6, జులై 2017, గురువారం

సమస్య - 2403 (మద్యమె బలవర్ధకమ్ము...)

కవిమిత్రులారా, 
ఈరోజు పూరించవలసిన సమస్య ఇది...
"మద్యమె బలవర్ధకమ్ము మనుజుల కెల్లన్"
(లేదా...)
"మద్యమె మానవాళికి సమంచిత బుద్ధి బలమ్ము లిచ్చురా"

83 వ్యాఖ్యలు:

  1. తధ్యము చేటును దెచ్చును
    మద్యమె; బలవర్ధకమ్ము మనుజులకెల్లన్
    విద్యాభ్యాసమె యొసగగ
    సద్యఃస్ఫూర్తిని సరియగు సమయము నందున్!

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ బాగున్నది. అభినందనలు.
      ద-ధ ప్రాస ఉన్నది. ("కాదన కిట్టి యపకారముఁ దక్షకుఁ దేకవిప్రసం।బోధనఁ జేసి చేసె నృపపుంగవ..." అని నన్నయ పద్యం ఉంది. అయినా సాధ్యమైనంత వరకు ఇటువంటివి పరిహరించాలి). ద-థ లకు ప్రాస లేదు.

      తొలగించు
    2. గురువుగారికి నమస్సులు! మీ సూచనలను అవశ్యం పాటిస్తాను!
      ధన్యవాదములు!🙏🙏🙏🙏🙏

      తొలగించు
    3. “సద్యఃస్ఫూర్తి” అనడమే సాధువు. విసర్గ మీద ప, ఫ ; క, ఖ లుంటే విసర్గ యథాతథముగా నుంటుంది. స్ఫూ లో ఫ ఇమిడినది కదా.
      తపః ఫలము, ప్రాతః కాలము.
      అయితే నమస్కారము, పురస్కారము లు బాధకములు.

      తొలగించు
    4. పూజ్యులు కామేశ్వరరావుగారికి నమస్సులు! మీ వివరణకు చాల సంతోషము! శంకరాభరణంలో యెన్నో విషయాలను నేర్చుకుంటున్నాను!! ధన్యవాదములు!🙏🙏🙏🙏

      తొలగించు
  2. "A book of verse, a jug of wine,
    A loaf of bread, and thou beside me"

    ...Rubaiyat of Omar khayyam

    పద్యమ్ముల పుస్తక మన
    వద్యమ్మైన చెలిబోటి వదనము చెంతన్
    హృద్యమ్మగు కవితలకున్
    మద్యమె బలవర్ధకమ్ము మనుజుల కెల్లన్

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.

      తొలగించు
  3. పద్యము వ్రాయుట కొఱకని
    మద్యమె బలవర్ధకమ్ము మనుజుల కెల్లన్
    అధ్యయనము జేయు వారలు
    నుద్యతి కోరంగ తెలుప న్యూనత నొందున్

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      మీ పూరణ బాగున్నది. అభినందనలు.
      మూడవ పాదంలో గణదోషం. "...జేయు జనులు" అనండి.

      తొలగించు

  4. మద్యము సరియగు మందగు
    పథ్యము ముక్కలు పకోడి పైరవి పనులన్
    మిధ్యయె నీతిగ బతుకుట
    మద్యమె బలవర్ధకమ్ము మనుజులకెల్లన్

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ బాగున్నది. అభినందనలు.
      ప్రాస గురించి మీ మొదటి పూరణలో ప్రస్తావించాను. చూడండి.

      తొలగించు
  5. ప్రాస గురించి సందేహాలున్నప్పటికీ ప్రస్తుత ప్రపంచగతిని ప్రసంగిస్తూ పూరణ!🙏🙏🙏

    ప్రత్యుత్తరంతొలగించు
  6. సద్యశమున్ హరించును ప్రసన్నవచోగుణమున్ కలంచెడున్
    మద్యము,మానవాళికి సమంచిత బుద్ధిబలమ్మునిచ్చురా
    విద్యలు,సర్వశాష్త శుభవీక్షణ,శిక్షణ సంప్రదాయనై
    వేద్యములాంధ్రభారతికి పేర్మి సధామయ వాక్యసంపదల్

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ పూరణ ప్రశస్తంగా ఉన్నది. అభినందనలు.

