4, నవంబర్ 2017, శనివారం

సమస్య - 2510 (కార్తిక పూర్ణిమను...)

కవిమిత్రులారా,
ఈరోజు పూరించవలసిన సమస్య ఇది...
"కార్తిక పూర్ణిమను గంటిఁ గద నెలవంకన్"

79 వ్యాఖ్యలు:

  1. పూర్తిగ చీకటి గుడిలో
    మూర్తిగ దీపమున వెలుగు ముక్కంటిఁ గన
    న్నార్తుల నన్నిటిని మరచి
    కార్తిక పూర్ణిమను గంటిఁ గద నెలవంకన్

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.

      తొలగించు
  2. కీర్తియను సఖిని తోడ్కొని
    యార్తిగ దేవాలయమున కరిగియు,కరుణా
    మూర్తి శివుని శిరమున నే
    "కార్తిక పూర్ణిమను గంటిఁ గద నెలవంకన్"

    ప్రత్యుత్తరంతొలగించు
    ప్రత్యుత్తరాలు
    1. జనార్దన రావు గారూ,
      మీ పూరణ బాగున్నది. అభినందనలు.

      తొలగించు
    2. ధన్యవాదాలు శంకరయ్య గారూ !

      తొలగించు


  3. వర్తము శివసన్నిధికిన్
    కార్తిక పూర్ణిమను గంటిఁ గద ! నెలవంకన్,
    భర్తగ గంగను, తలనిడి
    నర్తన మాడెడు నభవుని, నందను గనెదన్ !

    శుభాకాంక్షలతో
    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      విరుపుతో మీ పూరణ బాగున్నది. అభినందనలు.

      తొలగించు
  4. వార్తను వినినంత ముదముగ
    కార్తిక పూర్ణిమను గంటిఁ గద నెలవంకన్
    పూర్తిగ చంద్రుని సొగసుల
    యార్తిగ నేగాంచి యుంటి యానం దమిడన్

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      పద్యం బాగుంది. కాని సమస్య పరిష్కరింపబడినట్లు లేదు.
      మొదటి పాదంలో గణదోషం. "వినగా ముదమున" అనండి. అలాగే "సొగసుల నార్తిగ" అనండి.

      తొలగించు
    2. వార్తను వినగా ముదమున
      కార్తిక పూర్ణిమను గంటిఁ గద నెలవంకన్
      పూర్తిగ చంద్రుని సొగసుల
      నార్తిగ నేగాంచి యుంటి యానం దమిడన్

      తొలగించు
  5. (ఆదర్శదర్శకుడు జంధ్యాల గారి మానవతాచిత్రం "నెలవంక"గురించి)
    స్ఫూర్తిని గొలిపెడి దర్శక
    మూర్తియె జంధ్యాల;వారు మురియగ ప్రజలే
    యార్తిగ దీసిన చిత్రము
    గార్తికపూర్ణిమను గంటిగద "నెలవంకన్."



    ప్రత్యుత్తరంతొలగించు
    ప్రత్యుత్తరాలు
    1. బాపూజీ గారూ,
      మీ పూరణ ప్రశస్తంగా ఉంది. అభినందనలు.

      తొలగించు
  6. డా.పిట్టా
    వార్తలలో నగు బూర్ణత
    ఆర్తిని బెంచంగ రాష్ట్ర మరకొర ప్రగతిన్
    ధూర్తుల యవినీతిని యీ
    కార్తిక పూర్ణిమన గంటి గద నెలవంకన్

    ప్రత్యుత్తరంతొలగించు
  7. డా.పిట్టా
    పూర్తిగ ప్రతిపద మొదలుగ
    నార్తిని దీపాల వెలుగులానందములై
    మూర్తిని బెంచడె చంద్రుడు!?
    కార్తిక పూర్ణిమన గంటిగద నెలవంకన్!

