1, నవంబర్ 2017, బుధవారం

సమస్య - 2508 (కవి కిద్దఱు భార్యలు...)

కవిమిత్రులారా,
ఈరోజు పూరించవలసిన సమస్య ఇది...
"కవి కిద్దఱు భార్యలున్నఁ గను సుఖ కీర్తుల్"
ఈ సమస్యను సూచించిన పూసపాటి కృష్ణ సూర్యకుమార్ గారికి ధన్యవాదాలు.

118 వ్యాఖ్యలు:

  1. అవనీపతి ప్రోత్సాహము
    చవిగొను విజ్ఞుల ప్రశంస చల్లగ నుండన్
    సవతులు వీరిరువురయిన
    కవి కిద్దఱు భార్యలున్నఁ గను సుఖ కీర్తుల్

    ప్రత్యుత్తరంతొలగించు
    ప్రత్యుత్తరాలు
    1. అవనీపతి ప్రోత్సాహము = గవర్నమెంటు ఉద్యోగము
      చవిగొను విజ్ఞుల ప్రశంస = శంకరాభరణము

      తొలగించు
    2. గవర్నమెంటు పింఛను😄😄😄
      👏👏👏👏👏

      తొలగించు
    3. ప్రభాకర శాస్త్రి గారూ,
      మీ పూరణ బాగున్నది. అభినందనలు.

      తొలగించు
  2. ప్రవిమల సతితో సౌఖ్యము
    కవితా సతితోడ కీర్తి కలుగును కవకిన్
    భువినిది సూనృతమగుటన్
    కవికిద్దరు భార్యలున్న గను సుఖ కీర్తుల్

    ప్రత్యుత్తరంతొలగించు
    ప్రత్యుత్తరాలు
    1. కవికిన్- అనాలి. టైప్ పొరపాటు.

      తొలగించు
    2. విజయకుమార్ గారూ,
      మీ పూరణ బాగున్నది. అభినందనలు.

      తొలగించు
  3. సవతుల కలహముల సతము
    నవిరళముగ దెగ యశాంతి యనిపించునుగా;
    భువిలో వివేకురాలే
    కవికిద్దరు భార్యలున్న ; గను సుఖ శాంతుల్ !

    ప్రత్యుత్తరంతొలగించు
    ప్రత్యుత్తరాలు
    1. జనార్దన రావు గారూ,
      మీ పూరణ బాగున్నది. అభినందనలు.
      '..దెగ నశాంతి...' అనండి.

      తొలగించు
  4. చవినిచ్చు నొక్క సఖియును;
    ఛవినిచ్చును గద మరియొక సఖియును జూడన్
    సవిధాంగన,కవితాంగన
    కవి కిద్దరు భార్యలున్న గను సుఖకీర్తుల్.

    ప్రత్యుత్తరంతొలగించు
  5. కవితలనే సతులుగ గొని
    నవిరళముగ గవన రచన కంకిత మగుచు
    న్నవివాహితుడై చెలగెడు
    "కవి కిద్దఱు భార్యలున్నఁ గను సుఖ కీర్తుల్"

    ప్రత్యుత్తరంతొలగించు
    ప్రత్యుత్తరాలు
    1. జనార్దన రావు గారూ,
      మీ పూరణ బాగున్నది. అభినందనలు.
      '..గొని యవిరళముగ...' అనండి.

      తొలగించు
  6. శివునకు గంగ గిరిజ, కే
    శవునకు లక్ష్మియును ధరణి సతులై యుండన్
    భవునికుమారుడు కవులకు
    కవి కిద్దఱు భార్యలున్నఁ గను సుఖ కీర్తుల్

    ప్రత్యుత్తరంతొలగించు


  7. తవిషము ఛందము నీదెన్
    సువిశా లముగ యతి యింతి సుందరి గూడన్
    కవిగొను భార్యౌ ప్రాసయు !
    కవి కిద్దఱు భార్యలున్నఁ గను సుఖ కీర్తుల్!