      తొలగించు
  7. *అధ్యయనమనవరతమై*
    విద్యను నేర్చుటవలనవివేకము పెరుగున్
    తధ్యము విడువగ జూదము
    మద్యమె,బలవర్ధకమ్ము మనుజుల కెల్లన్

    ప్రత్యుత్తరంతొలగించు
    ప్రత్యుత్తరాలు
    1. శ్రీరామ్ గారూ,
      మీ పూరణ బాగున్నది. అభినందనలు.
      ప్రాస విషయంలో పైన సీతాదేవి గారి మొదటి పూరణ దగ్గర పెట్టిన సందేశాన్ని చూడండి.

      తొలగించు
  8. హృద్యమ్మగు పద్యమ్ముల
    సద్యశమున్ గడియించుచు సారస్వతనై
    వేద్యము నిచ్చు కవి వీడ
    మద్యమె ; బలవర్ధకమ్ము మనుజుల కెల్లన్ .

    ప్రత్యుత్తరంతొలగించు
    ప్రత్యుత్తరాలు
    1. బాపూజీ గారూ,
      మీ పూరణ బాగున్నది. అభినందనలు.
      రెండవ పాదంలో మూడవ గణం తప్పని సరిగా నలం కాని జగణం కాని ఉండాలి. మీరు భగణం వేశారు. "సద్యశము గడించుచు దగ సారస్వతనై.." అనండి. అలాగే మూడవ పాదం మూడవ (బేసి) గణంగా జగణం వేశారు.అక్కడ "కవి విడగ" అనండి.

      తొలగించు
    2. సరి చేసినందుకు ధన్యవాదములు

      తొలగించు
    3. సరి చేసినందుకు ధన్యవాదములు

      తొలగించు
  9. డా.పిట్టా
    "గద్యమె పద్యము",సరియ! న
    వద్యమె పాఠకులు మెచ్చ బరగరె? బ్రతుకున్,
    సద్యస్ఫూర్తిని జెరచెడి
    మద్యమె బలవర్ధకమ్ము మనుజులకెల్లన్???(అగునా యన్న ప్రశ్న,కాదని భావము)

    ప్రత్యుత్తరంతొలగించు
  10. డా.పిట్టా
    గద్య కవిత్వ లుప్తతను గాంచరె పాటలె రాజ్యమేల, నే
    పద్యము బట్టుకొంటినిక బట్టితి బేరును 'ఛాందసుండ'నన్
    విద్యన యిన్ని వేర్విధులవే పలుమారులు మార;చావు కా
    మద్యమె మానవాళికి సమంచిత బుద్ధి బలమ్ము నిచ్చురా!

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.

      తొలగించు
    2. డా.పిట్టానుండి
      ఆర్యా,ధన్యవాదాలు.

      తొలగించు
  11. విద్యల జేగొని నిరతము
    హృద్యంబగు చతురత గొన నేర్పడు ధృతిలో
    మిధ్యయగు నిట్లు నుడువుట
    "మద్యమె బలవర్ధకమ్ము మనుజులకెల్లన్"

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా శర్మ గారూ,
      మీ పూరణ బాగున్నది. అభినందనలు.
      ద్య-థ్య లకు ప్రాస లేదు.

      తొలగించు
  12. పద్యమది మత్తునిచ్చును
    విద్యాపారంగతులవి వేకుల కైనన్
    హృద్యముగ నున్న వేళన
    మద్యమె, బలవర్ధకమ్ము మనుజులకెల్లన్

    ప్రత్యుత్తరంతొలగించు
  13. నా రెండవ పూరణము

    వైద్యులు చెప్పిన పథ్యపు
    ఖాద్యము లను గ్రోలవలెను, ఖచ్చితముగ నా
    వైద్యుడు సూచించినతో
    మద్యమె బలవర్ధకమ్ము మనుజులకెల్లన్

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ రెండు పూరణలు బాగున్నవి. అభినందనలు.

