8, నవంబర్ 2017, బుధవారం

సమస్య - 2514 (భీముఁడు చెలరేగి...)

కవిమిత్రులారా,
ఈరోజు పూరించవలసిన సమస్య ఇది...
"భీముఁడు చెలరేగి చంపె భీష్ము రణమునన్"
(లేదా...)
"భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్"
ఈ సమస్యను పంపిన ప్రసన్న కుమారాచారి గారికి ధన్యవాదాలు.

71 వ్యాఖ్యలు:

  1. దామోదరు ప్రోద్బలమున
    నీమము నెంచక విజయుడు నిర్వీర్యుండై,
    ధీమంతుడు, రణమందున
    భీముఁడు, చెలరేగి చంపె భీష్ము రణమునన్

    భీముడు = భయంకరుడు

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు

      తొలగించు
  2. కోమలి హిడింబ మగడే ;
    రాముడు దశకంఠు నేమి రణమున జేసెన్? ;
    దామోదరు డెవని గినిసె? ;
    భీముడు ; చెలరేగి చంపె ; భీష్ము రణమునన్.

    ప్రత్యుత్తరంతొలగించు
    ప్రత్యుత్తరాలు
    1. జనార్దన రావు గారూ,
      క్రమాలంకారంలో మీ పూరణ బాగున్నది. అభినందనలు.

      తొలగించు
  3. (కురుక్షేత్రయుద్ధం మూడవరోజున దుస్స్వప్నబాధితుడైన ధృతరాష్ట్రుడు దుర్యోధనుడితో)
    ఏమది పుత్రకా!మిగుల నేమరుపాటున నుంటివిట్టులన్?
    నామది ఛిద్రమై యిపుడు నర్మిలి కోల్పడి కుందుచున్నదే!
    వామపుకంటిలో మిగుల వడ్కులుపుట్టెను;స్వప్నమందునన్
    భీముడు యుద్ధరంగమున భీష్ముని జంపె బరాక్రమోద్ధతిన్.






    లు



    ప్రత్యుత్తరంతొలగించు
    ప్రత్యుత్తరాలు
    1. బాపూజీ గారూ,
      మీ ధృతరాష్ట్ర స్వప్నవృత్తాంత పూరణ బాగున్నది. అభినందనలు.

      తొలగించు


  4. ఆముకొను సేన ననఘా
    భీముఁడు చెలరేగి చంపె; భీష్ము రణమునన్,
    తా ముంచెత్తెను శరముల
    తో మఘవ తనయుడయా యితోధికముగనౌ !


    జిలేబి

    ప్రత్యుత్తరంతొలగించు


  5. ఆముకొనంగ సేననఘ,యా‌ రణరంగములోన చంపెనా
    భీముడు; యుద్ధరంగమున భీష్ముని జంపె బరాక్రమోద్ధతిన్
    తామునుపున్ శిఖండి నిడి, తాకుచు బాణపు శయ్య బేర్చుచున్
    తామరచూలి రాత యన తాతను కూల్చె కిరీటియేయటన్!

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      విరుపుతో మీ రెండు పూరణలు బాగున్నవి. అభినందనలు.

      తొలగించు
  6. ధీమతిని జేయ కొమరుని
    ప్రేమముతో బంప నొకడు వేరొక దేశం
    బామందుం డట బల్కెను
    భీముఁడు, చెలరేగి చంపె భీష్ము రణమునన్

    ప్రత్యుత్తరంతొలగించు
    ప్రత్యుత్తరాలు
    1. ధీమతిని జేయ కొమరుని
      ప్రేమముతో బంప నొకడు వేరొక దేశం
      బామందుం డట బల్కెను
      భీముఁడు చెలరేగి చంపె భీష్ము రణమునన్.

      తొలగించు
  7. స్వామీ భీష్ముడు స్వేచ్ఛను
    ధీమతియై విడిచె గాదె తెలియగ నసువుల్
    తామిట్లన దగునే? యే
    భీముఁడు చెలరేగి చంపె భీష్ము రణమునన్?

