తే.గీ; తెలుగు పిల్లలు పలుకరు తెలుగు నిపుడు వారి తో నాంగ్లమే తల్లి వాగుచుండు ముది కవుల మమ్ము తెల్గింక వదల కుండె తెలుఁగు తల్లి వృద్ధాశ్రమాధీన యయ్యె” (పిల్లలకు తెలుగు అక్కర లేదు. ముసలి కవుల మైన మమ్మల్ని మాత్రం తెలుగు పట్టుకు వేలాడుతోంది. ఇలా తెలుగు వృద్ధాశ్రమాధీన అయ్యింది. )
( నాకు ఈ భాషను గురించిన సెంటిమెంటు కూడ నచ్చదు. శాస్త్ర విజ్ఞానమునకు ప్రాంత భేదము లేదండి. మొన్న ఫిజిక్స్ నోబెల్ గ్రహీత ఫ్రాన్సిస్ హాల్జెన్ బెల్జియం నుండి అమెరికాకు వెళ్ళి పరిశోధన చేసారు)
ఈ కామెంట్‌ను రచయిత తీసివేశారు.
రిప్లయితొలగించండిఅన్య భాషపై మక్కువ యధికమవగ
రిప్లయితొలగించండినేటి యువత గౌరవమని నిబ్బరించ
తెలుఁగు తల్లి వృద్ధాశ్రమాధీన యయ్యె
మూల నున్న ముసలిదగు ముందు ముందు
తేటగీతి
రిప్లయితొలగించండిఆంగ్ల భాషా విలాసాల నలరు చుండి
కన్న భాషను మరువగ కర్కశులుగ
మాతృ వందన మెరుగని మనుజు లనగ
తెలుఁగు తల్లి వృద్ధాశ్రమాధీన యయ్యె!
చంపకమాల
అలరుచు నాంగ్లమందున నపారపు మోహము పెంచుకొంచునున్
గలకలలాడు మాతృమణి కమ్మని పల్కుల నెల్ల వీడుచున్
విలసిత సంస్కృతిన్ మరచి వింతగ నిప్పటి నాగరికులున్
దెలుఁగునుఁ దల్లిగాఁ దలఁచి దించిరి వృద్ధుల యాశ్రమంబునన్!
(గొప్ప భాషకు జన్మనిచ్చిన తెలుగు తల్లి బొమ్మను ఒక వృద్ధాశ్రమంలో గోడపై దించినారని ( గీసినారని) భావము)
రిప్లయితొలగించండిచంపకమాలిక.
వెలసెను వేదమై ధరణి వేంకట నాథుని జన్మభూమిలో
నిలిచెను లెస్సగా భరత నేలన బుట్టిన గొప్పభాషలం
దలరెను మాధురీఝరులధారగతేనెలనొల్కువాణియై
చిలికినపాలమీగడల చిక్కని భాషకు మాతయైననా
తెలుగును దల్లి గా దలచి దించిరి వృద్ధుల యాశ్రమంబునన్;
రిప్లయితొలగించండిఎందరో యువ యవధాను లింపు గాను
పాటవమ్మును జూపగా పరవ శించి
దిగ్దిశాంతము లందున తెలుగు వెలిగె
తెలుఁగు తల్లి వృద్ధాశ్రమాధీన యయ్యె?
తెలుగుకు పూర్వ వైభవము తెచ్చుట కోసము కోడె కారులే
పలువురు దీక్ష బూని యిట భాసిలమానము చేయు చుండిరే
తెలుఁగునుఁ దల్లిగాఁ దలఁచి, దించిరి వృద్ధుల యాశ్రమంబునన్
తెలుగు ననంగ కల్లయది తీవ్ర నిరాశను వీడు మందునే.
సాటిలేనిభాష యనగ స్పష్టమయ్యె
రిప్లయితొలగించండితేనె లొలుకును తెలుగని తెల్లమయ్యె
తెలుగునాట నేడిట కడు దీనయయ్యె
తెలుఁగు తల్లి వృద్ధాశ్రమా ధీన యయ్యె
కలియుగమందు చూడనగు కర్కశులై మరి కన్న బిడ్డలే
పలువురు సాగనంపిరిటఁ బాపమునెంచక తల్లిదండ్రులన్
వెలసిన వృద్ధశాలలకు వేదన లేక మరెందరెందరో
తెలుఁగునుఁ దల్లిగాఁ దలఁచి దించిరి వృద్ధుల యాశ్రమంబునన్
తే.గీ; తెలుగు పిల్లలు పలుకరు తెలుగు నిపుడు
రిప్లయితొలగించండివారి తో నాంగ్లమే తల్లి వాగుచుండు
ముది కవుల మమ్ము తెల్గింక వదల కుండె
తెలుఁగు తల్లి వృద్ధాశ్రమాధీన యయ్యె”
(పిల్లలకు తెలుగు అక్కర లేదు. ముసలి కవుల మైన మమ్మల్ని మాత్రం తెలుగు పట్టుకు వేలాడుతోంది. ఇలా తెలుగు వృద్ధాశ్రమాధీన అయ్యింది. )
చం:తెలుగుకు సేవ జేతుమని, తెల్గు కవిత్వము నుద్ధరింపగా
రిప్లయితొలగించండిపలు సభలన్ వచించు నొక పండితవంశపు పుత్రు లక్కటా!