      తొలగించు
  14. విద్యా ! హానిని జేయును
    మద్యమె, బలవర్ధకమ్ము మనుజుల కెల్లన్
    విద్యాభ్యాసము జగతిని
    విద్యకు నిల సాటిరావు వేయియు వృత్తుల్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  15. సద్యో బల మిడు మధు వన
    విద్యాధికుఁ డొకడు తేనె వీడి యపరముం
    జోద్యమ్ముగఁ గొని పల్కెను
    మద్యమె బలవర్ధకమ్ము మనుజుల కెల్లన్

    [మధువు = తేనె, కల్లు]


    ఆద్యము చిత్త దేహముల కంచిత పోషక పాన భోజ్యముల్
    చోద్యమ దేమి కర్మ మది చూడరు నేటి జనుల్లవమ్ము సం
    పాద్యములే బృహద్రుచిర పాన విశేషము లందు వీడ నీ
    మద్యమె మానవాళికి సమంచిత బుద్ధి బలమ్ము లిచ్చురా

    ప్రత్యుత్తరంతొలగించు
    ప్రత్యుత్తరాలు
    1. అమరకోశము కంఠస్థము చేసిన యొక విద్యాధికుని వింత:

      “ఇత్యపులు గూయంగ కోనంగుఁ డేయంగ నప్యేక దంతుం డాడఁ దొడఁగె”

      [కోకిలలు కూయఁగ మన్మథుఁడు బాణ మేయఁగ వినాయకుఁ డాడఁ దొడఁగెను!!!]

      అమరము:
      కోకిలః పిక ఇత్యపి; కందర్పో దర్ప కో౽ నంగః; ..అప్యేక దంత హేరంబ

      తొలగించు
    2. కామేశ్వర రావు గారూ,
      మీ రెండు పూరణలు అద్భుతంగా ఉన్నవి. అభినందనలు.
      మీ అమరకోశవిదుని చమత్కారం బాగున్నది. ధన్యవాదాలు.

      తొలగించు
    3. పూజ్యులు శంకరయ్య గారికి ప్రణామోత్తర ధన్యవాదములు.

      తొలగించు
  16. హృద్యములౌ సమాసములు నుల్లసమొప్ప గణమ్ములున్ యతుల్
    ఖాద్యపు ఖండశర్కరల కల్పనలున్ చతురంపు బ్రాసలున్
    విద్యలతల్లి మెచ్చునటు వేడ్కగనల్లియట్టి పద్యమన్
    మద్యమె మానవాళికి సమంచిత బుద్ధి బలమ్ము లిచ్చురా
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.
      "వేడ్కగ నల్లినయట్టి..." అనండి. లేకుంటే గణదోషం.

      తొలగించు
  17. వైద్యుని సలహా మేరకు
    చోద్యముగా జలుబు.దగ్గు.శోషించంగన్
    సద్యఃఫలితమ్మిచ్చును
    మద్యము,బలవర్ధకమ్ము మనుజులకెల్లన్

    ప్రత్యుత్తరంతొలగించు
    ప్రత్యుత్తరాలు
    1. తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  18. చోద్యముగా నొకడిట్లనె
    నాద్యంతము మత్తునిచ్చునమృతమిదియే
    హృద్యముగా ద్రావినచో
    మద్యమె బలవర్థకమ్ము మనుజూల కెల్లన్
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.
      "...నమృత మ్మిదియే" అనండి. లేకుంటే గణదోషం. ('అమృత' అన్నపుడు మూడూ లఘువులే)

      తొలగించు
  19. అధ్యయనపు మంత్రియె యీ
    మధ్యన టీవీలయందు మాటలుబలుకన్
    ఉద్యమములేల జేతురు?
    మద్యమె బలవర్ధకమ్ము మనుజుల కెల్లన్|

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ పూరణ బాగున్నది. అభినందనలు.
      (నిజానికి ఆ మంత్రిగారి మాటయే ఈ సమస్య పుట్టుటకు కారణం!).

