3, నవంబర్ 2017, శుక్రవారం

సమస్య - 2509 (పలలమ్మును గోరి...)

కవిమిత్రులారా,
ఈరోజు పూరించవలసిన సమస్య ఇది...
"పలలమ్మును గోరి చిలుక ఫలముల రోసెన్" 
ఈ సమస్యను సూచించిన పూసపాటి కృష్ణ సూర్యకుమార్ గారికి ధన్యవాదాలు.

112 వ్యాఖ్యలు:

  1. ఇలఁగల వల యీ దేహము;
    ఫలసారంబాత్మ యౌను పరికించి గనన్.
    వలలో చిక్కెను జీవుడు;
    పలలమ్ముల గోరి చిలుక ఫలముల రోసెన్!

    జీవుడు చిలుక, ఆత్మ ఫలము, మాంసము ఈ మాంసాత్మకమైన శరీరము. సచ్చిదానందమైన ఆత్మను వీడి, మాంసమయమైన శరీరము వెంటాడుతున్నాడు అని భావం.

    ప్రత్యుత్తరంతొలగించు
    ప్రత్యుత్తరాలు
    1. అద్భుతమైన పూరణ!అభినందనలు!

      తొలగించు


    2. చాలా బావుందండి భరద్వాజ్ గారు

      జిలేబి

      తొలగించు
    3. భరద్వాజ్ గారూ,
      మీ పూరణ అద్భుతంగా ఉంది. అభినందనలు.

      తొలగించు
    4. సీతా దేవిగారు,
      జిలేబి గారు,
      శంకరయ్య గారు,
      మురళీకృష్ణ గారు,
      ధన్యవాదములు.

      తొలగించు
  2. పలలము నమ్మెడు వాడొక
    పలువన్నెల రామచిలుక పంచన బెంచ
    న్నలవాటుసేయ నశనము
    పలలమ్మును గోరి చిలుక ఫలముల రోసెన్

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ బాగున్నది. అభినందనలు.

      తొలగించు
  3. అల కాకి వచ్చి వాలెను
    పలుకుల నెలనాగ రీతి పలుకును గాదే !
    పులకరమున నా రసనయె
    "పలలమ్మును గోరి ; చిలుక ; ఫలముల రోసెన్"
    ****}{}{****
    (పులకరము = జ్వరము)

    ప్రత్యుత్తరంతొలగించు
    ప్రత్యుత్తరాలు
    1. జనార్దన రావు గారూ,
      క్రమాలంకారంలో మీ పూరణ బాగున్నది. అభినందనలు.

      తొలగించు
    2. శంకరయ్య గారూ ! ధన్యవాదాలు !

      తొలగించు
  4. ఇలలో వినుటకు వింతయె
    పలలమ్మును గోరి చిలుక ఫలముల రోసెన్
    కలనైనను విని నంతనె
    కలవర బడిశంస యించి కాదన వలయున్

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      మీ పూరణ బాగున్నది. అభినందనలు.
      "సంశయించి" అనండి.

      తొలగించు
    2. ఇలలో వినుటకు వింతయె
      పలలమ్మును గోరి చిలుక ఫలముల రోసెన్
      కలనైనను విని నంతనె
      కలవర బడిసంశ యించి కాదన వలయున్

      తొలగించు
  5. బలియుడు రాహులుఁ జేరెన్
    తెలగాణను దెచ్చినట్టి ధీరుండుండన్
    చెలియా! ఇదియెట్లన్నన్
    పలలమ్మును గోరి చిలుక ఫలముల రోసెన్

    ప్రత్యుత్తరంతొలగించు
    ప్రత్యుత్తరాలు

    1. జీపీయెస్ వారే ? :)

      జిలేబి

      తొలగించు
    2. ప్రభాకర శాస్త్రి గారూ,
      మీ పూరణ బాగున్నది. అభినందనలు.
      రాహులును చేరిన బలియు డెవరు? రేవత్ రెడ్డియా? అటువంటప్పుడు "..ధీరుం డనుచున్" అంటే అన్వయం బాగుంటుంది.

