పండిత నేమాని వారూ, మీ పూరణలో ‘దమనము’ టైపాటు వల్ల ‘ధమనము’ అయినట్టుంది. నిఘంటువులో ధమనమునకు అర్థాలు వేరుగా ఉన్నవి. దమనమునకు - దవనము అనే అర్థాన్నిచ్చారు. * నాగరాజు రవీందర్ గారూ, బాగుంది మీ పూరణ. అభినందనలు. ‘తేవగ’ అనడానికి బదులు ‘తెచ్చుటకు విరుల్’ అందాం.
అయ్యా శ్రీ శంకరయ్య గారూ!శుభాశీస్సులు, ధమనము అని మా వాడుక ప్రకారము వ్రాసేను. నిఘంటువులో కిక్కస కసవు అని అర్థమును చూచేను. మీరు సరిజేసినందులకు సంతోషము. స్వస్తి.
డా. ఆచార్య ఫణీంద్ర గారూ, తొలి చినుకులతో తడిసిన మట్టివాసన ఇచ్చినంత ఆనందాన్ని మీ పూరణ కలిగించింది. అభినందనలు. * రాజేశ్వరి అక్కయ్యా, మీ రెండు పూరణలూ బాగున్నవి. అభినందనులు. రెండింటా మూడవ పాదంలో గణదోషం ఉంది. గన్నవరపు వారు చేసిన సనరణలు గమనించండి. (మీ పక్షాన నేను ధన్యవాదాలు తెలుపుతాను లెండి!) * పండిత నేమాని వారూ, మీ మూడవ పూరణలో భక్తి భావం ఉదాత్తంగా ఉన్నది. అభినందనలు, ధన్యవాదాలు. * గన్నవరపు నరసింహ మూర్తి గారూ, మీ పూరణ చాలా బాగుంది. అభినందనలు. అక్కయ్య గారి పద్యాలను సవరించి (నాకు శ్రమ తప్పించి)నందుకు ధన్యవాదాలు.
కలవట మరువము ధమనము
రిప్లయితొలగించండిపలు ప్రోవులు పూలతోడ పడతులు వానిన్
దలదాల్తురుగద యా యా
కుల వాస నెంచిచూడ గుమగుమ లాడెన్
ఫలహార సేవనముకై
రిప్లయితొలగించండిచలికాలపు టుదయమందు సందడితోఁ బో
పుల యటుకులు సేయఁగ, నటు
కుల వాసన నెంచి చూడ గుమగుమ లాడెన్
మలమల మాడెను కడుపా
రిప్లయితొలగించండికలితోడను వంట గదిని కలియగ జూడన్
కలవెండిన కొబ్బరిపలు
కుల వాసన నెంచి చూడ గుమగుమలాడెన్.
తులలేని విధముగా నటఁ
రిప్లయితొలగించండిజెలి చేసెను "బూఁతఱేకు" చిఱువంటకముల్
దలఁపుల మెదిలెడి యా ఱే
కుల వాసన నెంచి చూడ గుమగుమ లాడెన్.
పలు రకములుగా కట్టుచు
రిప్లయితొలగించండిపిలిచిన మేనత్త మురిసి బెట్టెను, కొత్తా
కులు, సున్నము, వక్కల పలు
కుల వాసనెంచిచూడ గుమగుమ లాడెన్
తొలి "బర్తుడే"కు మనుమని
రిప్లయితొలగించండికల "కేకులు" రెండు తెచ్చి, "కట్" చేయంగన్
గలిగిన "ఖుసి" కన్నను. కే
కుల వాసన నెంచి చూడ గుమగుమ లాడెన్. ౩
(అన్యదేశ్య పదములు వినోదార్థము వాడితిని)
ఫలకునుమా గల్లీలో
రిప్లయితొలగించండిమెలమెల్లగ నడచు చుండె మిర్జా సాహెబ్
'అలి ' కేఫ్ లో వహ్వా ! కే
కుల వాసన నెంచి చూడ గుమగుమ లాడెన్
మల్లవరపు జాన్ కవి పూరణ...