      తొలగించు
  20. క్రొవ్విడి వెంకట రాజారావు గారి పూరణ.....

    వైద్యులు మెచ్చని తీర్థము
    మద్యమె; బలవర్థకమ్ము మనుజుల కెల్లన్
    హృద్యంబగు ఫలరసములె
    చోద్యము గాదిది చవిగొని జూచిన దెలియున్.

    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ పూరణ బాగున్నది. అభినందనలు.

      తొలగించు
  21. ఆద్యమ్మౌ పతనమునకు
    మద్యమె! బలవర్ధకమ్ము మనుజుల కెల్లన్
    వైద్యుడు చాటెడి క్షీరమె!
    చోద్యము కాదిది కనంగ సూక్తియె ధరణిన్!

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారూ,
      మీ పూరణ బాగున్నది. అభినందనలు.

      తొలగించు
  22. ఉద్యోగము ధృతిఁ జేసిన
    సద్యః ఫలితమ్మునిచ్చు సంతత మిలలో
    చోద్యముఁ జెప్పకు మెవ్విధి
    మద్యమె బలవర్ధకమ్ము మనుజులకెల్లన్?

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      మీ పూరణ బాగున్నది. అభినందనలు.

      తొలగించు
  23. మద్యమె మానవాళికి సమంచిత బుద్ధిబలమ్ములిచ్చురా|
    పద్యము రాగయుక్తముగ పాడెడివారలు వాడకుందురా? {కొందరు}
    విద్యను స్వార్థచింతనగ వీడనివారలు మానుకొందురా? {కొందరు}
    అధ్యయనాన కూలిజనులందరు త్రాగుట గానుపించదా? {కొందరు}
    సాధ్యముగాదు మాన్పుటకు|”సాయముజేసెడిషాపులుంచగా?
    మద్యమ షాపు మంటలకుమండిన”?పుట్టునురక్తభీజమై|

    ప్రత్యుత్తరంతొలగించు
  24. విద్యవివేకమునొసగును
    విద్యయెచీకటులచీల్చి వెలుగునుజూపున్
    విద్యేగాగ్రోలందగు
    మద్యము,బలవర్ధకమ్ముమనుజులకెల్లన్!..

    ప్రత్యుత్తరంతొలగించు
    ప్రత్యుత్తరాలు
    1. పీతాంబర్ గారూ,
      మీ పూరణ బాగున్నది. అభినందనలు.

      తొలగించు
  25. మద్యమె మానవాళికి సమంచిత బుద్ధి బలమ్ము లిచ్చురా
    మద్యము నిచ్చు మత్తు గద మానవ జాతికి నెల్ల వేళలన్
    మద్యము జోలిపోవకను మాన్యుని వోలెను జీవితంబుసూ
    హృద్యముగా జరుంగుటకు హేవళి నాముడు రక్ష సేయుతన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  26. పద్యమె మద్యముగా ఘన
    విద్యగ , తా పరిగణించి విద్వన్మణియే
    హృద్యమ ముగ బలికె కవుల
    మద్యమె బలవర్ధకమ్ము మనుజుల కెల్లన్

    నిన్నటి సమస్యకు నా పూరణ

    సంధ్య నుండి గడ్డి చప్పరించక మన
    పాకలోనె యీనె బఱ్ఱె , మగడ !
    మందు తాగి నీవు మత్తు నిద్దరల నెం
    దున్న, పాలు పిండ దుత్తఁ దెమ్ము

