2, ఫిబ్రవరి 2017, గురువారం

సమస్య - 2271 (హారము లేకున్న నగు...)

కవిమిత్రులారా!
ఈరోజు పూరించవలసిన సమస్య ఇది...

"హారము లేకున్న నగు మహాప్రళయమ్మే"
లేదా...
"హారము లేకపోయిన మహాప్రళయమ్మె సముద్భవించెడిన్"

57 కామెంట్‌లు:



  1. ఓరయ్యో నాయయ్య
    ర్వాళ్, రమ్మా యింట పవళ రాళ్ళపు సుమ మా
    లారవ్వల నెక్లెసుతో,
    హారము లేకున్న నగు మహాప్రళయమ్మే :)

    జిలేబి

    రిప్లయితొలగించండి
    రిప్లయిలు
    1. జిలేబి గారు-అయ్యర్వాల్ కి వర్నింగ్ ఇచ్చారు గా . haram వెంటనే వస్తుంది.

      తొలగించండి
    2. జిలేబీ గారూ,
      మీ పూరణలోని చమత్కారం బాగున్నది. కాని రెండవ పాదంలో ప్రాస తప్పింది. ప్రాసాక్షరానికి ముందు పొల్లు హల్లు ఉండి అది ళ్ర అవుతుంది.

      తొలగించండి


    3. ఓరయ్యో నాయయ్యర్
      రా, రమ్మా యింట పవళ రాళ్ళపు సుమ మా
      లారవ్వల నెక్లెసుతో,
      హారము లేకున్న నగు మహాప్రళయమ్మే :)

      జిలేబి

      తొలగించండి
  2. తీరుగ శివరాత్రియు శని
    వారము కలసి మెలసి యుప వాసము రాగా
    భారమ్ముగ దోసెల ఫల
    హారము లేకున్న నగు మహాప్రళయమ్మే!

    రిప్లయితొలగించండి
  3. రిప్లయిలు
    1. సారధి లేకను తేరుకు
      భారము గాదలచు తల్లి పాపల నెపుడున్
      సారము తెలియని ప్రేమలు
      హారము లేకున్న నగు మహాప్రళయమ్మే

      తొలగించండి
    2. అక్కయ్యా,
      మీ పూరణ బాగున్నది. అభినందనలు.

      తొలగించండి
  4. డా.పిట్టా సత్యనారాయణ
    కారమునుప్పుల మాని వి
    కారములౌ చేష్ట లుడుగ గనని నరునకున్
    గూరదు స్వాస్థ్యము, స్వచ్ఛ వి
    హారము లేకున్న నగు మహా ప్రళయమ్మే!
    "భారము మాది వోటునిడ భాగ్యవిధాతలమౌదుమం"చు తా
    త్సారము జేసి యెన్నికల సాలుకు నెట్టిన నాప్రతిజ్ఞలన్
    జోరుగ గూర్చు యత్నములు చుక్కల కెక్కును గానమేగతిన్
    పోరును పొంగులప్పటివె పోడిమి జూపెడు సర్వ దుష్ట సం
    హారము లేకపోయిన మహా ప్రళయమ్మె సముద్భవించెడిన్!

    రిప్లయితొలగించండి
    రిప్లయిలు
    1. డా. పిట్టా సత్యనారాయణ గారూ,
      మీ రెండు పూరణలు బాగున్నవి. అభినందనలు.

      తొలగించండి
  5. ధారుణి పాపులేష నొక దారుణమైన సమస్యగానయెన్
    చేరువ లేదు దీనికిని చెప్పగ,చేయ,పరిష్కృతంబు-నా
    హార విహారముల్ జటిలమయ్యె-జనోల్బణ రూపుమాప సం
    హారము లేకపోయిన మహాప్రళయమ్ము సముద్భవించెడన్

    రిప్లయితొలగించండి

  6. వైరము నొదవుచు బ్రతుకున
    భారంబయి దోచుచుండి వంతల నిడు నా
    యారున్ దుర్గుణముల సం
    హారము లేకున్న నగు మహా ప్రళయమ్మే!