రిప్లయితొలగించండికలికీ! నీ చేతులలో
గల మాహాత్మ్యం బదేమొ? కమ్మని వంటల్
వలపించెను, కరివేపా
కుల వాసన నెంచి చూడ గుమగుమలాడెన్.
పండిత నేమాని వారూ,
రిప్లయితొలగించండిమీ పూరణ చాలా బాగుంది. అభినందనలు.
*
గుండు మధుసూదన్ గారూ,
‘అటుకుల, పూతరేకుల, కేకుల’ మీ మూడు పూరణలూ బాగున్నవి. అభినందనలు.
మొదటి పూరణలో ‘ఫలహార’మన్న వ్యావహారికం మింగుడు పడడం లేదు. దానిని ‘చెలి యల్పాహారమునకు’ అని సవరిస్తే ఎలా ఉంటుందంటారు?
*
గోలి హనుమచ్ఛాస్త్రి గారూ,
మీ ‘కొబ్బరి పలుకుల’ పూరణ బాగుంది. అభినందనలు.
*
లక్ష్మీదేవి గారూ,
ఉదయాన్నే తాంబూల సేవనం చేయించారు. బాగుంది మీ పూరణ. అభినందనలు.
*
నాగరాజు రవీందర్ గారూ,
‘వహ్వా’ అనిపించే పూరణ చేసారు. బాగుంది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిచెలగి యొక తోట లోనికి
రిప్లయితొలగించండితెలతెల వారగ వెడలితి తేవగ విరులన్
అలరిన గులాబి పూ రే
కుల వాసన నెంచి చూడ గుమగుమ లాడెన్.
పండిత నేమాని వారూ,
రిప్లయితొలగించండిమీ పూరణలో ‘దమనము’ టైపాటు వల్ల ‘ధమనము’ అయినట్టుంది. నిఘంటువులో ధమనమునకు అర్థాలు వేరుగా ఉన్నవి. దమనమునకు - దవనము అనే అర్థాన్నిచ్చారు.
*
నాగరాజు రవీందర్ గారూ,
బాగుంది మీ పూరణ. అభినందనలు.
‘తేవగ’ అనడానికి బదులు ‘తెచ్చుటకు విరుల్’ అందాం.
శ్రీ కంది శంకరయ్యగారికి నమస్కారములు. నా మొదటి పూరణమునకు తాము సూచించిన సవరణమునకు ధన్యవాదములు.
రిప్లయితొలగించండిచెలి యల్పాహారమునకుఁ
జలికాలపు టుదయమందు సందడితోఁ బో
పుల యటుకులు సేయఁగ, నటు
కుల వాసన నెంచి చూడ గుమగుమ లాడెన్.
అయ్యా శ్రీ శంకరయ్య గారూ!శుభాశీస్సులు,
రిప్లయితొలగించండిధమనము అని మా వాడుక ప్రకారము వ్రాసేను. నిఘంటువులో కిక్కస కసవు అని అర్థమును చూచేను. మీరు సరిజేసినందులకు సంతోషము. స్వస్తి.
వెలసిన యంగడి లోపల
రిప్లయితొలగించండిపలు వాసన ద్రవ్యములను పరచిరి వరుసన్
వెల గల కుంకుమ పూ రే
కుల వాసన నెంచి చూడ గుమగుమ లాడెన్
అలవాటుగ కిళ్ళీకై
రిప్లయితొలగించండిఅలకాపురి వీథులందు యడుగులు వేయన్
వెలకట్టుటకు తమలపా
కుల వాసన నెంచి చూడ గుమగుమ లాడెన్
నాగరాజు రవీందర్ గారూ,
రిప్లయితొలగించండిఈరోజేమిటి విజృంభిస్తున్నారు? చాలా సంతోషం!
మీ కుంకుమ పూరేకుల, తమలపాకుల తాజా పూరణల వాసనలు గుబాళిస్తున్నవి. అభినందనలు.
నేమాని వారూ,
రిప్లయితొలగించండిమా ప్రాంతాల్లో దమనం, దవనం రెండు రూపాలూ వాడుకలో ఉన్నాయి. ధమనమని చూడగానే సందేహం వచ్చింది.