    ప్రత్యుత్తరంతొలగించు
    ప్రత్యుత్తరాలు
    1. వేంకట సత్యనారాయణ మూర్తి గారూ,
      మీ రెండు పూరణలు వైవిధ్యంగా, చక్కగా ఉన్నవి. అభినందనలు.

      తొలగించు
  8. డా.పిట్టా
    భీముడు బెద్ద, మోది తగ భీకర జైట్లియె యర్జునుండు యా
    నీమమె నోట్లరద్దు,గన నీ జీయెసుటీలను కీడుగా గొనన్
    సామము(పోలిక)నందు భీష్ముడన జాటిన మోహను రీతి వాదనన్
    తా, మును ఖండనమ్మున సుతారముగా వధియించె నా సభన్
    భీముడు యుద్ధరంగమున భీష్ముని జంపె బరాక్రమోద్ధతిన్!(అర్జును,(జైట్లీకి)నకు అవకాశమివ్వలేదతడు విత్తమంత్రిగా జవాబుదారీ యైనప్పటికిని)

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ పూరణ బాగున్నది. అభినందనలు.

      తొలగించు
  9. డా.పిట్టా
    భీముడె యర్జునుడును సరి
    భీముడె భీష్ముడును శత్రు భీకరుడవనిన్
    నీమమె బలముల ఘర్షణ
    భీముడు చెరేగి చంపె భీష్ము రణమునన్
    (భీముడు=భయంకరుడు)

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ పూరణ బాగున్నది. అభినందనలు.

      తొలగించు
  10. క్రొవ్విడి వెంకట రాజారావు:

    భీమరమున రారాజును
    భీముడు చెలరేగి జంపె; భీష్ము రణమునన్
    నామమడచె బీభత్సుడు
    సోమించి శిఖండి నడ్డు జూపుచు నపుడున్

    ప్రత్యుత్తరంతొలగించు
    ప్రత్యుత్తరాలు
    1. భీమా పరాక్రముడెవరు?
      రాముడు రావణుని నెటుల రణమున్ కూల్చేన్?
      శ్రీమంతుడెవరిని గవిసె?
      భీముడు చెలరేగి జంపె భీష్ము రణమునన్
      భీమా అనగా భయాంకరుడా అని శ్రీ సి వి సుబ్బన్న గారు ఒక చోట అవధానములో ప్రయోగించారు.
      అందరికి వందనములు.

      తొలగించు
    2. రాజారావు గారూ,
      మీ పూరణ బాగున్నది. అభినందనలు.
      ******
      వెంకట నారాయణ రావు గారూ,
      మీ పూరణ బాగున్నది. అభినందనలు.

      తొలగించు
  11. లేమహి డం బి పతి యెవరు ?
    భీముడు శత్రువుల నెట్లు పీచ మడ oచేన్
    దామోదరు ను తి యించె ను

    భీముడు ';చెలరేగి చం పె ;భీష్ము రణ ము న న్

    ప్రత్యుత్తరంతొలగించు
    ప్రత్యుత్తరాలు
    1. రాజేశ్వర రావు గారూ,
      మీ క్రమాలంకార పూరణ బాగున్నది. అభినందనలు.

      తొలగించు
  12. కామునిఁ దండ్రి రుక్మిణికి కాంతుఁడు సాధుల బ్రోచువాఁడు గో
    త్రామర తాపసోత్తముల రక్షణ భారము బూనెడిం బరం
    ధాముఁడు రాక్షసాధముల దస్యుడు ధాత్రిని దుర్జనాళికిం
    భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్

    గీతలో చెప్పాడు కదా.

    ప్రత్యుత్తరంతొలగించు
    ప్రత్యుత్తరాలు
    1. ఫణికుమార్ గారూ,
      'చంపేది, చంపించేది నేనే. నువ్వు నిమిత్తమాత్రుడవు' అనడమా? బాగుంది మీ పూరణ. అభినందనలు.

      తొలగించు
    2. గురువుగారూ నమస్సులు.

      అవును గురువుగారూ దానిని గురించే. నేను అర్జునుడు కానీ శిఖండిని కానీ తీసుకుంటే విరుపు లేకుండా ఆఖరి పాదంగా ఉంచి పూరించడానికి పరాక్రమోద్ధతిన్ అడ్డు వచ్చింది. అందువలన కృష్ణుడు అయితేనే సమంజసంగా ఉంటుంది అనిపించి అలా వ్రాసి యున్నాను. ధన్యవాదములు.