      తొలగించు
    3. సార్!

      మొదటి పాదంలోని "బలియుడు" మీరు ఊహించిన ఘనుడే. మరి రెండవ పాదంలోని "ధీరుడు" నాకు ప్రితతముడైన మన ముఖ్యమంత్రి. ఆ ధీరుడు లేకున్న కందానికి అందముండదు కదా!

      పైగా "పలలము”, "ఫలము" రెండూ వేర్వేరు కదా!


      జిలేబీ గారూ:

      క. చ. రా. జిందాబాద్! (దయ చేసి కలిపి చదవకండి... నాకు శ్రీ కృష్ణ జన్మస్థానం!!!)

      తొలగించు
    4. వర్తమానాంశ ప్రస్తావన బాగుందండీ.. అభివందనములు..... మురళీకృష్ణ

      తొలగించు
  6. బలిమిన్ బోయడు గూటన్
    మలమల మాడ్చుచు శుకమును మాంసము కడనే
    నిలిపెన్ నిరంతరంబున్;
    బలిలమ్మును గోరి చిలుక ఫలముల రోసెన్.

    ప్రత్యుత్తరంతొలగించు
  7. విలువగు మోక్షమును విడచి
    మలినంబగు కాయికసుఖ మాశించుటయే
    తలచగ కలియుగ ధర్మము
    పలలమ్మును గోరి చిలుక ఫలముల రోసెన్!

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ బాగున్నది. అభినందనలు.

      తొలగించు
  8. సెలవిచ్చె గురువు వ్రాయఁగఁ
    "పలలమ్మును రోసి చిలుక ఫలములఁ గోరెన్"
    జిలిపిగ శిష్యుఁడు వ్రాసెను
    "పలలమ్మును గోరి చిలుక ఫలముల రోసెన్"

    ప్రత్యుత్తరంతొలగించు
    ప్రత్యుత్తరాలు

    1. ఆదురహో శిష్య పరమాణువు :)


      జిలేబి

      తొలగించు
    2. ధన్యవాదాలు జిలేబీ గారూ,
      ఆ శిష్యుడు మీ క్లాస్‍మేటే అయి ఉంటాడు! లేక జి.పి. శాస్త్రి గారి వంటి 'బ్లాగ్‍మేట్'!

      తొలగించు


    3. మొదటే నేను శిష్యుడి/రాలి పేరు జీపీయెస్సా జిలేబి యా అందా మనుకున్నా నండీ :) తర్వాత పరమానందయ్య కథ గుర్తుకొస్తేనూ ..... :)


      జేకే
      జిలేబి

      తొలగించు
    4. విదూషకుడు, విదూషకి, లేని సదస్సునకు శోభేమున్నది?

      సార్!

      "విదూషకి" అన్న క్రొత్త పదం సృష్టించాను... ఒక వీర తాడు!!!

      "విదూషిక" వేరు...దాని అర్ధం "పొట్టి కాకర కాయ"

      తొలగించు

    5. అందుకోండి కంద తాడు (తాడనం :) )


      విదూషకి ! క్రొత్త పదావిష్కరణ కు జేజేలు జీపీయెస్ వారికి :)


      ఓయి! విదూషకుడా ! గీ
      గీ ! యెలమిగ మీ "విదూషకి" నిఘంటువులో
      ఖాయమగు గాక క్రొత్తగ
      మై యెఱుగుదురిక స్వభావమై స్త్రీత్వంబై :)





      చీర్స్
      జిలేబి

      తొలగించు


  9. పలువిధ రెస్టా రెంట్లను
    నలువిధముల చుట్టి మెక్డొనాల్డున మరిగెన్,
    వలలో చిక్కెను వెస్ట్రను
    పలలమ్మును గోరి చిలుక ఫలముల రోసెన్

    నేటి యువత :)
    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      అన్యదేశ్యాలను ప్రయోగించినా మీ పూరణ బాగున్నది.