ధన్యవాదాలు
శ్రీపండిత నేమాని గురువులకు నమస్సులతో
రిప్లయితొలగించండిఅలుకన్ దీర్పగ సతికిని
విలువగు నగదెచ్చియిచ్చి వెచ్చని పలుకుల్
పలుక తలనిడిన పూరే
కుల వాసన నెంచి చూడ గుమగుమలాడెన్.
తోపెల్ల బాలసుబ్రహ్మణ్య శర్మ గారూ,
రిప్లయితొలగించండి‘తల నిడిన పూరేకుల వాసనతో మీ పూరణ గుబాళిస్తున్నది. చక్కని పూరణ. అభినందనలు.
అయ్యా! శ్రీ తోపెల్ల వారూ!
రిప్లయితొలగించండిమా యింట్లో అయితే అలుకలు ఉండవు. నేను మాత్రము "అలరారింపగ భార్యను" అంటాను తొలి పాదమును. స్వస్తి.
శ్రీపండిత నేమాని గురువులకు నమస్సులతో
రిప్లయితొలగించండిచెలికాడైన కుచేలుని
పిలచి దరికి కృష్ణుడంత ప్రేమగ తడుమన్
చిలిపిగ, చేలము గలయటు
కుల వాసన నెంచి చూడ గుమగుమలాడెన్.
శ్రీనేమాని గురువులకు పాదాభివందనములు.మీరు నుడివిన ప్రథమ పాదమే ప్రశస్తము. కుర్రవాళ్ళం (మీకంటే)కదా! అప్పుడప్పుడు ప్రణయకోపాలు తప్పటంలేదు.
రిప్లయితొలగించండి
రిప్లయితొలగించండివలపులు గురియఁగ నా పై
దలి పరమాన్నమ్ముఁ జేసెఁ దడయకఁ దిన నం
దలరించెడి యేలకి పలు
కుల వాసన నెంచి చూడ గుమగుమలాడెన్.
తోపెల్ల బాలసుబ్రహ్మణ్య శర్మ గారూ,
రిప్లయితొలగించండిమీ రెండవ పూరణ కూడా ప్రశస్తంగా ఉన్నది. అభినందనలు.
వలపుల వన్నెలు చిన్నెలు
రిప్లయితొలగించండినలరెడు లేలేత వయసు నందమొలుకు నె
చ్చెలి ప్రేమ సుధల బల్ చిను
కుల వాసన నెంచి చూడ గుమ గుమ లాడెన్
పండిత నేమాని వారూ,
రిప్లయితొలగించండిప్రేమ సుధా శీకర వాసనల గురించిన మీ తాజా పూరణ మనోహరంగా ఉంది. అభినందనలు.
అలనాటి బాల్య మిత్రుడు
రిప్లయితొలగించండిచెలికాడగుహరికినిడె కుచేలుడు భక్తిన్
పలుచటిమూటను,మరియటు
కుల వాసన నెంచిచూడ గుమగుమ లాడెన్!!!
మంద పీతాంబర్ గారూ,
రిప్లయితొలగించండిమీ అటుకుల పూరణ బాగుంది. అభినందనలు.
మలమల మాడ్చెడి ఎండలు
రిప్లయితొలగించండితొలగు పిదప, కురియబోవు తొలకరి ముందున్
చెలగిన మట్టి, తొలి చిను
కుల వాసన నెంచి చూడ గుమగుమ లాడెన్!
పైన నా పద్యంలో
రిప్లయితొలగించండిమూడవ పాదంలో దోషం దొర్లింది.
సరి చేసిన పద్యం మళ్ళీ ప్రచురిస్తున్నాను.
భావం కూడా మరింత మెరుగయ్యింది.
మలమల మాడ్చెడి ఎండలు
తొలగు పిదప, కురియబోవు తొలకరి ముందున్
కలగలియు మట్టి, తొలి చిను
కుల వాసన నెంచి చూడ గుమగుమ లాడెన్!
కలహంస కలికి యందము
రిప్లయితొలగించండితెలి వెన్నెల తేరు లందు తేలుచు రాగా !
ఉలికి బడి మొగలిరే
కుల వాసన నెంచి చూడ గుమ గుమ లాడెన్ !
