1, ఏప్రిల్ 2025, మంగళవారం

సమస్య - 5080

2-4-2025 (బుధవారం)

కవిమిత్రులారా,

ఈరోజు పూరింపవలసిన సమస్య ఇది...

“బంగరు మేడన్ బడఁతుక వ్యాఘ్రముఁ గాంచెన్”

(లేదా...)

“బంగరు మేడ మీఁద నొక భామిని వ్యాఘ్రముఁ గాంచి భీతిలెన్”

17 కామెంట్‌లు:

  1. కందం
    అంగన మెచ్చిన 'వరుఁడ' ని
    కొంగున ముడివైచిపంప, కోటీశ్వరుఁడున్
    బెంగపడఁగ పీడించఁగ
    బంగరు మేడన్ బడఁతుక 'వ్యాఘ్రముఁ' గాంచెన్!

    ఉత్పలమాల
    అంగన మెచ్చెనంచుఁ గడు హాయిగ సాగును జీవితంబనన్
    గొంగున గట్టుచున్ బనుప కోట్లకు సంపద గల్గునింటికిన్
    బెంగపడంగ భర్త పరపీడనకామనఁ జూప దుర్గతిన్
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్!

    రిప్లయితొలగించండి
  2. సంగతమగ్రరాజ్యమున సారథినయ్యెనుఁ గామితార్థి ను
    ప్పొంగుచు భేదభావముల ముచ్చటలాడుచు రచ్చజే సిఁదా
    రంగము సృష్టిజేయగను రాజ్యము వీడిన లేడిబిల్లయై
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్
    కొరుప్రోలు రాధాకృష్ణ రావు

    రిప్లయితొలగించండి
  3. కం॥ రంగులు మార్చు జనుల పై
    హంగులఁ గని నమ్మఁ దగునె యాసర కఱువై
    క్రుంగఁగ నాశ్రయ మొందిన
    బంగరు మేడన్ బడఁతుక వ్యాఘ్రముఁ గాంచెన్

    ఉ॥ రంగును జూచి బుద్ధులను రావము విన్నను రూపమెంచుటన్
    హంగులఁ గాంచి మానసపు హార్దము నెంచుట సాధ్యమే ధరన్
    చెంగున చేరదీయుచును జేయరె దుష్టులు నీచకృత్యములన్
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్

    రిప్లయితొలగించండి
  4. సింగపురంబునందు నొకశిల్పికళాత్మకమైన రీతిలో
    బంగరు పూతగల్గిన భవంతినిఁ గట్టెను యా భవంతిపై
    సింగము వ్యాఘ్రమున్ మరియు సింధురమున్ హవణించె, జీకటిన్
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్

    రిప్లయితొలగించండి
  5. రంగాజీవకుడొక్కడు
    రంగుల చిత్రము లిఖించె రమ్యత తోడన్
    సంగతి నెరుగనిదై తన
    బంగరు మేడన్ బడఁతుక వ్యాఘ్రముఁ గాంచెన్

    పొంగులువారు దీమసము పోహణ కల్గిన చిత్రకారుడే
    చెంగున దూకుచున్న పులి చిత్రము కుడ్యముపై లిఖించి తాఁ
    రంగులు మేళవించి కడు రమ్యముగా నట రూపుదిద్దగా
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్

    రిప్లయితొలగించండి
  6. అంగనలందరు గదలిరి
    చంగున , పట్టణపు వింత జవిగొను కొరకై ,
    ఇంగమనిడు బొమ్మలుగల
    బంగరు మేడన్ బడఁతుక వ్యాఘ్రముఁ గాంచెన్

    రిప్లయితొలగించండి
  7. సింగపురమునందునగల
    బంగారు భవంతిఁ జూడ భామిని జనె నా
    ప్రాంగణ శిల్పములందున
    బంగరు మేడన్ బడఁతుక వ్యాఘ్రముఁ గాంచెన్

    రిప్లయితొలగించండి
  8. అంగనకు జూప నాతడు
    నింగిని చుంబించుచున్న నికయము నందున్
    సింగారించి పతిమ నా
    బంగరు మేడన్ బడఁతుక వ్యాఘ్రముఁ గాంచెన్ృ


    జంగల మందునుండు పలు జన్మిల మూర్తి నలంక రించుచున్
    నింగిని ముద్దులాడువిధి నిష్కపు వర్ణము తోడ భిన్నమౌ
    రంగుల తోడభాసిలెడు ప్రస్త్యమటంచు నెఱంగి తానటన్
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్.