      తొలగించు
  10. డా.పిట్టా
    అల చక్కని ముక్కిడ హరి!
    పలలమ్మును గోరి చిలుక ఫలముల రోసెన్
    పలు లంచము లే.సి.బి.వల!(అవినీతి నిరోధక వ్యూహము A.C.B ride)
    బలమే2? యవినీతి బాయ వలసె నుపాధిన్!!(మాంసం తింటే బలమంటారు కదా,ఇది నిజమా?)

    ప్రత్యుత్తరంతొలగించు
  11. డా.పిట్టా
    జనవాణి:
    వలనే.సి.బి.బడె లంచపు
    పలలమ్మును గోరి చిలుక ఫలముల రోసెన్
    వెలగల యుపాధి యూడన్
    కలికికి సంతతికి దుఃఖ కారకుడయ్యెన్!

    ప్రత్యుత్తరంతొలగించు
  12. డా.పిట్టా
    బలమైనవి, విటమినులవి
    పలలమునన్ లభ్యమన్న ప్రథ సరి యనునా
    పలుగాకి మాట లసహజ
    పలలమ్మును గోరి చిలుక ఫలముల రోసెన్!

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ మూడు పూరణలు బాగున్నవి. అభినందనలు.

      తొలగించు
  13. సరదాగా నేటి యువకులు కండలు గలవారిపై మోజు పెంచుకొనుట,వారిని జూచి వీరు నిత్యం మాంసం తిని ఆరోగ్యం పాడుజేసు కొన్న వారిపై

    శిలలను సున్నము జేసిన
    వలలుని తలపునను నిలపి పద పదమనుచున్
    వలలుని వలె దిన సాగెను
    పలలమ్మును గోరి చిలుక, ఫలముల రోసెన్!

    ప్రత్యుత్తరంతొలగించు
    ప్రత్యుత్తరాలు
    1. వరప్రసాద్ గారూ,
      మీ పూరణ బాగున్నది. అభినందనలు.

      తొలగించు
  14. డా.పిట్టా
    కలికాలమ్మిది శాస్త్ర శోధనలవే కావే వినీత శ్రుతుల్
    మలి జన్మంబెటులుండునో తినుమనన్ మాబాగుగా మాంస మి
    మ్ముల పుంసత్వ మొసంగు నంచనగనే మోసంబు పాలైరి యా
    పలలమ్మున్ వలచెన్ శుకంబు మరచెన్ ,బండ్లన్న రోసెన్ గదా!?

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      బాగుంది మీ వృత్త పూరణం. అభినందనలు.

      తొలగించు
  15. ఫలమును బోలు సతిని విడి
    వెలయాలి గృహమును జేర వెంగలి యొకఁడా
    ఖలునిఁగని ప్రజ వచించిరి
    “పలలమ్మును గోరి చిలుక ఫలముల రోసెన్”

    ప్రత్యుత్తరంతొలగించు
  16. ప ల ల ము ల నమ్ము చోటికి
    పలు మారు లు వచ్చి చేరి ప ల ల ము రుచి కి న్
    అలవాటై న ట్టీ దగు చు
    ప ల లమ్ములగోరి చిలుక ఫలము ల రో సె న్

    ప్రత్యుత్తరంతొలగించు
    ప్రత్యుత్తరాలు
    1. రాజేశ్వర రావు గారూ,
      మీ పూరణ బాగున్నది. అభినందనలు.
      'రుచికి। న్నలవాటై (లేదా) పలలము దినగా। నలవాటై..." అనండి.

      తొలగించు
  17. పిలిచెను తన సారంగుని
    పులకలతో మదనబాధ పొంగులువారన్
    కులకాంత వెర్రి తలపుల
    ఫలలమ్మునుఁగోరి చిలుక ఫలముల రోసేన్

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ పూరణ బాగున్నది. అభినందనలు.
      'పలలమ్మువు'...?

