27, మే 2018, ఆదివారం

జడశతకము కవుల పట్టిక

"జడ శతకము"నకు పద్యాలను పంపిన వారి పట్టిక క్రింద ఇస్తున్నాను. ఇందులో పేర్లు తప్పిపోయినవారు దయచేసి తాము తమ పద్యాలను బ్లాగు, శంకరాభరణం, జడశతకము వాట్సప్ సమూహాలు, నా జిమెయిల్ లలో ఎందులో ప్రకటించారో తెలియజేయండి. ఇక పేర్లు ఉన్నవారు తమ పూర్తిపేరును, ఊరి పేరును నా వ్యక్తిగత మెయిల్లో (shankarkandi@gmail.com) కాని, జడశతకం వాట్సప్ సమూహంలో కాని తెలియజేయండి. తెలియజేయండి. నాకు తెలిసినంత వరకు కొందరి ఊరి పేర్లను వ్రాసున్నాను. సరియైనవి కాకుంటే తెలియజేయండి.
001. డా. విష్ణు నందన్ (హైదరాబాదు)
002. గోలి హనుమచ్ఛాస్త్రి (గుంటూరు)
003. గుండు మధుసూదన్ (వరంగల్లు)
004. ఆకుండి శైలజ (విజయనగరం)
005. గుండా వేంకట సుబ్బ సహదేవుడు (ప్రొద్దుటూరు)
006. పి. లక్ష్మణాచార్యులు
007. సంగు గురుచరణం
008. బి. రాము
009. గుమ్మా నాగ మంజరి
010. గౌరీభట్ల బాల ముకుంద శర్మ
011. ఊర ఈశ్వర్ రెడ్డి
012. కోడూరి శేషఫణి శర్మ
013. గుఱ్ఱం సీతాదేవి (నెల్లూరు)
014. విట్టుబాబు (చెన్నై)
015. ఐతగోని వేంకటేశ్వర్లు
016. అవుసుల భాను ప్రకాశ్ (సంగారెడ్డి)
017. బిట్రా వెంకట నాగ మల్లేశ్వర రావు
018. చక్రవర్తి
019. డా. హెచ్. వరలక్ష్మి (విశాఖపట్టణం)
020. మద్దిరాల శ్రీనివాసులు
021. మంగళంపల్లి పాండురంగ విఠల్
022. డా. బల్లూరి ఉమాదేవి
023. ముంజంపల్లి వీర బ్రహ్మేంద్రాచార్య
024. జంగం జ్యోతిర్మయి
025. గంగుల ధర్మరాజు (నంద్యాల)
026. ఘాలి లలితా ప్రవల్లిక
027. అంబటి భాను ప్రకాశ్ (గద్వాల)
028. సుధాకర్ గౌడ్
029. బొగ్గరం ఉమాకాంత ప్రసాద్ (గుంటూరు)
030. గుఱ్ఱం జనార్దన రావు
031. వారణాసి నాగేశ్వరాచార్యులు
032. చంద్రమౌళి సూర్యనారాయణ (హైదరాబాదు)
033. దార్ల వేంకటేశ్వర రావు
034. ఆచార్య రాణి సదాశివ మూర్తి
035. బండకాడి అంజయ్య గౌడ్ (హైదరాబాదు)
036. MVVS శాస్త్రి
037. పూసపాటి కృష్ణ సూర్య కుమార్ (గుంటూరు)
038. పోచిరాజు సుబ్బారావు (హైదరాబాదు)
039. డా. మునిగోటి సుందర రామ శర్మ
040. దివాకర శాస్త్రి
041. పెందోట వెంకటేశ్వర్లు
042. బద్రిపల్లె శ్రీనివాసులు
043. చెఱుకూరి తరుణ్ (విశాఖపట్టణం)
044. గోగులపాటి కృష్ణమోహన్ (హైదరాబాదు)
045. డి. శ్రీనివాసులు (కవితశ్రీ)
046. VVN వరలక్ష్మి
047. అన్నపరెడ్డి సత్యనారాయణ రెడ్డి (హైదరాబాదు)
048. తురిమెళ్ళరాధాకృష్ణమూర్తి
049. ముమ్మడి చంద్రశేఖరాచార్యులు
050. డా.ఎన్.వి.ఎన్.చారి (వరంగల్లు)
051. ప్రవీణ్ కుమార్
052. కిలపర్తి దాలినాయుడు
053. గుళ్ళపల్లి తిరుమల కాంతికృష్ణ
054. ఆత్రేయ ప్రసాద్ (విశాఖపట్టణం)
055. విరించి (హైదరాబాదు)
056. వెలిదె ప్రసాదశర్మ
057. మహ్మద్ షరీఫ్ (సంగారెడ్డి)
058. జంధ్యాల ఉమాదేవి
059. బండి సూర్యారావు
060. మాడుగుల మురళీధర శర్మ (సిద్ధిపేట)
061.  SVLN శర్మ
062. భండారం నాగ వెంకట కళ్యాణ చక్రవర్తి
063. ఆకుల శాంతి భూషణ్
064. జొన్నలగడ్డ శ్రీనివాస రావు
065. డా. వెలుదండ సత్యనారాయణ (హైదరాబాదు)
066. అనుసూరి వేంకటేశ్వర రావు (అవేరా)
067. పూర్ణ కృష్ణ (జోగిపేట)
068. సాగర్ల సత్తయ్య
069. KL నారాయణ
070. మైనంపాటి వరప్రసాదరావు (ఒంగోలు)
071. స్వయంవరపు అప్పారావు
072. భమిడిపాటి కాళిదాసు (అనకాపల్లి)
073. చెరుకూరి శర్మ
074. వేలేటి శైలజ (సిద్దిపేట)
075. మైలవరపు మురళీకృష్ణ (వెంకటగిరి)
076. దివాకర శాస్త్రి
077. బస్వోజు సుధాకరాచారి
078. కట్టరంజిత్ కుమార్ (సిద్ధిపేట)
079. బండి సూర్యారావు (హైదరాబాద్)
080. చేపూరి శ్రీరామారావు (వరంగల్లు)
081. వడ్ల ప్రసన్న కుమార చారి (సంగారెడ్డి)
082. ఎల్లికంటి ప్రసూనా శర్మ
083. కంజర్ల రామాచార్య
084. మాచవోలు శ్రీధరరావు (హైదరాబాదు)
085. అష్టకాల విద్యాసాగర్
086. ముడుంబై ప్రవీణ్ కుమార్
087. గంగాపురం శ్రీనివాస్
088. పింగళి పూర్ణచంద్ర రావు
089. తిరుక్కోవళ్ళూరు శ్రీహర్ష (మహబూబాబాదు)
090. సముద్రాల శ్రీనివాసాచార్య
091. చిటితోటి విజయ కుమార్ (కలకత్తా)
092. అమరవాది రాజశేఖర శర్మ
093. దర్శి బాల సుబ్రహ్మణ్యం
094. అవధాని కోట రాజశేఖర్ (నెల్లూరు)
095. మద్దా సత్యనారాయణ
096, బూసారపు నర్సయ్య (హైదరాబాదు)
097. KR రాజేశ్వర్ రావు
098. కె. ఈశ్వరప్ప
099. గడ్డిపాటి శ్రీకాంత్
100. జిలేబి (రాణిపేట, తమిళనాడు)
101. నేదునూరి రాజేశ్వరి (న్యూజెర్సీ, అమెరికా)
102. విరించి (హైదరాబాదు)
103. సొలాస సీతా రామయ్య
104. గురుమూర్తి ఆచారి
105. శ్రీపతి శాస్త్రి (తిరుపతి)
106. వీటూరి భాస్కరమ్మ
107. బొగ్గరం VVHB ప్రసాద రావు (గుంటూరు)