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ పూరణ బాగున్నది. అభినందనలు.
      'తవిషము' క్రొత్త పదం తెలుసుకున్నాను.
      'భార్య+ఔ' అన్నపుడు యడాగమం వస్తుంది. 'కవి గొను భార్యగ ప్రాసను' అంటే ఎలా ఉంటుంది?

      తొలగించు
    2. జిలేబీ గారూ:

      ఈనాటి సమస్యలో "కవి”, "భార్యలు" అని ఉన్నది. మరి కవయిత్రుల మాట?

      తొలగించు
    3. శాస్త్రి గారూ,
      "కవయిత్రికి భర్త లెన్నగా నిద్దఱె పో"
      ఎవరా యిద్దరు?

      తొలగించు
    4. కవయిత్రికిఁ బెండ్లాయెను,
      స్తవనీయుఁడు మగఁడు గాగ సగము మగండౌ
      నెవ రాడపడుచు గాదా?
      కవయిత్రికి భర్త లెన్నగా నిద్దఱె పో!

      తొలగించు
    5. 🙏🙏🙏

      బద్ధకముతో:

      అవనీపతి ప్రోత్సాహము
      చవిగొను విజ్ఞుల ప్రశంస చల్లగ నుండన్
      కువలయ నేత్రి సుదతియగు
      కవయిత్రికి భర్త లెన్నగా నిద్దఱె పో!

      తొలగించు


    6. భువనైక మోహనుండు స
      హవాసి పెనిమిటి, కృతి పతియై యెకిమీడున్
      కవివర! గను లోకమునన్
      కవయిత్రికి భర్త లెన్నగా నిద్దఱె పో!

      జిలేబి

      తొలగించు
    7. మైలవరపు వారి పూరణ:

      కువలయపతి నిశి వెలుగగ
      దివాకరుడు పగలు నింగి దీప్తినొసగగన్
      కవివర ! గగనాంగన యను
      కవయిత్రికి భర్త లెన్నగా నిద్దఱె పో!

      మైలవరపు మురళీకృష్ణ వెంకటగిరి

      తొలగించు
    8. నవరసముల సాహిత్య
      మ్మవిరళ సంగీత సిద్ధి మహనీయమ్మౌ
      నివిరెండును మిళితమ్మగు
      కవయిత్రికి భర్త లెన్నగా నిద్దఱె పో

      తొలగించు
    9. మైలవరపు వారి పూరణకు కంది వారి స్పందన:

      "గగనాంగన నిజంగానే గొప్ప కవయిత్రి. రాత్రి వేళ ఆరుబయట మంచం వేసుకొని పడుకొని ఆకాశంలోకి చూస్తే నక్షత్రాల పదాలతో, మేఘాల భావాలతో ఎంత గొప్ప కవితలు వినిపిస్తుందో... అద్భుతమైన కల్పనా చాతుర్యం మీది! నమస్సులు!"

      తొలగించు
    10. మురళీ కృష్ణ గారిది అద్భుతమైన పూరణ!

      తొలగించు
    11. అన్నట్లు;

      "కవయిత్రి" ఆంధ్రభారతిలో లేదు.

      తొలగించు

    12. వెంఠనే ఈ విషయాన్ని మహిళాభ్యుదయ సంఘాలకు తెలిపి కవుల మీద యుద్ధం ప్రకటించ మంటా :)

      రచయిత్రి అన్న పదం వుంది :)

      కావున మహిళ లో కవనము చెేసే వారు లేరని ఖరారై పోయారేమో :)

      జిలేబి

      తొలగించు
  8. ప్రత్యుత్తరాలు
    1. కవిరామలింగడు శివను
      తివిరెను భగవతి, రమలను, తెలివిగ దనతో
      నివసించన్, నేడవనిన
      కవి కిద్దఱు భార్యలున్నఁ గను సుఖ కీర్తుల్"
      (కాళిదాసు వాణి నా రాణి అన్నాడు. రామలింగడు లక్ష్మి సరస్వతులను తనతో నుండాలని కాళిని వరమడిగాడు)

      తొలగించు
    2. సూర్యకుమార్ గారూ,
      మీ పూరణ బాగున్నది. అభినందనలు.