    ప్రత్యుత్తరంతొలగించు
  8. డా.పిట్టా
    *మూర్తిని బెరుగ మరచెనె?*
    3వ పాద పాఠాంచరము

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.
      మీ సవరణ పాఠంలో గణదోషం. 'బెరుగగ మరచెనె' అంటే సరి!

      తొలగించు
  9. పూర్తి కుముదునీ నాయకు
    కార్తిక పూర్ణిమను గంటి గద, నెలవంకన్
    మార్తాండు నిభపు తేజో
    మూర్తి శివుని శిరమునందు ముద్దులొలకుచున్

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      విరుపుతో మీ పూరణ బాగున్నది. అభినందనలు.
      'కుముదినీ' అనండి. బహుశా టైపాటు కావచ్చు.

      తొలగించు
  10. కర్తయు,భవహర్తయు శుభ
    మూర్తియు నగు పార్వతిపతి మూర్దము పైనన్
    ఆర్తిని బాపగ వెలిగెడు
    కార్తిక పూర్ణిమను, గంటిగద నెలవంకన్

    ప్రత్యుత్తరంతొలగించు
    ప్రత్యుత్తరాలు
    1. చేపూరి శ్రీరామ్ గారూ,
      చక్కని పూరణ. అభినందనలు.

      తొలగించు
  11. నెలవంక...అంటే నఖక్షతము అన్న అర్ధం కూడా ఉంది. జిలేబి లాంటి వారు దీనిని ఉపయోగించి ఒక ప్రియురాలికి కలిగిన చక్కని అనుభూతిని వివరించగలరని భావిస్తున్నాను.

    ప్రత్యుత్తరంతొలగించు
    ప్రత్యుత్తరాలు

    1. జర్తి,తలకోన యురుకుల
      కార్తిక పూర్ణిమను గంటిఁ గద, నెలవంకన్
      వర్తులముగ గోముగనన్
      వర్తనమొనరిచి రమణుని పయిదలి గనవే !



      జిలేబి
      పరార్ :)

      తొలగించు
    2. జిలేబీ గారూ,
      విరుపుతో బాగుంది మీ పూరణ. అభినందనలు.
      "తలకోన నురుకుల" అనండి.

      తొలగించు
  12. గు రు మూ ర్తి ఆ చా రి
    ,,,,,,,,,,,,,,,,, ,,,,,,,,,,


    భర్తను గిరిజా భర్తను

    కార్తికపూర్ణిమను గ౦టిగద , నెలవ౦కన్ ( ..తో )

    మూర్తీకరి౦చు = త్రిభువన

    కర్తను శ౦కరు వినీలక౦ధరు >>> గుడిలో

    ప్రత్యుత్తరంతొలగించు
    ప్రత్యుత్తరాలు
    1. గురుమూర్తి ఆచారి గారూ,
      విరుపుతో మీ పూరణ బాగున్నది. అభినందనలు.

      తొలగించు


  13. వర్తి సుధాకుండలికన్,
    కార్తిక పూర్ణిమను గంటిఁ గద, నెలవంకన్
    వర్తన మొనర్చి దానిన్
    భర్తకు నిడెదను రమణుని పయిదలి నేనే !

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ పూరణ బాగున్నది. అభినందనలు.
      'సుధాకుండలి'...?

      తొలగించు
    2. tసుధాకుండలి = జిలేబి (సంస్కృతము)

      https://en.m.wikipedia.org/wiki/Jalebi

      తొలగించు
  14. పూర్తి గ ను డు పతి కనబడు
    కార్తిక పౌర్ణమను ;;గంటి గద నెలవంక న్
    మూర్తి గ వెలుగొందు శివుని
    కీర్తి కిరీటం బ నంగ కె ర ల గ తల పై

    ప్రత్యుత్తరంతొలగించు
    ప్రత్యుత్తరాలు
    1. రాజేశ్వర రావు గారూ,
      విరుపుతో మీ పూరణ బాగున్నది. అభినందనలు.