      తొలగించు
    2. ఆర్యా!అదిపలలమ్మును పలలమ్మువు కాదు టైపో మన్నించండి

      తొలగించు
  18. క్రొవ్విడి వెంకట రాజారావు:

    కలిలమునమ్మెడి వాడట
    చిలుకను పెంచుచు సతతము శిక్షణమిడుచున్
    పొల తినుటజేసి నంతట
    పలలమ్మును గోరి చిలుక ఫలముల రోసెన్

    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ పూరణ బాగున్నది. అభినందనలు.

      తొలగించు
  19. మిత్రులందఱకు నమస్సులు!

    ఇలలో గృధ్ర మొకటి తప
    మలయక సేసియునుఁ బొందె హరియగు వరమున్;
    ఫలమొంది, నైజ ముడుగక,
    పలలమ్మునుఁ గోరి చిలుక ఫలముల రోసెన్!

    ప్రత్యుత్తరంతొలగించు
    ప్రత్యుత్తరాలు
    1. చాల బాగుంది మధుసూదన్ గారూ!
      “వెనుకటి గుణమేల మాను?”

      తొలగించు
    2. మధుసూదన్ గారూ,
      మీ పూరణ బాగున్నది. అభినందనలు.

      తొలగించు
  20. తెలిసిన తెలుఁగును వలదని
    తెలియని పరభాష నెఱుఁగ తృళ్ళుదురకటా!
    కలియుగ ధర్మము చిత్రము.
    పలలమ్ములఁ గోరి చిలుక ఫలముల రోసెన్.

    ప్రత్యుత్తరంతొలగించు
    ప్రత్యుత్తరాలు
    1. చింతా వారూ,
      ఎన్నాళ్ళకెన్నాళ్ళకు నా బ్లాగును పావనం చేశారు! సంతోషం!
      చక్కని పోలికతో ప్రశస్తమైన పూరణ చెప్పారు. అభినందనలు.

      తొలగించు
  21. కలియొక్క మహిమ జూడరె
    విలువలు వీడుచును ద్విజులు పిశితముఁ దినుచున్
    హలయును త్రాగుట నేర్చిరి
    పలలమ్మును గోరి చిలుక ఫలముల రోసెన్

    ప్రత్యుత్తరంతొలగించు
    ప్రత్యుత్తరాలు
    1. ఫణికుమార్ గారూ,
      మీ పూరణ చాలా బాగున్నది. అభినందనలు.

      తొలగించు
    2. గురువుగారూ నమస్సులు. ధన్యవాదములు.

      తొలగించు
  22. మైలవరపు వారి పూరణలు:

    1)
    అర్జునుడు శ్రీకృష్ణునితో...

    బలవంతులు యదువీరులు
    గల పక్షము గోరె నిన్నుఁ గాదని , రారా..
    జిల ., కృష్ణ ! మేలు గాదే !
    పలలమ్మును గోరి చిలుక ఫలముల రోసెన్ !!

    మైలవరపు మురళీకృష్ణ వెంకటగిరి

    ***********
    2)

    లలిత మధురములగు తెలుగు
    పలుకుల గాదనుచు నాంగ్లభాషను నేర్వన్ !
    కలికాలము గాకేమిది ?
    పలలమ్మును గోరి చిలుక పండును రోసెన్ !!

    మైలవరపు మురళీకృష్ణ వెంకటగిరి

    ప్రత్యుత్తరంతొలగించు
    ప్రత్యుత్తరాలు
    1. అయ్యా! మైలవరపు మహాశయా!

      రిటైరయిన తరువాత ఈ పలలమును గోరు చిలుక (భవదీయుడు) 2700 బ్లాగులనూ, 7 చేపుస్తకములనూ (booklets) ప్రచురించినది....అన్నీ ఆంగ్లములోనే. ఇటీవలే కొరకరాని ఫలములును ఆస్వాదించుచున్నది...కందివారి వాత్సల్యముతో, మీ అభిమానముతో...