ఆముదాల మురళి గారి శతావధానం - 1

సమస్యాపూరణలు
1) "మురళికి రంధ్రముల్ వడెను ముచ్చటగా శతసంఖ్య లొప్పుచున్"
(డా. అమళ్ళదిన్నె వేంకట రమణ ప్రసాద్ గారు)
అరమర లేని జీవిత మహర్నిశముల్ సుమభావబంధుర
స్థిరతరసాహితీమధురతీర్థముఁ గ్రోలి వధానవిద్యకున్
గురుతర సేవఁ జేయు రసకోవిదుఁ డొక్కఁడు మ్రోగ నెంచఁగా
మురళికి రంధ్రముల్ వడెను ముచ్చటగా శతసంఖ్య లొప్పుచున్.

2) "ఆలిడు పాలు చాలును గదా రసమాధురు లొల్క నాల్కకున్"
(మైలవరపు మురళీకృష్ణ గారు)
కాలవశంబు లైనవి జగమ్ములయందున సర్వతంత్రముల్,
మే లొనరించుఁ గొన్ని మరి మేరలు మీరిన కీడుఁ జేయుఁ, ద
త్వాల గణించి యోగిరము తథ్యముఁ బథ్యముగా గ్రహించినన్
ఆలిడు పాలు చాలును గదా రసమాధురు లొల్క నాల్కకున్.

3) "పరహింసాపరులైన దుర్మతులకున్ బాటిల్లుఁ గైవల్యముల్"
(M.S.V. గంగరాజు గారు)
స్మరియింపన్ వలె నిత్యమున్ మనసులో సాక్షాన్మహాదేవునిన్,
దరిజేరన్ వలె భక్తిభావయుతులై ధ్యానంబులన్ జేయుచున్,
దురపేక్షాపరులైనవారికి సదా దూరంబుగా నున్నచోఁ
బరహింసాపరులైన దుర్మతులకున్ బాటిల్లుఁ గైవల్యముల్.