    రిప్లయితొలగించండి
  7. ధారుణి తాపము మీరగ
    వారిధులుప్పొంగ సహజ వనరులు తరగన్
    మీరిన యాశల కేపరి
    హారము లేకున్న నగు మహాప్రళయమ్మే!

    రిప్లయితొలగించండి
  8. నిన్నటి పూరణ:

    సరదాకని మొదలిడెడున్
    సిరి మ్రింగెడు దురలవాట్లఁ జిక్కిన వారల్
    మరగిన బలహీనఁపుటవ
    సరములు జీవులకుఁ గడు నసహ్యములయ్యెన్

    నేటి పూరణము:

    క్షీర జలధిన్ జిలుకఁగన్
    హోరున గరళమ్ము పుట్ట హూనమటంచున్
    కోరఁగ సురలు శివుని పరి
    హారము లేకున్ననగు మహా ప్రళయమ్మే

    రిప్లయితొలగించండి
    రిప్లయిలు
    1. గుండా వేంకట సుబ్బ సహదేవుడు గారూ,
      మీ రెండు పూరణలు బాగున్నవి. అభినందనలు.

      తొలగించండి
  9. నీరసమునొడలుదిరుగుట
    హారములేకున్ననగు,మహాప్రళయమ్మే
    కారడవినిబెనుమంటలె
    యూరికివ్యాపించునెడలనూరేగాలన్

    రిప్లయితొలగించండి
    రిప్లయిలు
    1. పోచిరాజు సుబ్బారావు గారూ,
      హారం లేకుంటే ఒడలు ఎలా తిరుగుతుంది? పూరణలో మిగతా భాగం బాగుంది. "నీరసమును మూర్చయు నా।హారము లేకున్న..." అందామా?

      తొలగించండి
  10. దారుణ దానవ రాక్షస
    శూరవర నిచయ భరిత వసుమతీ సుమహా
    భార విదళ నాసుర సం
    హారము లేకున్న నగు మహాప్రళయమ్మే


    దూరి విరించి శౌర్యమునఁ దోరపుఁ గిన్క హరించి వేదముల్
    నీరధి దూరి ఘోరముగ నేర్పు వహించిన సోమకాసురుం
    జేరి వధించె నాహరియె శ్రీపతి నందిత దేవతా సమా
    హారము లేకపోయిన మహాప్రళయమ్మె సముద్భవించెడిన్

    రిప్లయితొలగించండి
    రిప్లయిలు
    1. పోచిరాజు కామేశ్వర రావు గారూ,
      సంహార, సమాహారాలతో మీ రెండు పూరణలు అద్భుతంగా ఉన్నవి. ముఖ్యంగా మొదటి పూరణలోని సుదీర్ఘ సమాసం అలరించింది. అభినందనలు.

      తొలగించండి
    2. పూజ్యులు శంకరయ్య గారికి వందనములు. ధన్యవాదములు.

      తొలగించండి
    3. పూజ్యులు సుకవివర్యులు శ్రీ కామేశ్వర రావు గారికి యథావిధిగా శత సహస్ర వందనములతో ఒక చిన్న మనవి:

      నేటినుంచి మీరు నాతో ఒక ఒప్పందమునకు రావలె...సమస్యా పూరణలోని కందము, తేటగీతి, ఆట వెలది లాటి జాతులు, ఉపజాతులను మీరు ద్రాక్షా పాకములో వేమన, సుమతి శతకముల వలె నాబోటి వారికి సైతం ఏకబిగిని అర్ధం అయేలా వ్రాయవలెను. వృత్తములు మీ ఇష్టం...పద్యం అంతా ఒకే సమాసంలో వ్రాసినా నాకు శ్రవణానందకరముగ నుండును.

      కొంచెం శ్రమతీసుకుని మీరిలా వ్రాసినయెడల మీ ప్రతిభ ద్విగుణీకృతముగ రాణించునని నా అభిప్రాయము. నమస్సులు.

