పండిత నేమాని వారూ, కీడు, మేలు చేసే వౄశ్చికాలను గురించి ఒకే పద్యంలో చక్కగా వివరించారు. బాగుంది. అభినందనలు. * గోలి హనుమచ్ఛాస్త్రి గారూ, లేలును గురించి తేలికగా పద్యం చెప్పారు. చక్కగా ఉంది. అభినదనలు.
జిగురు సత్యనారాయణ గారూ, చక్కని నీతి పద్యంలా భాసిస్తున్నది మీ రచన. బాగుంది. అభినందనలు. * శ్రీనివాస్ గారూ, క్రొత్త విషయం తెలిసింది మీ పద్యం వలన. బాగుంది. అభినందనలు. * వరప్రసాద్ గారూ, మీ పద్యం బాగుంది. అభినందనలు.
పలుకుటకు సమానమైన అన్యదేశపదాలు వేరే అర్థాన్ని ఇచ్చినా ఒక్కొక్కప్పుడు హాస్యాన్ని/అశ్లీలాన్ని ఇస్తాయి. సరదాకు హిందీ లోని తేల్ పదంపై చదువుకునే రోజుల్లో హాస్యంగా చెప్పుకున్నదాన్ని
తెలికి ఇంటికి తైలంబు తెచ్చుకొనగ తురక యొక్కడు, తైలమున్ తుండు గుడ్డ తడియ, పలికెను తేలని, తత్తర పడుచు తన్నె డబ్బాను చూడక, తనకు తురక భాష రాక నూనె యొలుక బాధ పడెను.
అది మండ్రగబ్బ, గన భయ
రిప్లయితొలగించండిమొదవించుచునుండె, రాజ వృశ్చికమగు న
య్యది రాశులలో కుజునికి
సదనంబై జాతకులకు సత్ఫలములిడున్
తేలును జూడగ భయమున
రిప్లయితొలగించండితేలునుగా మనసు మనకు తెలియుము నిజమున్
తేలును విషమున తేడా
తేలును మరి ఖలుని బుద్ధి తేటగ గనినన్.
పండిత నేమాని వారూ,
రిప్లయితొలగించండికీడు, మేలు చేసే వౄశ్చికాలను గురించి ఒకే పద్యంలో చక్కగా వివరించారు. బాగుంది. అభినందనలు.
*
గోలి హనుమచ్ఛాస్త్రి గారూ,
లేలును గురించి తేలికగా పద్యం చెప్పారు. చక్కగా ఉంది. అభినదనలు.
తేలు జూడగ భయమును గొలుపు చుండె
రిప్లయితొలగించండితోక యొద్దన నున్నట్టి తొడిమ వంటి
సూది తోడన గ్రుచ్చిన చుర చుర మని
విషము నిండుచు నొడ లంత విగతు డగును
శ్రీ సుబ్బా రావు గారూ! శుభాశీస్సులు.
రిప్లయితొలగించండిమీ పద్యము 1వ పాదములో ప్రాస యతి వేయుటకు ప్రయత్నించేరు. కానీ ప్రాస యతి నియమము పాటింపబడ లేదు. సరిజేయండి. స్వస్తి.
సుబ్బారావు గారూ,
రిప్లయితొలగించండిమీ పద్యం బాగుంది. అభినందనలు.
యతిదోష నివారణకు మొదటి పాదాన్ని "తేలు జూడగ భయము నెంతేని గొలుపు" అందామా?
తేలు విష జీవులకునానవాలు, కేలు
రిప్లయితొలగించండికాలు పడినంత కాలుని కడకు పంపు
మనమున విషము నిండిన మనిషి కంటె
తేలు విషమె తరచి జూడ మేలు మేలు!!