      తొలగించు
    3. ఫణికుమార్ గారు సమస్యా పాదములోని ప్రతి పదమును పరిశీలించి పరిష్కారమునకు మీ ప్రయత్నము నా కానందము కలుగ జేసినది. అభినందనలు.

      తొలగించు
  13. ప్రేమను రమ్మని కీచకు
    భీముడు చెలరేగి చంపె ,భీష్ము రణమున
    న్నేమియు జేయను జాలక
    తాముగ బ్రాధేయ పడిరి ధర్మజు ననుజుల్


    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      విరుపుతో మీ పూరణ బాగున్నది. అభినందనలు.

      తొలగించు
  14. గు రు మూ ర్తి ఆ చా రి
    ,,,,,,,,,,,,,,,, ,,,,,,,,,,

    ఆ మఘవ సుతుని రథమున

    దామోదరు డు౦డి తెలుప తగు మార్గమ్ము

    న్నామోది౦చుచు , భ౦డన

    బీముడు చెలరేగి చ౦పె భీష్ము రణమునన్

    ప్రత్యుత్తరంతొలగించు
    ప్రత్యుత్తరాలు
    1. గురుమూర్తి గారూ,
      మీ పూరణ బాగున్నది. అభినందనలు.

      తొలగించు
  15. నీమమున ధర్మరక్షణ
    దామోదరు పక్షముఁ గలదని మర్మమ్మున్
    దామిడ భీభత్సుఁడు రణ
    భీముఁడు చెలరేగి చంపె భీష్ము రణమునన్

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  16. కోట రాజశేఖర్ గారి పూరణ:


    సందర్భం :: శివునికి భీముడు అనే పేరు ఉన్నది. యుద్ధరంగంలో శివుని వలె పరాక్రమం చూపే అర్జునుడు ( ఫల్గుణుడు, పార్థుడు, కిరీటి, శ్వేతవాహనుడు, భీభత్సుడు {వికృతుడు}, విజయుడు, కృష్ణుడు, సవ్యసాచి, ధనంజయుడు అనే పేర్లతో కూడా పిలువబడే వాడు ) భీష్ముని చంపినాడు అని చెప్పే సందర్భం.

    ధీమహితుండు, *ఫల్గుణుడు,* ధీరుడు, *పార్థుడు,* *శ్వేతవాహనుం,*
    డీ మహి *కృష్ణుడున్,* *విజయు,* డెన్న *కిరీటి* యు, *సవ్యసాచి,* సు
    శ్రీ మహితుండు, *నర్జునుడు,* శ్రీ *వికృతుండు* *ధనంజయుండు,* నా
    *భీముడు యుద్ధరంగమున, భీష్ముని జంపె పరాక్రమోద్ధతిన్.*


    *కోట రాజశేఖర్ నెల్లూరు.*

    ప్రత్యుత్తరంతొలగించు
    ప్రత్యుత్తరాలు
    1. రాజశేఖర్ గారూ,
      అర్జునుని నామాల పట్టికను పేర్చి చేసిన మీ పూరణ ప్రశస్తంగా ఉంది. అభినందనలు.

      తొలగించు
  17. మైలవరపు వారి పూరణ:

    రాముండు సమరభీముడు ,
    కాముక నిజవృత్తి భీష్ము , గర్వితు లంకా..
    భూమిపతిఁ జంపెననగా,
    భీముఁడు చెలరేగి చంపె భీష్ము రణమునన్

    భీష్ముడు... భయంకరుడు

    ...మైలవరపు మురళీకృష్ణ వెంకటగిరి

    ప్రత్యుత్తరంతొలగించు
    ప్రత్యుత్తరాలు
    1. మైలవరపు వారూ,
      భారత సమస్యకు రామాయణ పూరణం. అద్భుతంగా ఉంది. అభినందనలు.