      తొలగించండి


    4. అన్నియు యర్థం బైన మ
      హోన్నత పదసంపదల నహో గన వీలౌ ?
      యెన్నగ మిన్న కవివరా
      యున్నత కవి పోచిరాజు యుక్తుల నేర్వన్ !
      (మనకున్న అవకాశంబిది)

      చీర్స్
      జిలేబి

      తొలగించండి
    5. వీరల రక్కసుల వలని
      భారము మన భూమి దాల్చ వలెననఁ దరమే
      తీరుటకు వెత లసుర సం
      హారము లేకున్న నగు మహాప్రళయమ్మే

      శాస్త్రి గారికి, జిలేబి గారికి ధన్యవాదములు. జిలేబి గారు (క్షమించాలి మీ పేరు తెలియదు)చెప్పినట్లు తెలుసున్న పదాలే యెప్పుడూ వాడుతుంటే కొత్త పదాలు తెలిసే దెప్పుడు?

      తొలగించండి
    6. ఓ యమ్మ! నీ కుమారుఁడు
      మా యిండ్లను బాలు పెరుగు మననీ డమ్మా!
      పోయెద మెక్కడి కైనను
      మా యన్నల సురభులాన మంజులవాణీ!

      తొలగించండి


    7. ఆహా! సుదినంబిది కో
      లాహల మింక చెలరేగ లలిత కవులకుం
      బాహి యనఁ గుకవి సంఘము
      సాహిత్యాధ్వమున దుమ్ము సమధిక మయ్యెన్

      శ్రీ కామేశ్వర రావు గారిది

      తొలగించండి
    8. కామేశ్వర రావు గారూ,
      మీ తాజా పూరణ మృదు మధురంగా ఉంది. అభినందనలు.

      తొలగించండి
    9. పూజ్యులు శంకరయ్య గారికి వందనములు. ధన్యవాదములు. శాస్త్రి గారి కోరిక మేర చేసిన పూరణ యది.
      జిలేబి గారు పద్యము మనోహరముగా నున్నది. నా కా యర్హత సంశయ మయినా.

      తొలగించండి

    10. పోచిరాజు వారు

      ఆ పద్య పద లాలిత్యం మీదే నండీ ! ( మీ బ్లాగులో నించి కట్ పేస్ట్ చేసినదే )

      జిలేబి

      తొలగించండి
    11. అందుకేనేమో ఎక్కడో విన్నట్టుందని పించింది. ధన్యవాదములు.

      తొలగించండి
  11. భారత భూమికి శిరమగు
    ధీరోత్తర ధవళవర్ణ దివ్యశిఖరమున్
    బారెడి జీవనదీ నీ
    హారము లేకున్న నగు మహాప్రళయమ్మే

    రిప్లయితొలగించండి
    రిప్లయిలు
    1. పుట్టంరాజు సునీల్ బాబు గారూ,
      మీ పూరణ బాగున్నది. అభినందనలు.

      తొలగించండి
  12. క్రూరుడు భస్మాసురు డిల
    ఘోరమ్మగు కృత్యములను గుప్పించంగన్
    శౌరిదలంచె నసుర సం
    హారము లేకున్న నగు మహాప్రళయమ్మే

    రిప్లయితొలగించండి
  13. నీరముమాత్రమేగొనుచునీరజనాభునిగొల్వుమాసమా
    హారములేకపోయిన,మహాప్రళయమ్మెసముద్భవించెడిన్
    ధారుణిశత్రుభావములుదారుణమొందగరక్తధారలే
    గారుచునొక్కరొక్కరుగగాలునిచెంతకుబోవుచుండుటన్

    రిప్లయితొలగించండి

  14. Globalization, economic slowdown, immigration issues నేపథ్యం లో

    భారం బాయె మది జిలే
    బీ రయ్యన బతుకు బండి బీటలు వేసెన్
    బారక దస్కము యభ్యవ
    హారము లేకున్న నగు మహాప్రళయమ్మే !

    జిలేబి

    రిప్లయితొలగించండి

  15. పిన్నక నాగేశ్వరరావు

    ఘోరముగా బాంబులతో

    దారుణ హింసకు తెగబడి దనుజుల వోలెన్

    జేరెడు దుర్మార్గుల సం

    హారము లేకున్న నగు మహా ప్రళయమ్మే.