4) "తిరుమల వేంకటేశ్వరుఁడె దేవుఁడు క్రైస్తవభక్తకోటికిన్"
(కంది శంకరయ్య గారు)
తిరుమల వేంకటేశ్వరుఁడె దేవుఁడు హైందవభక్తకోటికిన్
విరచితసర్వశాస్త్రగతవిద్యల సారము సంగ్రహించినన్
బరిపరి భేదముల్ విడుచు వాక్యమునందున దృష్టి నిల్పినన్
దిరుమల వేంకటేశ్వరుఁడె దేవుఁడు క్రైస్తవభక్తకోటికిన్.

5) "దధిపాత్రమ్మునఁ గాలకూట మెసఁగెన్ దావానలాభీలమై"
(మాధవ రెడ్డి గారు)
సుధకై చేరి సురాసురుల్ మహిమతో శోభాయమానంబుగా
మధియించంగను క్షీరసాగరముఁ, గూర్మంబై మహావిష్ణువే
విధులం జేయుచునుండ తొట్టతొలుతన్ బీభత్సమై తన్మహో
దధిపాత్రమ్మునఁ గాలకూట మెసఁగెన్ దావానలాభీలమై.

6) "కలువలు భస్మమాయె శశికాంతులు సోకిన తత్క్షణంబునన్"
(కల్వగుంట్ల రామమూర్తి గారు)
విలువలు లేని విద్యలను వేలము వెఱ్ఱిగ నేర్చుచుండి రీ
తులువలు, కామవాంఛలకుఁ దొత్తులుగా గుణశీలబాహ్యులై
బలిమిని స్త్రీలనెల్లఁ జెరఁ బట్టుచుఁ బ్రేమలఁ గాల వ్రాయఁగాఁ
గలువలు భస్మమాయె శశికాంతులు సోకిన తత్క్షణంబునన్.

7) "వడదెబ్బకు వృద్ధుఁ డొకఁడు వహ్వా యనియెన్"
(సుబ్బ రాఘవ రాజు)
జడదెబ్బఁ దిన్న నాఁడుల
గడసరి జ్ఞాపకముఁ దలఁచి కనుగీటఁగ నా
విడ చేతి వడను విసిరెను
వడదెబ్బకు వృద్ధుఁ డొకఁడు వహ్వా యనియెన్.

8) "ఎండలు మండుటయు నిచ్చు నెంతో హాయిన్"
(మన్నవ గంగాధర ప్రసాద్)
దండిగ మజ్జిగ నిచ్చెడు
పండితుఁ డొకఁ డుండి కావ్యపఠనముఁ జేయన్
జండాంశుఁడు చంద్రుం డగు
నెండలు మండుటయు నిచ్చు నెంతో హాయిన్.

9) "క్రోఁతినిఁ బెండ్లియాడు మికఁ గూటికి గుడ్డకు లోటు రా దిలన్"
(టెంకాయల దామోదరం)
జాతర వచ్చె నింక జలజాతముఖుల్ నడయాడుచుందు రీ
భూతలమందుఁ, గన్నెలనుఁ బూని వరించుము, వంక లేలనో
క్రోఁతులు కొంగ లంచుఁ, గడు గొప్ప ధనాఢ్యుని కూఁతుఁ జూచి యా
క్రోఁతినిఁ బెండ్లియాడు మిఁకఁ గూటికి గుడ్డకు లోటు రా దిలన్"

10) "సారా తెమ్మనె రాఘవుండు హనుమన్ సంతోష మేపారఁగన్"
(డా. మాలేపట్టు పురుషోత్తమాచారి గారు)
ఘోరాశీవిషదైత్యబాణకృతసంక్షోభమ్మునన్ లక్ష్మణుం
డా రక్షోజనమధ్యరంగమునఁ బ్రాణాపాయమం దుండఁగాఁ
జేరెన్ మారుతి మూలికాస్థగితప్రస్థీయుక్తుఁడై "వీర! దో
స్సారా! తె"మ్మనె రాఘవుండు హనుమన్ సంతోష మేపారఁగన్.

11) "హనుమత్పుత్రుఁడు భీష్మపుత్రిని వివాహం బాడె దీవింపుఁడీ"
(గుమ్మడి జయరామిరెడ్డి గారు)
ఘనసంస్కారవిలాసమానవతియై కారుణ్యవాక్సీమయై
వినయోదంచితవర్తనాగరిమయై విద్యాప్రవీణాఢ్యయై
కనులం దన్పెడి రుక్మిణీసతిని ఋక్సామాదివేదాంతదే
హను మత్పుత్రుఁడు భీష్మపుత్రిని వివాహం బాడె దీవింపుఁడీ.

