27, ఫిబ్రవరి 2017, సోమవారం

సమస్య - 2294 (బాలుర సంహరించి...)

కవిమిత్రులారా, 
ఈరోజు పూరించవలసిన సమస్య ఇది.... 
"బాలుర సంహరించి శిశుపాలుఁడు కీర్తి గడించెఁ బుణ్యుఁడై"
లేదా... 
"బాలురఁ బరిమార్చిన శిశుపాలుఁ డనఘుఁడౌ"

38 వ్యాఖ్యలు:

  1. కాలిని కుంటిగ జేయుచు
    వేలాది జనులను సోకి వేధించెడి యా
    పోలియొ భీకర వ్యాధది
    బాలురఁ; బరిమార్చిన "శిశుపాలుఁ" డనఘుఁడౌ!


    "శిశుపాలుడు" = పోలియొ వాక్సీనును కనుగొనిన పిల్లల వైద్యుడు "జొనాస్ సాక్"

    ప్రత్యుత్తరంతొలగించు
    ప్రత్యుత్తరాలు
    1. శిశుపాలునకు మీరు చెప్పిన అర్థం బాగుంది. పూరణ చక్కగా ఉంది. అభినందనలు.
      కొంత అన్వయదోషం ఉంది. "పోలియొ బాధింపగ పసి।బాలుర..." అంటే ఎలా ఉంటుంది?

      తొలగించు
  2. మేలములాడి బంధుజన మిత్రవరేణ్యుల పెద్దవారలన్
    ఆలమునందు సజ్జనులనందఱితో జగడంబు సల్పి,వా
    క్పాలన లేక, దూషణ శఖామణియయ్యె-నదెట్టులోగదా
    బాలర సంహరించి శిశుపాలుఁడు కీర్తి గడించెఁబుణ్యడై!!

    ప్రత్యుత్తరంతొలగించు
    ప్రత్యుత్తరాలు
    1. సమస్యను ప్రశ్నగా మార్చిన మీ పూరణ బాగున్నది. అభినందనలు.
      'పెద్దవారల। న్నాలమునందు.." అనండి.

      తొలగించు

  3. శూలము గొని వేగముగా
    బాలురఁ బరిమార్చిన శిశుపాలుఁ డనఘుఁడౌ
    చాలపు మహేంద్ర జాలికు
    డౌ! లెస్సగను బతికించె రాదీయుచునున్ !


    జిలేబి

    ప్రత్యుత్తరంతొలగించు
    ప్రత్యుత్తరాలు
    1. పూరణ భావం అర్థం కాలేదు. 'చాలపు, రాధీయుచునున్'...?

      తొలగించు
  4. పోలవరంబునం జదువ బోయెడి యాశ్రమవాసు లెల్లరన్
    మూలన నక్కి కాళ్ళనట మోదుచు మ్రింగగ దూకబోవుచున్
    వాలము నూపు బెబ్బులిని వాడదె శీఘ్రము ధైర్యయుక్తుడై
    బాలుర సంహరించి శిశుపాలుడు కీర్తి గడించె బుణ్యుడై.
    (శిశుపాలుడు = శిశురక్షకుడు)
    హ.వేం.స.నా.మూర్తి

    ప్రత్యుత్తరంతొలగించు
    ప్రత్యుత్తరాలు
    1. బాగుంది. చివర కొంత అన్వయలోపం. 'శీఘ్రము రక్ష సేయగా। బాలుర...' అంటే ఎలా ఉంటుంది?

      తొలగించు
    2. ఆర్యా!
      ధన్యవాదములు. అలా అంటే అన్వయ సందిగ్దత లేకుండా మరింత బాగుంటుంది. నేను ఆశ్రమ వాసు లెల్లరన్, బాలుర అనే విధంగా అన్వయం కుదురుతుందని భావించాను. పొరపాటు జరిగింది.

      తొలగించు
  5. డా.పిట్టా సత్యనారాయణ
    పోలిక కంసుడు శిశువే
    ఆలమునన్ జంపు తననటన్నను యఘమి
    క్కాలపు శాస్త్రజ్ఞుడు స్త్రీ
    బాలుర పరిమార్చిన శిశు పాలుడనఘుడౌ

    ప్రత్యుత్తరంతొలగించు
  6. డా.పిట్టా
    పాలనజేయ శాస్త్రములె, బంధము గూల్చగనైన నవ్వియే
    చాలవటయ్య శోధనలు చావులబెంచుటదేల పిండ సం
    చాలనమాపి స్త్రీగ గను శ్రాంతిని/(శాల్తుల)మాయము జేయు విజ్ఞుడే(శాస్త్రజ్ఞుడే)
    బాలుర సంహరించి శిశుపాలుడు కీర్తిగడించె బుణ్యుడై!