      తొలగించు
  15. పూర్తిగ పస్తున చంద్రుని
    కార్తిక పూర్ణిమను; గంటి గద; నెలవంకన్,
    వర్తిలగ శుక్ల పక్షా
    వర్తితమగు విదియనాటి ప్రదోషమందున్!

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా శర్మ గారూ,
      మీ పూరణ బాగున్నది. అభినందనలు.
      "ప్రదోష" మన్నచోట గణభంగం. అక్కడ జగణం రాకూడదు.

      తొలగించు
    2. సవరణతో....

      పూర్తిగ పస్తున చంద్రుని
      కార్తిక పూర్ణిమను; గంటి గద; నెలవంకన్,
      వర్తిలగ శుక్ల పక్షా
      వర్తితమయి విదియసంధ్య భాసించంగన్!


      (విదియ సంధ్య....అనవచ్చునా! విదియ సాంధ్య...అనాలా!)

      తొలగించు
  16. పూర్తి జలధిజుని జూసితి
    కార్తిక పూర్ణిమను, గంటి గద నెలవంకన్
    మూర్తిగ వెలుగుచు సతతము
    నార్తిని తొలగించు శివుని యాభరణముగన్!!!

    ప్రత్యుత్తరంతొలగించు
    ప్రత్యుత్తరాలు
    1. శైలజ గారూ,
      విరుపుతో మీ పూరణ బాగున్నది. అభినందనలు.

      తొలగించు
  17. గుఱ్ఱం సీతా దేవి గారి పూరణ:

    కర్తను భగీరధ మిషను
    కార్తిక పూర్ణిమను గంటిగద, నెలవంకన్
    స్ఫూర్తిగ పేరును దాల్చిన
    మూర్తిగ సాధించగ జలమును దక్షతతో!

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ వైవిధ్యంగా చక్కగా ఉన్నది. అభినందనలు.

      తొలగించు
  18. ఆర్తుల వేదన బాపు త్రి
    మూర్తులలో నొకడు శివుడు మోదముతో సం
    పూర్తిగ జూడగ సిగలో
    కార్తిక పూర్ణిమ నాడుగంటి గద నెలవంకన్

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.

      తొలగించు
  19. కార్తీకపౌర్ణమి శుభవేళ కృత్తికా చంద్రుల సంభాషణ....

    కం.
    వర్తులముగ శశినుండఁగ
    కర్తగ భక్తుండు కృత్తికా! భువిఁ దీర్చన్
    మూర్తినట వ్యోమకేశుగ
    కార్తిక పూర్ణిమను గంటిఁ గద నెలవంకన్!

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      చక్కని పూరణ. అభినందనలు.
      "శశి యుండగ" అనండి.

      తొలగించు
    2. గురుదేవులకు ధన్యవాదములు. శశిని నేనుండఁగ అను అర్థము కోసము అలా వ్రాశాను. పరిశీలించ ప్రార్థన.

      తొలగించు
    3. నిజమే... నాకా ఆలోచన రాలేదు.

      తొలగించు
  20. నర్తన కర యుగ సంచల
    నార్త సువిన్యాస గతుల నతి చిత్రముగన్
    నర్తకి శశి నిభ ముఖమునఁ
    గార్తిక పూర్ణిమను గంటిఁ గద నెలవంకన్

    [నెలవంక = నఖక్షతము]

    ప్రత్యుత్తరంతొలగించు
    ప్రత్యుత్తరాలు
    1. ఇంతటి కవిత్వము మీకే సాధ్యం. నమోనమ:

      తొలగించు
    2. సహదేవుడు గారు నమస్సులు. ధన్యవాదములు.

      తొలగించు
    3. కామేశ్వర రావు గారూ,
      మనోహరమూ అద్భుతమూ అయిన పూరణ మీది. అభినందనలు.
      "సంచల దార్త.." అంటె ఎలా ఉంటుంది?