    ************************************

    రిప్లయితొలగించండి
  16. పెళ్లిపందిట పేరంటాన హారతిజేయునప్పుడు పెళ్లికుమారునిబెదిరింపు
    హారతి బట్టలేదు”పరిహారపు పళ్ళెమునింపుమన్న?ఆ
    హా రతిజేయకుండగనె అన్నుల మిన్నకు డబ్బులాశ?|ఆ
    హార తిరస్కృతిన్ దెలిపి|అల్లుడ నయ్యెద “పెళ్లి పందిటన్
    హారములేకపోయిన”?మహాప్రళయమ్మె సముద్భవించెడిన్|
    2.భార్యహారతి| భర్తకుబెదిరింపు సూచన
    హారతి మణిహారమునన్
    హారతిగొని తులసి పూజ హాయిగ జేయన్?
    “హార తిరస్కృతులప్పే
    హారములేకున్న?నగు మహాప్రళయమ్మే| {హారమెఅప్పని నగుమన? మహాప్రళయమెఅంటున్నభార్య}



    రిప్లయితొలగించండి


  17. ఓరీ ట్రంపూ వేసేయ్ !
    పోరలు మాట వినకున్న పోటుగ వేసేయ్ !
    హోరా హోరీ నన్ సం
    హారము లేకున్న నగు మహాప్రళయమ్మే !


    జిలేబి పరార్ :)

    రిప్లయితొలగించండి
  18. పారుడగు ద్రౌణి శిఖి సం
    హారము లేకున్న నగు మహాప్రళయమ్మే
    వారింపుము సత్వరమని
    పారాశర్యుండు పలుక పార్ధు౦ డుడిపెన్

    రిప్లయితొలగించండి
  19. కోరక ముక్కెర తెచ్చిన
    వారిజముఖి మూతివిరిచి భర్తన్నురిమెన్
    గౌరీవ్రతమున ముక్తా
    హారము లేకున్న నగు మహాప్రళయమ్మే

    రిప్లయితొలగించండి
  20. ధారుణమౌ కాలుష్యపు
    కారణమున పృథ్వియంత కష్టము పాలౌ
    వారించెడి యుచితపు పరి
    హారము లేకున్న నగు మహా ప్రళయమ్మే

    రిప్లయితొలగించండి
  21. ధారుణమౌ కాలుష్యపు
    కారణమున పృథ్వియంత కష్టము పాలౌ
    వారించెడి యుచితపు పరి
    హారము లేకున్న నగు మహా ప్రళయమ్మే

    రిప్లయితొలగించండి
  22. ధారుణమౌ కాలుష్యపు
    కారణమున పృథ్వియంత కష్టము పాలౌ
    వారించెడి యుచితపు పరి
    హారము లేకున్న నగు మహా ప్రళయమ్మే

    రిప్లయితొలగించండి
  23. చేరిరి దీనులమాత్యుల
    వారిని కోర్కెలను దీర్చు ప్రభువని తలచీ
    ఘోరమయె మాబతుకులా
    హారము లేకున్ననగు మహా ప్రళయమ్మే

    పేరాశ తోడ మనుజుడు
    ఘోరాలను చేయుచుండు కువలయమందున్
    నేరాలకు మూలము సం
    హారము లేకున్న నగు మహా ప్రళయమ్మే


    చేరిరమాత్యుసన్నిధి వచింపగ బాధల దీనులీ విధిన్
    భూరిగ కాటకమ్మలరె భూమియె వ్రయ్యలు వారె నిండుగన్
    బారెడు యేరులెండగను పంట ఫలింపకపోయె నా
    హారము లేక పోయిన మహా ప్రళయమ్మె సముద్భవించెడిన్

    రిప్లయితొలగించండి
  24. "జగమే మాయా..."

    కోరికలన్ని తీర్చుచును కొండల పిండిని చేయగల్గు నా
    భారత మాతృరూపిణియె భాగ్యము కోరుచు వచ్చిచేరగా
    కూరిచి కోటి రూప్యములు క్రొత్తవి నోటుల కుట్టినట్టిదౌ
    హారము లేకపోయిన మహా ప్రళయమ్మె సముద్భవించెడిన్ :)

    రిప్లయితొలగించండి