      తొలగించు
  9. సువిశాలపు హృదయ ముగల
    కవి కిద్దరు భార్యలున్నఁ గను సుఖ కీర్తుల్
    కవనము లల్లగ వేడుక
    సవతుల కలహము లపైన సతమత మౌచున్

    ప్రత్యుత్తరంతొలగించు
  10. డా.పిట్టా
    అవిరళ గృహపుటరణ్యము
    చవి జూడగస్వచ్ఛమైన సన్యాసంబున్
    ప్రవిమల ముక్తిని గొన బ్రతి
    కవి కిద్దరు భార్యలున్న గను సుఖ1శాంతుల్2
    1.స్వాంతస్సుఖాయ,2.సాహిత్య ప్రకీర్తి బహురచనలతో,

    భవితకు రెండవ పెళ్ళిని
    కవి యాశించంగ జైలు కటకటలను తా
    నవిరళ రచనల ఘనుడౌ
    కవికిద్దరు భార్యలున్న గను సుఖ కీర్తుల్
    (కష్టపడి, మాయ మాటలతో రెండవ పెళ్ళి జేసికొన్నచో జైలువారే కవి పోషణను నిర్వహిస్తారు.ఏంచక్కా కవితలల్లుకోవచ్చు.After me the deluge.భార్యలేమైతేనేమి,తనకు ప్రాధాన్యత నిచ్చుకునే తత్త్వము ఉండనే ఉన్నది.హాస్యంకొరకే సుమండీ!)

    ప్రత్యుత్తరంతొలగించు
  11. డా.పిట్టా
    ఆర్యా,నిన్నటి పూరణ
    సరళత యన్న వ్యాకరణ సాధన గాదను గద్య గేయపుం
    రరరరలంత్య ప్రాసలను వ్రాయు కవిత్వము దానికింతగా
    స్వరముల గూర్చ పాటలగు సాగునటన్నదె యాశయంబుగా
    తిరముగ కేంద్ర సాహితికి దివ్వె వలెన్ గనిపించె వాణిరో!
    (కేంద్ర సాహిత్య అకాడమీవారు పద్యకృతికి అవార్డు ప్రకటించిన దాఖలాలు ఈమధ్య మృగ్యమైనవి.)

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ మూడు పూరణలు బాగున్నవి. అభినందనలు.

      తొలగించు
  12. కవనము లల్లెడు ప్రతిభయె
    యవిరళమగు కృషినిగూడి యానందింప
    న్నావిర్భవించ కావ్యము
    కవికిద్దరు భార్యలున్న గను సుఖకీర్తుల్!


    ప్రతిభ, వ్యుత్పత్తి యను నిద్దరు సతులు గల కవి!

    ప్రత్యుత్తరంతొలగించు
    ప్రత్యుత్తరాలు
    1. “కవనము లల్లెడు ప్రతిభయు” యని చదువ ప్రార్ధన!

      తొలగించు
    2. సవరించిన పాఠము:
      కవనము లల్లెడు ప్రతిభను
      యవిరళమగు కృషినిగూడి యానందింపన్
      నవజాత శిశువు కావ్యము
      కవికిద్దరు భార్యలున్న గను సుఖకీర్తుల్

      తొలగించు
    3. సీతాదేవి గారూ,
      మీ పూరణ బాగున్నది. అభినందనలు.
      'ప్రతిభను+అవిరళ'మన్నపుడు యడాగమం రాదు. అక్కడ "కవనముల నల్లెడు ప్రతిభ। నవిరళమగు...' అనండి.

      తొలగించు
    4. ధన్యవాదములు గురుదేవా!
      కవనముల నల్లెడు ప్రతిభ
      నవిరళమగు కృషినిగూడి యానందింపన్
      నవజాత శిశువు కావ్యము
      కవికిద్దరు భార్యలున్న గను సుఖకీర్తుల్

      తొలగించు
  13. కవికున్న సతి కి తోడుగ
    కవిత యు తా భార్య య య్యే కాంక్ష ద లి ర్ప న్
    కవితా రాజ్య ము నే లె డు
    కవి కి ద్ద్దరు భార్య లు న్న గనుసుఖ కీర్తు ల్

    ప్రత్యుత్తరంతొలగించు
    ప్రత్యుత్తరాలు
    1. రాజేశ్వర రావు గారూ,
      మీ పూరణ బాగున్నది. అభినందనలు.