      తొలగించు
    4. పూజ్యులుశంకరయ్య గారికి నమఃపూర్వక ధన్యవాదములు.
      మీ సూచన సుందరము. కదలికల విన్యాసపు గతులను (వలన కలిగిన నఖక్షతము) భావమున వాడితిని

      తొలగించు
    5. నర్తన కర యుగ సంచల
      దార్త సువిన్యాస గతుల నతి చిత్రముగన్
      నర్తకి శశి నిభ ముఖమునఁ
      గార్తిక పూర్ణిమను గంటిఁ గద నెలవంకన్

      తొలగించు
  21. పూర్తిగ మబ్బులు గ్రమ్మగ
    నార్తిగ నే వేచియుండ నంగన తోడన్
    వర్తిలు జంద్రుడు కదలగ
    కార్తిక పూర్ణిమను గంటిఁ గద నెలవంకన్

    ప్రత్యుత్తరంతొలగించు
    ప్రత్యుత్తరాలు
    1. ఫణికుమార్ గారూ,
      మీ పూరణ బాగున్నది. అభినందనలు.

      తొలగించు
  22. కార్తీక మాస చవితిన
    కార్తిక ,పూర్ణిమను గంటి గద!నెలవంకన్
    మూ ర్తియు దల పై గనబడె
    కార్తీకము నందు దీప కళికల మ ధ్యన్ .

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ పూరణ బాగున్నది. అభినందనలు.
      కార్తీకము అనడం సాధువు కాదనుకుంటాను. మాస చవితి.. దుష్టసమాసం అవుతుంది. 'చవితిని' అనవలసి ఉంటుంది. "కార్తిక మాసపు చవితిని... కార్తిక మాసమున దీప..." అంటే ఎలా ఉంటుంది?

      తొలగించు
  23. క్రొవ్విడి వెంకట రాజారావు:

    కార్తిక మందున లింగని
    మూర్తికుపాస్తిని చలుపుచు మృడుడుని తలపై
    స్ఫూర్తించు శశిని సతితో
    కార్తిక పూర్ణిమను గంటి గద నెలవంకన్

    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ పూరణ బాగున్నది. అభినందనలు.

      తొలగించు
  24. *మూర్తిన్ హిమఘృత ములఁ వన*
    *పర్తిశివాలయమునందు భక్తిన్ నిల్పన్*
    *మూర్తికి శిరమున వింతగ*
    *కార్తిక పూర్ణిమను గంటి గద నెలవంకన్*

    *శ్రీమతి జి సందిత బెంగుళూరు*



    నేను కార్తీక మాసములో నెయ్యి తో మంచుగడ్డలసాయం తో గణేశసహిత పార్వతీ పరమేశ్వరుల విగ్రహాలను ఏర్పాటు చేయగా పలు ఈశ్వరక్షేత్రములలో మా తండ్రితో పాటు వెళ్ళిచూశాను.

    ప్రతిమలో ఉన్నచంద్రుడెప్పుడూ నెలవంకయే పున్నమి కదా అని పూర్ణ చంద్రుడు అచట కనిపించకపోవటం వింతయే కదా
    ప్రకృతి ధర్మం మారటం శివుని జటాఝూటంలోనే🙏🌹🌹🕉

    ప్రత్యుత్తరంతొలగించు
    ప్రత్యుత్తరాలు
    1. సందిత గారూ,
      మీ పూరణ బాగున్నది. అభినందనలు.
      'ఘృతముల' తరువాత అర్ధానుస్వారం అవసరం లేదు.