12) "మల్లియ తీఁగకున్ గలిగె మామిడికాయలు నేత్రపర్వమై"
(విద్వాన్ జి. గోవిందయ్య గారు)
చల్లని రేయి వెన్నెలలు సాంద్రతరమ్ముగ వ్యాప్తి నొందఁగా
నల్లన వచ్చె భామ విరహాతురుఁ డాతఁడు కొంగు లాగి తా
మెల్లఁగఁ గన్నుగీటెను తమిం గొనియాడి వయారి! యిచ్చటన్
మల్లియ తీఁగకున్ గలిగె మామిడికాయలు నేత్రపర్వమై.

13) "రాముఁడు గౌతముని సతిని రంజిలఁ జేసెన్"
(శ్రీరాములు గారు)
ప్రేమమయంబగు దైవము
భామకు శాపంబుఁ బాపి పతిదేవుని స
ద్ధామముఁ జేర్చఁగ దశరథ
రాముఁడు గౌతముని సతిని రంజిలఁ జేసెన్.

14) "కత్తులఁ గని బాలుఁ డొకఁడు కరకర నమిలెన్"
(డా. వి. జయమ్మ గారు)
మొత్తం బిచ్చెద ననుచును
చిత్తం బూరించు తల్లి చేష్టల విసిగెన్
దుత్తల దొంతరలో బి
స్కత్తులఁ గని బాలుఁ డొకఁడు కరకర నమిలెన్.

15) "కారముతో నాముదాల కవి యలరారెన్"
(డా. మస్తానమ్మ గారు)
రారండని పిలువంగనె
చేరిన సాహిత్యపరులు స్నిగ్ధమనస్కుల్
గూరిమి నెచ్చెడి యీ సహ
కారముతో నాముదాల కవి యలరారెన్.

16) "పయ్యెద జారెఁ గోమలికిఁ బాపని బొజ్జనుఁ గాంచినంతటన్"
(డా. పి.సి. వెంకటేశ్వర్లు గారు)
కుయ్యిడుచున్న బాలుఁ గని కోడలి వంకకుఁ జూచె నత్తయున్
పొయ్యిని వీడి వచ్చె నటు పొంగుచునుండెడి పాలు దించి "రా
రయ్య" యటంచు దగ్గరకు హారతు లెత్తిన ప్రేమ జోరులోఁ
బయ్యెద జారెం గోమలికిఁ బాపని బొజ్జనుఁ గాంచినంతటన్.

17) "మమతలు దూరమైనపుడె మానవజాతియు వృద్ధినొందెడున్"
(కత్తి మమత గారు)
క్రమముగ ప్రేమ తగ్గె ధనకాంక్షకు లోకము లొంగెఁ బిల్లలన్
సమిధలఁ జేయు విద్యలిట సాగుచునుండెఁ బ్రమాదఘంటికల్
ప్రమదల చుట్టు మ్రోగె పరిరక్షణ లేదు గణింప నిట్టి దు
ర్మమతలు దూరమైనపుడె మానవజాతియు వృద్ధినొందెడున్.

18) "కుక్కకు చెమ్మటల్ బొడమకుండును రేఁబగ లొక్కరీతిగన్"
(మాధవీలత గారు)
మిక్కుటమైన యెండలకు మేనులు బొబ్బలు పుట్టె దుర్భరం
బక్కట! ప్రాణముల్ నిలుచు నాశలు లేవిక పుత్ర! దేహముల్
స్రుక్కెఁ దుషారయంత్రములు సోషిలఁ జేయవు గానఁ దెమ్ము మా
కుక్కకు చెమ్మటల్ బొడమకుండును రేఁబగ లొక్కరీతిగన్.

19) "రతికిన్ దూరము గాని మేటి యతియే రాజిల్లు మోక్షార్థియై"
(డా. నెమిలేటి కిట్టన్న గారు)
శతసంవత్సరకాలజీవితము నిస్సారంబుగా నెంచి శా
శ్వతసత్యంబగు బ్రహ్మమున్ మనసులో స్థాపించి నిష్కాముఁడై
సతతానందవిలోలమూర్తిమహితస్వాంతుండు వేదాంత భా
రతికిన్ దూరము గాని మేటి యతియే రాజిల్లు మోక్షార్థియై.

20) "రాతిరి సూర్యుండు నంబరమునన్ దోఁచెన్"
(యువశ్రీ మురళి గారు)
పూతమనస్కులు యోగులు
చేతముద మొప్పఁ దపముఁ జేయుచునుండన్
బ్రాతిగ నంతట జరిగెను
రాతిరి; సూర్యుండు సంబరమునన్ దోఁచెన్.

