విన్నపము - ౪

విన్నపము
శ్రీమాన్ చిలుకమఱ్ఱి రామానుజాచార్యులు.
౪
చంచల శ్రీదృగంచలాంచన్ముఖాబ్జ!
చిమ్మకుము దవ్వు, నన్ దరిఁజేరనిమ్ము,
భూరి కరుణాప్రఫుల్ల దృక్పుండరీక!
చూడు మొకసారి నన్ను నాగోడు వినుము,
మధుర మధురక్షమోల్లాస మందహాస!
నేరముల్ సైచి నన్ను మన్నింపుమయ్య,
యభయముద్రా సమున్నిద్రహస్తపద్మ!
దురిత సంస్కార ధారలు తుడువుమయ్య!
యెట్టి నిరుపేదతోనైన నీవు కలిసి
మెలసి యుండెదవంచు నేఁ బిలుచుచుంటి,
నొక్కపరి రాగదయ్య! నా యుల్లమెల్ల
పులక లెగయఁగ నడుగులు నిలుపుమయ్య!
కులిశ చక్రాంకుశాదులు కలుష మడఁప,
శంఖ పంకజ శోభ స్వచ్ఛత నొసంగఁ,
గల్పతరు చిహ్న మన్నిఁటి కరవు దీర్ప,
నాయెద జయధ్వజాంకము నాటుమయ్య!