      తొలగించు
  18. భామినియంబ భీష్మునెడ పన్నుగ కోపమునొంది బల్కె తా
    నా మహనీయు జంపుటకు నర్జునుసాయమునొంది యుద్ధపున్
    భూమి శిఖండిగా నిలువ పొల్పుగ పార్థుడు సంగరాన తా
    భీముడు యుద్ధమందునను భీష్ముని జంపె బరాక్రమోద్ధతిన్

    ప్రత్యుత్తరంతొలగించు
  19. ఆ మహితుడౌ సమీరుడు
    భామకు వరమిచ్చినంత బరగెను సుతుడై
    జామున ఫల్గుణుడయ్యెడ
    భీముడు,చెలరేగి జంపె భీష్ము రణమునన్

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ రెండు పూరణలు బాగున్నవి. అభినందనలు.

      తొలగించు
  20. సంజయుడు ధృతరాష్ట్రునితో..

    ఓ మహరాజ! పాండవుల యోగము మిక్కుట మాయెఁ జూడగన్
    సోముని యస్త్రమున్ గొనిన శూరుని ముందట షండుడుండగన్
    దా మిడ నస్త్రశస్త్రముల, ధాటిగ పార్థుఁడు ,సవ్యసాచి యా
    భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.
      'మహరాజ' అనడం సాధువు కాదు. "ఓ మనుజేంద్ర" అనండి.

      తొలగించు
    2. గురుదేవులకు ధన్యవాదములు. సవరించిన పూరణ :

      ఓ మనుజేంద్ర! పాండవుల యోగము మిక్కుట మాయెఁ జూడగన్
      సోముని యస్త్రమున్ గొనిన శూరుని ముందట షండుడుండగన్
      దా మిడ నస్త్రశస్త్రముల, ధాటిగ పార్థుఁడు ,సవ్యసాచి యా
      భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్

      తొలగించు
  21. కాముఁడు దుష్టుఁడు కీచకు
    భీముఁడు చెలరేగి చంపె, భీష్ము రణమునన్
    లేమ కతమ్ము శిఖండియ
    నీమము గలవానిఁ జేసె నేలం గూలన్

    వామపు టేక చక్ర పుర వాసుల క్షేమము నెంచి కుంతియే
    భీమునిఁ బంప బండి పయి విస్తృత భోజన రాశి తోడుగన్
    భీమపు టాకృతిం బరమ భీకరుఁ డా బక దైత్యు కోసమే
    భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్

    [భీష్ముఁడు = భయంకరుఁడు]

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మీ రెండు పూరణలు ఉత్తమంగా ఉన్నవి. అభినందనలు.

      తొలగించు
    2. పూజ్యులుశంకరయ్య గారికి నమఃపూర్వక ధన్యవాదములు.

      తొలగించు
    3. పూజ్యులు కామేశ్వరరావు గారికి వందనములు. భీష్ముడు అంటే భయంకరుడు అని తెలుసుకున్నాను. ధన్యవాదములు.

      తొలగించు
  22. సోమపతి పుత్రు రథమున,
    కోమల మెయితో శిఖండి కోరి నిలువగన్
    తామిన్నకుండ, ననిలో
    భీముఁడు, చెలరేగి చంపె భీష్ము రణమునన్

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      మీ పూరణ బాగున్నది. అభినందనలు.
      'కోమల మెయి' దుష్ట సమాసం. "కోమల తనువై" అనండి.

      తొలగించు
  23. దేవ నదీ తనయుఁడు భీష్ముని నెవ్వరు నని జంపలేదు. అంపశయ్యన నుండి స్వచ్ఛందముగా మరణించెను.

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      స్వేచ్ఛామరణం వరంగా కలిగిన భీష్ముని చంపకున్నా అతని పతనానికి కారకుడు శిఖండిని అడ్డు పెట్టుకున్న అర్జునుడే కదా! అందుకని ఈనాటికి ఇలా కానివ్వండి...

      తొలగించు
    2. "మ యై వైతే నిహతాః పూర్వ మేవ
      నిమిత్తమాత్రం భవ సవ్యసాచిన్
      ద్రోణం చ భీష్మం చ జయద్రథం చ
      కర్ణం తథాన్యా నపి యోధవీరాన్"

      తొలగించు
  24. నీమము దెల్పి ధర్మజుడు నీవిక కూల్చుము తాత నాన్న తా
    నేమని చెప్పువాడ బలహీనుడు పేడి శిఖండి నంత సు
    త్రాముని సూను డర్జునుడు దాపుగ జేగొని చూచుచుండగా
    భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్.