21) "కలదే యిలలోన హాయి కైవల్యమునన్" (వృత్తంలో పూరించాలి)
(డా. నాదెండ్ల శ్రీమన్నారాయణ గారు)
తుల్యపు భావముల్ గలుగు తొయ్యలి భార్యగ ముద్దుఁ గూర్చు సా
కల్యమనోరథంబులనఁ గల్గిన పుత్రుల దైవమాతృకౌ
హల్యపు భూమి గల్గ మనసా కలదే యిలలోన హాయి కై
వల్యమునన్ వికుంఠపురవర్యమునన్ మఱి యెందుఁ జూచినన్.

22) "తలవ్రాతను మార్చ బ్రహ్మ తరమే ధరలో"
(గంగుల నాగరాజు గారు)
కలుములు లేములు గల్గిన
వలయం బీ జీవితంబు ప్రాప్తించిన యా
ఫలములఁ జేకొనవలయును
తలవ్రాతను మార్చ బ్రహ్మ తరమే ధరలో?

23) "తిరుపతి పురవాసులెల్లఁ దిర్యగ్జడముల్"
(మల్లిపూడి రవిచంద్ర గారు)
స్మరియింతురు గోవిందునిఁ
దిరుపతి పురవాసులెల్లఁ; దిర్యగ్జడముల్
హరి సేవకుఁ బాత్రములై
తరియించును మోక్షసిద్ధి తదనంతరమున్.

24) "మామిడిచెట్లకుఁ గాసె మెండుగాఁ బనసలు కోయ రండహొ" (ఛందోగోపనం)
(తారకరామ్ గారు)
వినుతినిఁ గాంచు పుష్పఫలవృక్షతదాశ్రయకీరపైకమౌ
వనయజమాని పల్కె నిటు "ప్రాప్తము లేనిదె భాగ్య మబ్బునే
మనిషికిఁ, జీడ పట్టినది మామిడిచెట్లకుఁ, గాసె మెండుగాఁ
బనసలు, కోయ రండహొ విపన్నులఁ గావఁగ దైవ ముండెడిన్".

25) "చెవిటి నర్తించె సంగీతము విని సభను"
(సాత్పాటి సురేశ్ గారు)
రాజనర్తకి సభ నాడ రాని దివస
మొక్క వేశ్యను పిలిపించె నుర్విపతియు
కాలు కందగ నాడగాఁ గంబళిఁ బర
చె, విటి నర్తించె సంగీతము విని సభను.

26) "స్తనములు లేని పూరుషుఁడు సంస్తవనీయుఁడు గాదు చూడఁగన్"
(విద్వాన్ బి. కన్నయ్య గారు)
వనజజు నాల్కపై సతతవాసముఁ జేసెడి పల్కులమ్మకున్
స్తనములు రెండు వాఙ్మయము తాన లయాన్వితగానవిద్య లా
స్తనములు పూరుషుండు దగు సాధనఁ జేసియుఁ బొంద నొప్పు నా
స్తనములు లేని పూరుషుఁడు సంస్తవనీయుఁడు గాదు చూడఁగన్. 

సమస్య - 2689 (ఎలుకయె కడు విక్రమించి...)

కవిమిత్రులారా,
ఈరోజు పూరించవలసిన సమస్య ఇది..
"ఎలుకయె కడు విక్రమించి యేనుఁగుఁ జంపెన్"
(లేదా...)
"ఎలుక వధించె నేనుఁగు నహీనబలంబున విక్రమించుచున్"

26, మే 2018, శనివారం

సమస్య - 2688 (వీరుఁ డెవఁడన్న...)

కవిమిత్రులారా,
ఈరోజు పూరించవలసిన సమస్య ఇది..
"వీరుఁ డెవఁడన్న నుత్తరు పేరుఁ దలఁతు" 
(లేదా...) 
"ఖ్యాతినిఁ గన్న వీరుఁ డెవఁడన్నపు డుత్తరు నేఁ దలంచెదన్"

25, మే 2018, శుక్రవారం

సమస్య - 2687 (పాపి యగు సుతుఁడు...)

కవిమిత్రులారా,
ఈరోజు పూరించవలసిన సమస్య ఇది..
"పాపి యగు సుతుఁడు పితృవాక్పాలనమున" 
(లేదా...)
"పితృ వాక్పాలన మొక్కటే సుతునిఁ బాపిన్ జేయు నెల్లప్పుడున్"

24, మే 2018, గురువారం

సమస్య - 2686 (అంది యందని...)