    రెండవ సమస్యకు నా పూరణములను రెండిటిని క్రింద నుదహరించితిని
    '' సాహితీ స్రవంతి '' సాహిత్య త్రై మాస పత్రిక ( అక్టోబరు 2010 - డిసెంబరు 2010 ) లో ఇదే సమస్య కు నా పూరణములు రెండు ప్రచురింప బడినవి . వీనికై బహుమతి కూడా వచ్చినది

    1 ) భారతార్ధం లో
    పున్నమి చంద్రు డల్లదిగొ పూర్వదిశన్ బొడ జూపె , నిండుగా
    వెన్నెల నల్దిశల్ కురిసె , వేడ్కను నా దగు వేణునాద మం
    డున్నవి శ్రోతలై పశులు , ఒక్కటి యీనె పొలాన , నగ్రజా !
    దున్నకు, దూడ పుట్టినది దుగ్ధముఁ బిండఁగ దుత్తఁ దెమ్మిఁకన్
    2 ) సామాన్యార్ధం లో
    మొన్ననె సంతలో కొనిన ముద్దుల బఱ్ఱెకు చూలునిండె గో
    పన్నయు సొమ్ములన్నిటిని పల్లె సివారుకు తోలె మేతకై
    అన్నయ ! చీకటాయె పొలమందున నెవ్వరు లేక నొంటిగా
    దున్నకు, దూడ పుట్టినది దుగ్ధముఁ బిండఁగ దుత్తఁ దెమ్మిఁకన్

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ నాలుగు పూరణలు బాగున్నవి. అభినందనలు.

      తొలగించు
  27. చోద్యముగాదు దేహముల చూర్ణముచేసి యొసంగు కష్టముల్
    మద్యము మానవాళికి, సమంచిత బుద్ధి బలమ్మునిచ్చురా
    యుద్యమముల్ సృజించునెడ నుత్తమ పద్యములాలపించినన్
    హృద్యపు గానమాధురులె యింపునిడన్ ప్రతి కార్యకర్తకున్

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించు
  28. విద్యవివేకమునొసగును
    విద్యయెచీకటులచీల్చి వెలుగునుజూపున్
    విద్యయుగ్రోలందగునొక
    మద్యమె,బలవర్ధకమ్ముమనుజులకెల్లన్!..

    ప్రత్యుత్తరంతొలగించు
  29. హృద్యంబగు చవిగొన, నై
    వేద్యము బెట్టంగనిదియె విప్పుగనుండున్
    విద్యా! నిజముగ కజ్జుర
    మద్యమె బలవర్ధకమ్ము మనుజులకెల్లన్!!!


    సద్యోజాతుడు మెచ్చగ
    హృద్యంబుగ పదములల్లి కృతులను వ్రాయన్
    తధ్యంబుగ నిల పద్యా
    మద్యమె బలవర్ధకమ్ము మనుజులకెల్లన్!!!

    ప్రత్యుత్తరంతొలగించు
    ప్రత్యుత్తరాలు
    1. శైలజ గారూ,
      మీ రెండు పూరణలు బాగున్నవి. అభినందనలు.
      'పద్యమద్యము' సాధువు. మరి 'పద్యామద్యము'? "పద్యపు మద్యము" అనవచ్చు.

      తొలగించు
    2. గురువర్యులకు నమస్సులు. తధ్యము కాదు తథ్యము. ద కు థ కు ప్రాస చెల్లదుకదా.

      తొలగించు
  30. అద్యాంతము సర్కారుకు
    మద్యము బలవర్ధకంబు,మనుజులకెల్లన్
    చోద్యంబాయెను పెరిగెడి
    మద్యము షాపులను గాంచి మరి మహిలలకున్

    ప్రత్యుత్తరంతొలగించు
    ప్రత్యుత్తరాలు
    1. లక్ష్మినారాయణ గారూ,
      మీ పూరణ బాగున్నది. అభినందనలు.
      'ఆద్యంతము' అని కదా ఉండవలసింది.

