నాతులు పెళ్ళి చేసుకొని న్యాయము గా తన గేహమందునన్ రీతిని తప్పకన్ బనులు రేబవలున్ నొనరింత్రు నిత్యమున్ చేతనమొప్ప జేయుదురు జీతము నడ్గరు నిక్కమే గదా జీతము లేని కొల్వు గన శ్రేష్ఠము సౌఖ్యదమౌను భూమిపై
కం:నీ తోడే నా స్వర్గము, నీ తలపే నాకు ముక్తి,నీ దాసుడ నా వ్రాత యె నీది ప్రియా! యీ జీతము లేనట్టి కొలువె శ్రేష్ఠం బుర్విన్” (అని ప్రియుడు ప్రియురాలి తో అంటున్నాడు.)
ఉ:జీతము తక్కువౌనని వచించుచు నీ కరిణీకమున్ విడన్ జూతువు గాని యే పదవి శోభనొసంగును దీని కంటె,నీ ఖ్యాతిని బెంచు,తక్కువయె ఆస్తియు నీకును? నిట్టి హెచ్చుదౌ జీతము లేని కొల్వు గన శ్రేష్ఠము సౌఖ్యదమౌను భూమిపై (కరిణీకాలకి జీతాలు చాలా తక్కువ.కానీ కొందరు ఆస్తిపరులు కేవలం ఆ హోదా కోసం వదులుకో లేక పోవటం, వదలవద్దని పిల్లలకి చెప్పటం జరిగింది. )
ఉ॥ జీతము లేని కొల్వునిడి సేవలఁ జేయఁగఁ బేదవారికిన్ జేతనమై సమాజమును శ్రేయముఁ గాంచుచు భాసిలున్ గనన్ వేతన నష్టమొందఁగను వేరొక జీవి యెటుల్ నిజమ్మగున్ “జీతము లేని కొల్వుఁ గన శ్రేష్ఠము సౌఖ్యదమౌను భూమిపై”
2019లో 4 మాసాలపాటు నేనొక విద్యాలయంలో జీతము తీసుకోక పనిచేసినపుడు (వసతి భోజన సదుపాయాలిచ్చారండి) ఒకరిద్దరు పై విధంగా ప్రశ్నించారండి. మీరు పనిచేయడము వలన ఒక నిరుద్యోగికి ఉద్యోగావకాశ హరణ జరిగింది కదా అని. అటు పిమ్మట మానేశాను.
కందం
రిప్లయితొలగించండిచేతల స్పర్ధను జూపియు
యాతనల ధనము గడించి యలసిన వృద్ధుల్
రీతిగ సమాజ సేవల
జీతము లేనట్టి కొలువె శ్రేష్ఠం బుర్విన్!
ఉత్పలమాల
చేతల స్పర్ధతోఁ గొలువు సేసియు విత్తపు టార్జనన్ దగన్
యాతనలందు జిక్కి ధనమందుచు చాలిన యంత వృద్ధులై
రీతిగ సంఘసేవలను బ్రీతిని బొంది పరోపకారులై
జీతము లేని కొల్వు గన శ్రేష్ఠము సౌఖ్యదమౌను భూమిపై!
చేతనునకెడరు కలుగగ
రిప్లయితొలగించండినాతరుణమునందు వాని నాదుకొనవలెన్
యాతన పొగొట్టుటకై
జీతము లేనట్టి కొలువె శ్రేష్ఠం బుర్విన్
రిప్లయితొలగించండిఖ్యాతిగడించిన రాముని
ప్రీతిని సేవించినట్టి భీమబలుండౌ
వాతాత్మజుంగనంగను
జీతము లేనట్టి కొలువె శ్రేష్ఠం బుర్విన్.
సీతను వీడి బెగ్గడిలు శ్రీరఘురాముని బాధ తీర్చగా
వాతసుతుండు భారమను భావన సేయక లంక కేగగన్
వేతన మెంత పొందె? మురిపెమ్మును జూపుచు ఖ్యాతి పొందెగా
జీతము లేని కొల్వు గన శ్రేష్ఠము సౌఖ్యదమౌను భూమిపై.
కం॥ నీతిని విడిచిన కొందరు
రిప్లయితొలగించండినేతలు ఘన రాజకీయ నియమమటంచున్
బ్రీతిగ దోఁచరె ధనమును
జీతము లేనట్టి కొలువె శ్రేంష్ఠంబుర్విన్
ఉ॥ నీతిని వీడి వర్తిలుచు నేమముఁ దప్పుచు స్వార్థబుద్ధితో
నేతలు రాజకీయమున నిత్యము కొందరు విత్తలాలసన్
బ్రీతిగ దోఁచ సంపదలు భీతినిఁ గానకఁ దోఁచెనిట్టులన్
జీతము లేనికొల్వు గన శ్రేష్ఠము సౌఖ్యదమౌను భూమిపై
నాతులు పెళ్ళి చేసుకొని న్యాయము
రిప్లయితొలగించండిగా తన గేహమందునన్
రీతిని తప్పకన్ బనులు రేబవలున్
నొనరింత్రు నిత్యమున్
చేతనమొప్ప జేయుదురు జీతము
నడ్గరు నిక్కమే గదా
జీతము లేని కొల్వు గన శ్రేష్ఠము
సౌఖ్యదమౌను భూమిపై
సీతాపతి భృత్యుండై
రిప్లయితొలగించండిసీతాన్వేషణ పనిగొని చిందులు వేసెన్
ఖ్యాతిని పొందిన మారుతి
జీతము లేనట్టి కొలువె శ్రేష్ఠం బుర్విన్
సీతను రామభూవరుని చెంతకు చేర్చిన కష్టజీవిగా
ఖ్యాతిని పొందినాడతడు యాతన లన్నియు లెక్కసేయకే!