    ప్రత్యుత్తరంతొలగించు
  7. డా.పిట్టా నుండి,ఆర్యా,
    పుండు-అలించు ॥పుండలించు.అలించు కు అర్థం లేదు.కాని ప్రేమాతిశయము గూర్చిన భావన ఉంటుంది.ఆ పదాన్ని అన్యార్థంలో వాడినాను.పదం మంచిది,అదష్టమే తక్కువ.

    ప్రత్యుత్తరంతొలగించు
  8. కాలరు సవరించు కొనుచు
    చాలరు నాసాటి యెవరు సాహస మందున్
    తేలిక దుష్కార్య ములుజేయ
    బాలురఁ బరిమార్చిన శిశుపాలుఁ డనఘుఁడౌ

    ప్రత్యుత్తరంతొలగించు
    ప్రత్యుత్తరాలు
    1. మీ పూరణ బాగున్నది.
      మూడవ పాదంలో గణదోషం. 'తేలిక దుష్కార్యమ్ములు' అనండి.

      తొలగించు
    2. కాలరు సవరించు కొనుచు
      చాలరు నాసాటి యెవరు సాహస మందున్
      తేలిక దుష్కార్య మ్ములుజేయ
      బాలురఁ బరిమార్చిన శిశుపాలుఁ డనఘుఁడౌ

      తొలగించు
  9. మేలగు తనకనె కంసుడు
    బాలురఁ బరిమార్చిన ; శిశుపాలుఁ డనఘుఁడౌ
    పోలియొ వ్యాధి నిరోధిగ
    కాలము గడుపక సృజించ ఘన యౌషధమున్

    (శిశుపాలుడు = బాలల కాపాడు వాడు )

    నిన్నటి సమస్యకు నా పూరణ

    అరసి కీచకు నంపగాయముని దరికి
    వాని నోటివాపును దీర్చ వలలునిగనె
    నీవు కాపుండుమని గోర నిజవనితయె
    చిత్ర వద్ద చేసె భీముడు చిత్రముగను

    ప్రత్యుత్తరంతొలగించు
    ప్రత్యుత్తరాలు
    1. మీ రెండు పూరణలు బాగున్నవి. అభినందనలు.
      'ఘన+ఔషధము = ఘనౌషధము' కదా!'ఘనమగు మందున్' అందామా?

      తొలగించు
  10. పాలకుడయ్యునుదుష్టుడు
    బాలురబరిమార్చినశిశుపాలుడ,నఘుడౌ
    బాలురమంచినిచెడ్డను
    లాలనతోజూచునతడురహినీజగతిన్

    ప్రత్యుత్తరంతొలగించు
  11. మహాకవి పోతనామాత్యునకు వినమ్ర ప్రణతులతో:

    బాల రసాల సాల నవ పల్లవ కోమల విగ్రహమ్మునన్
    సాల విభంజనుండును విశాల భుజాంతర భాసితుండు గో
    పాల సునామధేయమునఁ బద్మ దళాక్షుడు కంస మల్లురన్
    బాలుర సంహరించి శిశుపాలుఁడు కీర్తి గడించెఁ బుణ్యుఁడై

    [శిశువు = వత్సము; శిశుపాలుఁడు =(గో)వత్స పాలకుడు:కృష్ణుడు]
    “వనమార్గంబున గోప బాలకులతో వత్సంబులన్ మేపుచుం” భాగ. 10.పూర్వ. 1331


    కాల వశంబున కంసుడు
    బాలురఁ బరిమార్చిన, శిశుపాలుఁ డనఘుఁడౌ
    మాలినిఁ గృష్ణుని నిందల
    పాలుం జేయగ సమసిరి వనజజు లీలన్

    ప్రత్యుత్తరంతొలగించు
    ప్రత్యుత్తరాలు
    1. మీ రెండు పూరణలు గొప్పగా ఉన్నవి. అభినందనలు.

      తొలగించు
    2. పూజ్యులు శంకరయ్య గారికి వందనములు. ధన్యవాదములు.