    రిప్లయితొలగించండి
  9. అంగనలెల్లరున్ తలచిరచ్చటి యిండ్లను
    గాంచ గోరుచున్
    చంగున గెంతుచున్ కదలె సాంతము చూచెడి కోర్కనొందుచున్
    ఇంగము నిచ్చు చొప్పికల నింపుగ పేర్చిన నందమైనదౌ
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్

    రిప్లయితొలగించండి
  10. పొంగిన నుత్సా హంబున
    బంగరు సౌ ధము ను జూడ భామిని వెడల న్
    రంగుల తో చిత్రించి న
    బంగరు మేడన్ బడ తుక వ్యాఘ్ర ము గాంచె న్

    రిప్లయితొలగించండి
  11. కం:రంగుల కలలన్ బొందుచు
    శృంగారము లొల్కు గృహము,చిర్నగవుల తో
    నంగజసము బతి గోరుచు
    బంగరు మేడన్ బడఁతుక వ్యాఘ్రముఁ గాంచెన్”

    రిప్లయితొలగించండి
  12. ఉ:బంగరు రంగు తో వెలుగు భవ్యభవంతియె,కాని యున్నదే
    బంగరు బైలు లో,నటకు వచ్చెను వ్యాఘ్ర మరణ్య మందునన్
    మ్రింగుడు లేక, చూడ దగు మిక్కిలి యంద మటంచు నిల్వగా
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్”
    (బంగారు మేడ ఉండదు.అది బంగారం రంగులో ఉంది కనుక బంగరు మేడ అనే పేరు రావచ్చు.)

    రిప్లయితొలగించండి
  13. చెంగున లేడిపిల్ల వలె చిందులు వేయుచు రాకుమార్తె దా
    సంగడికత్తెలన్ గదిసి సంతసమందుచు నాడుచుండగా
    రంగుగ కొందరత్తరి విలక్షణ వేషములన్ ధరింపగా
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్

    రిప్లయితొలగించండి
  14. ఉ:బంగరు జింక,సీత యను పాఠము జెప్పియు దాని తోడ జె
    ప్పంగనె యావు,పెద్దపులి పాఠము వానినె యొప్ప జెప్ప గో
    రంగ తురుష్క బాలకుడు రామకథన్ వినకుంట నిట్లనెన్
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్”
    (బంగారు జింక కథ,ఆవు పెద్దపులి కథ రెంటినీ సరిగా చదవక రెంటినీ కలిపి ,స్వంతం కలిపి ఇలా అప్పజెప్పాడు. చదవక పోయినా రాముడి కథ కాస్తో,కూస్తో విన లేదా? అంటే వాడు తురుస్కబాలకుడు కాబట్టి ఇంట్లో కూడా విన లేదు.)

    రిప్లయితొలగించండి
  15. అంగలు వేయుచుఁ గంపము
    నం గడు వడిఁ బాఱుచుండ నైపుణమున సా
    రంగము వేటాడ నిలిచి
    బంగరు మేడన్బడఁతుక వ్యాఘ్రముఁ గాంచెన్


    బొంగురు వోవ గొంతు కడుఁ బూరుష పుంగవుఁ డొక్కరుండు స
    త్సంగము నందు నడ్డు వడి తా వచియింపఁ దొడంగ నంత వా
    గ్భంగము సైపఁ జాలకను భగ్గున మండఁగఁ గోప వహ్నిలో
    బంగరు మేడ మీఁద నొక భామిని వ్యాఘ్రముఁ గాంచి భీతిలెన్

    రిప్లయితొలగించండి

  16. పిన్నక నాగేశ్వరరావు.
    హైదరాబాద్.

    రంగులతో చిత్రములను
    హంగుగ కుడ్యముల పైన నలదుచు వేయన్
    అంగనలు చూడ వచ్చిరి
    బంగరు మేడన్ బడతుక వ్యాఘ్రముఁగాంచెన్.

    రిప్లయితొలగించండి