      తొలగించు
  14. ఆర్యా,మీసూచననుపాటించి తే.గీ మొదటి పాదాన్నిసవరించుకొన్నాను.కృతజ్ఞతలు
    డా.పిట్టా నుండి.

    ప్రత్యుత్తరంతొలగించు
  15. ఆర్యా,మీసూచననుపాటించి తే.గీ మొదటి పాదాన్నిసవరించుకొన్నాను.కృతజ్ఞతలు
    డా.పిట్టా నుండి.

    ప్రత్యుత్తరంతొలగించు
  16. వివరముగావిను భువిలో
    కవి కిద్దఱు భార్యలున్నఁ గను సుఖ కీర్తుల్
    నవనీ తలమున నెంచగ
    కవితయు మరియొకరెవరన కరమందిన స్త్రీ.



    సవతాలబాధ దప్పదు

    కవికిద్దరు భార్యలున్న;! గను సుఖకీర్తుల్

    రవి గాంచనిదాని గనుచు

    కవితల నల్లగ సతతము కాశ్యపి నందున్.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ రెండు పూరణలు బాగున్నవి. అభినందనలు.
      'కీర్తుల్+అవనీ..' అన్నపుడు నుగాగమం రాదు. "కీర్తుల్। భువిలో తలంచి చూడగ..' అందామా?

      తొలగించు
  17. శివ సూలూరి గారి పూరణ....

    "కవి"యను పే రా గణపతి
    కెవ రుంచిరొ? సిద్ధి - బుద్ధు లెడమను కుడిలో!!;
    "కవిఁ" గొలువ వాని నిచ్చును!!.....
    కవి కిద్దరు భార్య లన్నఁ గను సుఖ - కీర్తుల్!!!

    ప్రత్యుత్తరంతొలగించు
  18. మిత్రులందఱకు నమస్సులు!

    సహజీవనమున కొక్కతె
    కవనమ్మను కాంత యొకతె ఘనత నిడుచు నీ
    భువి స్వర్గముగనుఁ జేయఁగఁ
    గవి కిద్దరు భార్య లున్నఁ గను సుఖ కీర్తుల్!

    ప్రత్యుత్తరంతొలగించు
    ప్రత్యుత్తరాలు
    1. సవరణ:
      భువి జీవనమున కొక్కతె అని మొదటి పాదాన్ని పఠించగలరు.

      తొలగించు
    2. మధుసూదన్ గారూ,
      మీ పూరణ ప్రశస్తంగా ఉంది. అభినందనలు.

      తొలగించు
    3. ధన్యవాదాలండీ శంకరయ్య గారూ!

      తొలగించు
  19. అవిరళ కవనపు సృజనకు
    అవసరమగు నలువరాణి, నాహ్లాదతతో
    భువి గడపగ లక్ష్మియు
    కవికిద్దరు భార్యలుండ కను సుఖకీర్తుల్

    ప్రత్యుత్తరంతొలగించు
  20. ప్రత్యుత్తరాలు
    1. శ్రీరామ్ గారూ,
      మీ పూరణ బాగున్నది. అభినందనలు.
      "నలువరాణి యాహ్లాదముతో" అనండి. మూడవ పాదంలో గణదోషం. "భువిలో గడుపగ లక్ష్మియు" అందామా?

      తొలగించు
  21. కవనము,పఠనము రెంటిని
    వివాహ మాడియు నిరతము వేడుక తోడన్
    భువిలో చరించు చుండెడి
    కవికిద్దరు భార్యలున్న గను సుఖశాంతుల్.

    ప్రత్యుత్తరంతొలగించు
    ప్రత్యుత్తరాలు
    1. జనార్దన రావు గారూ,
      మీ పూరణ బాగున్నది. అభినందనలు.

