ఉ: ద్రావిడు డౌను రావణుడు,రాముడు ద్రావిడ శత్రు,వార్యుడన్ భావము నెత్తి కెక్కి యొక బాలకు డిట్లనె " జాతి జూచినన్ రావణుఁ డాంజనేయునకుఁ బ్రాణసముండగు మిత్రుఁడౌఁ గదా! ఏ విధి నాంజనేయు గమనించక తోకకు నిప్పు వెట్టెనో" (ద్రావిడ వాదం నెత్తి కెక్కిన వాడికి రామాయణం లో న్యాయాన్యాయాల తో కాక ఏ జాతి? అనేది ప్రథానం.పైగా వాడు పిల్ల వాడు.)
లంక ప్రభువు మండోదరి రమణుడైన
రిప్లయితొలగించండిరావణుం ; డాంజనేయుని ప్రాణసఖుఁడు
అంగదుడు , వాలి తారల కాత్మజుండు ,
రామ రావణ రణమున ప్రముఖుడతడు
తేటగీతి
రిప్లయితొలగించండిరావమొలుక గొప్పగ దశగ్రీవుడందె
రావణుండను పేరు, దారను గొనంగ
నన్న సుగ్రీవుఁడా రీతి నరచినట్టి
రావణుం డాంజనేయుని ప్రాణసఖుఁడు!
ఉత్పలమాల
దైవతపమ్మునన్ జెలఁగ ద్ర్యక్ష గిరీంద్రము క్రింద గాయమై
రావము రేగ రోదనను రావణుడంద్రు దశాస్యు నట్లె సు
గ్రీవుఁడు సైతమున్ బొగలె! కీడొనరన్ సతినొందవాలి. ,యా
రావణుఁ డాంజనేయునకుఁ బ్రాణసముండగు మిత్రుఁడౌఁ గదా!
రిప్లయితొలగించండిజనక సుతను బంధించిన దనుజు డెవ్వ?
డంజని యెవరి తల్లియొ? యార్కి యనగ
దాశరథియే విధమ్మున దలచె తెలుపు
రావణుం , డాంజనేయుని , ప్రాణసఖుఁడు
పావనినే దురాత్మకుడు బంధిని సేసెనొ తెల్పుమంటి? నా
పావని పేరెవండకొ? యుపగ్రహమేమి విభీషణుం డటన్
దావిషతీరమందుగల దక్షుడు రాముని జేర నేమయెన్?
రావణుఁ , డాంజనేయునకుఁ, బ్రాణసముండగు మిత్రుఁడౌఁ గదా!
వీధి నాటకమునుజూపి విశదపరచె
రిప్లయితొలగించండిపాత్రధారుల నడుమ సంబంధములను
'సీత జనకుని భార్యకు చెల్లెలగును
రావణుం డాంజనేయుని ప్రాణసఖుఁడు'
జీవితమౌను ధన్యమని చెప్పుచు చూపిన నాటకంబులో
రావణుఁ డాంజనేయునకుఁ బ్రాణసముండగు మిత్రుఁడౌఁ గదా
కావలికాచు లంకిణికి కైకయగున్ గద తోడిచూలు మై
రావణ పుత్రుడే పరశు రాముని తండ్రిగ చూడగల్గితిన్
తే॥ క్రమముగఁ బురాణ సంవిత్తు కరగి పోవు
రిప్లయితొలగించండిచుండ జనులయందు పలుకఁ జోద్యమగునె
విజ్ఞతఁ బడయని జనులె తజ్ఞులగుచు
రావణుం డాజనేయుని ప్రాణసఖుఁడు
ఉ॥ పూవుల సౌరభమ్ము తగు పొందిక నొందుచు నుండినంతనే
తావికి పారవశ్యమగుఁ దప్పుగ వాసన లేని పూవులున్
జేవకు జ్ఞానశూన్యులును శ్రేయముఁ బొందఁగఁ బల్క చోద్యమే!
రావణుఁ డాంజనేయునకు బ్రాణసముండగు మిత్రుఁడౌఁగదా!
శ్రీ కంది శంకరయ్య గారు సూచించిన దోషములు సవరించిన పిదప
నాటకము నందు శత్రువై నటన జేసె
రిప్లయితొలగించండిమంచి మిత్రుడై మెలిగుచు మరులు జూపు
నెంచి చూడగా తెలియు వా రి ష్ట సఖులు
రావణు డాంజ నేయుని ప్రాణ స ఖు డు
తే.గీ:ఎవడొ రాయబారమునకు నిటకు వచ్చె?
రిప్లయితొలగించండినంచు చులకన జేసి ప్రశ్నించినంత
రావణుం "డాంజనేయుని ప్రాణసఖుఁడు,
వాలి పుత్రుడే" యని మంత్రి వరుడు తెలిపె
ఉ: ద్రావిడు డౌను రావణుడు,రాముడు ద్రావిడ శత్రు,వార్యుడన్
రిప్లయితొలగించండిభావము నెత్తి కెక్కి యొక బాలకు డిట్లనె " జాతి జూచినన్
రావణుఁ డాంజనేయునకుఁ బ్రాణసముండగు మిత్రుఁడౌఁ గదా!
ఏ విధి నాంజనేయు గమనించక తోకకు నిప్పు వెట్టెనో"
(ద్రావిడ వాదం నెత్తి కెక్కిన వాడికి రామాయణం లో న్యాయాన్యాయాల తో కాక ఏ జాతి? అనేది ప్రథానం.పైగా వాడు పిల్ల వాడు.)
అండ కోరి నిండు మదిఁ గోదండ రామ
రిప్లయితొలగించండిచంద్రు దండ సేరిన యట్టి శస్త్ర కోవి
దుండు రక్కసుండు విభీషణుండు వీత
రావణుం డాంజనేయుని ప్రాణసఖుఁడు
పావని సీత రాఘవుని పంచకుఁ బంపి సగౌరవమ్ముగాఁ
బావనుఁ డై చరింపఁ దలపడ్డ నిశాచర రాజు తత్సభం
బావని తోఁక కాల్చుటకుఁ బాల్పడ కాతని మాట విన్నచో
రావణుఁ డాంజనేయునకుఁ బ్రాణ సముండగు మిత్రుఁడౌఁ గదా
రిప్లయితొలగించండిపిన్నక నాగేశ్వరరావు.
హైదరాబాద్.
సీత నెవ్వరు లంకను చెఱను పెట్టె?
రాయబారిగ నెవరిని రాముడంపె?
హనుమ యేమగు రామచంద్రునికి నరయ?
రావణుం; డాంజనేయుని; ప్రాణసఖుడు.
దశశిరుం డన నెవ్వరు ధరణి యందు
రిప్లయితొలగించండిరాయబారిగా నెవరిని రాముడంపె
కష్టసుఖము లందాసరాగ నిలబడును
రావణుం డాంజనేయుని ప్రాణసఖుడు