      తొలగించు
  12. పాలకుడయ్యునాతడిటపాలసుడయ్యెనునేమిఖర్మమో
    బాలురసంహరించిశిశుపాలుడు,కీర్తిగడించెబుణ్యుడై
    బాలలమంచిచెడ్డలనటబాగుగజూచుచున్యాయశీలుడై
    లాలనతోడనుంటయనురాగమునొందెనువారినుండియున్

    ప్రత్యుత్తరంతొలగించు
    ప్రత్యుత్తరాలు
    1. బాగుంది మీ పూరణ. అభినందనలు.
      'పాలసు డయ్యె నదేమి ఖర్మమో...మంచి చెడ్డ లట బాగుగ...' అనండి.

      తొలగించు
  13. కాలుని లోకము గల్గును
    బాలురఁ బరిమార్చిన, శిశుపాలుఁ, డనఘుఁడౌ
    పాలకడలిశయనుఁ దా
    హేళన జేసి సభలోన నీభువి వీడెన్

    ప్రత్యుత్తరంతొలగించు
  14. తేలిభయమ్మునుండి కడు తీరుగనుండెను కంసుడెవ్విధిన్?
    గేలియొనర్చి శ్రీపతిని గిట్టిన దెవ్వరు చక్రదాటికిన్?
    పాలసముద్రపున్ శయను భక్తిని, రక్షస పుత్రు డొందె తా?
    బాలుర సంహరించి, శిశుపాలుఁడు, కీర్తి గడించెఁబుణ్యడై

    ప్రత్యుత్తరంతొలగించు
  15. మాన్యులు శ్రీ కంది శంకరయ్య గారికి
    సవినయ ప్రణామములతో,

    శ్రీమహాభాగవతపాత్రలై శ్రీకృష్ణాతిమానుషతత్త్వంతో అనుబంధాన్ని పొందిన ప్రతిఒక్కరూ ధన్యజీవులే.

    శ్రీలలనామనోహరుని సేవకుఁడై మునికోపలబ్ధజం
    బాలత సంసృతిత్రయముఁ బాయఁగ విష్ణుని ద్వేషమూని, దు
    ష్కాలముఁ గోరితెచ్చికొని శాపవిముక్తిని వైరిషట్కజా
    బాలుర సంహరించి శిశుపాలుఁడు కీర్తి గడించెఁ బుణ్యుఁడై.

    సప్రశ్రయంగా,
    ఏల్చూరి మురళీధరరావు

    ప్రత్యుత్తరంతొలగించు
    ప్రత్యుత్తరాలు
    1. మాన్యులు ఏల్చూరి మురళీధరరావుగారూ...నమస్సులు!

      శ్రీకృష్ణాతిమానుషతత్త్వాభియుక్తితో మీ పూరణ మనోహరంగా ఉన్నది. శుభాభినందనలు!

      తొలగించు
    2. మాన్యవిద్వత్కవీంద్రులు శ్రీ మధుసూదన్ గారి
      సౌహృద్యోదితానికి హృదయపూర్వక ధన్యవాదాలు!

      మీవంటి విద్వన్మాన్యుల ప్రోత్సాహమే నాకు ప్రేరణ.

      తొలగించు
  16. బాలుర బాలికా వసతి పాలకుడైనగురూత్త ముండునా
    బాలురు యెట్టి యాపదలపాలవకుండగ కాపుకాయునా
    పాలకుడేసదా శిశువుపాలకుగా జనసాధులందరౌ
    బాలుర సంహరించి శిశుపాలుఁడు కీర్తి గడించెఁ బుణ్యుఁడై

    ప్రత్యుత్తరంతొలగించు
  17. *సహస్రకవిరత్న కవిభూషణ శ్రీమతి జి సందిత బెంగుళూరు*

    నాలుగువచ్చెవేగవిషనాగములా శిశుమందిరంబునన్
    పాలకుడడ్డువచ్చి గబగబా బడితన్ గొని నేర్పుమీరగన్
    వాలములున్ తలల్ పగులఁబాదెనుపాముల బ్రోచెనట్లునా
    *బాలుర! సంహరించి, శిశుపాలుఁడు, కీర్తి గడించెఁబుణ్యడై*

    *సహస్రకవిరత్న కవిభూషణ శ్రీమతి జి సందిత బెంగుళూరు*
    🙏🙏🙏🙏

    ప్రత్యుత్తరంతొలగించు
  18. బాలుర సంక్షేమ గదిన్
    తేలొకటి రయమున దూరి తిరుగుటఁ గనియున్
    జాలిపడి నిలువరించుచు
    బాలురఁ, బరిమార్చి శిశుపాలుఁడనఘుడౌ

    శిశుపాలుడు = Hostel warden

    ప్రత్యుత్తరంతొలగించు