    ప్రత్యుత్తరంతొలగించు
    ప్రత్యుత్తరాలు
    1. మిస్సన్న గారూ,
      మీ పూరణ ప్రశస్తంగా ఉన్నది. అభినందనలు.

      తొలగించు
  25. భూమి రధమెక్కి యసురుని
    భీముడు చెలరేగి చంపె, భీష్ము రణమునన్
    నీమము దప్పక షండుని
    మోమును గాంచగ దన శరములు వర్జించెన్

    భీముడు = శివుడు త్రిపుర సంహారము

    ప్రత్యుత్తరంతొలగించు
  26. భీముడుయుధ్ధరంగమునభీష్మునిజంపెబరాక్రమోధ్ధతిన్
    భీముడుచంపనేరడుగభీష్మునినెన్నటికిన్రణంబునన్
    భీముడుతాతగాబిలుచుభీష్మునిబ్రేమనునెల్లవేళల
    న్నామహనీయుడేయరయనాతనిజంపుటకోర్వనేర్చునే?

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  27. క్రమాలంకారము
    కాముకుండగు కీచకునే?
    ఆ మరణమునకు శిఖండి,నర్జును డూహల్
    సామూహికమవ్వగనే?
    1.భీముడు చలరేగి చంపె|2.భీష్మ రణమునన్.
    2.”కోమలి ద్రోపదిన్ గనియు గోర్కెలు కీచకుడుంచ?జంపెగా
    భీముడు”|”యుద్దరంగమున భీష్ముని జంపె బరాక్ర మోద్దతిన్
    నీమము వీడి నర్జనుడు నేర్పు శిఖండిని ముందు నుంచగా
    ఓ మునిలాగభీష్ముడట నోర్పునువీడ?బాణ మేయగా”|

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.
      మొదటి పూరణ మొదటి పాదంలో గణదోషం. "కాముకుడగు.." అనండి.
      రెండవ పూరణలో "వీడి యర్జునుడు" అనండి. 'ఒక'ను 'ఓ' అనరాదు. 'లాగ' అనడం వ్యావహారికం.

      తొలగించు
  28. భీమరమున రారాజున్
    భీముడు చెలరేగి జంపె, భీష్ము రణమునన్
    భామ శిఖండిని బెట్టుకు
    నీమము విడి ఫల్గునుండు నేలను గూల్చెన్!!!


    సామీరి యెవరు జెపుమా?
    భీముడు కౌరవులనెటుల పేరడగించెన్?
    హేమాంగుడెవరిని కసరె?
    భీముడు, చెలరేగి చంపె, భీష్ము రణమునన్!!!

    ప్రత్యుత్తరంతొలగించు
    ప్రత్యుత్తరాలు
    1. శైలజ గారూ,
      మీ రెండు పూరణలు వైవిధ్యంగా చక్కగా ఉన్నవి. అభినందనలు.

      తొలగించు
  29. ''భీముం''డర్జునుడై సం
    గ్రామము లో భీష్మ పాత్ర ''కవి భీష్ము''ని దై
    గ్రామము లో నాటక మయె ;
    భీముఁడు చెలరేగి చంపె భీష్ము రణమునన్"

    నీమముగల వ్యాకరణము
    నేమాత్రము సడలనీక నిడగ సమస్య
    ల్నో ముదుసలి మతి చెడియనె
    భీముఁడు చెలరేగి చంపె భీష్ము రణమునన్

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ రెండు పూరణలు బాగున్నవి. అభినందనలు.
      "సమస్య ల్నో..' అనడం సాధువు కాదు.

      తొలగించు
    2. "సమస్య। న్నా ముదుసలి..." అనవచ్చు.