      🙏🙏🙏

      తొలగించు
    2. మైలవరపు వారూ,
      మీ రెండు పూరణలు అద్భుతంగా ఉన్నవి. అభినందనలు.
      *****
      శాస్త్రి గారూ,
      అన్నిటికంటే ముఖ్యం మీ సంకల్పబలం, నిరంతరాభ్యాసం. మేము నిమిత్తమాత్రులం. స్వస్తి!

      తొలగించు
  23. ఫలములు క్రిమిసంహారక
    విలయమ్మున జిక్కి రుచికివెగటుగ మారన్
    కలత వడి నీచు నయమని
    పలలమ్మును గోరి చిలుకఫలముల రోసెన్

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.

      తొలగించు
  24. విలువలను ద్రోసిరాజని
    ఖలులను గెలిపించు కొనుట !కలికాలమహో!
    కలనైనను ననుకుంటిమె?
    పలలమ్మును గోరి చిలుక ఫలముల రోసెన్.
    ***)()(***
    అలనాటి విలువ లేవీ?
    విలవల కాలము గతించి వేసట కలిగెన్
    ఖలులే యేలిక లగుటను
    పలలమ్మును గోరి చిలుక ఫలముల రోసెన్.
    *********

    ప్రత్యుత్తరంతొలగించు
    ప్రత్యుత్తరాలు
    1. జనార్దన రావు గారూ,
      మీ రెండు పూరణలు బాగున్నవి. అభినందనలు.

      తొలగించు
  25. అలసి సొలసి వెఱచుచు భూ
    వలయమ్మునఁ దిరిగి తిరిగి పర్వతపున్దా
    పుల నరసి మెఱయ కనుపా
    పలలమ్మును, గోరి చిలుక ఫలముల రోసెన్

    [కనుపాపలు+అలమ్ము = కనుపాపలలమ్ము; అలము = శాక విశేషము, పిందె, పచ్చి కాయ; రోసెన్ = వెదకెను]

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      విలక్షణమైన విరుపుతో పలలాన్ని అలముగా మార్చి చేసిన మీ పూరణ అద్భుతమూ, ఔత్సాహిక కవులకు మార్గదర్శకమూ. అభినందనలు.

      తొలగించు
    2. పూజ్యులుశంకరయ్య గారికి నమఃపూర్వక ధన్యవాదములు.

      తొలగించు
  26. క్రొవ్విడి వెంకట రాజారావు:

    కలియుగము ముదురు చుండెను
    యిలలో ప్రాణులు యిలువడి నెడలుచు వెఱగా
    మెలగుచు నుండుట కనగా
    పలలమ్మును గోరి చిలుక ఫలములు రోసెన్

    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ పూరణ బాగున్నది. అభినందనలు.
      'ముదురుచుండెను+ఇలలో, ప్రాణులు+ఇలు' అన్నపుడు యడాగమం రాదు. "చుండె। న్నిలలో ప్రాణులు నిలు విడి..." అందామా?

      తొలగించు
  27. చెలికా డొకడు విదేశపు
    చిలుకలు పలలము తినునని చెప్పగ నంతన్
    బలిమిని కోరుచు నిప్పుడు
    "పలలమ్మును గోరి చిలుక ఫలముల రోసెన్"

    ( కొన్ని రకముల చిలుకలు పురుగుల్ని మరియు చిన్న జంతువుల్ని తింటాయి. గూగుల్ సమాచారం)

    ప్రత్యుత్తరంతొలగించు
    ప్రత్యుత్తరాలు
    1. బాలసుబ్రహ్మణ్య శర్మ గారూ,
      మీ పూరణ బాగున్నది. అభినందనలు.