      తొలగించు
  22. క్రొవ్విడి వెంకట రాజారావు:

    సవురుగ నొప్పెడి దారయు
    నవరస భావములతోడ నాడికమెంతన్
    సవరించెడి సాహితియున్
    కవికిద్దఱు భార్యలున్న గను సుఖకీర్తుల్

    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ పూరణ బాగున్నది. అభినందనలు.

      తొలగించు
  23. కవనమ్ము వల్ల కవియౌ
    శ్రవణో పేయంపు గళము శ్రావ్యత పేరన్
    యవిరళ ధారయు నొకతెగ
    కవి కిద్దఱు భార్యలున్నఁ గను సుఖ కీర్తుల్.

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.
      'పేరన్+అవిరళ' అన్నపుడు యడాగమం రాదు. "పేర। న్నవిరళ.." అనవచ్చు.

      తొలగించు
    2. గురుదేవులకు ధన్యవాదములు. సవరించిన పూరణ :

      కవనమ్ము వల్ల కవియౌ
      శ్రవణో పేయంపు గళము శ్రావ్యత పేర
      న్నవిరళ ధారయు నొకతెగ
      కవి కిద్దఱు భార్యలున్నఁ గను సుఖ కీర్తుల్.

      తొలగించు
  24. అవి ప్రతిభావ్యుత్పత్తులు
    కవికిద్దఱు భార్యలున్నఁగను సుఖ కీర్తుల్
    స్తవనీయంబౌ రచనలు.
    అవిరళ యశమభ్యుదయములందింపంగన్

    ప్రత్యుత్తరంతొలగించు
    ప్రత్యుత్తరాలు
    1. అయ్యా నా పద్యాన్ని పరిశీలించ ప్రార్థన నన్ను వదిలేశారేమి

      తొలగించు
    2. ప్రసాద రావు గారూ,
      క్షమించాలి... ఎందుకో తప్పిపోయింది.
      మీ పూరణకేం? అద్భుతంగా ఉంది. అభినందనలు.

      తొలగించు
  25. కవన మ్మెవనికి సాధ్యము?
    భువిపై మానవుఁడు నరకమును గను టెపుడో?
    ప్రవిమల గుణ ఫల మెట్టిది?
    కవి; కిద్దరు భార్యలున్నఁ; గను సుఖకీర్తుల్.

    ప్రత్యుత్తరంతొలగించు
  26. అవిరళవాక్చాతుర్యము
    ప్రవాహము వలె పయనించు పద్యపునడకల్
    చవినొసగు కథనమునఁ బ్రతి
    కవి కిద్దఱు భార్యలున్నఁ గను సుఖ కీర్తుల్

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి గారూ,
      మీ పూరణ బాగున్నది. అభినందనలు.

      తొలగించు
  27. నవనవమను స్త్రీ యొక్కతి
    చెవిచూప ముదము మదనుని చేష్టలతోడన్
    కవనమునకు మరియొక్కతి
    కవి కిద్దఱు భార్యలున్నఁ గను సుఖ కీర్తుల్

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ రెండవ పూరణ బాగున్నది. అభినందనలు.

      తొలగించు
    2. చవిచూప ముదము మదనుని చరితము తోడన్ అంటే బాగుంటుందేమో.

      తొలగించు
    3. నిజమే. నా దృష్టికి రాలేదు.

      తొలగించు
  28. భువిలో జీవనమలరగ
    భవితకు కరదీపిక యగు భార్యయె కాకన్
    యువిద సృజనమరియొకర్తుక
    కవికిద్దఱు భార్యలున్న గను సుఖ కీర్తుల్

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.
      'కాక' అన్నది కళ. ద్రుతాంతం కాదు.అక్కడ "కాకే" యువిద..." అనంది.

      తొలగించు
  29. ప్రత్యుత్తరాలు
    1. సవన సఫలత కవసరం
      బవనిఁ జతుష్పండితులు మహా వేదజ్ఞుల్
      కవనమున శుద్ధి బుద్ధులు
      కవి కిద్దఱు భార్యలున్నఁ గను సుఖ కీర్తుల్

      [బ్రహ్మహోత్రుద్గాతాధ్వర్యులు నల్గురు యజమానున కవసరము. శుద్ధి : వాక్శుద్ధి]

      తొలగించు
    2. కామేశ్వర రావు గారూ,
      అత్యుత్తమమైన పూరణ మీది. అభినందనలు.