తలచరు తల్లి ప్రేమను, వృథా కవనమ్ముల జెప్పి భాష యౌ
తెలుఁగునుఁ దల్లిగాఁ దలఁచి దించిరి వృద్ధుల యాశ్రమంబునన్”
(వీళ్లు భాషని తల్లిగా భావించి, కవిత్వాలు రాసి కన్న తల్లిని మాత్రం ఆశ్రమం లో దింపారు. )
తే॥ తలఁచి సంతు వృద్ధిఁ గనఁగఁ తప్పదనుచు
రిప్లయితొలగించండినాంగ్ల మాధ్యమముఁ దొలుత నట్లు పిదప
మాతృ భాష యెటుల వచ్చు మరి వగచఁగఁ
దెలుగు తల్లి వృద్ధాశ్రమాధీన యయ్యె
(ఈ బాధ తెలుగు నాట తక్కువే నండి. హైదరాబాద్ సంగతి తెలియదు కాని బెంగుళూరు లో పిల్లలకు ఆంగ్లమే వ్యావహారికం)
చం॥ వలచిన మాతృభాషనటు భవ్యమటంచును మిక్కటమ్ముఁగన్
బలుకుల యందు నుంచినను బాటవ మొప్పగ శాస్త్ర శోధనల్
తలఁచఁగ నాంగ్ల భాషయును దప్పునె పాడియె దెప్ప నిట్టులన్
తెలుఁగునుఁ దల్లిగాఁ దలఁచి దించిరి వృద్ధుల యాశ్రమందునన్
( నాకు ఈ భాషను గురించిన సెంటిమెంటు కూడ నచ్చదు. శాస్త్ర విజ్ఞానమునకు ప్రాంత భేదము లేదండి. మొన్న ఫిజిక్స్ నోబెల్ గ్రహీత ఫ్రాన్సిస్ హాల్జెన్ బెల్జియం నుండి అమెరికాకు వెళ్ళి పరిశోధన చేసారు)
తే.గీ.
రిప్లయితొలగించండిదేశభాషలన్ లెస్సయౌ తెలుగు భాష
గత విభవమెల్ల గోల్పోయి క్రందుచుండె
తలచినంతనె హృదయము కలత నొందు
తెలుఁగు తల్లి వృద్ధాశ్రమాధీన యయ్యె
చంపకమాల:
తెలుగది లెస్సయంచు వినుతించెను రాయలు దేశభాషలన్
పలు కవితా వితానములు పన్నుగ నుప్పతిలెన్ గతమ్మునన్
కలనము బట్టెనేమొ కలికమ్మయిపోయెను నేడదేలనో
తెలుఁగునుఁ దల్లిగాఁ దలఁచి దించిరి వృద్ధుల యాశ్రమంబునన్
ఇంతి! వృద్ధాశ్రమమ్ములు జంతు శాల
రిప్లయితొలగించండిలెల్లఁ గ్రూర మృగము లుండుఁ జల్లగ నట
నవ్విధం బయ్యె సతము నీ వెవ్విధిఁ దలఁ
తెలుఁగు తల్లి వృద్ధాశ్ర మాధీన యయ్యె
[తలఁతు+ ఎలుఁగు = తలఁ తెలుఁగు; ఎలుఁగు = ఎలుఁగు గొడ్డు]
నిలయము లందు నే బడుల నేర్వక తెల్గును సుంత నేఁటి పా
పలు మగ బిడ్డ లెల్లరును బల్కఁ దొడంగిన నాంగ్ల భాషలో
నెలమినిఁ జిల్క పల్కులను నిప్పటి వృద్ధులు సద్దయాత్ములై
తెలుఁగునుఁ దల్లిగాఁ దలఁచి దించిరి వృద్ధుల యాశ్రమంబునన్
వెలుగగ మాతృభాష కడు ప్రీతిని కార్యములన్ రచించి గొ
రిప్లయితొలగించండిప్పలు వచియించుచున్ బలు సభల్ బొనరించుచు మించు వారలే
విలువల వల్వలన్ విడిచి పెద్దల మాటల దిక్కరించుచున్
తెలుఁగునుఁ దల్లిగాఁ దలఁచి దించిరి వృద్ధుల యాశ్రమంబునన్
రిప్లయితొలగించండిపిన్నక నాగేశ్వరరావు.
హైదరాబాద్.
ఆంగ్ల మాధ్యమాన చదువమనుచు ప్రభుత
విద్యఁ నిర్బంధ మొనరించ విధిగ పిల్ల
లు తెలుగును మరచు స్థితి కలుగుచునుండ
తెలుగుతల్లి వృద్ధాశ్ర మాధీనమయ్యె.
రిప్లయితొలగించండిపిన్నక నాగేశ్వరరావు.
హైదరాబాద్.
తెలుగుకు గౌరవంబిడక తెల్గును మాధ్యమ
భాష కాదనన్
విలువలనిచ్చి యాంగ్లమును పిల్లల మీదను
రుద్దుచుండగా
మలినము జేసి భాషలను మాటల నాడుచు
తెల్గు నాంగ్లమున్
తెలుగునుఁ దల్లిగాఁ దలచి దించిరి వృద్ధుల
యాశ్రమంబునన్.