ఆతడు వాయునందనుడు హాయిని దూకొనె రామభృత్యుడై
జీతము లేని కొల్వు గన శ్రేష్ఠము సౌఖ్యదమౌను భూమిపై
ఈ కామెంట్‌ను రచయిత తీసివేశారు.
రిప్లయితొలగించండిప్రీతిగ సేవ లొనర్చు చు
రిప్లయితొలగించండినే తరుణము నందు నైన నింపగు రీతి న్
చేతను డై సాయ ప డె డు
జీతము లేనట్టి కొలువె శ్రే ష్ఠ o బుర్విన్
నేతలు చేసెడి సేవకు
రిప్లయితొలగించండిజీతము నాశించరెపుఁడు చిత్తమునందున్
భ్రాతిగ ప్రజ శ్రేయముకై
జీతము లేనట్టి కొలువె శ్రేష్ఠం బుర్విన్
నేత యనంగ నెన్నడును నీమముతో దనవారి శ్రేయమం
రిప్లయితొలగించండిదాతురపాటు నొంది సముదంచితమౌవిధి వారి సేవలన్
నీతముగానొనర్చు నవనీత మనస్కుడు నట్టి నేతకున్
జీతము లేని కొల్వు గన శ్రేష్ఠము సౌఖ్యదమౌను భూమిపై
ఏ తఱి లాభమ్ములు సం
రిప్లయితొలగించండిజాతమ్ములు గా భృశము నిజవ్యాపారం
బాతతముగ వర్ధిల్లఁగ
జీతము లేనట్టి కొలువె శ్రేష్ఠం బుర్విన్
రోత యొసంగ నట్టి పని క్రూరుఁడు గాని విభుండు మెండుగా
వేతన మున్న మేలగును వృద్ధి నొసంగ నిరంతరమ్మునుం
గోతల తోడ వేడ్కలకుఁ గూఁటికి గుడ్డకుఁ జాల నట్టిదౌ
జీతము లేని కొల్వు గన శ్రేష్ఠము సౌఖ్యదమౌను భూమిపై
రోఁత
తొలగించండికం:నీ తోడే నా స్వర్గము,
రిప్లయితొలగించండినీ తలపే నాకు ముక్తి,నీ దాసుడ నా
వ్రాత యె నీది ప్రియా! యీ
జీతము లేనట్టి కొలువె శ్రేష్ఠం బుర్విన్”
(అని ప్రియుడు ప్రియురాలి తో అంటున్నాడు.)
ఉ:నూతన మార్గ మెక్కువని ,న్యూనత నొంది గృహస్థ రీతి లో,
రిప్లయితొలగించండిజీతమె జీవితమ్మనుచు, చేర దలంచకు మెట్టి కొల్వునన్
జీతము భర్త తెచ్చు కద!సేమము బిడ్డల కీయ జాలు, నీ
జీతము లేని కొల్వు గన శ్రేష్ఠము సౌఖ్యదమౌను భూమిపై”
(ఏదో ఒక ఉద్యోగం లో చేరాలి అనుకునే గృహిణికి నాబోటి వా డిచ్చే సలహా!)
ఉ:జీతము తక్కువౌనని వచించుచు నీ కరిణీకమున్ విడన్
రిప్లయితొలగించండిజూతువు గాని యే పదవి శోభనొసంగును దీని కంటె,నీ
ఖ్యాతిని బెంచు,తక్కువయె ఆస్తియు నీకును? నిట్టి హెచ్చుదౌ
జీతము లేని కొల్వు గన శ్రేష్ఠము సౌఖ్యదమౌను భూమిపై
(కరిణీకాలకి జీతాలు చాలా తక్కువ.కానీ కొందరు ఆస్తిపరులు కేవలం ఆ హోదా కోసం వదులుకో లేక పోవటం, వదలవద్దని పిల్లలకి చెప్పటం జరిగింది. )
జీతము బత్తెముం గొనక జీవితమంతయు భర్తసేవలో
రిప్లయితొలగించండిచేతమునందు నెన్నడును చింతను బొందని ధర్మపత్నికిన్
జీతము జీవితాంతమును శ్రేయము గూర్చెడు భర్త ప్రేమయే
జీతము లేని కొల్వు గన శ్రేష్ఠము సౌఖ్యదమౌను భూమిపై
మరొక పూరణ అండి
రిప్లయితొలగించండిఉ॥ జీతము లేని కొల్వునిడి సేవలఁ జేయఁగఁ బేదవారికిన్
జేతనమై సమాజమును శ్రేయముఁ గాంచుచు భాసిలున్ గనన్
వేతన నష్టమొందఁగను వేరొక జీవి యెటుల్ నిజమ్మగున్
“జీతము లేని కొల్వుఁ గన శ్రేష్ఠము సౌఖ్యదమౌను భూమిపై”
2019లో 4 మాసాలపాటు నేనొక విద్యాలయంలో జీతము తీసుకోక పనిచేసినపుడు (వసతి భోజన సదుపాయాలిచ్చారండి) ఒకరిద్దరు పై విధంగా ప్రశ్నించారండి. మీరు పనిచేయడము వలన ఒక నిరుద్యోగికి ఉద్యోగావకాశ హరణ జరిగింది కదా అని. అటు పిమ్మట మానేశాను.