      తొలగించు
  28. కుచేలుని భార్య కృష్ణుని వద్దకు వెళ్ళమని ఆంగ్లములో చెప్పు భావన (సరదాకు మాత్రమే)
    (క) నిషిద్ధము సుమా

    తేటగీతి
    మోరు చిల్ద్రను టూఅజ్జు ,వేరు వుయ్యి
    బేరు, నోమనీ , నో పుడ్డు, ప్లీజు గోటు
    ప్రెండు పాలెస్సు , డోంట్ఫీలు ,ప్లీజు టెల్లు
    అవరు పొజిషను,బ్రింగ్మనీ, హాప్లి అవరు
    ఫ్యామిలీ విల్లు ఎంజాయి, బ్యాడు డేసు
    విల్లు లాస్టు, ఒపినియను టెల్లు ప్లీజు

    ప్రత్యుత్తరంతొలగించు
    ప్రత్యుత్తరాలు
    1. గురుదేవ నిన్నటి మరీ యొక పూరణ సరదాకు మాత్రమె సుమా క నిషిద్ధము

      తొలగించు
    2. కృష్ణ సూర్యకుమార్ గారూ,
      సరదాగా మీరు వ్రాసిన ఆంగ్ల పూరణ బాగున్నది. అభినందనలు.

      తొలగించు
  29. చెలియగు గోర పలలమున్
    పొలుపుగ ప్రతిదినము దినుట పొరుగునె గనుచున్
    జ్వలనము గలుగగ మదిలో
    పలలమ్మున్ గోరి చిలుక ఫలముల రోసెన్!!!

    (పొరుగింటి పుల్లకూర రుచి -భావములో)

    ప్రత్యుత్తరంతొలగించు
    ప్రత్యుత్తరాలు
    1. శైలజ గారూ,
      మీ పూరణ బాగున్నది. అభినందనలు.
      'చెలియగు' అన్నప్పుడు '..యగు'కు అన్వయం? అక్కడ "చెలియయె" అని ఉండాలనుకుంటాను.

      తొలగించు
  30. ఇలపైన దొరుకు ఫలములు
    కలుషితమై జబ్బునిడును, గడుబలమునిడున్
    తిల గురుములు మహిలో, యని
    పలలమ్మును గోరి చిలుక ఫలముల రోసెన్

    పురుగు మందులవాడకము వలన పండ్లు మంచివి కాదని ( పలలము = నువ్వులపిండి)
    కోరెను చిలుక యని భావన


    ప్రత్యుత్తరంతొలగించు
    ప్రత్యుత్తరాలు
    1. కృష్ణ సూర్యకుమార్ గారూ,
      అర్థాంతరంతో మీ పూరణ చక్కగా ఉంది. అభినందనలు.

      తొలగించు
  31. వెల జూడ భ్రమసి నేతల
    వలలో పడినంత 'ఓటు ' పణమున కమ్మన్
    బలి పశువై జనె నోటరు!
    పలలమ్మును గోరి చిలుక ఫలముల రోసెన్!

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారూ,
      మీ పూరణ బాగున్నది. అభినందనలు.

      తొలగించు
  32. కం.
    వలపుల పంచును ద్రోవది
    గెలిచిన రాజౌదవంచుఁ గృష్ణుడు పలుకన్
    దలఁచె సుయోధనుఁ గర్ణుడు!
    పలలమ్మును గోరి చిలుక ఫలముల రోసెన్.

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.
      "రాజౌదువంచు'.. టైపాటు!

      తొలగించు
    2. గురుదేవులకు ధన్యవాదములు. సవరించిన పూరణ

      కం.
      వలపుల పంచును ద్రోవది
      గెలిచిన రాజౌదువంచుఁ గృష్ణుడు పలుకన్
      దలఁచె సుయోధనుఁ గర్ణుడు!
      పలలమ్మును గోరి చిలుక ఫలముల రోసెన్.

      తొలగించు
  33. పలలపురుచినిన్మరిగిన
    చిలుకయదాఫలమునిరసించుటగనగన్
    బలలపురుచిబాగుండుట
    పలలమ్మునుగోరిచిలుకఫలములరోసెన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.
      రెండవ పాదంలో గణదోషం. "ఫలముల నిరసించుట..." అనండి.