కవిమిత్రులారా,
ఈరోజు పూరించవలసిన సమస్య ఇది..
"అంది యందని యందమే విందొసంగు"
(లేదా...)
"అందియు నందరానిదగు నందమె విందొసఁగున్ గదా సఖా"

23, మే 2018, బుధవారం

న్యస్తాక్షరి - 52 (రా-రా-పో-రా)

అంశము -  మహాభారతంలోని ఏదైనా సన్నివేశం.
ఛందస్సు- మత్తేభము (లేదా) తేటగీతి
న్యస్తాక్షరములు... 
నాలుగు పాదాలలో యతిస్థానంలో 
వరుసగా రా - రా - పో - రా ఉండాలి.

22, మే 2018, మంగళవారం

సమస్య - 2685 (నన్నయాదులు మెచ్చిరి...)

కవిమిత్రులారా,
ఈరోజు పూరించవలసిన సమస్య ఇది..
"నన్నయాదులు మెచ్చిరి నా కవితను"
(లేదా...)
"నన్నయ తిక్కనాదులె ఘనంబని మెచ్చిరి నా కవిత్వమున్"

21, మే 2018, సోమవారం

సమస్య - 2684 (నరుఁడయి జన్మించె...)

కవిమిత్రులారా,
ఈరోజు పూరించవలసిన సమస్య ఇది..
"నరుఁడయి జన్మించె ఫాలనయనుం డలుకన్"
(లేదా...)
"నరుఁడయి జన్మనెత్తె కరుణారహితుండగు ఫాలనేత్రుఁడే"

20, మే 2018, ఆదివారం

సమస్య - 2683 (మండూకము గర్భమందు...)

కవిమిత్రులారా,
ఈరోజు పూరించవలసిన సమస్య ఇది..
"మండూకము గర్భమందు మనుజుఁడు పుట్టెన్"
(లేదా...)
"మండూకోదరమందు మానవుఁడు జన్మంబందెఁ జిత్రమ్ముగన్"
ఈ సమస్యను పంపిన బూసారపు నర్సయ్య గారికి ధన్యవాదాలు.

19, మే 2018, శనివారం

సమస్య - 2682 (దూరమున నుంచ...)

కవిమిత్రులారా,
ఈరోజు పూరించవలసిన సమస్య ఇది..
"దూరమున నుంచగఁ దగదు  ధూర్తజనుల"
(లేదా...)
"దూరముగాఁ జరింపకుఁడు ధూర్తుల కుత్తములం ద్యజింపుఁడీ" 

18, మే 2018, శుక్రవారం

సమస్య - 2681 (గజమునకు ఖరమ్ము...)

కవిమిత్రులారా,
ఈరోజు పూరించవలసిన సమస్య ఇది..
"గజమునకు ఖరమ్ము పుట్టి గంతులు వేసెన్"
(లేదా...)
"గజమునకున్ జనించి యొక గాడిద గంతులు వేసె నెల్లెడన్"

17, మే 2018, గురువారం

దత్తపది - 139 (దేవకి-యశోద-సుభద్ర-రాధ)

దేవకి - యశోద - సుభద్ర - రాధ
పై పదాలను అన్యార్థంలో ప్రయోగిస్తూ
రామాయణార్థంలో
మీకు నచ్చిన ఛందస్సులో
పద్యాన్ని వ్రాయండి.

16, మే 2018, బుధవారం

సమస్య - 2680 (నాగుల ముద్దాడె...)

కవిమిత్రులారా,
ఈరోజు పూరించవలసిన సమస్య ఇది..
"నాగుల ముద్దాడెను లలనామణి కేళిన్"
(లేదా...)
"నాగుల ముద్దులాడె లలనామణి యాత్మవినోదకేళికై"
(బొగ్గరం V.V.H.B. ప్రసాద రావు గారికి ధన్యవాదాలతో...)

15, మే 2018, మంగళవారం

సమస్య - 2679 (మలమును గనినంత...)

కవిమిత్రులారా,
ఈరోజు పూరించవలసిన సమస్య ఇది...
"మలమును గనినంత ముక్తిమార్గము దోఁచున్"
(లేదా...)
"మలముఁ గనంగ ముక్తి కదె మార్గముఁ జూపును భక్తకోటికిన్"

14, మే 2018, సోమవారం

సమస్య - 2678 (కోబ్రా తెమ్మనెను...)

కవిమిత్రులారా,
ఈరోజు పూరించవలసిన సమస్య ఇది...
"కోబ్రా తెమ్మనెను భార్య కోరిక లెసగన్"
(లేదా...)
"కోబ్రా తెమ్మని కోరె భార్య మగనిన్ కోర్కెల్ పిసాళింపఁగన్"

13, మే 2018, ఆదివారం

సమస్య - 2677 (అమవస దినమందు...)

కవిమిత్రులారా,
ఈరోజు పూరించవలసిన సమస్య ఇది...
"అమవస దినమందు చంద్రుఁ డగుపడె నింగిన్"
(లేదా...)
"అమవస నాడు పూర్ణశశి యబ్బురమై కనుపించె నింగిపై"

12, మే 2018, శనివారం

సమస్య - 2676 (చర్చిలో సంధ్య వార్చెను...)