నిలకడగల హృదయముతో
రిప్లయితొలగించండిజలజాక్షుని పూజ సలిపి స్వామి పదాబ్జ
మ్ముల కడ నున్న తులసి యా
కుల వాసన నెంచి చూడ గుమ గుమ లాడెన్
అలిగిన చెలి కరుణించగ
రిప్లయితొలగించండిమలచెను దీపమ్ము తాను మది మురియంగా
చిలిపిగ గ్రుచ్చగ మొగలి రే
కుల వాసన నెంచి చూడ గుమ గుమ లాడెన్ !
తలపై బాలుని నిడుకొని
రిప్లయితొలగించండిమెల మెల్లగ నడుగులిడుచు మృదు భావమ్ముల్
దలకొన, వసుదేవుడు గో
కుల వాసన నెంచి చూడ గుమ గుమ లాడెన్ !
అక్కయ్యగారి భావుకత అద్భుతము .రెండు పద్యములు చాలా చాలా బాగున్నాయి.
రిప్లయితొలగించండిమొదటి పద్యము మూడవ పాదములో రెండు లఘువులు తమ్ముడికి కష్టం గాదు.
కలహంస కలికి యందము
తెలివెన్నెల తేరు లందు తేలుచు రాగా !
ఉలికిబడి, విరి(తల)మొగలి రే
కుల వాసన నెంచి చూడ గుమ గుమ లాడెన్ !
రెండవ పద్యములో మూడవ పాదములో ఒక లఘువు తీసేసుకొంటాను.
అలిగిన చెలి కరుణించగ
మలచెను దీపమ్ము తాను మది మురియంగా
చిలిపిగ గ్రుచ్చి మొగలి రే
కుల వాసన నెంచి చూడ గుమ గుమ లాడెన్ !
డా. ఆచార్య ఫణీంద్ర గారూ,
రిప్లయితొలగించండితొలి చినుకులతో తడిసిన మట్టివాసన ఇచ్చినంత ఆనందాన్ని మీ పూరణ కలిగించింది. అభినందనలు.
*
రాజేశ్వరి అక్కయ్యా,
మీ రెండు పూరణలూ బాగున్నవి. అభినందనులు.
రెండింటా మూడవ పాదంలో గణదోషం ఉంది.
గన్నవరపు వారు చేసిన సనరణలు గమనించండి. (మీ పక్షాన నేను ధన్యవాదాలు తెలుపుతాను లెండి!)
*
పండిత నేమాని వారూ,
మీ మూడవ పూరణలో భక్తి భావం ఉదాత్తంగా ఉన్నది. అభినందనలు, ధన్యవాదాలు.
*
గన్నవరపు నరసింహ మూర్తి గారూ,
మీ పూరణ చాలా బాగుంది. అభినందనలు.
అక్కయ్య గారి పద్యాలను సవరించి (నాకు శ్రమ తప్పించి)నందుకు ధన్యవాదాలు.
సోదరుల చమత్కృతికి ధన్య వాదములు
రిప్లయితొలగించండిపలురకముల పుష్పములకు
రిప్లయితొలగించండినెలవాయెను భూతలమ్ము నెత్తావులతో
తలమానికమౌ విరి రే
కుల వాసన నెంచి చూడ ఘుమఘుమ లాడున్!
జలజాక్షుల ధన కీర్తుల
రిప్లయితొలగించండివలపుల వాసనల జిక్కి వ్యామోహమునన్
కలతలను దీర్చు సద్గురు
కుల వాసన నెంచి చూడ గుమగుమలాడెన్
రిప్లయితొలగించండిఇలలో ముదముగ పదుగురు
బిలువన మరిమరి జిలేబి బిగువులు గూడన్
పలుమార్ల యత్న ముగ పలు
కుల వాసన నెంచి చూడ గుమగుమలాడెన్ :)
జిలేబి
అల బీహారున కవిరో!
రిప్లయితొలగించండివలపున లాలూ రబిడిలు పండుగ జేయన్
కలవర పడకయె యాదవ
కుల వాసన నెంచి చూడ గుమగుమలాడెన్