      తొలగించు
  34. తెలివిగ శాస్త్రజ్ఞుండొక
    చిలుకను సృష్టించె|వింత జేకూర్చెడిదై
    నిలిచెను సంకర జాతిగ
    పలలమ్మును గోరి చిలుక ఫలముల రోసెన్|

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ పూరణ బాగున్నది. అభినందనలు.

      తొలగించు
  35. గు రు మూ ర్తి ఆ చా రి
    ,,,,,,,,,,,,,,,,,, ,,,,,,,,,,

    [ నా భార్యను ముద్దుగా " చిలుక " య౦దురు . ఆమెకు క్షయవ్యాధి సోకి దేహము
    కృశి౦చగా , వైద్యుని సలహానుసారము ,
    ధాన్యపదార్థముల తగ్గ౦చి మా౦స పదార్థములనే ఎక్కువగ కోరుకున్నది ]


    " చిలుక " యని య౦ద్రు నా ము

    ద్దులసతిని|కృశి౦చెను క్షయథువుచే | యొసగన్

    సలహా వైద్యు౦ , డ౦తట

    పలలమ్మునుగోరి " చిలుక " ఫలముల రోసెన్

    ి
    { సలహా = హి౦దీ పదప్రయోగము చేసి న౦దుకు

    క్షమి౦చాలి ; క్షయథువు = క్షయ రోగము

    ఫలము = ధాన్య పదార్థము }

    ప్రత్యుత్తరంతొలగించు
    ప్రత్యుత్తరాలు
    1. గురుమూర్తి ఆచారి గారూ,
      మీ పూరణ బాగున్నది. అభినందనలు.
      "క్షయథువుచే నొసగన్" అనండి.
      ఇది కేవలం సమస్యాపూరణ మయితే పరవాలేదు. నిజంగానే మీ సతీమణి క్షయ పీడితురాలైతే మీకు నా సానుభూతి!

      తొలగించు
  36. గురువు గారికి నమస్సులు
    చిలుకుల కొల్కిన మగనిన్
    చెలిమిప్రవిమల పలుకులట చెప్పగ నిలనన్
    కలికాలమునయువకులే
    పలలమ్మును గోరి చిలుక ఫలమ్ములు రోసెన్

    ప్రత్యుత్తరంతొలగించు
    ప్రత్యుత్తరాలు
    1. వెంకట నారాయణ రావు గారూ,
      మీ పూరణ బాగున్నది. అభినందనలు.

      తొలగించు

  37. ఇలలో సింగము తిరుగును
    పలలమ్మును గోరి ,చిలుక ఫలముల రోసెన్
    ఫలముల వంటి పలుకులను
    గలగలనాడచు సతతము సంబర పడుచున్.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      విరుపుతో మీ పూరణ బాగున్నది. అభినందనలు.
      వాట్సప్ సమూహంలో మీ పూరణ కనిపించడం లేదు ఎందుకో?

      తొలగించు

    2. కంది వారు

      వాట్సప్ లో వచ్చే పూరణలన్ని
      వెబ్ లో లేక పోవటం వల్ల కాల గతిలో కలిసి పోతున్నాయేమో ?

      వాటిని కూడా వెబ్ లో ఈ బ్లాగులో గాని వేరైన బ్లాగు లో కాని చేరిస్తే రాబోయే తరానికి ఉపయోగంగా వుంటుందేమో ?


      జిలేబి

      తొలగించు
    3. ఆ బాధతోనే మైలవరపు అవధాని గారి పూరణలను బ్లాగులో శాయశక్తులా నేను జోడిస్తున్నాను.