కవిమిత్రులారా,
ఈరోజు పూరించవలసిన సమస్య ఇది...
"చర్చిలో సంధ్య వార్చెను సాయబయ్య"
(లేదా...)
"చర్చికి సంధ్య వార్చుటకు సాయబు పోయెను సత్వరమ్ముగన్"

11, మే 2018, శుక్రవారం

సమస్య - 2675 (చల్లదన మిచ్చె...)

కవిమిత్రులారా,
ఈరోజు పూరించవలసిన సమస్య ఇది...
"చల్లదన మిచ్చె నగ్ని వేసఁగి వెలుఁగుల"
(లేదా...)
"చల్లదనంబు నిచ్చెను కృశానుఁడు వేసవి మండుటెండలన్"

10, మే 2018, గురువారం

జడ శతకము

       2014 సెప్టెంబరులో ముఖపుస్తకంలో జ్యోతి వలబోజు, బ్నిం గారు 'జడ శతకం' ప్రచురిస్తున్నామని కవిమిత్రుల నుండి పద్యాలను ఆహ్వానించారు. మన బ్లాగు మిత్రులు కొందరు ఉత్సాహంగా పద్యాలు వ్రాసి పంపారు. శతకం కనుక 'జడా!' అన్న మకుటంతో పద్యాలు వ్రాసారు. ఆ తర్వాత నిర్వాహకులు మకుటం ఉండరాదన్న నియమాన్ని పెట్టారు. దానితో మకుటంతో వ్రాసిన పద్యాలు అప్పటి ముద్రణకు నోచుకోలేదు. మిత్రులు నిరుత్సాహానికి లోనయ్యారు.
           ఈరోజు ఒక బ్లాగు వీక్షకుడు నాటి జడ పద్యాలు బాగున్నాయని ప్రశంసిస్తూ వ్యాఖ్య పెట్టారు. ఆనాటి పద్యాలు గుర్తుకు వచ్చాయి. ఒకసారి ఆ పద్యాలను వీక్షించాను. నాటి శ్రమ వ్యర్థం కారాదనిపించింది. మిగిలిన కవిమిత్రులతో పద్యాలు వ్రాయించి శతకాన్ని పూర్తి చేయాలని, ప్రచురించాలని నిర్ణయానికి వచ్చాను. 
          ఇప్పుడు బ్లాగులోను, వాట్సప్ సమూహంలోను దాదాపు 150 మంది కవులున్నారు. ఒక్కొక్కరు 'జడ' మకుటంతో రెండేసి పద్యాలు వ్రాయండి. 'జడ శతకము' అన్న పేరుతో తాత్కాలికంగా ఒక సమూహాన్ని ఏర్పాటు చేసాను. మిత్రులందరినీ అందులో చేర్చుతున్నాను. మీ పద్యాలను అక్కడ పోస్ట్ చేయండి. వాట్సప్ నెంబరు లేనివారు బ్లాగులో ప్రకటించండి.
పరిష్కరించి, ఎన్నుకొని 116 పద్యాలతో 'జడశతకము' రూపుదిద్దుతాను. 
                    మీ పద్యాలు పంపడానికి గడువు 20-5-2018.

సమస్య - 2674 (శవముఁ గాల్చెదరు...)

కవిమిత్రులారా,
ఈరోజు పూరించవలసిన సమస్య ఇది...
"శవముఁ గాల్చెదరు గుడిలో శివముఁ గోరి"
(లేదా...)
"శవముం గాల్చెద రాలయమ్మునఁ బ్రజా సంక్షేమముం గోరుచున్"

స్వస్తిక్ బంధ చిత్రమాలిక

                              
హరి ప్రార్థన(తేటగీతిలో)
హరి వెలుగు నిడు, వెన్నెల హరి విదుర్చు,
హరి గినుక వహిoచ, బెరుకు హరి యసువులు,
హరి రిపువు గద మహిలోన హరికి. నట్టి  
హరికి జేతును నమసము హరి హరి యని. 
అర్ధము
హరి = (సూర్యుడు) వెలుగు నిడును,  హరి = (చంద్రుడు) వెలుగు నందించు,  హరి = (గాలి) కినుక వహించ,  బెరుకు =  లాగు, హరి = (యముడు) యసువులు, హరి = పాము, రిపువు = (శత్రువు) గద మహిలోన,  హరి=(కప్ప)కు  అట్టి హరికి నమస్కారము చేతును హరి హరి యనుచు.
కవి
పూసపాటి కృష్ణ సూర్య కుమార్

9, మే 2018, బుధవారం

సమస్య - 2673 (కరణము వద్దనుచు...)