      తొలగించు
  30. యామునివలె దుశ్శాసను
    భీముడు చెలరేగిచంపె, భీష్ము రణమునన్
    కామిత పరలోకగముని
    సామము తోడబడవైచె చక్రధరుండే!
    (ఇచ్చా మరణము గలవానిని )

    ప్రత్యుత్తరంతొలగించు
  31. ప్రొద్దున నుండి కంప్యూటర్ మొరాయించి ఆలస్యం అయింది !
    ఎట్టకేలకు అమ్మయ్య పంపగలిగాను !

    ప్రత్యుత్తరంతొలగించు
  32. కోమలి యంబ యత్యధిక కోపముతోడఁ బ్రతిజ్ఞఁజేసె సు
    త్రాముని సూను నండగొని తా మడియించెద భీష్మునంచు నా
    రామ ముఖమ్ముకన్గొనుచు మ్రాన్పడ, పార్థుడు దోర్బలమ్మునన్
    భీముడు యుద్ధరంగమున, భీష్ముని జంపె బరాక్రమోద్ధతిన్

    ప్రత్యుత్తరంతొలగించు
  33. మైలవరపువారి ప్రత్యేక పూరణ


    *ప్రత్యేక సమస్యాపూరణం*

    *భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్*!
    రామ ! యిదేమి ! ప్రొద్దుటనె వ్రాయుట యెట్టులొ ! భావమెట్టులో !
    యేమని పూర్తిజేయగలమిట్టి సమస్యను ? భీష్ముడేడనో ?
    భీముడదేడనో ? యనుచు వింతగ జూచుచునున్నయంతలో ,
    తాము *ప్రభాకరుల్* తొలుత ధైర్యము జేయగ , *రాజశేఖరుల్*
    ప్రేమ రచించిరంతనె, *విరించి జనార్దనులున్* రచింప , నే..
    నే మరి *వెన్కనైతినని* యెట్టులొ పూరణజేయ మెచ్చు మీ
    ప్రేమకు *వందనమ్ములు* , కవీశ్వరులార ! భవత్ప్రశంసతో
    నా మది పొంగిపొర్లెను ! వినమ్రత మ్రొక్కెద *కంది వారికిన్* !
    శ్రీమధుపూర్ణ వారిజవిశేష చలద్భ్రమరోపమాన భా..
    వామృత పద్యశోభలు వెలార్చిన వారికి *పేరుపేరునన్* !!

    మైలవరపు మురళీకృష్ణ వెంకటగిరి

    ప్రత్యుత్తరంతొలగించు
  34. కాముకుడౌ సింహ బలుని
    భీముడు చెలరేగి చంపె! భీష్ము రణమున
    న్నేమార్చ శిఖండినిగొని
    సామీప్యముగా నిలిపిరి చతురిమ తోడన్!

    ప్రత్యుత్తరంతొలగించు
  35. గురువర్యులకు నమస్సులు.
    నిన్నటి సమస్యకు నా పూరణను పరిశీలించ ప్రార్థన.
    ధన్యవాదములు.

    తలచె నాతడిటుల చిన్న తనము నందె,
    " చక్కగా నెదుగుచు నంత చదువులోని
    మర్మముల కాచి వడబోసి మహిని ఙ్ఞాన
    సంపదలు కొల్ల గొట్టెద జనులు మెచ్చ!"

    ప్రత్యుత్తరంతొలగించు
  36. కరణమొకండు వచ్చి యధికారము చక్కగ జేయుచుండె సం
    స్కరణములెన్నొ జేసె నవి కాదని యా నరసింహుపట్ల ధి
    క్కరణము జూపి యన్యులకు గౌరవ మీయ నతండు క్రుద్ధుడౌ
    కరణము నమ్ము వారలకు గల్గు సుఖమ్ములు ఖచ్చితమ్ముగన్
    (ఇక్కడ నేను కరణాన్ని నమ్మేవారు అనే అర్థం లో కాక కరణం ఎవరిని నమ్ముతాడో వారికి సుఖంకలుగుతుందనే అర్థం తో పూరించాను . ఇక్కడ కరణం అంటే పి వి నరసింహా రావు గారు . ఆయన పట్ల అసమ్మతి చూపటం క్షేమం కాదని భావించినట్లు )

    ప్రత్యుత్తరంతొలగించు