      👌👌👌

      తొలగించు
  38. చిలుకల కొలికిస్టమ్మని
    వలపున ఇచ్చెను మగండు పలలపు విందున్
    ఫలములు జప్పగ తోచగ
    పలలమ్మును గోరి చిలుక ఫలముల రోసెన్
    ఫణీంద్రరావు కొనకళ్ళ

    ప్రత్యుత్తరంతొలగించు
    ప్రత్యుత్తరాలు
    1. ఫణీంద్ర రావు గారూ,
      మీ పూరణ బాగున్నది. అభినందనలు.
      'కొలి కిష్టమ్మని'...టైపాటు. "వలపున నిచ్చెను" అనండి. పద్యం మధ్యలో అచ్చులు రాకుండా చూడండి.

      తొలగించు
  39. *నెలకార్తీకమనుచుప*
    *త్నులుపవసించుచుగృహములనోమగనిష్టన్*
    *ఖలులనసమస్యనిచ్చిరి*
    *పలలమ్మును గోరి ! చిలుక ఫలముల రోసెన్!*

    *శ్రీమతి సందిత బెంగుళూరు*

    ప్రత్యుత్తరంతొలగించు
    ప్రత్యుత్తరాలు
    1. సందిత గారూ,
      మీ పూరణ బాగున్నది. అభినందనలు.
      'నిష్ఠన్' అనండి.

      తొలగించు
  40. విలువలు వీడిన జీవన
    ముల బెనగెడి కష్టములిక ముంగిట నిలువన్
    తలపోసినార లిట్టుల
    "పలలమ్మును గోరి చిలుక ఫలముల రోసెన్!"

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా శర్మ గారూ,
      మీ పూరణ బాగున్నది. అభినందనలు.

      తొలగించు
  41. కొలిచెడి దైవము తల్లిని
    పిలిచెద రటమమ్మీ నిజేసి వెంగము లాడన్
    తలచిన గుండెకు బరువై
    పలలమ్మును గోరి చిలుక ఫలముల రోసెన్

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      మీ పూరణ బాగున్నది. అభినందనలు.
      రెండవ పాదంలో గణదోషం. "పిలిచెదరట మమ్మి జేసి..." అనండి.

      తొలగించు
    2. కొలిచెడి దైవము తల్లిని
      పిలిచెద రటమమ్మి జేసి వెంగము లాడన్
      త్తలచిన గుండెకు బరువై
      పలలమ్మును గోరి చిలుక ఫలముల రోసెన్

      తొలగించు
  42. వాట్సప్ సముదాయ సమస్యా పూరణ లో నన్ను కూడ సభ్యునిగా చేర్చు కోవలెనని ప్రార్థన. నా వాట్స్ ప్ నంబర్
    7981824948.
    నమస్కారాలు

    ప్రత్యుత్తరంతొలగించు
  43. ధన్యవాదాలన్నయ్యగారూ.ప్రయాణంలో వుండడంవల్ల పోస్ట్ చేసినా రాలేదు.దుబాయ్ లో నెట్వర్క్ అందడంవల్ల బ్లాగులో పోస్టయింది.వాట్సప్ లో కాలేదు.సురక్షితంగా బెంగళూరు చేరుకొన్నాను.

    ప్రత్యుత్తరంతొలగించు
  44. చిలుకల కొలికి యొకతె తన
    చెలిమరి పలలము,ఫలముల జేకొనమన;నా
    గుల చవితిన చోద్యముగా
    పలలమ్మును గోరి చిలుక ఫలముల రోసెన్.
    *******()()()******
    చెలిమరి = సఖి ; పలలము = నూవు పిండి.

    ప్రత్యుత్తరంతొలగించు
  45. డా.పిట్టా
    కలికాలమ్మిది శాస్త్ర శోధనలవే కావే వినీత శ్రుతుల్
    మలి జన్మంబెటులుండునో తినుమనన్ మాబాగుగా మాంస మి
    మ్ముల పుంసత్వ మొసంగు నంచనగనే మోసంబు పాలైరి యా
    పలలమ్మున్ వలచెన్ శుకంబు మరచెన్ ,బండ్లన్న రోసెన్ గదా!?

    ప్రత్యుత్తరంతొలగించు