      తొలగించు
    3. పూజ్యులుశంకరయ్య గారికి నమఃపూర్వక ధన్యవాదములు.

      తొలగించు


  30. భువనైక మోహనుండు స
    హవాసి పెనిమిటి, కృతి పతియై యెకిమీడున్
    కవివర! గను లోకమునన్
    కవయిత్రికి భర్త లెన్నగా నిద్దఱె పో!

    జిలేబి

    ప్రత్యుత్తరంతొలగించు
  31. ప్రవిమల మనమున సతియును
    అవిరళముగ కమలుని సతి హార్దము జూపన్
    కవనపు జవ్వని గూడగ
    కవి కిద్దఱు భార్యలున్నఁగను సుఖ కీర్తుల్

    ప్రత్యుత్తరంతొలగించు
    ప్రత్యుత్తరాలు
    1. శర్మ గారూ,
      మీ పూరణ బాగున్నది. అభినందనలు.
      'సతియును+అవిరళముగ = సతియు నవిరళముగ' అవుతుంది. అక్కడ "భార్యయు। నవిరళముగ..." అనండి.

      తొలగించు
  32. గు రు మూ ర్తి ఆ చా రి
    ,,,,,,,,,,,,,,,,, ,,,,,,,,,

    సువిశాలమైన భావ౦

    బెవరికి గలుగు ? ప్రశా౦తి యెపుడు నశి౦చున్ ?

    ప్రవరుని జీవన మెట్టిది ?

    |కవి | కిద్దరుభార్యలున్న| గనుసుఖశా౦తుల్ |

    ( ప్రవరుడు = శ్రేష్ఠుడు)

    ప్రత్యుత్తరంతొలగించు
    ప్రత్యుత్తరాలు
    1. గురుమూర్తి గారూ,
      క్రమాలంకారంలో మీ పూరణ బాగున్నది. అభినందనలు.

      తొలగించు
  33. కవితలవలనేకీర్తులు
    కవులకునిలవచ్చుగానికాదుగపత్నుల్
    కవులకుకారణభూతులు
    కవి కిద్దఱు భార్యలున్నఁ గను సుఖ కీర్తుల్"

    ప్రత్యుత్తరంతొలగించు
  34. గురువర్యులకు నమస్సులు.
    నిన్నటి న్యస్తాక్షరికి చంపక మాలలో నా పూరణను పరిశీలించ ప్రార్థన.
    ధన్యవాదములు.

    సరసత నందు పల్కు లిల సాధన సేయక యుండ నెన్ననే
    ర రిచటి పండితుల్ కవుల! రంజిలు నంతగ కావ్య రాజముల్
    స్వరముల జక్కగా నమరు వాక్కుల గూర్చుచు వ్రాయు రీతులన్
    తిరముగ నేర్వ నెంచి మది తెల్లని తల్లిని నే నుతించెదన్!

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారూ,
      మీ పూరణ బాగున్నది. అభినందనలు.

      తొలగించు
  35. సమస్య
    *కవికిద్దరు భార్యలున్న గను సుఖకీర్తుల్*

    *కవినీచుడైజతైవా*
    *స్తవోచ్ఛరవిసప్తమమున సమసప్తకమం*
    *దవదృక్శనికుజులివ్వరు*
    *కవికిద్దరు భార్యలున్న గను సుఖకీర్తుల్*

    (కవి=శుక్రుడు)

    *శ్రీమతి జి సందిత బెంగుళూరు*

    ప్రత్యుత్తరంతొలగించు
    ప్రత్యుత్తరాలు
    1. సందిత గారూ,
      మీ పూరణ బాగున్నది. అభినందనలు.
      'జత+ఐ' అన్నపుడు సంధి లేదు, యడాగమం వస్తుంది.