పూర్వ జన్మమందున తాను పుణ్య ములను
రిప్లయితొలగించండిచేయకను పాపపు ధనము చెట్టు కింద
దాచు వారలు తేలయ్యె దరట చెట్టు
చేమలందున తిరుగదే చెడ్డ పురుగు
శ్రీ శంకరయ్య గురువర్యులకు, శ్రీ నేమాని గురువర్యులకు పాదాభివందనములతో,
రిప్లయితొలగించండిగురువు గారికి ధన్యవాదములు
శ్రీ గోలి హనుమచ్ఛాస్త్రి గారి బాటలో
===========*========
తేలును జూచిన మనుజులు
తేలును భయమున,కరచిన తేలును బొబ్బల్
తేలుల సఖ్యము జేయుచు
తేలును కొందరు మనుజులు తేజ మలరగన్
జిగురు సత్యనారాయణ గారూ,
రిప్లయితొలగించండిచక్కని నీతి పద్యంలా భాసిస్తున్నది మీ రచన. బాగుంది. అభినందనలు.
*
శ్రీనివాస్ గారూ,
క్రొత్త విషయం తెలిసింది మీ పద్యం వలన. బాగుంది. అభినందనలు.
*
వరప్రసాద్ గారూ,
మీ పద్యం బాగుంది. అభినందనలు.
శ్రీపండితనేమాని గురువులకు నమస్సులతో
రిప్లయితొలగించండిగుట్క పొట్లాల పైనుండి గుర్తు చేయు
హానికరమని జనుల సహాయ పడుచు
విషము కొండెనుం డెడియొక వింత పురుగు
తేట తెల్లమగుచు నుండు తేలు యనగ.
తేలు మీద పద్యం వ్రాయాలంటే ఏం వ్రాయాలో తోచలేదు.
రిప్లయితొలగించండిమిత్రులందరూ చక్కటి పద్యాలు వ్రాశారు.
నాకు చిన్నప్పుడు మొదటి తరగతి పుస్తకంలోనో రెండవ తరగతి పుస్తకంలోనో అనుకుంటాను తేలు బొమ్మకు క్రింది పొడుపుకథ ఉండేది, అది గుర్తుకు వచ్చింది :
గోడ మీద బొమ్మ గొలుసుల బొమ్మ
వచ్చే పోయే వారికి వడ్డించు బొమ్మ
****************************************************
గోడ మీద నుండు, కొంటె (కొండె) బొమ్మను బోలు,
గొలుసు వోలె చూచు కొలది తోచు,
వచ్చి పోవు వారి వాటముగా బట్టి
చేయు వడ్డనమును చిలిపి తేలు.
తోపెల్ల వారు తేలు వలని ఉపయోగాన్ని వాటంగా పట్టేశారు. చాలా బాగుంది.
రిప్లయితొలగించండిసాహసముగ చీకటిలో
రిప్లయితొలగించండినూహలలో తేలు చుండి నొవ్వక నెపుడున్
దేహళిని దాటు చుండగ
నాహాయని యఱచి కూలె మండ్ర గప్పే కఱవన్ !
దేహళి = ఇంటి గడప
పలుకుటకు సమానమైన అన్యదేశపదాలు వేరే అర్థాన్ని ఇచ్చినా ఒక్కొక్కప్పుడు హాస్యాన్ని/అశ్లీలాన్ని ఇస్తాయి. సరదాకు హిందీ లోని తేల్ పదంపై చదువుకునే రోజుల్లో హాస్యంగా చెప్పుకున్నదాన్ని
రిప్లయితొలగించండితెలికి ఇంటికి తైలంబు తెచ్చుకొనగ
తురక యొక్కడు, తైలమున్ తుండు గుడ్డ
తడియ, పలికెను తేలని, తత్తర పడుచు
తన్నె డబ్బాను చూడక, తనకు తురక
భాష రాక నూనె యొలుక బాధ పడెను.
ఈ కామెంట్‌ను రచయిత తీసివేశారు.
రిప్లయితొలగించండిశ్రీ తోపెల్ల శర్మ గారు చెప్పిన హాస్య కథ బాగుగనే యున్నది. స్వస్తి.
రిప్లయితొలగించండి