      తొలగించు
    2. నిజమే తప్పింది మీ సూచనకు ధన్యవాదాలు గురూజీ

      తొలగించు
    3. నిజమే తప్పింది మీ సూచనకు ధన్యవాదాలు గురూజీ

      తొలగించు
  31. సాధ్యమొనర కార్యమ్ములు
    మద్యమె 'బల'వర్ధకమ్ము మనుజుల కెల్లన్
    చోద్యము కాదిది సత్యము
    మద్యముతో గాని పనులు మహిలో గలవే?
    (పురుషులందు పుణ్యపురుషులు వేరయా!)

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు

  32. పిన్నక నాగేశ్వరరావు.

    వైద్యులు ప్రవచించి రిటుల

    ఖాద్యపు పోషకములిచ్చు ఖచ్చిత
    బలమున్
    వేద్యంబిది; మరి యెట్టుల

    మద్యమె బలవర్ధకమ్ము మనుజుల
    కెల్లన్?
    ****************************

    ప్రత్యుత్తరంతొలగించు
    ప్రత్యుత్తరాలు
    1. నాగేశ్వరరావు గారూ,
      మీ పూరణ బాగున్నది. అభినందనలు.

      తొలగించు



  33. హృద్యం బౌనే సతతము

    మద్యమె;బలవర్దకమ్ము మనుజులకెల్లన్

    వేద్యంబగు నంశంబుల

    నాద్యంతంబులు నరసిన నబ్బును సుఖముల్.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ పూరణ బాగున్నది. అభినందనలు.

      తొలగించు
  34. వైద్యులు మత్తు నిచ్చుచు సవాళ్లను శస్త్ర చికిత్సలందునన్
    సాధ్యమొనర్చ, కార్యముల సాధ్యమె దిద్దుకొనంగనంచు నా
    ' విద్యనె' లౌక్యమౌ పగిది పేర్మిని మేదిని దీర్చిదిద్దగన్
    మద్యమె మానవాళికి 'సమంచిత' బుద్ధి బలమ్ము లిచ్చురా! '

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  35. విద్యావంతుడ ! మిత్రుడ!
    మద్యము సేవించి దాని మత్తుకులోనై
    చోద్యముగానట్లనకుము
    "మద్యమె బలవర్ధకమ్ము మనుజుల కెల్లన్"

    ప్రత్యుత్తరంతొలగించు
    ప్రత్యుత్తరాలు
    1. సూర్యనారాయణ గారూ,
      మీ పూరణ బాగున్నది. అభినందనలు.

      తొలగించు
  36. మద్యపుబానిసైసతముమత్తునజోగెడుసుబ్బడిట్లనెన్
    మద్యముమద్యమంచుకడుమాన్యతబాయగనందురీసురన్
    వైద్యులెస్వీకరింపగసిఫారుసుచేసిరినాకుచెప్పుచున్
    మద్యమె మానవాళికి 'సమంచిత' బుద్ధి బలమ్ము లిచ్చురా! '

    ప్రత్యుత్తరంతొలగించు
    ప్రత్యుత్తరాలు
    1. మిస్సన్న గారూ,
      మీ సమంచితమైన పూరణ బాగున్నది. అభినందనలు.

      తొలగించు

  37. సద్యఃస్ఫూర్తిని బూనుచు
    వేద్యంబైన విషయములు వేగమె నరయన్
    హృద్యంబగు పద్యములను
    మద్యమె బలవర్దకమ్ము మనుజుల కెల్లన్.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ పూరణ బాగున్నది. అభినందనలు.

      తొలగించు
  38. చోద్యమె చూడగన్ తెలుగు చోరశిఖామణి ఁజెప్పె మైకులన్
    మద్యమె మానవాళికి సమంచిత బుద్ధి బలమ్ము లిచ్చురా
    పద్యుడ ఁజేయి పానమన భామిని లెల్ల బిగించి క్రొంగులన్
    మద్యము రూపుమాప ఁజని మానము దీసిరి వాడవాడలన్

    గురువుగారూ, పద్యలోపాలను సవరించ ప్రార్థన.

    ప్రత్యుత్తరంతొలగించు