      తొలగించు
  36. కవితయుపత్నియునిరువురు
    కవికిద్దరుభార్యలు,న్నగనుసుఖకీర్తుల్
    కవితయగీర్తినిబత్నియు
    నవిరళమగుసుఖమునిచ్చునార్యాపుడమిన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ ప్రయత్నం ప్రశంసింపదగినదే కాని విరుపు సమర్థంగా లేదు.

      తొలగించు
  37. కవనము వేగమె సాగదు
    కవికిద్దఱు భార్యలున్న! గను సుఖ కీర్తుల్
    భువి నొక్క పత్ని యేనియు
    సవరణలనిడుచు మగనికి సాయము చేయన్

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారూ,
      విరుపుతో మీ పూరణ చక్కగా ఉంది. అభినందనలు.

      తొలగించు
    2. స్వీయ అనుభవాన్ని కవిమిత్రుడు చక్కగా పద్యం లో పొందుపరచాడు. అభినందనలు మిత్రమా.

      తొలగించు
    3. గురువు గారికి, మిత్రులు సత్యనారాయణ రెడ్డి గారికి నమస్సులు, ధన్యవాదములు.

      తొలగించు
  38. కవితా శక్తియె కాంతగ
    సవతియె సమయోచితంపు చాతుర్యమవన్
    ప్రవిమల కావ్యపు రచనకు
    కవి కిద్దఱు భార్యలున్నఁ గను సుఖ కీర్తుల్

    ప్రత్యుత్తరంతొలగించు
    ప్రత్యుత్తరాలు
    1. ఫణికుమార్ గారూ,
      మీ పూరణ ప్రశస్తంగా ఉంది. అభినందనలు.

      తొలగించు
    2. గురువుగారూ నమస్సులు. ధన్యవాదములు.

      తొలగించు
  39. రవికిద్దరు సతులు గలరు
    భువిలో గలమనుజులకును భూరిసు ఖమ్మే
    సవతుల నెరజాణతనము.
    కవికిద్దరు భార్యలున్న గను సుఖ కీర్తుల్.

    ప్రత్యుత్తరంతొలగించు
    ప్రత్యుత్తరాలు
    1. నారాయణ రావు గారూ,
      మీ పూరణ బాగున్నది. అభినందనలు.

      తొలగించు
  40. అవిరళ కృషితో వ్రాయును
    కవి|”కిద్దరు భార్యలున్న గనుశుఖ కీర్తుల్
    నివురున గప్పిననిప్పుగ
    కవిహృదయము కాలుచుండు కలలో నైనన్|”

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ పూరణ బాగున్నది. అభినందనలు.
      కవికి అన్న్దదానికి అన్వయం?

      తొలగించు
  41. భువి తిండి నిడున కవితలు
    అవిరళముగ రచనజేయ హరిసతి పద్మో
    ద్బవురాణి కలసి, వరమిడ
    కవికిద్దరు భార్యలున్న గను సుఖశాంతుల్.

    ప్రత్యుత్తరంతొలగించు
    ప్రత్యుత్తరాలు
    1. హనుమచ్ఛాస్త్రి గారూ,
      మీ పూరణ బాగున్నది. అభినందనలు.
      'కవితలు + అవిరళముగ' అన్నపుడు సంధి నిత్యం. మీరు విసంధిగా వ్రాసారు. అక్కడ "కావ్యము। లవిరళముగ..." అనవచ్చు కదా!

      తొలగించు
    2. ధనయవాదములండీ...సరిచేయుచున్నాను

      భువి తిండి నిడున కావ్యము
      లవిరళముగ రచనజేయ హరిసతి పద్మో
      ద్బవురాణి కలసి, వరమిడ
      కవికిద్దరు భార్యలున్న గను సుఖశాంతుల్.

      తొలగించు
  42. *పొందెసహాధ్యాయిగగో*
    *విందుఁగుచేలుండులేమివెతలన్ ధన్యం*
    *బందెన్ పవిత్రమైత్రియు*
    *పొందెన్సాయంబునట్లుపురుషోత్తముచేన్*

    *శ్రీమతి జి సందిత బెంగుళూరు*

    ప్రత్యుత్తరంతొలగించు