కవిమిత్రులారా,
ఈరోజు పూరించవలసిన సమస్య ఇది...
"కరణము వద్దనుచుఁ జెప్పు కాలము వచ్చెన్"
(లేదా...)
"కరణము వద్దు మా కనెడు కాలము వచ్చె నిదేమి వింతయో"
(బొగ్గరం V.V.H.B. ప్రసాద రావు గారికి ధన్యవాదాలతో...)

8, మే 2018, మంగళవారం

సమస్య - 2672 (కలుషాత్ముల కెల్ల...)

కవిమిత్రులారా,
ఈరోజు పూరించవలసిన సమస్య ఇది...
"కలుషాత్ముల కెల్ల కవు లకారణమిత్రుల్"
(లేదా...)
"కలుషమతుల్ దురాత్ముల కకారణ మిత్రులు గారె సత్కవుల్"
(బొగ్గరం V.V.H.B. ప్రసాద రావు గారికి ధన్యవాదాలతో...)

7, మే 2018, సోమవారం

సమస్య - 2671 (భీతిన్ మున్ముందు...)

కవిమిత్రులారా,
ఈరోజు పూరించవలసిన సమస్య ఇది...
"భీతిన్ మున్ముందు కేఁగ విజయము గల్గున్"
(లేదా...)
"భీతిని ముందు కేగిననె ప్రీతి జగద్విజయమ్ము దక్కురా"
(బొగ్గరం V.V.H.B. ప్రసాద రావు గారికి ధన్యవాదాలతో...)

6, మే 2018, ఆదివారం

సమస్య - 2670 (దేహము విడనాడి...)

కవిమిత్రులారా,
ఈరోజు పూరించవలసిన సమస్య ఇది...
"దేహము విడనాడి చూడు ధీరత్వమునన్"
(లేదా...)
"దేహమ్మున్ విడనాడి చూడుము సఖా ధీరత్వ మేపారఁగన్"
(బొగ్గరం V.V.H.B. ప్రసాద రావు గారికి ధన్యవాదాలతో...)

5, మే 2018, శనివారం

సమస్య - 2669 (ధవుఁడె కారకుండు...)

కవిమిత్రులారా,
ఈరోజు పూరించవలసిన సమస్య ఇది...
"ధవుఁడె కారకుండు తనయు మృతికి"
(లేదా...)
"ధవుని దురూహలే సుతు నధర్మపుఁ జావుకు మూల మయ్యెడిన్"
(మద్దూరి రామమూర్తి గారి 'అవధాన కల్యాణి' గ్రంథం నుండి...)

4, మే 2018, శుక్రవారం

సమస్య - 2668 (చీకటిలో వస్తుచయము...)

కవిమిత్రులారా,
ఈరోజు పూరించవలసిన సమస్య ఇది...
"చీకటిలో వస్తుచయము చిక్కును వెదుకన్"
(లేదా...)
"చీకటిలోపలన్ వెదుకఁ జిక్కును వస్తుచయంబు దప్పకన్"
(బొగ్గరం V.V.H.B. ప్రసాద రావు గారికి ధన్యవాదాలతో...)

3, మే 2018, గురువారం

సమస్య - 2667 (నాల్గు రెండయ్యె...)

కవిమిత్రులారా,
ఈరోజు పూరించవలసిన సమస్య ఇది...
"నాల్గు రెండయ్యెనట నల్లనయ్య కౌర"
(లేదా...)
"నాలుగు రెండు నయ్యెనట నల్లనివాని కదేమి చిత్రమో"
(బొగ్గరం V.V.H.B. ప్రసాద రావు గారికి ధన్యవాదాలతో...)

2, మే 2018, బుధవారం

సమస్య - 2666 (హానిం జేయకయె...)

కవిమిత్రులారా,
ఈరోజు పూరించవలసిన సమస్య ఇది...
"హానిం జేయకయె యెటుల నాచార్యుఁ డగున్"
(లేదా...)
"హానిం జేయని యాతఁ డెవ్విధినిఁ దా నాచార్యుఁడై యొప్పునో"
('శంకరాభరణం' వాట్సప్ సభ్యులకు ధన్యవాదాలతో...)

1, మే 2018, మంగళవారం

సమస్య - 2665 (తండ్రులకు మ్రొక్కెను...)

కవిమిత్రులారా,
ఈరోజు పూరించవలసిన సమస్య ఇది...
"తండ్రులకు మ్రొక్కెను పతివ్రతాసుతుండు"
(లేదా...)
"మ్రొక్కెఁ బతివ్రతాసుతుఁడు పూజ్యులు తండ్రుల కెల్ల భక్తితోన్"
(బొగ్గరం V.V.H.B. ప్రసాద రావు గారికి ధన్యవాదాలతో...)