతుక్కోవాలి . ముందుగా వ్రాసి నందుకు చాలా సంతోషం గా ఉంది. ధన్య వాదములు

    ప్రత్యుత్తరంతొలగించు
  8. అక్కయ్యా,
    ఆ విషయాన్నే మీరు పద్యంలో చెప్తే ఒక పనైపోతుంది కాదా!

    ప్రత్యుత్తరంతొలగించు
  9. శ్రీమతి నేదునూరి రాజేశ్వరి గారి సూచనకు పద్యరూపము:

    బెండకాయలోన నుండు మంచి గుణమ్ము
    వినుడు శ్రద్ధ తోడ ననుదినమ్ము
    బెండ గింజల తిన పెరుగు జ్ఞాపక శక్తి
    పూనుకొనుడు నేడె పుణ్యమతులు

    ప్రత్యుత్తరంతొలగించు

  10. బెండను దిన నారోగ్యము
    నుండగ జేయును, తరిగిన నొర్వగ లేకన్
    దండిగ జిగటై కరముల
    నిండు నసంకల్పితముగ నేరపు శిక్షై!

    ప్రత్యుత్తరంతొలగించు
  11. బెండను పేరు గల్గినది బెక్కుర మక్కువ పొందు కూర, దా
    నెండిన వంటలోననిక హెచ్చుగ వాడక పాఱవైతు, రే
    కండలు బెంచువానికిని కాయపళమ్ముగ వండి యిచ్చుచో,
    దండిగ బుద్ధి హెచ్చునని తప్పక వండెడు కూరనియ్యదే.

    ప్రత్యుత్తరంతొలగించు
  12. బెండకాయ ముదిరినను వండరాదు
    బ్రహ్మచారి ముదిరినను పనికిరాడు
    బెండకాయ రుచిగనుండు వేపి తినిన
    బెండకూరయె తప్పక నుండవలెను

    ప్రత్యుత్తరంతొలగించు
  13. తోపెల్ల బాల సుబ్రహ్మణ్య శర్మడిసెంబర్ 24, 2012 7:50 [PM]

    రండు రండనుచు నీరెండను రాము పిలువ
    చౌక బేర మనుచు సందు జేరి
    బండ బారిన బొండు బెండను వండ లేము,
    వలదు వలదని రట వనిత లంత.

    ప్రత్యుత్తరంతొలగించు
  14. అందరు అన్ని రకములుగా బెండ విశిష్టను వర్ణించారు.గురువులు శ్రీ పండితుల వారు అంత మంచి పద్యం వ్రాసాక ఇక నెనేం రాసినా దండగే .అందరికీ ధన్య వాదములు

    ప్రత్యుత్తరంతొలగించు
  15. బెండకాయలపై నిండైన ఉత్సాహంతో చక్కని పద్యాలు చెప్పిన కవిమిత్రులు...
    గోలి హనుమచ్ఛాస్త్రి గారికి,
    పండిత నేమాని వారికి,
    సహదేవుడు గారికి,
    లక్ష్మీదేవి గారికి,
    నాగరాజు రవీందర్ గారికి,
    తోపెల్ల బాల సుబ్రహ్మణ్య శర్మ గారికి
    అభినందనలు, ధన్యవాదములు.
    *
    రాజేశ్వరి అక్కయ్య గారూ,
    పద్యం వ్రాయకున్నా నేమాని వారికే స్ఫూర్తినిచ్చారు. సంతోషం. ధన్యవాదాలు.

    ప్రత్యుత్తరంతొలగించు