      తొలగించు
  25. కీర్తి గడించిన విప్రుడు
    కార్తీకమునందు '' శుక్ల ''గణనమునకు ము
    మ్మూర్తుల ''కృష్ణ ''యనుచుననె
    కార్తిక పూర్ణిమను గంటిఁ గద నెలవంకన్

    పూర్తిగ చీకటి నిశి న
    న్నార్తులు తిను తిండి లోన నంద గుడుంబా
    కీర్తనల పాడి యనిరట
    కార్తిక పూర్ణిమను గంటిఁ గద నెలవంకన్

    నిన్నటి సమస్యకు నా పూరణ

    కలనైనను దలపోయని
    కులనైజము వీడి విప్రకోవిదుడే మే
    కల నశనమునకునిచె
    పలలమ్మును గోరి చిలుక ఫలముల రోసెన్

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ మూడు పూరణలు బాగున్నవి. అభినందనలు.

      తొలగించు
  26. మూర్తీవింటివెయీయది
    కార్తికబూర్ణిమనుగంటిగదనెలవంక
    న్నార్తిని నేగుడికేగగ
    గార్తికదామోదరుండుగనబడెనటులన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  27. గూర్తి దినమందురు ప్రజ
    కార్తిక పూర్ణిమను, గంటిఁ గద నెలవంకన్
    మూర్తి తలపైన కలలో.
    ఆర్తి నొసంగిన తదుపరి నాహ్లాదముతోన్

    ప్రత్యుత్తరంతొలగించు
    ప్రత్యుత్తరాలు
    1. కృష్ణ సూర్యకుమార్ గారూ,
      మీ పూరణ బాగున్నది. అభినందనలు.
      మొదటి పాదంలో గణదోషం. "దినమందురు ప్రజలు" అనండి. ప్రజ వల్ల రు గురువు కాదు, లఘువే.

      తొలగించు
    2. రు తర్వాత ప్ర అన్నది కావున రు గురువు అనుకున్నాను గురువు గారు క్షమించండి

      తొలగించు
  28. గుర్తించి ప్రియుని రాకను
    వర్తులమౌ మోము వెలిగి పడతి పెదవులన్
    నర్తించగ ధరహాసము
    కార్తిక పూర్ణిమను గంటిఁ గద నెలవంకన్

    ప్రత్యుత్తరంతొలగించు
    ప్రత్యుత్తరాలు
    1. సూర్యనారాయణ గారూ,
      ఎలాంటి సమస్యకైనా ప్రణయ భావాన్ని జోడించి పూరణ చెప్పడం మీకే చెల్లు! చక్కని పూరణ. అభినందనలు.

      తొలగించు
  29. వార్తాకపు శాకంబును
    కీర్తించెడి రీతి జేయ గేలను దినుసుల్
    పూర్తిగ బట్టిన దానిని
    కార్తిక! పూర్ణిమను గంటిఁ గద నెలవంకన్.

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ మూర్తి గారూ,
      మీ పూరణ బాగున్నది. అభినందనలు.

      తొలగించు
  30. కార్తిక మాసము నందున
    నార్తులను బాపు మనుచు నభవుని వేడన్
    పూర్తిగ చంద్రోదయమవ
    కార్తిక పూర్ణిమను గంటిఁ గద నెలవంకన్ఁ.

    ప్రత్యుత్తరంతొలగించు
  31. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  32. నర్తనమాడెను సాంబుడు
    కార్తిక పూర్ణిమను, గంటి గద నెలవంకన్
    వర్తి వలె శివుని జడలను
    వర్తి.ల్లుచు కదలాడెను బంధుర రీతిన్ .

    ప్రత్యుత్తరంతొలగించు
  33. స్ఫూర్తిని నిత్యము పొందురు
    మార్తాoడుడి పగటి వెలుగు భాస్వత్ కళయే
    నార్తిగ ప్రపూత విలసత్
    కార్తీక పౌర్ణిమ ను గంటిని గద నెలవంకన్.

    ప్రత్యుత్తరంతొలగించు
  34. మృ కు మ ప్రాస సరియగునా?దయచేసి నా సందేహము
    తీర్చుడు.
    వందనములు

    ప్రత్యుత్తరంతొలగించు
  35. గురువు గారు పూరణ గురించి తమరి అభిప్రాయము తెలుపుడు.

    ప్రత్యుత్తరంతొలగించు